حصلت لي وظيفة كل شروطها مقدور عليها إلا شرط .. شوركم ؟

[سَـاكنة القـلب]

يسعد لي مساكم ..

سبحان الله إذا بغيت الشي يجيك .. لاتدور عنه !!
الصيف امترضت وأنا أدور على وظيفه لو ألف ريال ماحصلت !!

والحين جاتني وظيفة ولا بالحلم ..
بقولكم المميزات وبعدين السلبيات .. وأمآآآآآآآآآنه حطوا حالكم بحالي وعطوني رايكم ..

المميزات ..
1/ الراتب أقل ماأقول عنه خورآآآآآآآفي وبدون أي مبالغة (فوق الخمس آلاف ) .

2/ شروطها كلها مقدور عليها إلا شرط واحد ومكانها قريب حيل من بيتنا .

3/ إذا حصلت على الشهادة الجامعية(بأي تخصص) يزيد راتبي .

4/ أحتاج للفلوس مو من ناحية أهلي مقصرين علي بشي ، لا أبدا بس أنا أحب أدلع نفسي ومابي أكلف على اهلي أكثر من طاقتهم
غير كذا بصير اهدي وادلعهم فيصير لي غلا خاص .

5/ أنا انسانة مزاجية ونفسيتي أقدر أقول عنها تعبآآآآآآنه وكثير أتمشكل مع اهلي المساكين ويأنبني ضميري واعتذر وعلى هالحال
فأحس الوظيفة بتملا علي وقتي وتشغلني وتشغل بالي ..

وفي مميزات ثانية فالوظيفة وفي وضعي بس هذا أكثر شي هامني ..

السلبيات ..

1/ كشف الوجه ولاحول ولاقوة إلا بالله !!
أول مره فحياتي أشوف ناس مايشترطون خبرة ولاشهادة ولاتخصص معين ويشترطون الكشف !!!

2/ أغلبهم أجانب ..
وأنا عندي حسآآآآآآآآسية من شي اسمه اجنبي من حرتي عليهم !!
الخير خيرنا وهم اللي ماكلينه .. أنا رواتبنا على ألف ونص وكرف الحمير ودوام طويل .. وهم سيارات آخر موديل والوظايف الزينه لهم !!
والمطاعم والملاهي والمقاهي ماترسها الا هم !!
فممكن أتمشكل معاهم لأني ماأطيقهم أبدا ومااتحمل يصير يتامر علي اجنبي ولدرجة أني أحط هالسبب بقوة السبب الأول عندي .


بالأخير أقول .. أنا طبعا مارح أحط مكياج ولا اتعدل بس خايفه انه يكون حرام .. ولو صار حلال خايفه أتمادى لأن تعرفون كثرة الامساس تميت الاحساس وانا قد صارت لي تجربة فالاختلاط اللي كنت متهوله منه وخايفة وتبلد احساسي مع الوقت !!

والله ضايق صدري وأحيانا أقول حرام ماني متوظفه مع ان والله مو من طوعي بس خايفه يكون حرام وأكون سنيت سنة سيئة للي يعرفني ويقلدني وأحيانا أقول اجل أجلس واتمشكل مع اهلي المساكين واترك هالاجانب يلهفونا ومااااادري صراحة اشلون

اهلي كلمتهم الوحيدة اللي ماتتغير .. بكيفك !
والاستخارة واستخرت والين الحين محتارة
شوركم ؟


اللهم اغننا بحلالك عن حرامك وبفضلك عمن سوآك .

[تركـي]

شوري ونصيحه

لاتكوني طعم لهم
حتى لو كان راتبهم عشرة الاف
الاختلاط وماادراك الاختلاط

وآقتدي بقول الله عز وجل (( ومن يتق الله يجعل له مخرجا ))
ويمكن انتي جاوبتي بقولك

اللهم اغننا بحلالك عن حرامك وبفضلك عمن سوآك .

الله يرزقك الوظيفه اللي تخليك تتدلعي وتنبسطي 0



تحيتي 0

[eivl girl]

تاركه ابوك واخوانك وجايه تشاوريننا!!!!!!!!!!
ببريده تسذبين مافي شرط كشف عطيني مكان توظيف يطلب هالطلب

[نور سينM]

طيب قولي وش اسم هالوظيفه؟...لان ماعمري سمعت من بين الشروط في جميع الوظائف كشف الوجه..يعني حتى الطقاقه واهي طقاقه ماتكشف...

