....تبـيـن الأجر ، تزوجي سعودي .....

[&نجدية كووول&]

السسسسلآم عليكم ورحمة الله وبركآته /


من خلال التكسع على المنتديااات وأنا غاصتن
بمنتدى طايحتن بوه شدني موضوع وأعجبني فاحبيت
أن نتناقش فيه..مع أني زدت عليه ونقصت منه

هل حقيقه السعودي مآيجي منه ألآ الأجر
هل يتمتع بالجفآف ، عديم الرومآنسيه ، سطحي الأفكآر
يقدر أصدقآئه ويفدآهم بوقته ولـ شريكة حيآته يحآول !
للأسف أنآ اسسمع كثير ، وكثير مآ أصدق
يعني
كآنت تجيني رسآيل على الأيميل موآضيعهآ
( تبين الأجر تزوجي سسعودي )
بس كنت أقرأ وأطنش وأقول هذآ نصيب والوآجب نسمع من الطرفين
عششآن نصدق !
بس بالفتره الأخيره لي صديقآت تزوجو وللأسف
منهم ثلآثه تطلقوو وكآنت أسبآبهم متشآبه <<قضاء وقدر لكن
تبون أقول الأسبآب ولآ .....!
لكن أقسسم ان الأسبآب كآنت سطحيه لـ أبعد الحدود !
همسسه للجميع :
بديت أخـــآف وأتعقد http://www.danh-ksa.com/vb/images/emo/55.gif http://www.danh-ksa.com/vb/images/emo/05-13-07~139.gif!
.
.
.
أحس تفكير الشآب لـ زوآج
مو مسئوليه مو يفكر أن يكون أسره مو مستعد يكون رجل متزوج !
ودي أتعدى خطوط حمرآء بس أخآف يجيني بآند مؤدب http://www.danh-ksa.com/vb/images/emo/d63.gif http://www.danh-ksa.com/vb/images/emo/biggrin.gif
ودي أقرقر عليكم وأريح القيلون الي عندي http://www.danh-ksa.com/vb/images/emo/55.gif ،
بسس أفضل أني أختصر والمعلومه توصل http://www.danh-ksa.com/vb/images/emo/d78.gif


وبالأخيــر
ممكن في سعودين مثل العسل والسمنه
ولآ الوآقع أمر بـ كثيييييييير ويقآرب الجحيم
وصدز البنآت مأجورين<--- http://www.danh-ksa.com/vb/images/emo/biggrin.gif.





ودي نكون صريحين
لو مره وحده http://www.danh-ksa.com/vb/images/emo/1280-image.gif



ومآبي دفآع وهجوم
أبي الحقيقه http://www.danh-ksa.com/vb/images/emo/d97.png



الكل فيه عيـوب
ونحن صحرآوين والأرض الي مآيهتم فيهآ أحد مآتثمر
بس مو معقوله البنت مآتعرف تتعآمل
البنت عآطفيه http://www.danh-ksa.com/vb/images/emo/060.gif
لو تمدحه مره تشيلك على رآسهآ دهر http://www.danh-ksa.com/vb/images/emo/ouf.gif!
بديت أقتنع السبب فيكم يـ شبآب http://www.danh-ksa.com/vb/images/emo/43.gif
بـ أختصآر اشوف الزوآج من الدول المجآوره
تكون نآجحه لأن الشآب السعودي بالأخص
أرسل أشآره ألى عقله أن البنت الي بيتزوجهآ من برآ
رآح تقدره أمآ من ديرته رآح تعفس عيشته !


مدري وش قآعده اقول
بس الوكآد اني منقهره حييل
من حالة صديقآتي والي حولي http://www.danh-ksa.com/vb/images/emo/dunno.gif !!
. . .
ودآئمآٌ أغلبكم مآيقول لآجآء يرتبط :
أبيهآ أخلآق أخلآق أخلآق
وللأسسف العكس العكس العكس !
http://www.danh-ksa.com/vb/images/emo/sad_1.gif





وعليكم السلآم ورحمة الله وبركآته http://www.danh-ksa.com/vb/images/emo/d97.png



,

[انتظرتك]

امممممممممممم

ياليت تذكرين لنا اسباب طلاق خوياتك ,,,


علشان نشوف اذا السبب منهن والا من الرجال ...

