وراه المدرسات ينفخن على العالم !!

[ثامر الناصر]

السلام عليكم


لدي ملاحظة الحقيقة شاهدتها في الحريم ماأدري ملاحظتي في محلها أو لا .. وهي أن المرأة التي تكون ( معلمة ) دايم تشوفها عندما تمشي تكون نافخة نفسها ومشيها فيه نوع جبروت شويه وإحساس لديها أنها غير الحريم بعكس غالبية الحريم التي تكون تستحي وتقصر صوتها إذا حضر الرجال حولها مثلا أو بالمحلات التجارية .

وأيضا المعلمة كثيرا ماتجد صوتها دائما عالي خاصة بالاسواق وفي المحلات التجارية .. واعتقد ان هذا الشي نابع من ربما تعودها على الهوش على البنات وكذلك على ( الزمرة ) عليهن وتعتقد ان كل من حولها هن طالبات بالمدرسة تنفخ عليهن متى مابغت دون رادع هع

ياترى هل كلامي صحيح من واقع بعض أشكال الحريم التي اجزم انهن معلمات ومن واقع القريبات لي من المعلمات .. أم أنها مجرد تخمينات جانبت الصوواب ؟؟ :)

وش رايكم ؟

[تركـي]

ابوالوليد

يمكن انت صادفت موقف معين
ولكن حسب وجهة نظري ارى ان القاعده لاتعم
يوجد معلمات يمكن من زود الجحاده مايدرى انها مدرسه <<< خاطمه مالها دخل 0000

تحيتي 0

[نـدى الـورد]

انا اقولك كووني معلمه

هو زيااده في الثقه

وقليل من الممارسه وذلك بنفخها كــ انهم طالبات

والممارسه تصبح عاده

اضف الي انني من عائلة كلهم ضباط من والى

فــ اصطبغت بمشية الضابط ... وصرامته وخشونته

هههه

.

[≈ Śķőőŋ »]

صادز والله ياترى لماذا ينفخن ريشهنhttp://9g9g9.com/up//uploads/images/9g9g9-60f89a76e1.gif (http://9g9g9.com/up//uploads/images/9g9g9-60f89a76e1.gif)

عــوآآفي ..~

[ثامر الناصر]

ابوالوليد

يمكن انت صادفت موقف معين
ولكن حسب وجهة نظري ارى ان القاعده لاتعم
يوجد معلمات يمكن من زود الجحاده مايدرى انها مدرسه <<< خاطمه مالها دخل 0000

تحيتي 0

اكيد المسألة ليست عامة لكن انا ارى ان الاغلبية تكون بتلك الصفات ربما لانها متعودة على طبيعة العمل وتطبقه على الواقع امام الناس هع

[لِـيم’]

.. انا اذ اشفته تمشي على طول ادري انه معلمه

[ذات]

والله انك صادق ....وكلهم مين قال لا تعمم ...الا عمم عليهم ..وابصم بلعشره ...من خلال معرفتي بهن...
والحمد لله الذي لم يبتليني بعقدة التدريس ...الله فكني ...
لكن يضل هناك القله القليله ....جدا جدا جدا ....والاعم أشمل ...

[كفاني عذاب]

مرحبآ ابو الوليد
صدقت بما قلت سيدي
ربما هذا النفخه وبمعرفتي بأنها لي سيطره على اخرين !
وربما بأنها تملك مرتب لها !



اضف الي انني من عائلة كلهم ضباط من والى


ممكن تتوسطين لـ خويي وتسجلينه في العسكريه ؟

[ΜǾǾή ŁĭĝĦť]

من واقع بعض أشكال الحريم التي اجزم انهن معلمات

تجزم انهن معلمات والا متاكدت
مهوب صحيح كلامك يالاخو هذولي اللي تجزم انهن معلمات مهوب من التدريس لا من
طبيعه عائلته
دايم تلقى ناس من عوايل معينه لسانهم طويل ومايستحون
يعني جزمك خاطئ

[Miss Tala]

ماادري والله بس بعض الاحيان من جد اول مااشوفه اقول هذي مدرسه..
فيه يعني شي مشترك وملاحظ..بس مو طولة اللسان , يعتقدن انهن دايم يعرفن كل شي وعندهن كل السنع..

[أوطان]

لاينبغي التعميم ليس كل المعلمات لهن تللك المشيه العسكريه ,, والصوت الجهوري,,!!
ودي أويقك على معلمات بإبتدائيه مجاوره لسكني ,,
ليتك تراهن وهن يجرَن انفسهن جرَاً مطئطيئات الروس ولكأن الهزيمه حلت ,,
ربما كلما مضت سنوات الخدمه قدماً انخفضت درجة الصوت وطأطأ الرأس!
مع شديد احترامي وتقديري لهذه المهنه العظيمه ,,

[وضوح]

اهلاً ثامر /

اعتقد ثقتهن بأنفسهن وجرءتهن نسبتها اكثر من غيرهن ..!

أما اللسان بالعكس ماله علاقة بالتدرس

ياكثرهن يلوسنن بالاسواق وبالمجالس ...وهن مامعهن شهادة ابتدائي

يعني مش شرط ...!

تحيتي ،،

[صاحـــي لكـ]

نعم كلامك صحيح اختي معلمه ومن كثر ماتنفخ على الطالبات تجي تنفخ علينا ام الهكي

[S e n s a t i o n s]

خخخخخ صااااااااااااااااادز انت اموت واعرف وش يحسن بوه يدعدعن يقالهن دكتورات على الغفله هع ويناظر بطرف عين مدري عشان هالراتب الي ياخذون كل شهرخخخخ
يحوول ولله ماترحم الا المعلمات الله يكون بعونهن بس

<<< جازلهـ الوضوع خخخخ

[ثامر الناصر]

انا اقولك كووني معلمه

هو زيااده في الثقه

وقليل من الممارسه وذلك بنفخها كــ انهم طالبات

والممارسه تصبح عاده

اضف الي انني من عائلة كلهم ضباط من والى

فــ اصطبغت بمشية الضابط ... وصرامته وخشونته

هههه

.


