مديرة ثانويه ببريدة ترفض اقامة حفل بمناسبة شفاء الأمير سلطان ؟؟!!

[احساس مظلوم]

احتفلت جميع مدارس المملكه فى يوم الاثنين 27\12\

بعودة الامير سلطان امير القلوب اطال الله فى عمره ما عداآ الثانويه الخامسه

ببريده

حيث رفضت المديره اقامت حفل بحجة تاخر المناهج واقتصارها على اذاعه لا

تتجاوز العشر دقائق مما ادى الى استياء الطالبات رغبتن منهن فى مشاركة المملكه

بهذا الأحتفال العظيم


وبقولهاآآآآآآ ( خير واذا جاآآء سلطان )


وبإستهتار بمعنى انه لم يهمهاآآ هذا الامر


ونحن مجموعه من طالبات الثانويه التى ضاق بهن الامر

رغبتن منهن بأقامت حفل والتعبير عن مشاعرنا بهده المناسبه


ممدى ادى الا حبس الفرحه فى قلوبناآآآآ بسبب رفض الادارهـ

ونحن نرفع يا صاحب السمو لمقامكم الكريم فرحت طالبات الثانويه الخامسه

ببريده شفاء الوالد سلطان بالرغم من اننا لم نتمكن من مشاركت مدارسناآآ فى المملكه

هذه الفرحه ......ًٍِبسبب الرفض من


الإدارهـ



ونأسف لهذا الامر يا صاحب السموووو
مع احترامناآآ لكم
والسلام عليكم ورحمة الله وبركاته

[رحيل]

وأنتي صادزه بها العلم لو يدري الأمير سلطان إنكن بتخلن الدراسه تسان يحلف عليكم ماتحطنه وتضيعن الحصص وماكثر الله إلا هالاستراحات حطنه بغير وقت الدراسه واجتمعن واحتفلن على كيفكن
وبعدين ياإختي تسانك صادزه اشمليه بالدعاء لاصليتي أما هالإحتفال مايفيده بشي
ترى يبي منكم الدعاء الله يطول بعمره إن شاء الله

[ترحاآآل]

اناآآ ما اشاركك الرئى يا رحيل لا والله بنحتفل وبنفلهاآآوبنفرح بحبيب قلوبناآآ واميرناآآ

يرجع بالعافيه ولا نسوى شى لا صراحه هذى المديره ما تستاهل من يحطهاآآ مديرهـ

والمفروض كل المدارس بالمملكه تفرح بجيته بالعافيه وبصحه وبسلامه وما نخليهاآآ لهاآآ

الله يستر على الكل ويهديهاآآآآآآآ وبعدين هذا ردهاآآ المفروض ما تقوله وايش لا جاآ الامير


سلطان الله يخليه خطاآآآء منهاآآ صراحه

[ツ • بسْـطـَويِـسـْي]

من وجهة نظري المتواضعه الي ماراح تقدم والا تاخر < تقل انه توحش :f5: ( زاد ان وش جابني لهالمواضيع :( )

اشوف ان الي سوته يستحق التكريم والثناء .انسانه حاسه بامانة المكان الي جالسه فيه ومهمتمه بتعليم جيل هو سلاحنا في المستقبل وخصوصا ان هالوقت ماشي بالعلم .
ولو شوي انتبهنا على علمنا ولا فرطنا فيه ودرسناه صح ماكنا خلف هالامم كله ومن دول العالم الي بس تستهلك ولا تنتج :( ..

وترا موضعتس هذا شين والله يعني تفتحين العيون عليها وكانك تقولين عاقبوها ووخروها عن الاداره علشان انه اقتصرت بالاحتفال على مقدمه صباحيه فقط !


انا شوف تبي مصلحتك واذا عرف السبب بطل العجب . ,

ومع السلامه . هذا رايي الي اعجبه يايد والي ماعجبه يسكت ولايفضح ويحرش زي اختنا هذي سلم لم :f5:

[tootaa]

تبن اللعب ولا الامير سلطان مادريتن عنه هها بس

[احساس مظلوم]

انا بقولكم انها مجرد حصه اوحصتين من اليوم الدراسى ما راح تأثر فى المناهج اوسيرهاآ


هى فرحه فى السنه وانشأالله ما تتكرر اطال الله عمره بالعافيه والصحه وايضا اهى فرحه وتعبير عن المشاعر فقط لاجل والدناآآ الحبيب سلطان

وان جميع مدارس المملكه فعلت هذه الفرحه ما عدا هذه المديره هل هو عداء للدوله او قفط استهتار بهاآآ

[احساس مظلوم]

يا توتى احناآآ لو ما اهتمينا بأميرنا كان ما كتبنا هذاآآ الموضوع والامر المهم بالنسبه لناآآ

واظن ان اللعب له وقته والتعبير عن المشاعر له وقته بس الى ما يفهمناآآ هذى مشكلته



واخى الطاآآوس احناآآ ما تكلمنا عن اهتمامه بالدراسه او لا انا اعتقد انو كل المديرات مهتمات
بالامانه العلميه وهذا شى ما فيه شك وانت بكلامك تقول انو كل المديرات ما اهتمو بالعلم الا اهى وهذا غلط كبير منك لانك تطعن فى حق المديرات وتطعن فى تعاميم الدوله بأصدارهاآآ قرار الفرحه بهذا اليوم وعودته

[على بلاطه]

ماكان لها داعي هالمديره الله واكبر متأخرين بالمناهج ...

