:: نظرآت مادري وش تبيٌ :: [الأرشيف]

aĻŖeem

24-09-09, 05:00 am

السلآم عليكم رحمة الله

كثيرآ عند مقابلتنا لهم ربما للمرة الآولىآ وربما تكرر المرآت ..
تبدأ تلك النظرات من بعض الناس بالنظر من الآعلى الى الآسفل ولآ يوجد شي يشخصك الآ وتمعنٌ بالنظر بهِ وكأننا متوآجدين وسط رجــال نحنُ كـ نساء !
بل لو توآجدنا عند محارمنا لم يدققون النظر بنآ كدقة وحدة نظرات البعض !
..ونجدهآ من القريب قبل الغريبٌ مع الاسف ..ومن قسوة تلك النظراات وحدتهااا تبدأ الوساوس ربمآ لدى الشخص بالشكك بنفسه ويبدأ ربما يتفقد نفسهِ ويتسأل ...
هل هناك أمر خاطئ بنآ ..؟؟

وربمآ تكن تلك العاده القبيحة تتوآجد لدىآ النساء اكثر من الرجآال ..؟؟

ولآ نعلم مالسبب لتلك النظرآت المضايقه ..
هل هي اصبحت عآدة ..أم أسلوب قبيح لدىآ البعض .؟؟؟

كل التحيه

وضوح

24-09-09, 05:15 am

أهــلاً بالـــريم /

هذي هي عقدتي حقيقة ....!

عندنا الكثيييير ممن يتصف بتلكـ الصفات القبيحة ..وكما ذكرتي لما التكرار ..؟!

ولم أجد جواب ربما الفضول الزائد يدفعهم لتتبع الحركات والألفاظ واللباس وحتى المكياج..!

تحيتي لطرحكـ ،،

فتاة المستقبل

24-09-09, 05:23 am

وإذا التفتي لمه صدت ....واثر له ساعه تدقق

بعضهن تدقق بلبسك ؟؟ تشوف وجهك به حبوب .. وكم حبه به

شعرك به شيب وإلا لا ... ووشلون مسرحته
تشوف وشلون منسقه ملابسك ..همن لا رجعت للبيت يبدأ منوال الحش والحشيش

شفتوا فلانه وشلون قايل لبسه , وجزماته , ووشلون مشقره حواجبه ..

واللي يقهرزود لاجوا اهل الخاطب يناظرون البنت ..شوفي عيونهم شوي وتطلع من مكانه ما بقى إلا يعدون كم شعره براسه ..

موسى العناز

24-09-09, 05:32 am

الريم موضوعك رائع

ممكن تكون احد احتمالاتك

ولكن فيه شخصيّات تفرض عليك تأملها لكن مو بالصوره اللي ذكرتيها

يسلمو الريم

HENNO

24-09-09, 05:36 am

هل هناك أمر خاطئ بنآ ..؟؟ولآ نعلم مالسبب لتلك النظرآت المضايقه ..
هل هي اصبحت عآدة ..أم أسلوب قبيح لدىآ البعض .؟؟؟

هي شيء لا يوجد غير في مدينة بريدة
:)

العبرى

24-09-09, 05:38 am

بعض النظرات كرحلة إستكشاف عميقة..!

البعض إعتاد ذلك
لدرجة أن لايشعر بنفسه..
ويسبق الوقت لرؤية أكبر قدر ممكن من الوجوه وتفاصيلها..!

تحيتي,,,

ذات

24-09-09, 05:39 am

واثق الخطوه يمشي ملك ....

شميساوي

24-09-09, 05:46 am

أخــــتي الريـــم ...

أنـــا أرى بـــأن هــــذه الصفـــات من صفــــات (( الملاقيف )) ..

يحب يعـــرف كـــل شي ويشــــوف كـــل شيئ ...

حطـــي ببالك بـــأنك أفضـــل من اللي ينــاظرك ,,, لأنه شايف شي معجبـــه بس

ما يعرف كيف يناظر ...:4_1_107v[

يطيـــر عيـــونه بقــــلة أدب وبجــاحه ...

رحّــال

24-09-09, 06:01 am

في لحظات النعاس الممهدة إلي طريق النوم العميق بعد رحلة تعب قد ارهقت الجسد فاضت تساؤلات غبيه . اي النظرات هي ؟؟وأي المنظور هو ؟؟ الجنون , الغباء , الذكاء وتارة حب الاستطلاع . خابت الظنون ولم تفلح وظلت الشكوك مستوطنة أطراف الإجابة .

أوطان

24-09-09, 06:02 am

طيري بوهتك وناظري مثلهم من رادك؟!

مدام عبدالله

24-09-09, 06:20 am

والله هالشي مالاحظته الا في نساء بريدة

مااروح مستوصف ولا ملاهي ولا مكان جديد
الا يتمقلون كني من كوكب اخر

مدري وش هالعادة الشينه فيهم

وبصراحة مالقيت لها اي تفسير

النهى

24-09-09, 06:23 am

تصدقي ريمو احيانا يلاحظو فيك اشياء انتي مالاحظتيها بنفسك

بجد نوعيه تضايق
كان الله بالعون
سلملم ريميتي

بلزاك

24-09-09, 06:34 am

الكل ينتقد هنا
لا أدري عن تلك الطفيليات الخارقة لكوكبنا المتصفات بتلك الصفات الشنيعة

منكم وإليكم
وأنتم منهم

وضوح

24-09-09, 06:49 am

والله هالشي مالاحظته الا في نساء بريدة

مااروح مستوصف ولا ملاهي ولا مكان جديد
الا يتمقلون كني من كوكب اخر

مدري وش هالعادة الشينه فيهم

وبصراحة مالقيت لها اي تفسير

غاليتي ..

