فن التجميل والزينه0000ودعي المشغل0

[بنت الكرم 2008]

مرحبا يا صبايا كيفكم أن شاء الله بخير وعافيه دوم الدوم
وكل عام وأنتم بخير وعساه ينعاد علينا وعليكم بالخير والمسره دايما 0000
أدري بتقلون العيد خلص بس بعد بعطيكم عيديتكم ولا تغلا عليكم
هذي طريقه بتخلي الأستشوار بيضبط معك ولاهو نافش بعد فتره (يعني شغل مشغل )
جيبي علبه بخاخ فاضيه وصبي فيها شوي بلسم الشعر ( النوع المناسب لك ) ثم أملي العلبه بالمويه ورجيها خفيف لي تمتزج زين ثم بخيها على كامل الشعر وقسمي الشعر خصل رفيعه وأستشوريه عادي 0
وهذي الطريقه جربتها على أنواع من الشعر وطلعة حللللووووووه وهي (الناعم و العادي والأجعد شوي)

========================================

شوفو بنات ودي أقترح أقتراح الي هو نسوي صفحه نجمع فيها بعض الأفكار والطرق في التجميل والأهتمام بالمظهر حتى نرتاح من هم المشاغل والنصب بالأسعار والخدمه الي بشحاده وكل وحده تقول نوع البشره والشعر الي طبقت عليه الطريقه المذكوره من باب الحرص فقط حتى مايتوهقون البنات 00000
ok نبدى0

[بنت الكرم 2008]

طريقة تنعيم الأرجل والأيادي 00000
دهني بفازلين والبسي قفاز بلاستك على اليد والأرجل في جرابات بلاستك في الصيدليه خاص بس أذا ماهو موجود أربطي كيسه وخليه ساعه أو أكثر لين تملين منه ثم غسليها بخفه و أهم شي تجففين الأرجل بالذات حتى متتكون فطريات وألتهابات 0

[بنت الكرم 2008]

قناع الخيار النضارة الوجه مره بالأسبوع (للبشره العاديه والجافه ) بس الدهنيه مو متأكده ينفع معها أو لأ
جيبي خياره عصريها ثم أخلطي معها حليب بودره لين تصير ثخينه شوي وأفرديها على الوجه بأتجاه التجاعيد
الخد بحرك دائريه وأتجاه عقارب الساعه((قلبتها فيزياء ))
الأنف أسفله نحركه بأتجاه الخد ***أم الأعلى نحركه لفوق بأتجاه الجبهه
الجبه نحركه من وسط الجبها للأطراف وبعد للأعلى
الذقن نحركه لتحت
والرقبه نحركها للأسفل هذا وسطها أما الجوانب فانحرك ونشد على ورا
========
طبعا نحطه بعد ما نسوي تنظيف وبخار للوجه والرقبه 0

[≈ Śķőőŋ »]

حلو الموضوع

وياليت الكل يتفاعل عشان نفتك من هالمشاغل

وياليت كل وحده تكتب شي تكون مجربته عشان ماحد يتوهق

عندي اشياء كثير

لي باك ان شاءالله وقول الي عندي ^_^

عــوآآفي ..

[بنت الكرم 2008]

شواطئ أشكر مرورك -------
أسدحي ماعندك (وربعن تعاونوما ذلو)-

[نواره]

مااعتقد اننا نقدر نستغني عن المشاغل
خصوصا في المناسبات
انا اخذت بدل الدوره الف
وعلى يد اخصائيات لبنانيات
لكن احب اجلس على كرسي
ولااتعب نفسي

لكن فكره حلوه نحاول نخلي عنا العجز
وهذي فكرتي
ريشة الكحل
دائما رطبيها بالمويه لجل يمشي معك الكحل بسهوله
والاي شدو عشان تقدرين ترسمينه زي ماتبين


تحياتي

[العبرى]

نلجأ كثيراً للمشاغل لتوفير الجهد ولتحقيق أفضل النتائج..وأسرعها أحياناً
وفي بعض المناسبات..يمنعنا التوتر من التحكم بأمور الزينة بشكل صحيح..!


