آخِرسخافة النَصب "صوره" [الأرشيف]

العنقريه

01-03-10, 12:24 am

بسم الله الرحمن الرحيم

النصب وماادراك مالنصب

نسمع بسيارات نصب ونشاهدها تنصب بكل مكان وذلك من اجل التصوير " الدعدعه"
المهم كل يوم نشوف اختراعات وابتكارات سخيفه للنصب مثل تلميع تحت السياره وصفط مرايا السياره واحيانا يقلع المرايه بس عادي ماقلنا شي

لكن تاصل السخافه ببعضهم بأن ينصب سيارته ولكن بشكل مختلف وهو تنسيم الكفارات

معليش" شباب النصب" فكرة التنسيم ماش فاشله
لاتقولوا وش تبين انتي , اللي ابيه انكم فشلتونا عاد ماتاصل للدرجه تفشيش كفرات بشارع عام الواحد لمر من عند هالمنصوبات يحس انه بورشه

بالله شوفوا هالنصب قولوا لي راعيها وش يحس به

7
7

http://dc11.arabsh.com/i/01209/7w4fn1friyqi.jpg

تقرير وتصوير : العنقريه

d7oooome

01-03-10, 12:28 am

احمدي ربك ياالعنقريه
هذؤلاء مهبل شباب طايشه

الا وراك ماتنصبين سيارت أبوكم وتنسمين كفراتها خخخ

الرحـّـال

01-03-10, 12:31 am

العنقرية

شكله مبنشر

على طاري النصب

ياحظ اللي يشتري سيارة واحدن ينصب سيارته ويقدقه

رجليه و إلا يركب مع خوياه :)

سمو ذات

01-03-10, 12:32 am

.

نفسي اعرف وش يحس فيه اللي ينصب سيارته !!

تفتخر إنك انت اللي صانعها ؟؟
وإلا اجزاء منها من اختراعك ؟؟

لو يخرب فيها ابسط شي وديتها للورشه يشوفون علتها

اتذكر مره وحده صديقاتي تشوف مثل هالحركات تقول هذولا ازواجنا بالمستقبل ؟؟
وبعدها هزت أكتافه وقالت الله يخلف علينا بس بالجنه .. يعني حالتهم ميئوس منها :)
ياحيف ع الرجال من سخف لأسخف
مرض الله يشافيهم منه ..

d7oooome

01-03-10, 12:34 am

العنقريه
قسم لو أقول هذي موضه جديده
يالله خلوا لون السياره ملونه
وانا طبعاً أحط مثل ماقلت
كان يحطونها

يارب لاتبلانا

العالميه

01-03-10, 12:35 am

هلابش يالعنقريه

منتب سهله ..تقرير وتصوير:4_1_107[1

طيب وش الفايده؟؟؟
لا ليتهابعد سياره صاحيه وكشخه آوكي
عادي تكون بالشارع العام !!ابوعزيزخخخخ

شموع تحت المطر

01-03-10, 12:46 am

وأنتي ماشفتي من أمرااااضهم الا هـــذا..!!!!

حرام عليهم هالسيارات <<مع إنهن مثل وجيههم من هلي لربع<<عويراء وزويــراء ههه

أبو الريش

01-03-10, 01:11 am

يكبر بكرى ويعقل ,,,

طيــش شباب مرحله وتعدي ,,

طبيعة الإنسان يمر بعدة مراحل , لكن من يصدف بتخطيها للأفضل يملك الحكمه,,

أســماء

01-03-10, 01:21 am

..........

:)

بسومة بريده

01-03-10, 04:05 pm

انا ودي افهم وش تعني هالحركه وايش الهدف منها....

وغير كذا هي متخصصه بالهيلوكسات بس ولا وش السالفه...!!!؟؟؟

شميساوي

01-03-10, 04:19 pm

طيب ممكن سؤال يـ الأخت : العنقريه ...

أذا كانت هذي الهوايه تعدينها ســـخيفة بنظرك ....

فما هي الهواية اللتي تريدين الشباب يهتمون بهــــا ....؟؟؟؟

جميع الأشياء اللتي من الممكن أن يستفيد منها الشاب ,,,, لا توجد في بريدتنا ....

