الخطأ على راعي ((البقــــــالـــــة)) 100%.

[خالد2007]

السلام عليكم وعيدكم مبارك لو انها متاخره بس عاد احسن من ((مافيش)).
موضوعي يالربع ويالربعات ليش الضعيف المسكين واللي ماوراه ظهر يوطى بطنه ويلعن جدفه و الحق له أصلا .
وين ديننا ؟ وين الخوف من الله ؟
تذكرت ((زوجة ابوي )) الله لايحللها موريتني نجوم الليل بعز القايله .تدرون ليش ؟
اي شيء يسويه اخوي من ابوي ((ولد زوجة ابوي)) تحطه برأسي وابوي دايما مصدقها وخذ تكفخ وطراقات والمشكله انها جالسه تشوفني وانا انضرب ظلم .
ليش مانملك الجرأه ونعترف بأخطائنا ولا نرميها على خلق الله واللي مالهم سند في هالدنيا غير رب العالمين .
تذكرت قصة راعي السياره اللي كان سكران وصدم بقاله ودمرها تدمير وصاحب البقاله دخل بغيبوبه شهرين .وبعد ماصحى من غيبوبته قال له العسكري : الخطأ طلع عليك ياراعي البقاله 100%وليش تبني البقاله في هالمكان بالتحديد .((السكران وراه ظهر وسند)) ياسعده ليته أنا .
الخلاصه يااخوان وياخوات الى متى الضعيف اللي مثلي يشيل ويتحمل اخطاء غيره وهو بريء منها .والله اني احيانا اجلس ابكي لما يضربني ابوي مو علشان الألم علشان الظلم والقهر.
الظلم ياناس حرمه ربي على نفسه فكيف نرضاه حنا للاخرين .
تراي اكتب الموضوع وانا مقهور من زوجة ابوي ...تصدقون انها حرمتني اشياء كثيره واخوي اللي اصغر مني كل شيء متوفر معه والسبب انها دايما تسبني عند ابوي وتلفق علي كلام وافعال انا ريء منها .
انا خلاص كبرت وماعندي مشكله لاني صرت ماجلس كثير بالبيت بس اللي قاهرني ومحطمني اختي ((من امي الله يرحمها وابوي)) هي اللي ذايقة الغرابيل والاهانات وصايرة بالبيت ملطشه وتعاملها العقرب((زوجة ابوي)) معامله قسم بالله ولا معامله اليهود للمسلمين .
تصدقون اختي ماتعيدت هالسنه مثل باقي الناس والسبب ان اختي شروله ملابس رخيصه ومهب حلوه بعكس خواتي من ابوي كانهن عرايس يوم العيد .
والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس

[shahd2007]

معقوووووله فيه ناس كذا الى اللحين مابعد هلكوا عسى الله يهلكهم ...

ياشيين الظلم وانا اختك

واختك عسى الله يعوضها خير .. وابوك لازم يعرف اللي يصير ببيته

والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس

والله القهريين بعد ...... بس ابوك لازم يعرف صدقني الضعييف ماكول حقه واختك توصل هالشي لابوك باي طريقه .

[فنتآستك]

||

مؤسفٌ حقاً هذا الظلم وهذا القهر

وظلم ذوي القربى أشد مضاضة /// على المرء من وقع الحسام المهند

احتسب الأجر , وبما أنك كبرت وتخلصت من بعض القيود , فينبغي عليك أن تقوم بدور الأم لأختك الصغرى (شقيقتك) التي لازالت تذوق الأمرين .

,,
وهذا رسالة للأباء والأمهات بأن يتقوا الله في أنفسهم , وأن يعدلوا بين الرعية .

خالد .. أسأل الله لك التوفيق

||

[خالد2007]

معقوووووله فيه ناس كذا الى اللحين مابعد هلكوا عسى الله يهلكهم ...

ياشيين الظلم وانا اختك

واختك عسى الله يعوضها خير .. وابوك لازم يعرف اللي يصير ببيته



والله القهريين بعد ...... بس ابوك لازم يعرف صدقني الضعييف ماكول حقه واختك توصل هالشي لابوك باي طريقه .
جزاك الله خير .بس زي مايقولوا ((الشق اكبر من الرقعه))وزوجة ابوي مسيطره على ابوي سيطره كامله .
المشكله امي ميته وخوالي بالشرقيه وعمومتي كلموا ابوي بس مافيه فايده .
انا زي ماقلت ماعندي مشكله بس مقهور على اختي وادعي الله انها تتزوج اليوم قبل بكره عشان تتخلص من ظلم هالعقرب مستعبدتها استعباد .
ولو تشوف اختي تكلم بالتلفون علطول راحت لابوي تقول ان ((ردينه)) تكلم بالتلفون ومادري مين تكلم وياخوفي انها تكلم شباب .
شوفوا البهتان والظلم ..وياما وياما انضربت بسبب التلفون والمشكله انها تكلمني او تكلم بنات خوالي ..بس خواتي من ابوي يكلمون ويطلعون ويسوون كل شي ومافيش مشكله .
مشكور اختي

[oldman]

مادامك كبرت ليش ماتشوف ناس يستحي منهم ابو ك وتعلمهم الحقيقيه وتخليهم يكلمون ابوك
ولاتنسى تمعط لي شعر مرت ابوك وانت طالع ولا تفكها إلا عند عتبة الباب
ياخوي والله إنك ضيقت صدري بسالفة أختك ..
وللا انت علم ابوك خربانه خربانه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
يمهل ولا يهمل
-

سبحان الله وبحمده
....عدد خلقه ... ورضا نفسه.... وزنة عرشه .... ومداد كلماته....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[بسومة بريده]

اسمح لي اقول ان ابوك مهكاكه....ولا هو عمى مايشوف...

ابدأ قبل بأبوك ولا بنت الناس الله لايوفقها بتلقى جزاه من رب يمهل ولا يهمل...

خلك قريب من ابوك واكسبه ولا تخبون عليه شي مما يصير من زوجته....

واختك لازم تحتويها ولا تترك زوجة ابوك على كيفها والله لاسطرها بنت قريح ....عساه للعقوبه...

تحسبوا عليها وهي تسمع وكان له قلب وتخاف ربه بتوحش وتعقل...

الله ياثركم عليه...قهرني هالوضع هذا جهل وتخلف...

[خالد2007]

||

مؤسفٌ حقاً هذا الظلم وهذا القهر

وظلم ذوي القربى أشد مضاضة /// على المرء من وقع الحسام المهند

احتسب الأجر , وبما أنك كبرت وتخلصت من بعض القيود , فينبغي عليك أن تقوم بدور الأم لأختك الصغرى (شقيقتك) التي لازالت تذوق الأمرين .

,,
وهذا رسالة للأباء والأمهات بأن يتقوا الله في أنفسهم , وأن يعدلوا بين الرعية .

خالد .. أسأل الله لك التوفيق

||

جزاك الله خير .الحمدلله انا كبرت وتوظفت والامور بالنسبه لي زينه نوعا ما بس اللي مضيق صدري هالمسكينه اختي صايره خدامه . والله دايم اتخيل ان عندي بيت خاص لي واخذ اختي ونختفي بس الظروف ماتساعد .مشكور على النصيحه

[eivl girl]

انا خلاص كبرت وماعندي مشكله لاني صرت ماجلس كثير بالبيت بس اللي قاهرني ومحطمني اختي ((من امي الله يرحمها وابوي)) هي اللي ذايقة الغرابيل والاهانات وصايرة بالبيت ملطشه وتعاملها العقرب((زوجة ابوي)) معامله قسم بالله ولا معامله اليهود للمسلمين .
تصدقون اختي ماتعيدت هالسنه مثل باقي الناس والسبب ان اختي شروله ملابس رخيصه ومهب حلوه بعكس خواتي من ابوي كانهن عرايس يوم العيد .
والله كسرت خاطري اختي جيت اعايدها بعد صلاة العيد لقيتها بالغرفه تبكي وماتبي ابوي يعرف .اخخخخخخخ يالقهر بس


اذا انت اخوها مانفعتها كيف تبغاهم هم ينفعوها
مرت ابوك حرمه مهما كانت تقدر تخليها تحت رجليك لو كنت رجل قد الكلمه
هدد ابوك انكم بتطلعون من عنده لماكن ثاني اذا ماعدل بينكم ووقف حرمته عند حدها
واذا هي متساويه عنده دبر حل فعلي واطلع كلم خوالك احد تعرفه ياخي اقل شي الشؤن الاجتماعيه
اماااااا حرمه تقواك هذي كبيره بعيني سراحه طلع رجولتك يويمن قادمها وقدام ابوك وشف وشلون بيتعدلون واكثر معكم
ترا انا ماحب الي ماياخذ حقه اذا تبي اأدبها لكم ماعندي مانع

[سمر العبدالله]

حسبي الله عليك من زوجه اب ظالمه وين بتروحين من رب الناس . والله كسرتوا خاطري . الله يفرج لك ولاختك آمين .
بس لازم تتحرك انت وبالعقل وكلم زوجة ابوك وذكرها بالله وبعذاب القبر وعذاب النار وخل حدى قريباتك من الملتزمات تتدخل وتلين قلب زوجة ابوك وانشاءالله ربي بيحلها .تقبل مروري

[ROZA]

سبحان الله ...بعض البشر على بالهم مافيه حساب وعقاب
عايشين الدنيا طول بعرض وكأنهم يبي يطاولونه العمر كله
الظلم شين ...وربي ماشفت أقسى منه على النفس ...ألم نفسي شديد.
صبر أختك وقولها دوام الحال من المحال
وربي يعوضها بزوج يكون الأم والأب وكل شئ بدنيتها..والله الزوج الحنون يعوض زوجته عن كل شي فاقدته.
وربي يمهل ولايهمل بس عليكم بحسبي الله ونعم الوكيل ..والله ربي يدبركم أحسن دبره.
الصبر ..الصبر ..واللي طلعك من ولايتها قادر يطلع أختك ..وإلى الله المشتكى.