[إلينـ اليوم]

كاشير بالسوبرhttp://up2.al-qatarya.org//uploads/images/al-qatarya-d9236243e6.png (http://up2.al-qatarya.org//uploads/images/al-qatarya-d9236243e6.png)

[علشانك بس]

توظفي عندهم بس وانبسطي ,,
منها تاخذين خمس الآف ومنها تفتشين بلا غطاء بلا هم وكتمة ,,
وغير هذا جنب بيتكم ,,
يعني عادي تطلعين من دوامك لبيت اهلك بدون ماتتغطين حتى تكملينها فاتشة الين بيت اهلك ,,
لاتفوتين الفرصه بس وتوظفي فيها ,,
واذا ماجازت لك علميني انا اتوظف فيها ,, لأني ودي بوظيفة مافيها غطاء ,,

















من ترك شيئا لله عوضه الله خيرا منه ,,

[سَـاكنة القـلب]

أخوي تركي /

بس أنا أبيها بقوة وأنت قريت الموضوع وقرت اسبابي ، وغير كذا لو اتشوف الأجانب هذاهم ماشيه حياتهم ولا احلى ولااحسن صاروا طعم !!

والله ردك جآ عالجرح وانت صادق بكل كلمة
بس الواحد متى تحصل له !!

أشكرك جداً لاهتمامك ودعواتك .. ولك بمثل يآرب


eivl girl /

الأخت الفاضلة .. حسن الخلق لايكلفك شيئاً ويرفع من مقامك عند الخلق وعند ربك .
أنا لست ببريدة الحبيبة .. شكراً لاهتمامك .

[نور سينM]

ننتظر نبي انعرف وش اسم الوظيفه...

[Modern]

،








مدري ليه الاعضاء يحسبون لازم بكل موضوع يتميحلون ؟؟

اللي يكذّب صاحب الموضوع واللي يسأل اسئله مالها علاقه ولا تزيد ولا تعيد بالموضوع بس بيسوي ابو الكفيّش !

اذا منت مصدق او مو مقتنع بهالكلام ليه تكلف على نفسك وترد !

مادري ليه ماتستحضرون النيه الطيبه قبل النيه السيئه قبل تردون !


ماعلينا ،،


بالنسبه للموضوع اعتقد اشتراط الكشف مقدمه لشروط لاحقه مجهزه مسبقاً..!

ليقينهم بأن القبول بالكشف داخل مجتمع كمجتمعنا كفيل بقبول اي شروط اخرى !

ايضاً كفيل بالتنازلات مهما كانت عميقه لاحقاً !


وبالنسبه لي ماشوف بهذي الوظيفه ذيك الفرصه الذهبيه والمغريات الثمينه اللي تخليك تندمين لو ماتوظفتي فيها !








،

[سَـاكنة القـلب]

نور /

مكان الوظيفة ، نوعها ، وماسوى ذلك هو مايخصني شخصياً ولايضيف للمستشار شيئاً .. !
بل إنني حتى لم أذكر كل المميزات وكل السلبيات ، لأنها لاتفيد في المشورة وإنما ترضي معشر (الملاقيف) .

شكراً لاهتمامك حبيبتي .

الين اليوم /

شكراً للاهتمام .

علشانك /

شكراً للاهتمام .

[نور سينM]

8

8

اذا كنت تقصدني انا بالعكس انا اسأل اسئله مهمه عشان ننصحها..يعني لازم نعرف الوظيفه وانشوف هي تناسبه اولا

[سَـاكنة القـلب]

Modern /

طبيعي تشوف أمثال هالردود ، وقيلت سابقاً .. من لايملك إلا مطرقة فسيتعامل مع كل شي على انه مسمار !


بالنسبة لمشورتك ..
خلني أكون صريحة معاك وأقولك أنا خاطري فيها وخاطري أحد يريحني من تأنيب الضمير وبس.. بصراحة يعني .

أخي الكريم ..
لو تلاحظ كلامك قوي وحسستني إني رايحة لمكان مشبوه مو وظيفة محترمة رسمية !!

أما من ناحية إذا تقصد بعض المضايقات والتحرش فهذي تحصل فكل مكان بدءاً من الأسواق وليس نهاية بالمستشفيات !!

التنازلات أبداً مارح تكون بإذن الله ، لأني مو مغصوبة على شي ولو ماارتحت أترك الوظيفة وانتهينا !!

أما مااتوظف عشآن (يمكن) يصير شي ، فهذا اللي بيخليني أتحسر طول عمري .

تقول مااتشوف فيها فرصة ذهبية ، وأنا أأيدك !
لأنها فرصة ألماسية !
أخوي احنا مو فالإمارات ولا قطر !
الشباب عاطلين باطلين والشاطر فيهم حصلت له وظيفة بمطعم وسواه !!
وحتى الوظيفة المواجهه اجتماعياً كم رواتبهم ياحسرة ؟!!
هذا وهم رجال ..


أما الوظايف اللي متوفرة للحريم وكرفها اللي يهول ورواتبها المشرفة فمايحتاج أتكلم عنها !!

أما لو توظفت واستغليت الفرصة ..

مامعي شهادة وراتبي فوق الخمسة !
بالشهادة بيزيد !
مميزاتها روعة !
التخصص مو مطلوب وهذي من يحصلها ؟؟
مكانها قريب يعني بضمن أبوي أو اي احد يوصلني ومااضطر لسيارة خاصة ووجع الراس
والباقي ذاكرته أنا بالموضوع واهو مهم جداً بالنسبة لي .. و أنا أبي أنشغل أصلاً .. يجيني شغل بهالمميزات الخيالية وأعافه ؟!!!