سأعود إذا وجدت المفيد
وأتمنى أن يحقق الموضوع الفائدة للجميع


شكراً لك



تحيتي,,,

[بنت الكرم 2008]

نواره شكرا على المرور وفكرتك بجربها بأذنه
و نطلب المزيد منك ومن باقي الأخوات-

[بنت الكرم 2008]

العبرى شكرا لك المرور العطر --
صح المشاغل مالنا غنى عنها خصوصا أذا كان زواج خاص بنا بس المقصود بأن نستغني عن المشغل في العيد والمناسبات العاديه مثل التخرج والعقيقه والملكه ولي بحكمها 00
وبعدين في شغلات أو لمسات خاصه لو نعرفها كان ضبطا أنفسنا بكل أرياحيه
مثل أستخدام البلسم في الأستشوار حيل ريحني من الروحه للمشغل قبل المناسبه أو العيد في الصبح أو الظهر وخصوصا ليلة العيد أمسكي سرى 0
أم المكياج فصرت أضبطه أحلى من المشاغل بكثير من خلال التجربه والأستخدام الدائم له وبذالك أستغنية عن المشاغل تقريبا حتى في زواجات الأقارب و أذا بغيت أروح فبيكون علشان التسريحه صعبه ومع كذا أقعد أشوف وأركز كيف تسويها وأطبق لين أعرفها

[بنت الكرم 2008]

طيب سؤال كيف نسوي الكيرلي ؟؟؟؟؟ أنا شرية جهاز فيه قطعه زي الفير بس كبير ويدخل معاه رول مشط جربة أسويه بدون رول المشط وبالمشط هو لف حلو وشكله حلو بس مو مثل الكيرلي فا الي تعرف طريقته لا تبخل علينا ----
وبعد أبي شي يثبت شكل الشعر بدون ما يخليه قاسي تقل لستك ---

[بنت الكرم 2008]

وخذو هذي المعلومه أستبدلو كريم اليل بدهن الوجه بزيت زيتون وهو مفيد في تغذية الوجه ويرطبه ويشد الوجه طبيعا وبلطف وبالتالي يؤخر ظهو التجاعيد (من الدكتور عبد الباسط) ويؤكده تجربة الوالده هي تستخدمه طول عمرها وماشاء الله تقل أختنا مو أمنا وهي بشرتها عاديه 0

[مدام عبدالله]

اولا اشكرك يابنت الكرم على هالموضوع والفكرة الحلوة
ثانيا صح المشاغل مانستغني عنها بالمناسبات احيانا عشان تسريحات ومكياج احترافي

لكن المكياج مع الوقت ماراح يفيد في بشرة مهمله
او التسريحات ماراح تجمل شعر تعبان
يعني مالنا غناة عن العنايه اليوميه المنزليه


بالنسبه للفازلين جنان انا مااستغني عنه للايدي والارجل
لانها تحفظهم من الجفاف خاصه الايدي بعد الغسيل والشغل والكرف

البشره في اشياء كثيره وخفيفه ممكن تستخدم
مثلا
مكعبات ثلج ماء الورد تمرر على الوجه والرقبه كل صبح
تبيض البشرة وتنقيها وتورد الخدود بشكل رائع

اللبن وخاصه الي منتهي تاريخه لاترميه يكون فيه الاحماض مركزة
وهالشي جدا مفيد للبشره
يعتبر منظف عميق للبشرة
يفضل استعماله قبل النوم على قطنه ويمسح بها الوجه والرقبه ويغسل
والصبح الثلج

استمري عليه وبعد فترة بتشوفين نتيجه رائعه


امممممممممممممممممم

وش بعد وش بعد

اوكي لمااتذكر شي اجي اقولكم

يارب اكون افدتك بنوته بهالرد

دمتي بود

[مدام عبدالله]

بالنسبة للكيرلي غالبا يكون على طبيعة الشعر
اذا شعرك ناعم ويطيح لازم تكثري بخخات ورغوة عشان يثبت

ويختي لاتخلي احد يمسكه :(

انا مرة سويته وطلع مجنوووون بس لا تلمسيه كنه خشب هههههههههه

وش اسوي والله يطيح مايثبت


بس اسلم الطرق والطفها بالشعر انك تبللي الخصله بمويه اول وبعدين جل وتلفيها

وتفكيها من الفير شوي شوي وخليها متماسكه لاتفكيها الا على اخر لحظة

وهي الي بعرفو

واي سؤال امري يمكن اعرف

[Netizen]

ألف شكر أختي الفاضلة على الموضوع القيم.
بنات فيه عندكم تسريحات صباحية (للجامعة) بسيطة وسريعة وهادئة؟ غير الذيل، وغير الجديلة الفرنسية .. الله يعافيكم ساعدونا.

