طريقة جديدة للمغازل والترقيم

[الفارس القصيمي]

السلام عليكم

استغرب انه لهالدرجة صاروا ابناء بريدة مايستحون ويغازلون عيني عينك وياقلب لاتحزن يعني انا اشفت واحد اعرفة مصلح هالطريقة وما كنت متوقع صراحة ان هالشخص ابن الرجال المحترم اللي اعرفه يكون من هالنوع الواطي.

الطريقه الله يسلمكم هي انه يلصق الرقم الخاص بجهازه البلاك بيري الجوال(8ارقام ومن ضمنها حرف او حرفين بالانجليزي)في احدى زجاج السيارة وعلى باله ان الناس جهله مايعرفون وشوله هالرقم.

والمعروف ان كل جهاز بلاك بيري له رقم خاص غير رقم الجوال يقدر يراسل اي جهاز بلاك بيري ثاني من دون استخدام رقم الجوال

واللي ادهى وأمر شفت راعي هوندا 2006 حاط رقم جواله على الزجاج

يعني صرنا مهزله وياقلب لاتحزن

اتمنى من الحكومه اصدار قرار صارم بهالخصوص مثل ما اصدرت قرات للكدش وطيحني مع انه هذي اهون من المغازل العلني.

[ابراهيم المزيني]

لاحول ولاقوة الابالله

[فديكا التميمي]

والله من طريقه وطريقه الله يهديهم بس ...

[انتظرتك]

عفواً لماذا كتبت الموضوع ؟؟


هل هو تسليط ضوء على ظاهرة سيئة

أم لإيجاد الحلول لتلك الظاهرة

أم موضوع استفزازي فقط ....


لهالدرجة صاروا ابناء بريدة مايستحون ويغازلون عيني عينك






فالكل يعلم أن تلك الظاهرة موجودة في كل منطقة

وابناء بريدة بشر مثلهم مثل غيرهم ...




تحيتي ,,,

[الفارس القصيمي]

الاخ انتظرتك

انا طرحت الموضوع لتسليط الضوء على هالظاهرة ولايجاد الحلول ايضا ولتنبيه الناس اللي مايعرفون معنى هالارقام لان فيه أباء يشوفون ابنائهم حاطين الارقام ولا يعرفون ايش معناها

تحياتي لك

[ابو ظروس]

هو ذكي , يبحث عن السذج والأغبياء حتى يلعب عليهم

[SAGA]

ولاحياء ولاحشيمه
أهم شيء يوصلون للي يبغون بأي طريقة
الله يعين بس

[دفاش]

هذا الجهاز ماعرفه لكن الي يبي المغازل يوصل له لو عندكم بذارزايميلك وحط لك صورة مزيون وقضينا

[إيثــــار]

والمشكله ان مايسوي هالحركات الا اللي اشكالهم شينه
يعني حتى لو حط الرقم والعنوان وكل شيء
وربي ماراح يستفيد الا ضحك الناس عليه

الا على طاري بلاك بيري
ماخبرت لي بلاك بيري رقمه مميز ؟:e5:

[Modern]

يااااخي هو مشتري بلاك بيري وحاب يكون علاقات واسعه
الرجال صاحب نكت وسواليف تنبيهات الغاز وبتاع كله
عشان كذا حط البي بي على قزاز سيارته للي حاب يضيفه!
وشرط اكثر من يضيفه شباب زيّه يحبون السواليف والتنكيت
بعدين الحياء ماكان لعيال بريدة ولا مكه
الحياء راجع للتربيه ،
مدري لييييه دايم نظرتنا للأمور من حولنا سوداويه ومنيله بـ 60 نيله http://www.buraydh.com/forum/images/icons/icon6.gif

[تربوي28]

ليتك اتصلت بهذا المجاهر
المشكلة أن الغزل لا يمكن السيطرة عليه
فإذا كانت المصيبة في الدين بعدها تهون أي مصيبة
فقدان الوازع الديني هو المشكلة الحقيقية
فما الذي يجعل الشاب يغازل ؟
وما الذي يجعل الفتاة تستجيب ؟
زواج ولن يكون
حب ولن يدوم
انتهاك للأعراض قنبلة موقوتة معدة للانفجار في أي وقت
خصوصاً ونحن نعيش في حياة مادية بحتة
فقد تحتاج الفتاة مالاً أو تغضب على ذويها
كل ذلك يساعد على الارتماء في أحضان المغزلجي !

[الفارس القصيمي]

ليتك اتصلت بهذا المجاهر
المشكلة أن الغزل لا يمكن السيطرة عليه
فإذا كانت المصيبة في الدين بعدها تهون أي مصيبة
فقدان الوازع الديني هو المشكلة الحقيقية
فما الذي يجعل الشاب يغازل ؟
وما الذي يجعل الفتاة تستجيب ؟
زواج ولن يكون
حب ولن يدوم
انتهاك للأعراض قنبلة موقوتة معدة للانفجار في أي وقت
خصوصاً ونحن نعيش في حياة مادية بحتة
فقد تحتاج الفتاة مالاً أو تغضب على ذويها
كل ذلك يساعد على الارتماء في أحضان المغزلجي !

كلام كبير ....

(لا فض فوك)

اهنيك يا راقي

[بريداويه دلع]

مااقول الا الله يصلحهم ويهديهم حركات مراهقين