شكراً لردك رغم إنك عطيتني إشارات حمرآ واكتفيت بها .. يعني أحسك خوفتني بدون ماتذكر سبب معين واضح ..

يبقى الشكر كل الشكر لاهتمامك ..
لاحرمت الجنان .

[غــــلآ]

إختي ..
لو أسبآبك معآنآة من قلة الدخل أو إنك تعولين أسره بحآجتك ومآلهم غير الله ثم أنتي يمكن يهون إنك تقولين أبي هالوظيفه ..
بس أسبآبك مآدري احسه موب مقبوله ..( تدلعين نفسك .. وتبعدين عن مشآكلك مع أهلك )



من ترك شيئاً لله عوضه الله خيراً منه

تقبلي كلآمي بصدر رحب

[غَسَقْ,]

اللي مَضايقك كشف الوجه والإِختلآط بس !
لا يآخيتي توكلي على الله وخوذيها لاتطير منك , حنا الشباب عاطلين مالقينا وظايف
أَمسكيها لاتطير منك بس .. "يالله أَستر على بناتنا ولاتبلاهن"
حنا خلاص بَآخر الزمان

[eivl girl]

مافي اي جهه بالمملكه ككل تطلب او تشترط كشف الوجه
ولك حق ترفضين هالطلب مع بقاء الوظيفه لان الحجاب بند من بنود الدوله السعوديه
ولا يمكن بنت تجبر على خلعه!!!!!!!!!!!!!

[صـاحي و رايـق]

حروفك ذكرتني بموظفة البنك اللي دقت على أحد العملاء
ومسك فيها طريق خريص فشلها وقلل من هيبة وظيفتها
وخلى السامعين أو المسجلين المشتري منهم يتفرج
,
ترا كاتبات المدراس الحين متوفره
أشوف كل من هب ودب توظف فيها
توظفت فيها صبايا ما معها ولا شهادة سادس
وإذا القصد منك تقضية فراغ فقط لا أكثر
أشتري خياطه ورزيها في أحد ربع غرفتك
أو رزيها في بالمطبخ فوق المجلى
وكل ما شفتي فرصه خيطي لك خلق من الخلقان
وأبدي طرزي وخيطي وفصلي من الخلاقين والخشاش اللي تعرفين تسوينها
,
نصيحه من القلب إلى القلب
بما أنك تقولين : أن موظفين هذه الشركه أجانب
إذا أنتِ شينه ومراسم الجمال فيك مضغوط عليها بـ (( ديليت ))
توظفي عشان تجيهم ردة فعل ويتوبون إلى الله توبة نصوحا بسبب مظهرك الإستفهامي
وإذا أنتِ أموره وحليوه أعرسي قبل يخلصون أولاد الحلال
ترا أولاد الحرام الحين ما خلو لأ أولاد الحلال حاقه
وفارس أحلامك اللي يروضك لساته باقي بالوجود لم يختفي مثل الديناصورات
,
,
عوافي على قلبك

[صـاحي و رايـق]

مافي اي جهه بالمملكه ككل تطلب او تشترط كشف الوجه
ولك حق ترفضين هالطلب مع بقاء الوظيفه لان الحجاب بند من بنود الدوله السعوديه
ولا يمكن بنت تجبر على خلعه!!!!!!!!!!!!!


فيه شركه هنا في بريده أحتفظ في أسمها
جميع الموظفين رجالاً وأمرأة واحده
وظيفتها سكرتيره طاقه اللثمه هالشينه
طبعاً شركه إنتاجها لا يخص النساء بـ أي شكل من الأشكال
خابرهم بعد يبغون سكرتيره
إذا فيك شمه لها .. ولمي ملفك الأخصر ودربك خضر

[Netizen]

إذا تم تعيينك بناء على ماتملكيه من شهادات وخبرة ..
وإذا كان فيه مجموعة من النساء ..
وإذا كانت بيئة العمل محترمة .. بمعنى أن أنشطة الشركة غير مشبوهه
وإذا كنتي من أسرة اعتادت على كشف الوجة .. بمعنى لن تحدث مشاكل بينك وبين والدك و والدتك .
أعتقد مافيها مشكلة ..

ليس لدي علم .. لكن ممكن نأخذها بالقياس .. فمثلها مثل العمل أو الدراسة في جامعة أجنبية أو حتى جامعة الملك عبدالله … والله أعلم.

[البرحيه]

بعد مايشوووررررون عليك فيذا ...نزلي نفس الموضوع بمنتديات ارامكو الرسميه..

خليهم يشوووورووون عليك فيذاك ..!!! خخخخخخخخخ

والله صالرلي سبوعين وانا كل مادخلت المجلس احسبه قسم الأستشارت؟!






الله يوفقك..