أكثر مضايقاتي (وبماانني عشت خارج بريدهـ الى عهد قريب

تأتيني من المدينة التي كنت فيها )....!

يعني في كل مدينه ومجتمع الجيد والرديء ...

تحيتي لكـ ،،

ShmOoOo5

24-09-09, 06:49 am

اكثر هالنظرات<< انتبهوا ماعمم .. تعبر عن اعجابهن بشكلك
هذي اللي انا الاحظه بالمناسبات

وبعدين اللي تتهم بنات بريده بهالصفه
احب اقوله ان هذي الصفه تجري بدم نساء البشريه كلهن
شكلك ماتشوفين افلام اوروبيه اجتماعيه !!

eivl girl

24-09-09, 06:53 am

انا احط عيني بعينها لمييييييين تشيل عينه
وبعدين اعطيه تكشيره سنعه واصد<<فديتني حبوبه دايم

بنت البدائع

24-09-09, 07:13 am

ياكثر هالعينات وخاصه ناس في بالي تربطنا بهم قرابه
ذكرتيني بالتمثال اللي قدامي بالإستراحة يوم العيـد :)
طالما إني واثقه من نفسي فما تفرق عندي أبداً تطالع من هنا لبكرى .,

تقديري .,

صريح جد

24-09-09, 07:32 am

ماشاء الله عليكن يا الحريم تحبن التمقل اكثر من الرجال والدليل لو تسئالين اي وحدة حضرت حفلة زواج كانت تعلمك كل وحدة من الحاضرات وش هي لبسة من فستان وطقم وساعة علشان تقلد بينما الرجال ماعندهم مثل ها الاشياء ابد لكن فية نضرات تكون اعجاب وفية نضرات ثانية استحقار

الفتـ الذهبي ـى

24-09-09, 07:35 am

الي يناظرك ناضريه , وقطعيه زي مايقطعك وبكذا ترتاحين نفسياً :f5:

Miss Tala

24-09-09, 07:42 am

لا وبعد يقعدون يشبهونك على الممثله الفلانيه والفنانه اللي ماادري وش جابه لك..من زود التمقل..صحيح بس بحريم بريده

إيثــــار

24-09-09, 08:03 am

ياربي حتى بالمسجد الوحده تتنقب وتجلس اطلاع من فوق لتحت

مافيه حل الا اذا كانت غريبه تنطين بوجهه وتقولين وش تناظرين

واذا قريبه ناظريه بأبتسامه وقولي بغيتي شيء؟؟

aĻŖeem

24-09-09, 09:44 am

أهــلاً بالـــريم /

هذي هي عقدتي حقيقة ....!

عندنا الكثيييير ممن يتصف بتلكـ الصفات القبيحة ..وكما ذكرتي لما التكرار ..؟!

ولم أجد جواب ربما الفضول الزائد يدفعهم لتتبع الحركات والألفاظ واللباس وحتى المكياج..!

تحيتي لطرحكـ ،،

اهلآ وضوح
الفضول ربمآ مرة واحدة أو مرتين لكن هم يدققون بكل حينٌ .؟.
وربمآ اللباس النظر به امر طبيعي لكن حينمآ تتبعك النظرات بكل وقت فهذا امر يبعث للنفس الضيق والشكك بهم بنفس الوقت !
رعاكِ الله

الورده النديّه

24-09-09, 10:04 am

اصبري اذا تزوجتي يالريم

تجلسين خمس سنوات وانتي تتضايقين من نظراتهم الحاده ,,

من قصة شعرك لين اظافر رجولك

وقولي ورده ماقالت 00

لكن تبين نظرات الاعجاب من نظرات الغيره من نظرات التأمل من نظرات الازدراء

أســماء

24-09-09, 10:13 am

أهلاآآآ ريموووو .. :)

أعتقد شرآآفــه وتنقــد .. :(

أكره هذي الحركــه .. ومتوآآجده بجميع التجمعآآت وخصوصا الكليات :(

<< عقدتي .. أنا واثقه من نفسي بس تسآآءل ببالي ليه كذآآآ ..!!

بنت رجـــال

24-09-09, 08:40 pm

يؤ..!!
يعني الى الآن من اللي ردوآ ماجآنآ أحد يعلمنآ هالنظرآت وش تبي.!؟؟

حروف مضيئه

25-09-09, 02:38 am

نظرات المرأهـ رادار جس وتجسس - جس جمالـ الرجال للمتعهـ - وتجسس على عيوب النساء للنقد والمذلهـ - فأحلاهمـ تلاقي النقد منهمـ - وأقبحهمـ تلاقي المديح - والحقيقهـ متناقضهـ ولا يصرح بها - فمن انتقدوها أعلم بأنها ارقى منهمـ - ومن يمدحونها أعلمـ بأنها أقل شأنا منهمـ

موسى العناز

25-09-09, 06:35 am

والله هالشي مالاحظته الا في نساء بريدة

مااروح مستوصف ولا ملاهي ولا مكان جديد
الا يتمقلون كني من كوكب اخر

مدري وش هالعادة الشينه فيهم

وبصراحة مالقيت لها اي تفسير

مو صحيح هالكلام!

aĻŖeem

25-09-09, 06:45 am

وإذا التفتي لمه صدت ....واثر له ساعه تدقق

بعضهن تدقق بلبسك ؟؟ تشوف وجهك به حبوب .. وكم حبه به

شعرك به شيب وإلا لا ... ووشلون مسرحته
تشوف وشلون منسقه ملابسك ..همن لا رجعت للبيت يبدأ منوال الحش والحشيش

شفتوا فلانه وشلون قايل لبسه , وجزماته , ووشلون مشقره حواجبه ..