وش خلاكم تتأخروون؟؟؟
ولا منهجكم يختلف عن مناهج مدارس المملكه ..؟؟

خليهم يستانسون بعودة ولي العهد وش هالتعقيد الدراسه مو كلها شرح ودرس

لازم فتره نقاهه كي لا يمل الطالب او الطالبه

فكيف بمناسبه كهذه تحرمين الطالبات منها ( الله يعين عيالك عليك)؟؟؟؟

[أبوسعود]

تبي تعبرون عن مشـآعركمـ :)

أعتقد حب للعب وكرهـ للدرـآسه ........................!! <<< مجرد رأي ، ولي حق ابدي رأيي .. :)

[مجودي7]

الحمد لله حنـآ أحتفلنـآ



وأستآنسنـآ http://www.buraydh.com/forum/images/icons/icon10.gif

[خفوش]

{... آلسلام عَليكُم


فقط إبداء وجهَة نضري ،، وإلي هي :-


أنو بــصراحه احس المديره هاجتنبه يعني الله وكبر كل مدارس المملكه العربيه السعوديه تحتفل اول درسين وهذي تقول لأ اتوقع تبي تشتهر ولا مادري بصراحه ،،

أخواني وخواتي الي يقولون انو تحبون اللعب وتبي مصلحَتكُم يعني الحين كل مدارس المملكه بنين وبنات يحبون اللعب.؟!
هذا مقصدكم انو الي يحتفل يحب (اللعب)

خلاص اجل كل مدارس المملكه (تحب اللعب) ،،

أتوقع لو انو لعب ماحتفلت مدارس المملكه بأكملها


فقط وجهة نضر لا أقل ولآ أكثر وتحيآإتي للجميع..}

[حي المنار]

( من وجهة نظري )

سوف يتم معاقبة المديرة ( اذا ) صح الخبر وذلك بسبب عدم اقامة احتفال خلال الحصتين الاولى والثانية كما امره به وزير التربية والتعليم

أو

سوف يعاقب صاحب اليوزر اذا الخبر غير صحيح

( واذا لم يكن عقاب صاحب اليوزر في الدنيا فسوف يكون عقابه في الاخرة وذلك لكذبة على مديرة المدرسة )

تخصيص الحصتين الأولى والثانية ...مدارس التربية والتعليم في المملكة تحتفل غداً بعودة سمو ولي العهد
تحتفل مدارس التربية والتعليم بجميع مناطق المملكة غداً الاثنين بعودة صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء وزير الدفاع والطيران والمفتش العام إلى أرض الوطن بعد رحلته العلاجية التي تكللت ولله الحمد بالنجاح من خلال تخصيص الحصتين الأولى والثانية للابتهاج بهذه المناسبة إضافة إلى إقامة معارض طلابية تشارك فيها مجاميع النشاط في المدارس لإبراز مشاعر الطلاب الوطنية والتعبير عن فرحتهم بهذه المناسبة .

وبين مدير عام التربية والتعليم للبنين بمنطقة الرياض الدكتور عبدالعزيز بن محمد الدبيان أنه تم تخصيص يوم غدٍ الإثنين لإقامة الفعاليات بمشاركة جميع الطلاب في الاحتفاء بهذه المناسبة وإبراز مشاعرهم الوطنية والتعبير عن تلاحمهم مع قيادتهم مشيراً إلى أن الفعاليات تتضمن تخصيص الإذاعة المدرسية للحديث عن سموه من خلال عرض سيرته الذاتية والمهام التي تقلدها والمشاريع الخيرية التي قام بها إلى جانب مرحلة علاجه .

[لبيه]

على كثر التعاميم بوزارة التعميم ما جاء هالمديرة تعميم ؟

ولا انت يا راع الموضوع تبي تصيد المديرة ؟

كل مسلم مريض يحتاج منا الدعاء بظهر الغيب

[بدرالوابلي]

فتبينوا ان تصيبوا قوما بجهاله .......الآيه.

[احساس مظلوم]

يعطيكم العافيه على المرور ومشاركتناآآ رئيكم

الى معناآآ انو هذا تصرف غير راقى منهاآآ فجزاهـ الله خير

والى يعتقد انو هذا لعب وتضيع وقت فأأناآآ اقول دقق النظر فى حسابتك

لانو مو كل شى بالدنياآآ ما ناخذه بجد وهذى احسهاآ مسأله حساسه وتستحق النقاش فيهاآآ

[احساس مظلوم]

فتبينوا ان تصيبوا قوما بجهاله .......الآيه.

اناآآ لم اكتب رأي من فراغ ولا بجهاآآله بل هذا واقع يمسه جميع طالباآآت المدرسه
الخامسه ببريده شكرا على مرورك

[فيفادول]

،،



ياسلام على هيك مديره :)






،،

[≈ Śķőőŋ »]

احساس الحين انت/ي بنت ولا ولد

والله الكلام صحيح (المصدر اختي) المفروض يسون حفل ليش 10 دقايق بس

فيه تاخر بالمناهج هذا يدل ان مافي معلمات وكلهن انتداب وتوهن جايات

من حق طالبات الثانويه الخامسه انهن يحتفلن بسلامه الامير سلطان الله يطول بعمره

[قلم بريدة الأبيض]

الحمد لـله اللذي سلَّم الأمير سلطان و شفـــــــاه

و للعلم كان الأولى أن يُقام احتفال و ابتهاج بهذه المناسبة

و أعتقد بأنها ستقيم الإحتفاليه بيومٍ قــــــادم (ترقبوا)

ربك الهادي إلى سواء السبيل

[السيد الدكتور]

عز الله انها بنت ارجال الحب بالقلوب وليس بالصراخ و الطقاق
الدعاء ثم الدعاء ثم الدعاء اذا انتي بصدق تحبين الامير سلطان و غيره من المسلمين
اما مسئلت تضيع الحصص و الكلام الفاضي ما اؤيده بأي شكل من الاشكال

[رمز الحب]

اصلا مو قصدها تاخر المناهج بس هي ماتبي نفرح ونحتفل بسلامة ولي العهد لاستهانتها بسبب الحفل والدليل على ذلك وجود حصص فراغ كثيرة مثل كل يوم كان قدمت او اخرت الحصص وخلتنا نفرح مثل غيرنا

[سلطانة]

لالا مستحيل تقول واذا جا سلطان قدام الخلق
بعدين عادي اغلب المدارس من عيال وبنات ماحطوا احتفال

[فديكا التميمي]

طقي وارقصي بحوشكم وعيني من الله خير ماتحتاج السالفه وخبتس لهالدرجه كله حصتين ماتستاااهل الخبه
ياليت معطيننا اجازه بس........

