الورد
22-12-09, 02:21 am
بسم الله الرحمن الرحيم
والصلاة والسلام على الرسول الأمين وعلى أله وصحبه أجمعين
أعتذر من العنوان وصيغته ،، وأكيد توافقوني بأنه خارج عن حدود الأدب والأخلاقيات
وتبون الصراحه ،، كنت راح أخلي العنوان أحد العناوين الثلاثه التاليه :
( يكرم القارئ )
الأول
يا ثور ،، يا حمار ،، يا حيوان ،، تعال أوريك
الثاني
أنطم يلعن أبو شكلك ،، وفارق ،، يله برا
الثالث
يا بقره ،، يا غبيه ،، أنتي ما تفهمين
أكيد راح تتساءلون ،، هو أبوعبدالله ما أخذ دواء الخبال اليوم ،، وأنهبل وقعد
وأكيد راح تقولون ،، بأن ما ورد سابقا قلة أدب ،، وقلة حياء ،، وما يجب أن يكتب
أجل وش رايكم أذا قلت لكم بأن هناك أناس يستخدمون هذه الألفاظ طيلة اليوم ،، مع أبنائهم ،، وزوجاتهم ،، وكل من لهم سلطه عليهم ؟؟
قبل أن أسترسل وأبحر بالسالفه أسمحوا لي أن أعتذر من أي لفظ لا يليق بمجلسكم هذا ولكن لضرورة طرح الموضوع للنقاش وتبادل الآراء ،، طرحته بهذا الشكل
واحد يقول لزوجته ،، أسمعي أنتي يا حماره ،، وياغبيه ،، مره ثانيه أذا قلت لك شي ،، أفهمي وش أقول بسرعه ولا توقفين مثل البهيمه ،، ونفذي اللي أقوله وبس ،، لا تصيرين جدار ،، يلعن أبو شكلك ،، والله يأخذك ويأخذ كل الحريم ،، أقول أحترمي نفسك ،، ولا بيت أهلك أولى لك ،، روحي لهم لا بارك الله فيك ولا بأهلك .
تجاوزات شرعيه ،، وتجاوزات أخلاقيه ،، والمصيبه يبيها تحبه وتسمع كلامه ،، وتبتسم بوجهه
الثاني ،، يعامل ولده وكأن ولده عدوه ،، ما تسمعه إلا وهو يكيل له الشتائم ،، ويلعن اليوم اللي أنولد فيه ،، ويحسسه أنه نكره ،، وغبي وما يفهم
طيب قولي وشلون تبيه يطلع ولد بار بك في الكبر ؟؟ وشلون تبيه يكون لبنه صالحه بالمجتمع ؟؟ وشلون تبيه ينجح بتحصيله العلمي ؟؟ وأخرا وشلون تبيه يحبك وما يعتبرك عدوه اللدود وإن ما قالها بوجهك ؟؟
يا كبار لا تكونوا صغار في عين اللي حولكم
يا كبار أنتم المثل الأعلى والقدوه ،، فلما تحاسبون أبنائكم وهم نتاج بيئتكم ؟؟
يا كبار ،، لا بغيتوا الزين قدموا الزين أول ،، ومثل ما تزرعون راح تحصدون
أب يحذر ولده من التدخين وبيده سيجاره
أم تحذر بنتها من كثرة البربره بالجوال وهي ماسكه الجوال ليل نهار مع صويحباتها
أب يغضب ويزبد إذا شاف ولده قاعد قدام مسلسل فيه قبله ( طبعا بريئه ) أو نساء كاسيات عاريات ،، وبعد ما يطرد ولده ،، يقعد هو و يقلب بالقنوات والمصيبه أن يقول ( الله يقبحكم ) أجل ليش مقابلهم .
