ضيف رفيع المستوى في المنتدى (شف اشكال

[الجنرال]

............................................ بسم الله الرحمن الرحيم...........................

رن رن رن.....

ابو نوره يرد على التلفون...الوو؟؟

؟؟؟:: الووو..السلام عليكم خبيبي

ابو نوره: وعليكم السلام مين معاي؟؟

؟؟؟: معاك مكتب رئيس منتدى الصداقه الدولي بنواد هيبو..

ابو نوره: صداقه... ونواد هيبو..:confused:

؟؟؟: الرئيس اليوم عاوز يزوركم ..هو فيه اسمع كلام كتير كويس عن منتداكم

ابونوره: (يحك اذنه):D حياه الله..هذي الساعة المباركة اللي يشرفنا فيها

بس هو متى يبي يجي بالضبط..؟؟؟

؟؟؟: الساعة 8مساء بعد العشاء...

ابونوره: :eek: يشرف بالسلامه...

طوط طوط طوط...

.................................................. ..................................................

اتصل ابونوره على كل مطاعم القصيم والرياض وحايل وحفر الباطن وكلهم من

حسن الحظ مقفلين لانه فيه ازمه على اللحم والدجاج...

ابونوره الحين مبتلش المشكله انه اليوم عزابي...جلس يفكر ويفكر...شوي قال

بصوت عالي: بس لقيتها وانا ابونوره..مافيه الا الاعضاء واحنا معطينهم عضويه

ببلاش..خلهم يكدو على بطونهم...وين بس التلفون خلني اشوف راعي العنود

ابونوره: الووو راعي العنود

سم طال عمرك

عندك حاشي؟؟وغنم

ايه عندي وليش؟؟

عندنا ضيف على المنتدى وابيك تدبر لنا عشا وخل ام المقداد تشوف البنات

يفزعن معاها...

ابشر ياطويل العمر...

ابونوره: خلني اشوف المشرفين والمراقبين...ينظموا المنتدى...

المهم اتصل فيهم كلهم...

.................................................. .................................................. .............

صورة من ترتيب المنتدى..

ابونورة جامع المراقبين...ويوزع اعمالهم..

يامعاهدات بالله وزع الحفل الخطابي..انت تكتب كلمتي وعصي الدمع يكتب

كلمة المراقبين..واثنين قصايد واحد عامي للشقردي وواحد فصيح لماجد الاول...


وخل البرعي يلقي كلمة المراقبين...

يا الذهبي بالله شف لنا شروخ وطراطيع....واذا جا الضيف ابي 21 صاروخ

يطلق...دبر نفسك ..مافيه وقت..

يالبكيراوي انت والمفكر روحو لمحلات تاجير الكراسي والطاولات بسرعة

وشوفوا لنا 30 كرسي عادي وكرسيين لي وللضيف فخمات...

البكيراوي يرد عليه بس ياطويل العمر ماعندنا سيارة تشيل...

ابو نوره: رح مر المزرعة تحصل دينا وهذا المفتاح...

المفكر: بس مانعرف نسوقها..(يبي يهرب شكلهم فيها يطلع افغانيين متخلفين)

ابونوره::4: وانت مفكر بس بالاسم؟؟؟؟؟

حاضر حاضر راح ندبر انفسنا....

ابونوره :ياقم بس قم... قم بس قم:نعم ياطويل العمر..

رح جب ورد من محلات الورود بسرعه...

ابونوره: يابو يارا يابو يارا..... ابو يارا: سم طال عمرك..

بالله خل يارا تجي عشان تعطي الضيف الورد لانه بنتي نوره راحت لاجدادها

ابشر طال عمرك......بس بسرعه الله يخليك...

ابونوره: يالسعودي انت والدكتور جرافكس ونور الشمس...ابغاكم تعملوا

عرض بالبوربوينت لمسيرة المنتدى...طبعا لازم تنسقوه وصورتي تطلع..

سم طال عمرك...


يا الشقردي شف تنظيم الحراسة وخذ معاك الكوماندو والكرباج يساعدونك...

وانت يالشيبه الجنرال رح البس لك عمامه ونحطك معنا في المنصة بس لاتكلم...

اخبرك شايب كثير حكي بس تبسم واذا قالك شي قل صح وابتسم.....

