ركنـي الهادي

[ابوو فهد]

السلام عليكم ورحمة الله وبركاته
.,.,

لاتفكر في مسائل نتايجها اثام
يكفي ان الوقت ملبسني من الاثم..كوت
آثم.. بس اعرف ويش تاليه الغرام
بين شيخان العقيده وشيخان البشوت
تاليه حب الطرفين ضيعه وانقسام
تنعكس على من يدور لمضناه قوت
السكوت يزين لا صار من حولك كلام
بس ماهو زين لا صار من حولك سكوت

[ابوو فهد]

المشكله ماهيب نفسي وزلات قدمي
وماهيب بحة صوت احبه ولا عاد اسمعه
المشكله لا جات من بين دمي ولحمي
مدري من اخلي ولا ادري من اوقف معي

[ابوو فهد]

ليتني مارحت اقايس قيمتي عند ابدويه
رجعت لي كل عرق حبها والا نهبها
وعلمتني كيف انجح وانتصر وابقى ضحيه
وعلمتني كيف قلبي لو غلبها ما غلبها
وعلمتني يوم صدت عنفوان الاجوديه
ماتلوح للمقفي لو سلبها ما سلبها

[ابوو فهد]

كل شي فيها فيه نبرة جاذبيه
موهبه من فضل ربي واشهد ان الله وهبها
كلها لله بالله فاتنه هالآدميه
عاجبتني من بداية راسها لاسفل كعبها

[ابوو فهد]

ياللي تدق وخافق القلب لك دق
وش فيك تفصل يوم رقمي تدقه!
ياما من اجلك دمع عيني تدفق
واتعبت حالي بالسهر والمشقه
يازين قلبي من عروقه تمزّق
وصدري من هموم الدهر صار رقه
لا تكرر الغلطه ترى هـذي ابحق
والا الرقم ياصـاحبي لا تدقه!!

[ابوو فهد]

إخترت في الدنيا ثلاث
الستر وإنصاف وصلاح
وكرهت في الدنيا ثلاث
لا و لا يمكن و لن
وحبيت في الدنيا ثلاث
الشعر وأمي والصباح
وحلفت ما أخون الثلاث
إنتي و جاري والوطن

[ابوو فهد]

جيتك يابحر جده أبرميبك بقايا هم
بقايا همٍ بصدري تحملها وداويني
جيتك والزمن ظالم ومن ظلمه سقاني سم
قتل أحلامي وعزومي وأختلت موازيني

[ابوو فهد]

بدونك لا خيال ورعد و لا حتى لمحت بروق
وعشب الحب لك هالك تقول ملبسينه بشت
هالك ظامي لوصلك تشقق من ظماه شقوق
متى يمطر لي رجوعك ويحي ميتات النبت

[ابوو فهد]

ماغفت عيني ولا سقت الوصل بعناد
دام روحك في عناقيد الوفا زهـره
لا ولا بعت الأماني والهوى وقّاد
وين ماشمسك ضوت جيتك على الفطره!

[ابوو فهد]

لولا الرجا ماحجوا الحجاج
ولا فكر المسجون بفراجي
والحرب كر وفر واستدراج
والحب حرب(ن) مابها ناجي
الزين يذبح ويالله المخراجي
وصد الحبايب موت(ن) مفاجي

[ابوو فهد]

ياحبيبي..ليتني ماكنت أحبّك
لجل أحبك دبل واسوي سواتي
يعني كل شي حطّه في عقلك..وحاته
إلا بخصوص إني أحبّك..لاتحاتي

[ابوو فهد]

لماذا وإلا ليه وكيف
وإلا شلون عني غاب
وأنا وجودي وجوده
فـ البلد وغيابه..غيابي
أحبه
كثر ماشفت الخيانه
في عيون اصحاب
وأحبه
كثر مـ اعقول الدواهي
تحسب حسابي

[ابوو فهد]

