من يعلّم هالأشكال الرجوله ,,, [الأرشيف]

مشاهدة النسخة كاملة : من يعلّم هالأشكال الرجوله ,,,

أبو الريش

24-10-09, 11:57 pm

بسم الله الرحمن الرحيم

السلام عليكم ورحمة الله وبركاته

أبو الريش

والله أتعجب بصراحه من بعض المتزوجين يسوون حركات غريبه و خصوصا ( اللي توهم متزوجين)

أول شئ ... ظاهرة الترزز بالبزران بكل محل تلقاه حاطن صورة ولده بتوقيع أو صوره رمزيه والأشد من كذا يبدأ يمدح ولده ويتدلع عليه ويخليه يمطرس بكل وجبه قدام الرجال ويخلي ولده يسوي كل شيء ويحوس ويدوس يحسب كل الناس مثله يحبون ولده ولا تلقاه جايبه لمسجد يوذي المسلمين ,,

ثاني شئ... بعد مايتزوج يتغير كليا ويبدأ ينتقد الشباب وحركاتهم وكل ماشاف أحد قاله وراك ماتعرس ,,مادري يبي يورينا أنه معرس ولا مادري وش سالفته بالضبط

ثالث شيء ... (خصوصا اللي توه متزوج) يجي يقولك والله مهب معقوله الشباب بكل محل بالاسواق والحدايق وين الهيئه عنهم مايدرون أن هذا محل عوايل ,,,وآخرته أبو الشباب سكن بعماره كله عوائل الا واحد عزابي ساكن بالسطح ووقف له عند صاحب العقار والهيئه لمن طرده وهو هالمسكين هالعزابي له 6 سنين ولا شافو منه الناس شي

رابع شيء... من قل عقله وقصره تاركن زوجته قدامه بالشارع تمشي وهو ماغير يتلفت مادري هو ناسي أنه متزوج ولا مادري وش قصته

والله ودك بعضهم ماودك يعرس مادري هي زوجته علمته سلوم الرجال ولا أنه توه يطلع على الدنيا ويفهم بالقوانيين[/size][/size][/center]

ساس الوفاء

25-10-09, 12:01 am

خامس شئ : شكلك حاقدآ على واحد من خوياك :)

ツ • بسْـطـَويِـسـْي

25-10-09, 12:03 am

بالنسبه لي مضرب عن الزواج حتى اشعار اخر ~ ياخي قلق وعوار راس :f5:

يعني استانس ~ ههه

شيختهم العتيبيه

25-10-09, 01:02 am

ههههههههههههه

اضحك الله سنك وسعت صدري بكلامك مادري احسه نكت

لكن يمكن انه دلخ وبه زوده شوي >> خل يعبر

شميساوي

25-10-09, 02:48 am

ههههههههههههه

تصدق كان فيه واحد أستأجر من جارنا دوره الثاني ..

وكان قبل الزواج يجلس يسولف معنا اذا جاء يصلح شقتـــه ...

وكنــــا نساعـــدهـ ,,,,, اذا إحتاج مساعدهـ ....

وبعد ما تزوج وسكـــن بالبيـــت .......

قلب 180 درجــــه ...

ما أدري وش جـــاهـ ,,,, أذا مـــر من عندنـــا ما يسلم ...

واذا جاء يدخل للبيت هـــو والمـــدام ...

تلقــاه ينــاظرنــا بطـــرف عينــــه ...

والا يقــول وش عنـــدكم جالسيـــن هنـــا ...!!!!!!!

المشكله أنا أكون واقف عنـــد باب بيتــــنا !!!!

شفت العقليــــات ...

الله يستـــر اخاف اذا تزوجـــت أصير مثلــه مهبـــول ...

الله يعـــين على هـ الأشكــــال ...

ALI 9

25-10-09, 03:08 am

هذا خله الزمن هو اللى يعلمه الرجوله...

العنقريه

25-10-09, 04:33 am

لاتستغرب ,, هذي علومكم يارجال هالزمن من جرف لدحديرا..