شكرا لك ندى الورد .. بالفعل ربما الثقة الزائدة فيها من الاسباب برأيي .. ولكن العادة ينبغي ان تنحصر بالمدرسة فقط .. بعيدا عن الاطفال في المنزل والاستراحات يحول مالهم دخل بكونك ( معلمة )
واما المشية العسكرية حلوة الصراحة .. ولكن بدون نجمات على الكتف :)

[ثامر الناصر]

صادز والله ياترى لماذا ينفخن ريشهنhttp://9g9g9.com/up//uploads/images/9g9g9-60f89a76e1.gif (http://9g9g9.com/up//uploads/images/9g9g9-60f89a76e1.gif)

عــوآآفي ..~

شكرا لك شواطئ الانتظار .. المسألة مااعتقد انها نفخة رئيس لكنها ربما الظن أن من حواليها يرضخون لها كما الطالبات بالمدرسة ..
وانا بكلامي لم أقلل من المعلمة التي تعتبر من اشرف المهن الحقيقة .. ولكنها خاطرة كانت ببالي وسألت عنها بعض القريبات والأهل فأكدن لي نسبة كبيرة من صحة كلامي ..

[ثامر الناصر]

.. انا اذ اشفته تمشي على طول ادري انه معلمه

طيب هل تعرفين المعلمة من نفس المواصفات التي قلتها أم من أشياء أخرى مثلا يعني لابسة نظارات >> ماادري ليش لما اشوف نظارات ادري انها معلمة هع

[ثوب جديد]

خلن اخذ مدرسة واعلمك

[ثامر الناصر]

والله انك صادق ....وكلهم مين قال لا تعمم ...الا عمم عليهم ..وابصم بلعشره ...من خلال معرفتي بهن...
والحمد لله الذي لم يبتليني بعقدة التدريس ...الله فكني ...
لكن يضل هناك القله القليله ....جدا جدا جدا ....والاعم أشمل ...

بالعكس التدريس مهنة روعة .. لكن من دون رزة خشم هع .. بعدين المعلمات مهما كان يعجبني بهن شي انهن فاهمات .. يعني هنا فرقهن عن غيرهن الصراحة ..

[آحساس ع ـاشق]

مو كلهن تسذا :)

الاغلبيه وتلقاه دايم مصعبه من التدريس هع وفي الاماكن العـامه:)

يعطيك العافيه ثامر الناصر

تـ ح ـياتي ..

[ثامر الناصر]

مرحبآ ابو الوليد
صدقت بما قلت سيدي
ربما هذا النفخه وبمعرفتي بأنها لي سيطره على اخرين !
وربما بأنها تملك مرتب لها !




ممكن تتوسطين لـ خويي وتسجلينه في العسكريه ؟

شكرا لك كفاني على التوااجد .. اعتقد انها ربما حب السيطرة .. ولا الراتب لااعتقد انه مبرر لذلك .. صح انها لاصارت عند الصرافة تنفخ نفسها قدام اللي حواليها لكن مااعتقد انه سبب :)

[عصير الربيع]

يحقله ياحبيبي

اخر الشهر تستلم راتب وقدره

خله تستانس وتنفخ ريشه على الزلايب المنتفين :c7:

[ثامر الناصر]

تجزم انهن معلمات والا متاكدت
مهوب صحيح كلامك يالاخو هذولي اللي تجزم انهن معلمات مهوب من التدريس لا من
طبيعه عائلته
دايم تلقى ناس من عوايل معينه لسانهم طويل ومايستحون
يعني جزمك خاطئ

صعبة الجزم مية بالمية لكني واثق أن اغلبهن معلمات سبحان الله معروف اشكالهن حتى كما قلت بالرد السابق لدى الصرافات تجدها تتلفت وهي تصرف تخاف احد يناظر حسابها هع هع

واشكر لك المداخلة .. ويهمني الرأي والرأي الاخر انا وارى بالعكس ان اللسان الطويل ليس له علاقة بالعائلات انما بالبنت نفسها وطريقة حياتها

[رواسي]

إيواللهـ إنك صآدق المعلمآت يجيبون المرض وأشكآلهم معروفهـ
حتى في الزوآجآت تعرف إن ألي قدآمك معلمهـ

مدري يعني ألي تصير معلمهـ تفقد بعض مميزآت الأنوثهـ ( الدلع والرقهـ ) مآلت عليهم رجآل صآروآ

أمآ أصوآتهم عآد شيء ثآني
تصرخ وكن مآحد عندهـ لسآن غيرهآ

والمشيهـ البنآت يعرفون إن إن هذي معلمهـ وألحين دآخلهـ المدرسهـ ويطلع منجد خخخ


سلآآآآآآآآآآآآآآآآآمي
:)

[بطلة العالم]

يمكن فرحين

[SAGA]

صدقت أخوي أنا ملاحظة هالشي من زمان بس أتوقع السبب إنة تحس إنة أفضل من غيرة لإن مجتمعنا أعلى مستوى تعليم للمرأةفي الغالب متخرجة من الجامعة أنا أجزم لو هي بمجتمع كلة دكتورات كان صارت عادية

[روعة الكون]

مرحبا

ايه كلامك فعلا صحيح

وأيضا المعلمة كثيرا ماتجد صوتها دائما عالي خاصة بالاسواق وفي المحلات التجارية

هه تعودت على الصراخ بالمدرسه والموجه الصوتيه عندهـ تخبط من كثر الصراخ همن
يبتل صوته تكل مزاعق ..!!

اما بالنسبه لنفخة الريش اييه ياكثرهن المشكله انهن يحسبن ارواحهن فوق العالم على هالنفشه
لامشت تقول وشي ذي بس وخرو عنهـ خخ
ولا لو تجيب له طاري الوزاره تسان صارت ماهنا حليله تباري الساس
الله يصلحهن بس خخخ

[Netizen]

الكثير من قريباتي معلمات وبعضهن من تحمل شهادات عليا .. لم أجد ما تقوله .. بل على العكس ((بشكل عام)) أجد المعلمات أكثر هدوء ، وأكثر اهتمام في نفسها وفي أسرتها، و أكثر وعي، خلوقة .

أما بالنسبة للصوت العالي .. أعتقد والله أعلم أنها تعود لتنشئة نفسها -بيت الأهل-، ومن ثم تأتي طبيعة زوجها وأهل زوجها ..