[أخودريحم]

وين العلاقات العامة بالمنتدى تتصل وتتأكد

هل احتفلت الثانوية الخامسة ام لم تحتفل

وهل المديرة قالت الكلام ام لم تقوله

[احساس مظلوم]

انا ما ادرى ليه هذا الموضوع سكرو عليه اظنه موضوع جاد ومهم

[нεŁм-αинđм]

^

آلآ الخبر صدز وآنآ آدرس بالمدرسه

ومآآحتفلنآ لآن المديره رفضت هالشي وآكتفت بـ العشر دقآيق

حنآ مآقلنـآآ نبيه للعب يعني الحين اللي يحتفل (يلعب ويصآرخ)

ومآقلنآ شي حنآ نحب آميرنآ سلطآن وندعي له بقلوبنآآ بس موب ضآآره آذآ حطت حصتين للآحتفآل

دآآم قرآر من الوزآره مجبوره تنفذه موب على كيفه تحط قرآرآت من رآآسه


لآ ويقآآله حريصه على الوقت وتأخير المنآآهج

دقت الصدر وسوت انه فزعه ودرست الآدبي " علم نفس " لآن وللآسف مآآفيه معلمآت !!


"آحسآس مظلوم بردتي تسبدي منهي آنتي آجي آحب رآستس يوم السبت ~

[ياسرالهلالي]

اذا كان الامر يتوجب على
انه الاحتفال بالامير وهم بالاساس
متاخرين فالواجب عليهم انهم يكملون المناهج
وهذا احسن تصرف

[فهودي المشيقح]

ومير يقضي الحفل ؟؟؟؟؟

[فرقة المحبة]

أتوقع الطالبة مسوي تشيهر في المديرة المدرسة الله والعالم تبي قريشات من الأمير على شآن يقول إنها فرحانه بعودته ويعوضها بفلوس .

[Modern]

لآ ويقآآله حريصه على الوقت وتأخير المنآآهج


دقت الصدر وسوت انه فزعه ودرست الآدبي " علم نفس " لآن وللآسف مآآفيه معلمآت !!





وافر الاحترام والتقدير مني لمديرتكم !!


ما اخفيكم بالبدايه توقعت الشغله حب تسلط وفرض رأي مثل مانسمع دايماً عن الادارات النسائيه!
لكن بعد هالاضافه من احد طالبات المدرسه وضح ان المديره فعلاً حريصه على مصلحه طالبتها بهالتصرف!
المديره مو مطلوب منها تنزل الصف وتدرس الطالبات لما يكون عندها نقص!
المديره مسؤوليتها في هالحاله تطلب توفير معلمات من وزاره التربيه ( مثلها مثل غيرها )
واذا وفرت الاداره معلمات خير وبركه ولو ماوفرت مو مسؤوليتها
ولو غيرها كان تتسلط على المعلمات الباقيات وتقوم توزع عليهن النقص!




فعلاً مديره اسم على مسمى واحسنت التصرف!
وش الفايده من المديره اللي ماتعرف تدير مدرستها بشكل يخدم وينفع طالباتها بالنهايه!
وبالنهايه التصرف طبيعي وبديهي!
عدم التزام الوزاره بسد حاجه تلك المدرسه من المعلمات..
نتيجته عدم استطاعه مديره تلك المدرسه تنفيذ قرارات الوزاره الارتجاليه!





الله يصلحكن بس !!
بدل ماتقولون المديره من حرصها علينا الغت الحفل وقامت تدرس بنفسها ..
تقومون تتكلمون وتستهترون فيها بهالشكل !!






صحيح خير تعمل شر تلقى :(

[فتحـية]

مشكلة بعض المواضيع إنه تجيك شينة بشكل يفرط المر بتسبدك !
هالموضوع نموذج للنوعية !
.
.
.
الحين يوم أنتم متأخرين بالمناهج وماعندكم مدرسات ليش ماشفنا مواضيع
تشتكي من هالتسيب أو بس تدورن اللعب والحفلات !
ماأقول إلا الله يصلحتس ترى أسلوب التشييش وعاقبوا المديرة هذي
حركات أولى /أ ..

.
.
خالص تحياتي
زميلتك / أخت فتحية
الثانوية الخامسة / ثاني علمي
أجلس حول الدريشة وألبس طوق أخضر
وعلى مخباتي بروش ( سلطان في قلوبنا )
:p

[عاشق الخير]

وبقولهاآآآآآآ ( خير واذا جاآآء سلطان )

رد مقنع ...

ليتكم رديتوا عليها بجواب مقنع ....للاحتفال .. إن وجد

[عجوز سمنسي]

كل المؤيدين لكاتبة الموضوع اعضاء جدد

الدعوى فيها فزعات

شكل العضوة جايبة كل خويتها اللي بالفصل وقايله لهن ردن بالموضوع

عموما ليس بالضرورة ان يكون اعلان الفرحة بحصتين
وربي ان الحصتين هذي عبء على المدرسة
تكفيكم عشرة دقايق بالطابور ونعمة

[» R O S E «]

والله عآد ياللي منزله الموضوع , زين إنكم درستوآ :)

حنآ حطوآ الحفل الحصه الأولى وبدآية الثآنيه .. كنت جآيه للمدرسه نشيطه ومن بعد هالحفل جآن النووم هههههههههه

أبداً مآسووآ لنآ شئ يسآآآعد على التفآعل , مآغير قآعدين على الكرآسي .. وكلآآم عن الأميرر الله يحفظه :)

بس على كلمــة خير وإذآ جآء > الأخلآق طووووط لووول

[رعد القلوب]

صدق المصطفى عليه الصلاة والسلام حيث قال نص الحديث – كما في الصحيحين – : استوصوا بالنساء ، فإن المرأة خُلقت من ضلع ، وإن أعوج شيء في الضلع أعلاه ، فإن ذهبت تقيمه كسرته ، وإن تركته لم يزل أعوج ، فاستوصوا بالنساء .

[الازدي]

بسم الله أبدأ

أولاً أوكد خبر الاخت أحساس مظلوم بأن مديرة أحدى الثانويات ببريده منعت منسوبات وطالبات المدرسه من الاحتفال بعودة أميرنا المحبوب سلطان القلوب.وقد شهد عليها جميع المعلمات والطالبات بذلك. وأن دل ذلك على شيء فأنما يدل على عدم أهتمامها بمسئولي الدوله وكذلك عدم أهتمامها بأوامر المسئولين في قطاع وزارة التربية والتعليم والمفروض منها تنفيذ كل مايصدر من تعاميم وأنما تاخذ القرار من رأسها وتعجرفها فهذا ليس من حقها وسوف تحاسب على تلفظها على أميرنا الغالي بمقولة ( وإذا جاء سلطان خير إنشاء الله)هذا سلطان ياأخت (مها) وليس اي شخص ثاني هذا وانتي مديرة مدرسة وقدوة للمعلمات والطالبات لديك.. ماذا ينقص لو احتفلتم بحصتين ايتوقف قطار التعليم لديكم أم انكم تختلفون عن باقي مدارس المملكه. اتمنى أن يصل الامر الى مدير التربيه والتعليم لكي ينظر في تصرف هذه المديره التى بدأت تصدر أوامر من عندها ليس الا عدم مراقبة على مثل هذه الاشكال من المديرات أما الجهات المسئوله فسوف يصلهم بأذن الله خبر تلفظ هذه المديره على ولي عهدنا واميرنا الغالي ونحمد الله ان عاد الينا بالسلامه والعافيه..(( خبر الاخت صحيح ومشهود على تلك المديره بما قامت به من منع الاحتفال والتلفظ على الامير))

