احذرو البناشر وغشهم في الزيت

[الشعبي]

السلام عليكم ورحمة الله وبركاته
اخواني انا صارلي موقف مع بنشري ××× رحت اغير الزيت عنده اسم المحل (بنشر الخضير) مقابل مطعم الأجيال اللي قريب من فلافل عرفه
الموقف
اني جيت بغير الزيت وقاطعته بالسعر المهم اتفقنا على سعر وفتحت الكبوت وهو راح يجيبلي الزيت من داخل الكرتون حق الزيت يعني افهم انه الزيت جديد مطلعه من الكرتون
المهم
حط العلب فوق طاولة الزيت وراح يشوف زبون جديد توه جاي المهم أنا رحت وفكيت غطيان العلب هذي بشوف هي فعلا جديده ولا لا ولقيتها مفكوكه من قبل (يعني مفرغ العلب اللي تبقا عنده في هالعلب ويحطها داخل الكرتون على أنها جديده )
انترت انا بشوف هل فعلا بيعبي سيارتي من هالعلب ولا لا وإلا الرجال جاي يبي يفرغهن بسيارتي ومسكته انا وقلت تعال شلون بتعبي لي من علب مفتوحه منقبل وانت آخذها من داخل كرتون وقام نزل وجهه وبدا يتصدد ويقول يمكن صاحبي فتحها قلت تستهبل انت لاكن انا اوريك
القهر انه قالي رح سوي اللي تسويه
انا مدري وش هالظهر اللي وراه يخليه يقولي كذا بكل ثقه
أتمنى ماطولت عليكم
وشكرا لكل من قرأ موضوعي وتفاعل معه بأن يوصل على المسؤلين بالبلديه هذا الموضوع

[بندر الحمر]

940

ليتك اتصلت على الرقم 940

وبلغت عن الحادثه

شكرا جزيلا لك

[فهد العنزي]

^^

فعلآ كلام ابولينا سليم..

أتصل وباذن الله راح تشااهد مايسرك..

..

[أبو صباح]

لو كل واحد اشترى زيت خاص فيه وكرتون سيفون ماصار اللي صارلك

يدورون البلاء لنا

انا طبعي معي زيتي وسيفوني ولايمكن اغير من زيوتهم وخليهم يكسبون ومره رحت لمحل ابغير عنده قالي مأغيرلك لازم تشري من عندي يعني على كيفه.. قلتله واقفتن عليك واروح لاقرب هندي واغير عنده بــ10ريال وأحسن سعر بــ10 لايزود ولاينقص مع السيفون واللي غيره من اليمنيين يغير لك بـ20 يعني ماستفدت طلعت خسران لأن لو تغير ب10 تطلع كسبان وصرت اتعامل مع هالهندي واحسن من هالحقود الحرامي

انا جربته اشتريت كرتون زيت وكرتون سيفونات والله كنت غافل بس شفت الشباب يسوون وصرت مثلهم وارتحت


لكن احمد ربك اللي غيرك من الاغبياء يخلي سيارته عندهم ويمشي لكن يستااهل

[عبدالله القيعاني]

السلام عليكم ورحمة الله وبركاته
اخواني انا صارلي موقف مع بنشري ××× رحت اغير الزيت عنده اسم المحل (بنشر الخضير) مقابل مطعم الأجيال اللي قريب من فلافل عرفه
الموقف

حط العلب فوق طاولة الزيت وراح يشوف زبون جديد توه جاي المهم أنا رحت وفكيت غطيان العلب هذي بشوف هي فعلا جديده ولا لا ولقيتها مفكوكه من قبل (يعني مفرغ العلب اللي تبقا عنده في هالعلب ويحطها داخل الكرتون على أنها جديده )
انترت انا بشوف هل فعلا بيعبي سيارتي من هالعلب ولا لا وإلا الرجال جاي يبي يفرغهن بسيارتي [size=6]وشكرا لكل من قرأ موضوعي وتفاعل معه بأن يوصل على المسؤلين بالبلديه هذا الموضوع




الله يعطيك العافيه اخي على التنبيه

المفترض ان تكون حذراً من البنشري .؟؟ وتكون بجانبه
لاتضع كل الثقه بالبنشري ؟؟

تحياتي ،،

[شمووخ]

ياخي كان جبت المحقان وحطيته باثمه وعبيت الزيت وبعدين طلع المحقان وطلع عيار سيارك وحطه باثم الي يبي يغشك وشف كانه ناقص وعطه طراق واغسل بالباقي من الزيت براسه

[القصــ كتكوت ــيم]

تسلم على التنبيه ياغالي
مشكور

ماقصر بندر عطاك الرقم وهم يتفاهمون معه
والا يالذيب
مالك الا تشتري انت بنفسك

[جميلة العرب]

السلام عليكم
المفروض تكلم كفيله قبل تكتب الموضوع
باقرب وقت
وشكرا ع اهتمامك

[المتفائــــــل09]

العينه هذه كثيره جدا وبجميع الاصناف
لكن السؤال وين الغرفه التجاريه عنهم

[لبيه]

عالم الغش التجاري واسع مثل اتساع ذمم ممارسيه
تدرون كيف الغش بزيوت السيارات بالسعودية؟
الزيت سوبر شل مثلاً يجيك في كرتونه مغلف وبنفس شعار المنتج وعلبه مختومه لكنه مغشوش وغير صالح ويخرب مكينة السيارة وهذا الزيت يوزع على البناشر عن طريق مسوقين بسعر ارخص ومحلات تغيير الزيت عادة يملكها اجانب همهم الكسب وتم اكتشاف استراحات فيها عمالة تغش زيوت السيارات والفلاتر في جدة ومازالت هذه التجارة المربحة مجال لضعاف النفوس من الاجانب والسعوديين وتلقى رواج وارباحها بالملايين
عليك بشراء المنتج من الوكيل المعتمد
تأكد أن كل سلعة تشوفها لها مقابل مغشوش

[شارد الذهن معاه]

ياخي كان جبت المحقان وحطيته باثمه وعبيت الزيت وبعدين طلع المحقان وطلع عيار سيارك وحطه باثم الي يبي يغشك وشف كانه ناقص وعطه طراق واغسل بالباقي من الزيت براسه

ههههههههههههههـ،

هذي احسن طريقة علشان ما يغش مرة ثانية .

[ثامر القصيمي]

كلام سليم ...يعطيك العافيه

[الشعبي]

940

ليتك اتصلت على الرقم 940

وبلغت عن الحادثه

شكرا جزيلا لك

للأسف أني أتصلت مباشره على هالرقم 940 وقالي خير انشالله ولا شفت أي تأثير على المحل بالعكس امر من جنبه دايم على رجلي ويناظرني زي اللي يقول انت ماقدرت تسويلي شي
شرايكم عاد مب قهر اجنبي يجي عندي بديرتي ويسوي كذا ولا أحد يوقف بوجهه
قهر قهر قهر
حطيت براسي أن للأسف
(لاحياة لمن تنادي)

[أبو الريش]

أنا مثل الأخ أبو صباح ,,,

معي كرتون زيت وكرتون سيفون وأغير عند بنشري هندي وثقه

ولو حسبتو سعر الكرتون طلع انتم الكسبانيين هذا غير السيفون سعره 12 ريال وهم يغيرونه لنا 25 ريال

والتغييره ب10 ريال عند البنشري

شكرا لك

[أبو صباح]

مشكلة بعضنا مايعرف يضبط نفسه

[ابوسـلطان]

لا حول ولا قوة إلا بالله
المشكله مافيه رقابه