دوحي ولولي 00 وش اللي صار بعد شهر العسل 00؟؟

[مدير خبرة]

دحيم مثل ما ابوه يناديه.. ودحومي مثل ماتحب امه تدلعه.. ودوحي مثل مابدت تدلعه ام مقبل.. ومقبل هذا كناية عن ولده اللي سيولد بعد عمر ان شاء الله.. ان كتب بينهم الود والحب.. لان دحيم من عرفناه وهو رافض يختار له كنيه يعني ابو عماد او انس او هاني.. لانه يقول اخاف اختار الحين اسم ولدي تجي امه بعدين ومايجوز له وعشان كذا اخذ السالفة من قاصرها وقال خله بعدين.. وخلنا على دحيم ..

دحيم ولد حبوب وذرب ولطيف المعشر .. انيق المظهر.. ومايماشي الشباب الدشر.. ومايحب اكل الحبحر.. واكثر مايضايقه بالصيف الكفر اذا بنشر..
كنا عنده سحر جاذب للبنات.. وكثير ماتعرض بالاسواق لمواقف استنهاضية من البنات.. ومع انه مو قليل شر.. وبه حقه.. لان حنا يالرجال نتوب عن كل شي الا البنات.. ومثل ماقال شايب متقاعد.. اذا قالك واحد ان البنات ماتهمه.. قله (تسذب وتعقب) وان لزم فتراه مهب رجال..
ودحيم .. سبحان الله.. حتى بنات المنتديات يتهاوشن عليه.. على انه ماهناك الزود.. واذكر ذيك الايام بذاك المنتدى.. كان يشتكي من الرسايل الناعمة اللي تجيه.. وارسال ايملاتهن.. عاد يشتكي هذي نوع بهاراتي.. يعني هو مهب يشتكي يشتكي.. بس مايحب يتواصل مع اي وحده.. لانه كان يبي وحدات معينات

ترا كل الكلام اللي فات وتوي مادخلت بالسالفة..
مالكم بالطويلة .. اول ماتزوج ابومقبل .. سوا لزوجته جو رومانسي ماحصلش وطبعا استفاد من علاقاته مع البنات وكيف يتعامل معه.. وعشانه ذهين وذيب.. كان شرطه بزوجته انه ماتعرف وشو الكمبيوتر فضلا انه تدخل نت.. يقول وش يضمن لي ..؟
اول الزواج قرر يقضيه شهر عسل .. هو مهب شهر شهر... يعني شهر مقسم على ثلاثة .. يعني عشرة ايام.. يومين طريق.. صارن ثمانية.. بس يقول فليته ززززززين وكان فرصة اني اتعرف على لولي مثل مايدلعها ردا على تدليعها دوحي ..

المشكلة بدت اول مارجع من شهر العسل.. ومو مشكلة مشكلة.. بس تقدرون تقولون اختبار حسن النوايا .. وصدق السرايا..
واللي صار مالكم بالطويلة ..
ان لولي وهي تدليع لـ(لولوة) جت يوم من الايام وزوجها دوحي قاعد عند الجهاز وفاتح النت.. وعلى باله ان البنية دابة سليمة.. مثل ماشرط.. وعشان كذا اخذ راحته.. بالنت.. بس ماكان يدش دردشة ماسن بوجودها مع ان شلة البنات والبنين عاجين بالماسن.. وماحذف احد قبل الزواج... يقول وش يضمن لي استمر

المهم يوم من الايام.. دخلت عليه لولي .. وفي جو رومانسي شاااااعري .. وكانوا بغرفة النوم.. ومطفين الانوار.. الا لمبة حمرا صغيرة.. وما ازود بالوصف لاحتمال وجود مراهقين بيننا..
الا وبدت لولي تسولف وباين ان عندها شي.. وسواليف من نمونة (انت تحبني..وتموت فيني) ومن نمونة (اكيد كلنا واحد.. واللي لك لي واللي لي لك..) و ان (مابيننا اسرار وحنا لازم نصير كتاب مفتوح..) وهلم جرا.... من هالحتسي.. واثاري بنية الحلال تحوووووم حول شيء ما..
توقعوا وشو....؟؟؟

جت بنت الاجاويد قالت: اماك تقول ان الثقة مهمة بين الزوجين.. وضرورية ولازم نقويها ..
قالها دوحي متحمس على باله انها بتعترف له بشي خطيرررر... صححححححح لازم ما احد يخبي على الثاني شي..

