ابغـــــــــــــي مشورتكم بـــــ صالونى

[ليون]

يسعد صباحكم

انا جايتكم ابغى مشورتكم

ان شاء الله وتسهل امرى بالأيام الجايه ابفتح صالون نسائي

وابي رايكم بـــــ

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )

2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)

3- الحمام المغربى ايهم احسن يكون بنفس الصالون او تطلع العاملة لبيت الزبونه؟

4-المكياج يهمك يكون ماركه ولا اهم شي يصير حلوو

5-سعة المكان مهمة عندك ولا اهم شي شغل الصالون

6-تحبين يكون فيه مبيعات وكوفى او مايعنيك اهم شي تسوين شغلك

7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟

واخيرا اتمنى تساعدونى باقتراحاتكم وارائكم وايش تحبون وايش تكرهون علشان اسويه على اكمل وجه

ولا تنسونى من دعوه بظهر الغيب

[رواسي]

صبآح الخير
والسلآم عليكم

يآهو واللهـ فلهـ
مآشآء اللهـ

شوفي الفلبينيآت غآلبآً يكون قصهم في أنوآع القصآت يتشآبهـهـ
يعني خذي لك
مغربيهـ أو تونسيهـ

من نآحية الحمآمآت الأفضل الروحهـ للبيت، لن حتى لو خليتيهـ بالصآلون رح يطلبونك بالبيت
ونآدر ألي ترضى تسوي بالصآلون ( مآفيهـ أمآن ورآحهـ )

من نآحية الأسعآر الأفضل يكون رخيص لأن الزبونآت رح يكونون كثير وزحمهـ
لو تعرفين مشغل سهير بجدهـ رح تستغربين من كثرة الحريم ليل ونهآر وبعضهم ينتظرون بالخآرج
يجيهم الكبير والصغير وبكل وقت يعني مآيستخسرون فلوسهم ( وأسعآرهم القص بـ 20)

من نآحية الكوفي والشغلآت هذي إذآ كآنت أسعآركم رخيصهـ فبالتأكيد رح يجون نآس كثير
فالأفضل تحطي من هالشغلآت وقت الإنتظآر :)

بالتوفيق لك يآرب
:)

[≈ Śķőőŋ »]

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )سوريات ومغربيات الي اشوف شغلهم زين

2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)الأغلب في المستوصفات بس فيه ناس تفضل المشاغل

3- الحمام المغربى ايهم احسن يكون بنفس الصالون او تطلع العاملة لبيت الزبونه؟الافضل انها تطلع العامله للبيت

4-المكياج يهمك يكون ماركه ولا اهم شي يصير حلوواكيد ماركه ولازم يصير حلو واهم شي ادواتك تصير نظيفه حرام
تلعبين ببشرات الناس يعني اول واخير خلي عندك ذمه

5-سعة المكان مهمة عندك ولا اهم شي شغل الصالوناهم شي شغل الصالون سعة المكان راجعه لك ولكثرت زباينك

6-تحبين يكون فيه مبيعات وكوفى او مايعنيك اهم شي تسوين شغلكلا ماحس انه مهم يعني وفري الماء بس الناس ماجت الا تقضي شغله
وتمشي بس اذا بتحطين شي راجع لك

7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟عاد مو دايم تخفيضات ماراح تربحين شي يعني خليه فترات يعني مو دايم


هذي وجه نظري والي احسن انه المفروض بكل المشاغل يكون كذا

والله يوفقك ويعينك واهم شي يكون عندك امانه والنظافه اهم شي ..

سلاآم

[سموه بديني]

مراحب اختي
أولا اهم شي في المشغل الموقع ضروري جدا تحسنين اختياره
.
بالنسبه للعاملات لابد من المغربيات والفلبينيات مالك غنات عن الجنسيتين
.
أما الحمامات المغربيه ضروري واكيد تكـــــــــون في بيت الزبونه
لأني ماضنيت وحده عاقله بتسويه في مشغل
.
المكياج اكيـــد الزبونه تفضل يكون مكياجها ماركات لكــن بصراحه
بيكون مكلف لك شراء الماركات لأنه مسرع ماتخلص
فاللي اللاحظه ان اغلب المشاغل ماتستخدم الا مكياج عادي مو شرط يكون ماركه
وما منعها انها تكسب او تشتهر
بس أنا من رايي تشترين شي من هالماركات وشي من العايديات