لي زميلات كل واحد منهن تحمل سمات تميزها عن غيرها .. ومع الوقت أجد أن تلك السمات أكتسبتها من أسرتها وبالتحديد والدتها .. وما يناسب هذا الموضوع .. أذكر لي زميلة شخصيتها قريبة للرجال حادة،صوتها عالي،عنيدة، لا تحب النقاش .. وفي أحد الأيام أخبرتني عن والدتها.. وفي عرض حديثها قالت وبنبرة إعجاب والدتي متسلطة جدا .. بعدها عرفت السبب.

[شقاوهـ بدلع]

مهنه التدريس مهنه شريفه مانقول شيء
بس مو كونه معلمه ترفع خشمه ع غيره
وآنت صآدق آغلب المعلمات رآفعين خشومهم الا من رحم ربي
وآنا وآعوذبالله من كلمة آنا آكره مااشوف وظيفه التدريس.
الله لايبلآإآنآ...

[بنت منيره]

ليه تقولن خطاء؟؟
بالعكس نظرتك صح 100%
معظمهم كذا نفخين ريشهم وجريئات وشينه انفسهم وووو اللهم لك الحمد

الله يعافيه ولا يبلانا>>ماله خلق المدرسات

[مامانورة]

يمكن المعلمات القديمات0لكن اغلبية المعلمات الجديدات ذوق واحترام ورحابت صدر000بعدين الي يحسدالمعلمات هي جت بمجهودة صحيح اني مومعلمه 0لكن كلمة حق تقال000الرزق فوق والحسد في الارض000

[ثامر الناصر]

ماادري والله بس بعض الاحيان من جد اول مااشوفه اقول هذي مدرسه..
فيه يعني شي مشترك وملاحظ..بس مو طولة اللسان , يعتقدن انهن دايم يعرفن كل شي وعندهن كل السنع..

من ناحية انهن عندهن السنع جبتيها من جد .. والصراحة انا لست ضد المدرسات لكن هي ملاحظة >> اشوف بعض الناس زعلن هع

[نـدى الـورد]

يلا عااد

زودتوها حبتين

وصار المزح رزح

.

[فرٍآشهہَ خجوٍلهہَ]

ههههههههههههههههه

قصمن فطست ضحك

مير يحق لهن يرفعن اصواتهن وينفخن ريشهن عشانهن متعلمات واحسن من هالاميات

مير البلاء اللي تجيك مامعه ولا ابتدائي ورافعتن خشيمة تقل ملاك
ولا بعد تلقاه لسانه يلوط اذانه وتشوف الناس حشرات ياكثرهن بعد هماه ناقصه تحاول تبرز نفسه

//

[ثامر الناصر]

لاينبغي التعميم ليس كل المعلمات لهن تللك المشيه العسكريه ,, والصوت الجهوري,,!!
ودي أويقك على معلمات بإبتدائيه مجاوره لسكني ,,
ليتك تراهن وهن يجرَن انفسهن جرَاً مطئطيئات الروس ولكأن الهزيمه حلت ,,
ربما كلما مضت سنوات الخدمه قدماً انخفضت درجة الصوت وطأطأ الرأس!
مع شديد احترامي وتقديري لهذه المهنه العظيمه ,,

شكرا لك اوطان بالفعل هي ليست على كامل المعلمات انا قلة جزء منهن ارى فيهن تلك الصفات وهي ماذكرت .. وبلاشك مهنة التعليم مهنة رائعة وفيها تعلمنا ودرسنا وعرفنا كيف نكتب ونتكلم مع الناس بس ماعلمونا كيف نرز ارواحنا مثلهم :)

[ثامر الناصر]

اهلاً ثامر /

اعتقد ثقتهن بأنفسهن وجرءتهن نسبتها اكثر من غيرهن ..!

أما اللسان بالعكس ماله علاقة بالتدرس

ياكثرهن يلوسنن بالاسواق وبالمجالس ...وهن مامعهن شهادة ابتدائي

يعني مش شرط ...!

تحيتي ،،

شكرا لك وضوح .. نعم انا اتكلم عن هذه الجرأة التي ميزتهن عن الغير أنا لاارى لها مبرر الحقيقة . حيث ان المرأة واحد معلمة او غيرها ماعدا بالمضمون الداخلي وهي التعلم وفهم الامور اما في امور الشخصية والكلام اعتقد ان حدود المرأة واحدة للمعلمة وغيرها .. هذا مااقصده
وحول اللسان انا ارى الاغلب ربما هناك ملوسنات غير معلمات لكن الاغلب ارى كذلك وخاصة معلمات الجيل السابق يعني القديمات

[ثامر الناصر]

نعم كلامك صحيح اختي معلمه ومن كثر ماتنفخ على الطالبات تجي تنفخ علينا ام الهكي

اهلين راايق .. ربما اختك نوع مما اذكر .. ولكن ليس نفخ عاد ماتاصل انما جبروت ودبرة على من حولها

[ثامر الناصر]

خخخخخ صااااااااااااااااادز انت اموت واعرف وش يحسن بوه يدعدعن يقالهن دكتورات على الغفله هع ويناظر بطرف عين مدري عشان هالراتب الي ياخذون كل شهرخخخخ
يحوول ولله ماترحم الا المعلمات الله يكون بعونهن بس

<<< جازلهـ الوضوع خخخخ

اهلا اختي .. اهم شي جازلك بس >> شكلك مالك خلق المعلمات هع ..

بالعكس هن مكانتهن كبيرة بالمجتمع . ولكن ارى ان مايمارسهن احيانا من جبروت ودبرة على الجميع هي غير مناسبة .. والا فان المجتمع حتما سيبادلهن نفس الجبروت عندها يكون هناك شي خطأ بالحياة !

بعدين الراتب بالعكس حق لهن .. ولاارى انه مبرر .. ووشلون انتي تجلدين بالمعلمات همن تقولين مايرحم الا هن !! ماتجي :)

[ثامر الناصر]

خلن اخذ مدرسة واعلمك

الله يرزقك المدرسة ان شاء الله مثل ماتبي .. وبعدين لاتنسى ترد تعلمنا هل كلامنا صحيح او لا :)

[ثامر الناصر]

مو كلهن تسذا :)

الاغلبيه وتلقاه دايم مصعبه من التدريس هع وفي الاماكن العـامه:)

يعطيك العافيه ثامر الناصر

تـ ح ـياتي ..