[الورده النديّه]

حسبي الله ونعم الوكيل

الله يكون في عونك وعون اختك 0

[صريح جد]

مافية اي مشكلة في الحياة الا لها حل وفية ناس عندهم مشاكل اكثر من هذي لكن استطاعو ان يحلو مشاكلهم ليتك تكلم احد المشائخ مثل الشيخ الونيان وتعرض علية مشكلتك وان شاء الله سوف تجد حل لعلة يجلس مع ابوك ويشوف حل لهذة المشكلة

[خالد2007]

مادامك كبرت ليش ماتشوف ناس يستحي منهم ابو ك وتعلمهم الحقيقيه وتخليهم يكلمون ابوك
ولاتنسى تمعط لي شعر مرت ابوك وانت طالع ولا تفكها إلا عند عتبة الباب
ياخوي والله إنك ضيقت صدري بسالفة أختك ..
وللا انت علم ابوك خربانه خربانه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
يمهل ولا يهمل
-

سبحان الله وبحمده
....عدد خلقه ... ورضا نفسه.... وزنة عرشه .... ومداد كلماته....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
صدقني ياسلمان ماخليت شي وشكل زوجة ابوي على مايقولون بعض اقاربي انها مسويه له سحر العطف وانا صدقت هالشي لاني لما اشوفه قدامها يصير طيب وحبوب معاها وينفذ كل اللي تبغاه منه والمشكله لمانصير مع بعض انا وابوي واختي ردينه يجلس يتأسف لي ولاختي ويقول لنا اعوضكم كل شيء ومجرد ماتجي عساها للموت يقلب 180درجه وكأنه خايف منها .
الود ودي مو اجرها مع شعرها الا اسحبها بالهايلوكس وامسك فيها طريق الرياض القصيم . بس خوفي من الله واحترام للوالد هو اللي خلاني اصبر وامسك العصا مع النص .مشكور على هالدرر

[خالد2007]

اسمح لي اقول ان ابوك مهكاكه....ولا هو عمى مايشوف...

ابدأ قبل بأبوك ولا بنت الناس الله لايوفقها بتلقى جزاه من رب يمهل ولا يهمل...

خلك قريب من ابوك واكسبه ولا تخبون عليه شي مما يصير من زوجته....

واختك لازم تحتويها ولا تترك زوجة ابوك على كيفها والله لاسطرها بنت قريح ....عساه للعقوبه...

تحسبوا عليها وهي تسمع وكان له قلب وتخاف ربه بتوحش وتعقل...

الله ياثركم عليه...قهرني هالوضع هذا جهل وتخلف...
شكرا بسومه على تعاطفك . تصدقين اختي رقدت بالمستشفى قبل سنتين والسبب في البدايه قالت اني طحت من السلالم وصار عندها رضوض في اليد والاضلاع وبعد ماطلعت من المستشفى وجلسنا شهر خبرتني اختي باللي صار .
اللي صار ان خوات زوجة ابوي جايات زياره لنا وزوجة ابوي طالبة من اختي تكنس البيت وترتب الحديقه وطبعا اختي راحت عليها نومه .تصدقين ضربتها بعصا المكنسه وهي نايمه مع ايديها وضلوعها ويوم شافت انها ورطانه هددتها لو قالت الحقيقة وقالت لها قولي طحت من السلم .
يمكن تقولون يبالغ لكن والله انها الحقيقة وبعد فيه اشياء العن من كذا بس الشكوى لله .

[خالد2007]

اذا انت اخوها مانفعتها كيف تبغاهم هم ينفعوها
مرت ابوك حرمه مهما كانت تقدر تخليها تحت رجليك لو كنت رجل قد الكلمه
هدد ابوك انكم بتطلعون من عنده لماكن ثاني اذا ماعدل بينكم ووقف حرمته عند حدها
واذا هي متساويه عنده دبر حل فعلي واطلع كلم خوالك احد تعرفه ياخي اقل شي الشؤن الاجتماعيه
اماااااا حرمه تقواك هذي كبيره بعيني سراحه طلع رجولتك يويمن قادمها وقدام ابوك وشف وشلون بيتعدلون واكثر معكم
ترا انا ماحب الي ماياخذ حقه اذا تبي اأدبها لكم ماعندي مانع
لو كان العنف معاها هو الحل كان لعنت ابو خامسها وماعندي مشكله بس انا شخصيا مااحب الضرب والعنف لان سبق وضربتها واللي دفع الثمن انا واختي سوا .يعني يهددوني باختي ..تخيلي لما اضربها وابرد قلبي واطلع للاستراحه .مين اللي يدفع الثمن هي اختي يلعنون خامسها.بالله كيف احلها ؟ علموني

[القرار]

عسى الله يعجل بفرجك

[خالد2007]

علشان بس تعرفون هالعقرب وش تسوي :
بعد بحث طويل عن وظيفه ولاني متخرج من الثانويه ولي سنتين جلست ادور على وظيفه والحمدلله لقيتها باحد الشركات وتمنيت ان امي بس موجوده علشان افرحها وعلطول اروح لأختي واعلمها وبصراحه كانت فرحه يتيمه .يوم عرفت اني توظفت سوت مشكله معي ليش ماقلت لها وليش ماقلت لابوك . وطنشت كلامها واشتغلت شهرين بس وبعدها فصلوني من الشركه . تدرون ليش ؟ هي اللي فصلتني عن طريق زوج اختها الله يلعنه دنيا واخره لانه له علاقه مع الرئيس التنفيذي للشركه وماعرفت الا بعدين منها هي وكانها تقول لي :اقدر اسوي فيك اللي ابي .

[نبراس القصيم]

حسبنا الله ونعم الوكيل

حسبنا الله ونعم الوكيل

حسبنا الله ونعم والكيل


إلي هذه الدرجة انعدم فيها الخوف من الله

ما تخاف أنه تموت ويصير لبناته ماتسوية بالبنيه المسكينه

وش لون عايشة هذه بكل قساوة هالقلب

يارب تأخذ حقك هالمسكينه من هالمرة الظالمة

أخوي والله أنك حزنتنا بهذه القصة

لكن كل فعل تسوية تحسبوا الله عليه

والله أن شاء الله ناصركم عليه

والله يمهل ولا يهمل


ولا اقول الأ

حسبي الله ونعم الوكيل على كل ظالم

والله أني انقهرت من أفعال هالظالمة

ومابيدي الأ أن أدعي لكم بأن الله

يصبركم ويكتب لكم فرجاً عاجل غير أجل


نبراس

[{!ع ـبث طفلهـ ’]

انت خلك ابو وام واخ وصديق وكل شي لاختك !
ولاتكره اخوانك مالهم ذنب .. نتيجة سوء تربيه لا اكثر !
غير كذا خلك اقرب مايكون لابوك وبسيطه اذا ماصدق سجل له اي شي عابر من هواشات مرت ابوك .. وماظنتي بيكون له وجه وينكر !