يالموهوب انت وعاشق التحدي رتبوا الملعب وجيبوا لنا شريط لمباراة الرائد


والتعاون وجهزوا فريق المنتدى واعملوا بين الفريق الاساسي والرديف

مباراة استعراضيه لمدة ربع ساعة .....


............................

صورة من تجهيز الذبايح

معانا الان راعي العنود وتقهو والمتلثم ....

راعي العنود: اخيرا وصلنا للنياق..اخبر فيه حاشي يجملنا عند الضيف لكن

اخاف ام العنود اعطته اخوه ...ذبحتنا بكرمها..

المتلثم: راعي العنود شف مو ذاك اللي باخر الزمل؟

راعي العنود: الا والله..زين اللي سلم من يدين ام العنود.يالله ياشباب خلونا

نعقله...

(وساعة اضرب الا لاتضرب ..ولثام المتلثم انفك والحاشي رفسهم....اخيرا

طرحوه واعقلوه...وشف وشلون نحروه.....;) )

راعي العنود: افف اخيرا خلصنا منه..يالله نبي الحين للغنم نبي عشر خرفان..

تقهو: الله لايجزى العدو خير..ياخوي شف احد يساعدنا

راعي العنود كثف اتصالاته..وجمع رعيان الجيران...

وشف عاد الذبح...كان على طريقة سفري (تيك اويي).........

.................................................. .................................................. .............

صوره من مطبخ المنتدى

طبعا المطبخ بزعامة السيده ام المقداد...

ام المقداد: يالله يابنات بسرعة مافيه وقت...الشمس غابت

يا ليون عطيني القدر الكبير اللي فوق..

وانتي يا بنيتي يابردقانه قطعي السلطه انتي ومسافره بسرعة...


ياوخيتي ياشيهانه روحي انتي وفتاة الشرقيه واكنسن الصالة عشان زوجة

الضيف...

ياوخيتي ياليون ..اعملي لهم ايدام خضرة...

(طبعا مع حر المطبخ لاتسال عن ادوات الزينه)

يا بردقانه اعملي لهم وشسمه..اعوذ بالله نسيته..ايه حلا وكيك..

بردقانه: يوووه وماكان بهالمنتدى غير بردقانه روحي بردقانه تعالي بردقانه

ام المقداد: يابنيتي ياروز شوفي الجح والفاكهه جهزينهن بسرعة....

ياوخيتي ياساره اعلملي القهوة والشاي للزوجة الريس..

.................................................. .......................................


الان وصل الضيف الى المنتدى...ومعاه زوجته....

كان في استقباله ابونوره والمشرفين وبعض الاعضاء

طبعا زوجته ارشدوها للقسم النسائي....


صوره من جولته في المنتدى

اتجه للقسم الاسلامي والسياسي

حيث استقبله المراقبون ....طبعا شاف الحريه اللي تتمتع بها المنتديات..

كماشاهد عرضا لسيارات المباحث العامه...;)

ثم اتجه الى المنتدى العام..كان في استقباله المراقبون على المنتدى العام

وشاهد النقد الهادف والحوار الجاد في القضايا المحليه...برضه شاهد عرضا

لسيارات الاستخبارات...

ثم اتجه الى منتدى الاعلام الاسلامي...

حيث استقبل بالاناشيد...(كأن الاعلام الاسلامي اناشيد بس!!)

ومن ثم اتجه الى المنتدى الاجتماعي والتربوي..

حيث اشاد به وانه وجد كثيرا من الحلول لمشاكله مع زوجته...

بعدها توجه الى منتدى بريده الخاص...

حيث راى مدينه بريدة على طبيعتها..بدواراتها وشوارعها (المطببه) ووزارتها

ومسوليها ....واعيان وعلماء بريده ...

ثم اتجه الى منتدى الرياضه والرياضيون ..حيث حضر تدريب فريق المنتدى

بقيادة الكابتن حامل المسك...ووزع عليهم ميداليات نتيجه مشاركتهم بمونديال

بريده نت..والذي حصلوا فيه على المركز الاول بعد العشره...