بالعكس التدريس متعة لانها تجد فيه تحقيق لرغباتها وهو الهوش ( البعض ترى ) مو كلهن ينطن بي الحين ويه ..

بعدين التدريس والتعصيب منه يكون الظهر اول ماتطلع لكن بالليل معقولة للحين معصبة .. وشكرا لتوااجدك اخووي

[ثامر الناصر]

يحقله ياحبيبي

اخر الشهر تستلم راتب وقدره

خله تستانس وتنفخ ريشه على الزلايب المنتفين :c7:

ه يحقله لاجيت للصز .. لكن ياحول المنتفين ذولا هم اهلها وعيالها وبعدين الراتب مو سبب لان الكل يستلم راتب ولانفخ نفسه يابعدي

[ثامر الناصر]

إيواللهـ إنك صآدق المعلمآت يجيبون المرض وأشكآلهم معروفهـ
حتى في الزوآجآت تعرف إن ألي قدآمك معلمهـ

مدري يعني ألي تصير معلمهـ تفقد بعض مميزآت الأنوثهـ ( الدلع والرقهـ ) مآلت عليهم رجآل صآروآ

أمآ أصوآتهم عآد شيء ثآني
تصرخ وكن مآحد عندهـ لسآن غيرهآ

والمشيهـ البنآت يعرفون إن إن هذي معلمهـ وألحين دآخلهـ المدرسهـ ويطلع منجد خخخ


سلآآآآآآآآآآآآآآآآآمي
:)

لا انا ارى ان الدلع والرقة ربما موجودة رغم اني ماعاشرتهن لكي اعرف .. لكن انا اقصد ماامامي من المشية والصوت العالي بين الرجال هي الغالبية بهن الصراحة ..

الا صدق هن ينفخن عليكم عاد .. ويحسن انهن متعلمات وانتن ماتعرفن شي >> يحب الشر

[مدير خبرة]

الزبدة ..
بينن المدرسات
وفيه كم وحده متغبيه
خايفه ترد ينكشف وضعها الوظيفي

بس على العموم
ونسيت اقول عيدك مبارك
ومثل ماقالت ندى
الثقة له دور

يعني الي تدرس تصير ذات مسؤولية اجتماعية وتربوية
وهو مايعطيها فرصة للثقة اكبر

[بدرالوابلي]

يحوول ياهالمدرسات ماكولات مذمومات ؟ لله درهن اللي صابرات على غثا التدريس وغثا رجالهن وغثا عيالهن والله لو هن حجر ان يهرج ويشكي ويقول مايرحم الا الله....يحترقن ولااحد مقدرهن ,,, يقترن على انفسهن علشان غيرهن يعيش بكرامه :::

قسم بالله لو بيدي لاازيد رواتبهن دبل وافرض نصاب محدد من الحصص لايتجاوز 4 حصص باليوم وكل وحده اجازه نفاس كامله براتب كامل واجازةامومه سنتين بنصف الراتب واجازة اضطراريه 10 ايام بالفصل الدراسي واجازه تعويضيه عن المناوب والتصحيح بالأختبارات وبعد خدامه وطباخه وسواق خاص معه جمس 2010 مدفوعين التكاليف من التعليم ولا لاحد (منه) الا الله عزوجل.................

مربيات الأجيال مايبن شي بس يبن التقدير وكلمة (الله يعطيكن الصحه والعافيه )وبس كثر خيركم .

اباالوليد خلك حبيب يحبونك اهلك:a16[1]:

[روعة الكون]

درهن اللي صابرات على غثا التدريس

ههه برايك انه صابرهـ عشان الطالبات مثلاً ؟ والله لو يحط التدريس بدون راتب
تسان مالتلقى ولا وحدهـ الا من رحم ربي ,
ترى المعلمه مثله مثل غيرهـ من الحريم بس اللهم انه تدخل على البنات وتقرق ونفسه براس خشمه
وبعد تاخذ على قرقه قروش مهب ببلآش :) ..!

[» R O S E «]

مـو كلهـن .. اللي لسآنه طوييل مو شرط تصير معلمـه .. هي خلقـه كذآ :p

وشوفـة النفس .. للأسف مآشفته ,!

:)

[ثامر الناصر]

صدقت أخوي أنا ملاحظة هالشي من زمان بس أتوقع السبب إنة تحس إنة أفضل من غيرة لإن مجتمعنا أعلى مستوى تعليم للمرأةفي الغالب متخرجة من الجامعة أنا أجزم لو هي بمجتمع كلة دكتورات كان صارت عادية

لا بالعكس انا اعتقد انها عادة تطبعت بها من المدرسة وطريقة ىالتدريس .. وانا لاانتقدهن او اذمهن انا اقول ليش هالطبع بهن يطبق على العامة بالشارع والمنزل المفروض يصير بالمدرسة بس لان قوة الشخصية مطلب بالتدريس

[ثامر الناصر]

مرحبا

ايه كلامك فعلا صحيح



هه تعودت على الصراخ بالمدرسه والموجه الصوتيه عندهـ تخبط من كثر الصراخ همن
يبتل صوته تكل مزاعق ..!!

اما بالنسبه لنفخة الريش اييه ياكثرهن المشكله انهن يحسبن ارواحهن فوق العالم على هالنفشه
لامشت تقول وشي ذي بس وخرو عنهـ خخ
ولا لو تجيب له طاري الوزاره تسان صارت ماهنا حليله تباري الساس
الله يصلحهن بس خخخ



اما الوزارة حلوة .. ومااعتقد انهن يرن انفسهن فوق العالم . لكن ممكن انها من ناحية الثقافة بس والا المكانة اعتقد انهن مثل غيرهن وهذا ليس بسبب لما أرى منهن مما ذكرت بالموضوع

[ثامر الناصر]

الكثير من قريباتي معلمات وبعضهن من تحمل شهادات عليا .. لم أجد ما تقوله .. بل على العكس ((بشكل عام)) أجد المعلمات أكثر هدوء ، وأكثر اهتمام في نفسها وفي أسرتها، و أكثر وعي، خلوقة .

أما بالنسبة للصوت العالي .. أعتقد والله أعلم أنها تعود لتنشئة نفسها -بيت الأهل-، ومن ثم تأتي طبيعة زوجها وأهل زوجها ..