فلا يجد ألا النصب كما سموها شبابنا ....

وأبشرك بـ الخبر السئ .... لقد تم منع هذه الهواية الخفيفه اللطيفه ...

اللتي لا تأثر على أحد أبداً كائناً من كان ...

لكن من تولى أصدار القرارت ,,, أشخاص شيبان متحجري العقل و التفكير ...

لا يعرفون من التفاهم ألا كلمة (((( لا )))) ....

سامي الخبوب

01-03-10, 04:30 pm

اللهم لا ضرر ولا ضرار

دام الموهبه مافيها مضره خليهم يفلونها اهم شي لا يفحط ولا يكسر سيارته والسرعه بالشوارع

وبعدين هذي مرحله وتعدي اذا منعته منها راح يسيها اذا كبر وبعدين صدق الواحد يشره عليه

تقبلي مروري

هنري

01-03-10, 04:39 pm

الخيآلي

01-03-10, 04:41 pm

ههههههه سخافه مابعدها سخافه
طيب لو يبي يمشي يطلع الماطور وينفخ وحالته حاله
الحمد لله والشكر بس

هنري

01-03-10, 04:41 pm

نجــــديه

01-03-10, 05:03 pm

الفراغ الله يكفينا شره
والمبزره اللي تلعب بالسيارات مادفعو فيهاريال
هو يخرب على كيفه
والأهل يسددون الأقساط

سامي الخبوب

01-03-10, 05:13 pm

سذاجة مع الأسف!!

لا أعلم ...

الشاب يضعها في أبهى حله ثم يعرضها على الناظرين!!

وهو غير موجود بل يتركها :)

وهذا يعني أنه يتوقع أن شكله يسيء لسيارته فيتركها وحيدة ويراهن على السيارة فقط :)

ربما..

والغريب ان الإهتمام بالسيارة يفوق الإهتمام بالنفس!!

لا أعلم لماذا يقوم بهذه الحركة الغبية ...

الحمدلله انني ابتعدت قليلاً

هل تريده ان يصرق ؟
هل تريده ان يفحط ؟
هل تريده ان يكثف الدوران بالشوارع ؟
ياحبيبي شي اهون من شي لاكن لاتصل ان نصف بمثل هذه التصرفات بالسذاجه كلمة سذاجه اكبر من مايفعلونه بسياراتهم

هنري

01-03-10, 05:24 pm

هل تريده ان يصرق ؟
هل تريده ان يفحط ؟
هل تريده ان يكثف الدوران بالشوارع ؟
ياحبيبي شي اهون من شي لاكن لاتصل ان نصف بمثل هذه التصرفات بالسذاجه كلمة سذاجه اكبر من مايفعلونه بسياراتهم

وهل ترى أنها خيارات متاوزنة إما هذه أم الجحيم!!؟؟

الأمر لايعدو كونه سذاجه ولايوجد هناك مايبرر هذا الفعل السخيف والذي لاينفع صاحبه أولاً ولاينفع الناس!!؟

هناك أمور أفضل وأشياء أنفع للشخص والشاب وهو الذي يهمنا هنا

تختلف الموازين وفي ميزاني هي فعل ساذج.

الصرح العالي

01-03-10, 05:32 pm

وأنتي ماشفتي من أمرااااضهم الا هـــذا..!!!!

حرام عليهم هالسيارات <<مع إنهن مثل وجيههم من هلي لربع<<عويراء وزويــراء ههه

لاتغلط على الربع طيب وبعدين السيارات ماله علاقه بالموضوع هم يتكلمون عن حركاتهم السخيفه اوب السيارات يالغالي..

شكراً لك العنقريه لاكن صدق الله يخلف عليهم ان شاء الله اللي هذا تفكيرهم..
وهو صحيح ان كل شي اهون من شي..

ابونورة

01-03-10, 05:54 pm

السلام عليكم ورحمة الله وبركاته ..

لي رأي بهذا الظاهرة وهو أنها هوايه من عرض الهوايات الغريبــة والتي كلما زاد إنكارها ومحاربتها فإنها ستزيد ، مع العلم أن لا ضرر فيها علينا فهي أفضل لنا من أن يقوم هذا الشاب بالتفحيــط أو بالدوران أو بالتسكع في الشوارع مع التهور في القيادة وقطع الإشارات ..!!