.
سعة المكان اكيد ضروريه بس تراها مب عائق لنجاح كثير نشوف مشاغل كبر الظفر
وبعد النجاح تبدأ بالتوسع
أهم شي يكون فيه حواجز بين العاملات لتأخذ الزبونه كافة الراحه
.
الكوفي شوب لابد منه لو ما يجيك منه الا الشكل
.
التخفيضات ضروريه تنعوش بعد أنا خابره لك عرض مره روعه شفته بأحد مشاغل الرياض
وبأعتقادي يكسب ذهب وهو
تسوين لك عرض توزعينه بنشرات والعرض هذا للموظفات والطالبات
وهو مثلا استشوري شعرك 4 مرات شهريا بقيمة (.....) مثلا كل جمعه تجي تسوي سشوار
..
عاد ما أوصيك تـــــــــرى هالحرّيم يموتون بالبهرجه حطي لك بجنب كل عامله
زي الأله لتعقيم الفرش بحيث تكون قدام عين الزبونه ويكون لكل عامله
مثلا خمس فرش تبدل بعد كل زبونه
.
وما أوصيك ومثلك ما يحتاج وصاة خلي شغلكم بحدود الشرع ونبهي العاملات بهذا الشي
قص الشعر القصير قوه اللي البوي ممنوع
حف الحواجب ايضا ممنوع
وحده تجيب معها رموش تبغاكم تركبونها لها برضو ممنوع
ومن ترك شي لله عوضه الله خيرا منه
...

وبس أختي هذا اللي عندي
موفقه ان شاء الله بمشروعك الجديد
وأي خدمه احنا حاضرين

[فتاة المستقبل]

لا تطرين لي المغربيات ..شوفة نفس و زقره وما هنا شغل على سنع
والتونسيات شكلهن مثلهن ..
والفلبينيات ما عليهن ..

انظف البشره بالمستوصفات احسن واضمن , ما حب شغل المشاغل

الحمام المغربي احسن تطلع العامله للبيوت , ماظن عاقله ترضى تسوي حمام مغربي برى بيتها

المكياج افضل اخذه بيتي افضل واحسن

يهمني شغل الصالون اكثر من سعته ..

وجود كافي ونحوه يحوي بفخامة المشغل وممكن يجذب اكثر ..

التخفيضات برضوه تجذب الزبونات

[حاااالمه]

مساء صباح الخيرات اختى

ونعم الاختيار وبالتوفيق ان شاء الله

انا من رئيي السوريات والمغربيات احلى بالشغل خاصه قص وصبغ لان الفلبينيه صراحتا
مااثق فيها ونادر تكون وحده شاطره بصبغ او بقص

اما السوريه والمغربيه تقدرين تفاهمين معها وتفهم وش نبي

وانصحك اختى باختيار المكان المناسب مع الديكورا ت الموديرن لان صراحتا نفتقر للصالونات الى تفتح النفس واحس هى الى تجذب الناس عندى صور ديكورات للمشاغل حلوه كانك تبينهن قوليلى انزلهن

مع الاهتمام بالنظافه اهم شئ

اما المكياج خوذى الاساسيات ماركه اما الباقى خوذى رخيص من محددات وغيره

واهم شئ تهتمين بالخصوصيه بين الزباين

والحمام المغربي افضل شئ تطلع للزبونه

والله يوفقك ويسهل امرك

[ليون]

مراحب اختي فتاة نادرة
يآهو واللهـ فلهـ شكلك تحبين حركات الصوالين
الله يرزقك باللى تمنين
شاكره لك

[ليون]

حياك اختى شواطئ الأنتظار
اكيد ماركه ولازم يصير حلو واهم شي ادواتك تصير نظيفه حرام
تلعبين ببشرات الناس يعني اول واخير خلي عندك ذمهوراك ياعمرى زعلتى مانيب لاعبتن بالناس ولا شي اكيد انى حريصه على رضاهم ولا كان ما سألت ولا شلت هم (لأنى عندى ذمة)
الله يوفقك اختى واسعدتنى ارائك يالغاليه
ماقصرتى

[ليون]

غاليتى فتاة المستقبل
لا تطرين لي المغربيات ..شوفة نفس و زقره وما هنا شغل على سنع
ياحبى لك المشكله هن الموضه الحين الوحده اول ماتدخل المشغل تسأل :عندكم مغربيات؟ ياشين الحريم لطفن بشي
سعدت كثييييييير بمشاركتك