دائما اشوف اللوم على الرجال مع أن الواقع يقول العكس ...








تقديري ,,,

[عاشق الخير]

الله يرزقكن على قد نياتكن ..
اصبروا واحتسبوا مالكن الا الاجر ... والا الرجل هم وغثاء ..

دامكم مقتنعين ان الرجال هم البلاء اعرسوا و خلكم على الصامت ...

وخلو شعاركم ..

وبشر الصابرين

[ツ • بسْـطـَويِـسـْي]

الله يرزقكن ع قد نياتكن .
وطرتن والا وقعتن مالكن غير السعودي :)
فلذا حاولو تتاقلمون مع هالوضع او لاتتزوجن .. تراه ابرك :f5:

[بريدة بدمي]

موضوع جيد لكن مالك الا خشمك لو هو عوج وبالعكس هناك شباب سعوديين احسن من الخارج بالف مليون مره اما ظاهرة الطلاق فهي ظاهرة منتشرة لعدة اسباب من اهمها الرفقه الدش الانترنت وتقبلوا مروري.

[X 7oor S3od X]

هل يتمتع بالجفآف ، عديم الرومآنسيه ، سطحي الأفكآر

لا

لكنهم ضباااان هع ,,

والله ضحكني الموضوع خخخخخ
يامل الثانكيوووو نجديه ,,

[الـريـــــــــم]

هذا الواقع المنتشر بيننا وبلا زواج ازين

[To Be]

أرسل أشآره ألى عقله أن البنت الي بيتزوجهآ من برآ
رآح تقدره أمآ من ديرته رآح تعفس عيشته

يقول المثل ما فيه اشارة من غير نارhttp://www.kuw2.com/images/035.gif

[بريدة بدمي]

[quote=الـريـــــــــم;3004948]هذا الواقع المنتشر بيننا وبلا زواج ازين[/quote
حراااااااااااااااااااااااااااااااااااام عليكم تفائلوا بالخير تجدوه

[&نجدية كووول&]

أسير
الرجال يقع عليهم لأنهم هم الأساس الذي يقع منهم الخطأ
لأن المرأة تتبع الرجل كيف يشاء

[أمــ الحب ــير]

ماكل مايقال يصدق يانجديه

لايهمونك بعض الحريم تلاقينها متزوجه ومتستره وتخربط عليك واهي لاعندها لامشاكل ولا هموم قلة عقل فيها

الرجال اذا سمعو ذالكلمه قالو ابركها من ساعه لانو ماراح يضرهم شي بالعكس
اذا مايبغى سعوديه تزوج من اي جنسيه اما انتن مالكن الا هم مهما كان

وبيني وبينك واقعيا يعني المفترض تحمدون ربكم ليل ونهار انهم رضو يتزوجونكم :)

لولاهم كان تخيسون وتخللون فبيوت اهاليكم

اذا جالك النصيب ان شاء الله احمدي ربك واشكريه وادعي ربك انه يوفقك وياه ويسهل امرك معاه
وتركي عنك خرابيط بعض هالعجايز اللي مامنه فايده

آورفوآر

[eivl girl]

انا متاكده اني بتزوج سعودي بس صدقنن حقي غيرر:b3:
اما بقية البنات فالله يعينهن صدق على اجر ان شاء الله

[ســمـويO]

كلً شخص ينقل طابعة

انا لم أرىمثل ماتقولين ----- أعتقد يمكن أني ذو عقل ودين وضلع قائم بيد رب العالمين

وشكراً

[انتظرتك]

أسير
الرجال يقع عليهم لأنهم هم الأساس الذي يقع منهم الخطأ
لأن المرأة تتبع الرجل كيف يشاء

أنصحك بقراءة الموضوع التالي :

http://www.buraydh.com/forum/showthread.php?t=211200

[الـــفـــ@ــــد]