وشكرا

[بنت الكرم 2008]

Netizen شكرا على مرورك
شوفي إذا شعرك طويل ما أقدر أفيدك بس القصير والوسط خذي هذي الطريقه أحسه عمليه ومرتبه جعدي شعرك بزيت الأطفال ((( يعني لي غسلتي شعرك لا تمشطينه أو تمشطيه بس من قدام حتى تطلع الغره مظبوطه وما تنشفيه مره وحطي شوي زيت أطفال على أيدك ثم مرريه على شعرك مع نفشه بخفه )) بعدين ثبتيه من فوق بمساكات سود (البنس أو توك ) ومن تحت ثم أجمعيه بشكل عشوائي على شكل دائره وثبتيها ب بنس الفراشه (زي التوك بس رفيعه حيل ) وحطي عليه المثبت البخاخ وزينيه بشباصات صغيره فراش أو ورد أو تاخذين شباصه وحده كبيره وتحطيها على جنب الشعر .

أتمنى أني أفدتك أختي الكريمه ....

[بنت الكرم 2008]

شكرا أم عبد الله وبالنسبه لموية الورد فعلا نتائجه حللللللللللوه مره ومثل ماقلتي الأهتمام بالبشره أهم شي حتى بدون المكياج تطلعين قمر أذا بشرتك مظبوطه....
هذا هو البلى أنه يصير مثل الخشب أنا أبيه طبيعي ومن ناحية المس فا صعب أختك تموت بالمس كل شوي مطلعه المرايه وساحبه وشاده هالشعيرات كود أربطها أحسن

[Netizen]

مدام عبدالله .. ألف شكر تسريحات حلوة.
بنت الكرم .. جزاك الله خير، لكن رفع الشعر كله مايعجبني أحس أطلع تقل مرة حمولة! لكن بجرب وأشوف.


بنات فيه سؤال ثاني ..
الربطات حقات الشعر اللي مثل عند اكسسوريز .. يكون فيها كرستالات وكذا .. إذا عندكم لها تسريحات أو حركات حلوة ردو الله يعافيكم.


طيب عندي معلومات أشاركم فيها ، مادري إذا صح علي أكتبها أو مالها علاقة؟ .. المهم :

- إذا تبغون عطور للشعر .. فيه عطر very irresistible مثل البخاخ وريحته حلوة .. تحصلونه أما عند باريس جالري أو وجوة .

- وإذا كنتي تحبين يكون شعرك ريحته عود وبخور فيه عندكم Montale يجي منه كذا نوع اختاري Aoud Shiny لونه أحمر هو اللي جربته مادري عن غيره .. حلو مرة وحطيه على شعرك وهو مبلل.
http://www.luckyscent.com/shop/section/1/item/35457/brand/Montale/Aoud_Shiny.html
يمكن وأنت تشمينه من العلبة تحسين ثقيل لكن مباشرة يبرد وتطلع ريحته مرة روعة.

- وإذا كنتي تحبين دهن العود .. بس دهن العود غالي حق عبدالصمد القرشي وحسافة كل شوي يكون على الشعر .. فيه شيء اسمه دهن عود بداح أو مادري وشو بس اسمه بداح مر حلوة ريحته وماهو غالي ربع التولة ب 25 ريال وريحته في الشعر مرة حلوة .. هو يباع في بريدة عند أي عطار.

[بنت الكرم 2008]

Netizen شكرا وأي شى عندك نزليه أسم عطورا أو دهن عود أولوشنات طرق تساعد على تثبيت رأحة العطور أي شي أكيد بنستفيد منه .