كما ا ستمتع بمشاهدة لقطات من مباراة التعاون والرائد..والتي اوقف عرضها

المشرف لاسباب امنيه ;)

بعدها توجه الى منتدى اللغة الانجليزيه..حيث اكد ان على الشباب التفاعل مع

هذا المنتدى وذلك للتواصل مع الدول الاخرى وليتخذ منتدى بريده طابع العالميه


اتجه بعدها الى منتدى الادب حيث استقبله امير الرومانسيه المشرف معاهدات

بكلمات موجزه كان لها الاثر البالغ في نفس الرئيس...

كما اطلع على اشعار وقصص الاعضاء التي اكد انها تعتبر من ذات قيمة فنيه

راقيه...

اتجه بعد ذلك لمنتدى خيمة الشعر.....حيث استقبله ابو العنود ..وفي الخيمة

تناول سعادته القهوه العربيه على طريقة الاستاذ تقهو... وامام وهج النار

ادى الشعراء المخضرمون العرضه النجديه...والمحاورات بينهم...

حيث قال ان لديهم في نواد هيبو عادات وعروض مشابهه...

ثم اتجه الى منتيات الحفاوة والترفيه..حيث انبسط انساطا منقطع النظير..

ثم اتجه الى منتديات التقنيه حيث اطلع على نشاطات الاعضاء والمراقبين

وطلب من المراقبين تطوير منتدى الصداقه الدولي...


بعدها توجه الى صالة الضيافه ...

.................................................. .................................................. ............

صورة من استقبال زوجة الرئيس

طبعا لان الكل كان مشغول فماكان في استقبالها الا الشاعرة شيهانه صقر

والكاتبه فتاة الشرقيه..

المهم جلوسها في الصالة واخذت الاخت شيهانة الله يجزاها بالخير تعطيها من

هالقصيد...ومن قصيدة لقصيدة ....الى ان تدخلت فتاة الشرقيه وجلست تشرح

لها عن المنتدى...شوي دخلتها بانواع التمر خلاص الاحسا وسكري القصيم

وروووح....والضيفة تهز راسها كنها الفاهمه....

.................................................. .................................................. ..............

صورة من وداع الضيف

ودع كما استقبل به من حفاوة وتكريم....

بس في الاخير طلب من ابونوره انه يكون على كفالته عشان يجلس ببريده

لانه حصل فرص عمل احسن :eek:

.................................................. .................................................. ..........

اقدم اعتذاري للجميع وتقبلوا تحيات الشايب الجنرال واسمحوا لي لاني طولت عليكم وغثيتكم

[بردقانه]

يا سلام عليك يا اخي الكريم الجنرال




فعلاً كانت زياره احلى زياره حلوووووه جداً . اشكرك على هذا الابداع ونريد المزيد..



الحمد لله ان ام المقداد ما قالت عطيهم فواكه ان كان اكلوووووني


تحياتي اخي الكريم ولك خالص التحيه والاحترام.


بردقانه

[المتلثم]

وش جابن للبعارين



ما اعرف امسك الا دجاجه



والله مانتب سهل يالجنرال



صاز يوم قال السعودي انك مكيف جنرال




صراحه ابدعت بهيك الئصة





بس حنا مالنا شي

[الجنرال]

اهلا بردقانووووه

كيفنكم؟؟

ان شاء الله تكرر مثل عاي الزيارات بس لايزعل علينا ابونوره:D


وشكرا على مشاركتك...

وتقبلي تحياتي........

[الجنرال]

هلا اخوي المتلثم..........


السعودي امتحنا بمكيفات جنرال..لكن بعدين اشرح لك معنى جنرال;)

وبعدين مافهمت (بس حنا مالنا شئ)؟؟؟؟؟؟؟؟؟؟؟؟؟؟؟؟؟؟؟

وكل هاالعفسه وذبح الذبايح ولا لك شئ؟؟؟؟؟؟؟؟؟

المهم القصة كانت من الطراز السفري (تيييك اوييييييي)


وشكرا لمشاركتك...

وتقبل تحياتي...................................

[ابوتركي]

أشوى فك الله عيني;)

تمام عليك يالجنرال أبتل على هالخط بس أنتبه تلف يمين ولا يسار:4:

وانا جالس بالمدرجات لحالي وحلقي أنبح من التشجيع وان خربت الخطه

تراي ابقلب عليك :D

ولاتخلي أحد;)

[البكيراوي]

العزيز والغالي الجنرال !!

ابصم بالعشرة انك مبدع !!

بل انت رمز الابداع !! وانا اخوك !!