واللي يقهرزود لاجوا اهل الخاطب يناظرون البنت ..شوفي عيونهم شوي وتطلع من مكانه ما بقى إلا يعدون كم شعره براسه ..

اهلآ فتاة المستقبل
صادقه يالغلآ ...مشكله هالشيء يضايق ..
واذا حنا ناظرنا لهم اكيد راح ينزعجون منآ ويتضايقوآ ..
يعني الشيء الي ماترضيه ع نفسك لآترضيه ع غيرك ..
الله المستعان ..
حياكِ الله

aĻŖeem

25-09-09, 06:48 am

الريم موضوعك رائع

ممكن تكون احد احتمالاتك

ولكن فيه شخصيّات تفرض عليك تأملها لكن مو بالصوره اللي ذكرتيها

يسلمو الريم

ربمآ اخي موسى العنآز
حتى لو كان شخصيات يعني هالشيء يبعث بالنفس الضيق والانزعاج ..
يعني بصراحه اشوفها مو حلوة ..وراه تضايق الي معك وتخليه ينزعج منك ..!
المفروض نخليه يستأنس وتكون جلسته معنا بكل اريحيه وبساطه ..
لكن بعض الناس اعوذ بالله بس
حياكَ الله

aĻŖeem

25-09-09, 06:52 am

هي شيء لا يوجد غير في مدينة بريدة
:)[/center]

لآأتفق معك ابدآ henno

حياكَ الله

aĻŖeem

25-09-09, 06:54 am

بعض النظرات كرحلة إستكشاف عميقة..!

البعض إعتاد ذلك
لدرجة أن لايشعر بنفسه..
ويسبق الوقت لرؤية أكبر قدر ممكن من الوجوه وتفاصيلها..!

تحيتي,,,

صدقتِ العبرىآ البعض اصبحت لديهِ عاده ..
لدرجة انه لآيشعر بنفسهِ :( وهو مايدري يطفش ويضايق الي قدامه ..
حياكِ المنان

الصافي

25-09-09, 06:56 am

عندنا وعندكم خير يا حريم

حنا بعض الناس اذا سلم من الصلاة قام يناظر بوجهك له ساعه واذا ما شافك زين دخل راسه بشماغك لما يعرفك واذا شاف الصف الاول قام يناظر اللي ورى لما يشيك على الصفوف كلها واذا خلص قال لا اله الا الله وقام ومشى ، وخلص اذكار بعد الصلاة كلها وهو مادرى وش قال ، والمشكله العدوى انتقلت للهنود من كثر ما يشوفون هالشي

( والله عادة مقيته )

aĻŖeem

25-09-09, 06:56 am

واثق الخطوه يمشي ملك ....

مو عن ثقه ..!
واذا كانت عن هالثقه موجودة ان شاء الله
والوضع مو مثل ماتتصوري ..بس احتمال انتِ ماجربتِ هالنظرات ..؟؟

حياكِ الله ذات

&نجدية كووول&

25-09-09, 06:58 am

والله عن نفسي ماآداني اللي ينااظرني زياادة عن اللزوووم
أما أنتي ناظريه بنظرااات يعني وش تبين
أو نزلي عينيك للأسفل علشان تفشل

aĻŖeem

25-09-09, 06:59 am

أخــــتي الريـــم ...

أنـــا أرى بـــأن هــــذه الصفـــات من صفــــات (( الملاقيف )) ..

يحب يعـــرف كـــل شي ويشــــوف كـــل شيئ ...

حطـــي ببالك بـــأنك أفضـــل من اللي ينــاظرك ,,, لأنه شايف شي معجبـــه بس

ما يعرف كيف يناظر ...:4_1_107v[

يطيـــر عيـــونه بقــــلة أدب وبجــاحه ...

ربمآ حب الفضول لديهم زائد .. ؟؟
ههه شر البليه مايضحك
حياكَ الله شيمسآوي

aĻŖeem

25-09-09, 07:07 am

في لحظات النعاس الممهدة إلي طريق النوم العميق بعد رحلة تعب قد ارهقت الجسد فاضت تساؤلات غبيه . اي النظرات هي ؟؟وأي المنظور هو ؟؟ الجنون , الغباء , الذكاء وتارة حب الاستطلاع . خابت الظنون ولم تفلح وظلت الشكوك مستوطنة أطراف الإجابة .

اخي رحــال ليست المسأله انها مجرد شكوك وتساؤلآت وظنون نسألها انفسنا قبل الخلود الى النوم كما اسلفت .. ؟؟
بل الوضع اكبر ماتتصور بل انها اصبحت عاده لدى الكثير مع الآسف ... !

شكرآ لك

aĻŖeem

25-09-09, 07:10 am

طيري بوهتك وناظري مثلهم من رادك؟!

طيب واذا كان مو من طبعهم يردونها لهم بالنظرات ..؟
فما جوأبك اخت اوطآن ..؟

aĻŖeem

25-09-09, 07:12 am

والله هالشي مالاحظته الا في نساء بريدة

مااروح مستوصف ولا ملاهي ولا مكان جديد
الا يتمقلون كني من كوكب اخر

مدري وش هالعادة الشينه فيهم

وبصراحة مالقيت لها اي تفسير

مدام عبد الله ليس فقط بنساء بريدة ؟
انا مو من بريدة :) ومنتشره عندنا هالعاده السيئه ..
حياكِ الله

aĻŖeem

25-09-09, 07:15 am

تصدقي ريمو احيانا يلاحظو فيك اشياء انتي مالاحظتيها بنفسك

بجد نوعيه تضايق
كان الله بالعون
سلملم ريميتي

شيء طبيعي

ممكن يناظرون فيني اكثر ماناظر بنفسي بالمرايه ..!
الله المستعان
نورتي سارونه :)

aĻŖeem

25-09-09, 07:19 am

الكل ينتقد هنا
لا أدري عن تلك الطفيليات الخارقة لكوكبنا المتصفات بتلك الصفات الشنيعة