لي زميلات كل واحد منهن تحمل سمات تميزها عن غيرها .. ومع الوقت أجد أن تلك السمات أكتسبتها من أسرتها وبالتحديد والدتها .. وما يناسب هذا الموضوع .. أذكر لي زميلة شخصيتها قريبة للرجال حادة،صوتها عالي،عنيدة، لا تحب النقاش .. وفي أحد الأيام أخبرتني عن والدتها.. وفي عرض حديثها قالت وبنبرة إعجاب والدتي متسلطة جدا .. بعدها عرفت السبب.


من ناحية الخلق حاشى لله الخلق بالعكس المعلمة تقدر ماهي عليه من منهة .. وانا لم اقلل من خلقهن او اخلاقهن بالعكس انما اقول فيه صفات بهن تميزهن عن الغير وهي الشخصية القوية وبالصوت والمشي وكذلك الايحاء للناس أنها غير من ناحية المهابة وغيرها .. والا اخلاقهن تعود لهن ولسنا نحن من يقدرهن

وكلامك حول التطبع للبنت من امها اعتبرها طبيعية وهي صفة تتناقل بين البنت ووالديها بشكل كبير .. بس المشكلة ان اغلب امهاتنا أميات >> وشلون جت الشخصنة أجل !!

[ثامر الناصر]

مهنه التدريس مهنه شريفه مانقول شيء
بس مو كونه معلمه ترفع خشمه ع غيره
وآنت صآدق آغلب المعلمات رآفعين خشومهم الا من رحم ربي
وآنا وآعوذبالله من كلمة آنا آكره مااشوف وظيفه التدريس.
الله لايبلآإآنآ...

هذا كلامي اللي اقصده .. شكرا لك للمداخلة شقاوة بدلع

[ثامر الناصر]

ليه تقولن خطاء؟؟
بالعكس نظرتك صح 100%
معظمهم كذا نفخين ريشهم وجريئات وشينه انفسهم وووو اللهم لك الحمد

الله يعافيه ولا يبلانا>>ماله خلق المدرسات

انا اقول ممكن خطأ وممكن صواب .. وشكرا لمرورك .. وراك مالك خلقهن عاد ياحول تراهن مالهن ولاعليهن .. بس شوي نفخة هع

[ثامر الناصر]

يمكن المعلمات القديمات0لكن اغلبية المعلمات الجديدات ذوق واحترام ورحابت صدر000بعدين الي يحسدالمعلمات هي جت بمجهودة صحيح اني مومعلمه 0لكن كلمة حق تقال000الرزق فوق والحسد في الارض000

ممكن ليش لا .. لكن حنا ماحسدناهن وانا ضد من ادخل موضوع الراتب لانه مثل ماقلتي حق لهن . ولااحد يستطيع ملاحقتهن عليه وحنا ماحسدناهن والله يرزقهن يارب ويرزق عيالهن .. لكن حنا نناقش بموضوع عن بعض صفاتهن

[ثامر الناصر]

يلا عااد

زودتوها حبتين

وصار المزح رزح

.

وراه وين الرزح .. يمكن بعض اللي ردن زعلات لكن .. ماعليك بالاخير نتصافى هع >> المدرسات اشوى شويات بالمنتدى والا كان علوووم هع جاب الله الطالبات اكثر منهن :)

[ثامر الناصر]

ههههههههههههههههه

قصمن فطست ضحك

مير يحق لهن يرفعن اصواتهن وينفخن ريشهن عشانهن متعلمات واحسن من هالاميات

مير البلاء اللي تجيك مامعه ولا ابتدائي ورافعتن خشيمة تقل ملاك
ولا بعد تلقاه لسانه يلوط اذانه وتشوف الناس حشرات ياكثرهن بعد هماه ناقصه تحاول تبرز نفسه

//

أكيد هين كلامك بمحله .. لكن انا ارى ان رزة النفس سمه واضحة عليهن >> حتى لو معها شهادة بالعكس المفروض تصير اكثر لطف مع الغير .

[ثامر الناصر]

الزبدة ..
بينن المدرسات
وفيه كم وحده متغبيه
خايفه ترد ينكشف وضعها الوظيفي

بس على العموم
ونسيت اقول عيدك مبارك
ومثل ماقالت ندى
الثقة له دور

يعني الي تدرس تصير ذات مسؤولية اجتماعية وتربوية
وهو مايعطيها فرصة للثقة اكبر

وانت بخير وعافية .. اكيد المعلمة لها ثقلها الاجتماعي ودورها الكبير وهذا لاننكره اختي .. ولكن ايضا المجتمع ينتظر منها شخصية لطيفة ومهذبة لكي تكون قدوة لمن تحت سلطتها من الطالبات بالمدرسة ..

[التوت البري]

ليست الاغلبية
والله يااخوي يمكن معلمات مجتمعك اللي اشوفه انا بالعكس عكس كلامك

[ثامر الناصر]

يحوول ياهالمدرسات ماكولات مذمومات ؟ لله درهن اللي صابرات على غثا التدريس وغثا رجالهن وغثا عيالهن والله لو هن حجر ان يهرج ويشكي ويقول مايرحم الا الله....يحترقن ولااحد مقدرهن ,,, يقترن على انفسهن علشان غيرهن يعيش بكرامه :::

قسم بالله لو بيدي لاازيد رواتبهن دبل وافرض نصاب محدد من الحصص لايتجاوز 4 حصص باليوم وكل وحده اجازه نفاس كامله براتب كامل واجازةامومه سنتين بنصف الراتب واجازة اضطراريه 10 ايام بالفصل الدراسي واجازه تعويضيه عن المناوب والتصحيح بالأختبارات وبعد خدامه وطباخه وسواق خاص معه جمس 2010 مدفوعين التكاليف من التعليم ولا لاحد (منه) الا الله عزوجل.................

مربيات الأجيال مايبن شي بس يبن التقدير وكلمة (الله يعطيكن الصحه والعافيه )وبس كثر خيركم .



اباالوليد خلك حبيب يحبونك اهلك:a16[1]:

اهلين بدر .. ماشاء الله وش هالدفاع عن المعلمات لاتصير ناوي لك على وحده هع .. الا هالمعلمات يابدر ترانا ندري انهن مايقصرن لكن كل هالمطالبات لهن اللي يشوفك يقول شهداء واجب على المطالبات لهن !! تراهن موظفات مثلهن مثل غيرهن يعني اللي لهن يقدمنه للمجتمع ايضا عليهن واجبات هن ايضا يعني مالها داعي هالتباكي لهن يابدور !