صراحة مشاركاتك دائما تحمل طابع التجديد !!

هنيئا لنا وجودك معنا يا شايبنا !! اسمع وانت خالي !!

استمر على هالابداع وترا اللي بين الاقواس احلى شئ !!

وتسلم يا ماي انكل !!

[الجنرال]

ابو تركي................

حبيب الجماهير...حياك الله...

وذا انت هالمرة في المدرجات المرة الجاية تكون اساسي;)

واكل العنب حبه حبه;)

تراني شايب لااعرف الف يمين ويشار ياوليدي:D


تحياتي....والف شكر لك لمشاركتك.......

[السعودي]

ضرب ســـلام ... للجنرال ... استعد

يا سـلام عليك يا أخـي على هـذا الخيال الخصب في طرح هـذه المشاركة


ـــ لقاء صحفي عقب حفل استضافة رئيس منتدى الصداقه الدولي بنواد هيبو

أبدى الضيف سعادته الغامرة بالاستقبال لشخصه الكريم وما وجدته من تفاني الأعضاء في تقديم كل ما لديهم لإنجاح هـذه الاستضافة

ثم أخـذ يقر في أذني بصوت خفيف ويسألني قائلاً :
يا أخـي ماشاء الله عليكم فأنتم محظوظون بهذا الجو البارد المشبع في جميع أرجاء المنتدى
فقلت له : يا أخـي هل تصدق أننا الآن في فصل الصيف والحرارة شديدة
فقال مستغرباً : إذاً هـذا البراد من أين يأتي أكاد أموت من شدة البرد
فقلت له : أترى الشيبه الواقف في صدر المنتدى

قال نعم

فقلت له : ذاك الجنرال مصدر الطراوة والجو البارد الذي تشعر به الآن

فقال : أليس بالإمكان التخفيف من هـذه البرودة ، فإني أكاد أهلك من شدة البرد

فناديت بأعلى صوتي : يالجنرال ... فرد بقوله : سم .. سم
فقلت للجنرال : سم الله عدوك يـا ( أبو المربعانية ) الله لا يهين خشك اخفض صوتك قليلا ولا تنفخ واجد ذبحت العالم بالبرد

ثم قال الضيف / أريد كمية من هـذا النوع من ( الجنرال ) للذهاب به معي لبلدي الهند فقد نال إعجابي بحركته اللطيفة والمستمرة يميناً ويساراً وتوزيع المرطبات الهوائية على الضيوف الكرام

فقمت حالاً بمناداة ( المتلثم ) وأمرته بأن يأخذ الــ( الجنرال ) وأمرته بأن يذهب به إلى أقرب مكتبة لكي يصور عدة نسخ من الــ( الجنرال ) ونقدمها هدية للضيف الكريم

ــ ولكن الضيف سألني سؤال محرج وقال : لماذا هـذا الرجل ( متلثم ) عندما أراد أن يأخذ الــ ( الجنرال )
فقلت له : لا ..لا يا رجل هــذا ( المتلثم ) قام بطق اللطمة لأنه يشكو ألماً في صدره وخصوصاً عندما اقترب من المربعانية آآآسف ( الجنرال ) فلذلك تجده مشخص باللطمة

ــ ثم بعد الاستضافة غادر الضيف محملاً بالهدايا الكثيرة وكان أهمها تريلة مليئة بــ( مكيفات جنرال ) قام بحملها وترتيـبها وتنظيمها داخل التريلة ( حامل المكيفات ) آآآآسف ( حامل المسك )

ــ قام ( أبو نورة ) بتقديم الشكر والعرفان لصاحب الهواء النقي ( الجنرال ) على ما قام به من مجهودات في خروج هـذا الحفل الاستقبالي بالصورة المبيضة للوجه

ــ فأمر ( أبو نورة ) حالاً بتغيير كنديشنات جميع منتديات بريدة واستبدالها بمكيفات من نوع ( جنرال )

ــ أرجـو أن لا أكون قد جنيت على ما طرحه أخي ( الجنرال ) بما ذكرت أنفا ... لأني أحس أن الجو قد تغير وقلب من البرودة إلى الحرارة فأخاف أن تكون قفلت معه وحـوّل على الحار

http://www.bawaba.jeeran.com/fawasel/liidara.gif

http://ali954.jeeran.com/my%20seing.gif

[ابوعمرنت]