قالت له.. اجل يابعد طوايفي واهلي وكل الناس.. عطني الرقم السري حق ايميلك بدخل واقرا الرسايل.. وعشان تظهر انها واثقة فيه.. قالت ترا مو قصدي شي.. بس عشان ماعندي ايميل ودي استفيد من ايميلك..؟؟

يااااااااااااااااااااااوك.....
يااااااهي صدددددمة ماحسب حسابه دحومي..
طيب وسارونه.. ولميس.. ونونه.. وهيوفه...وووووووو وشله الانس المرتزة بالمسن.. ؟؟

خلوا انفسكم مكان دحومي.. وتخيلوا الموقف..
انا قلت له لوني بمكانك.. كان مت عطش.. من يسبة اللسان..

بس دحومي كان له تصرف ثاني
وعشاني اكتب لايف.. وجاني شغل الحين.. ولازم اطلع
فاخلي ردة فعل دحومي لتعليق قادم....
بعد ما اقرا ردودكم....

[بسومة بريده]

وعشاني اكتب لايف.. وجاني شغل الحين.. ولازم اطلع
فاخلي ردة فعل دحومي لتعليق قادم....
بعد ما اقرا ردودكم....

تحمست بنتظر ردة الفعل ....

[مدرعمهـ]

ياقليبي يالولي على نياته ماتدري وش وراه
دحيم قلعته هالداشر طاح بشر اعماله
يلا نتتظر كيف رقعه

[SAGA]

سهله مايبيلها شي
يقولها حبيبتي أنا حافظ الرقم السري بملف بالجهاز بكرا أوريك إياه
ويضيعها هالليله خصوصا بهالأجواء اللي ذكرتها يسهل عليه التضييع
ولا أصبح يسوي له إيميل ثاني ويضيف إمام المسجد خخخخ أو أي أحد عاقل
ويعطيها رقمه والأول يقولها أنه لشغله ..والحرمه سهله يقدر الرجال ينصب عليها
وأنا أنصح كل بنت تعرف لبرامج الإتصال قبل ماتتزوج حتى ماتصير مثل لولي
أنا الحمدالله قسمي حاسب يعني ابن أمه اللي يفكر تفكير دوحي ويجي يخطبني ككككك
متابعه للقصه أي شي ولي عودة

["غرك غلاك"]

اتصور عطاها ايميل صديقة عبيّد بالاستراحة اللي ماله بالغزل





http://buraydh.com/forum/images/icons/icon10.gif

[دِيم]

.
.


أممممممممممممم !!

الله يستر على المسلمين :

يتحجج بأي حجه (ايميله تهكر مثلاً :)) والرجال عادةً يبرعون في تمثيل هذه الأدوار

,

على العموم لايوجد الآن بنات وشباب مغمضين الكل فتح وحتى من تدعي لزوجها بأنها دابة سليمة هي في الحقيقة مُظلله له وتريد أن تحوز على رضى ذلك الأهبل :)

.
.
بانتظار ردة فعل دوحي :)

[.َ أخ ـتلفـناّ !]

حتى بنات المنتديات يتهاوشن عليه!!!!!!!


اوما عاد يتهاوشن ههههههههه

صووووح الكذب

[يكفيني حنانك]

من اولها يادوحي!!!
من اولها يا عريس!!!
الله يعين الحريم،،
مستانسات مع رجالهن ،،
يحسبنهن،،الوحيدات المتربعات
على عرش قلوبهم،،
مادرن بالبلاوي المتلتله،،
وانهن مجرد زوجات عازه،،

[تـولين]

شكلك يالكاتب الأخ التوأم لـ to be

[مدير خبرة]

تحمست بنتظر ردة الفعل ....