دخيلك لا تعوّد لي..تعبت بكثرة الترحال
أنا وش حاجتي في حبّ ضايع معك تقديره
رح إبعد عنّي بجرحك..أبي باكر أبي آمال
أنا مابي تعوّد لي بجرحٍ معك تفسيره
لابو جرحٍ بقا منك..أنا وش حدّني أحتال
على نفسي واقول إنك حبيبٍ خان تعبيره

[ابوو فهد]

ايه احبك ..قلتها مليون مره
قلتها وقلبي يردد لك صداها
من غلاك الشوق مشعل فيني جمره
لا حشى جمره ولا كل ٍ قواها
هذا خلي اعشقه بخيره وشره
لو يضيق الكون ما ضقت بفضاها
حبها مكّن بقلبي له مقره
واعمت عيوني ما اناظر في سواها

[ابوو فهد]

إن طحت من طولي فأنا طحت من علْ
واقوم انا رغم الألم وارتطامي
طيحة عزيز القوم والله مهي ذل
لاتجزعين من الكسر ياعظامي

[ابوو فهد]

بيني وبينك غربتن كنها الليل
ماعاد يذكرنا مكان التلاقي
أرحل مع النسيان وبرحل مع سهيل
ماعاد في قلبي لك اليوم باقي

[ابوو فهد]

عن اذنك وإن سأل دمّي قل أقفى للضيا من عام
أمانة لا تعلّم عن جنوني لين يلغيني!
وأنا ماشي كذا.. من دون ظلّي مختنق منضام
تذكرتك وقلت أرجع ورا.. يمكن ألاقيني !

[ابوو فهد]

جيتك هواوي صهيل الذنب يسعدني
وأقفيت ما ينتصب في ساعدي ساعد
ساعدني أرجوك أو لله ساعدني
المسألة كلها واحد شطب واحد!

[ابوو فهد]

من حضرتك أفقدك وأفقد جنابك!
من حضرتك ياللي أشوفك ولا شيئ

[ابوو فهد]

ذي راحتيني منزل الدمع لاجْتاح
ياعلنّي ماعدمك ياراحتيني

[ابوو فهد]

سمعتهم لو خفتوا حس الاصوات
فحيح الأفعى صوت مامن مضرّه
ناس ٍ على ظلي تسلّى وتقتات
ياعلهم ينسون طعم المسرّه

[ابوو فهد]

يالله تعال وجدد الحب بوصال !
وانسى زمان ٍ فيه عشنا وشفنا !

[ابوو فهد]

ياشينها لا كنت بـأول شبابك
والوقت ناشب لك تقل بينكم ثار

[ابوو فهد]

اصعب سؤال اواجهه وين ما اروح
به ينبني قصر للاحلام ويطيح
الصدفة اللي ساقت الروح للروح
وش منتهاها بالقلوب المجاريح ؟

[ابوو فهد]

كانك تشوف برجعتي شي ينعاب
يامرحبا بالعيب لى صار طيبي
والله ثم والله ما جيتك عـتاب
راجع عشان عيون كلمة حبيبي

[ابوو فهد]

قلت لك ! ياقلب لاتعشق لأني:
شايف ان الحب ودّه .. يبتليك
اندفعت بعشقك وخيّبت ظني
كل من جالك ! حسبته مات فيك
ماسمعت الصوت ! يوم اني اغنّي
يوم لك ياقلبي و عشرة عليك

[ابوو فهد]

إكذب وإكذب خلك إنسان لعاب
سطر من الحكي المسطر حكايا
قل عشت راسي بالسما وانت بتراب
قل كنت لابس وأنتم اللي عرايا
الكذب في هالوقت رائع وجذاب
والصدق شاحب مثل بعض النوايا
عمر الحكي مايوم ودا ولا جاب
ملحٍ نطشّه لا تبين الخفايا

[ابوو فهد]

عادي لو أنك جيت أو رحت عني
منت بمثل أول ليا رحت أو جيت
لاعاد تطلب شي مني لأني
عطيتك أكبر شي قلبي وصديت

[ابوو فهد]

أحلف وأقول إني مع الوقت بأنساك !
الله يسامحني على حلف كاذب

[ابوو فهد]

طلبتك يا وطن عوّد وبدّد هالحزن فيني
تعب متني من حموله ورحل يا للأسف صبري !
تعال وجدّد أفراحي ورجّع بسمة سنيني
دخيل الله رجّعني لأول ضحكة في عمري !