بنت عسل

25-10-09, 05:15 am

سادس شي
المتزوجين في اغلب المنتديات هم من يبحثن عن التعارف :)

رواسي

25-10-09, 06:57 am

سادس شي
المتزوجين في اغلب المنتديات هم من يبحثن عن التعارف :)
هذآ صآير عندهـ خبرهـ بعد الزوآج وعآرف كل شيء منبسط
عشآن كذآ تلقين أكثرهم متزوجين

إلآ ألي مو متزوجين مآيّلآمون تفكيرهم ونيآتهم سليمهـ على الأقل أرحم من تفكير المتزوج

ذات

25-10-09, 11:38 am

ههههههههههههههههه
وما ينطبق على الرجل ينطبق على المرأه ..
من ناحية تغير الأخلاق بعد الزواج ...يعني العله في الأثنين ...
الله يكون بلعون ...

صريح جد

25-10-09, 01:08 pm

بالنسبه لي مضرب عن الزواج حتى اشعار اخر ~ ياخي قلق وعوار راس :f5:

يعني استانس ~ ههه
مطنش يا ليت تاخذلك وحدة هلاليية علشان تادبك يقولون انهن سنعات وعلشان كل مافاز الهلال تسحبك في ها المطاعم علشان تعشية

صريح جد

25-10-09, 01:20 pm

مشكلتنا حنا الشعب السعودي ان مافية حالة وسط بعضهم تجدة متشدد مع اهلة وبعضهم تجدة جالس يسوي حركات مايعة مع زوجتة في الاسواق قدام العالم وبعض الي توهم متزوجين تلقى الزوجة يقالة ودة تكون طويلة وجسمة حلو تلقاة لبسة كعب طولة متر وانواع الطقطقة وهي تمشي في ها المطاعم والاسواق وكل شوي طايحة ومايلة على زوجة تقل شجرة جاية عاصوف مرة يمين ومرة يسار ومزعجة ها العالم بصوت كعبة

Queen of buraydh

25-10-09, 03:35 pm

يتغيرون اول سنة وثاني سنة , بالكثير الى ثالث سنة بعدها يملّون يرجعون لطبيعتهم كما خلقهم الله

كفاني عذاب

25-10-09, 04:12 pm

طيب وش المطلوب ؟

صـاحي و رايـق

25-10-09, 04:24 pm

خل الدرعى ترعى
ياحبكم تحطون من الحبه قبه
كلنا أنا وأنت والغير كذا أو أعظم من كذا
وش تمدح ووش تخلي
المجتمع كله ماصل بذكوره وأناثه
,
,
عوافي على قلبك

أبو الريش

25-10-09, 11:33 pm

ساس الوفاء

خامس شئ : شكلك حاقدآ على واحد من خوياك

لا والله ماحقدت هذاك ماحلفتن وللمعلوميه تراي منب أحرص على الأخوياء خصوصا بوقتنا هذا مايصلحون لي

مطنش
بالنسبه لي مضرب عن الزواج حتى اشعار اخر ~ ياخي قلق وعوار راس

يعني استانس ~ ههه

أنا مأنتقد الزواج ويمكن أنت تختلف عنهم أن أنتقد الزوج نفسه وقلة معرفته بأساليب وخصائص الحياة الزوجيه

شيختهم العتيبيه
ههههههههههههه

اضحك الله سنك وسعت صدري بكلامك مادري احسه نكت

لكن يمكن انه دلخ وبه زوده شوي >> خل يعبر

أكيد بتضحكين لأن الكلام ضد الرجال وهذا يعتبر شيئ يونّس بالنسبه لك

شميساوي
ههههههههههههه

تصدق كان فيه واحد أستأجر من جارنا دوره الثاني ..

وكان قبل الزواج يجلس يسولف معنا اذا جاء يصلح شقتـــه ...

وكنــــا نساعـــدهـ ,,,,, اذا إحتاج مساعدهـ ....

وبعد ما تزوج وسكـــن بالبيـــت .......

قلب 180 درجــــه ...

ما أدري وش جـــاهـ ,,,, أذا مـــر من عندنـــا ما يسلم ...

واذا جاء يدخل للبيت هـــو والمـــدام ...

تلقــاه ينــاظرنــا بطـــرف عينــــه ...