[خالد2007]

حسبي الله عليك من زوجه اب ظالمه وين بتروحين من رب الناس . والله كسرتوا خاطري . الله يفرج لك ولاختك آمين .
بس لازم تتحرك انت وبالعقل وكلم زوجة ابوك وذكرها بالله وبعذاب القبر وعذاب النار وخل حدى قريباتك من الملتزمات تتدخل وتلين قلب زوجة ابوك وانشاءالله ربي بيحلها .تقبل مروري

هذه ماينفع معاها لانصيحه ولاغيره ومااشبهها الا على زوجة ابولهب .
الموضوع هذا ماكتبته علشان تعطفون علي بس حبيت انقل معاناتي ويا اختي مع زوجة ابو ماتعرف العطف والرحمه .
صدقين ماتعرف الرحمه ومنافقه درجه اولى .
مرة لما كنت بالمرحله المتوسطه كان عمري وقتها خمسطعش سنه واختي ثلاث طعش وكنت العب كوره بالحوش وصدفه اخوي الصغير من ابوي طبعا وكان عمره سنتين طلع للحوش وماشفته وضربته الكوره مع راسه ونزف خشمه دم وسوت لي مشكله لاصارت ولاحصلت جاني دبغ بالعقال وسجن بالغرفه يومين انفرادي بس كل هذا ماهمني .اللي قهرني اختي لما ينامون كل اللي بالبيت تجي وتجلس ورى الباب وتجلس تسولف علي من تحت الباب وانا اسوي زيها نايم على الارض ومايفصل بيننا غير الباب ونقعد نفضفض على بعض واحياناا نقعد نتذكر امي ونقعد نصيح ..قسم بالله منتهى القهر تراي اقول لكم اللي حاصل .
تصدقون الصلاة ماتفتح لي علشان اروح اصلي والحمام بالملعونه علشان تفتح لي .
وابوي مايجلس بالبيت كثير وبعد يومين جاء الافراج وفتحولي الباب .
بعض المرات كنت اتمنى الموت وهمن استغفر . مشكوره سمر على النصيحه

[خلف المعطف]

يالله معقوله فيه ناس كذا
حسبي الله عليها هالحقيره

<جلست تقرأ يوم كنت تحت الباب انت واختك تسولفون <قسم ان دموعي بعيوني حسبي الله عليها

ماتخاف تموت ويصير في بناتها كذا ؟؟؟

[وضوح]

حسبنا الله ونعم الوكيل ...بإذن الله رفعة لدرجاتكم فلا تجزعوا واحتسبوها عند الله...

أخي ادعمها عاطفياً ومادياً ووجهها وانصحها واعنها على تحمل ابتلاء الله لها...

لاتتركها تنحرف بسببهم انقذها وخلصها من ظلمهم وقهرهم ..

إجلس مع والدكـ جلسة خارج المنزل جلسة مصارحه لعلها تحركـ قلبه واستخدم اسلوب

التودد والتذكير بالله واحفظ ادله لعلها تؤثر فيه...!!!

أو أتصل بأحد العقلاء او المشائخ ...اما من يحبهم ومقربين له

أو غيرهم ولهم اسلوب خاص يستطيعون ان يقنعوهـ دون ان يتبين انهم مرسلون اليه ...!!!

صدقني مجربه طريقة العقلاء يؤثرون ولهم طرق جربتها مع احد الطالبات اللاتي لم

يسبق لها ان رأت والدتها ولله الحمد أصبحت لهم زيارات خاصه هي واخوانها ...بعد الله من هذا الشيخ ...!!

لاتتركها لأن أول من يقدم لها العطف سوف تكون له وتحت طوعه فأخشى أن

يكون أحد الذئاب بل الكلاب ....!

وعليكم بالدعااااء والإحسان لها لعل الخجل يطرأ على طبعها ...

(اللهم اني اعوذ بكـ ان اظلم او اظُلم )..

تحيتي ،،

[~عاليه~]

سهام الليل لا تخطي ولكن لها أمد وللأمد انقضى

اطرق باب العزيز الجبار الذي يستحي ان يرد يدي عبده ..

ولا تنسى أن دعوة المظلوم ليس بيناها وبين الله حجاب ولو كان كافر ..

لا تدعوى عليه ولكن أدعوا لك ولأختك برفع الظلم وتفريج الكرب وأزله الهم والغم ..
ودع عنك الشتم واللعين لن ينفعك شئ ..

اللهم كاشف الغم مجيب دعوة المضطريين رحمان الدنيا والأخرة ورحيمهما .. أرحمهما رحمة من عندك تغنيهم عن من سواك ..

[غَسَقْ,]

بعد كل هالعَذآب تَفصلك مِنْ وظِيفتك , خَآلد ليت لي علآقه بك
والله يكون بعونك وعون أَختك فمآلكم إِلآ الأَجر والمثوبه على هالصبر , وتَأَكد بِ إِذن لله لن تدوم زَوجة أَبيك على هالحآل سوف يَأَتي يوم مِنْ الأَيآم تَنهآر .

[الورده النديّه]

لازم تستشير اخصّائي اجتماعي ونفسي
حتى لا تزيد الحاله سوءاً
أنت رجل ربما تتحمّل ,, لكن اختك المسكينه وربّي رحمتها
حرام تلقونه بالتهلكه ولا حراك
على الاقل لازم يصير عندها احد تشكي له
مو صديقه لا ,, لازم احد من العائله امرأه كبيره عاقله فاهمه تصبّرها
وتنصح هالسعلوّه زوجة ابوك ,,

[أوطان]

رديت قبل ماأقرأ باقي الردود من المر اللي رقا لراسي!! ياخي وينكم عايشين فيه ,, معقوله مااحد حولكم يرد ظلم حرمة ابوك عنكم؟؟ وانت الحين رجال معقول ماتعرف تتصرف؟؟ احس انقرضن الدواب اللي زي مرة ابوك الدنيا تغيرت وماعاد احد يستعبد احد!! كانك صادق امغط لأقرب اصلاح بين وهم يدبرون ابوك ,,(بالله انشدلي مرة ابوك وشي مسويتله خطيره هذي )

[الورده النديّه]

اوطان
,,(بالله انشدلي مرة ابوك وشي مسويتله خطيره هذي )

ايش تبي تصير مسويه له
كلها مسكنه ودموع التماسيح مع بهارات وكذب
وأكيد يبي يصدّقها ,,

[خالد2007]

حسبي الله ونعم الوكيل

الله يكون في عونك وعون اختك 0
جزاك الله خير يالورده النديه .مالنا الا انتحسب الله عليها .
كثير مستغربين ليش هي مسيطره عليه .والسبب انها جميله جدا وموفره للوالد كل شي يبيه وشايلته شيل وبعدين هي منافقه لما يجي ابوي تتمسكن وتدعي انها تبي مصلحتي ومصلحة اختي وهو مصدقها ومفوضها بكل شي بحكم ان ابوي قليل جلوسه بالبيت علشان شغله .
تصدقون المصروف اخذه منها .اذلال مابعده اذلال وابوي ماعليه اموره الماديه زينه بس تقول له لاتعطيهم فلوس علشان مايخربون وخلاها هي امينة الصندوق .
الجوال مامسكته الا بثاني ثانوي وبدون كاميره واختي الا هالحين مامعها جوال وجبت لها شريحه وجوال من مصروفي علشان اكلمها وهي بعد تكلم خوالي وخالاتي وصديقاتها ويوم عرفت عن طريق بنتها سوت الهوايل فيها وتحقيق وسين وجيم واتهامات .
الله ينزع روحها اليوم قبل بكره

[خالد2007]

مافية اي مشكلة في الحياة الا لها حل وفية ناس عندهم مشاكل اكثر من هذي لكن استطاعو ان يحلو مشاكلهم ليتك تكلم احد المشائخ مثل الشيخ الونيان وتعرض علية مشكلتك وان شاء الله سوف تجد حل لعلة يجلس مع ابوك ويشوف حل لهذة المشكلة
ماعتقد انه فيه اشد من مشكلتي انا واختي شفنا الويل وحنا صغارين ومالنا سند بالبيت .ماتت امي وحنا صغارين وعشنا عند جدتي احلى عيشه بس يافرحه ماتمت ماتت جدتي وتزوج ابوي وبعد زواجه عشنا سنه وحده بسعاده ويوم ضمنت حب الوالد بدت المؤامرات علي انا واختي ..طيب حنا بزارين ذيك الوقت وش مسوين لها علشان تكرهنا .
قسم بالله تقول قدامي واختي تسمع تقول عساكم للنقاز .وانا مادري وشوا النقاز .بعدين عرفت معناها .تمنى لنا الموت.
وكل ما تحمل وتولد تزود كره لنا .
قسم بالله انه بالاختبارات لما اجلس ويااختي نذاكر مع بعض انواع الازعاج ومشوره للبقاله وللخياط ..دمرتني بالدراسه وبالملعونه اخذت الثانويه واختي اذكى مني ماشالله عليها ولما تجيب اختي شهادتها تموت قهر ليش تاخذ امتياز وهي تكرفها كرف وبناتها بالابتدائي مستواهن نص ونص .

