مابقا غير الداعيات السعوديات تشوهون صورتهم ياطاش ماطاش

[مهجدهم]

السلام عليكم

مادري من وين ابداء او وش اقووول حقيقة شي محير

اليوم حلقة طاش ماطاش كغيرها تسعى لتشويه الشعب السعودي

من تصوير الشاب السعودي انه نذل وخسيس وحرامي

الى جعل الهيئة مليشياء

الى جعل مشائخ المحاكم همج ومافيهم رحمه ولا ادب

الى تصوير البنت السعودية انها مغفلة

واليوم دخلو على الداعيات السعوديات بانهن ينمصن الحواجب

والطامة الكبرى انهن مغازلجيات ولوو حاولو دس السم بالدسم

وهي انها انختمت بالزواج ولكن بيت القصيد انها مغازلجية

خلاصة الامر اقول

ماهو القصد الصحيح لكل المسلسات السعودية ...؟؟

ياخذون حالة شاذة جدااا ويجعلونها سمة المجتمع

والشاذ لاحكم له ..


عموما تذكرت قصيدة كتبتها قبل فترة مجارات لقصيدة البغيلي


(( الغرب يصنع طائرات وصواريخ ))

واناكتبتها ايام ماكان مخرج طاش ماطاش عبدالخالق الغانم

وهو رافضي عراقي فاقول :

انا اشهد ان الغرب يصنع صواريخ
وحنا بهذا الوقت صرنا ولاشي



يوم (ن) تركنا الدين وصرنا كما الذيخ
ماهمنا غير الاكل والفراشي


وشباب همه للسفر بس يامتيخ
والبنت صارت للاجانب تماشي


للفن والكورة الاموال تبذيخ
والطب والتعليم عنها تحاشي


وقناة للاشعار طخ طخ وطخ طيخ
حتى التعنصرصاربالناس فاشي


وقناة تعرض للبنات المفاصيخ
وشات فيها للعقول الطياشي


وشهر الصيام اصبح لعرض المماسيخ
عبدالله وناصر وماطاش طاشي


مخرجهم الشيعي دينه من السيخ
مايمكن ان دينه بفلمه يناشي


يضحك تقية لكن القلب زرنيخ
مليان للسنة بحقد و غشاشي


من النجف ياخذ اوامر من الشيخ
وايجيه من طهران مال ومعاشي


حقد الروافض من قديم التواريخ
معلوم مايحتاج كثر النقاشي

[zoزو]

هم يجيبون لك شريحه من المجتمع وما اتوقع انهم غلطو بشي

[كــآريزمآ]

الشرهه مو عليهم ..الشرهة عليكم انتم
لو مالقوا اقبال من الناس بمتابعة تفهاتهم
كان ماتمادو لهذي الدرجة.,.
تتابعون حلقاتهم اول بأول واذا لقيتو حلقة فيها همز ولمز
واستهزاء ..كتبتو موضوع تنتقدون !!!
:(

[ツ • بسْـطـَويِـسـْي]

لا ازكي على الله احد . صحيح مواضيعهم مبالغه فيها بس تصير ومشكلتكم عندكم المجتمع السعودي مجتمع ملائكي وهم من جنب القده :)

[قلم صريح]

نحن لانحسن سوى (الصراخ والشجب) فقط لاغير.لكن المدهش في الأمر أن جميع من يصرخوا ويشجبوا هم من زبائن (روتانا والإم بي سي )...شيء يدعو للخجل حقيقة . وياسلامي عليكم ياأعراب

[الورده النديّه]

ومن هم ناصر وعبدالله حتى يقيّموا بنات بلدي !!

[وضوح]

وجدوا من يتابعهم ...راضون ...ومعجبون ..بما يطروحونه ...

بالتأكيد سوف يمرون على الكثير من المواضيع المخالفه للدين والواقع

لأنها حلقات وتطرح لسنوات يعني انتبه القادم أزفت...!

