حائر و متضايق من نصي و شريكي بحياتي !! رأيكم لو تكرمتواا ؟

[الحلا والحنان كله]

أهلا و سهلا بالجميع ..

هذي تعتبر أول مشاركه بالمنتدى .. واتمنى تكون بدايه واستمرار

موضوعي جبرني أني اطرحه عليكم ..

لأني أبغى رأي الجمهور والمجتمع والناس من نقطه حايره ببالي

المسأله بأختصاار هي ..

أني نويت الأرتباط والزواج .. وحصلت الي في بالي ويالله لك الحمد

أدب و دين وحياء ومن أهم الأشياء عندي هي الذووق .. ما شاء الله عليها

بس مضيق خاطري وصدري و ربي حاجه ؟؟

هي مسألة العمر ؟؟

آآوووه كل ما اتذكره .. همومي وغمومي تزيد ..

الفرق بيني وبينها حوالي تسعة أشهر .. عمري 26 وهي 25 ..

الي حوولي وكلهم مجتمعين على رأي و كلمه وحده ...

الأفضل لك يكون الفارق بينكم على الأقل خمس سنوات من مصلحتك و مصلحة أبناءك مستقبلا ..

من ناحيه مصلحتي .. أنا راضي .. بس الي مضيق صدري مصلحة الأبناء إذا الله عطانا أعمار ورزقنا بالذريه الصالحه ..

المجتمع الي اعيش فيه كل همه الفرق .. ليلهم ونهارهم كلمتهم ذي ..

حتى أكتب لكم وأنا كأني في بداية بغض الزواج والأرتباط منها .. الله لا يقوله بس هذا حالي

....


اتمنى منكم النصحيه .. والمشووره ..

بجد حائر و ظروفي وحالي لا تسركم .. ومانع من نفسي اطلع اجازه اخاف على روحي تزيد الهموم ..

متمسك بالبنت ... بس الله يهديهم كلامهم لي اثر فيني وجعلني أعيش بسرااب فقدان البنت .. وسراب رأيهم

مشكور لك من يدلي ويذكر رأيه

[رواسي]

مرحبآً بك

مبروووووووك مقدمآً
الأثنين أعمآركم بآقي صغيرهـ
يعني إنت صغير والأفضل تآخذ لك وحدهـ قريبهـ من عمرك عشآن تكونون متفآهمين
وألي مآخذهآ منآسبهـ لك ولحيآتك
:)

أمآ من نآحية الأبنآء فمآني عآرفهـ المقصد

لكن بالتوفيق لكم ودآمك تحبهآ فأقدم على الزوآج ولآ يهمك الكلآم
أهم شيء الرآحهـ النفسيهـ

سلآآآمي
:)

[نـــNAــونا]

توكل على الله

ومصلحة الأولاد وش دخلها بعمر الأم

يعني انتم تبونها صغيره عشان كل عمرها تقضيه بتربية الأطفال وانتم تنسحبون من المسئولية

العمر مو مقياس للسعاده أهم شيء التوافق بينكم

ونعرف كثير الزوجه أكبر من الزوج بسنه أو سنتين وحياتهم الحمد لله مستقره

بالعكس التقارب في العمر أفضل مو تأخذ وحده أصغر بكثير يكون التفكير مو نفس تفكيرك ولا حتى إهتماماتها غير

أما بعمر 25 أتوقع إنها راح تكون احرص على تكوين الأسرة والإستقرار

أصلح الله أمرك

[الحلا والحنان كله]

مرحبآً بك

مبروووووووك مقدمآً
الأثنين أعمآركم بآقي صغيرهـ
يعني إنت صغير والأفضل تآخذ لك وحدهـ قريبهـ من عمرك عشآن تكونون متفآهمين
وألي مآخذهآ منآسبهـ لك ولحيآتك
:)

أمآ من نآحية الأبنآء فمآني عآرفهـ المقصد

لكن بالتوفيق لكم ودآمك تحبهآ فأقدم على الزوآج ولآ يهمك الكلآم
أهم شيء الرآحهـ النفسيهـ

سلآآآمي
:)



ربي يخليك فتاة نادرة ..