هلا بك بسومة
جايك بالسالفة

[مدير خبرة]

ياقليبي يالولي على نياته ماتدري وش وراه
دحيم قلعته هالداشر طاح بشر اعماله
يلا نتتظر كيف رقعه


ياما تحت السواهي دواهي
وبعض البنات براااءة من الظاهر
بس من الداخل
اللهم يااااكفي

[مدير خبرة]

سهله مايبيلها شي
يقولها حبيبتي أنا حافظ الرقم السري بملف بالجهاز بكرا أوريك إياه
ويضيعها هالليله خصوصا بهالأجواء اللي ذكرتها يسهل عليه التضييع
ولا أصبح يسوي له إيميل ثاني ويضيف إمام المسجد خخخخ أو أي أحد عاقل
ويعطيها رقمه والأول يقولها أنه لشغله ..والحرمه سهله يقدر الرجال ينصب عليها
وأنا أنصح كل بنت تعرف لبرامج الإتصال قبل ماتتزوج حتى ماتصير مثل لولي
أنا الحمدالله قسمي حاسب يعني ابن أمه اللي يفكر تفكير دوحي ويجي يخطبني ككككك
متابعه للقصه أي شي ولي عودة


والله ذهينه ياسجى
والله يستر على اللي بتصرفينه يوم من الايام

بس ترا بعض الرجال
حتى لو تخصصك بيل جيتس براسه
يقدر يدودهك بالكومبيوتر
وماتقدرين تدرين وش يسوي ووش يزين...

[مدير خبرة]

اتصور عطاها ايميل صديقة عبيّد بالاستراحة اللي ماله بالغزل





http://buraydh.com/forum/images/icons/icon10.gif



برضه تخمين يمكن يكون صحيح
اخوي غرك غلاك
بس مثل ماقالوا السوريين
ماحزرت

تجيك السالفة وانا اخوك

[مدير خبرة]

.
.


أممممممممممممم !!

الله يستر على المسلمين :

يتحجج بأي حجه (ايميله تهكر مثلاً :)) والرجال عادةً يبرعون في تمثيل هذه الأدوار

,

على العموم لايوجد الآن بنات وشباب مغمضين الكل فتح وحتى من تدعي لزوجها بأنها دابة سليمة هي في الحقيقة مُظلله له وتريد أن تحوز على رضى ذلك الأهبل :)

.
.
بانتظار ردة فعل دوحي :)


حرام عليك انسانية
الا فيه مغمضين ومغمضااااات
وش كثرهم
وياما تصير اشياء والغافلين ياحووول رايحين فيها

وبتجيك ردة الفعل الدوحية

[مدير خبرة]

حتى بنات المنتديات يتهاوشن عليه!!!!!!!


اوما عاد يتهاوشن ههههههههه

صووووح الكذب

هلا والله باللهيب
اقطع ايدي انك ميت ودك تعرف الخلطة السرية حقت دوحي
بس ماني قايل لك

وترا الحب من الله
ولاتتضايق ولاتهتم
هالامور منح من الله
مالها علاقة بالرغبة والحرص

[مدير خبرة]

من اولها يادوحي!!!
من اولها يا عريس!!!
الله يعين الحريم،،
مستانسات مع رجالهن ،،
يحسبنهن،،الوحيدات المتربعات
على عرش قلوبهم،،
مادرن بالبلاوي المتلتله،،
وانهن مجرد زوجات عازه،،




هلا بكيفي
بس ترا مافيه نار من غير دخان
ومايمكن الرجل تزوغ عينه هنا وهناك
من دون سبب

يعني الرجال اللي يلعب بذيله
لازم وحتما
تكون زوجته مهيتته وماجبت خبره

وطبيعي يشوف نفسه منا ولا مناك

يعني باختصار
الرجال ياحوووووول
مظلووووووومين

[مدير خبرة]

شكلك يالكاتب الأخ التوأم لـ to be

هلا بتولين
بس ماادري مذكرا او مؤنثا

بس ترا بعض الظن اثم
وظنك هذا
اجزم انه الاثم كله
لاني مانيب توبي ولا غيره

وكلامك حمسني اطالع مواضيعه
واشوف العلامات الفارقة والمشتركة بيننا

[لمعةالألماس]

نقول لدوحي..