[تركـي]

الاخ / خالد

انا مستعد اساعدك انت واختك عن طريق القنوات الرسميه
ولو تبغى جمعية حقوق الانسان انا مستعد لتوصيل قضيتك

واذا احتجت اي شي راسلني على الخاص
وان شاءالله ماتلقى الا اللي يقف معك انت واختك

احنا في دولة ابومتعب وحقك بتأخذه من رب العالمين قبل الشرع

وزوجة ابوك انت بس قلها عن جمعية حقوق الانسان وابغاك تشوف وشلون يتغير وجهها 0

راح وقت الذل واذا ابوك راضي وساكت يشمله العقاب 0


تحياتي 0

[ROZA]

أخوي / خالد ....فرج الله كربتكم ورفع الظلم عنكم.
اللي فهمته من كلامك أن أبوك مسحور يعني حتى هو ياحول تصرفاته غصب عنه تحت تأثير السحر لاتواخذونه بس مثل ماقالوا الأخوة والأخوات دخلوا أحد يستحي منه أبوك بالموضوع ولو كان أحد المشايخ .
علشان يقنعه ويقرأعليه وأنت قدر الأمكان خلي سلوكك معاها قدام أبوك أرقى من الراقي علشان ماتلقى عليكم مدخل تحجكم فيه عند أبوكم .
الله ييسر أمركم.

[خالد2007]

عسى الله يعجل بفرجك

الله يسمع منك ياخوي والله تعبت نفسيا ولو علي انا كان مايشوفوني الا بالمناسبات بس اللي كاسر ظهري ((اختي)) بس الحمدلله صار عندها مناعه من زوجة ابوي .
بس اللي حاز في خاطري ان اخواني وخواتي من ابوي صاروا يقلدون امهم بالتحريش والتجسس علينا .
تصدق مامعي مفتاح لباب بيتنا يعني اذا جيت للبيت اطق الباب واحيانا يزرعونن عند الباب بس مو مهم المهم هو اختي اذا جت من المدرسه تصدق انها تطق الباب واحيانا تجلس على عتبة الباب العشر والعشرين دقيقه وبعدين تتكرم العقرب وتفتح لها الباب .مشكور يالقرار

[خالد2007]

حسبنا الله ونعم الوكيل

حسبنا الله ونعم الوكيل

حسبنا الله ونعم والكيل


إلي هذه الدرجة انعدم فيها الخوف من الله

ما تخاف أنه تموت ويصير لبناته ماتسوية بالبنيه المسكينه

وش لون عايشة هذه بكل قساوة هالقلب

يارب تأخذ حقك هالمسكينه من هالمرة الظالمة

أخوي والله أنك حزنتنا بهذه القصة

لكن كل فعل تسوية تحسبوا الله عليه

والله أن شاء الله ناصركم عليه

والله يمهل ولا يهمل


ولا اقول الأ

حسبي الله ونعم الوكيل على كل ظالم

والله أني انقهرت من أفعال هالظالمة

ومابيدي الأ أن أدعي لكم بأن الله

يصبركم ويكتب لكم فرجاً عاجل غير أجل


نبراس

الله يسلمك ويخليك يانبراس .
تصدق من نذالتها تبي تزوج اختي لواحد من اخوتها وهو متزوج وعنده ثلاث بنات ويوم عرفت اختي بالسالفه بغت تنتحر بس قلت لها ولايهمك على جثتي زواجك من اخوها وتدخل خوالي وعمي وفركشوا الموضوع وهي خافت مني لاني هددتها بعيالهاا اللي هم اخواني وعرف ابوي بتهديدي وزعل علي شهر كامل والحمدلله رجعنا لبعض وتأسفت لبوي وتفهم ليش انا هددتها .
لا والطامة الكبرى مكوشه على الاستراحه حقتنا ويوميا يااهلها او خواتها او قريبها مسنترين بالاستراحه . الله يريحنا منها والله اني داعي عليها ليلة تسع وعشرين في رمضان والامام يختم القران الكريم.

[عجوز سمنسي]

هلابقصة سندريلا

بكره تروح لزواج ان شاء الله باحد القصور وتنسى احد حذيانها وتتزوج سيد سيد زوجة ابوك

لاتخاف فالله لايضيع اجر الصابرين

[خالد2007]

انت خلك ابو وام واخ وصديق وكل شي لاختك !
ولاتكره اخوانك مالهم ذنب .. نتيجة سوء تربيه لا اكثر !
غير كذا خلك اقرب مايكون لابوك وبسيطه اذا ماصدق سجل له اي شي عابر من هواشات مرت ابوك .. وماظنتي بيكون له وجه وينكر !
والله مو مقصر معاها وصاير لها الاب والام والاخ والاخت وكل شيء بحياتها لانها هي حياتي ودنيتي عشنا الالم والضيم والقهر سوى وبيننا ذكريات مستحيل ننساها .
بس امنيتي بس اشوفها مع زوجها مبسوطه ومتهنيه هذا هو حلمي .انا مو مهم حياتي اهم شي هي عندي تكون مرتاحه .
زوجة ابوي ذكيه ومو من السهوله اصيدها ماتعرفونها زين هبلت بشنبات ودوختهم حسبي الله عليها وغير كذا عندها اخوانها ماسكين مراكز ومسؤولين اللي بالبحث الجنائي واللي بالاماره . الله يفرجها بس

[خالد2007]

يالله معقوله فيه ناس كذا
حسبي الله عليها هالحقيره

<جلست تقرأ يوم كنت تحت الباب انت واختك تسولفون <قسم ان دموعي بعيوني حسبي الله عليها

ماتخاف تموت ويصير في بناتها كذا ؟؟؟

فيه ناس العن من كذا وليش الله خلق جنه ونار .
يوم كنا صغارين انا واختي كنا مانخاف الا من شي واحد ((المرض)) حتى لو كان زكام او حراره لان ماعندنا من يهتم فينا خصوصا بعد موت جدتي وبموت جدتي اسودت الدنيا بوجهي انا واختي .
ابوي ضعيف شخصيه قدام زوجته وبصراحه اكثر كان اناني ومايهمه الا وناسته وعمره ماقال لي تبغى شي ناقصك شي . منتهى الاهمال .
يمكن تقولون يبالغ في كلامه لكن الخافي اعظم وانا ماكتبت موضوعي علشان تعطفون علي لا .حبيت انقل معاناة يعيشها كثير من الاطفال واللي تموت امهم او ابوهم وماعندهم سند بهالدنيا .مشكوره على شعورك الطيب

[خالد2007]

حسبنا الله ونعم الوكيل ...بإذن الله رفعة لدرجاتكم فلا تجزعوا واحتسبوها عند الله...

أخي ادعمها عاطفياً ومادياً ووجهها وانصحها واعنها على تحمل ابتلاء الله لها...

لاتتركها تنحرف بسببهم انقذها وخلصها من ظلمهم وقهرهم ..

إجلس مع والدكـ جلسة خارج المنزل جلسة مصارحه لعلها تحركـ قلبه واستخدم اسلوب

التودد والتذكير بالله واحفظ ادله لعلها تؤثر فيه...!!!

أو أتصل بأحد العقلاء او المشائخ ...اما من يحبهم ومقربين له

أو غيرهم ولهم اسلوب خاص يستطيعون ان يقنعوهـ دون ان يتبين انهم مرسلون اليه ...!!!

صدقني مجربه طريقة العقلاء يؤثرون ولهم طرق جربتها مع احد الطالبات اللاتي لم

يسبق لها ان رأت والدتها ولله الحمد أصبحت لهم زيارات خاصه هي واخوانها ...بعد الله من هذا الشيخ ...!!

لاتتركها لأن أول من يقدم لها العطف سوف تكون له وتحت طوعه فأخشى أن

يكون أحد الذئاب بل الكلاب ....!

وعليكم بالدعااااء والإحسان لها لعل الخجل يطرأ على طبعها ...

(اللهم اني اعوذ بكـ ان اظلم او اظُلم )..

تحيتي ،،

مشكوره على النصايح بس صدقيني ماخلينا شي حتى ان خوالي وعمي يقول اشك ان ابوك مسحور لانه لما نكلمه يواعدنا انه يصلح كل شي ويوم يرجع للبيت خلاص بح ماكأنه سمع شي وترجع حليمه لعداتها القديمه. بالعربي الوالد وجوده كعدمه بالنسبه لي ولاختي بالاضافه انه بلش بعمره عنده ضغط وسكر وهو ماتجاوز الخمسين سنه واحيانا ارحمه قوووه اذا شفته يعاني من الضغط .بس الشكوى لله تمنيت ان الضغط والسكر بهالعقرب علشان تسدد فواتيرها .