بعدين يابدر انا انقل صفات لهن ولم اتعرض لهن بسوء .. ولاتحاول تكون مظهر المتباكي على نساء المجتمع وكأنهن مالهن والي ياحول ولا رحيم !!

اين التباكي على المعلمين ياحول وأين التباكي على الدكاترة وأين التباكي على الممرضين وأين التباكي على العسكريين .. كلهم في ثغور مهمة بالحياة ليش الحريم فقط والمعلمات ماندري !!

[Queen of buraydh]

ههه برايك انه صابرهـ عشان الطالبات مثلاً ؟ والله لو يحط التدريس بدون راتب
تسان مالتلقى ولا وحدهـ الا من رحم ربي ,
ترى المعلمه مثله مثل غيرهـ من الحريم بس اللهم انه تدخل على البنات وتقرق ونفسه براس خشمه

وبعد تاخذ على قرقه قروش مهب ببلآش :) ..!



اجل المعلمة مهنته تدخل وتقرق وتطلع ؟

مصيرك تجربين الغثا اذا كتب لك ربي وتغيرين رايك ..



,



كثر الممارسة بالعمل والشيل والحط تعطي المرأة طابع الجرأة والدبرة بكل شي ..
يعني حاجه غصب عليها لا ارادياً تمتص هذا الطبع , وسلامتكم

[’ ŚĀM]

يا سبحاان الله / اشمئز واقرف من مجتمع المدرسات !
نفخة صدر ووخرو عني وراس مالها خريجة تربيه ولا رياضيات ! تخلف وعنجهيه عجيبه !
- اوكي تعلمتي والله يجزاك خير على اللي تسوينه بس ترا محد غاصبكم والله ، قرفانه من التدريس لاتدرسين !
مشكلة ربعنا اهم ماعليه الراتب / ولآ شوف دول العالم اللي خبرك ، كيف مدرسينهم .. جاي يفيدك مو يستذل عليك وينفخ ريشه .. هه تعليم باايز ياقدعان http://vb.eqla3.com/images/smilies/frown.gif


’

[خفايا الروح]

انا مدري وش عليه تنفخ
واكبر دليل انا كنت اطبق بمدرسه بالسالميه الله لايعيد ذاك اليوم
دخلنا المدرسه وطلعت وحده من الاداريات وتنفخ علينا ودخلتنا بغرفه
بعدين جت المراقبه ورمت علينا ظرف وهي تصرخ وتقول حناء مانستقبل طالبات الكليه(وانتي وش ياشيخه من قبل شغاله اكيد طالبه)
بعد جت المديريه ويليتها ماجت ادخلت وتتكلم بدون نفس وتنفخ
بعدين ادخلت وحده من المدرسات( والله ودي امسكه وافرك خشته بالارض) تدرون وش قالت تقلاقلت احنوكه طبعا نظرتنا بطرف عين وقالت استغفر الله مدري وش عليه
طبعا تدخل الوحده وتطلع علينا بدون ماتسلم بس تنفخ مدري وش عليه

[مهـــــآآوي]

لالالالا انا احتج .... انا معلمة ولانيب طويلة لسان ... ولامشيتي فيها استعلاء ... شدعوة
ياكافي حاطين دوبكم ودوب هالمعلمات ....
والراتب اللي تقولون عنه وين يروح الله يخلف ؟ كله على البيت والعيال ...

قديكون فيه البعض منهن تشوف نفسه على غيره بحكم طبيعة عمله اللي انطبعت عليه .. لكن

الاغلبية لا والف لا... >> وه عصبت من القهـــــــــــر

[أم احمد]

السلام عليكم



لدي ملاحظة الحقيقة شاهدتها في الحريم ماأدري ملاحظتي في محلها أو لا .. وهي أن المرأة التي تكون ( معلمة ) دايم تشوفها عندما تمشي تكون نافخة نفسها ومشيها فيه نوع جبروت شويه وإحساس لديها أنها غير الحريم بعكس غالبية الحريم التي تكون تستحي وتقصر صوتها إذا حضر الرجال حولها مثلا أو بالمحلات التجارية .

وأيضا المعلمة كثيرا ماتجد صوتها دائما عالي خاصة بالاسواق وفي المحلات التجارية .. واعتقد ان هذا الشي نابع من ربما تعودها على الهوش على البنات وكذلك على ( الزمرة ) عليهن وتعتقد ان كل من حولها هن طالبات بالمدرسة تنفخ عليهن متى مابغت دون رادع هع

ياترى هل كلامي صحيح من واقع بعض أشكال الحريم التي اجزم انهن معلمات ومن واقع القريبات لي من المعلمات .. أم أنها مجرد تخمينات جانبت الصوواب ؟؟ :)


وش رايكم ؟


والله إنك صدقت بكل كلمه نطقتبه ؟ بس السؤال وش عليه
صدقني رديت مباشرتاً قبل لا اقراء الردود من اللهده

[أم احمد]

ابوالوليد

يمكن انت صادفت موقف معين
ولكن حسب وجهة نظري ارى ان القاعده لاتعم
يوجد معلمات يمكن من زود الجحاده مايدرى انها مدرسه <<< خاطمه مالها دخل 0000

تحيتي 0

تركي لو جحدت انه مدرسه تفضحه خباقته يعني مانشقت بس تخر

[أم احمد]

انا اقولك كووني معلمه

هو زيااده في الثقه

وقليل من الممارسه وذلك بنفخها كــ انهم طالبات

والممارسه تصبح عاده

اضف الي انني من عائلة كلهم ضباط من والى

فــ اصطبغت بمشية الضابط ... وصرامته وخشونته

هههه

.


ندى سألتك بالله وش عليه الثقه ؟ سؤال ارجو الإجابه عليه

[أم احمد]

.. انا اذ اشفته تمشي على طول ادري انه معلمه

تكفين مسرعه ياليت تقولين وشلون تمشي علشان نعرف ولا نتوهق نحاكيه ولا نقوله افحزي شوي

[أم احمد]

ماادري والله بس بعض الاحيان من جد اول مااشوفه اقول هذي مدرسه..
فيه يعني شي مشترك وملاحظ..بس مو طولة اللسان , يعتقدن انهن دايم يعرفن كل شي وعندهن كل السنع..