[قلب القلوب]

اشكركم على المعلومات المفيدة
وهذه مشاركتي وان شاء الله بنزل المزيد
فيه مقشرللجلد الميت بنباع عند محل تجهيز الصوالين الي على طريق عمر بن الخطاب اسم المقشر نوفل ب عشره ريال بدل سبعين ريال

[بنت الكرم 2008]

قلب=== شكرا على المعلومة بس دامك دخلتي هذي المحلات ودي أسئلك عن جهاز الشمع وجهاز البديكير و المنيكير أحصلها عندهم والي تعرف طريقة أستخدامة لا تبخل علينا .

[≈ Śķőőŋ »]

باك ..<< ^_^


انا بقولكم من الي اسويهن ومكتفيه بهن والحمدلله نتائجهن حلوه

بس تبي وقت يعني انا من زمان وانا اسويهن ع حسب تقبل البشره

وانا بشرتي مو حساسه يعني الي بشرته حساسه لا تتوهق اخاف بعدين تدعي علي

نبدأ ..<< متحمسه هع

راح ابد بالزيوت الي استخدمهن للجسم

استخدم زيت اللوز هذا مره حلو بس يبي وقت يعني مو اول مره وتقولين مافاد
يعني حطيه ساعه ع الاقل وبعدين غسليه عادي او غسليه بصابون مغربي يكون افضل

وبعد استخدم زيت الزيتون يشد الجسم حطي بعلبه صغيره وحطي معه قطعه صفيره مره
وخليه يوم كامل بعدين حطيه على جسم الافضل اربع ساعات بس انا لامليت غسلته احيانآ احطه ساعتين

وزيت جونسن حق الأطفال مره جنان انا ما استغني عنه لا تروشت
لازم احط بس فترت الصيف اقلل عشان الحر

بس هذي الزيوت الي استخدم ومهر حلوه الصراحه

والصابون للجسم استخدم ديتول مره حلوو

والصابون المغربي لا تهمليه بين فتره وفتره استخدميه
مره حلو يقشر الجسم ومع الاستمرار يشيل البقع الي بالجسم

الكريمات
جليسوليد مع ليمون لا تخليه صح مفعوله بطيئ بس روعه
حطيه ساعه ع جسمك قبل ما تتروشين وبعدي تجيبي ملح ساسا او خشن بس اطحنيه لا تمخشين هههه
وبللي جسمك وحطي ملح وافركي وبعدي غسلي جسمك بالصابون عادي
وشوفي النعومه كيف من اول مره جنان الصراحه ومع الوقت بتصير حلوه بشرتك

والجليسوليد مع الليمون للي يدينه فيه شوي سمار تخليه كريمه اليومي حتى ريحته عاديه ما تضايق

وانا استخدم كل كريمات جونسن حتى مزيل المكياج حقهم حلوو

ومزيل العرق

استخدم الشبه مره حلووه

واذا تبين تصير فيه ريحه حلووه حطي ملعقه شبه ومسك الأبيض المطحون
وشوي ماء ورد يعني يصير زي الكريم مره حلو والشبه تبيض الابط للمعلوميه
عن تجربه واتركي الموس بكل شي ترا هو البلا ..نصيحه

اممم وش بعد

الشعر زيت النارجين هذ مره حلو بس الي شعره دهني تبعد عنه

وفيه طريقه عشان يصير شعرك بعد الاستشوار فيه لمعه

جيبي بخاخ فاضي اوك وحطي ماء نص تقريبآ وحطي شوي من زيت الفازلين حق الشعر
مو حق الجسم انتبهي الحين تدعين علي بس لا تكثري بس شوي ورشي شعرك
وهو مبلول وبعدين استشوري يطلع حلو فيه لمعه انا شعري دهني ما نفع لي
واختي شعره جاف ونفع يعني الي دهني تبعد عنه

وبعد فيه بلسم بديل الزيت حق بانتين مره حلو لتجعيد الشعر هذا دايم استخدمه مره حلوو


اممم بس هذا الي عندي لا تذكرت شي علمتكم


سي يآآ

[بنت الكرم 2008]