[الفتـ الذهبي ـى]

الله موجود .. وأهل الخير بكثره ,,

العين بصيره واليد قصيره .. مالك إلا الدعاء والتيقن بالأجابه وان شاء الله
بتفرج ازمتك وتكون حالتكم من الأسواء للأفضل .. والله يكتب لكم اللي فيه الخير

[engel]

فيه منظمه حقوق الإنسان سبق قريب لي أعطاني عناوينهم لما أبو بنتي ما سجل بنته وما أعطانا وثائق رسميه تثبت انها بنتي ...
لكن أنا رفضت قلت صلاة الليل والدعاء أقرب من فتح باب للمشاكل
ولو ما نفعت هالوسيلة بيكون أنا أتحمل ما كسبت يدي واستغفر ... وللآن ما فيه إثبات أنها بنتي .. ومن القراده ما تشبه لي أبدا .
لكن لو تريد العناوين والرقم أرسلها لك

[الـــفـــ@ــــد]

فيه منظمه حقوق الإنسان سبق قريب لي أعطاني عناوينهم لما أبو بنتي ما سجل بنته وما أعطانا وثائق رسميه تثبت انها بنتي ...
لكن أنا رفضت قلت صلاة الليل والدعاء أقرب من فتح باب للمشاكل
ولو ما نفعت هالوسيلة بيكون أنا أتحمل ما كسبت يدي واستغفر ... وللآن ما فيه إثبات أنها بنتي .. ومن القراده ما تشبه لي أبدا .
لكن لو تريد العناوين والرقم أرسلها لك

انجل اختي لا تخافي
هناك ما يثبت انها ابنتك
الحمض النووي (dna)
كل شي محفوظ عند الله سبحانه
تحيتي وتقديري

[صـاحي و رايـق]

الله يعينك يـ قلبي
بـ أمكانك أنت من يسطر الحلول في هذه الأوضاع
بما أن أهالي الخير في هذه المدينه لديهم القدره على المساعده لمن يحتاج
فكري يـ قلبي وبعدها قرر
أكيد أبيك له قريب أو صديق يثق فيه ويؤثر فيه تأثير كلي
متأكد أنا أن فيه حلول راح تفتح لك أبواب الخير لك ولـ أختك بما إنك قادر على تحمل المسؤوليه
,
,
,
الله يوفقك ويفرج كربتك

[خالد2007]

سهام الليل لا تخطي ولكن لها أمد وللأمد انقضى

اطرق باب العزيز الجبار الذي يستحي ان يرد يدي عبده ..

ولا تنسى أن دعوة المظلوم ليس بيناها وبين الله حجاب ولو كان كافر ..

لا تدعوى عليه ولكن أدعوا لك ولأختك برفع الظلم وتفريج الكرب وأزله الهم والغم ..
ودع عنك الشتم واللعين لن ينفعك شئ ..

اللهم كاشف الغم مجيب دعوة المضطريين رحمان الدنيا والأخرة ورحيمهما .. أرحمهما رحمة من عندك تغنيهم عن من سواك ..
الله يرحم والدينك على هالنصيحه . وموكلين امرنا لله عز وجل والدنيا مهب طويله ويبي يجي يوم كلن ياخذ حقه .
بس اللي يقهر ليش تسوي كذا بمسكين ومسكينه والرسول اللهم صلي عليه يوصي بالمساكين ويتمنى انه يحشر مع زمرة المساكين المظلومين .تسوي هالشي علشان المال والعقار وهالشي يبي ينفعها يوم القيامه اكيد مو نافعها الا عملها الصالح وياما كلمتها بس تستهتر فيني وتطنز لما انصحها وتقوللي انت ولد البارح تعلمني . الضال ضال مهما سوينا .
واللي يقهرني ماعمرها مرضت او جاها مصيبه مع انها مجرمه بحقي وحق اختي بس يمهل ولايهمل

[خالد2007]

بعد كل هالعَذآب تَفصلك مِنْ وظِيفتك , خَآلد ليت لي علآقه بك
والله يكون بعونك وعون أَختك فمآلكم إِلآ الأَجر والمثوبه على هالصبر , وتَأَكد بِ إِذن لله لن تدوم زَوجة أَبيك على هالحآل سوف يَأَتي يوم مِنْ الأَيآم تَنهآر .



اصلا هي تبي تخليني عبد عندها وتخطط اصير سواق لها بما انها تذلني بالمصروف بس معصي ويابعد هالشي عليها والرازق الله .
تصدق فصلوني من الشركه بدون سبب ((استغناء عن خدماتي)) وماعطوني مستحقاتي بس دعيت عليها وشكل الدعوه صارت بخوي الصغير صار عنده ثقب بالقلب ومبهذلها بالمستشفيات .تمنيت ان الثقب بقلبها هي مو في اخوي بس حكمة الله.
والله يشرفني معرفتك بس خويك كله حزن والم يعني ابضيق صدرك بمشاكلي .

[خالد2007]

لازم تستشير اخصّائي اجتماعي ونفسي
حتى لا تزيد الحاله سوءاً
أنت رجل ربما تتحمّل ,, لكن اختك المسكينه وربّي رحمتها
حرام تلقونه بالتهلكه ولا حراك
على الاقل لازم يصير عندها احد تشكي له
مو صديقه لا ,, لازم احد من العائله امرأه كبيره عاقله فاهمه تصبّرها
وتنصح هالسعلوّه زوجة ابوك ,,
ترانا يالسعوديين احسن مافينا اننا نتحمل المصايب ومانشكي بس المشكله هالتحمل له ضريبه لما تكبر بالسن تبدا المشاكل سكر وضغط وجلطه .
لو ماعندي اخت مثلا ماكان عندي انا اي مشكله نا رجال واخذ حقي بس هالمسكينه اللي بين اربع جدران وعند هالذيبه وعيالها . ولا يقهرني الا لما يسوون اهل زوجة ابوي زياره لنا والله ياهي تكرف هالمسكينه كرف ولما اشوف اختي اخر الليل قبل النوم قسم بالله كانها جايه من الرياض على رجليها . هاتي وجيبي وصلحي وزيني ونظفي واطبخي ووو وهي طاقة زينها واكل من هالمكسرات ومع خواتها وضحك . طيب واختي وشفيها تمنعينها من الجلوس معكم .مشكوره على نصيحتك

[عجوز سمنسي]

شفت ياخالد ؟

يوم انا احط على السعالوه وانتم تقولون اعقل تراك ظالمهن

شف السعلوة وش مسوية فيك عساها لصاروخ سكود يفقع كرشتها

مو انت فقط الضحية
الضحية ايضا ابوك والضحية كل رجل على هذه البسيطة يعيش في كنف امرأة

[shahd2007]

شفت ياخالد ؟


يوم انا احط على السعالوه وانتم تقولون اعقل تراك ظالمهن

لاتجمع يالسمنسي هاذي مريضه ولاتخاف ربه ...

اعرف زوجات اب يحطن على الجرح يبرئ وتعامل عيال زوجه على انهم عياله بعد وفاة امهم

[عجوز سمنسي]

لاتجمع يالسمنسي هاذي مريضه ولاتخاف ربه ...



اعرف زوجات اب يحطن على الجرح يبرئ وتعامل عيال زوجه على انهم عياله بعد وفاة امهم


واذا صرتي تعرفين ؟

تعرفين وحده والا ثنتين ؟

انا اجيب لك عن كل وحده عشر ملعونات جدف
فيهن من المكر والخديعة والسفالة وعدم الخوف من الله مالله به عليم

[صريح جد]

شفت ياخالد ؟

يوم انا احط على السعالوه وانتم تقولون اعقل تراك ظالمهن

شف السعلوة وش مسوية فيك عساها لصاروخ سكود يفقع كرشتها

مو انت فقط الضحية
الضحية ايضا ابوك والضحية كل رجل على هذه البسيطة يعيش في كنف امرأة
التعميم غير منطقي مثل ما النساء فيهن الظالمة فية الكثير منهن فيها الخير والبركة وبدل ما تدعي على اختك المسلمة ادع لها با الصلاح والهداية لعل الله يدخل في قلبها الرحمة وتكون ام لهم بدل من امهم رحمها الله واسكنها فسيح جناتة وسبحان مغير القلوب الذي يقول لشي كن فيكون تحياتي لك يا سمنسي

[رزه مرتزه]

كــأني اشووف مــسلسل...
حلووه منك خالد عرفت تلعبهااا صوووح ..

[مج ـرد إحـساس]

كــأني اشووف مــسلسل...
حلووه منك خالد عرفت تلعبهااا صوووح ..

حرااام عليــكـ احمــدي ربكـ لايـــبلاكـ:a5:>>>اللـــه يعينه يبي يجيه هوشه

ربي يكــــون بعــونكـ اخــوي

[صـاحي و رايـق]

مالك يـ خلودي إلا تسحرها
بدل ما تكون فرعون معك راح تكون عون لك
والسحر للضروره مباح

[سيف وفيصل]

خالد
لابد أن تعلم أن أمثالك ليسوا قلة بل ما أكثرهم وإن لم يقولوا ويفصحوا !

الصبر الصبر الصبر لايوجد حل آخر !

ولتعلم ~أن الله يبتلي من يحبهم وكن على ثقة بأن الله يراقبك كيف تفعل وكيف تتصرف؟
ولتعلم أن جزاء من يتجاوز هذا الابتلاء والامتحان خيرا كثيرا ورزقا وفيرا في الدنيا والآخرة وسوف ترى ذلك بإذن الله.