[ليون]

الغاليه حـــــــــــــــالمة
ونعم الاختيار وبالتوفيق ان شاء الله حمستين بهالكلام
وانصحك اختى باختيار المكان المناسب مع الديكورا ت الموديرن لان صراحتا نفتقر للصالونات الى تفتح النفس واحس هى الى تجذب الناس عندى صور ديكورات للمشاغل حلوه كانك تبينهن قوليلى انزلهن

الله يوفقك انا الحين بحاجة ديكورات ارسليهن لى ولك دعوة فى ظهر الغيب
شرفتين يالغلا

[≈ Śķőőŋ »]

وراك ياعمرى زعلتى مانيب لاعبتن بالناس ولا شي اكيد انى حريصه على رضاهم ولا كان ما سألت ولا شلت هم (لأنى عندى ذمة)
الله يوفقك اختى واسعدتنى ارائك يالغاليه
ماقصرتى


ههههههه لامازعلت

بس انا قد مره تحسست بشرتي وصار به حبوب

عشان كذا قلت بنبهتس لا يدعون الحريمات عليتس

وبالتوفيق ياارب

بس لاوصيتس لا فتحتيه خبرينا وحطينا شخصيات vipهماه وسوي لنا تخفيضات
..<< عز الله خسرت:c7:

امزح ترا

الله يكون بعونتس

[ShmOoOo5]

يسعد صباحكم
وصباحك إن شالله
انا جايتكم ابغى مشورتكم

ان شاء الله وتسهل امرى بالأيام الجايه ابفتح صالون نسائي

وابي رايكم بـــــ

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )
بالنسبه لي افضل فلبينيات لقص الشعر وشيل شعر الوجه وتنظيف البشره وسوريات للصبغ والمكياج اما المغربيات ماحبهن شغلهن قديم وخاصه المكياج
2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)
انا وصديقاتي نسوي تنظيف بشره بالمشغل لاننا جربنا العيادات وكانت نفس الادوات والطريقه لكن العياده تدبل السعر ثلاث مرات
3- الحمام المغربى ايهم احسن يكون بنفس الصالون او تطلع العاملة لبيت الزبونه؟
الافضل تطلع للبيت
4-المكياج يهمك يكون ماركه ولا اهم شي يصير حلوو
اهم شي الفاونديشن والبلاشر يكون ماركه وانا عن نفسي راح اجيب علبتي معي لانه مو كل الانواع تناسب بشرتي اما الشدو وغيره يكون من الوسط
5-سعة المكان مهمة عندك ولا اهم شي شغل الصالون
اكيد لازم يكون المكان كبير وشرح
6-تحبين يكون فيه مبيعات وكوفى او مايعنيك اهم شي تسوين شغلك
هذا شي مايهمني
7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟
ابدا مو صحيح
واخيرا اتمنى تساعدونى باقتراحاتكم وارائكم وايش تحبون وايش تكرهون علشان اسويه على اكمل وجه
اهم شي المكان يكون واسع وديكوره حلو والاثاث يكون مرتب والاهتمام بنظافة المكان وتركيب رفوف خشبيه بكل كبينه للمستحضرات راح يعطي شكل احلى من الادراج او السلات
ولا تنسونى من دعوه بظهر الغيب


الله يوفقك ويبارك لك بالمشغل

[نواره]

الله يكون بعونك
كنت صاحبة مشغل قبل
ومارتحت لحد مابعته

نصيحه

المشغل يبي متابعه يعني تنسين ان لك بيت
لحد ماياقف ويبني سمعه

بالتوفيق

[ليون]

شواطئ الأنتظار تستاهلين ياقلبى مهب تخفيض الا مجانا بس انتى شرفينا

[ليون]

شموووووخه تسلمين ياعمرى والله انى تشجعت من ناحية تنظيف البشره لأنهم فعلا المستوصفات يدبلون السعر مع ان بعض المشاغل توفر افضل الماركات للتنظيف

[ليون]

هلا بك خيتوووو نواره
انا عارفه المشغل انه يبغى متابعه وفعلا راح تهملين اشياء كثيره لحسابه بس ندور الرزق خاصه بشيء اهواااه

[فجــر]

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )

الفلبينيات، نفسية حلوة، وشغل مرتب ودقيق.

