كل حزني في صدى صوتك يضيع !!!!!!

[تركـي]

:13[1]:
امسي عليكم بالخير

ابطب على طول بالموضوع بدون مقدمات

احد الزملاء في الاستراحه لم يمضي على زواجه اكثر من 3 شهور
والرجال دائما سرحان وماله نفس في اي شي
لا مباريات ولا ورقه ولا بلاي استيشن
ماغير مقابل اللاب وتلقاه يسمع مقاطع غراميه وحزن
وخاصة انه يعمل بديره وزوجته موجوده بديره آخرى عند اهلها

وماله نفس حتى الاكل يأكل شوي
وتلقاه ساارح
ودائما يردد ابيات شعر
انا حفظت منها هذين البيتين من كثر مايرددها وبصوت عاالي

البارحه مامسيت عيني سهيره 00000
سهران اللين اصبح علي الصباحي

انا بديره والحبيب بديره 00000
لاقلت قام الحظ عود وطاحي

وايضا 00000000

مانسيتك ورب الكون عالم 000000
لكن الوقت له حكم علي
انت بعدك عذاب وجرح آالم 000000


انا صراحة ماالومه ؟؟؟؟؟
وخاصة اذا رن جواله وكلم حبيبته تجده يتغير والبسمه واصله مترين 0

برأيكم هل وصل بنا مرحله ان نهيم مع محبوبتنا 0

وهل تفتقد محبوبتك بأي سبب كان ؟؟؟
وانتي هل تفتقدين محبوبك ؟؟؟؟؟؟؟؟؟؟



تحيتي 0

[كفاني عذاب]

يااخي ماالومه هاذي ام اعياله

[قلم صريح]

عادي إصبر عليه كم شهر وهمن تروح (الســـــكـــــره) بفتح السين.. وتهضل عليه (الفــــكــــره).:29_1_16[1بفتح الفاء

[رمادية الهوى]

الله يرزقنا اللي يفقدنا ونفقده بهوانا لا بهوى بني عبس

[&نجدية كووول&]

فقط خلال الأشهر الأولى(أشهر الطفه)
وبالأشهر الأخيرة بس راابص بالأسترااحه
بس علشانه طاف فيها وبعيده

[تركـي]

يااخي ماالومه هاذي ام اعياله


اجل نقول ( الله يلوم اللي يلومه )

مشرف بحضورك 0

[انتظرتك]

شكلها طفه ........

[كفاني عذاب]

شكلها طفه ........


لا استبعد ربما تكون هيك

[علشانك بس]

الغريب ان محبوبته هي زوجته .. !!
بالعادة الزوجة مجرد خادمة فقط ,,
والمحبوبة وحده ثاااانية ,,

[سلطان نجد]

بالغالب النوعيه هذي نوعية طفه

يعني يبالغ بالبدايه وبالاخير يقلب 180 درجه

ويتضح لي ان زميلك من هالنوعيه هذي

[أبو الريش]

الحمد لله موجود الحب بينهم بظل وجود تقرحات سطحيه بالحب بين الأزواج في وقتنا الحالي

خصوصا أن الرجل يبادل زوجته بعمق الحب الشديد وهذا يعتبر نوع ما شاذ بين الازواج الا مبالين

[تركـي]

عادي إصبر عليه كم شهر وهمن تروح (الســـــكـــــره) بفتح السين.. وتهضل عليه (الفــــكــــره).:29_1_16[1بفتح الفاء



الرجال مصدق بقوه
على قولتك الله يستر لايقلب عليها بس 0


منور بحضورك 0

[غَسَقْ,]

عساه دوم يارب هذا الحب ولا بلاش !

[سهاد]

اول سنه الطفه ..مايحكم عليه

وبعدين يظهر على حقيقته ..

تحيااااتي

[زخات المطر]

يقولون ( ابعد تحب ) ..


و انا من هذا الموضوع اقول لكل الزوجات اللي جالسين على كبود رجاجييلهم ، ابعدوا عنهم و غيبوا ، عشان يعرفون قيمتكم ، و يشوفون الفراااغ اللي تركتوه بأماكنهم .


الله يجمعه على خير مع زوجتوو و يوفقهم .


الغريب ان محبوبته هي زوجته .. !!
بالعادة الزوجة مجرد خادمة فقط ,,
والمحبوبة وحده ثاااانية ,,


علشانك !!