والا يقــول وش عنـــدكم جالسيـــن هنـــا ...!!!!!!!

المشكله أنا أكون واقف عنـــد باب بيتــــنا !!!!

شفت العقليــــات ...

الله يستـــر اخاف اذا تزوجـــت أصير مثلــه مهبـــول ...

الله يعـــين على هـ الأشكــــال

لا منتب صاير مثله الا إذا أنت من النوع اللي مايصدق على الله ويتزوج

أجل يقول وش عندكم جالسين هنا ,,, والله ياليته قايلي عندي له مرد يحبه قلبك

هاري
هذا خله الزمن هو اللى يعلمه الرجوله...

أي والله صدقت

العنقريه
لاتستغرب ,, هذي علومكم يارجال هالزمن من جرف لدحديرا..

والله ماحسبت حساب أنك تدردين بالموضوع ,,, لكن أصبري شوي يجيك موضوع تكرهين أنك صايرتن بنت والعيب مايعدّي أحد!

بنت عسل
سادس شي
المتزوجين في اغلب المنتديات هم من يبحثن عن التعارف

وهم البعض منهم اللي معلمين الشباب الغير متزوجين طريقة تشبيك البنت والغزل

ذات
ههههههههههههههههه
وما ينطبق على الرجل ينطبق على المرأه ..
من ناحية تغير الأخلاق بعد الزواج ...يعني العله في الأثنين ...
الله يكون بلعون ...

ياشينهم أول مايتزوجون تقل حمامه توّه جايبتن فروخته ,,,,

يزيد الوزن ويخف العقل

صريح جد
مشكلتنا حنا الشعب السعودي ان مافية حالة وسط بعضهم تجدة متشدد مع اهلة وبعضهم تجدة جالس يسوي حركات مايعة مع زوجتة في الاسواق قدام العالم وبعض الي توهم متزوجين تلقى الزوجة يقالة ودة تكون طويلة وجسمة حلو تلقاة لبسة كعب طولة متر وانواع الطقطقة وهي تمشي في ها المطاعم والاسواق وكل شوي طايحة ومايلة على زوجة تقل شجرة جاية عاصوف مرة يمين ومرة يسار ومزعجة ها العالم بصوت كعبة

اي والله صدقت ,,, لكن صريح جد وش معنى أسمك أحس فيه نقص بالحروف

Queen of buraydh
يتغيرون اول سنة وثاني سنة , بالكثير الى ثالث سنة بعدها يملّون يرجعون لطبيعتهم كما خلقهم الله

هذي المشكله وبالأخير يخرّب عليك ويقولك لاتعرس بعد ماقال لك وراك ماتعرس ويبدأ يعذرب حياته الزوجيه

كفاني عذاب
طيب وش المطلوب ؟

هلا أبو تركي ,,, المطلوب أنك ماتصير مثلهم

صاحي ورايق
خل الدرعى ترعى
ياحبكم تحطون من الحبه قبه
كلنا أنا وأنت والغير كذا أو أعظم من كذا
وش تمدح ووش تخلي
المجتمع كله ماصل بذكوره وأناثه
,
,
عوافي على قلبك

لا ياصاحي بوه ناس ينشد به الظهر بس مادري وين متغبين

فديكا التميمي

26-10-09, 12:30 am

حتى البنات يتغيرن موبس الشباب تقل مابه غيره معرس....

eivl girl

26-10-09, 12:34 am

أول شئ ... ظاهرة الترزز بالبزران بكل محل تلقاه حاطن صورة ولده بتوقيع أو صوره رمزيه والأشد من كذا يبدأ يمدح ولده ويتدلع عليه ويخليه يمطرس بكل وجبه قدام الرجال ويخلي ولده يسوي كل شيء ويحوس ويدوس يحسب كل الناس مثله يحبون ولده ولا تلقاه جايبه لمسجد يوذي المسلمين ,,

^^^^^^^^
:c9:

الأسيــ بنت ـاد

26-10-09, 07:02 pm

يا أبــن الحــلال ريـح راســك,,, مجرد طفـــة ولامنـه راحــت رجع كل شي طبيــعي,,, يعني عطهـم جوهـــم بأول الاشهــر,,,,