[ابوو فهد]

كنت فعلاً راعي واجب في الغياب
و حيل وجّبت الحنايا بقسوتك

[ابوو فهد]

النور عندي مركزه في خدودك
مفروض من شافوك؟ سمّوك نوّير
الخير عندي مرتبط في وجودك
يعني ليا من غبت ماعاد به خير

[ابوو فهد]

ياشبيه صويحبي حسبي عليك
كل ماناظرت عينك شفت ذاك
شفت لونه في خدودك والعيون
في سلامك في كلامك في حلاك
ماهقيت إنَّ القمر مثله قمر
لين شفتك ياشبيه أحلى ملاك

[ابوو فهد]

كلمة صباح الخير بغيابك
تشبه صباح الهم والحيره
ياضي عيني مااقصد عتابك
لكن ذبحني الشوق والغيره

[ابوو فهد]

يمه..الغربة وفرقاك ملتمه
دمعة العين هذي .. مالها داعي
يابعد راسي انتي ليه مهتمه ؟
الوجع لي سواة الناي للراعي
آخر أخباري..الذمه هي الذمه
والوصايا هذيك تقدي شراعي
مابه الا السواد يحاود اليمه
ولا به الا البياض اللي ورا أضلاعي

[ابوو فهد]

إية اعرفك واعرف اني من غلاك اجهلك
مرات اضمّك واخاف اني مشبه عليك
مرات اشوفك بنفس الوقت واتخيلك
وانشد كفوفي عن اخر سالفة من يديك

[ابوو فهد]

الله يجازي من خذا قلبي على غره وراح
واستقبلت عوج الضلوع من الهموم السود كوم
شي ٍ هجاد وشي ٍ يباشر خفوقي فالصباح
استغفر الله كنه الحاكم وأنا منه محكوم

[ابوو فهد]

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

[ابوو فهد]

شف غيابك وش يسوي بالصدور وبالمباني
وانت تدري كيف كانت صدمة غيابك شديدة
والله انـك لـو وصلت البيت متأخر ثواني
ماتشوف الا بقايا من حصاه ومن حديده

[ابوو فهد]

غـريبة كل حلم يمر برقادي تزورينه
والاغرب كيف احلم الحلم وارجع واحلمة بعدين
قـبل يومين شـفتك بالمنام وقمت من حينه
ونمت امس ورجع نفس الحلم اللي قبل يومين

[ابوو فهد]

موت فيني واندفن فيك بثياب الحداد
وان حييت اموت لرضاك و احيابك بهون
مرة ارقد بالكفن وانت ترقد بالمهاد
ومرة ارقد بالمهاد وانت ترقد بالكفن

[ابوو فهد]

حبيبتي تزعل إذا قلت أبا روح
تزعل تقول شلون بتغيب عني؟
يرضيك أبقى في غيابك مع النوح
والله غيابك صابني وأمتحني
قلت الغياب اللي يمسيك بجروح
أنا يبكيني ورمحه طعني
والصبر في فرقى المحبين ممدوح
وترى الغياب المر ماهوب مني

[ابوو فهد]

ان روحو فانا بري منهم ليوم الحساب
وان جرحو قولو لهم ماحركو فيني شعره
شفهم لهم حول السنه ولاخذو مني جواب
احـسن دوا للي يحاول يستفزك تحقره

[ابوو فهد]

اشتكيته للرفوف وللبراويز الـهزيله
وانذعرت من النياح اللي سمعته في صورها
رحت اسولف للجبال الصم عن قصة رحيله
ماتركت متونها الا ينحت الدمع بصخرها

[ابوو فهد]