انا ودي اصب قهوه يالجنرال مكرتنين علشان تقولون ابوعمر نت مازين شيء







زين خله يجي مصري ثاني اوريك تجي حاجك تقول سلفن ريال
اقولك لااااااااااااااااا وراك ماخليتن ازين شئ يوم يجي المصري الاول

[ام المقداد]

مبدع ...مبدع...مبدع
بس ماقلت لنا عجبهم العشا ولالاء:(
والخاتمه عقب هالتعب يبي يجي
على كفاله!!:D
قل آميين الله يوسع صدرك يالجنرال:D >>هذا شكلي بعد القرأه:D

[فريـــد]

الجنــــــرال

الصراحة اتعبنا راعي العنـــود هو وبعارينه اللي مدري من وين جايبهن :D

لااااا .. وقاعدين نلاحق الغنــــم اذا هجنّ..

كأن ماعندنا شغل الا غنم العزيمة ..

أنا قايل لهم : فكونا من سالفة البعارين والغنم .. , وخلونا حول القهوة والقدوع " لمزيد من التوضيح : انظر الصورة في التوقيع في أسفل الرد " :D :D

بس هم قالوا : لا

واللي يقهر : البكيراوي .. قاعد ينقم فصفص ولاجاب خبرنا ..!!

ياشين قم عاون اخوياك .. يقول : مااقدر .. يوجعن بطني ..!!

اترك الفصفص ومايوجعك بطنك :D :D

والله انهم اتعبونا هم وعزيمتهم :D :D ====> " تقول : مهب معهم " :D

-------------
شكرا لك من جديد أخوي : الجنــــرال .. لأنك أمتعتني بموضوعك وامتعت بقية الأعضاء ممن قراء الموضوع

لك تحياتي

[الجنرال]

الاخ البكيراويييييييييييييي

تحية طيبة....

بصراحة مالقيت رد مناسب...لانك خجلتني:D (شايب ويستحي)

وانا اقولك الف شكر لك ولمشاركتك .....

واتمنى ان يبلغ ما اكتب كلمة ( ابداع)............

تحياتي ..........

[الجنرال]

اخوي السعوديييييييييييييييييي

بصراحة ردك غطى على الموضوع ...............

لكن عندي لك سر (سر واقوله قدام الناس!!!) جنرال راح اشرح لك معناها

في حصة الانجليزي....قريبا باذن الله....

وبعدين الله يهديك نواد هيبو مو في الهند..........بما انك ممتحنا بالاختبارات

اخلي لك البحث عن موقعها...............

تحياتي ......

[الجنرال]

اهلا وسهلا بالاخ عمر نت...

ويسعدني مشاركتك....

واسمح لي هالمره...لكن لازم يجي يوم تكون بطل قصص الشيبه الجنرال

( على بالي شكسبير ).........

ومراح تصب قهوة راح يكون مكانك اكبر;) ..........

تحياتي......

[الجنرال]

هلا بأمنا ام المقداد..........

لاتساليني عن العشا لانه مثل ما انتي عارفه انا شايب والضروس طايحه..

يالله اشرب شوربه ولا يدام مع قرصان ....

لكن اسالي ابونوره الاجابه عنده.....

واذا ماجاوبك قولي لي وانا اوريه شغله( مره امون عليه:D )

واشكرك على مشاركتك

تحياتي

[الجنرال]

هلا والله اخوي تقهو.............

حياك الله ......

واضافتك صورة رائعه.........

لكن ما اقول الا الله يعينك على نياق راعي العنود....واللي يتسدح علم عليه

ابونوره;) ........

الف شكر لك.......

وتقبل تحياتي..........