نجدية اكيد صديقاتك بيتطلقون دام انهن ينتهجن ويفكرن بنفس اسلوبك وسطحيتك
تحياتي لكل شاب سعودي مقبل على الزواج واقوله شد حيلك واسأل الله ان لا يكون مستقبلك و حظك مع عقرب تبن او مع حية رقطاء

[إلينـ اليوم]

الزين والشين بكل مكان والرجال والنساء مو واحد فيهم الصالح والطالح

أحس تفكير الشآب لـ زوآج
مو مسئوليه مو يفكر أن يكون أسره مو مستعد يكون رجل متزوج !
ودي أتعدى خطوط حمرآء بس أخآف يجيني بآند مؤدب
ودي أقرقر عليكم وأريح القيلون الي عندي ،
بسس أفضل أني أختصر والمعلومه توصل
لااتفق معك ابداً في هذه الجزئيه
لو هي على كلامك هذا كان تزوج الشاب مسيار ونتهت السالفه
ماتزوج الا يبي الاستقرار وتكوين عائله وذريه صالحه نشالله

[zoزو]

الله يرزقكم بغير السعودي

اللي من بعده تتمنون اكبر ضب بالعالم لو يعطيكم وجه :)

[أوطان]

اذا بغيت الاجر ادوره بصلاة الفجر .. مب لازم مع غثيث,,

[الأسيــ بنت ـاد]

يا أخت نجديــه مسألـه التعميــم مسألــه مرفوضــه,,, فصعب أحنـا نعمم على كـل شاب سعودي ..

بأنــه شاب سطحي الافكــار وشاب جاف وعديـم الرومانسيــه,,,

فكـل شاب ونظرتــه وشخصيتـه سواءآ سعودي أو كان أجنــبي ,, فليس كل أجنــبي رومانسي وحنون ,,,

وليس كل سعودي جاف .....

يعطيكـ العافيـه...

[قلب صدام]

صح السانك اخوي ابراهيم

والله اني اعزي شبابنا المسكين اذا كان هذه النوعية كثيرة في مجتمعنا

اما يكون خادم لها ولأهلها ويترك اهله ويعق امه اذا لم يفعل هذا

صار عديم الآحساس والى اخ:::::::::

لاكن ما اقول ( الي مايطول العنب حامض عنة يقول )

[فتاة المستقبل]

نجديه ..ياقلبي موب كل الرجال كذا,, فيه وفيه


تدرين ليه ؟؟؟
لان اللي زوجها طيب وحبوب ورومانسي معها مستحيل تذكر للي حولها ايجابياته والحركات الحلوه اللي سواها لها كله خايفه من العين

بينما لو صار العكس قاسي معاها ومعاملته لها جافه طوالي تذكر للناس سلبياته وكيف تعامله معاها
وإن الرجال اصل البلاء والهم والنكد , جاء وجاب المصايب معاه

مع أني الاحظ شباب هالوقت فرق شاسع عن السابق من حيث تعاملهم مع المراه ,حتى نظرتهم للزواج اختلفت نوعا ما عن السابق

[قلب صدام]

للأسف اعزي الشباب على مستقبلهم الاسري اذا كان فية بنات كثار

من النوعية لأنها مافكرت ولا واحد بالمية انه تكون ربت اسرة

واقول صدقيني السعوديين انشاء الله ماجورين الي صبرو

عليكم عكاريش وقصر وسواد ركب والطامة ماشافت خي رقط

[@اسمـــراني]

&نجدية كووول&;300465
هل يتمتع بالجفآف ، عديم الرومآنسيه ، سطحي الأفكآر
يقدر أصدقآئه ويفدآهم بوقته ولـ شريكة حيآته يحآول !
هههههههههاي كل هذا صحيح,والثلاث صاحباتك اللي تطلقوا مالها داعي تقولي لنا الاسباب لان اسباب الطلاق دوم واحد يكون السبب فيه الزوجة ياسوق او مشوار يرفض يوديها بعدها تطلع قرونها تبي الطلاق واذا تطلقت وجتها ورقة طلاقها اشغلت اهلها وقامت ترغي مثل بعض البقر<<مدري وش يسمونه صوت البقر صح تثاغي وتقول هونت تحسب العرس لعبه امس اسمع بنت جيرننا تصيح بحوشهم وتنابط يوم سألت اخوها الصغير قال اختي طلقها زوجها والبيت كلهم يصيحون وعايشين حزن قلت ياخي انا فاضي وعزوبي اخذ اختك ولو حلال اخذت امك بعد بس مانبي بحارتنا حزن,