[الفنخا]

لو ابحلف ان ذاك اليوم ماغاب احد علشان الاحتفال ولاهب علشان الاحتفال

الا كل هذا حبن باللعب والسربته عن الحصص والهياص


يابنات الحلال عرفينكن حنا ونشوف وش تزينن تفرحن بالمولمه

بس التشهير بالطريقه هذي مالامه داعي

وسألتس بالله يالمظلومه سمعتي المديره تقول همن إذا جاء سلطان بأذنك ؟؟؟


تركدي وأنا أخيتس ولاتدخلين شئ بذمتس انت بغنى عنه

[فتحـية]

أقول يالمشرف :والله يالذلّة بنت حلال !
وخير ياطير وش بيصير لا قلت إن الأمير طول الله عمره وعافاه وشافاه وأبقاه ذخرا للأمتين العربية والإسلاميه والعالمية ولاتهون الثانوية الخامسة ..
وش بيصير لاقلت إنه مادرى عنكن أنتن ومديرتكن .. بتطيح السماء لاقدر الله وإلا بتنشق الأرض !
الحمدلله ماقلت زور ولا منكر مير أرجع وأقول النفاق هاليومين صايرن مثل السلام عليكم !
.
.
المهم ترى الأزدي محومن تسبدي هو الآخر جايبن اللي وراء إذانه من قوة الإجتهاد بالرد
بس حلوة قولته أؤكد خبر الأخت إحساس ... ينفع مراسل الصراحة !
ماشاء الله مايعوق معه تجديع التهم وتضخيم التوافه .. أجل صارت السالفة ( التلفظ على أميرنا المحبوب ) :p
ما أقول إلا الله يديم المحبة ..

أشوى مير اللي ماحطوا احتفال تسان بنات المدرسة يكفرن
عشر دقايق بإذاعة وقالن هوالات أجل ملقيات قصيدة آخر بيت منها
يقول : ( لو تقوم القيامة ما أتوب عن حب سلطان )
ياربي لاتخسف بنا .. يوم القيامة أمك وأبوك ماتسألين عنهم وش عاد سلطان !
والله المديره ماتلام .. هذولي كفوهن إذاعة بلغة الإشارة وتخب بعد !

عموما السالفة أتفه من إنه ينزل به موضوع وتلقى ردود بس لزوم سعة الصدر
قلت أشارك من حيني مالي خلق هالمدرسة من شين طالباته وكملت يوم قريت هالموضوع !

الله يشفي المرضى يارب

[Queen of buraydh]

منتيب ميتة قبل يومك اذا ما احتفلتي , الامير مايبغى منك الا الدعاء

[عاشق الخير]

بسم الله أبدأ

أولاً أوكد خبر الاخت أحساس مظلوم بأن مديرة أحدى الثانويات ببريده منعت منسوبات وطالبات المدرسه من الاحتفال بعودة أميرنا المحبوب سلطان القلوب.وقد شهد عليها جميع المعلمات والطالبات بذلك. وأن دل ذلك على شيء فأنما يدل على عدم أهتمامها بمسئولي الدوله وكذلك عدم أهتمامها بأوامر المسئولين في قطاع وزارة التربية والتعليم والمفروض منها تنفيذ كل مايصدر من تعاميم وأنما تاخذ القرار من رأسها وتعجرفها فهذا ليس من حقها وسوف تحاسب على تلفظها على أميرنا الغالي بمقولة ( وإذا جاء سلطان خير إنشاء الله)هذا سلطان ياأخت (مها) وليس اي شخص ثاني هذا وانتي مديرة مدرسة وقدوة للمعلمات والطالبات لديك.. ماذا ينقص لو احتفلتم بحصتين ايتوقف قطار التعليم لديكم أم انكم تختلفون عن باقي مدارس المملكه. اتمنى أن يصل الامر الى مدير التربيه والتعليم لكي ينظر في تصرف هذه المديره التى بدأت تصدر أوامر من عندها ليس الا عدم مراقبة على مثل هذه الاشكال من المديرات أما الجهات المسئوله فسوف يصلهم بأذن الله خبر تلفظ هذه المديره على ولي عهدنا واميرنا الغالي ونحمد الله ان عاد الينا بالسلامه والعافيه..(( خبر الاخت صحيح ومشهود على تلك المديره بما قامت به من منع الاحتفال والتلفظ على الامير))

وخير يا طير واذا جااء الامير ....
وخليك شااهد على كلامي هنا ...
وافتحوا موضوع عن وقولوا انه قال كذا ...خخخخخخخخخخ
جاايبه كل الفصل تشهد هههههههه

[احساس مظلوم]

حركتكم هذى جايبه كل الفصل ومدرى كيف انا اظن ان كل واحد وله رايه وهذا شى ما نشك فيه
كلناآآ

ويا فتحيه الجاهل عدو نفسه .......ْ}
انتى ما ادرى ليه معصبه ومتعبه نفسك الله وكل هذا عشان تردين واظن الى يردون بالموضوع مالهم دخل بالسالفه مو من مصلحتك تردين عليهم بهذى الردور واعتقد هذا سوء تصرف منك

الأزدى ؟"" يعطيك الف عافيه الحمدلله ان الحقائق طلعت

[مساحة حره]

وين العلاقات العامة بالمنتدى تتصل وتتأكد

هل احتفلت الثانوية الخامسة ام لم تحتفل

وهل المديرة قالت الكلام ام لم تقوله

الله يعينكم على انفسكم ،صحيح كل بعقله راضي
وليه ماقلت وينهم يتأكدون هل فيه مناهج واقفة ولا لا؟
الله يرحم حالك انت وصاحبة الموضوع !!!!!!!!
ترى ردودك تجسد شخصيتك ومدى اهتماماتك.
بعدين ترانا ظالمين للطالبات يوم كل شي نلزقه بهم أنا أخاف إن كاتبة الموضوع من فئة أخرى .!!!!!!!!!!!!!!!!!!!!!!!!!!!!!!!!