شكرا لك

[البرحيه]

نصيحه من القلب إلى القلب
بما أنك تقولين : أن موظفين هذه الشركه أجانب
إذا أنتِ شينه ومراسم الجمال فيك مضغوط عليها بـ (( ديليت ))
توظفي عشان تجيهم ردة فعل ويتوبون إلى الله توبة نصوحا بسبب مظهرك الإستفهامي
وإذا أنتِ أموره وحليوه أعرسي قبل يخلصون أولاد الحلال
ترا أولاد الحرام الحين ما خلو لأ أولاد الحلال حاقه
وفارس أحلامك اللي يروضك لساته باقي بالوجود لم يختفي مثل الديناصورات
,
,
عوافي على قلبك

يابلاش ... :4_1_104[1

شكرا لك

[خالد2007]

،








مدري ليه الاعضاء يحسبون لازم بكل موضوع يتميحلون ؟؟

اللي يكذّب صاحب الموضوع واللي يسأل اسئله مالها علاقه ولا تزيد ولا تعيد بالموضوع بس بيسوي ابو الكفيّش !

اذا منت مصدق او مو مقتنع بهالكلام ليه تكلف على نفسك وترد !

مادري ليه ماتستحضرون النيه الطيبه قبل النيه السيئه قبل تردون !


ماعلينا ،،


بالنسبه للموضوع اعتقد اشتراط الكشف مقدمه لشروط لاحقه مجهزه مسبقاً..!

ليقينهم بأن القبول بالكشف داخل مجتمع كمجتمعنا كفيل بقبول اي شروط اخرى !

ايضاً كفيل بالتنازلات مهما كانت عميقه لاحقاً !


وبالنسبه لي ماشوف بهذي الوظيفه ذيك الفرصه الذهبيه والمغريات الثمينه اللي تخليك تندمين لو ماتوظفتي فيها !








،


لاتزعلين ياخيتي هذولا ربعنا وبناتنا بهم شفاحه ولقافه مهب باحد يحسبون اللي يكتب موضوع بمنتدى بريده لازم يكون ساكن ببريده .
اقول خوذيها قاعدة : كل شي بحياتك يحصل لك رديه للشرع ومادام ربك يحرم كشف الوجه بلاها من وظيفه وهذا ابتلاء لك من ربي يختبر ايمانك . الله يوفقتس بوظيفه غيرها .

[قلب الغلا]

أختى الصمت الخجول

الى اعرفه بالشرع فى شى اسمه حجاب شرعى

والسنه الى نعرفها انه مو حرام الى تغطى وجهها

يكون حجاب سنى
يكون على شكل دائرى للوجه
وهذا الى اعرفه وسالت اخوى عنه مطوع

بس لم تقولين حرام والناس الى هنا تقول حرام
احنا اخذنا عاداتنا وتقاليد وحطينها حرام وحلال ما يصير يا جماعه

ارجعوا الى القران والى الاحاديث وبعدها حلل وحرم

مو تقول حرام وبس

لك احترامى وتقديرى

والله يوفقكم جميعا

اخوكم قلب الغلا

[ابو سعود 55]

الدنيا مقفيـه
لاحول ولاقوة الا بالله

طيب اهلك راضين انك تكشفيـن ؟؟
يقولون اللي مايعلمه قلبه مايعلمونه الناس

[وضوح]

غاليتي //

اذا رأينا ستأخذين به ...؟!

/

فـ أقول لكـ وبصراحه راح تندمين بكل الأحوال بلا راتب بلاهم اذا انتي مو محتاجه مثل ماقلتي..!

/
ان كنتِ محافظه حتما سـ تجدي مايضايقكـ ..

وإذا كنتِ تشعرين بأ نكـ ضعيفه فـ تأكدي انكـ سوف تجدي مايهدم حياتكـ او يسيء لإسمك

اي رجل لاينظر للمرأهـ الا بنظرة واحدهـ

الا حالات خاصة ونااادرهـ وبالأصح فيها خلل ...

حتى لو كان في بداية الأمر متعاون ومخلص وطيب ..

تأكدي ان الشيطان ماراح يخليه مثالي معك ومحترم..طوال الايام والشهور

يعني اصرفي نظر واحتسبيها عند الله

وسـ يعوضكـ الله خيراً ..بإذنه

تحيتي ،،

[Modern]

modern /

طبيعي تشوف أمثال هالردود ، وقيلت سابقاً .. من لايملك إلا مطرقة فسيتعامل مع كل شي على انه مسمار !


بالنسبة لمشورتك ..
خلني أكون صريحة معاك وأقولك أنا خاطري فيها وخاطري أحد يريحني من تأنيب الضمير وبس.. بصراحة يعني .

أخي الكريم ..
لو تلاحظ كلامك قوي وحسستني إني رايحة لمكان مشبوه مو وظيفة محترمة رسمية !!

أما من ناحية إذا تقصد بعض المضايقات والتحرش فهذي تحصل فكل مكان بدءاً من الأسواق وليس نهاية بالمستشفيات !!