2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)

أسويه بالبيت، لكن كثير يسوونه بالمشغل.

3- الحمام المغربى ايهم احسن يكون بنفس الصالون او تطلع العاملة لبيت الزبونه؟

أفضّل البيت.

4-المكياج يهمك يكون ماركه ولا اهم شي يصير حلوو

مهم يكون ماركة..

5-سعة المكان مهمة عندك ولا اهم شي شغل الصالون

لابد بالبداية يكون مكانك شرح وواسع ومرتب وله طلة عشان تكسبين الزبونات.

6-تحبين يكون فيه مبيعات وكوفى او مايعنيك اهم شي تسوين شغلك
ايه احب يكون فيه شي خاصة اوقات الزحمة على الاقل ماء.

7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟

لا بس مهم تهتمين بجودة الشغل واذا صار الشغل بحودة عالية وباسعار مخفضة مافي ربح
!

[العبرى]

ماشاء الله


- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )


بعض الشغلات تحتاج فلبينيه أريح..وبعضها مغربيه مثلاً..

مثل التنظيف للبشرة والشمع..والبديكير والمنكير..وماشابه أحسها أريح فلبيبنه..!

القصات والصبغات..وأوقات الميك أب المغربية والفلبينه أريح..!

يقلقني تواجد المصريات..مع أن بعضهم شغلهم توب..لكن للي أول مره بتحسها مغامره..!!

بيكون على قلبي صخره لو سورية..نافخه ريشها على لاشيء...!




2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)

بالصالون..!
وكل ماكانت النتيجه تبان من أول مره..وبدون أثر جانبي كان أحسن..!



3- الحمام المغربى ايهم احسن يكون بنفس الصالون او تطلع العاملة لبيت الزبونه؟

أكيد في البيت..المهم اللي تطلع تسوي الحمام..تسويه من إلى..
مو تعطي تعليمات وبس..!!

والمغربيه أفضل..!



4-المكياج يهمك يكون ماركه ولا اهم شي يصير حلوو


الشغلات الأساسية مهم تكون ماركة..
لكن الكمالبات الثانية ماتفرق معي.. يمشي الحال أي نوع..!
بس مو من الحراج :)



5-سعة المكان مهمة عندك ولا اهم شي شغل الصالون


الإثنين..وأكيد إذا ارتحت للمكان..برتاح للشغل..!

6-تحبين يكون فيه مبيعات وكوفى او مايعنيك اهم شي تسوين شغلك



حلو يكون فيه ركن للكوفي خاص ومرتب..وبتصميم مختلف شوي..!


7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟


عني ممم إيه..!
محد يخسر لوجه الله الحين..
بإستثناء تخفيضات المواسم..والإفتتاح..وتخفيضات للزبائن الدائمين..!

ممكن التخفيضات تكون بشغلات بسيطه مافيها خوف..مثل القص..الإستشوار..وماشابه..!
يعني أشياء مايدخل فيها حروق..أو إنتهاء لصلاحية المواد المستخدمه..!!


واخيرا اتمنى تساعدونى باقتراحاتكم وارائكم وايش تحبون وايش تكرهون علشان اسويه على اكمل وجه


أحب إذا ترددت على مشغل أكثر من خمس مرات يكون لي ميزة
خصوصاً إذا كانت بوقت واحد..
يعني قصيت صبغت سويت تنظيف بشره سويت تسريحه..يكون مثلاً الميك أب مجاني..!

أو..

إذا صبغت عند نفس المشغل ثلاث أو اربع مرات وراء بعض بأوقات مختلفه
يكون لي مراعاة بالسعر للمرة الأخيرة للنصف..
أو أعطى خدمه مجانية مميزه..!


أكره ماأشوف اللي في الإستقبال..!!

فيه واحد من المشاغل اذا دخلته قرفت من اللي بالإستقبال فيه..
قلة أدب..على مياعة مالها داعي..ومافيه أسلوب..!

حطي لك في الإستقبال سوريه أو مصرية..لسانها يكون حلو..!!

والأهم صاحبة المشغل تكون بشوشة مع الزبائن..