ثنكيو شواطئ ------ الزيوت حلوه عن تجربه بس ملحوظه اليمون ما يصلح للي بشرتها عاديه أو جافه حاس بشرتي وسودها حيل أما أختي بشرتها دهنيه وطلع حلللللللللللو معها وطبعا المقياس لنوع بشرة الجسم عندي هو نوع بشرة الوجه فالي بشرة وجها دهني تستخدمه والعكس هذي من تجربتي بس ما أعمم 0000
لشعر زيت النارجين وبعد زيت الشمطري أسمه غريب بس حلو وبعد بذور الشمطري المطحونه أخلطها مع الحناه حلوه 0

[بنت الكرم 2008]

طريقة لتقشير اليدين تعطي نعومه بزياده وتصفيها ((بس ما توحد الون)) جيبي سكر خشن وأخلطي معه شوي زيت زيتون وأفركي أيدك به بحركاة دائريه دقائق ثم غسليه بمويه بس لي أستمريتي عليه بتشوفين الفرق ويستخدم للأرجل والجسم والوجه بس أحسه ينفع أكثر لليد والرجل=============
صنفرة نيتروجينا للوجه حلوه وتحسي بأنتعاش (طبعا أي نوع من نيتروجينا )

[بنت الكرم 2008]

بالنسبه لثبات ظل العين ووضوح لونه أمسحي فرشاة الظل بالماء ثم أستخدميه 0
أنواع فرش الظل (بحسب تجربتي المتواضعه) الفرشاة العاديه ما أحب أستخدمها ما أحس الرسمه تطلع حلوه وفي الفرشاة شعر على شكل مربع راسها مشطوف حلوه وتستخدم لدمج الألوان
وفي مثلثه ورفيعه حلوه أذا بغيتي ترسمي خطوط صغيره أو لتحت العين 0
و أذا بغيتي تحطي ظل خفيف دامج مع لون البشره وهادي حيل ولون واحد بس أحسن شي أصابعك0

[مدام عبدالله]

باك
مرحبا بنات

Netizen حبيبتي مشكله انك ماتحبي الرفع لان غالب التسريحات رفع خاصه بالجامعة
تكون ارتب

بالنسبه لتعطير الشعر انا مااستغني عن العطور المركزة خاصه من زهور الريف
زهور الريف عطورة هاديه ورايقه وتهدي الاعصاب
لما يكون رطب احط قطرتين عطر ومسك سائل وافر بفيها اطراف الشعر
وشوفي الريحه مع كل حركة تهف الريحه


المقشر انا مااستغني بعد عن صنفرتي اسويها بالبيت
ملح صخري يبطحن طحن بسيط بس ضروري يكون خشن شوي
يضاف له عصير ليمون وزين اللوز وزيت زيتون واقل شي زيت الجلسرين
ممكن تحطي عليه عطر مركز
تفركي فيه جسمك كلللله زي الصنفرة العاديه بعد ماتخلصي الشور
النتيجه نعووومة الاطفال بياض جنان مع الاستمرار وريحه ثابته بجسمك وااااااااااو



مستحيل استعمل لجسمي غير الصابون المغربي والليفه المغربيه
نظافه صح


الشبه ياجماعة تسود مع الاستعمال انتبهوا


بالنسبه للماكياج طبعا للمناسبات مافي احلا من اساس وبوردة ماكس فاكتر

اي لاينر محمود سعيد بلا منازع

مسكرة لانكوم واحيانا نيفيا

وشو كمان

بس هذا الي في بالي الحين


ولي عودة

[بنت الكرم 2008]

ثنكيو أم عبد الله -----بس أنواع المكياج كثيره ومن الصعب تحديد أسم معين على أنه الأفضل لأنوه ممكن يناسبك ومايناسب غيرك أهم شي تروحي لأخصائية تجميل وتستشيريها قبل الشراء حتى توفري جهدك ومالك وأهم شي المحل الي تشرين منه يكون طيب وسمعته زينه 0
بالنسبه لي أشري المكياج من باريس غالري ((طبعا المول النسائي ))هناك بتلاقي كل ماركه عندها أخصائيه تدلك على المناسب لك من الماركه الموجوده عندها وأسعارهم حلوه 0