التنازلات أبداً مارح تكون بإذن الله ، لأني مو مغصوبة على شي ولو ماارتحت أترك الوظيفة وانتهينا !!

أما مااتوظف عشآن (يمكن) يصير شي ، فهذا اللي بيخليني أتحسر طول عمري .

تقول مااتشوف فيها فرصة ذهبية ، وأنا أأيدك !
لأنها فرصة ألماسية !
أخوي احنا مو فالإمارات ولا قطر !
الشباب عاطلين باطلين والشاطر فيهم حصلت له وظيفة بمطعم وسواه !!
وحتى الوظيفة المواجهه اجتماعياً كم رواتبهم ياحسرة ؟!!
هذا وهم رجال ..


أما الوظايف اللي متوفرة للحريم وكرفها اللي يهول ورواتبها المشرفة فمايحتاج أتكلم عنها !!

أما لو توظفت واستغليت الفرصة ..

مامعي شهادة وراتبي فوق الخمسة !
بالشهادة بيزيد !
مميزاتها روعة !
التخصص مو مطلوب وهذي من يحصلها ؟؟
مكانها قريب يعني بضمن أبوي أو اي احد يوصلني ومااضطر لسيارة خاصة ووجع الراس
والباقي ذاكرته أنا بالموضوع واهو مهم جداً بالنسبة لي .. و أنا أبي أنشغل أصلاً .. يجيني شغل بهالمميزات الخيالية وأعافه ؟!!!

شكراً لردك رغم إنك عطيتني إشارات حمرآ واكتفيت بها .. يعني أحسك خوفتني بدون ماتذكر سبب معين واضح ..

يبقى الشكر كل الشكر لاهتمامك ..
لاحرمت الجنان .









ابداً لم اقصد ان اخيفك او اهوّل من الامر ..

لكن بكل تأكيد مامن شركه تعمل داخل المملكه الا ويعلم مسؤوليها يقيناً

ماذا يعني اشتراط عدم الحجاب لقبول عمل احد فتيات المملكه داخلها !

وبكل تأكيد لن تشترط هذا الشرط الا وهي تعلم يقيناً ان من يقبل به مستعد بالقبول بأي شرط اخر

كأن يلزم عملك الذهاب مع احد العاملين بسياره

او يكون كرسيك مابين كرسيين لرجلين داخل احد المكاتب المغلقه

او تكون هناك شفتات مسائيه

انا هنا اطرح امثله قريبه وبعيده وقد تكون ولا تكون

لكنها بكل تأكيد تعكس قبول فتاه داخل مجتمع كمجتمعنا العمل بلا حجاب !

وانتي على علم بمدى المضايقات الممكن حصولها بمثل هذه الاوضاع اوغيرها

هذا خلاف النظرات التفحصيّه من قبل العاملين والمراجعين من العامه

والتي لوحدها كفيله بالاحساس بالملل والرغبه بالانتهاء من هذا العمل ،،


وللمعلوميه انا على ثقه بأن المحجبه على خلق ودين بعد هدايه رب العالمين

وبنفس الوقت انا على ثقه بأنه هناك غير محجبه على خلق ودين اكثر من صاحبتنا الاولى بعد هدايه رب العالمين كذلك !

فالحجاب لدي ليس محك للحكم على مدى صلاح وعفه وطهر المرأه ،،

فأنا هنا لم ابني رأيي لقبولك العمل بحجاب من عدمه لكون هذا الامر شخصي لاعلاقه لي به ،،

انا بنيت رأيي بناءٍ على الواقع الذي اشترطت داخل اطاره هذا الشروط

وسيكون القبول ايضاً داخل نفس الاطار !

اتمنى ان يكون التوفيق حليفك بالحصول على وظيفه تريحك بدلاً من ان تقلقك ،،

[صريح جد]

الحين منتي من القصيم وجاية تسئلينهم عن ها الوضيفة وتبين رايهم اكيد راح يعارضونك اسئلي اهل ديرتك والمجتمع القريب منك الي مثل عاداتك وتقاليدك موجاية تسئلي مجتمع قصيمي محافظ
تخيلي قصيمي حاط سوال في منتدى مصري يسئل عن كشف الوجة

[دينا]

مساك الله بالخير الصمت الخجول
الله يبارك بالموظيفه الي خلاتنا نشوفتس <-- رايقه http://www.buraydh.com/forum/images/icons/icon11.gif
فيه شغله حبيت أضيفه