من يضمن لي إنها طالبة؟؟؟ (من تالي صار النت مكان لتصفية الحسابات وأصحاب النفوس المريضة)

[عاشق الخير]

حركتكم هذى جايبه كل الفصل ومدرى كيف انا اظن ان كل واحد وله رايه وهذا شى ما نشك فيه
كلناآآ

وللمعارضين لموضوعك رأأي ايضا ..

ام تريدين كل الاعضاااء يمدحونك على موقفك الانسااني واصرارك على الترحيب وابداء المشاعر لسلطان الخير ..
ورفضك للدراسه في سبيل القيام بواجب الضيافه لحضرة سموه ..

[احمد الس]

الحمد لله انه ماحطت
عالم فاضيه
يانس ادعوله ترحون تغنون وتحتفلون ماله داعي.....
تقبلي مروري.....

[فركي]

معليش أختي!!
بس أنا خواتي يدرسون هناك ويقولون أن سيرة المديره طيبه
وإذ كانت قايله هالكلام فأعتقد أنها زله!!
وبعدين أذكر أن المريض مسانتدته بالدعاء له مو بالاحتفالات
وعلى الخبر اللي جاني جزاها الله ألف خير
أنها تكرمت ودرستكم علم النفس
والصراحه أختي أنصدمت يوم قرت الخبر
تقول ((أنا حاضره الطابور ولا سمعت هالجمله من المديره))
هذا يدل على عدم صحه بالكلام!!
وإذ فرضآ أن المديره قالت هالكلام فمن المعروف أنها مو جايبه هالجمله من فراغ!!
أكيد شافت حركات مو مهيئه لطالبة علم!!
وبعدين لو جد أنك يا أختي الكريمهـ
تحبين سلطان كان رحتي للاداره وتواجتهي معها
مو سب وسخط بحركتها ذي!!
ونسمع كلام مو متأكدين أحنا منه
والمفروض تشتكون من اشياء لها بالفعل مكان للجدل
مو حفله راس مالها كم حصه
وإذ على الاحتفال أحتفلي ببيتكم الله يستر عليك
واتركـ الرأي للاعضاء

[ام سااامي]

بسم الله الرحمن الرحيم
اولآ
بعيدا عن المهاترات
بعيدا عن الإستهتار في وطنيتنا
وحبنا للوطن وولاة امره
الا نعتبرمما يحصل في البلاد المجاوره لنا من تزعزع وخصوم بسبب انعدام الوطنيه في ابنائهم ؟؟
كما هو حاصل الان وعلى هذه الصفحات
هنا اقول ؟
اين وطنية هذه الاستاذه القائده والمديره لصرح من صروح التعليم
ولماذا الاستهتار لهذا الحد ((وخير اذا جاء سلطانــ))ـ
اسألكم بالله كيف ستربي ابنائها على حب الوطن ؟وعدم العبث بأمنه ؟
من اين اتى الارهاب الينا ؟؟
ثانيآ
بعيدا عن تلفظها بقول ((وخبر اذا جاء سلطان))
نعم هي مديرة منفردة ومتميزه عن باقي المديرات بحبها لمصلحة طالباتها خوفا ان يتأخرن في المناهج الدراسيه
؟؟
ساعه ونصف لا تؤخر ولا تقدم في المناهج يا استاذتنا الفاضله ؟؟
نعم هي مديره منفرده ومتميزه عن باقي المديرات في دفنها لمواهب الطالبات ؟؟
الا تعلمين ان مثل هذه الحفلات تنمي من مواهب الطالبات وتفيدهن اكثر من المناهج الدراسيه
الا تعلمين انها ساعة ترويح بالنسبه لهن تعيدهن لمناهجهن اكثر نشاطا ؟؟
اتعلمين انك قتلت الفرحه داخلهن ؟؟
هذه لديها موهبة الالقاء وتلك موهبة الانشاد واخرى موهبة التمثيل ؟؟اين يذهبن بهن ؟؟
ومتى سيجدن الفرصه للمارسة مواهبهن
وانتي تكبحين بجماح طموحاتهن وترفضين اقامة الحفلات لهن
وكيف ترفضين مثل هذه الاحتفال ووزير التربيه بذاته امرك بذلك ؟؟ هل انتي اعلم بمصلحة الطالبات منه ؟؟ام ترين انه امر باقامة احتفال من غير ان يدرس الموضوع هل هو اصلح لطالبه ام لا ؟
نعم انت مديرة متفوقه ومثاليه عن باقي المديرات في تجاوز الأنظمة..

عذرآ يا سلطان الخير .. لا تؤاخذنا بما فعل السفهاء منا

[جنون انثى]

اول شئ احب اعقب على كلام الاخت امـ سامي

لا يجوز ان تربطين ايه بعبد من خلق الله ..عذرآ يا سلطان الخير .. لا تؤاخذنا بما فعل السفهاء منا
انا وحدهـ محايدهـ
امـ عن اميرنا فنحن مع الطرفين المديرهـ قامت باذاعه وقمنا بالتكلمـ عن سيرة اميرنا الغالي جعله الله ذخرا لبلادنا...