,,,, إذا لمـ تستح فاصنع ماشئت ,,,,

>>
عَنْ عَبْدِ اللَّهِ بْنِ عُمَرَ، اَنَّ رَسُولَ اللَّهِ صلى الله عليه وسلم


(مَرَّ عَلَى رَجُلٍ وَهُوَ يَعِظُ اَخَاهُ فِي الْحَيَاءِ فَقَالَ رَسُولُ اللَّهِ صلى الله عليه وسلم ‏


‏ دَعْهُ فَإِنَّ الْحَيَاءَ مِنَ الإِيمَانِ)



قـــــــــــال الشاعر:

ورُبَّ مذمة ماحال بيني *** وبينها إلا الحيـــــــــــــــاءُ


فكان هو الدواء لها ولكن ***اذا ذهب الحياء فلا دواءُ



اذا لم تصن عٍرضاً ولم تخش خالقاً ***وتستحي مخلوقاً فاصنع ما تشاء

>>>http://www.buraydh.com/forum/images/icons/icon9.gifhttp://www.buraydh.com/forum/images/icons/icon9.gifhttp://www.buraydh.com/forum/images/icons/icon9.gif<<<

شكرا لكـ..

[مدير خبرة]

والله اني خايف ان تتحول سالفة دحومي ولولي الى مسلسل مكسيكي.. بس لازم ساعتها نغير اسم دحومي الى دحمونتياوا ولولي الى اسم لوليتانا عشان تمشي مع المسلسلات المكسيكية..
وطارين لي ان ازود الرومانسية شوي في السالفة.. عشان اذا فكرنا نحولها مسلسل تركي نلقى شي لمهند ويحي ونور ولميس يهكون به على البنيات اللي ماغير مصدقات اعمارهن وهن يشوفن هالحب والحبيب..
بس اني محتار وش اختار اسم لدحومي ولولي.. ؟ لان اسامي الاتراك حلوه.. ورومانسية.. يعني نقول دحند.. ينفع.. ولوليس.. فيها شبه من مهند ولميس..

طيب .. طيب
داري اني ابعدت عن الموضوع .. بس وش اسوي هذا طبعي
الشباب يقولون لي لاعمرك تسولف علينا ابد.. لاننا مانفهم وش ودك تقول.. ماغير تدخل بنا لسالفة وتطلع بنا لسالفة ثانية.. وبالاخير ما نستفيد شيء.. ماغير تصج آذاننا وتدوخ روسنا..

المهم شكلكم متحمسين تبون تدرون وش سوى دحومي ..
وعلى فكرة ترى دحومي مهب هين.. وذهين قوة.. وماتمشي عليه هالحركات.. وحنا يوم بمتوسط كنا نسميه أرخميدس خب العوشزية.. لانه ماشاء الله عليه كل مانسبح ببركة والا مسبح تجيه فكرررة خطيرة.. وجهنمية..
اذكر ذاك اليوم كنا نسبح ببركة استراحة واحد من الشباب .. وكان الوقت مسيان.. فجأة لاحظت دحومي يناظر فوق.. وسااااهم... ويوم ركزت فيه.. لقيته يتأمل القمر.. رغم انه كان هلال وبأول الشهر.. بس حسيته منسجم... قلت أكيد بنطلع بقصيدة ألحين.. وبدر عبدالمحسن بيطيح سوقه.. وماراح يلقى احد يسمع له.. وبعد ماطول.. فاجأته وقلت (أحلى يابو الرومانسيات.. هاه كم بيت وصلت..؟) قال وش ابياته أنت ووجهك.. أنا قاعد أتأمل القمر وأفكر باختراع يفيد البشرية.. ووقتها تذكرت اننا في البركة وان حالات الوحي العلمي مايجي دحومي الا بالماء.. حتى انه كان يحب يذاكر بالبركة.. ويوم هو بزر كان يحط بحوش بيتهم طشت ويملاه ماء.. ويقعد يذاكر فيه.. طبعا هالهرج قبل ظهور البانيو.. المهم تدرون وش طلع دحومي يفكر فيه..؟ يقول هالحين وكالة ناسا متعبين ارواحهم طالعين نازلين للقمر.. ومكلفين ارواحهم مركبات وصواريخ والصاروخ الواحد يكلفهم 25 مليون دولار.. وانا عندي لهم حل مايخليهم يخسرون الا أقل من 1000 ريال.. وبالكثير الكثير.. خمسة ألاف..!!
ولاني متعود على سوالف دحومي وافكاره الجهنمية.. قلت هات وش تفكر فيه..؟
قال هالحين ليس مايستغلون اول الشهر واخره اذا صار القمر هلال وعلى شكل قوس.. ويربطون فيه حبل قووووي ومتين.. وينزلونه للارض.. وثمن يربطون بالحبل عربة حقت التلفريك.. ويطلعون اكثر من مرة.. ويمكن يغطون تكاليف الصاروخ من رحلات الناس للقمر.. هي صراحة فكرة جهنمية.. بس مشكلتنا اننا ماكنا نعرف رقم ناسا عشان نوصل لهم الفكرة..