نصيحة حاول أن تبحث عن زوج مناسب لأختك بل أخطب لها !!!

بقي أن أقول

اللجوء إلى الله مطلب أساسي واحرص على أوقات الدعوة المستجابة بين الأذان والاقامة أو آخر ساعة يوم الجمعة أو بعد الوضوء أ~و بين السجدات والسجود ، واحرص على اختيار الألفاظ المناسبة للدعاء لتكون أ~قرب استجابة وانصحك بأن تقول أ~نت الله لا إ~له الحي القيوم بديع السموات والأرض ذو الجلال والاكرام ياقوي ياعزيز ياجبار وتقول ماتريد،
أما زوجة أبيك فسوف تندم صدقني الأيام سلف ودين فقل ياربي اللهم أنها قد بلغت حد المدى وتعلم مافي نفسي ولا أعلم مافي نفسك إنك أنت علام الغيوب اللهم اكفيناها بما شئت.

أما أخوتك فاحرص على المعاملة الحسنة وحاول أ~ن تكون محور تفكيرهم مثلا اعطف عليهم ودهم للبقالة وحاول تشري لهم بعض الأشياء ولا تتعجل النتائج ،،،

كل حديثي عن تجربة ونصيحة مخلصة لأخ يعاني،،،تحياتي

[نبراس القصيم]

أخوي خالد أنتبه أنها تزوج أختك واحد يقرب لها

الشيء الثاني منيتي بس أني أعرف وش لون رجل بطوله وعرضه

يخاف من أمرأه

الله يكون بعونكم ويفرج همكم

اللهم أشغل هالمرأة الظالمة بنفسه اللهم أشغل هالمرأة الظلمة بنفسه

ومن هم على شاكلتها

نبراس

[وحيدة وحزينة]

شفت ياخالد ؟

يوم انا احط على السعالوه وانتم تقولون اعقل تراك ظالمهن

شف السعلوة وش مسوية فيك عساها لصاروخ سكود يفقع كرشتها

مو انت فقط الضحية
الضحية ايضا ابوك والضحية كل رجل على هذه البسيطة يعيش في كنف امرأة

وانا اعرف بنت طردها زوج امها... وزوج يضرب زوجته ... يعني هالشئ مو بس من الحريم حتى الرجال بهم حقهم....

[صريح جد]

مالك يـ خلودي إلا تسحرها
بدل ما تكون فرعون معك راح تكون عون لك
والسحر للضروره مباح
هلا اخوي صاحي وين الغيبات ياليتك بس حطيت لنا دليل على ان السحر للضرورة يجوز

[صريح جد]

كــأني اشووف مــسلسل...
حلووه منك خالد عرفت تلعبهااا صوووح ..
اختي الكريمة اذا كنتي تنعمين بوجود الاب والام وتعيشان تحت حنانهما وقد وفرو لكي كل شي فهناك الكثير من فقد هذة النعمة ولاتاخذي كل امور حياتك با الهزل وسوء الظن با الاخرين اخونا خالد طرح مشكلتة لكي يجد من يطرح لة حل لمشكلتة لا ان نضحك علية ونشكك فية

[زمن الغرباء]

انا لله وانا اليه راجعون
الله يكون بعونكم ويثبتنا واياكم
طيب انا عندي حل ؟
اذا كنت تعرف شاب صالح اعرض عليه انه يتزوج اختك ؟ اتوقع انه حل ممتاز
الله يرفع عنكم همكم ...

[خالد2007]

رديت قبل ماأقرأ باقي الردود من المر اللي رقا لراسي!! ياخي وينكم عايشين فيه ,, معقوله مااحد حولكم يرد ظلم حرمة ابوك عنكم؟؟ وانت الحين رجال معقول ماتعرف تتصرف؟؟ احس انقرضن الدواب اللي زي مرة ابوك الدنيا تغيرت وماعاد احد يستعبد احد!! كانك صادق امغط لأقرب اصلاح بين وهم يدبرون ابوك ,,(بالله انشدلي مرة ابوك وشي مسويتله خطيره هذي )
سلامتك من المر . يااوطان الشر والاشرار موجودين وقايدهم ابليس هو اللي يخطط لهم .صدقني من زمان كلموه الطيبين ومانابنا الا نظرات العطف والشفقه من الناس ولا صار شي ولاتعدل شي وبالاخر مليت وزهقت وخليتها بيد رب العالمين هو اللي يحلها مو ناقصين فضايح بالعايله .
وزي ماايقولوا النار ماتكوي الا رجل واطيها . شوف بعض الاعضاء مو مصدق قصتي وماساتي انا واختي ويحسبوني جالس اخربط واكذب .
بس للامانه ريحتوني بكلامكم ونصايحكم لاني كنت مضغوط نفسيا وهالحين احس براحه نفسيه بسبب كلامكم ونصايحكم الله يجزاكم خير

[خالد2007]

الاخ / خالد

انا مستعد اساعدك انت واختك عن طريق القنوات الرسميه
ولو تبغى جمعية حقوق الانسان انا مستعد لتوصيل قضيتك

واذا احتجت اي شي راسلني على الخاص
وان شاءالله ماتلقى الا اللي يقف معك انت واختك

احنا في دولة ابومتعب وحقك بتأخذه من رب العالمين قبل الشرع

وزوجة ابوك انت بس قلها عن جمعية حقوق الانسان وابغاك تشوف وشلون يتغير وجهها 0

راح وقت الذل واذا ابوك راضي وساكت يشمله العقاب 0


تحياتي 0
اخوي تركي تدري وش مشكلتي ابوي يقول مو ناقص فضايح ودايم يتوعدني ويقول ياما في الدنيا مشاكل وبصراحه ابوي عنده سكر وضغط وهو طيب بس ماعنده شخصيه وضعيف قدام زوجته ويحبها بجنون وهي لعبت الدور صح وكل مفاتيح الفوز معاها . يكفي اني واختي مساكين واغراب في حلالنا وبيتنا . ياخي مفتاح البيت انا واختي مامعنا وش تبي اكثر من كذا .
صدقن ادري ان فيه حقوق انسان بس عمومتي وخوالي ضد هالشي وطبعا هم مبسوطين ومو حاسين بمشكلتنا .
عمي يقول لو تشتكي ابوك لاتعرفني ولا اعرفك ومتبرين منك . يعني صايرن بالنص .
الله يجزاك خير تركي على فزعتك بس حبيت افضفض لكم اللي انا كاتمه من سنين .

[خالد2007]

أخوي / خالد ....فرج الله كربتكم ورفع الظلم عنكم.
اللي فهمته من كلامك أن أبوك مسحور يعني حتى هو ياحول تصرفاته غصب عنه تحت تأثير السحر لاتواخذونه بس مثل ماقالوا الأخوة والأخوات دخلوا أحد يستحي منه أبوك بالموضوع ولو كان أحد المشايخ .
علشان يقنعه ويقرأعليه وأنت قدر الأمكان خلي سلوكك معاها قدام أبوك أرقى من الراقي علشان ماتلقى عليكم مدخل تحجكم فيه عند أبوكم .
الله ييسر أمركم.

روز مو متاكدين انه مسحور عمي واحد خوالي هم اللي قالوا يمكن تكون مسويه له عمل يعني مو اكيد بس احيانا ابصم انها ساحرته لان اي شي تبغاه يصير مهما صار هالشي .
تصدق انا الكبير ومعي سياره هايلوكس مستخدمه موديلها 2000واخوي اللي اصغر مني بست سنين اللي هو ولدها اشتراله سياره كامري 2008وكاله .
لله المشتكى .
اختي كل اللي عندها اكسسوارات ومقلده وبناتها ذهب حقيقي وساكتين وصابرين .بس تتركنا بحالنا نعيش مثل باقي خلق الله لكن شكلها ماراح ترتاح الا لما نطلع من البيت انا واختي .مشكوره

[صـاحي و رايـق]

هلا اخوي صاحي وين الغيبات ياليتك بس حطيت لنا دليل على ان السحر للضرورة يجوز

موجود يـ غالي
بس تعرف إذا صار عندك أم قناصيع هي وبصابيصه
ترغم على الإنشغال
والدليل الشيخ العبيكان في يوم من الأيام حلل هذا السحر

[خالد2007]

هلابقصة سندريلا

بكره تروح لزواج ان شاء الله باحد القصور وتنسى احد حذيانها وتتزوج سيد سيد زوجة ابوك

لاتخاف فالله لايضيع اجر الصابرين
مرحبا بعجوز . مافهمت كلامك والله بس اللي اقدر اقوله الله يخلي لك امك ان كانت عايشه وتعيش معاها وتضمها وتضمك واذا جاك مرض لاقدرالله تلاقيها حولك وحواليك .مشكور وماقصرت

[خالد2007]