وانا طالبه حالياً ادرس في المدرسه ما نقلته على لسان غيري

وقمنا بتحضير ثلاث ايامـ اذاعه عن اميرنا الغالي واعتقد ان المديرهـ حفظها الله قامت بما عليها فعله ..
وانا شخصيا كنت من ضمن مقدمي الاذاعه

امأأ عن الاخت اللي كاتبه الموضوع انتي الظاهر ماهمك سلامة الامير لكن انتي ودك تطلعين عن الحصص
ولو انتي فعلا مهتمه لمستقل الطالبات كان كتبتي عن تاخر المناهج اصلحك الله
بس انتي الظاهر عندك فراغ وتحبين تقضينه بالدوران باسياب المدرسه

اما عن مناهجنا فنحن متاخرين وبشكل ملحووظ جدا وبعض المواد لديناالمديرهـ تقومـ بتدريسنا وهي ليست ملزوومه لكن حرصها على تاديه الامانه باكمل وجه قامت بتدريسنا

الظلمـ ظلمات يومـ القيامه

طالبه في الصف الثاني ثانوي ادبي ...الف<<أ

[سيف وفيصل]

وين العلاقات العامة بالمنتدى تتصل وتتأكد

هل احتفلت الثانوية الخامسة ام لم تحتفل

وهل المديرة قالت الكلام ام لم تقوله

هذا أفضل كلام قيل هنا!!!!
الاعلام انعكاس الواقع
وسلطة رابعة
والمنتدى يبدو عاجبه الموضوع
وما يحب يتأكد

[في خاطري شي]

شكله تسديد ديون

[أسير الود]

Blue"] يقول الله تعالى في كتابه الكريم ( يا ايها الذين امنو ان جائكم فاسق بنبا فتبينو ان تصيبو قوم بجهاله فتصبحو على مافعلتم نادمين ) صدق الله العظيم كان الله في عونك يامديره الثانويه الخامسه للاسف ابتلاك الله بهذه العينه من الطالبات امثال احساس شيطان وهي ظالمه لنفسها قبل لظلمها للغير بالتجني وتاليب المسئولين على اداره المدرسه بحجه انها تريد ان تحتفل بسلامه الامير سلطان وانا على يقين ان الموضوع تصفيه حسابات لمخالفات وقعت فيها المتشدقه بحب الوطن وولاه الامر حفظهم الله اتمنى من هذه النكره المتخفيه خلف ستار اسم مستعار يحمل معاني لاتنطبق عليها ان تتحلى بالشجاعه وتطرق باب المسؤل بادارة التربيه والتعليم وتثبت صدق ادعائها وانا متاكد انها لن تفعل لان الكذب عواقبه وخيمه وسوف ينقلب السحر على الساحر وليقيني ان المسؤل وضع ثقته في شخص مديره المدرسه ولا يمكن باي حال ان تكون غير جديره بهذا المكان والله من ورى القصد ويشهد الله اني لا اعرف من تكون مديره المدرسه او مكانها[/SIZE]

[مساحة حره]

من زين المدرسة اللي تبونها تجمع الطالبات بها ماعندهم إلا المصلى اللي لو جمعت به كل الطالبات كان طلع لهم نوع انفلونزا جديد غير الخنازير من الكتمة .
وان حطتهم بالساحة ،العالم ماتوا من البرد ولو طايحة طالبة بعز هالبرد كان قامت الدنيا ماقعدت .




ياناس خلكم منطقيين ، الموضوع كيدي واضح .........
اذكروا الله وحكموا عقولكم .....بعدين خير وش صار؟
التعميم اللي شفته بموقع الوزارة
فيه عدة فعاليات للتطبيق من ضمنها المشاركات من الطالبات والمسابقة .....يالله عساكم على القوة يافنانات المدرسة ..

[فركي]

شكله تسديد ديون
v
v
v
v


صدقت (في خاطري شي)ويظهر ان الطالبات شماعه كأني أرى في الموضوع معلمه وتريد الانتقام من المديره خاصةً ان ا خواتي في المدرسه وياكدن على ان الاذاعه ثلاثة ايام وانهن ماسمعن من المديره اي كلام من هذا النوع.
لكن ما افكر فيه هواي قلب داخل حنايا هذه الطالبه لكي تتجنى على مديرتها وان كانت معلمه(وهو اقرب للواقع)فهي غير جديره بتدريس بناتنا ومنهن اخواتي لانها تفتقد لابسط الطرق التربويه.لكن اهمس في اذن الطالبه هذه (حب سلطان الخير حفظه الله لاتترجمه احتفالات ولو كان لنا مشوره عند وزارة التربية والتعليم(والله من بعدها)كان قلنا ان ابو خالد احب عنده ا كمال مناهج بناتنا ووضعهن في مدارس تليق بهن وان كان قياس حب بناتنا لولاة امرنا والروح الوطنية لديهن تترجم بحفلة واناشيد فقد اخطأ من ترجمها كذلك فحب الوطن وولاتنا اكبر من ذلك )فهوني عليك اخيه واستعيذي بالله من الشيطان الرجيم وابعدي مابقلبك من غل على مديرتك فاقرب للحق انه هو ماحرك غيرتك .

[كيرلي]

مرحبآ بالجميع ..


آول شي حابه اعقب على كلام الأخت ام سامي

اضنك معطيه الموضوع اكبر من حجمه ..

يعني الحين اذا سوينا الأحتفال ماصار فيه ارهابيين وانغرس بقلوبنا حب الوطن


اعتقد ان اذاعه لوحدها تكفي والأحتفال كله ماله داعي واعجبتني المديره لما ررفضت هالشيء مع اني ماسمعته منها شخصيا .؟!

ولو كان فيه احتفال اول من بيغيب انا وشلتي كلهم حتى لو كان نص ساعه يحطون محاضره دينيه افيد لنا من احتفال مدري وش المطلوب منه .؟

تبين تحتفلين ماحد رادك احتفلي ببيتكم واعزمي صديقاتك وهناك تفلونها صدق مو بمدرسه !!

ثاني شي * مامثلي احد * يالي تقولين المديره طقت الصدر وشرحت للثاني ادبي علم نفس

انا متأكده 100% انك مو من الأدبي

وحنا بنات الأدبي والي تشرح لنا المديره ماشتكينا وبالعكس الوضع عاااااااااجبنا مررررررره واتمنى سرآحه انه تاخذنا المديره لأخر السنه وللثالث بعد بس مو بيديننا مع انها لغه عربيه الا انها عرفت توصل المعلومات لنا اكثرررررررررررررر من استاذه علم النفس .!!

وآنآ من هنآ اشكر المديره كل الشكر لمآ فعلته واتخذته من قرآر (( عدم احتفال واكتفت بالأذاعه ))
وتدريسها لنا للمنهج علم النفس واعجبتني والله بهالموقف بالحييل ..

نشكرهآ جزيل الشكر ..

تحيآتي كيرلي > طالبه بالثانويه الخامسه ثاني ادبي / أ :)

[مساحة حره]

إهداء إلى الأخت الفاضلة مديرة الثانوية الخامسة من المنقولات الرائعة للأستاذ سلطان العثيم


اشكر حسّادك..!!