( تبين الأجر تزوجي سسعودي )
حتى الكلاب بها اجر


بس بالفتره الأخيره لي صديقآت تزوجو وللأسف
انتبهي بس لا تلحقينهم وتعرسي على سعودي ترا جاري الثاني لبناني وعزوبي لو تبينه قلت له مشكلته مسيحي بس ترا يجوز لانه من اهل الكتاب

أحس تفكير الشآب لـ زوآج
مو مسئوليه مو يفكر أن يكون أسره مو مستعد يكون رجل متزوج !
ودي أتعدى خطوط حمرآء بس أخآف يجيني بآند مؤدب
ليتك تعدي الخطوط الحمراء درب خضر,وصح عليك هذا تفكيرنا مانبي اسرة ووجع رأس ماغير نطرب ارواحنا,

ونحن صحرآوين والأرض الي مآيهتم فيهآ أحد مآتثمر
اما صحراويين صدقتي فيها واهم شي عندنا الصحراء والمكيفات الصحراوية وجودها ضروري!

اقول قومي بس

[تلميذة الحياة]

نجدية كول
الكلام هذا ينطبق على رجال قبل
اما رجال الحين غير , واحسه هو المأجور على تحمله لزوجته :)

[النبع البارد]

[quote=تلميذة الحياة;3011345]نجدية كول
الكلام هذا ينطبق على رجال قبل
اما رجال الحين غير , واحسه هو المأجور على تحمله لزوج

الله يوفقك ويرزقك واين ما رحتي

[وديعة]

انتبهي بس لا تلحقينهم وتعرسي على سعودي ترا جاري الثاني لبناني وعزوبي لو تبينه قلت له مشكلته مسيحي بس ترا يجوز لانه من اهل الكتاب




ما شاء الله يجوز بأي شرع؟!
يجوز للمسلم أن يأخذ كتابية أما المسلمة فلا تأخذ كتابي لأنه لا ولاية لغير مسلم على مسلم.والله أعلم.







يا حليلكم يالسعوديين ما أدري كل المجتمعات كذا أولا.
كل جنس يتطنز بالثاني كلن يرى إنه معه الصح..
والظاهر إننا بالنهاية نقول ينطبق عليكم : إذا شفت اللي يسبه اعرف إنه يحبه...

[تَـرفْ ♪]

الزوجة تشكي من زوجها
وزوجها الآخر يشتكي منها

طبيعي لإختلاف محور شخصية كلا منهما

الله يوفقك بحياتك :)

[الــــــــهرم]

اختي العزيزة

دعونا نُسلم بما طرحتي

ونقول تزوجوا الرجال لتاخذوا الاجر

فمن صبرت دخلت الجنة

ليس غريب عليكم هذا الفكر ونكران المعروف

قال الرسول صلى الله عليه وسلم
" لأنكن تكثرن الشكاية وتكفرن العشير "

[صريح جد]