[الداحوس العمى]

السلام عليكم:1:

مسكين عميان دوحس يبي احد يعطيه وجه لاكن مردود به:3:

لكن رجعت متشقق:D سلمت على الضيف وقلتله هلو:p

وبعدين يالجنرال وين حجر الاساس والشريط تعودنا عليهن:D

[كرباج]

هلا بالجنرال الشايب:D

يعطيك العافيه على هيك موضوع

بس فيه شي ماحد انتبه له اللي هو اننا اسرفنا باالاكل والمفاطيح ولا احولك احد

يعني انا كنت المصور الوحيد في الحفله وشفت فيه اخطاء فادحه

قلنا للحريم لاتكثرون عشيات تراهم موهب راعين اكل وبالاخير المفاطيح ماعنده

احد والصوره تتكلم عن ذلك




http://www.arab3.com/images4/68327755.jpg


شف المتلثم هناك مدهر بالرز عليه بالعافيه , ونرجع للاسراف انه التبسي

ماحوله احد

تحياتي لك وللجميع

[حامل المسك]

أنا حامل مكيفات يالسوري قصدي يالسعودي وش قالو لك أبو خلق
بعدين أنا عساي أشيل قطمة رز تبين أشيل مكيف
وش اللي خلان أحمل المسك إلا عشان إنه ((ماخف حمله وغلا ثمنه ))

بعدين تعال أي طراوه تتكلم عنه بالجنرال شايب وطري إيه هين لا والله يجغجغ تقل جرو خربان قصدي خربز فاسد قصدي شمام مو منيح

وعلى فكره يابوبراهيم هالمتلثم فشلنا عند الرجاجيل طاق هاللطمه وقاعد بين الرجال ما قلنا ممنوع دخول المغاتير (( قويه صح )):D ما شفت ابو نوره يناظره بعين وده يتوطى ببطنه بس ما يقدر يلحقه تعرف المتلثم معصقل وسريع وابو نوره مثقله عليه الكرشه (( من زود الدراهم والرزق الله يزيده إن شاء الله ))

[المتلثم]

كرباج اجل جايب الكمرة معك بس اعلمك ذا اللي يبلع اسمر شوي وانا لو تشوفن تقول امي لبنانية هيك البي


حامل المسك وش اسوي اللطمة مستحيل نحلة والله لو تجيب ونوش السعيد بس اعلمك يمكن والله انك صاز افشل شوي بس الشكوى لله

[الجنرال]

هلا بدويحيس....

ومن قال اننا رادين بك.......بس انت الله يهديك تنام بدري....

ولا ابونوره اتصل عليك حتى طلعت عيونه والجوال يرد عليه ويقول عفوا ان

الداحوس المطلوب بفراشه عنده دوحسه بكرى...الرجاء الاتصال في وقت

متاخر من الليل...................

..................................

واذا انت جيت ماشفتك عارف ليش لانه مافيه احد زيي باز بالعمامه بجنب الريس

وباز بكشرة الشايب بدون سنون ...ولا اشوف الا نفسي....:D

..................................

وبعدين هذا استقبال ماهو افتتاح عشان نجيب بلك وخرسانه وافغاني...

لو قلت وين فرقة حسب الله ممكن;)

............................

تحياتي اخوي داحوس...

[الجنرال]

هلا كرابيجو..........

ياسلام عليك ..بصراحة ملاحظة حلوة.........

بس وش نسوي ابو نوره الله يهديه يبي يوري الضيف كرم اهل بريده.....

ومشكور على الصورة....لانه فيه شخصيات كتير مهمه طالعه بالصوره;)

وبعدين وراكم على المتلثم...كل هذا تبون تفكون اللطمة...

ياشباب صدقوني الرجال مهو بالمباحث هذي معلومة اسنودها على الشايب

الجنرال:D

ومشكوووووووور على المشاركة..

تحياتييييييييييييييييييي

[الجنرال]

هلا حاملوو المسكيكو..........

ايش فيك داخل عرض...ياخوي قل السلام عليكم ..مساكم الله بالخير...

وبعدين شاب فينا....كانك زعلان منا:4:

وكله الا زعل حامل المسك...وبعدين من يجيب لنا خصم من (محلات حامل المسك)

:D

وبعدين انا جرو خربان؟؟؟؟؟؟؟؟؟؟؟؟؟؟؟؟؟؟؟؟؟؟؟

لالالا ..ماهقيتها منك..........

تحياتي...

[حامل المسك]

تراي مجلعد عندي موعد بس ما فات إلا الشر

السلام عليكم ورحمة الله وبركاته ...... مساكم الله بالخير


يالله مع السلامه

[الجنرال]

حامل المسك...ماحصل الا كل خير..كل واحد يصلح سيارته على حسابك;)

تحياتي

[ابوعمرنت]

شكراًياجنرال لاكن يكفين ردك علي