مو كأنك بالغتِ شوي !


اللي يقدر يحب و يتغزل بثانية ، مايعووقه هالشيء مع زوجته !

مو كل الرِجال مثل الزيجة اللي تشوفينها ، لا يا قمر .. صححي النظرة عندك .. و اتركي عنك لغة التعميم ..

و الله يابعض البنات ، محسوديين على رجالِهم اللي ينحطون على الجرح يبرى ..

جعل نصيبك واحد منهم ..

بس بعد ماتعقلين و تحسنين الصورة :) .

[ردينه]

ماشاءالله ,الله يديم المحبه بينهم يارب ..

يااخي ماالومه هاذي ام اعياله

يقولك لهم 3شهور اي عيال الله يرحم امك ..

[تركـي]

الله يرزقنا اللي يفقدنا ونفقده بهوانا لا بهوى بني عبس


امين يارب
بس ماتنعكس عليكي 0


مشرفه بمرورك 0

[Queen of buraydh]

هماه بالحلال ؟ خله يستانس ياجعله هايم دووم يارب

[دِيم]

الحمد لله الذي أحياني حتى قرأت هذه الحروف في هذا المنتدى
استمتعت بالموضوع كثيراً على بساطته
بعض من تواجد وسيتواجد هنا سيعزي الأمر إلى الطفة
لكن معَ هذا سيستمتعون وربما يكون البعد خيراً لهم من الإقتراب :)
أسعدهم الله

[تركـي]

فقط خلال الأشهر الأولى(أشهر الطفه)
وبالأشهر الأخيرة بس راابص بالأسترااحه
بس علشانه طاف فيها وبعيده

الرجال اشوفه مسوي مثل مجنون ( ليلى )
ماندري هي طفه والا متولع

بنشوف والله ان قلب عليها يأنه بيجيه تعليق
من عيال الاستراحه
مقرقنا واخرتها تصفي على طفه 0


منوره بحضورك 0

[aĻŖeem]

رُبمآ لـ انهآ الآيآم الآولىآ ..؟
لكنٌ نتمنىآ أن يدومٌ ويستمٌر هذآ الحبُ والشوٌقٌ فيمآ بينهمآ ..
ويزدآد مع الايآم ..

شكرآ تركي 22

...:)..!

[تركـي]

شكلها طفه ........



ربعنا بالآستراحه موسعين صدورهم

بس والله ياشي يحتريه 0


لك تحيتي 0

[علشانك بس]

علشانك !!

مو كأنك بالغتِ شوي !


اللي يقدر يحب و يتغزل بثانية ، مايعووقه هالشيء مع زوجته !

مو كل الرِجال مثل الزيجة اللي تشوفينها ، لا يا قمر .. صححي النظرة عندك .. و اتركي عنك لغة التعميم ..

و الله يابعض البنات ، محسوديين على رجالِهم اللي ينحطون على الجرح يبرى ..

جعل نصيبك واحد منهم ..


بس بعد ماتعقلين و تحسنين الصورة :) .


هلا بزخات المطر ,,
بالعكس انا مابالغت ,, وانا ادري انه يقدر يتغزل بزوجته ,,,
بس مايهناه يتغزل فيها وهو مال منها ,,
يبي يكتشف حظة بالغزل بأنثى ثانية <-- عاد منهي .. !! ندخل على الله :c7:
واللي انتي ذكرتيهم هذولا يشكلون 2% فقط ,,
ولا الباقين الله يخلف عليهم ,,
من تخلص ثلاث شهور الطفة يصير اسمها ( ياهيش ) ,,
وتصير مجرد خادمة بالبيت اطبخي وامسحي وربي بزارين الين يروح عمرها وهي ركض ورى البزارين ,,
والزوج متفرغ لحبيبات الغفلة واذا اتكلم قال ياهيش تعالي شيلي بزارينك عجزت اقرا الجريدة ,,
والحالة اللي ذكرها تركي بالموضوع من ضمن الـ 2% اللي ممكن تطول حالة الطفه فيهم الى سنة تقريبا ,,
والبنات اللي يحسدون على أزواجهم تراهم يبالغون لاتصدقينهم ,,
تمدح نفسها وزوجها عند الناس وهي بالبيت منضامه الله لايضيمنا ,,

[أنامل]