الوظائف الي مقلقين العالم به واذا راحت البنيه فرحه انهم مكلمينها على باله انه قبول قالوا له الشرط تكشفين وجهك
اذا ماخانتني الذاكره انهم شركة العليان <-- سواء هم او غيرهم بوضح لك المقصد
الي حبيت اوضحه انهم مايبغون سعوديات يبون اجنبيات بس وزارة العمل اجربتهم ع السعوديات لآنو فيه شي اسمه سعوده يعني ماتفتح شركة عندنا والموظفات اجانب كلهن
المهم انهم رتبوا هالفكره عشان البنات يرفضون الوظيفه
وطلبوا من البعض يوقعون اوراق ع الرفض عشان يقدمونها بنسبة ويقدرون يوظفون اجانب بس
يعني هو شرط تعجيزي ولو قبلتي بكذا بيطلعون لك شغلات ثانيه
ويقصدون فيها كشف الوجهه ان الموظفه تكون فرررري ع الأخر واي شي يطلب منها ماترفض وتطلع جولات ميدانية مختلطه وو
ولو ترفضين شغله بحجة انو المكان الي بروح له مو مريح او او قالوا انتي كاشفه وجهك يعني راضيه بكل شي (ترى هذي وجهه نظرهم هم) ولا وش دخلهم بالوجهه اذا بيئه العمل مختلطه ..!

ولا تنسين من ترك شي لله عوضه خيرا منه ،،
قبل فتره كلموني بنك ساب قالوا وظيفه ومعه دورات وبمرتب 6 الااف <-- رغم اني دبلوم
بس بيئة العمل مختلطه بالأداره قبل الفروع .. المهم اني رفضت وقلت ربي بيعوضني ماابي ادخل نفسي بمتاهات
ولو اننا بدبي او الكويت او اي مكان متعودين ع الأختلاط كان وضعهم عادي بس مشكلتنا ان الأختلاط شغله جديده بالشركات ويحصل منها مضايقات ومشاكل يشيب لها الراس
طبعاً هذا كلام صديقات لي موظفات بمن شركات او بنوك او مستشفيات مختلطه
بس الأغلب يسكت ومايتكلم وينكر هالشي لأنه مايبي يشوه مكانه وسمعته او يخسر وظيفته ,,

وبعد مارفضت ساب ماكملت 3 شهور الا مصرف الأنماء مكلميني ووظيفه ماكنت احلم فيها ومافيه اختلاط ومكان محترم الله يتممها على خير ..
بس هذا الي حبيت اضيفه <-- كل ذا وبس اضافه http://www.buraydh.com/forum/images/icons/icon10.gif

هذي لتس http://vb.eqla3.com/images/smilies/rose.gif

[أبو إياس]

تسان تبين الصج لا تقربينه !!!!!

[أوطان]

انشديهم .. مايبون زود موظفات؟؟

[shahd2007]

الشهاده مهب ضروريه ولا التخصص ... اهم شي كشف الوجه ...!!!!! غريب امره هالوظيفه


المهم ... الاحجابك ودينك لو يعطونك مليون وتداوميين كاشفه وجهك لرجل اجنبي صدقيني ماراح تنفعك ...

يمكن توافقين اليوم ولاسمح الله يموت الواحد من بكرا وش استفاد ...!! غير معصيه ربه

فكري زيين .. الله يغنينا بحلاله عن حرامه وربي يعوضك باللي ابرك منه

[سَـاكنة القـلب]

غــلآ /

بس أسبآبك مآدري احسه موب مقبوله ..( تدلعين نفسك .. وتبعدين عن مشآكلك مع أهلك )

يعني عندك أتمشكل مع أمي وأبوي واخواني أهون من كشف الوجه !!
ما تلاحظين قلبي ان العادات لاعبه فينا لعب ؟!
وأنا لما قلت مشاكل أقصدها حرفياً .. ولما تهدى نفسيتي أعود أعتذر وعلى هالحال !!
أنا مستحية من نفسي ومتفشله منهم الله يصبرهم .. فلو أنشغل وأشغل بالي أكيد بتخف مشاكلي ..

وأدري من ترك شيئاً لله عوضه الله خيراً منه ، بس ياحبيبتي الحمدلله هم مااجبروني على محرم صريح مثل المصافحه وسواها .. والحجاب لما يكون عدل وبدون مكياج مارح أكون ملفته للانتباه أبداً ..
ولما تكون البنت جادة من البداية وماعندها يمين ويسار تفرض شخصيتها ومحد يلفت يمها ..

شتسوين بعد هذي الوظايف المتوفره ، لو كان بايدنا شي ماخليناها مختلطه أصلاً ..
بس ماباليد حيلة !
شكراً جزيلاً للمرور المعبر .

حَرَفٌ لآ يُعَآنِقُه الجَفَآفْ /

لم يتضح لي رأيك تأييد أم تعجب خصوصاً مع الدعوة بالأخير ..
آمين يآرب العالمين وشكراً للمرور ..


eivl girl /

تأكدي من معلوماتك عزيزتي إذا كنتِ تقصدين بالحجاب غطاء الوجه ..
أما إذا تقصدين الحجاب المعروف ، فلم يشترطوا خلعه ..
وشكراً لاهتمامك .

[سَـاكنة القـلب]

صاحي ورايق /

موظفة البنك تقوم بعملها .. أما أن أن نأخذ الحكم عنها وعن هيبة وظيفتها من فارغ عاطل بذئ اللسان فهنا علامة التعجب .. !