أم تقول لبنتها ،، لا تمشين مع هالبنت ،، لبسها ما هو عاجبني وحتى مشيتها ،، وكلامها ،، ونفس الأم هذي ماراعت الله في إنتقاء صحبتها ،، وقاعد حش ولش ،، وغيبه ،، لا وتلقاها إذا طلعت للسوق أو المجمعات كشخت وحطت العطر والمكياج ،، والكعب ينطق بترنيمه وتكسر ،، طيب ليه ؟؟؟؟
أب تحمر أوداجه عند أقل خطأ من أبنه الصغير أو الكبير ويقوم ( يكفخه ) ويوسم جلده بالعقال وكأنه عدوه اللدود ،، بلا رحمه ولا شفقه ،، يا أب تتمرجل على ولد صغير ،، تتمرجل على طفل لا له حول ولا قوه ،، يا أخي أستح على وجهك ،، ولا أنت أسد بالبيت وبرا البيت نعامه !!!
الأم ،، خل بس بنتها تغلط لو غلطه بسيطه ،، ولا ماترد عليها بسرعه ،، ماتشوفها إلا طردي وركضه وراها بالبيت ،، وماسكه لها ،، مغرفه ولا أي شي تتناوله يدها ،، وطقها لا تطقها ،، وكأنها توم وجيري معاها ،، والبنيه من الخوف ،، حطت رجلها وقفلت عليها الباب ،، ما ألومها ،، وراها المارد ،، يبي يذبحها ،، والأم علشان تخربها ،، تقول أفتحي الباب يابنت ،، ليه قافلته ،، أكيد عندك شي موزيته ،، يعني البنيه ماهي سالمه من المارد ،، لا هي بره الغرفه ولا داخلها .
وين راحة رحمة الأم ؟؟ وين راح قلب الأم ؟؟ وين راحت الرأفه والعقل والحكمه ؟؟
وكأني أسمع لسان حال الأبناء والبنات يقول
حرام علينا ،، حلال عليكم ،، ياكبار ،، طيب يبه ،، طيب يمه ،، راح نوريكم أننا أذكى منكم ،، وبنسوي اللي نبيه ،، لكن
من وراكم ،، وساعتها تعالوا وصيدونا
وهذا أخطر ما في الموضوع
وين التواصل ؟؟ وين روح الأسره ؟؟ وين الجلسه الطيبه ،، والكلمه الأطيب ؟؟ وين الحنان والرحمه ؟؟ وين العدل بين عيالكم ؟؟
وين الكلام الحلو والمنمق اللي تكتبونه في المنتديات ،، وسوالفكم الطيبه مع الناس وفي المجالس ومع الاصدقاء ،، ما هم عيالكم أولى ؟؟
المسأله تطول ولكن أعتقد إني دقيت لكم جرس (( تنبيه )) ،، واللي غلبه النوم ،، أقوله ،، وأقولها ،، (( أصحوا قبل لا تنفرط السبحه )) ،، وساعتها راح تكونون أبعد ما يكون عن عيالكم .
ملاحظه : ما ذكر أعلاه ينطبق كذلك على الأخوه الكبار بإتجاه أخوتهم الأصغر سنا .
وأخرا
أنتبهوا من ممارسة أمرين مع عيالكم
الأول : لا تلعبون دور ضابط التحقيق ،، ولا تمارسون دور الجلاد
والثاني : أذا جاء الولد أو البنت يبون يقولون شي ،، أسمعوا منهم وأعطوهم من وقتكم ،، علشان ما يدورون غيركم علشان يفضفضون عنده اللي بقلبهم .
وتقبلوا في أخر السالفه هذه الهديه لعل الحريص على أبنائه يجد ضالته فيها
http://www.dr-thuwaini.com/doc/index.php?module=announce&ANN_id=97&ANN_user_op=vi ew (http://www.dr-thuwaini.com/doc/index.php?module=announce&ANN_id=97&ANN_user_op=view)
http://saaid.net/tarbiah/index.htm (http://saaid.net/tarbiah/index.htm)
أعذروني إن وجدتم سقطات ،، فقد كتبتها مرتجلا وعلى عجاله .