اذكراني كنت عايش بالليالي الاولية
واذكر اني وقتها كنت عايش باحضان غابة
ماعرفت الا عبارة مثلها مثل الوصية
عيش عمرك ذيب تسلم من مخاليب الذيابة

[ابوو فهد]

هجرتك يمكن أنسى هواك
و أودع قلبك القاسي
وقلت أقدر في يوم أسلاك
وأفضي من الهوى كاسي
لقيت روحي في عز جفاك
بفكر فيك وأنا ناسي

[ابوو فهد]

يا شيخ روح وخلّ عنك السوالف
كيف الرخيص يْدّفع الناس غالي؟!

[ابوو فهد]

دام الحشا بيتها وانا مدلعها
وش دخل القلب يزعل يوم توجعني؟

[ابوو فهد]

انك تقارن نفسك بهم هذا حرام
علهم يفدون خنصرك الصغير

[ابوو فهد]

وش قيمة هم الكلام اللي يجي واللي يروح
د ام الشموع اللي ضوت بأكثر مسافاتي طفن

[ابوو فهد]

شفته وانا علمي بها يوم كانت
طفله مع الجيران تلعب صغيره
دار الزمن والوقت يمشي وبانت
من عقب ماهي بنت صارت كبيره
المشكله صارت كبيره وزانت
وعرق الحيا في جسمها يستديره
خانت جمال الكون ياخوك خانت
وعلي القمر والشمس صارت اميره

[ابوو فهد]

راحت الفرحه ولآهي راجعه وش به تفيد؟
دامه أغلى من سكني بآع وبليّا ثمن
ينتهي عام بحياتي ويبتدي العام الجديد
واحتفظ بأغلى الهدايا ..خَنجَر ودَمعْ وكَفن

[ابوو فهد]

لولا المعزه جبت عاليك واطيك
أركد حبيبي لاتغرك غلاتك

[ابوو فهد]

وين انت ياللي لو تبي عمري تمون
اليوم شوفك صار شبه المستحيل
وفي كل يوم اقول بكره ترجعون
واليوم بعد فراقكم عندي طويل
اصـبر و تـفضحني دموعٍ بالعيون
لا جالكم طاري مع الطاري تسيل
وانا اعرفك وافي ولا يمكن تخــون
كريم بجروحك وفي شوفك بخيل

[ابوو فهد]

ليه انت بالذات ليمن غبت تشغلني؟
وغيرك لياغاب قلت الله يسهل له
ليه انت تقدر تعاندني وتسهرني؟
وليه انت تقدر تعقد القلب وتحله؟
يمكن لأنك بعيد وصرت ساكني
واللي أكيد الشعور اللي انت محتله

[ابوو فهد]

عساك سالم وفر الهرج وارتاح
خل العذر ياموجع القلب خله
ضيقة صدر مع تالي الوقت تنزاح
من عرض ضيقاتن لصدري تتله
أناابخص بحالن تدور للافراح
لاتنشغل دربي تراني ادله
ياماحلا الفنجال والبال منساح
يقولها "راكان"والكيف دله

[ابوو فهد]

لا لاتلوم القلب لو صفق اوصاح
قلبٍ غدا مابين همه وظـيمه
تعبت من دنياك واليوم برتاح
وان مرتك ذكـراي قولي قديمة

[ابوو فهد]

العمر ضايع بك وبلياك
بس القهر لاضاع عمري بدونك

[ابوو فهد]

أشوف الناس تشبهلك ..
حبيبي من كثر ما اشتقت
أجمع من ملامحهم ..
وجوه فيها القابك

[ابوو فهد]

على الفرقا زمن عدى وانا للحين ماصدقت
أخاف الوقت يسرقني ولا استوعبت غيابك
قدرت انك تجاهلني وانا باتجاهلك واخفقت
تصدق ماقدرت أقسى وقلبي جابني لبابك
يبان الحب في عيوني ياليتك بس لودققت
ياليتك ترجع تفكر وتعرف منهم احبابك

[ابوو فهد]