طيب .. تبون السالفة
دحومي يوم قالت له لولي ذاك الكلام.. خاصة انها قالته برومانسية ودلال.. وهو ضعيف قدام اغراء الانثى.. وأي انثى اذا صارت مثل لولي.. صح اني ماشفته بس دحومي يقول انها اجمل من جنيفر انستون.. وعيونها اواسع من عيون سميرة توفيق.. وخصرها أطلق من خصر سمية الخشاب.. وبياضها ابيض من لميس شووي..
عاد من الأصل أنا ماصدقته.. لاني متأكد ان مافيه أمل يصير من بناتنا بهالمواصفات أبد..

دحومي على طوووول طقها ذيك الضحكة.. كههههه كهههه.. وعلى طول مسك ايديها.. وضمها لصدره.. ثمن رفعها لفمه وقبلها.... وأخذ زفرررررة عميقة.. وتنهيده سااااخنة.. وقال (بسسسسسسس.... تامرين أمر.. انا كلي لك.. أصلا من عندي غير لولي الدلولي..؟) ويوم جاء يقوم.. مسكته لولي برقه.. وقالت ( مو الحين.... ) وطبعا ما اقدر اكمل المشهد.. عشان الرقابة ماتلقى علينا شيء ومراعاة لمشاعر المراهقين .........

بس هو صار من بكره الظهر... وبعد مادخل دحومي ومعه لبن المراعي.. وفصخ شماغه.. وحطهن فوق الكنبة.. لقى لولي قاعدة على الكنبة.. ورجليها تحتها.. وقاعدة تشوف مسلسل اجنبي.. ومنسجمة معاه على الاخر.. عاد دحومي من خبرته يعرف ان اكثر البنات ثقافتهن أفلام اجنبية.. وتالي طالعات علينا بالمسلسلات الكورية واليابانية.. المهم دخل يغير ثوبه.. ويوم طلع للصالة لقى لولي قاعده عند الكومبيوتر.. وطاقه ذيك الابتسامه الجنان.. قالت له (تعال هنا حبيبي..) وعرف انها ناويه له على نية.. بس قال انا دحومي والأجر على الله..
وطبعا ماكان فيه الا كرسي واحد عند الكومبيوتر .. فقامت لولي تبي دحومي يجلس.. وجلست هي في حضنه.. قالت له (يالله....!!) سوا فيها عبيط.. ورد عليها (يالله وشو...؟؟) قالت (اماك قلت بتخليني اشوف ايميلك..) قال (آآآآآه... صح.. نسيت..) وأمير يشغل الموديم.. ولولي قاعده في حجره تناظر وتتأمل... وطبعا مراعاة للمراهقين نتجاوز عن الرومانسيات اللي يمكن تصير