[بنت الكرم 2008]

وينكم بنات مو معقوله مافي أفكار !!!!!!
أبي أسئل مين جربة أستخدام جهاز البديكير والمنكير وجهاز أذابة الشمع
وأذا وحده عندها طريقة شيل شعر الوجه بشكل سهل وبدون ألم و أكون شاكره لكم0

[مدام عبدالله]

هلا بنوته

بالنسبه لشيل الوجه مالك الا الشمع
يخفف الشعر
وبشرتك تتفتح وتنعم
مافي ترهل
مافي الم يذكر


ممكن تسويه بمشغل
ممكن تسويه في البيت بس لازم اول تروحي للمشغل تجربي وتشوفي طريقته اذا ماتعرفين


جهاز البدي كير ماجربته

كنت بالرياض اسوي البدي كير والشمع بمشغل لبنى صراحه

[≈ Śķőőŋ »]

الشبه ياجماعة تسود مع الاستعمال انتبهوا

انا استعملها بالعكس تفتح

وخالتي تستعملها وماسببت شي الحمدلله
وللمعلومه خالتي الحين عمرها حول 50 سنه مشاءالله
من زمان وهي تستعملها ولا سببت سمار
انا ماقلت هالشي الا عن تجربه احسن من مزيلات العرق بمليون مره

[مدام عبدالله]

الحمدلله انها مااثرت
لاني اسمع كثييير انها تسود هي والمسك

يمكن طبيعه الجلد تختلف من شخص لشخص

[≈ Śķőőŋ »]

^

اكيد البشرات تختلف

[Netizen]

شواطئ الإنتظار و مدام عبدالله
كلكم ذكرتوا الصابون المغربي .. هذا صابون سائل أو كيف؟ وكيف طريقته اشرحوها بشكل مفصل الله يعافيكم؟



بنت الكرم
بالنسبة للظل .. أنا شفت بقناة دعائية .. منتج على شكل قطع مربعة بلاستيكية .. تمام
لما تفتحين البلاستك تجين تحطينها على جفن العين وتسحبينها يطلع رسمه الظل ..
كأنه شغل مشغل
مرة الرسمة حلوة
وفيه منه ألوان مختلفة وأشكال مختلفة يعني تحصلين ظل
هادئ وظل رسمته وألوانه كثيفة مرة
بس سألنا كذا مركز تجميل ما حصلنا.. وبعضهم يقول ماقد سمعنا عنه
فيه منكم أحد يعرف من وين نشتريه؟ أو أسألوا وأن حصلتوا عطونا خبر

[مدام عبدالله]

شواطئ الإنتظار و مدام عبدالله
كلكم ذكرتوا الصابون المغربي .. هذا صابون سائل أو كيف؟ وكيف طريقته اشرحوها بشكل مفصل الله يعافيكم؟

شوفي حبيبتي افضل طريقه له يكون بعد بخار حار ساونا مثلا
او انك تللي جسمك بمويه دافيه مرة ودهني جسمك منه خليه شوي لو عندك وقت وافركي جسمك بليقه مغربيه مبلوله
عاد افركي من قلب بذمه وضمير خخخخ
في منه سائل ومنه كانه كريمي
في نوع يجي مجموعة صابون طااووس وصابون مغربي بعلبه يكون شبه سائل
وطين البحر الميت >> روووعة هالطين للبشره
ومعاه ليفه
موجود عند العطارين وعند اي محل مستحضرات تجميل


بنت الكرم
بالنسبة للظل .. أنا شفت بقناة دعائية .. منتج على شكل قطع مربعة بلاستيكية .. تمام
لما تفتحين البلاستك تجين تحطينها على جفن العين وتسحبينها يطلع رسمه الظل ..
كأنه شغل مشغل
مرة الرسمة حلوة
وفيه منه ألوان مختلفة وأشكال مختلفة يعني تحصلين ظل
هادئ وظل رسمته وألوانه كثيفة مرة
بس سألنا كذا مركز تجميل ما حصلنا.. وبعضهم يقول ماقد سمعنا عنه
فيه منكم أحد يعرف من وين نشتريه؟ أو أسألوا وأن حصلتوا عطونا خبر