منكم وإليكم
وأنتم منهم

بالفعل نظل منهمٌ مع الآسف الشديد ..
لكن مازال هناك البعض تشعر براحه كامله بجلستهِ بل بحديثك معه بل تودٌ ان تقضي كامل يومك معهُ من شدة بساطته ..وهناك العكس تماما ..
شكرآ لك بلزاك

aĻŖeem

25-09-09, 07:22 am

اكثر هالنظرات<< انتبهوا ماعمم .. تعبر عن اعجابهن بشكلك
هذي اللي انا الاحظه بالمناسبات

وبعدين اللي تتهم بنات بريده بهالصفه
احب اقوله ان هذي الصفه تجري بدم نساء البشريه كلهن
شكلك ماتشوفين افلام اوروبيه اجتماعيه !!

ربمآ شموخ عن اعجاب وربما شيء بالنفس نحن لآنعلم عنهُ .
وصدقتِ ليس هالشيء ببريدة فقط بل بأكثر النسساء ..
حياكِ الله

aĻŖeem

25-09-09, 07:23 am

انا احط عيني بعينها لمييييييين تشيل عينه
وبعدين اعطيه تكشيره سنعه واصد<<فديتني حبوبه دايم

هههه ايفل
ماشاء الله عليتس ..الله يحفظك :)

ذات

25-09-09, 08:37 am

مو عن ثقه ..!
واذا كانت عن هالثقه موجودة ان شاء الله
والوضع مو مثل ماتتصوري ..بس احتمال انتِ ماجربتِ هالنظرات ..؟؟

حياكِ الله ذات

عزيزتي ...
جربتها ...وماشفت بعيونهم غير الماء ...يعني خليهم يطالعون دامك واثقه ...:)
واحيانا تكون النظرات اعجاب يعني اعجبتيهم بس مو قادرين يعبرون الا بنظرات ..(جالسه ترقع لهم ) ...
توكلي على الله وماعليك منهم ..

عاشقة المدينة

25-09-09, 12:11 pm

جلست الفتاة الشابة في المقهى بانتظار خطيبها
الذي اتفق معها ان يلاقيها بعد انتهاء العمل
ارتشفت الشاي وجالت بنظرها في المكان
فرأت شابا ينظر اليها ويبتسم
لم تعره انتباها واستمرت في شرب الشاي
بعد دقائق اختلست نظرة بطرف عينيها
الى حيث يجلس الشاب فرأته مازال ينظر اليها
وبنفس الابتسامة , تضايقت جدا من هذه الوقاحة
وعندما جاء خطيبها اخبرته
نهض الخطيب واتجه نحو الشاب
ولكمه لكمة قوية في الوجه اطاحته ارضا
نظرت الفتاة الشابة نظرة إعجاب الى رجولة خطيبها
ودفاعه عنها في مقابل نظرات الشاب الوقحة
وخرجا من المقهى يدا بيد

بعد لحظات نهض الشاب بمساعدة النادل
ووضع نظارته السوداء على عينيه
ورفع عصاه وتحسس طريقه الى خارج المقهى

هل كل من نظر إليك تعتقد أنه يدقق في ملامحك

أحياناً تكون هناك نظرات بدون تركيز

وأحياناً تكون كهذه النظرات

عازفة ألحان الليل

26-09-09, 04:08 am

اعجبني الموضوع وبقوووة

صدقتي وكأن بعضهن تتعمد مضايقتك بنظراته والدليل انها تجلس بالساعات وهي تنظر

ذكرتين بوحدة طولت وهي تناظر ونا كنت افوت وفوت وفوت على بالي انها نظرات عاديه... لكنها جلست اكثر من 3ساعات وهي تناظر

وبكذا عرفت ان الدعوة مقصودة ومن قوة الزعل الي بي وزعلت لاني عرفت انها مقصودة

صرخت بوجهة لكني كنت بعيدة عنه شوي وهي خافت وبقووووة وفشلت بقوووة ولا قدرت تقول

شي الا تبسم منحرجة خخخخخ

عاشق بلا حبيب

26-09-09, 06:43 am

مووضووع رااائع ........

بصراااحة الرجاال .. ليس عندهم هذه النظرااات ..

لو انى بمكاانك ... كااان اقراء المعوووذااات .... اذااا كثرت تدقيقها وتحديقها فينى ...
ممكن تناااااظر طريقة مكياااجك ... او ملااابسك .. او تقسيماات ووووجهك .... او كماالياااتك ..
لااكن هذا الاااامر .... لااايغفر لها ..... تدقيق النظرااااات .... ماااادرى كيف ماااتستحى وتخجل ...

تشكراااتى

aĻŖeem

27-09-09, 08:18 am

ياكثر هالعينات وخاصه ناس في بالي تربطنا بهم قرابه
ذكرتيني بالتمثال اللي قدامي بالإستراحة يوم العيـد :)
طالما إني واثقه من نفسي فما تفرق عندي أبداً تطالع من هنا لبكرى .,

تقديري .,

:)

ليس الآمر عن ثقه بالنفسُ ..
الامر انها تضايقك ..وتزعجك ..وتمللك من الجلسه كلهآ ..
شكرآ بنت البدآئع

aĻŖeem

27-09-09, 08:21 am

ماشاء الله عليكن يا الحريم تحبن التمقل اكثر من الرجال والدليل لو تسئالين اي وحدة حضرت حفلة زواج كانت تعلمك كل وحدة من الحاضرات وش هي لبسة من فستان وطقم وساعة علشان تقلد بينما الرجال ماعندهم مثل ها الاشياء ابد لكن فية نضرات تكون اعجاب وفية نضرات ثانية استحقار

ليس كل النساااء ..

