وش دخلكم

[المتمرده]

ابسالكم ليش هالحين البنت اذا تأخرت بالزواج يبدون الناس بس يسألون ما خطيت البنت الى هالحين يعني يهمهم امرها او بس حب أشرف ولقافه الموضوع هذا مقلقني

[Šiļểηţ ● «]

خوذيها مني .. شرافهـ و حب إستطلاع لا أكثر

و كأن الدنيا وقفت عليها لين تتزوج

:)

[فديكا التميمي]

شرافه يااحبيلتس بس يبلشون عنده لمين تعرس لا اعرست يبلشون احملت والا لا
لا حملت ابلشوا وراه ابطت بالنفاس لايصير بينهم شي لا طلعت هاه مهنا اخو ثاني للي عندتس
ومن هالسوالف يعني حطي بإذن طين وإذن عجين وطنشي........

["غرك غلاك"]

شرافه يااحبيلتس بس يبلشون عنده لمين تعرس لا اعرست يبلشون احملت والا لا
لا حملت ابلشوا وراه ابطت بالنفاس لايصير بينهم شي لا طلعت هاه مهنا اخو ثاني للي عندتس
ومن هالسوالف يعني حطي بإذن طين وإذن عجين وطنشي........
رد جميل وبالمقص العلوي
http://buraydh.com/forum/images/icons/icon7.gif


يدعون أنهم يحبون مصلحتها بهالسؤال البايخ

[باسل سديم]

اعتقد كان الأمر حساس في الماضي

أما الآن فعادي جدا والناس مختلفين بحسب نياتهم ولكن الأهم من كانت نيته سليمة
فبدل من أن يتكلم في بنات الناس أن يكون سبب أو همزة وصل بين البنت وبين فتى أحلامها
فيكون إيجابي بهذه الطريقة لا أن يكون مجرد شرافة وتشمت

مع العلم أن التأخر بالزواج موب عيب إذا كان مجرد نصيب

لأن العيب أن يرمي الإنسان بنته او أخته على حييا الله شخص من أجل أن لايقال تأخرت بنتهم

والله يكتب الخير للجميع

[مــــــــــلآكــ]

ملاقيف ومقاريد

[لبيه]

نص المجتمع منصب نفسه ينتبه للنص الثاني

[تربوي28]

نص المجتمع منصب نفسه ينتبه للنص الثاني
النتيجة ريال

هذا شأن نسائي بحت
قد تكون الغيرة أو الحسد أو الفضول
ويكثر الحديث في هذا إذا رفضت الفتاة أكثر من عريس

[سحايب نجد]

هالمجتمع اذا مادستيهم داسوك

[لبيه]

هذا شأن نسائي بحت



بل انه جزء من الفكر الوصائي للمجتع لكن بتصميم عجائزي كراثي الهوى

[عاشق الكلمة]

ليست البنات فقط
حتى الشباب أشغلوهم إذا تأخروا بالزواج ، تلقا أبو جيرانكم يسألك وزملاء الوالد وعجوز تقربلك من بعيد وغيرهم يشغلونك إشغال ..
الفارق بين الشاب والفتاة
إن الفتاة يبدون الناس يسألون عن زوجها من بدري شوي ـ في بدايات العشرين ـ

باختصار
الناس مهب تاركينك أبد
يدورون النقص فيك ويسألونك عنه ..

يعني
تخرجت من الجامعة وإلا لا ؟؟
وإذا تخرجت
تعينت وإلا لا ؟؟
وإذا تعينت
متى الزواج ؟؟
ثم بعد الزواج متى الولد .... وهكذا ....

المهم
ماكو فكة ..

[عـــــســـــولــي]

نفس مشكلتي .
عندي أخو مطوع وأشغلنا يبي يعرس وهو أصغر مني وزوجناه .
ويوم تزوج صرت أنا سالفة لهم .
اللي يقول ليش زوجوا الصغير وخلوا الكبير . اكيد إن الكبير فيه بلى .
وسمعت كلام كثير . بس لقيت أحسن حل (إسحبي عليهم السيفون)

[مشروع فيلسوفة]

...

تصدقين عاد انهم حاسدين اللي ما تزوجت على راحة البال ..
وبيقعدون يسألون لين تدخل الزنزانه الذهبيه وقتها بيرتاحون انهم صارو في السجن سوى ..

...

[هلاوين]

انا شخصيا اسال عن بعض البنات والله انه من باب الرحمة والعطف عليهن


واذا سمعت بواحدة تزوجة والله انه كانه للي الزواج مع انهن بعيدات عني .


شكرا لك المتورررررررردة

[ماهي من البشر]

ابسالكم ليش هالحين البنت اذا تأخرت بالزواج يبدون الناس بس يسألون ما خطيت البنت الى هالحين يعني يهمهم امرها او بس حب أشرف ولقافه الموضوع هذا مقلقني

لا والله لا حب ولا يهمهم امره بس يرحمونه لإنهم يعرفون إن الأنثى تبي الذكر
فالما تتأخر . يقولون وش الأمر القوي اللي يأخره عن الزواج ويستغربون؟
بس كذاء

[سموه بديني]

ليس كل من سأل يبتغي الشرافه
البعض يسأل لأنه يتمنى لك الخير
نعم احيانا يستنكر طريقة السؤال لا السؤال نفسه

الله يوفقنا واياكم

[شموع تحت المطر]

اصلا قاعدتن على روسهم هالبنت...
بكل شي يبلشووون.. اذا اعرست قالوا وراه ماحملت واذا جابت بزر قالوا عجله على البزران واذا تأخرت ماجابت بيبي ثاني قالوا ورااااااااااااهـ ابطت واذا جابت وراء بعض قالوا تسررد بزران وش عجلتن عليه..!!!!!!!
ومايرتاحون الا اذا مااااااااااااااااااااااااااااااااااااااااااااااااا ااااتت الحرمه ..ويمكن يقولون كانت فلانه تسوي او تقول تسذا..
أحسن شي تقووووووووووووووووووووووولين الخــــــــــــــــــــــــــــــــــــــلاء بس :)