صدقتي من ناحية العمر .. بس مقصدي بكلامي

أن الي حولي همهم المستقبل ولأولادك .. بحيث يكون عمر أمهم قريبه منهم

هذا شغلهم الشاغل ..

وأنا تاثرت ولا ودي أقول أني اقتنعت ..

مره ذرفت عيني وتمنيت أنها أصغر مني على الأقل ثلاث سنوات

آآآه بس هذا قدري ونصيبي ..
بين نااارين ...

[الحلا والحنان كله]

توكل على الله

ومصلحة الأولاد وش دخلها بعمر الأم

يعني انتم تبونها صغيره عشان كل عمرها تقضيه بتربية الأطفال وانتم تنسحبون من المسئولية

العمر مو مقياس للسعاده أهم شيء التوافق بينكم

ونعرف كثير الزوجه أكبر من الزوج بسنه أو سنتين وحياتهم الحمد لله مستقره

بالعكس التقارب في العمر أفضل مو تأخذ وحده أصغر بكثير يكون التفكير مو نفس تفكيرك ولا حتى إهتماماتها غير

أما بعمر 25 أتوقع إنها راح تكون احرص على تكوين الأسرة والإستقرار

أصلح الله أمرك


هلا أخت نوناا

ما أدري أنتي ما تلاحظين أغلب زواجاتنا وخاصه بديرتنا الفتره الأخيره

فرق العمر كل سنة يزود بين الأزواج .. حتى وصل إلى ثمان سنووات .. وكل الي في بالهم

نظرتهم بعدين ...

مسألة عمر الأم وأنها تكون قريبه من أولادها هي المسيطر في ذهن أغلب البيوت

أشوفها والاحظها الفتره الأخيره ..

لسى الحيره ذابحتني .. ورمتني بسراديب مظلمه ..

[عاشق الخير]

الله يوفقك ...
لا ارى الا انها مناسبه لك ...
فالعمر لم يكن في يوم من الايام مقياس للتوفيق والتربية الا ما ندر ..
ان لم يكن بها سوى مسالة العمر فلا تتردد .. واستخر قبل كل شيء ..
أما كلام الناس فلن تسلم من كلامهم ولو اخذت اصغر منك لقالوا اضعاف ما يقولون ..
المهم ان تقتنع انت .. وانت فقط

[البرحيه]

امحق !!! هالحين بتتحملــ مسؤوووليه كبر الدنيا وهالكلمتين ضيقت صدرك
اقولــ لاتتزوج لين تفهم شللي انت داخل عليه

قالــ حائر ومضايق قال

لابوك لابو الحساسيه والرهف اللي انت فيه!!

شكرا لك

[نجمة سهيل]

في نفسك شي ويضايقك
ومسألة العمر ملخبطه فكرك؟ هذي بحد ذاته مشكله بالنسبه لك من طريقة وصفك!
لذلك لو أقدمت على ذلك ساتصبح هذه المشكله شماعه تعلق فيها جميع إختلافكما
أنا لا انكر أن الزواج لابد فيه مشاكل بس وضعك خاصه ستنسب كل مشاكلك من فارق العمر
وعسى الواحد يفكر بمشكله حاصله ويحله مو عاد مشكله ماله حل والله يكتبلك مافيه الخير

[To Be]

اولا اسأل المولى ان يكتب لك ما فيه خير

ثانيا بما ان جميع المواصفات التي تريدها موجودة في الفتاة ما عدا العمر فهذا رائع

فالعمر ليس مشكله في التربية :) لا سيما انكما في ينعان الشباب

والشئي الاهم من ذلك

من الآن

أذا انت غير مستعد لتربية ابناءك

فانصحك صرف النظر عن الزواج بجله :)

فالتربية مشتركة بين الاب والام معاً

لذلك اعقلها وتوكل ولا تنسى تعزمنا :)