شكراً للمرور وأنا متأكدة بأن استفادتي من ردك ستكون أكثر لو اكتسى بالجدية ، فلو كنت أملك القدر لتزوجت من فآرس الأحلام الذي تقول ولجعلت الوظائف بدون اختلاط ولغيرت أموراً كثيرة .



Netizen /

كلام واقعي مريح جداً ويوافق تفكيري .
الشكر الجزيل لك .

البرحيه /

لأن وجهات نظر الأعضاء نحو سبب تواجدهم في المنتديات تختلف ، من ناحيتي أجدها متنفساً لكل مايجول بخاطري ، وأيضاً لرؤية الأراء المختلفة التي ربما تدلك على شي لم تفكر فيه ولم تحسب له حساباً !!
والمشورة تندرج تحت النقاش العام الذي مكانه المجلس .

شكراً لاهتمامك .

[سَـاكنة القـلب]

خالد /

جزيت خيراً ، والله يصلح الحال يآآرب .
شكراً للاهتمام ولدعواتك الطيبة .


قلب الغلا /

الحمدلله الدين فيه يسر ، وصحيح لو كان الأمر من غير حجاب لكان رفض مباشرة ومن دون تفكير لأنه محرم صريح ..
ومهما كانت درجة الجمال الفتاة .. إذا كان الحجاب عدل والشخصية رزينة وبدون ميوعة ماتلفت الانتباه أبداً ..

شكراً لك .


بسام /

شكراً للمرور .. والله يصلح الأحوال ..


وضوح /

أنا صراحة مقتنعه برأي وكررته في أغلب الردود ..
أحنا لو الأمر بيدينا رفضنا الاختلاط ورفضنا كل شي فيه شبهه فالدين ..

أنا من نآحية آخذ الرأي أو ما آخذه فأنا طرحت الموضوع أبغى أشوف وجهة نظر المخالف ، يمكن أقتنع ويمكن تكون له حجة قوية أنا مافكرت فيها ..
ووجهة نظر الموافق اللي تشجعني على موقفي .

بخصوص وجهة نظرك حبيبتي فهي فعلاً في مكانها .. لكن هذا لو كانت المسألة خلوة !!
وأما التعاون والإخلاص فأنا مارح أحتاجه من أي انسآن .. أقوم بشغلي والبقية يقومون بشغلهم رجالا ونساء برسمية تامة وبس .
وكل فعل له ردة فعل ، فعلى حسب شخصية الموظف والموظفة تكون ردة فعل اللي حولهم .
يخليك لأحبابك على اهتمامك وأمنيآتك العذبة ..

Modern /

كلامك بشأن الوظيفة صحيح ووارد ، لكن بإذن الله يكون لي الخيار وليس اجباراً .
أيضاً من الصعب أن أحكم قبل أن أجرب مثلما ذكرت في ردي السابق لذا تشدني نفسي أكثر للوظيفة .
وفالنهاية يبقى لكل عمل عقبات تكدر الخاطر ، والحمدلله على كل حال .
موفق لكل خير .


صريح جد /

شكراً للمرور أخي الكريم ، مع أن قياسك أحسه بعيد نوعاً ما ..

[سَـاكنة القـلب]

دينا /

مساك بالنور .. ويخليك لي يآرب ..
اسمحي لي حبيبتي أبين اللي يدور ببالي واللي بخاطري كله لك ..
أحسك وسيعة صدر :)

أنا أعتقد اعتقاداً جازماً بأن ثقافة (المناعة) هي المتسيدة هذا الزمن لأننا لانملك من الأمر شيئاً ..
وكما أن الابتعاث والدراسة المختلطة .. هي الموجودة حالياً والمفضلة .. ولابد منها إذا أردنا الأفضل .. فلا أرى بأساً من ولوجها مع مراعاة السير على الثوابت في الدين والتربية وتمثيل الشخصية المسلمة المحافظة .
نعم يوجد في هذه الأماكن من يتخلى عن مبادئه وتعاليم دينه رجل كان أو امرأة لكنه يمثل نفسه ولايجوز أن نعممه على الجميع ، ونحكم على الكل بأن حالهم سيبتدئ أو ينتهي بحاله !
ولاتزر وازرة وزر أخرى .

ثقافة (المنع) تعني الانعزال والرضا بالأسوأ وترك الدراسة العالية والوظيفة الجيدة للعابثين فقط !


وأنا متأكدة أننا مستقبلاً سنبحث عن وظيفة فقط شروطها كشف الوجه مع الاحتفاظ بالحجاب الإسلامي الساتر !
وأعتذر لتشاؤمي .


الي حبيت اوضحه انهم مايبغون سعوديات يبون اجنبيات

انتِ جيتي عالجرح وزيادة !!
وهذا اللي ماابيه أنا !
شوفي شلون عيشة الاجانب وشلون عيشة أغلب الشعب ؟
فذمتك إذا رحتي كوفي أو مطعم من الي تارسه ؟
الأسواق الفخمه من اللي ماليها ؟؟

يبون أجانب مايبون مو شغلي !
أنا بنت البلد وأولى بفلوسها منهم !
والله شي يحر !
كفاية ان اللي ماسكين المناصب الحين ويتأمرون علينا أجانب !