دوما حينما تبتعد الزوجة رغما عنه

يظهر الحب .. وهذا هو حب الرجل

[تركـي]

الغريب ان محبوبته هي زوجته .. !!
بالعادة الزوجة مجرد خادمة فقط ,,
والمحبوبة وحده ثاااانية ,,

لايكون عايشين في اسطنبول بس
اللحين ماصدقنا انه يتزوج وتمسكه بنية الحلال
تبينه يصير له عشيقه بعد 00000000

علشانك بس ترااانا ببريده
وكل اللي يهايطون ان له محبوبه
تلقاه مصدق وهو يحادث شايب بمعرف بنت 0

خليها مستوره لاتوهقين المعرسين 0

وجهة نظرك ومرورك يشرفني 0

[تركـي]

بالغالب النوعيه هذي نوعية طفه

يعني يبالغ بالبدايه وبالاخير يقلب 180 درجه

ويتضح لي ان زميلك من هالنوعيه هذي


هلا بسلطان

حنا ما تسرعنا مخلينه هايم بالغرام
ويمكن انه صادق
خل شهور العسل تخلص وبعدين
ابكتب موضوع عنه
والله ان صارت طفه
لخلي كل بريده يعرفونه 0

تحيتي 0

[زخات المطر]

هلا بزخات المطر ,,
بالعكس انا مابالغت ,, وانا ادري انه يقدر يتغزل بزوجته ,,,
بس مايهناه يتغزل فيها وهو مال منها ,,
يبي يكتشف حظة بالغزل بأنثى ثانية <-- عاد منهي .. !! ندخل على الله :c7:
واللي انتي ذكرتيهم هذولا يشكلون 2% فقط ,,
ولا الباقين الله يخلف عليهم ,,
من تخلص ثلاث شهور الطفة يصير اسمها ( ياهيش ) ,,
وتصير مجرد خادمة بالبيت اطبخي وامسحي وربي بزارين الين يروح عمرها وهي ركض ورى البزارين ,,
والزوج متفرغ لحبيبات الغفلة واذا اتكلم قال ياهيش تعالي شيلي بزارينك عجزت اقرا الجريدة ,,
والحالة اللي ذكرها تركي بالموضوع من ضمن الـ 2% اللي ممكن تطول حالة الطفه فيهم الى سنة تقريبا ,,
والبنات اللي يحسدون على أزواجهم تراهم يبالغون لاتصدقينهم ,,
تمدح نفسها وزوجها عند الناس وهي بالبيت منضامه الله لايضيمنا ,,


هلا فيك علشانك ..

وشو الباقين الله يخلف عليهم !

انتِ خليتِ كل أغلب الرجال المتزوجين من النوع المغازلجي ويكلم و يتعرف على بنات !


و مااستثنيتِ منهم أهل الإلتزام و الدين ..


اللي لو يكون قاسي مع زوجته ، مستحيل يخونها ..


و البنات اللي ع قولتك منضامه من رجالهم ، انا ماشفتهم و لا سمعتهم ..

ياحبيبتي انا شفت رجالهم .. اللي هم محارمي ..

ينحطوون على الجرح يبرى ، و يابخت نسوانهم الله لا يغير عليهم .

ومن دون اصلاً ، النِساء قال عَنهم الرسول : ( كفّارات العشير ) ..


يعني قلمّا تلقين بنت ماتشكي من زوجها لا تطلع كل عذارييه ، و ماتشوف من الرجل الا السلبيات .. امّا الإيجابيات لو كان رجلها رافعها فوق راسه ، ماتذكرها له ابدًا ..


* خليكم شوي واقعيين فلا تعممون اي نظرة ، شاهدتيها على شخص واحد فقط او اثنين .

[تركـي]

الحمد لله موجود الحب بينهم بظل وجود تقرحات سطحيه بالحب بين الأزواج في وقتنا الحالي

خصوصا أن الرجل يبادل زوجته بعمق الحب الشديد وهذا يعتبر نوع ما شاذ بين الازواج الا مبالين


لا ابشرك يابو الريش
الرجال الى الآن هايم ومتولع
عاد ماندري في قادم الايام هو يصمل والا نزوه 0

لك الف تحيه 0

[مملوحه]

لا تحكم من اول كم شهر
استنى بعد سنه او سنتين
وردلي خبر

جعله دوم