ما الوم خوياتك لو طلقن لانك نحس عليهن انتي وموضوعك
معقولة لك ثلاث صديقات وكلهن مطلقات والا علشان تبهرين ها الموضوع
بصراحة ودي لو مرة اشوف موضوع يحث الشباب على الزواج ويكون فية
مدح غير مبالغ
الي خلى الكثير من الشباب والبنات لا يريدون الزواج هو مثل ها الموضوع
الي يخلى الزواج كان نهايتة الطلاق والمشاكل وانة راح تعيش مع وحش
هذا الي خلى مشاكل البنات تزيد وضهرت المشاكل وتعرف البنات على الشباب
وضهرت المشاكل الاخلاقية
الحين انتي تقولين ان اكثر الزواج من الخارج ناجح والشواهد عكس ذلك اكثرهن فاشلات
انتي سمعتي سبب طلاق ها البنات وما سمعتي الطرف الثاني يعني با العقل
ما راح يقولن الحقيقة وراح يحطن السبب في الطلاق على الشاب
بعدين شباب ها الوقت روحو شوفيهم في الاسواق مع زوجاتهم يمشون
وراء حريمهم ويشيلون الاكياس عنهن روحي الى احد ها المطاعم وماراح
تلقين لك مكان كل واحد جاي هو زوجتة وطايرراح يجيب لة المنيو واقف
فوق راسة شفيهم في ها العطلة طايرين في حريمهم مسافرين فيهن
يعني الي اشوفة ان الشباب ما قصرو مع زوجاتهم واكثر ها الي يقال
هو كذب من بعض البنات تخاف انة تحسد والزواج ما يخلو من بعض المشاكل

[أنامل]

أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.


إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....



أختي الفاضله:


إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟

إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟

بعد أن استيقظ، ودخل الحمام للدش؛ هل وجد حمامه جاهز؟


لما خرج والأمل يحذوه في وجبة إفطار؛ هل كنتي جهزتي له إفطاره؟

(ولا كوب قهوه وكيكه على المكتب)

قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)

بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:

1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.

( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!):e5:

لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟


تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟


بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)


يبي يدخل الحمام وياخذ دش؛ (كرري السؤال حق دش الصباح).

بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟


لما صحي؛ هل وجد الغدا جاهز ولا هو اللي جابه معه من المطعم؟


بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟


الآن فتره مستقطعه إلى الليل، وشلون قضيتوها؟


بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟


خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟


وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)


بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟

(الثمره أكيد الدلع والكلام الحلو و... و....) اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.


معلومة أختتم فيها رسالتي:

تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.


تعرفون ليه الزوج السعودي لما يتزوج من سوريه ولا مغربيه ولا...ولا...

يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.



مجرد ناقل لما بالأعلى اتفق مع بعض جزيائته وانأى عن بعضها

[بطلة العالم]

الرجال السعوديين مافيه زيهم
واللي حولك لاتصدقين كلامهن انواع الكلك تلقين ارجالهن خواتم باصابعهن بس تعرفين لامن قالو يدرن يعني يخافن ينحتن يعني يخافن من العين,,,نصابات هن وقرقهن

[&نجدية كووول&]

الله يرزقكن على قد نياتكن ..
اصبروا واحتسبوا مالكن الا الاجر ... والا الرجل هم وغثاء ..

دامكم مقتنعين ان الرجال هم البلاء اعرسوا و خلكم على الصامت ...

وخلو شعاركم ..

وبشر الصابرين



أكييد مالنا إلا الصبـرر والأحتساااب
الرجل هو الأساس بالبلاء بعد المرأة
لا شفت ردود بعض الأعضاء
أقُرر عدم الأرتباااط
تشكرااات عاشق,,

[&نجدية كووول&]

الله يرزقكن ع قد نياتكن .
وطرتن والا وقعتن مالكن غير السعودي :)
فلذا حاولو تتاقلمون مع هالوضع او لاتتزوجن .. تراه ابرك :f5:


أكيييد مالنا غير السعودي الشكوى لله

تهقين نجلس بدون عرس أزين<جازت له الفكرة

تشكراااااااااات لمرورك..

[امنيتي حفظ القرآن]

وشووله تنادونن كل اشوي

ابروح لزليخان ابونا وصدن لاتنحتنن

[&نجدية كووول&]

موضوع جيد لكن مالك الا خشمك لو هو عوج وبالعكس هناك شباب سعوديين احسن من الخارج بالف مليون مره اما ظاهرة الطلاق فهي ظاهرة منتشرة لعدة اسباب من اهمها الرفقه الدش الانترنت وتقبلوا مروري.