بارك الله لكما مقدماً

[هلاوين]

مبارك عليكم

اخي انت صادق اوتمزح بهذا الكلام

الرسول صلي الله عليه وسلم تزوج خديجة وهي اكبر منه بعشرين سنه

وانت مضيق صدرك ست شهور وانت بعد اكبر منها

ببنت كما ذكري جميع موصفاتك بها

اقول اخوي استخر وتوكل ع ربك وليس كلامك عذ ابد واسال اهل الاختصاص

[مياسة]

أهلك للاسف الشديد نظرتهم للزواج سطحية ..!
ترا الزواج وانا اختك اكبر من هالخربطة ,,
لكن تجي الدنيا .. وتجيب الخير ..


وبنت عمي تزوجت اكبر منها بـ اربع سنوات.. وعايشة أحلى حياة
هذي السالفة من 20 سنة ... ولا ضرهم ..

ودي احكي واسهب حول هذا الموضوع.. بس امي ع راسي.. بتاخذ الاب توب وتغبيه .. هه

[كفاني عذاب]

هذي السالفة من 20 سنة ... ولا ضرهم ..



الانسه تقارن زواج اول وزواج الحين

[To Be]

الانسه تقارن زواج اول وزواج الحين




غريبه وش يفرق ؟

:)

[رواسي]

أن الي حولي همهم المستقبل ولأولادك .. بحيث يكون عمر أمهم قريبه منهم

هذا شغلهم الشاغل ..




ما أدري أنتي ما تلاحظين أغلب زواجاتنا وخاصه بديرتنا الفتره الأخيره

فرق العمر كل سنة يزود بين الأزواج .. حتى وصل إلى ثمان سنووات .. وكل الي في بالهم
..

إضآفهـ آخرى
يآأستآذي
هذول ألي يتزوجون وآحدهـ أصغر منهم بثمآن تسع سنوآت
تلآقيهم كبآر بأعمآرهم تعدوآ الثلآثين
لأن مآيصير إثنينهم كبآر
يعني هو 30 وهي 25
فكر زين

بس إنتم إثنينكم صغآر ومآرح يكون فيهـ أي مشكلهـ

لآيهمك وسع صدرك وإبعد عنك الضيقهـ
:)

[كفاني عذاب]

غريبه وش يفرق ؟



:)




صاحبي توبي
وهل بنظرك مافيه فرق بين زواج الاول والتالي ؟

[To Be]

صاحبي توبي
وهل بنظرك مافيه فرق بين زواج الاول والتالي ؟[/center]


اللي اعرفه

الاولين عرسهم النهار

والتاليين عرسهم بالليل
:11_1_218v

[≈ Śķőőŋ »]

مبروك اخوي والله يوفقك

أما كلام الناس فلن تسلم من كلامهم ولو اخذت اصغر منك لقالوا اضعاف ما يقولون ..
المهم ان تقتنع انت .. وانت فقط

هذا الي بغيت اقوله

لاتفكر بالتوافه هذي فكر بأشياء اكبر من كذا

وصلي صلاة استخاره

وربي يكتب لك الي فيه الخير

[مياسة]

الانسه تقارن زواج اول وزواج الحين


الانسة تقول اكيد زواج أول احسن ..والدليل زواج محمد صلى الله عليه وسلم احسن من زواجات الحين ..
صح وإلا مش خطأ ؟؟


* ليتها تاقف ع العمر .. كان هانت

[كفاني عذاب]

اللي اعرفه



الاولين عرسهم النهار

والتاليين عرسهم بالليل

:11_1_218v




ايه صح
بس مهب بس هذا
توبي غريبه منك !
العرس يختلف كثير من ناحيه الاكل اول شيء
وكان أول العريس يأخذ زوجته ولايشوف زوجته الا بعد الزواج

الفرق كثير من جميع النواحي لكن اكتفي بهذا

توبي امسك > :11_1_218v
وهذي لـ توبي الصغير > :for12:

[كفاني عذاب]