غالين لو عنا يتغلون غالين
ولاغيرهم يسوى الغلا والمكانه

[ابوو فهد]

خلك معي دايم وانا اكون مبسوط
لاتغيب عني يوم ويضيق صدري
قلبي وهب لك صادق الحب مصفوط
والا على غيرك من الناس بدري
صوتك وهمسك والحلى فيك مفروط
ولا صرت انا مجنون حبك.. بعذري

[ابوو فهد]

ودي ابكي لين مايبقى دموع
ودي اشكي لين مايبقى كلام
من جروح صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دنياي دام
ان شكيت الحال محدن لي سموع
وان سكت.. الناس زادوني ملام

[ابوو فهد]

والـعذاب اللي يذوب بعين من يفقد خليله
عندي أكبر من عذاب العين لوتفقد نظرها
والـحبيب اللي صدوده مثل مداته جزيله
صد عني..واعرفه لاصد عن حاجة هجرها

[ابوو فهد]

تخونين وتبين ارضى واحد يرضى تخونينه
انا لاجيت اخونك مع حبيبه ثانيه ترضين!

[ابوو فهد]

ابسرق وقتي لعينك مدامـك ساكنـه باحشـاي
وابرمي كـل هالدنيـا ورى ظهـري واخليهـا
وابقبل يمة عيونـك وشوفـك غايتـي ومنـاي
لان عيونـي العطشـا عيونـك بـس ترويهـا
تعالي صافحي كفي وحطي فـي يـدك يمنـاي
وهدّي رعشـة كفـوفٍ ملامـس يـدك يدفيهـا

[ابوو فهد]

تكفين لايجرحك مني قسى اطباعي
كل الذي تشوفين مني بسبة الغيره

[ابوو فهد]

شفني حطام انسان من فعل اياديك
مفتون اهذري بك على كل حيني
لاجيت انادي غيرك اخطي واناديك
واضحك وانا حزن الدهر محتويني !!

[ابوو فهد]

كلا لعن حظه ليا خاب مره
وش حيلة اللي عاش عمره بلا حظ

[ابوو فهد]

كان قصدك عذابي لا توصي حريص
الزمن مايقصر وانت فيك بركة

[ابوو فهد]

عرقن بقلبي لاذكرتك تحرك
مدري نذير الموت ولا نذيرك؟

[ابوو فهد]

تعلم تحترم حب وتعلم تحترم انسان
تعلم دامها الدنيا عطتك الدرس مجاني

[ابوو فهد]

اكبر قهر شوفت وليفك مع الغير
يضحك ويعطي مثل ما كان يعطيك

[ابوو فهد]

العتب قد قلت لك مانيب اخافه
أنا أخاف اللي يقفي عن خويه

[ابوو فهد]

تسلمين والى سلمتي.. باقي الناس بحريقه
ياخلف جد النوايا والهدايا والأغاني
آه يانور الشعور وماس الإحساس وعقيقه
ويا حلق إذن البحر وأساور أيدين المواني

[ابوو فهد]

لله در الحب مامنه مردود
وإلا أنت من يطرح عزومك وباسك
جابك نهار الخد والدعج السود
ومن يومها قضبت للقلب راسك

[ابوو فهد]

أنا صدر الغلا والحب كله وأنتي الأنفاس
وأنا ضيف هجد عطر الزهر وأنتي معازيبه
هلابك يا خلف جد الكواكب والضيا والناس
هلابك ياخلف من لا كتب دمه تراحيبه!

[ابوو فهد]

صدقت بإني لو تذكرتك أنساك
ورحت أرجي النسيان من ذكرياتك
وعلى كثر عمر مضالي بلياك
غير الحزن والدمع ما شي فاتك !

[ابوو فهد]

الجوع كآفر وانت ماترحم الحال
وانا عليك من الوله ميت جوع

[ابوو فهد]

بقول لك كلمه وابيها معك دوم
تحطها مثل الفضيله لك وسام
من عاش مع حر ٍ مايعيش مع بوم
بيعلمك وقتك والوعد قدام !