قال سنع قال ؟

[أم احمد]

بالعكس التدريس مهنة روعة .. لكن من دون رزة خشم هع .. بعدين المعلمات مهما كان يعجبني بهن شي انهن فاهمات .. يعني هنا فرقهن عن غيرهن الصراحة ..


ثامر والله مافهمت غير قراء وكتب وعد تنازلي وتصاعدي
الفهم براعيات البيوت ناطحات الرجال والعيال والدنياء

[أم احمد]

الكثير من قريباتي معلمات وبعضهن من تحمل شهادات عليا .. لم أجد ما تقوله .. بل على العكس ((بشكل عام)) أجد المعلمات أكثر هدوء ، وأكثر اهتمام في نفسها وفي أسرتها، و أكثر وعي، خلوقة .



شكلك تدور حتسي ؟

الهدوء هذا قصدك كبر ولا يعطن الواحد وجه لإختلاف الهرجه وماتدري وشهم الناس عليه

اما الإهتمام بنفسه ولا مااضنه ماعنده وقت

وفي أسرتها خخخخخخخخخخخخخخخ خله ملبده تراي والله مااحب اغلط ولو هي حقيقه


الوعي ؟ ماادري وين الوعي إذا مناهحنا فاشله غير الدين من الوعي

بلعكس اللي بالبيت افهم منه

اما الأخلاق والله يالكبر إنه مايدعيه تتخلق بخلق حسن وإذا تبي الدليل حطيته

[أم احمد]

يمكن المعلمات القديمات0لكن اغلبية المعلمات الجديدات ذوق واحترام ورحابت صدر000بعدين الي يحسدالمعلمات هي جت بمجهودة صحيح اني مومعلمه 0لكن كلمة حق تقال000الرزق فوق والحسد في الارض000

والله ياماما نوره إنه مهب حسد بس
لاخير بعلم بلا عمل
ولا لوهي جاهله محد تعرضله لإنه جاهله

[أم احمد]

ههههههههههههههههه

قصمن فطست ضحك

مير يحق لهن يرفعن اصواتهن بس لو هن فاهمات ماتعلمنه مارفعن أصواتهن وينفخن ريشهن هذي المشكله عشانهن متعلمات أي علم اللي يخلي الواحد يرفع صوته وينفخ ريشه لا ياعمري العلم بري من هالحركات التي يتميز بها فقط الحمير دون غيرها برفع الصوت واحسن من هالاميات بلعكس وجب عليك إنك تهذبين الأميات الجاهلات اللي مايدرن منهو اللي يرفع صوته

مير البلاء اللي تجيك مامعه ولا ابتدائي ورافعتن خشيمة تقل ملاك بعذره يمكن علشان تحسبينه من فصيلتك حتى تقدر تكلم مع مدرسه
ولا بعد تلقاه لسانه يلوط اذانه وتشوف الناس حشرات عاد يحول من هم اللي بعد ادون من الأميات ويعدون حشرات حتى نادب الأميه ونقوله تعرفي على أعراض المدرسه حتى تتجنبيها وترافقي الحشرات ياكثرهن بعد هماه ناقصه تحاول تبرز نفسه
طيب مير ذي ماعليه شرهه لا كن المدرسه وش تحس فيه لا رفعت لسانه ونفخة ريشه بس يمكن النقص اللي تحسه إنه رجله مهب لمه لم راتبه

//

تراء هالكلام مو لك لاتزعلين للي ذكرتيهم بردك
وإن كانك مدرسه وهذا ردك !!
ما اقول إلا يخلف الله على وزاره هذه معلمينه

[أم احمد]

اهلين راايق .. ربما اختك نوع مما اذكر .. ولكن ليس نفخ عاد ماتاصل انما جبروت ودبرة على من حولها

وانت بالله عليك تحسب كل مدرسه دبره!!!!! الدبره مهب تخص المتعلمه ولا تخص اللي ماتعلمت
الرسول وهوالرسول حامل الرساله ماصار فيه جبروت على الخلق ليدخلو الإسلام وإنما صبر وفهم كيف يجعل الناس تدخل في الإسلام باللين والمسايره والتفهيم حتى الإقتناع إنما الدين النصيحه

مو الواحد يتبع الاخرين علشان جبروته ودبرته اللي مايدري صحته من غلطه يعني بس خوف
هذي مهب تحد الواحد إنه يتبعه ولا يتبعه إلا الضعيف ولقى من يهك عليه

[أم احمد]

اهلا اختي .. اهم شي جازلك بس >> شكلك مالك خلق المعلمات هع ..

بالعكس هن مكانتهن كبيرة بالمجتمع . ولكن ارى ان مايمارسهن احيانا من جبروت ودبرة على الجميع هي غير مناسبة .. والا فان المجتمع حتما سيبادلهن نفس الجبروت عندها يكون هناك شي خطأ بالحياة !


بعدين الراتب بالعكس حق لهن .. ولاارى انه مبرر .. ووشلون انتي تجلدين بالمعلمات همن تقولين مايرحم الا هن !! ماتجي :)





تدري ليش لإنه بحق ترحم لإنه ماتدري بماذا نتمتع

[أم احمد]

بالعكس التدريس متعة لانها تجد فيه تحقيق لرغباتها وهو الهوش ( البعض ترى ) مو كلهن ينطن بي الحين ويه ..