أكيييد مالنا غيرهم بس أغدي الحكومة يسمعون كلامنا
ويطبقوونه وتفرح الحريم
أكييد فيه ناس محترمة بس وينهم لاجاء العرس طاروا
ماخرب عيالنا إلا الدشوش والنت وعيال السوء
مشكور لمرورك الرائع

[&نجدية كووول&]

لا

لكنهم ضباااان هع ,,

والله ضحكني الموضوع خخخخخ
يامل الثانكيوووو نجديه ,,


يمكن ليش لا

أهم شي ضحكتي وأستانستي

يامال العافيه والله على مرورك

[&نجدية كووول&]

هذا الواقع المنتشر بيننا وبلا زواج ازين


وأنتي صادقه هاذا الواقع

أجل أجزم أعنس بيتنا أفضل

مشكوره على المرور السريع

[أميره الورد]

الرجل السعودي انااااني مايهمه الا نفسه وبس
وبعيد كل البعد عن الرومنسيه لانه عايش في بيئه جاااافه فاكيد انه بيطلع جااااف
والا حنا يالحريم قلوبنا ورق كلمه تودينا وكلمه تجيبنا
مااقول الا الله يصبرنا عليهم
مالنا الا هم :36_1_4[1]

[&نجدية كووول&]

يقول المثل ما فيه اشارة من غير نارhttp://www.kuw2.com/images/035.gif


يمكن صح ويمكن لا

بس يقع الجزء الأكبر على الرجااال

[&نجدية كووول&]

ماكل مايقال يصدق يانجديه

لايهمونك بعض الحريم تلاقينها متزوجه ومتستره وتخربط عليك واهي لاعندها لامشاكل ولا هموم قلة عقل فيها

الرجال اذا سمعو ذالكلمه قالو ابركها من ساعه لانو ماراح يضرهم شي بالعكس
اذا مايبغى سعوديه تزوج من اي جنسيه اما انتن مالكن الا هم مهما كان

وبيني وبينك واقعيا يعني المفترض تحمدون ربكم ليل ونهار انهم رضو يتزوجونكم :)

لولاهم كان تخيسون وتخللون فبيوت اهاليكم

اذا جالك النصيب ان شاء الله احمدي ربك واشكريه وادعي ربك انه يوفقك وياه ويسهل امرك معاه
وتركي عنك خرابيط بعض هالعجايز اللي مامنه فايده

آورفوآر

أيه هين الحريم ياحبهن للجحايد يفرحن أذا قال أحد شكلكن مو سعيدات وبخصوص(حريم القصمان):)<البعض

هاذا القهر أن الرجل يتزوج على كيفه وحنا ملزومين بالسعودي

نحمد ربنا بس وش فيكم زوود علشان نفرح لاجيتو لنا

النصيب لاجاء مو بيدي ولا بيد أحد بس الله يزوجني برجل صـاااااااالح

[نوران]

بعدين شباب ها الوقت روحو شوفيهم في الاسواق مع زوجاتهم يمشون
وراء حريمهم ويشيلون الاكياس عنهن روحي الى احد ها المطاعم وماراح
تلقين لك مكان كل واحد جاي هو زوجتة وطايرراح يجيب لة المنيو واقف
فوق راسة شفيهم في ها العطلة طايرين في حريمهم مسافرين فيهن
يعني الي اشوفة ان الشباب ما قصرو مع زوجاتهم واكثر ها الي يقال
هو كذب من بعض البنات تخاف انة تحسد والزواج ما يخلو من بعض المشاكل
*

*

ياعيني عليك اجل سفرات ومطاعم طيب ماقلتلنا معهم اطفال ولالا

انا اقولك ترا هالي تشوف توهم متزوجين طفيف (ياشين السعودي لاطف

انواع التخوبل ) يعنى نص شهر بعدين تروح مظاهر الاكياس وما الاكياس

وسلاااام ..

[شموع تحت المطر]

ودي اعرف هالشهبان اللي وجيههم مثل ركبهم مثل رجلينهم <<كله شين xشين

نافخين ريشهم وطولااااااان لسانهم على ايش..!!