البعض منهن لو سألتهن وش كانوآ الحريم الي كانوآ معك لآبسين ماتدري وبالآصح ماتدقق ..
لكن اتفق معك ان الآغلب كما ذكرت لكن تظل اصابع يدك ليست سواسيه ..
والجميل ان جنس الرجال ليس لديهم تلك الصفه السيئه ..

شكرا لك صريح

aĻŖeem

27-09-09, 08:24 am

الي يناظرك ناضريه , وقطعيه زي مايقطعك وبكذا ترتاحين نفسياً :f5:

:4_1_104[1

جآري التطبيق ..

شكرا لك الفتىآ الذهبي

aĻŖeem

27-09-09, 08:26 am

لا وبعد يقعدون يشبهونك على الممثله الفلانيه والفنانه اللي ماادري وش جابه لك..من زود التمقل..صحيح بس بحريم بريده

صحيح ..
جد نآس فاضيه والله ..

شكرا لكِ Miss Tala

aĻŖeem

27-09-09, 08:29 am

ياربي حتى بالمسجد الوحده تتنقب وتجلس اطلاع من فوق لتحت

مافيه حل الا اذا كانت غريبه تنطين بوجهه وتقولين وش تناظرين

واذا قريبه ناظريه بأبتسامه وقولي بغيتي شيء؟؟

اهلآ سفيرة

والله صادقه عاد المتنقبآت يخوفوون:e5:
بس حلك حلو بشرط ان تكون الآبتسامه :) مثل هذه ..

شكرا لكِ

aĻŖeem

27-09-09, 08:32 am

اصبري اذا تزوجتي يالريم

تجلسين خمس سنوات وانتي تتضايقين من نظراتهم الحاده ,,

من قصة شعرك لين اظافر رجولك

وقولي ورده ماقالت 00

لكن تبين نظرات الاعجاب من نظرات الغيره من نظرات التأمل من نظرات الازدراء

عاد الزوج خله ينآظر ومانقدر نقوله شيء :)
لكن نظرات الناس بأي صفه يناظرون لآ وبعد تمسك بهالنظرات من تحت لفوووق :e5:
شكرآ لكِ الورده النديه

aĻŖeem

27-09-09, 08:35 am

أهلاآآآ ريموووو .. :)

أعتقد شرآآفــه وتنقــد .. :(

أكره هذي الحركــه .. ومتوآآجده بجميع التجمعآآت وخصوصا الكليات :(

<< عقدتي .. أنا واثقه من نفسي بس تسآآءل ببالي ليه كذآآآ ..!!

اهلآ اسووومه
والله صح كل تجمع تلآقينهم حتى مايسولفوون بس شغالين بهالنظرات ههه
قولي بالكليه الجامعه يعني عادي من عمرك لكن البلآ لو جاءت حرمه كبيره ومتنحه فيك ههه
شكرا لطلتكِ اسومه

aĻŖeem

27-09-09, 08:37 am

يؤ..!!
يعني الى الآن من اللي ردوآ ماجآنآ أحد يعلمنآ هالنظرآت وش تبي.!؟؟

لو افديتنا بوجهة نظرك :)
شكرا لكِ بنت رجــال

aĻŖeem

27-09-09, 08:41 am

نظرات المرأهـ رادار جس وتجسس - جس جمالـ الرجال للمتعهـ - وتجسس على عيوب النساء للنقد والمذلهـ - فأحلاهمـ تلاقي النقد منهمـ - وأقبحهمـ تلاقي المديح - والحقيقهـ متناقضهـ ولا يصرح بها - فمن انتقدوها أعلم بأنها ارقى منهمـ - ومن يمدحونها أعلمـ بأنها أقل شأنا منهمـ

كفيت ووفيت حروف مضيئه لآتعليق بعد ردك سوىآ الشكر الجزيل لك ..

aĻŖeem

27-09-09, 08:44 am

عندنا وعندكم خير يا حريم

حنا بعض الناس اذا سلم من الصلاة قام يناظر بوجهك له ساعه واذا ما شافك زين دخل راسه بشماغك لما يعرفك واذا شاف الصف الاول قام يناظر اللي ورى لما يشيك على الصفوف كلها واذا خلص قال لا اله الا الله وقام ومشى ، وخلص اذكار بعد الصلاة كلها وهو مادرى وش قال ، والمشكله العدوى انتقلت للهنود من كثر ما يشوفون هالشي

( والله عادة مقيته )

لآحول ولآقوة الله
بدل مايذكر الله ويستغفر شغال نظرات !
الله المستعان
شكرآ لك الصافيٌ

aĻŖeem

27-09-09, 08:47 am

والله عن نفسي ماآداني اللي ينااظرني زياادة عن اللزوووم
أما أنتي ناظريه بنظرااات يعني وش تبين
أو نزلي عينيك للأسفل علشان تفشل

ومن يدآنيهآ يانجديه !
لآوالله انزل عيني افضل من اناظرها ههه
شكرآ لكِ

aĻŖeem

27-09-09, 08:49 am

عزيزتي ...
جربتها ...وماشفت بعيونهم غير الماء ...يعني خليهم يطالعون دامك واثقه ...:)
واحيانا تكون النظرات اعجاب يعني اعجبتيهم بس مو قادرين يعبرون الا بنظرات ..(جالسه ترقع لهم ) ...
توكلي على الله وماعليك منهم ..