أذكر موقف حصل معي في أحد أوقات الأعياد
أرتفع سعر خدمة معينه عند مشغل أعتدت الذهاب إليه..أرتفاع السعر بشكل غير معقول..
ففارق السعر بين الأمس واليوم كبير..وبين اليوم والغد أكبر..!

فحين سألت ليه تغيرت الأسعار..

قالت بكل بجاحه..:أنتم زبائننا..؟
قلت..:نعم
قالت..: أجل أدفعوا...!!!

حنا نرفع السعر عشان اللي مو زبوننا مايعجبه ويرجع..!!



قاتل الله الطمع..!


وفقك الله



تحيتي,,,

[ليون]

معافايه اختى فجر
اسعدنى رايك

[ليون]

هلا وغلا بالعبرى
يقلقني تواجد المصرياتهذولى ماهظمتهن بالكوفيرا

أحب إذا ترددت على مشغل أكثر من خمس مرات يكون لي ميزة
خصوصاً إذا كانت بوقت واحد..
يعني قصيت صبغت سويت تنظيف بشره سويت تسريحه..يكون مثلاً الميك أب مجاني..!

أو..

إذا صبغت عند نفس المشغل ثلاث أو اربع مرات وراء بعض بأوقات مختلفه
يكون لي مراعاة بالسعر للمرة الأخيرة للنصف..
أو أعطى خدمه مجانية مميزه..!

فكره حلوه مره وحطيتها ببالى
أذكر موقف حصل معي في أحد أوقات الأعياد
أرتفع سعر خدمة معينه عند مشغل أعتدت الذهاب إليه..أرتفاع السعر بشكل غير معقول..
ففارق السعر بين الأمس واليوم كبير..وبين اليوم والغد أكبر..!

فحين سألت ليه تغيرت الأسعار..

قالت بكل بجاحه..:أنتم زبائننا..؟
قلت..:نعم
قالت..: أجل أدفعوا...!!!

حنا نرفع السعر عشان اللي مو زبوننا مايعجبه ويرجع
ان شالله ماتصير منا وعلى ما قلتى اهم شي الأستقبال ممكن هى اللى تحببك بالمكان
وترتاحين معه بالتعامل

الله يوفقك اختى وسعدت جدااا برايك

[eivl girl]

تبغين نصيحتي حطي اسعارك زي مشاغل الرياض وشوفي الزباين كيف
حاولي توفرين كل الشغلات فيه والعاملات شكلي حطي فلبينيه للبدي كير والطقه
وحطي شاميه للمكياج وحطي مغربيات للقص
الله يوفقك ومن الحين ترا لي كرسي وابي تخفيض

[نبض الوريد]

همسه: تري السوريات أكثر أناقه ودقه في المكياج بالذات بهذه الشغله وفوق هذا تعاملهم مع الزبائن خيال ،،لطف إلى أبعد الحدود،،

7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟
هذه النقطه لا تتركيها على الهامش - بمعنى أسعارك نفس أسعار الأخرى فقط بداية الأفتتاح أطبعي كروت كهديه لزبوناتك بمناسبة الأفتتاح يحصلن فيه على خصم خاص بهذه المناسبه،،
لأن الناس مايهمها كثير السعر بقدر مايهمها العمل النظيف،،

مجرد مداخله لا أكثر،،،،، الله يوفقك يارب

[حاااالمه]

اهلا وسهلا
\اتمنى يعجبونك


http://up.graaam.com/uploads/imag-3/graaam-37647f2cda0.jpg (http://www.graaam.com/)

http://up.graaam.com/uploads/thum-2/graaam-31395862dad.jpg (http://up.graaam.com/uploads/imag-3/graaam-31395862dad.jpg)

http://up.graaam.com/uploads/imag-3/graaam-3b3c197d1b9.jpg (http://www.graaam.com/)

http://up.graaam.com/uploads/imag-3/graaam-359fe303314.jpg (http://www.graaam.com/)

http://up.graaam.com/uploads/imag-3/graaam-3b262e7f19e.jpg (http://www.graaam.com/)

http://up.graaam.com/uploads/imag-3/graaam-3ae3aa4eb9a.jpg (http://www.graaam.com/)

http://up.graaam.com/uploads/imag-3/graaam-3fefa555d4e.jpg (http://www.graaam.com/)


وشكرا

ادعيلى

[shahd2007]

مرحبا اختي ليون ...