الظل هذا شفت مرة دعايته في منتدى بس مدري وين صراحة
بس والله مااقتنعت فيه
في دورات تجميل بالنت حلوة ممكن تستفيدي منها
انا كنت مااعرف احط ماكياج بس مع التمرس صار مكياجي احترافي

[الدمعه الحائره]

السلام عليكم
الموضوع رووووعه الله يوفقكم ويسدد خطاكم

[بنت أهلي]

أهلين مشكورةأختي عالموضوع الروعة...نصيحةقبل ماتحطين الاساس امسحي وجهك بطحينة سائلة وتعرضي لبخارماء,بعدين أغسليه بمويه باردةبعدين بثلجة ماءورد,,,إن شاءالله تجربوهاوتعجبكم

[>ريانه<]

السلام عليكم موووضوع جدا رائع
بس حبيت اخبركم عن خلطه جدا رائعه للبشره بدون تكلفه وعناء مفيد للبشره ويعطي صفاء ونقاوه
جليســــــــــــــــــــــــــــــــــــــــــــــ ـــــــــــــــــــــــــــــوليد
لي عوده

[بنت أهلي]

خلطة لبياض ونعومةالجسم
علبةجليسوليدـ عصيرليمونتين ـ ملعقةفيكس ـ 3ملعقةفازلين ـ
ملعقتين بودرةأطفال ـ فنجان زيت زيتون ـ3ملعقةحبوب لقاح من عندالعطار
تخلط بعلبة وتوضع بالثلاجةعشان ماتعفن
ــــــــــ إذاذكرت شي أرجع لكم إنشاءالله ـــــــــــ

[بحر النجوم]

السلام عليكم
مشكورين على المعلومات المفيدة
بس ممكن تساعدوني ابي صابونة للبشرة المركبة شبه جافة محتارة مالقيت صابونة تناسبني
وايضا ابي اسأل عن الكريم الأساس اللي يخلي البشرة تلمع يعني تقل مراية ماأقصد اللمسة الآخيرة دايم اشوف الناس يحطونة ابي اعرف.
وبالنسبة للشبة ممتازة تبيض عن تجربة.
ودمتم

[سموه بديني]

موضوع مره ممتاز وأتوقع له التثبيت
أما تجربتي هي انك بعد ماتدهنين جسمك بأي خلطه مثل خلطات الجليسوليد مع زيت الزيتون
والفكس تغلفين مرافقك وركبك بتغليفة الطعام ماغيره وبعد ماتتروشين تقومي بفرك
المنطقه المغلفه جيدا
وبتشوفين النتيجه من مره وحده بس حاولي انك تكونين بمكان حار تعرقين
فيه وانتي حاطه الخلطه
.. ..
ولي عوده بأذن الله

[التوت البري]

مشكورة اختي على الطرح الرائع .
اليدين ونظارتها
ملعقة صغيرة حليب بودرة .
ملعقة كبيرة قشطة .
ملعقة موية ورد .
اخلطيها وضعيها على يديك لمدة نصف ساعة ثم اغسلي يديك بالماء الفاتر .

[أسيل محمد]

اقتراح رائع
بعدين اقول إلا المشاغل لنا غنى عنهم .. والله مافيهم زود .. اهم شيء الثقه بالنفس
جزاك الله خير

[بنت الكرم 2008]

أشكر أخواتي الكريمات على المعلومات القيمة 00000

[عشنا وشفنا]

مشكورااااات ع المعلومات

[ابتسامة حزن]

موضوع روووووووعة..
يسهل من خلاله تبادل الخبرات والتجارب والكل يفيد ويستفيد..