يعطيـكـ العافيـه,,

كــآريزمآ

26-10-09, 07:37 pm

ارى ان ماذكرته ليس سبباً كافياً لتنعتهم بانعدام الرجولة .,
انما هي مجرد سلوكيات بنظرك وبنظر البعض انها خاطئة وكل مايحتاجه هؤلاء
قليلاً من النضج , ولا اعتقد انها هي من تحدد مدى رجولتهم .,
شباب مازالو في بداية طريقهم وغدا سيكبرون ويصبحون اكثر نضجاً وراشداً .,
تحيتي .,

مامانورة

26-10-09, 11:09 pm

الله يوسع صدرك قسم اني اقراء وضحك كلام جميل

أبو الريش

27-10-09, 02:25 am

فديكا بريده حتى البنات يتغيرن موبس الشباب تقل مابه غيره معرس....

كثير مثله ويتقيدون فيه الشباب وعارفهم

eivl girl

أول شئ ... ظاهرة الترزز بالبزران بكل محل تلقاه حاطن صورة ولده بتوقيع أو صوره رمزيه والأشد من كذا يبدأ يمدح ولده ويتدلع عليه ويخليه يمطرس بكل وجبه قدام الرجال ويخلي ولده يسوي كل شيء ويحوس ويدوس يحسب كل الناس مثله يحبون ولده ولا تلقاه جايبه لمسجد يوذي المسلمين ,,

^^^^^^^^

مأعجبك الا هالشطر من الموضوع شكلك متوذيه مثلي

الأسيــ بنت ـاد يا أبــن الحــلال ريـح راســك,,, مجرد طفـــة ولامنـه راحــت رجع كل شي طبيــعي,,, يعني عطهـم جوهـــم بأول الاشهــر,,,,

يعطيـكـ العافيـه,,

هي أكيد طفه الله لايعوق بشر لكن إذا صارت مستديمه هذي المشكله

كــآريزمآ
ارى ان ماذكرته ليس سبباً كافياً لتنعتهم بانعدام الرجولة .,
انما هي مجرد سلوكيات بنظرك وبنظر البعض انها خاطئة وكل مايحتاجه هؤلاء
قليلاً من النضج , ولا اعتقد انها هي من تحدد مدى رجولتهم .,
شباب مازالو في بداية طريقهم وغدا سيكبرون ويصبحون اكثر نضجاً وراشداً .,
تحيتي .,

كلامك عين العقل لكن الرجل مع الكبر تزيد حالته وتستعصي مثل هالأمور

مامانورة
الله يوسع صدرك قسم اني اقراء وضحك كلام جميل

كل الشكر على تواجدك وإذا رجلك بإذن الله مشى وراك بالسوق لاتخلينه تراه يقعد يناظر ببنات الناس وأنتي ياغافل لك الله

طمووح انثى

27-10-09, 03:38 am

ههههههههههههههههه كلامك رووووعه

بالمقابل حنا يالبنات اذا تزوجت فينا وحده ..خلاص وخر تعال شوف المثاليات والاخلاق ..نفس الوظع مالي خلق ابد اللي توهم متزوجين ياااشين الطفه وبس

نوران

27-10-09, 10:00 am

ياكثر عذاريبكم يالرجال

كفاني عذاب

27-10-09, 05:59 pm

أبو الريش
نشوفك بكرآ وش تسوي بـ اعيالك

كفاني عذاب

27-10-09, 06:05 pm

سادس شي
المتزوجين في اغلب المنتديات هم من يبحثن عن التعارف :)

وش ذا اول مره اسمع به
مير لكن تتوقيعي لو اسويها تظبط معي ؟

عشق الزعامه

27-10-09, 11:49 pm

والله أنا أشوف العكس تماما العرس هو مقبرة المرأه وجنة الرجل
الرجل ما يصير إجتماعي وينفتح على الخلق إلا لما يعرس والشواهد كثيره
الأمثله اللي ذكرتها ربما شاذه وتلقاه طاف والزمن يعلمه ،،،

على النقيض المرأه تلقاها تسحب على خوياتها وبعضهن تجيها حالة عزلة عن المجتمع
عاد تشوف التفسيرات وإلقاء التهم " ما ملينا عينها " " فرحه إنها أعرست "
لا والطامه الكبرى اللي حطت ببطاقة العرس ممنوع دخول غير المتزوجات

عاد والله ما ألومهن تخيل مستقبلك بني على شخص وأنت بحاجه وإذا ما تحقق
راح يقال عنك كلام كثير ،،،

شكر شكرا وأعذرني شطحت كثير ...