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )


فيه ناس تحب الفلبينيات وفيه احد يفضل المغربيات .. فأنت جيبي من الجنسيتيين .. عشان يكون عاملات فلبينيات وعاملات مغربيات

2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)

عن نفسي مابعد جربت التنظيف للبشره بس لو ابسوي اروح لمركز متخصص <<مستوصف


3- الحمام المغربى ايهم احسن يكون بنفس الصالون او تطلع العاملة لبيت الزبونه؟

اكيد بالبيت احسن ...

4-المكياج يهمك يكون ماركه ولا اهم شي يصير حلوو

كريم الاساس والكحل والماسكر .. ضروري ماركه .. وغيره عادي موب لازم .. لانه شغل مؤقت حق ساعتيين بالكثير ..

5-سعة المكان مهمة عندك ولا اهم شي شغل الصالون

احب المكان الوسيع النفه .. النظيف اللي ريحه المطهرات تقابلك عند الباب ...

6-تحبين يكون فيه مبيعات وكوفى او مايعنيك اهم شي تسوين شغلك

يمكن المشروبات البارده والماء ضروري .. وغيره على حسب الزباين اذا كان في وقت الصيفيه او نهايه رمضان احط شاي وكوفي .. لان الناس تقعد كثير بالمشغل

الله يوفقك بصالونك الجديد عاد سوي لي تخفيض اذا جيت للقصيم ..

[بنت أهلي]

أختي أتمنى لك التوفيق في مشروعك القادم

الأخوات ما قصروا كفوا,ووفوا,لكن بقى الموقع إنتبهي لا تصفينه

بشارع المشاغل!!!!!!!!!!!!!!!!!!!!!ترى ملينا من التردد

للصفراء<<<خوذي أجر أهل الشمال(النهضةأوالريان)

بالتوفيق أختي,,,,,,,,,

[ليون]

يا هلا وغلا ب eivl girl
ان شالله بحاول قد ما اقدر اسوى اسعار ترضى الزباين
واتشرف بحضورك عندى بالصالون

[الورده النديّه]

الله يوفقك حبيبتي
ولا تنسين انه التجاره شطاره
ويبغى لها وحده شخصيتها قويه ولا تداري العقارب قصدي الاقارب عشان مايخسر 0
من واقع تجربه شخصيه اختي فتح لها زوجها 3 مشاغل لكن ولا واحد نجح
لأنها طيبه مره وتجامل الكل وخاصة الاقارب
و تعرفين الناس ماينعطون وجه بالتخفيض
لين خسرت وخسر المشغل < بالعربي ماتصلح للتجاره
انتي ان شاء الله انك قدها
اسمحي لي على تطفلي ,,
دمتي بنجاح 0

[ليون]

مُجَـّردْ إنْسَان
صحيح ان السوريات معاملتهن مع الزباين حلوه مرررة ومعهن لسان ينقط عسل بس فيهن اشكاليه انه اذا بحط عماله عربيه ثانيه معهن زي المغربيات (ماراح يتطابقن) يعنى انواع الهوشات فأنا لازم اختار احدى الجنسيتين

اسعدنى رايك
ودمت بخير

[ليون]

الغاليه حاااالمه
الصور تجننننننن واتمنى يكون صالونى بهالمستوى وان شاء الله بحاول قد ما اقدر بس ودتس لصار تسذا اطق لى لوحتن وش كبره (ممنوع دخول البزران)يالله يالله
مشكلتنا هنا اننا دايم ننتقد الأماكن النسائيه مثل المشاغل انها ماتكون فخمه وحاجه متعوب عليه زى اللى نشوف بالمناطق الثانيه مثل الرياض مثلا لكن لشفنا مجتمنا لقيناه ما يسمح لنا نسوى هلأشياء
رحت لمشغل ليلة العيد فخم مررة وكانت صاحبته متكلفه عليه وحاطه ضيافه وعيديات وشكولاتات ومانعه دخول الأطفال علشان مايحوسون عليه وبدن هالحريم من دخلت الى وراه خمسه اللى متعنقطن بعباته واللى زامته ....الخ حاولت فيهم صاحبة المشغل يخلون بزارينهم بالسياره ولا يرجعون بهم زعلوو الحريم وطلعوا اخر شي ملت صاحبة المشغل واسكتت وخلت كلن يخل ببزارينه
شوووووي الا الدنيا (شعيط بعيط)مسكينه شي ماتتخيلينه من الحوسه وكاسات العصير وقراطيس الشكولاته مرميه على الأرض الى الجدران ما سلمن من الشكولاته ...
جبت حاصلى بس تخيلت نفسي مكانه
الله يعطيك العفيه ياوخيتى وماقصرتى وان شالله تشوفين صالونى بهالمستوى واحسن بحول الله وقوته