الله موجود .. وأهل الخير بكثره ,,

العين بصيره واليد قصيره .. مالك إلا الدعاء والتيقن بالأجابه وان شاء الله
بتفرج ازمتك وتكون حالتكم من الأسواء للأفضل .. والله يكتب لكم اللي فيه الخير
ونعم بالله وهذا اللي مصبرني والا كان صار علوووم لهالملعونه .
الحمدلله دايم ادعي ان الله يفرجها اولا لاختي وهمن انا وربك كريم .مشكور اخوي الفتى الذهبي

[خالد2007]

فيه منظمه حقوق الإنسان سبق قريب لي أعطاني عناوينهم لما أبو بنتي ما سجل بنته وما أعطانا وثائق رسميه تثبت انها بنتي ...
لكن أنا رفضت قلت صلاة الليل والدعاء أقرب من فتح باب للمشاكل
ولو ما نفعت هالوسيلة بيكون أنا أتحمل ما كسبت يدي واستغفر ... وللآن ما فيه إثبات أنها بنتي .. ومن القراده ما تشبه لي أبدا .
لكن لو تريد العناوين والرقم أرسلها لك
الله يكون بعونك ياختي الظلم شين وزين ماسويتي اتكلي على اللي عينه ماتنام .واثبات نسب بنتك امره بسيط بالحيل والله يفرجها لك ولي ولكل مظلوم .

[خالد2007]

الله يعينك يـ قلبي
بـ أمكانك أنت من يسطر الحلول في هذه الأوضاع
بما أن أهالي الخير في هذه المدينه لديهم القدره على المساعده لمن يحتاج
فكري يـ قلبي وبعدها قرر
أكيد أبيك له قريب أو صديق يثق فيه ويؤثر فيه تأثير كلي
متأكد أنا أن فيه حلول راح تفتح لك أبواب الخير لك ولـ أختك بما إنك قادر على تحمل المسؤوليه
,
,
,
الله يوفقك ويفرج كربتك
هلا بالصاحي كلامك حلو بس جربته وزي ماقلت يتعاطف معنا بالبدايه وهمن مجرد مايجي للبيت ترجع حليمه لعاتها القديمه .
هلحين خفت المشكله من ناحيتي لاني كبرت بس اختي هي مشكلتي واللي رابطتني مااقدر اشوف نفسي الا انا مطمن عليها .
تخيل رحت لمدينة جده ابجلس اسبوع بعد يومين اتصلت اطمن على اختي لقيتها منطويه على نفسها وبكت بالتلفون تبيني اجي .قلت وشفيك مضايقينك بشي قالت لا . شي يقهر وانا عارف وش قاعده تسوي فيها .قطعت سفرتي وجيت علطول . شفت وشلون معاناتي . اختي مو حاسه بالامان بالبيت وماتكون مبسوطه الا لما اكون موجود عندها . تخيل ابوها موجود وتعتبره كانه ميت . كارثه .

[خالد2007]

شفت ياخالد ؟

يوم انا احط على السعالوه وانتم تقولون اعقل تراك ظالمهن

شف السعلوة وش مسوية فيك عساها لصاروخ سكود يفقع كرشتها

مو انت فقط الضحية
الضحية ايضا ابوك والضحية كل رجل على هذه البسيطة يعيش في كنف امرأة

والله مو كلهم سعالوه بس فيه الطيبه والشريره ونصيبنا طلع (((شريره)))وماتخاف الله كل اللي هامها الفلوس والحلال وبس وتقل انا واختي لاقيننا بالشارع علشان مالنا سند تسوي كذا .ليش هالمعامله الله يلعن الفلوس والحلال .مشكور عجوزالسمنسي

[خالد2007]

كــأني اشووف مــسلسل...
حلووه منك خالد عرفت تلعبهااا صوووح ..
مشكوره على العموم والله يخلي لك امك وحطيها جوات قلبك وبوسي راسها كل شوي .
آآآآآآه لو كانت عايشه قسم بالله لبوس رجليها ونفسي احط راسي على صدرها واصيح بصوت عالي .

[خالد2007]

حرااام عليــكـ احمــدي ربكـ لايـــبلاكـ:a5:>>>اللـــه يعينه يبي يجيه هوشه

ربي يكــــون بعــونكـ اخــوي

مشكوره على شعورك الصادق وصدقيني اللي يكذبني مالومه لان اللي ماجرب حالتي يقول اكثر بس تكفون لاتقصرون مع امهاتكم والله ماتعرف قيمتها الا لما تجي للبيت مهموم وضايق صدرك وماتلاقيها حولك ..والله احيانا اقعد اصيح من القهر اذا احتجت للوالده ومابالكم باختي اللي هي تحتاج امي اكثر مني .
صبر جميل والله المستعان

[خالد2007]

مالك يـ خلودي إلا تسحرها
بدل ما تكون فرعون معك راح تكون عون لك
والسحر للضروره مباح

مرحب ياصاحي . اخاف من ربي ومستحيل اسويها لان السحر يخرجك من الاسلام .
اول مره اسمع ان السحر مباح ((معلومه جديده)) والله شكلك تبي توهقني واروح لساحر استغفرالله .مشكور قلبي

[خالد2007]

خالد
لابد أن تعلم أن أمثالك ليسوا قلة بل ما أكثرهم وإن لم يقولوا ويفصحوا !

الصبر الصبر الصبر لايوجد حل آخر !

ولتعلم ~أن الله يبتلي من يحبهم وكن على ثقة بأن الله يراقبك كيف تفعل وكيف تتصرف؟
ولتعلم أن جزاء من يتجاوز هذا الابتلاء والامتحان خيرا كثيرا ورزقا وفيرا في الدنيا والآخرة وسوف ترى ذلك بإذن الله.

نصيحة حاول أن تبحث عن زوج مناسب لأختك بل أخطب لها !!!

بقي أن أقول

اللجوء إلى الله مطلب أساسي واحرص على أوقات الدعوة المستجابة بين الأذان والاقامة أو آخر ساعة يوم الجمعة أو بعد الوضوء أ~و بين السجدات والسجود ، واحرص على اختيار الألفاظ المناسبة للدعاء لتكون أ~قرب استجابة وانصحك بأن تقول أ~نت الله لا إ~له الحي القيوم بديع السموات والأرض ذو الجلال والاكرام ياقوي ياعزيز ياجبار وتقول ماتريد،
أما زوجة أبيك فسوف تندم صدقني الأيام سلف ودين فقل ياربي اللهم أنها قد بلغت حد المدى وتعلم مافي نفسي ولا أعلم مافي نفسك إنك أنت علام الغيوب اللهم اكفيناها بما شئت.

أما أخوتك فاحرص على المعاملة الحسنة وحاول أ~ن تكون محور تفكيرهم مثلا اعطف عليهم ودهم للبقالة وحاول تشري لهم بعض الأشياء ولا تتعجل النتائج ،،،

كل حديثي عن تجربة ونصيحة مخلصة لأخ يعاني،،،تحياتي
الله يجزيك الجنه والله بردت كبدي بهالكلام ومعاملتي لاخواني من ابوي زينه واعطف عليهم بس هم بصف امهم بكل شي . تصدق لو ادخل معي كيس لازم يعرفون وش هالكيس . حصار غزه .
مرة جبت لاختي اغراض وبالخفيه بعد وبعد يومين صارت مشكله ليش ماجبت لخواتك الثانيات وصارت مشكله وخواتي صدقن كلام امهن اني افرق بينهن وبين اختي . وحرمت اجيب شي الا لهم جميع او مافيش . والغريب انها تجيب كل شي وماعمرها عبرتنا .

[خالد2007]

أخوي خالد أنتبه أنها تزوج أختك واحد يقرب لها

الشيء الثاني منيتي بس أني أعرف وش لون رجل بطوله وعرضه

يخاف من أمرأه

الله يكون بعونكم ويفرج همكم

اللهم أشغل هالمرأة الظالمة بنفسه اللهم أشغل هالمرأة الظلمة بنفسه

ومن هم على شاكلتها

نبراس
موضوع زواج اختي من قرايبها محسوم ومنتهي لاني مهددها بعيالها وخافت واول مره تخاف وشالت موضوع الزواج من راسها عساه للفضخ .
بس قلبت عليها وكرف فيها .
تصدق تصحي اختي الساعه ثمان الصبح وهمن ترجع تنام وتخليها تشتغل لحد الساعه احدعش وبعدين تصحى هي وتقوم تسوي الغداء لانه اصلا جاهز والبيت يلمع لمع واذا جاء ابوي من الدوام كل الشكر لهالعقرب مسكين يحسبها هي اللي تشتغل .
يمكن تقول طيب ليش ماتقول لابوك هالشي . انا معندي مشكله بس اختي ترفض لاني لو قلت هالشي اللي يبي يلعن خامسه هي اختي . ماسكينن مع ايدي وهذولي حريم مشاكلهن ماتخلص واللي يقهر ابوي يقول لي تحط عقلك بعقل حريم .