مشكلة الرجال مايملى عيونهم لا التراب<< وهذي حصريا تنطبق على السعودي..

قال ايش قال يشيلون الاكياس بالاسواق.. خبروا الحبيب ان اللي شايفهم هذولاء مع خوياتهم مو زوجاتهم.. هه هع هع

ساعات الحريم اذا شفت غرابيلهم مع هالسعودين احس انهن بالجنه على طول..

هذي وحدة تقول صابرين صابرين مانرجي الا الجنه بس اخاف اذا مت يحط له مسجد ويعكف ويكفر ذنوبه وهو يدخل الجنه وانا على صبري ماطوووول شي .. ههههههه الله لكم يالحريم..



سلااااااااااااااااااااااااام ياحلوات.. :)

[دِيم]

.
.
.
إلا أنه يبقى الرجل السعودي هو الأصل وماعداه نسخة
كل مايقال حوله من شبهات (وكأنه قادم من كوكب آخر)
هي زوابع منتديات فقط

:)

.
.

[&نجدية كووول&]

انا متاكده اني بتزوج سعودي بس صدقنن حقي غيرر:b3:
اما بقية البنات فالله يعينهن صدق على اجر ان شاء الله


وراتس أنتي غير عنا وش حيثيتس:)

أكيد مانبي غير الآجر وإلا وش راجين منهم

تشكرااات

[&نجدية كووول&]

كلً شخص ينقل طابعة

انا لم أرىمثل ماتقولين ----- أعتقد يمكن أني ذو عقل ودين وضلع قائم بيد رب العالمين

وشكراً


ماشاءالله يمكن أنتي عايشه بمجتمع مختلف يقطن
المريخ
لاجيت أتزوج أبجي لمكم لاتنسين
الله يتمم عليكم مجتمعكم

[* نحـو العُــلا *]

.

أحس وضع البنت مع الزواج كوووييييس 15 سنة
بعد 15 إلى 20 سنة
ترفع شعآر "وبشّر الصآبرين"
لأنه يآ إمآ يصير حقنة ببلعومة بس يتنكف ويطفي الأنوآر ولآ يعطي القرش إلا بطلعة الروح
ولا يعرس ويسحب عليه <~ وهذآ حآل الأغلبية هههههه

.

[&نجدية كووول&]

نجدية اكيد صديقاتك بيتطلقون دام انهن ينتهجن ويفكرن بنفس اسلوبك وسطحيتك



تحياتي لكل شاب سعودي مقبل على الزواج واقوله شد حيلك واسأل الله ان لا يكون مستقبلك و حظك مع عقرب تبن او مع حية رقطاء





ليش وأنا وش فيه تفكيري أزين من اللي ماعنده ماعند جدتي
وبعدين ياليت يكون عندك أسلوب حتى تعرف تتكلم زي الناس
أذا ماعاجبك الموضوع مو لازم ترد..
المشكله أذا طحنا برجال مثلك وأردى..
تحيااتي لكل مرأة بتتزوج مثل هييك..

[&نجدية كووول&]

الزين والشين بكل مكان والرجال والنساء مو واحد فيهم الصالح والطالح


لااتفق معك ابداً في هذه الجزئيه
لو هي على كلامك هذا كان تزوج الشاب مسيار ونتهت السالفه
ماتزوج الا يبي الاستقرار وتكوين عائله وذريه صالحه نشالله


صح عليك بكل مكان صالح وطالح

أدري أنهم ماتزوجو إلا يبغون الأستقرار
بس فيه رجااال مو قد المسؤليه
وخير دليل اللي رد قبلك شف أسلوبه كيييف
الحريم اله ياجرهن بس على مشااكلكم
تشكرااات إلينـ اليوم..

[&نجدية كووول&]

الله يرزقكم بغير السعودي

اللي من بعده تتمنون اكبر ضب بالعالم لو يعطيكم وجه :)

وشهد شاهدً من أهله:)

هو أنت بس زوجنا غير سعودي وأبد مانجي لمكم

تشكراااااااااات