اهلآ ذات بكِ مجددا
والله صادقه افضل شيء التطنيش لهمٌ :)

شكرأ لكِ

HENNO

27-09-09, 10:46 pm

لآأتفق معك ابدآ henno

صحيح
اذهبي لغير بريدة وستشاهدي وجهة نظري
تحياااتي

السيده توته

27-09-09, 10:59 pm

الي تناظرن كذا اعطيها منديل تمسح لا نها اكلتن

غَسَقْ,

28-09-09, 03:02 am

أَهَمْ شَيء تَكُوْن نَظرآتهم إِسلآميه !!بدون حسد وبغض يآلريم ...

aĻŖeem

28-09-09, 09:18 am

جلست الفتاة الشابة في المقهى بانتظار خطيبها
الذي اتفق معها ان يلاقيها بعد انتهاء العمل
ارتشفت الشاي وجالت بنظرها في المكان
فرأت شابا ينظر اليها ويبتسم
لم تعره انتباها واستمرت في شرب الشاي
بعد دقائق اختلست نظرة بطرف عينيها
الى حيث يجلس الشاب فرأته مازال ينظر اليها
وبنفس الابتسامة , تضايقت جدا من هذه الوقاحة
وعندما جاء خطيبها اخبرته
نهض الخطيب واتجه نحو الشاب
ولكمه لكمة قوية في الوجه اطاحته ارضا
نظرت الفتاة الشابة نظرة إعجاب الى رجولة خطيبها
ودفاعه عنها في مقابل نظرات الشاب الوقحة
وخرجا من المقهى يدا بيد

بعد لحظات نهض الشاب بمساعدة النادل
ووضع نظارته السوداء على عينيه
ورفع عصاه وتحسس طريقه الى خارج المقهى

هل كل من نظر إليك تعتقد أنه يدقق في ملامحك

أحياناً تكون هناك نظرات بدون تركيز

وأحياناً تكون كهذه النظرات
بآرك الله فيكِ عاشقة المدينه :)
صحيح ربمآ نتسرع بالحكم ع الآخرين وبالنهايه يظهرون العكس وغير مانتوقع بتاتاً ..
شكرآ يانقيه ودام فكرك النير :)

aĻŖeem

28-09-09, 09:21 am

اعجبني الموضوع وبقوووة

صدقتي وكأن بعضهن تتعمد مضايقتك بنظراته والدليل انها تجلس بالساعات وهي تنظر

ذكرتين بوحدة طولت وهي تناظر ونا كنت افوت وفوت وفوت على بالي انها نظرات عاديه... لكنها جلست اكثر من 3ساعات وهي تناظر

وبكذا عرفت ان الدعوة مقصودة ومن قوة الزعل الي بي وزعلت لاني عرفت انها مقصودة

صرخت بوجهة لكني كنت بعيدة عنه شوي وهي خافت وبقووووة وفشلت بقوووة ولا قدرت تقول

شي الا تبسم منحرجة خخخخخ

ههههههههههههه الله يسعدك يآرب
3 ساعات ماتمل من هالنظرات ..!!
زينٌ بعد ماكملت 24 سآعه ههههه
بس احلى شيء صراخك لها ههههه :)
شكرآ ع طلتك الفنانه
ربي يحفظك

aĻŖeem

28-09-09, 09:26 am

مووضووع رااائع ........

بصراااحة الرجاال .. ليس عندهم هذه النظرااات ..

لو انى بمكاانك ... كااان اقراء المعوووذااات .... اذااا كثرت تدقيقها وتحديقها فينى ...
ممكن تناااااظر طريقة مكياااجك ... او ملااابسك .. او تقسيماات ووووجهك .... او كماالياااتك ..
لااكن هذا الاااامر .... لااايغفر لها ..... تدقيق النظرااااات .... ماااادرى كيف ماااتستحى وتخجل ...

تشكراااتى

اهلآ عآآشق..

صدقت نعم

وربمآ ينطبق هذا القولٌ لهمٌ( أن لم تستح فأصنع ماشئت )
شكرآ لك

aĻŖeem

28-09-09, 09:29 am

صحيح
اذهبي لغير بريدة وستشاهدي وجهة نظري
تحياااتي

اخي هينو انا لستُ من منطقة بريدة ومتوآجده لدينآ هذه العاده السيئه ..
ياترىآ هل مازلتُ مُصِر انها مازلت منحصره فقط ببريدة ؟؟
حياكَ الله

aĻŖeem

28-09-09, 09:33 am

الي تناظرن كذا اعطيها منديل تمسح لا نها اكلتن

:)

وماعلآقة المنديل بالآمر ..؟؟

حياكِ الله سيدة توته

aĻŖeem

29-09-09, 10:17 am

أَهَمْ شَيء تَكُوْن نَظرآتهم إِسلآميه !!بدون حسد وبغض يآلريم ...

بالفعل آخي حرف فهنآك بعض النظرآت تبعث للنفس الرآحه ..وتشعر بأن خلفهآ ابتسامه وقلوب نقية وهنآك العكس :)
شكرآ لك حرف

مخاوي القايله

29-09-09, 10:35 am

بالفعل انا اعاني من هذا االامر ..
وربما الكثيرمثلي وخاصة في المسجد اجد البعض اذا كان ممن ادرك مع الامام الركعة الاولى تجده بعد سلام الامام يلتفت الى الخلف بزواية 360 درجه ..
ويبدأ يبحلق بالمامومين يمنة ويسره ويكرر ويطيل النظره كانه ماشافك من زمان ..!!
لو كان الامام يفعل هذا الشي لاباس لانه مسؤل عن جماعته ولابد يتفقدهم ..
او لو كانت النظره عابره وعاديه مافيه اشكال حتى لو تكررت مرتين اوثلاث حتى ..
لكن يطيل النظر بشكل غريب هذا الذي لااجد له تفسير ..!!

ربما هي عادة تعود عليها ..!!

شكرآ الريم ..