تحيتي للجميع هنا ،،

فديكا التميمي

01-03-10, 06:06 pm

لكن من تولى أصدار القرارت ,,, أشخاص شيبان متحجري العقل و التفكير ...

لا يعرفون من التفاهم ألا كلمة (((( لا )))) ....
والله ماندري من اللي متحجر عقله هاللي ينصب والا اللي منعه
غريبه اجل ذذي حركه خفيفه لطيفه امحق خفه ولطف.....

سارق النار

01-03-10, 09:10 pm

http://dc11.arabsh.com/i/01209/7w4fn1friyqi.jpg

تقرير وتصوير : العنقريه

ابسررررررررررررررعه اكتبي اسمك على الصورة واحفظي حقوقك بالتقرير لايتنصب في جريدة الرياض مدري عكاظ وتجي بكرة :36_1_4[1] صورتي :36_1_4[1]تقريري:36_1_4[1] مثل الاسمراني خخخخخخخخخ اني اضحك اضحك.. عموما وخصوصاً وتعليقاً على موضوعك هذي ثقافة متخلفة في المنطقة علاجها الوحيد المرور والقسائم

سارق النار

01-03-10, 09:15 pm

فهي أفضل لنا من أن يقوم هذا الشاب بالتفحيــط أو بالدوران أو بالتسكع في الشوارع مع التهور في القيادة وقطع الإشارات ..!!

،،

يامدير
يعني هو يا يفحط يا يتسكع في الشوارع يا يسوي حركة ادل على الجهل وقلة العقل!! يا اخي هذولي شباب الامة المفروض تفكيرهم وطموحهم يكون اكبر من كذا .. العالم جالسة تخترع صواريخ وتبتكر اجهزة وهذولي نصب ما نصب يارجل!!

" TWIX "

01-03-10, 09:34 pm

http://www.u06p.com/up/upfiles/Bh364822.jpg (http://www.u06p.com/up/)

بالله ممكن أحد بنات المنتدى تأخذ هالشاصي تروح به تنصبه
قدام أقرب كلية بنات ..http://buraydh.com/forum/images/icons/icon10.gif

مباشر

01-03-10, 09:55 pm

اهل العقول عايشين براحه
واكمل عليها يتفرجون على المهابيل

αяşẽņαĺĭ

01-03-10, 10:25 pm

انا اسمي هاذاجهل وعدم استخدام العقل وارجو اشباب يفكرو شوي على الاقل حنا مقلنا لهم اصنعو قمر صناعي وشباب على الهبه ويتخيلون كل من يناظر السيارهيقول ما شاء الله

X 7oor S3od X

02-03-10, 01:14 am

ماتعلبين يالعـنقريه ..
أجل مابقى شي وتصيرين برتقاليه http://www.buraydh.com/forum/images/icons/icon10.gif

أما هالهلي ..
لا ماأتحمل أنا هالحركات والتفكير الجهنمي http://www.buraydh.com/forum/images/icons/icon10.gif

مير هذا اللي جيدين به عـيالنا http://www.buraydh.com/forum/images/icons/icon10.gif
وإلا غيره .. تلقينهم باغات أبو ريالين ماعندك احد http://www.buraydh.com/forum/images/icons/icon10.gif
موب كلهم طبعاً ..

مشاكسة

02-03-10, 01:33 am

ينصب ولا يروح يدخن

عطــرالأمــاكن

02-03-10, 01:36 am

هههههههههههههههههههههههههههههههههههههههههههههههه
والله مبزره

امنيتي ضابط بالمرور والله لاخلي هالورعنه كل واحد ماسك طريقه ولا نصب ولاشئ
السياره للحاجات الخاصه ماهو نصب
يا اني انقهر واستخف باللي يبالغون بتضبيط سياراتهم خاصه لما تكون سياره متواضعه مو غاليه

الله يهديهم وبس .