أخي الحبيب ،، أختي الكريمه ،، هل لديكما ما تضيفونه لينتفع غيركم من تجاربكم أو تجارب الغير
إن كان لديكم ما تجدون فيه المنفعه للجميع فلا تبخلوا علينا به ،، فالقطرات تتجمع لتشكل لنا جميعا ينبوع صافي نروي به عطشنا
[ منقول ]
والصلاة والسلام على الرسول الأمين وعلى أله وصحبه أجمعين
أعتذر من العنوان وصيغته ،، وأكيد توافقوني بأنه خارج عن حدود الأدب والأخلاقيات
وتبون الصراحه ،، كنت راح أخلي العنوان أحد العناوين الثلاثه التاليه :
( يكرم القارئ )
الأول
يا ثور ،، يا حمار ،، يا حيوان ،، تعال أوريك
الثاني
أنطم يلعن أبو شكلك ،، وفارق ،، يله برا
الثالث
يا بقره ،، يا غبيه ،، أنتي ما تفهمين
أكيد راح تتساءلون ،، هو أبوعبدالله ما أخذ دواء الخبال اليوم ،، وأنهبل وقعد
وأكيد راح تقولون ،، بأن ما ورد سابقا قلة أدب ،، وقلة حياء ،، وما يجب أن يكتب
أجل وش رايكم أذا قلت لكم بأن هناك أناس يستخدمون هذه الألفاظ طيلة اليوم ،، مع أبنائهم ،، وزوجاتهم ،، وكل من لهم سلطه عليهم ؟؟
قبل أن أسترسل وأبحر بالسالفه أسمحوا لي أن أعتذر من أي لفظ لا يليق بمجلسكم هذا ولكن لضرورة طرح الموضوع للنقاش وتبادل الآراء ،، طرحته بهذا الشكل
واحد يقول لزوجته ،، أسمعي أنتي يا حماره ،، وياغبيه ،، مره ثانيه أذا قلت لك شي ،، أفهمي وش أقول بسرعه ولا توقفين مثل البهيمه ،، ونفذي اللي أقوله وبس ،، لا تصيرين جدار ،، يلعن أبو شكلك ،، والله يأخذك ويأخذ كل الحريم ،، أقول أحترمي نفسك ،، ولا بيت أهلك أولى لك ،، روحي لهم لا بارك الله فيك ولا بأهلك .
تجاوزات شرعيه ،، وتجاوزات أخلاقيه ،، والمصيبه يبيها تحبه وتسمع كلامه ،، وتبتسم بوجهه
الثاني ،، يعامل ولده وكأن ولده عدوه ،، ما تسمعه إلا وهو يكيل له الشتائم ،، ويلعن اليوم اللي أنولد فيه ،، ويحسسه أنه نكره ،، وغبي وما يفهم
طيب قولي وشلون تبيه يطلع ولد بار بك في الكبر ؟؟ وشلون تبيه يكون لبنه صالحه بالمجتمع ؟؟ وشلون تبيه ينجح بتحصيله العلمي ؟؟ وأخرا وشلون تبيه يحبك وما يعتبرك عدوه اللدود وإن ما قالها بوجهك ؟؟
يا كبار لا تكونوا صغار في عين اللي حولكم
يا كبار أنتم المثل الأعلى والقدوه ،، فلما تحاسبون أبنائكم وهم نتاج بيئتكم ؟؟
يا كبار ،، لا بغيتوا الزين قدموا الزين أول ،، ومثل ما تزرعون راح تحصدون
أب يحذر ولده من التدخين وبيده سيجاره
أم تحذر بنتها من كثرة البربره بالجوال وهي ماسكه الجوال ليل نهار مع صويحباتها
أب يغضب ويزبد إذا شاف ولده قاعد قدام مسلسل فيه قبله ( طبعا بريئه ) أو نساء كاسيات عاريات ،، وبعد ما يطرد ولده ،، يقعد هو و يقلب بالقنوات والمصيبه أن يقول ( الله يقبحكم ) أجل ليش مقابلهم .