~عاليه~

29-09-09, 10:53 am

ماأقبح هذه العاده ..
لا وأحياناً تكوني متحمسه بموضوع معين او سالفه وتحصلينا اللي قبالك بعالم ثاااني جالسه تتمقل فيك صح ..
انواع الأحراج ليش كذا وش راح تستفيدي !!

الله يحفظنا باسمه الكريم ~

الريم اسعد الله وابعد عنك المتطفلات والمتطفليين : )

صريح جد

29-09-09, 11:26 am

اكرة شي اذا شريت اغراض في السوبرماركت بعضهم يطب في وسط العربية يشوف وش انت شاري والا با السوق انواع المناضر في الاكياس خخخخخخخخ

aĻŖeem

29-09-09, 12:25 pm

بالفعل انا اعاني من هذا االامر ..
وربما الكثيرمثلي وخاصة في المسجد اجد البعض اذا كان ممن ادرك مع الامام الركعة الاولى تجده بعد سلام الامام يلتفت الى الخلف بزواية 360 درجه ..
ويبدأ يبحلق بالمامومين يمنة ويسره ويكرر ويطيل النظره كانه ماشافك من زمان ..!!
لو كان الامام يفعل هذا الشي لاباس لانه مسؤل عن جماعته ولابد يتفقدهم ..
او لو كانت النظره عابره وعاديه مافيه اشكال حتى لو تكررت مرتين اوثلاث حتى ..
لكن يطيل النظر بشكل غريب هذا الذي لااجد له تفسير ..!!

ربما هي عادة تعود عليها ..!!

شكرآ الريم ..

اهلآ مخاوي القايله
عجبا حتى مثل هالنظرات عند الرجال لااااااا وأين ..؟
ببيت الله:e5:
بدل مايشغل نفسهِ بذكر الله والصلآة والآستغفار يشغل نفسه باالنظر الى فلآن وعلآنٌ ..
الله المستعان كنت اتوقع حب الفضول مقتصره عند النساء لكن تغيرت نظرتي بعد هذا الموضوع ..
شكرا لك مخاوي

aĻŖeem

29-09-09, 12:29 pm

ماأقبح هذه العاده ..
لا وأحياناً تكوني متحمسه بموضوع معين او سالفه وتحصلينا اللي قبالك بعالم ثاااني جالسه تتمقل فيك صح ..
انواع الأحراج ليش كذا وش راح تستفيدي !!

الله يحفظنا باسمه الكريم ~

الريم اسعد الله وابعد عنك المتطفلات والمتطفليين : )

اي والله صادقه وانتِ تسولفي وداخله بالسوالف تلآقي وحده متنحه فيك ..!!
اللهم آمين ويحفظنآ اجمعين من كل مكروه وسؤء ..
حياكِ الله عاليه نورتي

الطائر المحلق

29-09-09, 12:39 pm

غض البصر عن المحرمات وماعدا ذلك ماتقدر تمسك الناس عن النظر

aĻŖeem

29-09-09, 12:42 pm

اكرة شي اذا شريت اغراض في السوبرماركت بعضهم يطب في وسط العربية يشوف وش انت شاري والا با السوق انواع المناضر في الاكياس خخخخخخخخ

صدقت صريح خصوصآ اذا كانت السله لآاله الآ الله ممتلئه بالمأكولآت والمشروبات تلآقي المارين يناظرون وش مشتري ماكأنهم بالسوبرماركات !
عجباً

حياك الله صريح جد

aĻŖeem

29-09-09, 12:58 pm

قبل رمضآن رحت انا واهلي وكان وقتها معنآ اخوي الكبير المهم ملينآ السله ( معكرونه وحلآ وعصيرات وشبسااات ) يعني ماشاء الله السله لفمهااا ممتلئه :)
والكل صار ينآظر هههه اخوي قال الله يهديكم كان ماشريته كل شيء الناس ماتعطي خير ههه
وهذا هم بالسوبرماركت طيب اشتروووآ احد ماسكم *_* بس شغالين بهالعيون هههههه

الطائر المحلق

29-09-09, 01:16 pm

8888888888
تحلفين ان مابه الا انتم تشرون العصيرات والشبشات ياشيخه عيب عليك كلام اطفال ترانا موب بزارين

aĻŖeem

29-09-09, 01:18 pm

8888888888
تحلفين ان مابه الا انتم تشرون العصيرات والشبشات ياشيخه عيب عليك كلام اطفال ترانا موب بزارين

انا ماقلت مافيه غيرنآ وفيه وآجد بعد بس فيه ناس منظورين
يعني من تروح مكان تلآقي الكل يناظرك
و هالشيء موجود ورد صريح وردي السابق كآفيٌ
حياك الله

aĻŖeem

29-09-09, 01:21 pm

غض البصر عن المحرمات وماعدا ذلك ماتقدر تمسك الناس عن النظر

بس نظر عن نظر يفرق ..؟
حياك الله

جلوي العتيبي

29-09-09, 01:28 pm

الريم

ترا البعض يبداء يهوجس ويدقق النظر باللي حوله .عاده غريبه

بس اذا شفتي احد يدقق النظر حركي فكره بسؤال مباشر لعل الله يفكه من الحاله :)

aĻŖeem

01-10-09, 09:50 am

الريم

ترا البعض يبداء يهوجس ويدقق النظر باللي حوله .عاده غريبه

بس اذا شفتي احد يدقق النظر حركي فكره بسؤال مباشر لعل الله يفكه من الحاله :)

الآ أصبحت ليست غريبه الآ معتاده عند الآغلبيه ..
وفكرة السؤال فكره جيده ..ومخرج لتلك النظرات :)
آشكرك استاذ / جلوي
حياكَ الله