ويمكن انتِ تشوفين بنت قمة الاحترام في بيئة مختلطة اماراتية مثلا وتصدقين بدون شك ، أما لو يقولون لك عن بنت سعودية في بيئة مختلطة تجي الشكوك وتجي أنواع الظنون وقلة نادرة اللي تحسن الظن !!
مع ان اللي تسئ الظن هي اللي تلاقينها اذا راحت مستشفى -على سبيل المثال- اشترطت ان اللي تكشف عليها طبيبة !!

أعتقد لو تكون عندنا مبادئ معينة نمشي عليها فحياتنا لكانت أفضل من التصنيفات اللي نعيشها اليوم !
السعودية لها حكم وغيرها لها حكم ثاني !!

وماتدرين يمكن بنت متحجبة محترمة تساهم بتحسين صورة البيئة المختلطة ..

ومثل ماقلت كل مرة .. بيدينا نثبت ان المرأة متمسكة بثوابتها في البيئة المختلطة ومابيدنا نجبرهم على عدم الاختلاط !!

السموحة حبيبة قلبي على التعقيب أو المحاضرة اللي فوق ..
وهنيالك الوظيفة الحلوة .. الله يعطيك خيرها ويكفيك شرها ..
والحمدلله اللي عطاك على قد نيتك ..

امتنان عميق لمرورك .

[سَـاكنة القـلب]

أبو إياس /

شكراً لاهتمامك .

أوطان /

شكراً لاهتمامك .

shahd2007 /

قلتيها .. الشهادة والتخصص مو مطلوبين والإنسآن متى تحصل له هالفرص ؟!!
ويابعد عمري الكشف مو أهم شي لكنه من ضمن شروطهم .
شكراً لنصيحتك ولدعوآتك الطيبة ..
والله يكتب اللي فيه خير ..




الله يصلح أحوالنا .. ويرزق كل إنسآن اللي يتمنآه ..
دعواتي وامنيآتي الصآدقة لكل من أعطاني جزء من وقته .


ألقاكم على خير ، فـأمآن الله ..

[صـاحي و رايـق]

[align=right]
صاحي ورايق /

موظفة البنك تقوم بعملها .. أما أن أن نأخذ الحكم عنها وعن هيبة وظيفتها من فارغ عاطل بذئ اللسان فهنا علامة التعجب .. !

شكراً للمرور وأنا متأكدة بأن استفادتي من ردك ستكون أكثر لو اكتسى بالجدية ، فلو كنت أملك القدر لتزوجت من فآرس الأحلام الذي تقول ولجعلت الوظائف بدون اختلاط ولغيرت أموراً كثيرة .



ومن حكى لك أن موظفة هذا البنك تقوم بعملها
ملعون أبو الريال اللي يخليني أسمع صوتي لكل من هب ودب من الناس
والسبب عشان أربعة الاف ريال
,
وش ناقصك ما تتزوجين من هذا الفارس المغوار
هل النقص فيك أنتِ أو في فارسك هذا ؟
أم تتبعين العنوسه في شاملها وكاملها وترددين ما تردده بنات جنسك
وبالنهاية بالتأكيد راح تكون خواتيمها لا شغل يسد فراغك ويسد حاجتك من الغير
ولا زوج يُجدد لك شبابك ويُنسينك همومك وغمومك
,
ردي وواضح لمن يفهمه
لكن شكلك هالمره مواصله عن نومك ولا عرفتي تلمين حروفي مع بعضها
,
خيرها بغيرها أستاذه

[البرحيه]

البرحيه /

لأن وجهات نظر الأعضاء نحو سبب تواجدهم في المنتديات تختلف ، من ناحيتي أجدها متنفساً لكل مايجول بخاطري ، وأيضاً لرؤية الأراء المختلفة التي ربما تدلك على شي لم تفكر فيه ولم تحسب له حساباً !!
والمشورة تندرج تحت النقاش العام الذي مكانه المجلس .

شكراً لاهتمامك .
[/align][/color]



يادنيتي..
انت لو مشاوره اعضاء المنتدى عن شغلة بتشتريها او تبيعيها . ــ
عادي


بس هذا مستقبلك حياتك .. مافيك تربكي نفسك برأي العامه من الناس ... هذي الأمور تبي صفاء ذهن !! ورأي ناس يهمهم امرك!!




في هذا المنتدى تفكير سطحي ماتقدري تتعاملي معه الا بطريقته وانت اللي واضح انك طيوبه جداً..

مثال حبيبي..

الأخ .. اللي يقولك الحره لا تزني !!

واللي يقولك لو انت شينه توظفي
وكانك حلوه تزوجي

كلامهم بيتعبك والله مغنيك عنه..!!!!!!!!!!!


شكرا لك