الانسة تقول اكيد زواج أول احسن ..والدليل زواج محمد صلى الله عليه وسلم احسن من زواجات الحين ..
صح وإلا مش خطأ ؟؟


* ليتها تاقف ع العمر .. كان هانت


الا صحين مهب واحد
العمر ليس بظروري

[فيصل الخالدي]

تعالوا كلكم ,,,,
الآن بوجود ظاهرة العنوسة وعدم وجود الوظائف وفكر البنات الطفولي فإني أرى أن عمر الفتاة الآن 25 يعادل 18 سابقاً قبل عشر سنوات ,,,
وأما بالنسبة لفارق العمر بينكم مناسب جداً ,,,
خويي تزوج وعمره 29 وزوجته عمرها 28 الصيف الماضي ومرتاح جداً

[طمووح انثى]

**اذا البنت ماليه عينك وعاجبتك ..وذوق ومحترمه..راضيه فيك وراضي فيها !
فــ ..نصيحه لاتتردد ..
لانك ممكن تلقى (ذوق وجميله وكل المواصفات وصغيره ..ولما تشوفها ماترتاح او العكس )

**اعماركم متناسبه مااشوف فيها خلاف .. ترا فيه شباب حاليا ياخذون اكبر منهم ومبسوطين !
عش يومك ولاترهق نفسك بالتفكير بالمستقبل لانك راح تتعب!
والتربيه .. مشتركه بين الطرفين وصدقني ما راح يضيعون العيال.. ربك الهادي
..
**الرسول صلى الله عليه وسلم تزوج خديجه وهو عمره 25 وعمرها 40 جميع اولاده منها سواء واحد فقط ؟؟
اذا خايف من هالمسئله اجعل قدوتك رسولنا الكريم .....
..
**انسانه بالعمر هذا وذوق ..تكون بكمال النضج والعقل والرزانه ..احسن لك من وحده صغيره وصعب التعامل معها ..(هذي وجهة نظري)
..
**لاتنسى الاستخاره اولا واخيرا .. ولاتجعل للشيطان مداخل عليك ..فهو انتصاره وفرحه ان يجعل الانس لايتزاوجون لكي تشيع الفاحشه في الارض ..
توكل على الله ففارق العمر بينكم جيد ..واسال الله لك الخيره المباركه والتوفيق..

[وضوح]

الصغيرهـ .. أروع اذا ابناءها اصبحوا قريبين لعمرها ...!

راح تشوفهم كبار ويتزوجون وهي مشرقه وشباب ...

طبعاً /اذا وجدت الوفاء منكـ وإن لم تغمض احدى عينيكـ في ذلكـ الوقت..!!!<<يابعدها على الـسعودي

/
برأيي لاتتردد واستخر ولاتناظر للناس

ماضيعنا غيرهم ..!!!!

أخي // لاتنسى نقطه مهمه الأعمار اذا كانت قريبه من بعض

غالباً يسعدون بحياتهم أكثر ممن بينهم فارق في العمر....

تقبل رأيي،،

بالتوفيق لكـ ،،

[العنقريه]

الرسول تزوج بخديجه وتكبره بعشرين سنه واحبها و انجبت له ابناء حتى توفيت
وتزوج بعائشه و تصغره بزمن كبير جدا واحبها

والرسول صلى الله عليه وسلم فعل ذلك لانه قدوه فمن تزوج بزوجه اكبر منه او اصغر منه فقد فعل كما الرسول.. انتهى

[ツ • بسْـطـَويِـسـْي]

فيه ناس تزوجو بعمر الخمسين وانت تقول فرق سنه ~

خذها مني توكل على الله واتزوجها ~

والله يوفقك .

[الحصان الأسود]

انت وموضوعك يااحد هالحالتين يااما انك تستهبل او انك صادق << يقاله جاب شي :)




انا يوم قريت موضوعك اول ماجاء فبالي ارد لك ... مثل مارد اخونا الرومنسي ..