الله يهدي المتابعين ويهلكـ اعداء الدين..

[عاشق الخير]

المشكله ان اكثر من يصاارخ ..

ويندد بلعنهم ليل نهار .. هم اول من يتناولون الريموت بعد فطورهم للبحث عنها ..

اللهم احفظ لنا المجد ..

[منار القصيم]

إلى متى يا أخوان ونحن نضع أنفسنا كملائكة فوق النقد ؟
طاش ما طاش دائماً يسلطون الضوء على المسكوت عنه في المجتمع..
وهذا شيئ جميل .
أتمنى أن لايقف حتى نرى طاش1000
دمتم بخير
إلى اللقاء

[مدام عبدالله]

بس الغيره على الشعب السعودي

ياخي ذولا شوهوا الدين واهله

والي يقول شريحه من المجتمع

الله اكبر كل اهل الدين همج ومن تحت لتحت وماخذين الدين قناع لخداع الناس؟

موشي جديد على اشكالهم لو وش ماقالوا ولا سووا

مثل السفيه تستنكر منه شي؟

والشرهه موعلى المشاهد

الشرهه على الي الله ولاه مسؤليه مايعرض وساكت

يلا وش نقول اخر الزمان

بس من يثبت

[هلاوين]

مشكووووور عزيز على حرص وغيرتك
ومن قال يتكلمون عن شريحة من الشعب
خلصت مشاكل الشعب الا بالسب ولشتم للشعب

[عشق الزعامه]

الحين أكثر اللي يستنكرون هم المتسمرين كل يوم عند طاش ،،

أنت وهو دامك تعرف أفكارهم الخايسه ليش تتابعهم ؟؟

والعجيب سمعت من أحد متابعين المسلسل إنهم أستهزئو بالأقرع اللي ورد بالسنه النبويه

سجل يا تاريخ أن أمة محمد تجلس وتضحك على سنة نبيها ..

مخرج رافضي يضحك على سنة محمد والناس تتسمر وتضحك ،،

" وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا "

تحياتي .

[بسومة بريده]

حسبي الله عليهم هالمهابيل....اراجوزات مايدرون وش يسوون....

[سحايب نجد]

لاتنسى ان فيه شريحه تتخفى وراء الدين ويصبح شعار لهم ليخفو به أللاعيبهم
عايشت أحداهن كانت رئيسة عملي ومطوعه جدا وظالمه جدا والى الان ادعي عليها بسبب ظلمها وتسببها بعقده نفسيه لأحدى الموظفات المثاليات
ويبدو انكم ماشفتو فضيحة اللي تستر بالدين من الرس مع الشغاله منتشره باليوتيوب

خلوكم واقعيين اكثر وفتحو عقولكم شوي مين سمح لكم تكفرون ناس مسلمين مثلو حثاله معروفه..

[عازفة ألحان الليل]

ومن قال ان كل الداعيات كلهم كلهم على حسن خلق ومطهرة وقلبه نقي مثل الثلج واخلاقة ادب وحسن وذوق بعضهن تستغل الدين لمصالح أخرى وقد عايشت هذه الاشكال معايشة
ايه الله المستعان

[ناااايف]

التستر موجود لما النقد !!!

[أوطان]

كل مارأيناه في حلقة اليوم الطاشيه هو موجود وملموس بمجتمعاتنا.. واللي لابس نظاره سوداء يشيلها عشان يشوف اللي يصير حوله بوضوح!!