[ابوو فهد]

صاحبك لين حشا والحسن فاجر
من لمحتك قلت جاك اللي بغيته
من غرامك في غلاك أرحل وأهاجر
وإن ضواني ليل من يمك سريته
لاتزيد طعوني أوجعت الخناجر
ما بقا عرق بقلبي ما ثنيته

[ابوو فهد]

من رحل عني وأنا أحس بصداع
وكل ما اتذكره.. فيني يزيد
بس ياراسي تراه إنسان باع
أنت توجعني.. وهو عايش سعيد

[ابوو فهد]

تسافر وتبغاني وراك أمدح المقعاد
وانا لابغيت الصدق ماعاد لي قعده

[ابوو فهد]

ينصاع راس ٍ ماطرى يوم ينصاع
و أجيك ما كني من عيال وايل

[ابوو فهد]

الله البادي .. ثم مجد بلادي
ديرتي .. غيرتي
حبي اللي في العروق
جارفٍ .. دافي .. صدوق
حالفٍ ما أشـرب و أذوق
غير حب بلادي

[ابوو فهد]

يمه الحر طبعه يعشق القمة
وأنتي اللي فطمتيني على أطباعي
الهواء دام راسي حي ويشمه
والله اني لاسوق هناك ذعذاعي

[ابوو فهد]

ياعيد مالك نظرة ٍ في عيوني
نـسيتني والا زماني نساني
ماقدرت أفراحك تعانق شجوني
أحزاني أكبر من كلام التهاني
حاولت أجاري فرحتك وكشفوني
لا جيت أبضحك ما استمرت ثواني

[ابوو فهد]

مات الشجاع وما تموت الشجاعه
وعاش الجبان وعيشته كالمماتي
الموت حق وما ترده شفاعـه
وكلن يزوره صبـح ولا بياتي

[ابوو فهد]

محدٍ يعاف الحر ويبرقع الـوز
يربط سبوق الطير في ساق وزه
سيفٍ صقيلٍ لكن القلب مهتز
والسيف فعله من يد اللي يهـزه

[ابوو فهد]

صديقي لو يبي نفعي ؟نفعني!!
ولو يلحقه من نفعي مضرّه
ولامن ضـامـني وقتي رفعني
وضـحكة ناجذي دايم تـسرّه
وزماني لو يبعثرني جـمعـني
خشـيري في الزمن خـيره وشـرّه
نويت أهـينك ولكن مـنعني
شعورٍ بالوفاء !!! لله درّه

[ابوو فهد]

أخاف الاشواق لاطولت تذبحني
وأموت من سبتك في ذمة أشواقي
ماهمني الناس تخسرني وتربحني
بس المهم انت لاتدمن على فراقي

[ابوو فهد]

لو كان الاول يغيب ويغني الثاني
ماكان بين الغرايز رغبة وشفا

[ابوو فهد]

تبي تعرف شلون بعتك وعزمت
سهله.. مثل مابعت الكون وشريتك

[ابوو فهد]

حب اجاهر به وحب اكنه
وحب يظهر لو تداريت واخفيت

[ابوو فهد]

عزي لمن كثرت عليه العذاريب
والحظ خانه وانهك القل حاله
وعزي لمن حده زمانه عن الطيب
والعوز طال اللي بقا من حلاله
وعزي لضيف ماحشموه المعازيب
شاف المهانه عندهم والرزاله

[ابوو فهد]

هذي بقايا صوتي اللي تناديك
ياتسمعيني وإلا ما تسمعيني
يكفيني ما فيني ويكفيك ما فيك
أنا رحمتك ليه ما ترحميني؟

[ابوو فهد]

يالله دخيلك من هدايا عيونك
كيف اتحملها وانا منك مجروح؟

[ابوو فهد]

كيف نخفي حبنا والشوق فاضح
وفي ملامحنا من اللهفه ملامح
عاشقين ونبضنا طفل حنون
لو تزاعلنا يسامح!