على العموم يالغالي تبي الصراحه انا لو رجع بي العمر والوقت قليل بس كان اخذت وحده اكبر من

لأنه وبصراحه بنات هالوقت تقل بزارين مابهن ثقل ابد :) ..

وتبي من واقع تجربه انا يامحاكيك اثنين من اخوياي بالإستراحه متزوجين حريم تكبرهم سنا واحد

اكبر منه بأربع سنوات والثاني بستنين ومبسوطين عالآخر ..

ومن رايي لاتعرس الحين اصبر شوي لما تثقل انت .. ترا راح تتحسف بعدين ولاتقول ماقلت لي بااي .

[الحصان الأسود]

ايه نسيت اقولك الله يوفقك بكل الحالتين :)

[تلميذة الحياة]

الله يهديك , وش لك بكلام النّاس !
لاتناظر لكلامهم ترى ماوراهم غير الحسد والكلام الزايد
ودام البنت اللي ارتحت لها اصغر منك بشهور خلاص يكفي انك تبعد فكرة العمر عن بالك
لاتفرّط فيها اذا كانت بنفسك :)
ترى بتظل طول العمر بنفسك وماراح تملى عينك غيرها حتى لو تزوجت أم 14 سنه
ماتدري بعد يمكن تتزوج وحده صغيره وكلها عيوب الدنيا
توكل على الله وصل صلاة الاستخارة وربي يعطيك الخيره المباركة ..
وموفق ان شاء الله .

[دِيم]

فارقكم جيد بالنسبةِ لعصرنا
العمر ليس إلا أرث اجتماعي يفرض سيطرة على عقلياتنا حتى نخال بأنه لابد لنا بفارق كبير بين الرجل والمرأه من حيث كبر الرجل وصغر المرأه تعرف عليها أكثر دعها تعرض عقلها عليك من خلال محادثتكم قد تكون هي من أردت


أقدم وتوكل على الله

[صريح جد]

المشكلة ليس في عمر زوجتك انما بك انت لانك حتى الان ليس لديك ثقة في نفسك
الزواج ليس لعبة وبنات الناس ومشاعرهن ليست ملك لك متى ما مللت منها فكرت في كلام الناس
هذة مشكلة الكثير من الشباب يخطب ويملك ثم عند كل نقطة ومشكلة يكتشفها في الفتاة يريد الخلاص من هذة المسكينة مستحيل راح تجد فتاة كاملة في كل شي
اهم شي في الحياة القناعة

[الورده النديّه]

هذا وانتم لسّ على البر

اجل كيف اذا صار عمرها 40 سنه ,, بتقعد تعاير فيها لين تموت

بعدين اخوي فيح بنات واجد تلاقي عمرها 20 وكنها بأواخر الثلاثين نحافة وبشره صفراء

وعدم اهتمام ,, وبعضهن بالثلاثين وتلاقيها قمه بالحيويه والاهتمام

نصيحه مني لا تسمع كلام الناس وخاصة بمسألة الزواج

’’ لأنك ماراح تلاقي شي مفيد منهم

الله يوفقك 0

[أبوسمير]

أخي من راقب الناس مات هما وفاز باللذات الجسور

لا يسلم المرء من ضد وإن حاول العزلة في رأس جبل

إرضى الناس غاية لم يدركه الأنبياء ولا الصالحين من قبل
أخي توكل على الله العمر مناسب جدا وكلام الناس لا قيمة له أنا أكبرك بأربع سنوات ولو وجدت إنسانة بالموصفات التي أريد ساتزوجها حتى لو كانت بعمري
أخي إني لك من الناصحين لا تنظر لكلام الناس في شتى أمور حياتك, الناجحين هم من يخالفوا أراء الناس ويأتوا بالجديد .
وعلى العموم عمرك وعمرها الله يوفقكم مناسب جدا وأعتقد أن ردود من سبقني من بنين وبنات تؤيد ما ذهبت إليه
إذا كنت ذا رأي فكن ذا عزيمة فإن فساد الرأي أن تتردد