[ليون]

ياااااااهلا بــــ shahd2007


فيه ناس تحب الفلبينيات وفيه احد يفضل المغربيات .. فأنت جيبي من الجنسيتيين .. عشان يكون عاملات فلبينيات وعاملات مغربيات
ان شالله انه هذا اللى استقريت عليه

وماقصرتى يالغاليه على رايك
دمت بحفظ الله

[ليون]

مرحب فيك بنت أهلي

أختي أتمنى لك التوفيق في مشروعك القادم

الأخوات ما قصروا كفوا,ووفوا,لكن بقى الموقع إنتبهي لا تصفينه

بشارع المشاغل!!!!!!!!!!!!!!!!!!!!!ترى ملينا من التردد

للصفراء<<<خوذي أجر أهل الشمال(النهضةأوالريان)

بالتوفيق أختي,,,,,,,,,



واتسبديه والله يانا بتوهق ارتز لحالى بالشمال
ولا اصير بصفة المشاغل
لكن بينهن احسن <<<ايقاله جاحدة
تسلمين يالغلا على مرورك

[ليون]

اهلين فيكــ الورده النديّه

الله يوفقك حبيبتي
ولا تنسين انه التجاره شطاره
ويبغى لها وحده شخصيتها قويه ولا تداري العقارب قصدي الاقارب عشان مايخسر 0
من واقع تجربه شخصيه اختي فتح لها زوجها 3 مشاغل لكن ولا واحد نجح
لأنها طيبه مره وتجامل الكل وخاصة الاقارب
و تعرفين الناس ماينعطون وجه بالتخفيض
لين خسرت وخسر المشغل < بالعربي ماتصلح للتجاره
انتي ان شاء الله انك قدها
اسمحي لي على تطفلي ,,
دمتي بنجاح 0




واتسبديه اجل انا اردى من اختتس ما احب الشرهات والزعل ودى كلن ارضيه
وتصدقين ماراحت هالسالفه عن خاطري بس الله يعين واغدين طلع قلبى من سالفة اختك

الله يعطيك العافيه خيتووو وماقصرتى

[عبود زمان]

ليون

ابصير شريك النص بالنص

ولا موب معطيك نصيحتي :f5:

[حاااالمه]

هلا ليون

ان شاء الله احسن من هالمستوى لانه هالديكور يعتمد على الايضائه والالوان وبساطه فى الديكور بس

صراحتا انا اخذته من موقع اجنبي من فتره وتعرفين الاجانب بديكوراتهم انواع البساطه مو مثلنا اذا دخلتى المشغل كل مزهريات الا الجدران معلق فيها ورد ودندشه وايضائه ولمبات تشر من ابو ريالين تقولين باليمن ...
الله يوفقك فيه ويفتح لك ابواب رزقه ويكفيك شره
واذا احتجتى شى ان شاء الله مراح انقصر معك

وبتوفيق

[حاااالمه]

هلا ليون

ان شاء الله احسن من هالمستوى لانه هالديكور يعتمد على الايضائه والالوان وبساطه فى الديكور بس

صراحتا انا اخذته من موقع اجنبي من فتره وتعرفين الاجانب بديكوراتهم انواع البساطه مو مثلنا اذا دخلتى المشغل كله مزهريات الا الجدران معلق فيها ورد ودندشه وايضائه ولمبات تشر من ابو ريالين تقولين باليمن ...
الله يوفقك فيه ويفتح لك ابواب رزقه ويكفيك شره
واذا احتجتى شى ان شاء الله مراح انقصر معك

وبالتوفيق

[ليون]

عبــــــــــــــــود
داخل على طمع

[ليون]

حـــــــــالمه ياقلبى تسلمين والله وكلك ذوق ماتقصرين
وان بغيت شي مانيب مستحيه (ترى بدبل تسبدتس ما اعطى وجه)

[أمــاسي ونص]

اهم شي لافتحتي المشغل قوليلي اصير زبونه وخاااصه بعد