[مهجدهم]

ياجماعة الخير

كثير يقولون هذا الشي موجود ,,..؟؟؟؟؟

مادري يمكن انا عايش بغابه مادري عن مجتمعي

وين موجود ؟؟؟؟

بكل بقعة بالارض فيها حالات شاذة وهل اصبح الشاذ هو القياس ..؟

على افتراض انه موجود مع اني اجزم ان الي شفته غير موجود

مثل مسلسل بيني وبينك الي راحو لتركيا يتزوجون ممثلات تركيات

بعد بيجي يقولي احد انه موجود هذاا والله نسج خيال

وكله تشويه للشعب السعودي

والي يقول موجود انا اتحداه يجيب حاله وحدة صارت مثل القصه

ان داعية غازلت واحد وانه وهي تلقي خطبه نامصه حواجبها

وانه يوم سافرت لشهرالعسل كانت من غير حجاب

الي يقول انه موجود يجيب حاله موثقه وحده وانا مستعد

اقول ان طاش ماطاش مسلسل اسلامي

مانبي هياط وحب عناد ومعاكسة التيار لاغراض ثانية

الموضوع موضوع الشعب السعودي المفروض نتجاوز

كل طموح شخصي للذب عن مجتمعناااا

[كلوز]

ان هم كا الانعام بل هم اضل

[zoزو]

الله اكبر كل اهل الدين همج ومن تحت لتحت وماخذين الدين قناع لخداع الناس؟

موشي جديد على اشكالهم لو وش ماقالوا ولا سووا


يا اخت مدام عبدالله

هم ماقالو كل من حط لحيه ملعون صير وكل بنت لعابه
هو جالس يوريك هالشريحه

مو كل من حط لحيه يكون مطوع

اكثر اللي لعبو على خلق الله هم من يحطون لحى قبل كم شهر ماسكين امام مسجد يبيع مخدرات !! واللي قبل كم يوم امام مسجد سارق مليون ريال من حقت المساكين !!
واللي عندك بهالديره اللي سوو مساهمات واخذو فلوس خلق الله وللحين محد يدري وينهم

[zoزو]

مثل مسلسل بيني وبينك الي راحو لتركيا يتزوجون ممثلات تركيات
بعد بيجي يقولي احد انه موجود هذاا والله نسج خيال
وكله تشويه للشعب السعودي


عندك اقرب واحد الجفالي مو راح يخطب اوصخ فنانه ؟!!
وعندك اللي مشتري منديل ام كلثوم .؟ بـ 5 ملايين خخخ

المشكله كلهم سعوديين يعني هاللي تشوف ماجابو شي من عندهم

[@ الواصل @]

يا اخي وش فيهاالحلقه بالعكس ممتازه ولا عليها غبار انتم المحجرين اللي والله ما

تدرون وشلون تتحلل الامور يا عمي الهدف من الحلقه هادف ولا فيه شي


اصلحكم الله يا القصمان والله لوالسد حان والقصبي منكم ان تمدحونهم وتدافعون عنهم



وبعدين وش هالنقد ؟؟؟؟عندكم بديل والا تبونا نرجع لمسلسلات مطرب فواز وسعد خضر اللي بعد المغرب


تحياتي

[أحساس قعس]

لا أعلم ماهية كيفية الطرح التي تتناسب مع موضوع الحلقة ولكن !


كانت وللأسف تحكي بعضاً من الخلل الذي يعيشه مجتمعنا وبعضاً من ايماننا المشروخ وكيف أن هناك شرائح من المجتمع تعيش بحالة اللا إتزان . .


هدى الله الجميع لما يحب ويرضى وجنبنا وإياكم الفتن والفساد


شكراً لك وعليك ،،

[أسيل محمد]

ماأقول إلا حسبي الله ونعم الوكيل ....
حسبي الله على القصبي والسدحان ...
الله ينتقم منهم . اللهم ارنا فيهم عجائب قدرتك ...
اللهم اجعلهم يتمنون الموت ولا يجدونه ...
هم ليسوا بكفار ولكنهم اشد خطرا من الكفار ....
هم حثالة من القوم ولكن الله يمهل ولا يهمل ....
ولله الحمد لم اشاهد طاش منذ ان دخلت المتوسط وبدأت اعقل بانه ليس من العقل ان اضيع وقتي مع من يستهتر بديني ومجتمعي و عاداتي وتقاليدي ... اي عقل يجعلني اضيع وقتي واضحك على حثاله تستهزء بي ...
حسبي الله عليهم

[إيثــــار]

هناك فائه من النساء يتخفين باسم الدين لكي لايكشف امرهن
وقلت البعض وليس الكل

[أنثى مختلفة]

اللهم أرنا الحق حقاً وارزقنا إتباعه ..
وأرنا الباطل بطلاً وأرزقنا إجتنابه ..