أم تقول لبنتها ،، لا تمشين مع هالبنت ،، لبسها ما هو عاجبني وحتى مشيتها ،، وكلامها ،، ونفس الأم هذي ماراعت الله في إنتقاء صحبتها ،، وقاعد حش ولش ،، وغيبه ،، لا وتلقاها إذا طلعت للسوق أو المجمعات كشخت وحطت العطر والمكياج ،، والكعب ينطق بترنيمه وتكسر ،، طيب ليه ؟؟؟؟
أب تحمر أوداجه عند أقل خطأ من أبنه الصغير أو الكبير ويقوم ( يكفخه ) ويوسم جلده بالعقال وكأنه عدوه اللدود ،، بلا رحمه ولا شفقه ،، يا أب تتمرجل على ولد صغير ،، تتمرجل على طفل لا له حول ولا قوه ،، يا أخي أستح على وجهك ،، ولا أنت أسد بالبيت وبرا البيت نعامه !!!
الأم ،، خل بس بنتها تغلط لو غلطه بسيطه ،، ولا ماترد عليها بسرعه ،، ماتشوفها إلا طردي وركضه وراها بالبيت ،، وماسكه لها ،، مغرفه ولا أي شي تتناوله يدها ،، وطقها لا تطقها ،، وكأنها توم وجيري معاها ،، والبنيه من الخوف ،، حطت رجلها وقفلت عليها الباب ،، ما ألومها ،، وراها المارد ،، يبي يذبحها ،، والأم علشان تخربها ،، تقول أفتحي الباب يابنت ،، ليه قافلته ،، أكيد عندك شي موزيته ،، يعني البنيه ماهي سالمه من المارد ،، لا هي بره الغرفه ولا داخلها .
وين راحة رحمة الأم ؟؟ وين راح قلب الأم ؟؟ وين راحت الرأفه والعقل والحكمه ؟؟
وكأني أسمع لسان حال الأبناء والبنات يقول
حرام علينا ،، حلال عليكم ،، ياكبار ،، طيب يبه ،، طيب يمه ،، راح نوريكم أننا أذكى منكم ،، وبنسوي اللي نبيه ،، لكن
من وراكم ،، وساعتها تعالوا وصيدونا
وهذا أخطر ما في الموضوع
وين التواصل ؟؟ وين روح الأسره ؟؟ وين الجلسه الطيبه ،، والكلمه الأطيب ؟؟ وين الحنان والرحمه ؟؟ وين العدل بين عيالكم ؟؟
وين الكلام الحلو والمنمق اللي تكتبونه في المنتديات ،، وسوالفكم الطيبه مع الناس وفي المجالس ومع الاصدقاء ،، ما هم عيالكم أولى ؟؟
المسأله تطول ولكن أعتقد إني دقيت لكم جرس (( تنبيه )) ،، واللي غلبه النوم ،، أقوله ،، وأقولها ،، (( أصحوا قبل لا تنفرط السبحه )) ،، وساعتها راح تكونون أبعد ما يكون عن عيالكم .
ملاحظه : ما ذكر أعلاه ينطبق كذلك على الأخوه الكبار بإتجاه أخوتهم الأصغر سنا .
وأخرا
أنتبهوا من ممارسة أمرين مع عيالكم
الأول : لا تلعبون دور ضابط التحقيق ،، ولا تمارسون دور الجلاد
والثاني : أذا جاء الولد أو البنت يبون يقولون شي ،، أسمعوا منهم وأعطوهم من وقتكم ،، علشان ما يدورون غيركم علشان يفضفضون عنده اللي بقلبهم .
وتقبلوا في أخر السالفه هذه الهديه لعل الحريص على أبنائه يجد ضالته فيها
http://www.dr-thuwaini.com/doc/index.php?module=announce&ANN_id=97&ANN_user_op=vi ew (http://www.dr-thuwaini.com/doc/index.php?module=announce&ANN_id=97&ANN_user_op=view)
http://saaid.net/tarbiah/index.htm (http://saaid.net/tarbiah/index.htm)
أعذروني إن وجدتم سقطات ،، فقد كتبتها مرتجلا وعلى عجاله .
أخي الحبيب ،، أختي الكريمه ،، هل لديكما ما تضيفونه لينتفع غيركم من تجاربكم أو تجارب الغير
إن كان لديكم ما تجدون فيه المنفعه للجميع فلا تبخلوا علينا به ،، فالقطرات تتجمع لتشكل لنا جميعا ينبوع صافي نروي به عطشنا
[ منقول ]