صريح جد

01-10-09, 10:27 am

المشكلة يا الريم انة عندما تاتي النضرة المهمة والتمقل الي على سنع الي هو عند الشوفة او النضرة الشرعية عند الخطبة تجدين البعض مايناظر وينزل نضرة الى الارض تقل جاي يخطب البلاط سواء من البنت او الولد وبعدين عندما يتزوج يطلق ها البنت لانة يقول ما اعجبتني مهب زينة ها البنت طيب وينك عند الشوفة ليش ما ناضرت وتمقلت وانت كل عمرك مطير عيونك في ها البنات

سموه بديني

01-10-09, 11:51 am

فعلا ياكثرهم وخصوصا اللي يتمقلونك من تحت لتحت
اللي اذا ألتفتي صد بسرعه يعني تراي ماسويت شي
بس انا اتوقع أن الشخص اللي يتمقلني لهالدرجه فيه شي من الحسد نوعا ما
وأحيانا يكون اعجاب ولا نستطيع الحكم على نيات الأخرين ولكنها بالفعل صفه قبيحه
ومن هنا نستشعر حكمة الله سبحانه من غض البصر عموما

aĻŖeem

02-10-09, 03:39 pm

المشكلة يا الريم انة عندما تاتي النضرة المهمة والتمقل الي على سنع الي هو عند الشوفة او النضرة الشرعية عند الخطبة تجدين البعض مايناظر وينزل نضرة الى الارض تقل جاي يخطب البلاط سواء من البنت او الولد وبعدين عندما يتزوج يطلق ها البنت لانة يقول ما اعجبتني مهب زينة ها البنت طيب وينك عند الشوفة ليش ما ناضرت وتمقلت وانت كل عمرك مطير عيونك في ها البنات

اهلآ صريح
صحيح لكن مو شرط انه يعجب بجمالهآ الآهم الرآحه من كلآ الطرفين ..
شكرآ لمداخلتك الطيبه
هلآبك

aĻŖeem

02-10-09, 03:40 pm

فعلا ياكثرهم وخصوصا اللي يتمقلونك من تحت لتحت
اللي اذا ألتفتي صد بسرعه يعني تراي ماسويت شي
بس انا اتوقع أن الشخص اللي يتمقلني لهالدرجه فيه شي من الحسد نوعا ما
وأحيانا يكون اعجاب ولا نستطيع الحكم على نيات الأخرين ولكنها بالفعل صفه قبيحه
ومن هنا نستشعر حكمة الله سبحانه من غض البصر عموما

سموبدينك
بارك الله فيك وفي حروفك ..

اسم العضو

02-10-09, 03:50 pm

مشكلتك ياريم ليس لديك بطاقة هوية خاصه بك .

أحدهم حاول أهانتي بنظراته كما وصفتي في موضوعك .

لكنني بادرته وأخرجت له بطاقتي الشخصية وأحرجته أمام الجميع .

مع ذكري له تفضل بها جميع المعلومات .
الصورة ... وعمري ... ومهنتي .

عندها تمنى أن تبتلعه الأرض من الخجل !!!

سلام ...

سكون بريده

02-10-09, 03:56 pm

السلآم عليكم رحمة الله

كثيرآ عند مقابلتنا لهم ربما للمرة الآولىآ وربما تكرر المرآت ..
تبدأ تلك النظرات من بعض الناس بالنظر من الآعلى الى الآسفل ولآ يوجد شي يشخصك الآ وتمعنٌ بالنظر بهِ وكأننا متوآجدين وسط رجــال نحنُ كـ نساء !
بل لو توآجدنا عند محارمنا لم يدققون النظر بنآ كدقة وحدة نظرات البعض !
..ونجدهآ من القريب قبل الغريبٌ مع الاسف ..ومن قسوة تلك النظراات وحدتهااا تبدأ الوساوس ربمآ لدى الشخص بالشكك بنفسه ويبدأ ربما يتفقد نفسهِ ويتسأل ...
هل هناك أمر خاطئ بنآ ..؟؟

وربمآ تكن تلك العاده القبيحة تتوآجد لدىآ النساء اكثر من الرجآال ..؟؟

ولآ نعلم مالسبب لتلك النظرآت المضايقه ..
هل هي اصبحت عآدة ..أم أسلوب قبيح لدىآ البعض .؟؟؟

كل التحيه

قبل ما اقرأ الردود
اتوقع أنهم عندهم ضعف نظر عشان كذا يبحلقون بالواحد كن علم
وهم ما عندهم ما عند جدتي الله يرحمها

aĻŖeem

02-10-09, 04:07 pm

مشكلتك ياريم ليس لديك بطاقة هوية خاصه بك .

أحدهم حاول أهانتي بنظراته كما وصفتي في موضوعك .

لكنني بادرته وأخرجت له بطاقتي الشخصية وأحرجته أمام الجميع .

مع ذكري له تفضل بها جميع المعلومات .
الصورة ... وعمري ... ومهنتي .

عندها تمنى أن تبتلعه الأرض من الخجل !!!

سلام ...

هنآك من الانآسُ لديهم طريقه خآصه ..
وطرقٌ فنيه ويتقنون ذلك
واعني بكلآمي مثلآ ان ضايقك الشخص المقابل بنظرات بكلآم بتصرف بموقف ..الخ
لديهم طرق جهنميه ع الدفاع عن انفسهم ...
يوحي لي أنك منهم يااسم العضو :)
شكرآ لكٌ

aĻŖeem

02-10-09, 04:13 pm

قبل ما اقرأ الردود
اتوقع أنهم عندهم ضعف نظر عشان كذا يبحلقون بالواحد كن علم
وهم ما عندهم ما عند جدتي الله يرحمها

ربمآ :)
حياك الله سكون بريده ..