[Queen of buraydh]

بعد ما قريت الموضوع تحمست وشفت حلقة الاعادة الفجر ..

خسّة ودناءة وحقارة فيهم مب بأحد !
تريقة بالداعيات عينك عينك , هدفهم تشويه صورة الداعيات ,
لكن للأسف انهم اخفقوا ولم ينجحوا هذه المرّة ,
فقط لأننا لسنا امعات نلهث خلف اقنعتهم المزوّرة ,
وهاردلك ياطاش ..

لكُن الله ياداعياتنا .. ولا تلتفتن للحثالات

[ابوفيصل511]

ياخي وش ترجي من ناس هم انفسهم مااحترموا انفسهم

[ضحكة قمر]

المسلسلات السعوديه اصلا انا حاطه عليها x

ومن زين مسلسلاتهم يتطنزون بديرتهم . . . عجبه !!!!

[aĻŖeem]

مالفائده اذن وانت متابع لهم ...؟؟

مالفائده من المتابعه ومن ثم تكثر الكتابه عن طاش ماطاش ..؟
بل كانت كل حلقه يكتب عنها موضوع !

هل نكتب ولآنطبق ..؟
ام ماذا !

هذا دافع لهم مع الآسف لـ اعطاء المزيد والآستمرار بالآستهانه بنا وبالدينٌ
شكرآ ودمتم متابعين لهم

[كوكتيل]

مسلسل يتناول اوضاع المجتمع ..

ممكن يصير فيه مبالغه شوي بس اغلب الحلقات واقعيه

[زخات المطر]

و يَظل الصُراخ , و الشجب و الإستنكار على طاش .. و تظل المُتابعة لها ..


عجبًا !

[مهجدهم]

اصلحكم الله يا القصمان والله لوالسد حان والقصبي منكم ان تمدحونهم وتدافعون عنهم





تحياتي

استغفر الله هههههههههههههههههههه

المزيني من القصيم ومع هذا يوم لبس لبس حرمة انتقدوه كثير من القصمان

الشي الثاني يااخواني كثير يقولون يضل النقد والمتابعة

طبعا نبي نتابع اي مسلسل يمثل الشعب السعودي والا كيف نقدر نعرف

وننتقد شي مانتابعه ؟؟؟

ماتابعنا مسلسلات اجنبيه او خليجية وانتقدناهم

ماقدر انتقد شي ماطلعت عليه بنفسي او تبون نمشي على قولة ((يقولون))

ليتكم تفهمون ان مو كل من تابع يكون معجب بالي يتابعة

يانااااااااااااااااااااااااس المسلسل يمثل الشعب السعودي والسعودية

وهو يقاله يعكس المجتمع .. واذا تابتعه او تابعت غيرة فهو من حقي

واذا انتقدته بعد من حقي لاني سعودي ويهمن بلدي ويهمن الشعب السعودي

اما الي عنده مشكلة ((جلد الذات)) ويقول ان الي يمثلونه يصير

فهذا ماعلي منه ....

[السيده توته]

الحمدلله والشكر على نعمه العقل يتطنزون في دينهم وهذا ماعقبه شي وش ترجون من ناس يسون كيذا وش على شان على شان قرشين بس مااقول الا يركضون ورى دنيا
او من قااال ان الداعيه تنمص شايفينها والله اذا كانوا شايفينهم < الطيور على اشكالها تقع