السلام عليكم ورحمة الله وبركاته


مقال رائع لــ د. عايض القرني .عجبني فنقلته للفائده من سطوره الدرر



أشكر حسّادك ..!


النقد الموجّه إليك يساوي قيمتك تماماً،

وإذا أصبحت لا تُنقد ولا تُحسد فأحسن الله عزاءك في حياتك؛
لأنك متَّ من زمن وأنت لا تدري،
وإذا أصبحت يوماً ما ووجدت رسائل شتم وقصائد هجاء وخطابات قدح
فاحمد الله فقد أصبحت شيئاً مذكوراً وصرت رقماً مهماً ينبغي التعامل معه.

إن أعظم علامات النجاح هو كيل النقد جزافاً لك،
فمعناه أنك عملت أعمالاً عظيمة فيها أخطاء،
أما إذا لم تُنقد ولم تُحسد فمعناه أنك صفر مكعَّب «حُرِّمت عليكم الميتة»

يقول صاحب كتاب (دع القلق):
إن الناس لا يرفسون كلباً ميّتاً، ولكن أبا تمام سبق لهذا المعنى فسطَّره وعطَّره وحبَّره فقال:

وَإِذا أَرادَ اللَهُ نَشرَ فَضيلَةٍ ... طُوِيَت أَتاحَ لَها لِسانَ حَسودِ

يقول أحد الكتّاب: عليك أن تشكر حسّادك؛
لأنهم تبرعوا بدعاية مجانية نيابة عنك،
وإذا وجدت هجوماً كاسحاً ضدك من أصدقائك الأعداء أو من أعداءك الأصدقاء
فلا ترد عليهم بل سامحهم واستغفر لهم وزد في إنتاجك وتأليفك وبرامجك
فإن هذه أعظم عقوبة لهم يقول زميلي أبو الطيب:

إِنّي وَإِن لُمتُ حاسِدِيَّ فَما ... أُنكِرُ أَنّي عُقوبَةٌ لَهُــمُ

إن نقد أعدائنا الأصدقاء يقوِّم اعوجاجنا الذي ربما أعمانا عنه مديح الجماهير وتصفيق المعجبين،
يقول غوته: إن الدجاجة حينما تريد أن تبيض وتقول: قيط.. قيط تظن أنها سوف تبيض قمراً سيّاراً،
فالعالِم لكثرة ما يمدح يظن أن الله لطف بالخلق لمّا أوجده في هذا الزمن،
والمسؤول إذا أُثني عليه بقصائد يحسب أن الملائكة في السماء تصفّق له،

إذاً فلابد من وخزات نقدية؛

ليستيقظ العقل المبنَّج بأُبر أهل المدح الزائف الرخيص،

يقول أحد الفلاسفة:
إذا رُكِلتَ من الخلف فاعلم أنك في المقدمة،

إن التافهين ليس لهم نقّاد ولا حسّاد؛

لأنهم كالجماد تماماً، وهل سمعت أحداً يهجو حجراً أو يسب طيناً ؟!
وتذكر أن الكسوف والخسوف للشمس والقمر أما سائر النجوم فلم تبلغ هذا الشرف.
يقول زهير:

مُحَسَّدونَ عَلى ما كانَ مِن نِعَمٍ ... لا يَنزِعُ اللَهُ مِنهُم ما لَهُ حُسِدوا

ذكروا عن العقاد أن أحد الكتّاب شكا إليه تهجم الصحافة عليه فقال العقاد: اجمع لي كل المقالات التي هاجمتك، فجمعها،
فقال له: رتّبها و


ضع قدميك عليها، فلما فعل قال له: لقد ارتفعت عن مستوى الأرض بمقدار هذا الهجوم ولو زادوا في نقدهم لزاد ارتفاعك.
يقول ابن الوزير:

وشكوت من ظلم الحسود ولن تجد ... ذا سؤدد إلا أصيب بحسّدِ

إن أصدقاءك الأعداء وإن أعداءك الأصدقاء لم ينقموا عليك لأنك سرقت أموالهم أو اغتصبت دورهم

ولكنك فقتهم علماً أو معرفة أو مالاً أو حققت نجاحاً باهراً،

فلا بد أن يقتصّوا منك جزاءً وِفاقاً لتصرفك الأرعن لأن الواجب عليك عندهم أن تبقى تحتهم بدرجة،

إذاً فلا تنتظر من حسّادك شهادات حسن سيرة وسلوك ودعاء في السحر

بل توقَّع قصائد عصماء مقذعة وخطباً نارية بشعة ومقامات أدبية مشوّهه.
والمشكلة أن صديقك الحاسد يرفض دستور المودة وأنت تعرضها عليه،
ويبحث عن آخرين.

[القابعـ]

يا جماعه ..

هذا موضوع انطرح في منتدى ..

فلا نعلم الجد من الكذب ..

ولا بد من التاكد ..

حيث ان كاتب الموضوع لم يذكر اي مصادر موثوق بها ..

احترامي للجميع

[ام سااامي]

جنون انثى

اول شئ احب اعقب على كلام الاخت امـ سامي

لا يجوز ان تربطين ايه بعبد من خلق الله ..

نداء للاخت جنون انثى ..
هاتي دليل ان الاقتباس من كتاب الله تعالي لا يجوز ؟؟؟
ياشطوره لا عاد تفتين من عندك ..
اذا جبتي الدليل اتعهدلك ما عاد اقتبس

[فتحـية]

أم ساامي :
جاية الله يستر علينا وعليك بتفقعين عيوننا بهالخط الكبيراتقي الله بنا ترانا وقسم بالله نقرأ ردك من غير حاجة تكبير ..
أو مسويه فيها ردي مهم تراه مادلته الأهمية لا من قريب ولا من بعيد ..وبيني وبينك يصلح نكته أكثر من كونه رد هه
أجل تقولين كيف ستربي أبنائنا على حب الوطن !
لايكون حبيبتي حب الوطن من أركان الإسلام وأنا ما أدري ..
نعم هي مديره منفرده ومتميزه عن باقي المديرات في دفنها لمواهب الطالبات ؟؟
الا تعلمين ان مثل هذه الحفلات تنمي من مواهب الطالبات وتفيدهن اكثر من المناهج الدراسيه
الا تعلمين انها ساعة ترويح بالنسبه لهن تعيدهن لمناهجهن اكثر نشاطا ؟؟
اتعلمين انك قتلت الفرحه داخلهن ؟؟
أنا مدري هل المديرة ماخلت الطالبات يتعيدن يوم أنك تقولين قتلت الفرحة
وإلا مرسبتهن وإلا وشو بالضبط ..
تراه حفل خطابي ممل مافيه جديد كلمة وقصيدة مافيه مواهب ولا يحزنون
شكلك فاهمة المواهب خطأ وأنا أختك ..
هذه لديها موهبة الالقاء وتلك موهبة الانشاد واخرى موهبة التمثيل ؟؟اين يذهبن بهن ؟؟
ومتى سيجدن الفرصه للمارسة مواهبهن
وانتي تكبحين بجماح طموحاتهن وترفضين اقامة الحفلات لهن