مجروحة

28-10-09, 02:59 am

لحظت شي بعد اذا اعرس الرجاااااال يسمن يصير دب يعني بقووة لية؟؟؟

oldman

28-10-09, 03:21 am

السلام عليكم
:)
من يعلّم هالأشكال الرجوله ,,,
تعلمه الايام (تحكه حك)الحياة ياولدي تجارب http://smilles.5d5l.com/smile_albums/small/61.gif
لاحظت شي بعد اذا اعرس الرجاااااال يسمن يصير دب يعني بقووة لية؟؟؟ بس يابت أختشي http://www.almo7al.com/vb/images/smilies/th_2mo5pow.gif
------------------
( يَا أَيُّهَا الَّذِينَ آَمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ .... (101)المائده

مرتاحين نفسياً وياكلون وينامون وو... والحمدلله رب العالمينhttp://www.almo7al.com/vb/images/smilies/th_4chsmu1.gif
-
سبحان الله وبحمده
....عدد خلقه ... ورضا نفسه.... وزنة عرشه .... ومداد كلماته....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

الورده النديّه

29-10-09, 08:30 pm

ابو الريش
فلها وانا اختك 0
واكيد من زود فرحتك بأولادك بالمستقبل بتسوي اكثر منهم 0
الله يرزقك كل مايتمناه قلبك 0

أبو الريش

29-10-09, 10:27 pm

طمووح انثى ههههههههههههههههه كلامك رووووعه

بالمقابل حنا يالبنات اذا تزوجت فينا وحده ..خلاص وخر تعال شوف المثاليات والاخلاق ..نفس الوظع مالي خلق ابد اللي توهم متزوجين ياااشين الطفه وبس

أشوى يوجد من يوقف معي بصفّي مثاليات وأخلاق أي والله طفه

نوران ياكثر عذاريبكم يالرجال

والله يخوفي كل اللي يصير من تحت روسكن

كفاني عذاب
أبو الريش
نشوفك بكرآ وش تسوي بـ اعيالك

مب كل الناس سواسيه أنا بالنسبه لي قاعد آخذ دروس علشان أعرف أضبط وضعي

عشق الزعامه
والله أنا أشوف العكس تماما العرس هو مقبرة المرأه وجنة الرجل
الرجل ما يصير إجتماعي وينفتح على الخلق إلا لما يعرس والشواهد كثيره
الأمثله اللي ذكرتها ربما شاذه وتلقاه طاف والزمن يعلمه ،،،

على النقيض المرأه تلقاها تسحب على خوياتها وبعضهن تجيها حالة عزلة عن المجتمع
عاد تشوف التفسيرات وإلقاء التهم " ما ملينا عينها " " فرحه إنها أعرست "
لا والطامه الكبرى اللي حطت ببطاقة العرس ممنوع دخول غير المتزوجات

عاد والله ما ألومهن تخيل مستقبلك بني على شخص وأنت بحاجه وإذا ما تحقق
راح يقال عنك كلام كثير ،،،

شكر شكرا وأعذرني شطحت كثير ...

لا بالعكس تماما هذي وجهة نظرك

مجروحه
لحظت شي بعد اذا اعرس الرجاااااال يسمن يصير دب يعني بقووة لية؟؟؟

يعني ماتدرين ليش يصير دب

الورده النديّه
ابو الريش
فلها وانا اختك 0
واكيد من زود فرحتك بأولادك بالمستقبل بتسوي اكثر منهم 0
الله يرزقك كل مايتمناه قلبك 0

لا من الفرحه مهب اللواحد يفقد توازنه يثقل شوي ويصير موزون

مشكوره على الدعوه الله يرزقك اللي ببالك<<< ,, ويسعدك