جبوري

02-03-10, 04:51 am

مع الأسف عيال هالنيدو فرطو من يدين أهلهلهم والله عن جد فشيله قهر راحت التربيه والسنع

وجونا اللي يصفطون شمغهم ومخصرين ثيابهم ومبنشرين سياراتهم الله يعيننا عليهم

بثارة وقلة مرجله ولو تساله ليش قال أنا رجل مالك دخل ياحسافه الشنب كان له شنب

والله يعين أهلهم عليهم

زخريم

02-03-10, 07:51 am

والله آستغرب منك يالعـنقريه مآ إلقيتي عليهم إلآ هذي .!

فيه أشيآإ آحق إنهآإ تطرح ..

ليش مآتنتقدي اللي خلآهم بالحآله هذي .!

وهم ألله يلوم اللي يلومهم شبآب وفرآغ ومآعندهم بديل مع الآسف .

للآسف طآقآت تهدر وشبآب يفني بالفرآغ .

ومدآم إنهم بـ السيآرآت الله يقويهم لآ يتوجهون لـ شي آخطر عليهم .

البلدآن اللي غيرنآ يستغلون شبآبهم لـ صآلح بلدآنهم وعندنآ العكس مع الآسف .

يعآإفيك ربي العنقريه

مشقاص

02-03-10, 08:11 am

قعدت لي شوي اعصر المخيخ وشوه النصب .!!

أحسبه ناس تنصب على ناس وتبنشر كفرات سيراتهم ويجون من بكره ويسرقونها

أثرهم يوقفونها سكبه وتفاخرون بغصن البان .

مثل مزايين الأبل والتيوس !

ماعمري شفت شي زين بالهلكس والربع والواحد لابغي يجخ يجخ بشي زين

http://www.princesscar.com/Img/Img561_Bg.jpg

زي الرزرايز ولا بانوراما ولا لكزيس ولا الحوت .

كل واحد بعقله راضي ...

سفاح الديرة

02-03-10, 01:41 pm

مبزر ولا عنده رجل ببيتهم

ويمكن ابوه ماحلل دراهم الموتر . ترا مهيب بعيده

مشاكسة

03-03-10, 02:26 am

مشقاص وش اسم السيارة هاذي ًً
يقولون قريب الحريم بيسوقن !

جلوي العتيبي

03-03-10, 02:38 am

الهوايات عجائب وغرائب

لذلك أراها جميله في جميع حالاتها وتعبر عن توجهات صاحبها

وبعدين الأمر سهل ماطور هواء وترجع المزيونه لهيبتها :)

العنقريه تصوير جميل جداً لاتصيرين من هواة النصب بس؟

تـولين

03-03-10, 05:26 am

أقول ياكسلي بس

طيب لو رجع متأخر لسيارته والنوم مسلطن عليه

بيجلس يعبي هواء وحاله

أم الفضااااوة بس

مدير خبرة

03-03-10, 10:42 am

تصدقين عاد
هذا اقتراحي لمدير المرور

انهم بدل مايخالفون سيارات النصب
يقومون بفك كفراته

ويبدو ان الفكرة راقت لهم
وبدو بالتنسيم
يجسون النبض !!!

العنقريه

08-03-10, 05:32 am

دحوم : اذا جت سيارتي راح اعلمك وش اسوي

الرحال : ابشر بالواسطه

سمو ذات : والله صادقه للاسف هالاشكال هم عماد الامه الله يخلف

دحوم : --- شكلي افكر افتح ورشه اختراعات وتصبيغات بلعب عالشباب ,,((( فكره

العالميه : هلابش اكثر واكثر شكلتس توتس جايه من الشرقيه

شموع تحت المطر : بهذي صدقتي العويرا والزويرا والمنسمه قصدي والمنكسره

ابو الريش : كلام جميل لكن لايخلون طيشهم بالشارع العام ترى ابضحك عليهم واتمسخر

اسماء : ممنوع التنقيط !