الف شكر لك يابنت الكرم...ولي عودة ان شاء الله

[~خالتنا موضي~]

بنت الكرم
بالنسبة للظل .. أنا شفت بقناة دعائية .. منتج على شكل قطع مربعة بلاستيكية .. تمام
لما تفتحين البلاستك تجين تحطينها على جفن العين وتسحبينها يطلع رسمه الظل ..
كأنه شغل مشغل
مرة الرسمة حلوة
وفيه منه ألوان مختلفة وأشكال مختلفة يعني تحصلين ظل
هادئ وظل رسمته وألوانه كثيفة مرة
بس سألنا كذا مركز تجميل ما حصلنا.. وبعضهم يقول ماقد سمعنا عنه
فيه منكم أحد يعرف من وين نشتريه؟ أو أسألوا وأن حصلتوا عطونا خبر


شفته بعيني عند الربدي للمكياج والعطور بشارع الملك عبدالعزيز

[~خالتنا موضي~]

عود البخور لاجيتوا تبخرون البيت ادهنوه من دهن العود المفضل لديكم وشوفي ريحة البيت

وش تصير وكم تدوم

[Rama]

سراااااحه الموضوع حلووووو مررررررهـ

=========

بنات اللي تعانيـ منـ جفافـ الكفووفـ فيه لوشن ررووعه انامجربتهـ
اسمه ( nivea )علبته لونه ازرق وغطاه لونه ابيض
للبشره الجااااااااااااااااافه جداا لوشن الترطيب اليومي المكثف ..

[بنت الكرم 2008]

شكرا لكم المرور العطر.

[بنت الكرم 2008]

بنات هذي وصفه حلوه وموثوقه لجمال الشعر ونعومة الجلد وأذا مانفعتك أكيد ماتضرك وهي مكونه من .....
شمندر (( بنجر )) نوع من الخضار تلقونه عن جيان أو بنده + برتقاله + جزر الكميه المرغوبه كلها تقطع ثم تطحن مع قليل من الماء و أشربيه شهر وبتشوفين الفرق .

[بنت الكرم 2008]

ها بنات ما قلتولي جهاز البدي كير والمني كير كيف أستخدامه وبعد لفافات الشعر الي بالكهرب كيف نستخدمه وزينه وهل تغني عن الفير والأستشوار ووين أماكن محلات تجهيز المشاغل وهي موجوده فيها ؟؟؟؟

[لمعةالألماس]

.. جزاكن الله خير معلومات رائعه

وحبيت أضيف معلومة بسييييييطة ..

.. أنا ما أستغني عن الصابون المغربي ..

بس صرت أسوي صابون (خلطة) أخذتها من شات قناة بداية

قبل سنتين وأكثر شوي..

تتعب شوي بس نتيجتها مبهره ,,

وما أستخدم ليفه مغربيه لأنها زفت حتى الأصليه زفففت..

أستخدم الليفه الشاميه الحلبيه >> تطلب من سوريا

بصراحة الليفه بدون صابون تعمل عمايل ماشاء الله..

وإذا تبغون أكتب مقادير الخلطة

ماعندي مانع > بموضوع مستقل ..> بس بعد الإجازة إذا أمدنا الله بعمر ..

[لمعةالألماس]

أختي بنت الكرم

إبحثي عن طريقة إستخدامها باليويوب

أنا المكياج والتسريحات مثل الويفي والنفخ أخذتها من اليوتوب ..

وموفقه

[ااااخر العنقود]

الصراحه موضوع رائع ,,,
اتمني منالجميع التفاعل ....

[بنت الكرم 2008]

أشكر الجميع على المرور العطر .
ودمتم بود

[دقات قلب]

الله يعطيكم العافيه على الفوائد الرائعه

تقبلو مروري .............

[بنت الكرم 2008]

جمرة ----- شكرا مرورك العطر .
يلاه أعطينا الوصفه في موضوع مستقل أهم شي الفائده.

[دانة الروح]

موضوع كله فوائـــــــــد
تسلمين يابنت الكـــرم

[بنت الكرم 2008]

دانه ------ ثنكيو على المرور العطر وننتظر الفائده منكم ....

[بنت الكرم 2008]

بنات الي عندها مشاكل بالبشره من حب الشباب والكلف والهالات وتوحيد لون البشره لقيت لها الحل من تجات ((( بايو ديرما )))) توب وحلوها كل مشكله ولها الحل بس أسعارها شوي غاليه بس تستاهل ....
بصراحه أنا ما جربة ألا حق الهالات بس شفت النتيجه المرضيه بعد 3أشهر من أستخدامه .
وبعد صوابين الجسم والوجه حلوه ماتجفف .