طقطق له بكم حرف.. وقال احفظي هذا ايميلي.. ثمن قال حطي رقم جوالي بمكان كلمة المرور.. واضغطي تسجيل الدخول.. وانتظري لين يفتح الماسن.. وماغير دقايق الا ويفتح الماسن... واثر مافيه الا ثلاثة نكات.. قالت ببراءة (منهم ذولا..؟) قال (أبد .. ربعي بالاستراحة..) قالت ايه.. ياحليلهم.. وحليل اساميهم... وأميررر تطق ذيك البووووسة على جبين دحومي وقالت له.. (يااااااااحبيلك.. والله أني أمووووت فيك..) وقبل مايتكلم بكلمه.. قالت (ايه .. حبيبي... انا ابي ايميلك ذاااااك... اللي يبدا بـdhl..) وأميررررر يتغيرررر دحومي.. وينشف حلقه.. وكنه ماشرب ماء من سنة..!! وعلى طول.. قال (وشو dhl ذا...؟؟ لايصير داخله شركة بريد سريع وغلطانه..؟ ) وبكل حنيه ورقة.. ورومانسية.. أخذت لولي الماوس وضغطت على المستندات.. وفتحتها.. ثمن فتحت.. (سجل محادثاتي) وبداخلها ذيك الحوارات...اللي كانت رحمة ربي كبيرة لدحومي وفرمت الجهاز قبل الزواج بايام... والا كاااااان راح فيها دهنة...!!!
دحومي اول شيء فكر فيه.. وجاء بباله... قال (وش ذي بنت اللذينا..؟ اثره طلعت ذيبه وأنا ما أدري..) وبعد تفكير قالها.. (الايميل هذا ناسي رقمه السري بس خلي ابحاول فيه .. بس ترااا راسي مصدع.. أبي بيالة شاهي..) قامت وقالت له من عيوني.. وقامت..وأمير يجيك دحومي يدخل بالعميق.. ويهديه تفكيره لخطة جهنمية.. وهي انه يحوس اعدادات الموديم.. عشان مايشتغل.. وبحركة وحدة سواها ابو الشباب... ويوم رجعت لولي بعد اقل من دقيقتين حصلته قاعد يلعن ويسب ويشتم (الله يلعن هالشركة.. يسرقوننا عيني عينك..؟ يخصمون علينا وخدمة زي الزفت..!!) قالت وش السالفة.. على طول رد عليها (النت عطلالالان..!) .. طبعا البنية ماقدرت تقول شي.. قالت ماعليه حبيبي وقت ثاني.. بعد مايصلح...

بعد صلاة العصر... واول ماطلع للمسجد... مارجع للبيت.. وعلى اقرررررب مقهى نت.. وهناك وبظرف خمس طعش دقيقة كان الماسن وش حليله نظيف... إلا من (الصتيمة وأبو عرب والمحترش .. وشلة الضبان أمثالنا..) ورااااحت سارونه.. ولميس.. ونونه.. وهيوفه...وووووووو إلى الحذف...
وقبل مايطلع من المقهى رن جواله.. واثاريها لولي قالت له (وينك..؟) قال بهدوء.. ونفسسسسس عااالي ... (أبد.. جارنا سيارته خربانه ورحت وديته الصناعية.. وهذاني جاااااي....)
وستر الله على دحومي.. وفكه من فضيحة قدام زوجته كادت تهدد حياته باول ايامها


عاد الفايدة
انتم يالرجال المتزوجين خصوصا
وايضا البنات..
هل من الممكن ان تعطي زوجك / زوجتك رقمك السري للماسن والايميل..؟؟؟

وعلى فكرة..
ترا كلللل هالهمق والخرط السابق.. عشان اطرح هالسؤالين...

[مدير خبرة]

نقول لدوحي..


,,,, إذا لمـ تستح فاصنع ماشئت ,,,,

>>
عَنْ عَبْدِ اللَّهِ بْنِ عُمَرَ، اَنَّ رَسُولَ اللَّهِ صلى الله عليه وسلم


(مَرَّ عَلَى رَجُلٍ وَهُوَ يَعِظُ اَخَاهُ فِي الْحَيَاءِ فَقَالَ رَسُولُ اللَّهِ صلى الله عليه وسلم ‏


‏ دَعْهُ فَإِنَّ الْحَيَاءَ مِنَ الإِيمَانِ)



قـــــــــــال الشاعر:

ورُبَّ مذمة ماحال بيني *** وبينها إلا الحيـــــــــــــــاءُ


فكان هو الدواء لها ولكن ***اذا ذهب الحياء فلا دواءُ



اذا لم تصن عٍرضاً ولم تخش خالقاً ***وتستحي مخلوقاً فاصنع ما تشاء

>>>http://www.buraydh.com/forum/images/icons/icon9.gifhttp://www.buraydh.com/forum/images/icons/icon9.gifhttp://www.buraydh.com/forum/images/icons/icon9.gif<<<

شكرا لكـ..