بسومه : الهدف مهازل شباب وهي لاتخص الهايلوكسات فقط

شميساوي : انا لم اقل النصب شين اقول تاصل بالشباب ينسمون كفراتهم هذي قمة المسخره بصراحه تنسيم السياره منظر شين

سامي الخبوب : حياك الله

هنري : الحمدلله انك بعيد عن هالمهازل حفظك الله

الخيالي : شكلي لي يوم بصور واحد وهو قاعد ينفخ ههه

العنقريه

08-03-10, 06:20 am

نجديه : كلام صحيح الفراغ مدمر

سامي : بالله سؤال وش تسمي هالحركه

الصرح العالي : هذاي ادور ربع مسوي حركه غبيه عشان اصوره مع ان الربع الله يستر على صاحبه

ابو نوره : كلام سليم لكن اليوم تنسيم كفرات وبكرا يفكونهن

فديكا : سلمتس الله يافديكاهذي حركه خفيفه ولطيفه بالنسبه لعيال القصيم ,,عرابجه بجد

سارق : حلالهم الصوره ههه

توكس : اعجبنن كفرات هالشاصي ذولي اللي ينصبن ولا بلاش

مباشر : صحيح التفرج بلاش

الذيب : اجل نقول مشاء الله على هالتنسيم

حور : ايه وخري بس تحري علاقات واعلام بعد ههه كله من خيرات باغات ابو ذولاء

مشاكسه : ابشرتس ينصب ويدخن ويشيش

عطر الاماكن : مثل ماقلت سيارات متواضعه وتنصب تفاهه بجد

جبوري : بالفعل كلام صحيح الله

العنقريه

08-03-10, 06:37 am

زخريم : لاتستغرب هذا غيض من فيض لكن تدري شكلك راعي السياره حمق

مشقاص : صح اللي يبي يجخ يجخ بشي زين

سفاح الديره : مهب بعيده

جلوي الشقير : هايلوكس مزيونه !! معين الزين شينه ومنسمه

تولين : كل يوم تنسيم نفخ تنسيم نفخ تنسيم نفخ

اي شي : ربما كل شي جايز

ونة خفية

08-03-10, 08:20 am

قولوا لي راعيها وش يحس به
يبغى تسليط الضوء عليه
وأنتي ما قصرتي صورتي سيارته ونزلتيها المنتدى يعني حققتي إللي يبغاه
والفراغ بوقتنا صار مثلها مثل الرصاصة القاتلة
وشكرا لكِ

البرحيه

08-03-10, 09:05 am

مع اني مو فاهمه شو نصب مانصب
الا ان مبين الموضوع يتعدى على الحريات الشخصيهــ!!

شكرا لك

كلوز

08-03-10, 09:08 am

سيارته

ولكل منهم الحريه بسيارته

سواء بنصبه او بنشره او صدمه

الشباب بهم طاقات

دعهم يخرجونها

Šiļểηţ ● «

09-03-10, 01:25 pm

يا ربي لك الحمد ناس فاضيهـ ,,

قبل اسبوع تقريباً كنا طالعين المهم مرينا من عند شارع ما أدري

وش إيقالهـ :) .. شفت دوريات واقفهـ عند 38 سيارهـ منصوبهـ و هات من هالقسايم

جلست أعدهن و انا مصدومهـ .. و اللهـ ما لقاها غير هالشرطي أحسهم

يتهاوشون على أماكن النصب ع طول دفتر المخالفات يخلص

محظوظ و اللهـ ..

Σ f d

09-03-10, 04:19 pm

-

هههه يقالهـآ حركه ذي .. ! :e5:

رحمته والله .. ! :(

-

ام دريحم

10-03-10, 06:40 am

بالعكس حركه حلوه
ومادام انهم فاضييين مافيها شي
وياليت الواحد يفكر شوي بانجازاته قبل ماينتقد:)

ام حمد وماجد

03-06-10, 05:57 pm

الله يعطيك العافيه

توتي

03-06-10, 06:12 pm

اذا ناقشت احد من الشباب عن النصب

على طول يرد علي ويقارنه بشي شين ..!!

يعني اذا قلت له وش تستفيد من النصب قال ازين من التفحيط ..!!! ولا يقول ازين من الدوران

انا ماسالتك عن ايهم ازين ولا اشين .. واذا بحول النقاش الى هالطريقه ذي
ابسألك ايهم ازين النصب ولا حفظ القرآن .. اعرف ارد عليك بهالطريقه لاتحسبن ابسكت اذا قارنته بالتفحيط

اهداف النصب معروووفه .. لاصطيآط الفرآئس او الشهره فقط لاغير وهم يعرفون قصدي