بعدين التدريس والتعصيب منه يكون الظهر اول ماتطلع لكن بالليل معقولة للحين معصبة .. وشكرا لتوااجدك اخووي



أنا مير متحمسه !!!يوم وصلت هالنقطه
دريت إنك تدري بالبير وغطاه *******
دريت إنك تبي تقضب الشوش بس بين الاميات والمتعلمات

[أم احمد]

بعدين الراتب مو سبب لان الكل يستلم راتب ولانفخ نفسه يابعدي


شفت اللحين الرجل لاإستلم راتبه إرتاح ونفل وزانت نفسيته له ولعياله
وهي تنفخ ريشه أثره مهب كبر ولا فخر يحول ضلمناه أثره غلدمه انه ماخذه علشان راتبه وتتكرر هالغلدمه كل شهر
الحق يقال
لذلك حللين يالمدرسه فأنا اميه ولا افهم

[أم احمد]

الا صدق هن ينفخن عليكم عاد .. ويحسن انهن متعلمات وانتن ماتعرفن شي >> يحب الشر


إلا والله ينفخن بس تدري إننا ناخذهن على قد عقولهن
ونرحمهن علشان يحول ما تضيق صدورهن ولا ينحتننا أننا ننام هالصبح ونقوم نشب على غدياتنا بكل اريحيه
ونسوي حلا العصر
ولنا خلق ندرس اللي يدرسون
ونعرف وش اللي يدخل واللي يطلع من بيتنا
ونعرف وش اللي بالثلاجه
لذلك نسكتله
وعلى ماقال تركي إن كانه تجحد علشان راتبه
حنى نجحد على شان هالنومه وحقنى بناخذه يعني بناخذه
أميات ولا متعلمات

[أم احمد]

ومثل ماقالت ندى
الثقة له دور

يعني الي تدرس تصير ذات مسؤولية اجتماعية وتربوية
وهو مايعطيها فرصة للثقة اكبر

أي مسؤليه
قسم إن جيراننا امهم مدرسه إن عياله اشطن من عيال الجن
أهم شي الفعل والا النفخ والتنفخ ماينفع

[أم احمد]

يحوول ياهالمدرسات ماكولات مذمومات ؟ لله درهن اللي صابرات على غثا التدريس وغثا رجالهن وغثا عيالهن والله لو هن حجر ان يهرج ويشكي ويقول مايرحم الا الله....يحترقن ولااحد مقدرهن ,,, يقترن على انفسهن علشان غيرهن يعيش بكرامه :::

قسم بالله لو بيدي لاازيد رواتبهن دبل وافرض نصاب محدد من الحصص لايتجاوز 4 حصص باليوم وكل وحده اجازه نفاس كامله براتب كامل واجازةامومه سنتين بنصف الراتب واجازة اضطراريه 10 ايام بالفصل الدراسي واجازه تعويضيه عن المناوب والتصحيح بالأختبارات وبعد خدامه وطباخه وسواق خاص معه جمس 2010 مدفوعين التكاليف من التعليم ولا لاحد (منه) الا الله عزوجل.................

مربيات الأجيال مايبن شي بس يبن التقدير وكلمة (الله يعطيكن الصحه والعافيه )وبس كثر خيركم .

اباالوليد خلك حبيب يحبونك اهلك:a16[1]:


ماقلنا شي بس ودك اللي متعلم صح يطبق ماتعلمه حتى مايضحك به

[أم احمد]

اما الوزارة حلوة .. ومااعتقد انهن يرن انفسهن فوق العالم . لكن ممكن انها من ناحية الثقافة بس والا المكانة اعتقد انهن مثل غيرهن وهذا ليس بسبب لما أرى منهن مما ذكرت بالموضوع


ثامر لاتغثن
أي ثقافه بالله عليك
والله إني دايم احجر لحماتي إنه تفشل ماترد ممكن تقول من وين الثقافه

[أم احمد]

وراه وين الرزح .. يمكن بعض اللي ردن زعلات لكن .. ماعليك بالاخير نتصافى هع >> المدرسات اشوى شويات بالمنتدى والا كان علوووم هع جاب الله الطالبات اكثر منهن :)


زييييييييييييييييييين ياثامر اخيراً جبته
صدقني لو تفتش وش ثقافة المدرسه انه ماتعدى اللي درست
ماعنده وقت مسكينه الله يكون بعونه تزود بتشديد الزاء

[أم احمد]

.. ولكن ايضا المجتمع ينتظر منها شخصية لطيفة ومهذبة لكي تكون قدوة لمن تحت سلطتها من الطالبات بالمدرسة ..


أشواء اثرك سابقن
أعذراً رديت قبل لا أشوف ردودك
وهذي مشكلة الأميه

[ثامر الناصر]

ههه برايك انه صابرهـ عشان الطالبات مثلاً ؟ والله لو يحط التدريس بدون راتب
تسان مالتلقى ولا وحدهـ الا من رحم ربي ,
ترى المعلمه مثله مثل غيرهـ من الحريم بس اللهم انه تدخل على البنات وتقرق ونفسه براس خشمه
وبعد تاخذ على قرقه قروش مهب ببلآش :) ..!

يابعدي صبرها عشان الراتب يابدوري بالفعل .. وكلام روعة الكون صحيح .. يعني لو بدون راتب هل تصبر .. وهذه سنة الحياة يابعدي كلنا لو ينقطع الراتب جاملنا بالبداية همن فركنا بالنهاية .. لانه قليل اللي يشتغل لأجل التعليم بدون راتب !

[ثامر الناصر]

مـو كلهـن .. اللي لسآنه طوييل مو شرط تصير معلمـه .. هي خلقـه كذآ :p

وشوفـة النفس .. للأسف مآشفته ,!

:)

بلاشك مو كلهن .. لكن الاغلب .. انا بعدين انقل صفات لبعض ماارى بالتجمعات العامة من طبائع . اجزم انهن لمعلمات ..

[» R O S E «]

بلاشك مو كلهن .. لكن الاغلب .. انا بعدين انقل صفات لبعض ماارى بالتجمعات العامة من طبائع . اجزم انهن لمعلمات ..




ممممم .. شلون عرفت عندك حآسه سآدسه ,!

ولآ مكتوب على عبآيتهآ مـدرسه :) !

[Queen of buraydh]

أم أحمد شانة حملة على المدرسات

ترا يمديك تكملين دراستك , لا يضيق صدرك يابعدي .. ياما حريم كمّلوا دراستهم وتعينوا بعد ما كبروا وعيّلوا

[أم احمد]

أم أحمد شانة حملة على المدرسات

ترا يمديك تكملين دراستك , لا يضيق صدرك يابعدي .. ياما حريم كمّلوا دراستهم وتعينوا بعد ما كبروا وعيّلوا


لا والله مهب مسألة شن وماشن

بس تنقهرين إنه تحمل هالأسم وهي ماتطبق

ولا الدراسه الحمد لله اعرف اقراء قرآن واعرف امور ديني وما يزيدن عن بشي
إلا هالراتب الله يزيدهن خير وبركه ومن حصل شي يستاهله
بس جمال المتعلم العمل به