هلا جمره
تدرين يابنت الحلال
شباب .. وفراغ.. وطاقة
وتهيأ لهم هالاختراع العظيم النت
طبيعي بينفسون فيه

ومافيه احد يسوي خطا
وهو مرتاح له ومبسوط

ثانك فور يو
لتذكيرك

والله يهدي الجميع

[بنت الهولندية]

هههههههههههههههههههههههههههههههههههههههههههههههههه هه

تجنن القصة

[عاشق الكلمة]

أنا من قريت
فكرة دوحي حقت الرحلة للقمر ، وتفكيره الجهنمي لوكالة ناسا
وأنا ماخفت عليه عرفت إنه يبي يطلع منها زي الشعرة من العجين ..
ـ خاش جو مع السالفة ، وخايفن على الرجال ـ

[عذبـــــة]

هل من الممكن ان تعطي زوجك / زوجتك رقمك السري للماسن والايميل..؟؟؟


هو ايميله معي وافتحه يوميا لأني انا مسويته له واللي مريحني انه مهب راعي نت ابداااا
لكن هو مايعرف الرقم السري لإيميلي ولا حتى اسمي بأي منتدى
انا أجزم ان من له علاقة قوية بالنت لايمكن أن يُطلع احدا على الباسوورد
حتى لو كانت زوجته أو زوجها وحتى لو كان ليس لديه علاقات مشبوهه
وكلامي هنا بشكل عام لايخص أحداً بعينه
( خيالك واسع جدا وجميل في طرح القصص واااصل )

[مدير خبرة]

هههههههههههههههههههههههههههههههههههههههههههههههههه هه

تجنن القصة

انتي اجنن...

اخجلتم تواضعنا...

ثانك فور يو

[مدير خبرة]

أنا من قريت
فكرة دوحي حقت الرحلة للقمر ، وتفكيره الجهنمي لوكالة ناسا
وأنا ماخفت عليه عرفت إنه يبي يطلع منها زي الشعرة من العجين ..
ـ خاش جو مع السالفة ، وخايفن على الرجال ـ


هلا اخوي عاشق الكلمة

لا.. ولو قلت لك نمونة من اختراعاته وافكاره
كان حللت توماس اديسون عنده

مشكلته انه مالقى البيئة المناسبة
اللي تحتضنه وتنمي مشاريعه

والا كان امريكا والصين في خبر كان

[مدير خبرة]

هو ايميله معي وافتحه يوميا لأني انا مسويته له واللي مريحني انه مهب راعي نت ابداااا
لكن هو مايعرف الرقم السري لإيميلي ولا حتى اسمي بأي منتدى
انا أجزم ان من له علاقة قوية بالنت لايمكن أن يُطلع احدا على الباسوورد
حتى لو كانت زوجته أو زوجها وحتى لو كان ليس لديه علاقات مشبوهه
وكلامي هنا بشكل عام لايخص أحداً بعينه
( خيالك واسع جدا وجميل في طرح القصص واااصل )


يعني أمنتي نفسك وكتفتيه
الا يالذهينه..
شكل دحومي يقرب لك..


والثقة شي طيب بين الازواج
وانا معك ان اعطاء الاخر البيانات خطأ

لان الواحد يمكن يكون عااااادي وطبيعي
بس الاخر يفسر تصرفاته غلط

اذكر مدامتي كثير تناقرنا على ليش تمدح ذيك وتنكت مع ذي
فما بالك لو صارت الامور فيها مسن وخلافه..؟

ومو ضروري الرجل او البنت اذا تعرف على جنس ثاني
يكون هدفه خبيث وسيء
مع ان السوء يمكن ينتشر بعدين

لكن قد يستفيد من الحوار والحديث في معرفة اسرار المراة
خاصة للي ماعندهم ثقافة قبل

صح ان هذا مثل اللعب بالنار
لكن يفيد كثير من المرات

شكرا لانك اول من جاوب على محور الموضوع

[SAGA]

هههههههههههههه موسهل دوحي
موضوع رائع حقيقة
وبالنسبه لسؤال إيه أكيد بعطيه أنا ما أسوي شي غلط
وإذا هو رفض يعطيني إيميله أخترق إيميله وإنتهى الموضوع
بس وأنا أقرأ الموضوع قلت بنفسي ليه الغلب هذا
نسوي طريقه لفك شفرة الرقم السري وإنتهى الموضووع
جااااااااااااااري دراسة الفكرة