[فركي]

معقوله في ناس كذا

[دانتيل]

يا خي انت صرت رجال تصرف وامانه لاتغيب عن اختك خللك الاب والام والاخ والصديق مسكينه ياليتي اعرفه قرب له عطه وقتك لا تطلع بلاستراحه وتهيته وابوك اي نوع من الرجال هو ؟؟؟

[خالد2007]

وانا اعرف بنت طردها زوج امها... وزوج يضرب زوجته ... يعني هالشئ مو بس من الحريم حتى الرجال بهم حقهم....

صدقين ودها ومنى عينها نموت ولو تشوفين يوم كنا صغارين انا واختي ماتنادينا الا بدعا علينا بالموت والمرض والغريب اننا ننفذ كل اللي تبي .وان كان على الطرد من البيت يما وياما لما يسافر ابوي بالعطله وكنت صغير انها تجلدني وتطلعني مع الباب وتسكره واجلس على العتبه وودي اصيح بس استحي من عيال جيراننا.
الشر مو مخصص بس للحريم فيه رجال اشد من زوجة ابوي بس اللي مريحني ان مافي شي يضيع عند ربي .

[خالد2007]

اختي الكريمة اذا كنتي تنعمين بوجود الاب والام وتعيشان تحت حنانهما وقد وفرو لكي كل شي فهناك الكثير من فقد هذة النعمة ولاتاخذي كل امور حياتك با الهزل وسوء الظن با الاخرين اخونا خالد طرح مشكلتة لكي يجد من يطرح لة حل لمشكلتة لا ان نضحك علية ونشكك فية
ورب البيت يوم كنت صغير انا واختي لما نشوف احد مع امه وتضحك معه ان دموعنا تطلع وكل واحد مننا يخفيها عن الثاني .
ياناس مافيه شي بالدنيا يعوضك عن امك . مره من المرات رحت للمقبره وجلست عند قبرها وقعدت اصيح والله اني حابن القبر وضامه من المغثه وضيقة الصدر . قسم بالله اكتب هذا ودموعي تتناثر ومابي منكم الا تدعون لي انا واختي ان الله يفرجها لنا من عنده هذا هو طلبي منكم .مشكور صريح

[خالد2007]

انا لله وانا اليه راجعون
الله يكون بعونكم ويثبتنا واياكم
طيب انا عندي حل ؟
اذا كنت تعرف شاب صالح اعرض عليه انه يتزوج اختك ؟ اتوقع انه حل ممتاز
الله يرفع عنكم همكم ...
تقول العقرب مالك كلمة مادام ابوك عايش وابوي زي منتو شايفين صاير زي الميداليه بيديها . ابوي طيب وضعيف شخصيه قدامها .اموت وادري وش سر هالضعف قدامها . مشكور اخوي

[خالد2007]

معقوله في ناس كذا
البيوت اسرار والخافي اعظم وفيه ناس العن من كذا اذا صاروا مايخافون الله .
ياخي بالله عليك انا واختي كنا صغارين يوم يتزوجها طيب المفروض احضنتنا وربتنا وعاملتنا كويس علشان نحبها لكن سوت العكس حاربتنا وكاننا عيال حرام اعوذبالله ومع هذا نبي الفكه منها ومو قادرين . مشكور فركي

[صـاحي و رايـق]

مرحب ياصاحي . اخاف من ربي ومستحيل اسويها لان السحر يخرجك من الاسلام .
اول مره اسمع ان السحر مباح ((معلومه جديده)) والله شكلك تبي توهقني واروح لساحر استغفرالله .مشكور قلبي

ليتني شيخ قسم أحللك السحر
طيب مو يقولون : بـ الضروره تُباح المُحرمات
طيب حالتك هذي مو بس ضروره
إلا حاله مستعصيه محتاجه جميع الحلول سوى حلول محلله أو محرمه
هذي فيها تشتيت أسر وتدمير أنفس بريئه

[ღ♥ღ KSA ღ♥ღ]

لن يهنأ بالعيش من اذاق غيره بالظلم ليسعد ولو لحظه..


والله ان الظلم ظلمات..


واكيد كل شخص حصلة له مواقف مثل النوعيه هذي حتى لو كانت ليست بعضمها لكن تنطبق عليها

معادلة الظلم..التي معاييرها واظحه ودائماً يكون فيها ظالم ومظلوم اي انه يا ابيض يا اسود..


انا وقفني ظابط لخطء غير مقنع لتوقيفي..ثم وانى اتحدث معه وأمامنا.. اتى شخص وفعل اسوء من مافعلت ولا يقارن به وبل فحط امامنا ثم استوقفوه واتى وسلم على الظابط ثم اعطاه الاوراق وذهب..
اما انا فأخروني ساعه..ليش هالظلم..


انا متعاطف جداً معك ومع اختك الواجب عليك ان تكون جريء وتحمي نفسك واختك من ما يجري لكم


تحياتي لك

[خالد2007]

يا خي انت صرت رجال تصرف وامانه لاتغيب عن اختك خللك الاب والام والاخ والصديق مسكينه ياليتي اعرفه قرب له عطه وقتك لا تطلع بلاستراحه وتهيته وابوك اي نوع من الرجال هو ؟؟؟
صحيح صرت رجال بس مكسور الجناحين . كل شي بيديها وانا طل مابيدي غير الفلس.
انحرمت الروحات والكشتات بسبب اختي ومادمت حولها تخف عنها بس لو اروح للاستراحه او اسافر او اكشت استفردت فيهاا وسوت فيها اللي تبيه . يعني ملعونه بشكل ماتتصورونه وتطلع روحها من المشكله زي السلام عليكم وتصير الطقه براسي وراس اختي . مكاره وذكيه الله ينتقم منها.
ابوي مسلمها كل شي بالبيت وهو طيب بس مشكلته ضعيف قدامها وهذا اللي قاهرني.
تخيلي لو تطلب اختي شي علطول ابوي يناظر زوجته ان كانت موافقه مافيه مشكله وان كانت رافضه خلاص هو يرفض علطول .

[خالد2007]

ليتني شيخ قسم أحللك السحر
طيب مو يقولون : بـ الضروره تُباح المُحرمات
طيب حالتك هذي مو بس ضروره
إلا حاله مستعصيه محتاجه جميع الحلول سوى حلول محلله أو محرمه
هذي فيها تشتيت أسر وتدمير أنفس بريئه


ياحبيلك والله انك وسعت صدري بكلامك .يكفيني هالشعور والله يخلي لك اميمتك وتلحق برها . تكفى ياصاحي بوس امك مع راسها وضمها .تكفى طالبك

[خالد2007]

لن يهنأ بالعيش من اذاق غيره بالظلم ليسعد ولو لحظه..


والله ان الظلم ظلمات..


واكيد كل شخص حصلة له مواقف مثل النوعيه هذي حتى لو كانت ليست بعضمها لكن تنطبق عليها

معادلة الظلم..التي معاييرها واظحه ودائماً يكون فيها ظالم ومظلوم اي انه يا ابيض يا اسود..


انا وقفني ظابط لخطء غير مقنع لتوقيفي..ثم وانى اتحدث معه وأمامنا.. اتى شخص وفعل اسوء من مافعلت ولا يقارن به وبل فحط امامنا ثم استوقفوه واتى وسلم على الظابط ثم اعطاه الاوراق وذهب..
اما انا فأخروني ساعه..ليش هالظلم..


انا متعاطف جداً معك ومع اختك الواجب عليك ان تكون جريء وتحمي نفسك واختك من ما يجري لكم


تحياتي لك

ولله انك صادق وعنوان موضوعي يؤيد كلامك . الضعيف والمسكين هو اللي يدفع الثمن في زمن صارت القلوب مثل الحجر بس تاكد ماراح يضيع شي كله مسجل عند ربك وهذا اللي مصبرني ومصبر اختي .مشكور

[خالد2007]

وبختام موضوعي اقول لكل زوجة ابو ظالمه خوفي من الله بهالمساكين اللي تحت ايدينك وهم سبب انك تدخلين الجنه ولاتظلمينهم وتقسين عليهم .شوفي نفسك لو احد يبي يظلمك وش بتسوين وانتي كبيره مابالك ببزارين يحتاجون عطف وحب منك او على الاقل لاتوذينهم اتركيهم لله عز وجل وتذكري نار جهنم .
وفي النهايه ما ابغى منكم غير الدعاء لي ولاختي ولكل مظلوم منكم وان الله يخلي لكم امهاتكم واللي بعضكم الى هالحين مايعرفون قدرها . شكرا لجميع الاعضاء والعضوات على كلامهم ونصايحهم .ماتصدقون حسيت وانا ارد عليكم انكم اخواني وخواتي .مشكورين مره اخرى