ياربيييييييه حلفت عليتس يا أخيه لا تصيحين لا تصيحين قطعتي قلبي
كلش عاد ولا كبح الجماح !
وكيف ترفضين مثل هذه الاحتفال ووزير التربيه بذاته امرك بذلك ؟؟ هل انتي اعلم بمصلحة الطالبات منه ؟؟ام ترين انه امر باقامة احتفال من غير ان يدرس الموضوع هل هو اصلح لطالبه ام لا ؟
لا يكون وزير التربيه الرسول !
وخير ياطير وإذا أمر بذلك !
المديرة أبخص بالمصلحة من وزير قاعدن على مكتبه ولايدري
عن أحوال المدرسة ولا ظروفه!

نعم انت مديرة متفوقه ومثاليه عن باقي المديرات في تجاوز الأنظمة..
مدري وراه جان إحساس عظيم إن اللي حولك قعدوا يهمزونك عقب هالسطر ، متعوب عليه الصراحة ينفع نكته برضو خخخ


ما أقول إلا يابخت سامي بك أم ماشاء الله رائعة
الله الله بحب الوطن حاولي تشربينه إياه مع الحليب !




أبشرك عاد قررت إدارة المدرسة تحتفل .. يالله السلامه منك ومن شر أمثالك
يالله عاد انبسطي واستانسي وامسحي دموعك خلاص من قدك بتحتفلين
بأميرك المحبوب وبنشوف المواهب .. وياليت لو تتكفلين تعزمين صالح
العريض خبرك راعي قناة مواهب وأفكار ينفع الطالبات !
الله يعين المديرة بس

[جنون انثى]

نداء للاخت جنون انثى ..
هاتي دليل ان الاقتباس من كتاب الله تعالي لا يجوز ؟؟؟
ياشطوره لا عاد تفتين من عندك ..
اذا جبتي الدليل اتعهدلك ما عاد اقتبس



اعصابك وراكـ شايطه علينا
بعدين ياماما عيب هذا وانتي ام تتطنزين وش خليتي لسامي ولدكـ<<خ1
الظاهر الديون عليك زايدهـ هالايامـ وتمدحين سلطان<<هـ 7
وان شاء الله اجيب لك الدليل....

[أبـــو خـــالـــد]

والله من الفضاوة

[شموخ شاب]

يعطيك الف عافيه

تقبل مروري

[القهيقهي]

1- المفروض تكون عودة الامير خير ولا يتم معاقبة احد ولا يحزنون كما لمحت الكاتبة!!
2- الامير يحتاج لدعاكم اولا واخيرا
3- بعض الردود المؤيدة للموضوع (مشاركتهم بالمنتدى قليلة)؟؟؟
4- يبدو ان هناك نفس كيدي من كاتبة الموضوع وتصور ان مديرة المدرسة امها او اختها هل ستنزل الموضوع؟؟

ارجو من اختنا الا تزعل وتكون اعقل من ان تستخدم اسلوب التحريض الذي لاينطوي على المسؤولين؟

[عاشق الخير]

الذين يشاهدون محتوى الموضوع الآن : 7 ( الأعضاء 3 والزوار 4)
‏عاشق الخير* , ‏نوره الجمعه , ‏القهيقهي

يكفيني من هالمووضوع عوده الاخت نوره ..

عودا حميدا ....

[нεŁм-αинđм]

^

خلآص شبآب ، بنآت كل وآحد يصلح سيآآرته :c7:<~ هع

مآصآرت خلصت السآلفه وانتم للحين مشتبين

وهي مديره والنعم به مآقلنآ شي بس الله يصلحه عليه طلعآآت آحيآنآ مدري وش تبي

وحنآ عآآد مآ نصدق تجي الفرصه عشآن نطلع اللي بقلووبنآ ، لآن آحيآن تحط قرآرآت مآل آمه دآآعي وكل شي ممنوع عشآن كذآ البنآآت شآيلين عليه


وآلآحتفآآل آنتهى والحمدلله آذكروآ الله وهدوآ آعصآآبكم

[فارس حمد]

الموضوع ظاهره الولاء و باطنه تصفيه حسابات و كيد

و الردود الداعمه من اصحاب التسجيل الحديث و المشاركات القليله دليل !


يا صاحبه الموضوع ... كان الله في عونك على ما اقترفتي !

[عبود زمان]

بيّض الله وجه هالمدريه

وهذا إن دل فيدل على حرصه الشديد على الطالبات

وإن كنتي تحبين الأمير سلطان إدعيله بصلاتك

والحين هالمديره صارت ظالمه بنظرك ؟؟؟!!!!

[كاكا نجد]

اختي اعتقد انكم كبار ع الاحتفلات المدرسيه والله المديره تبي المصلحه لكم

طيب ضحكتو درسين طيب لو دارسين ومستفيدين مو احسن

تحياتي لك

[روحانه]

ابوسعود

بدرالوبلي

عجوزسمنسي


فرقة المحبه .. ياسر الهلالي .. فديكا بريدة ..كاكا نجد

السيدة الدكتورة ..فيفادول ..عبود زمان ..فارس حمد ..القهقهي ..

ابوخالد .. جنون انثى ..فتحيه ..مساحة حرة ..كيرلي ..فركي ..


اسير الود ..احمد الس ..عاشق الخير .. الفنخا ..رعد القلوب ..


تحيه لكم جميعآ فعقولكم نفتخر بهــــــــــــا ..

اقسم برب الكعبه لا اعرف المديرة و لاعرف اي عضو منكم


لكن اعرف الحق من الباطل ولله الحمد والمنة ..