تسجيل الدخول

مشاهدة النسخة كاملة : وقت الزرف هالحين لحرمية العيد ...

ذات
17-09-09, 06:32 am
هلا وغلا ..يالله حيهم جميع ....

وعيد مبارك مقدماً ...وعساكم من العايدين الفايزين ومع أحبابكم سالمين ...:)

اسبوع الزحمه ها الأسبوع ..وإسبوع الأغراض الأستثنائيه للعيد ..
مليون شغله عشان تنقضي في إسبوع ...ولكم أن تتخيلوا الوقت وسرعته لمن يكون البال مشغول ومزحوم ...
وعلى بالك مافي أحد مشغول الا انت وفجأه تطلع السوق تلقى أربع مليون يفكرون نفس تفكيرك ونفس الزحمه ..
وهاتي حووووسه في كل مكان ومن مجمع لين مجمع وأحيانا نحصل قطعه في مكان ..
ومانلقى لها تركيبه تناسبها إلا في مكان ثاني ...

طبعا جو فنتازي ...وعجقه ...وهناك ناس كثير تحب العجقه ...تدرون ليه لأنه موسم الزرف والسرقه على أصولها ..

خلال ها الأسبوع ...فقط كلما دخلت مجمع أسمع يمكن خمس أو ست حريم يدورون على شناطهم ...
شلون تنسرق ما أدري ....المشكله تكون معاها ...لكن تتفاجأ إنها إنسرقت ...في وسط الزحمه ...
وماذهب لن يعود ....

لفته بسيطه للمتسوقين والمتسوقات ...وأركز على المتسوقات ....
اول شيء ..
لمن تكونين عند الكاشير وزحمه دور ...انتبهي للشنطه ...حاولي تخلينها قريبه منك ولو تحطينها بحظنك ..
لأنك ما تضمنين اللي وراك وش يسوي ...احيانا ثلاث يوقفون ومتفقين ويسون زحمه وهوشه
وانت تنتبهين لهم وماتدرين إلا والشنطه منسرقه في حين غفله ...
أو تدخل يدها بشنطك وبسرعه البرق وانتي ياغافلين لكم الله ...



ثاني شيء وهو الأهم ...
معظمنا يفكر إنه إذا ماشال فلوس يكون بمأمن عن السرقه ...وهو مايدري إنه ينسرق إلكترونيا ومن الكاشير اذا كان حرامي ....

الحين لمن تجيبين مجموعه من الملابس وتحطينها عند الكاشير ..وتحاسبين بلكارد ...مو تكتبين الرقم السري ..
وهو الكاشير يدخل السعر ويسحب ..هنا مربط الفرس ...
وقت التدخيله للسعر يزيد عليك بلحساب دون ما تدرين اذا كنتي مو نبيها للموضوع يعني بلوزه 150ريال يدقها وقت السحب ميتين ...وكذا على بقية الأغراض ...

ويعطيك العدد الأجمالي وانتي ماغير تسحبين الورقه دون ما تحسبين ...يعني إنزرفتي دون ماتدرين ...
وحده أعرفها لقيت أربعه ألاف مسحوبه من الرصيد ...كلها بلايز ...
شلون ما عرفت إلا بعد مراجعة البنك وعرفت إنها سحوبات محلات ...
يعني ما دققت وهي تاخذ الفاتوره كل مره تشتري ...

طبعا أتوقع فيه أنواع سرقات أكثر وأكثر ....ناهيك عن سرقة الأطفال وسرقت المتسولين ...وقصص كثيره ..
حبيت بس أحط تنبيه بسيط على ها الشيء وإللي بلبنوك يعرفون أكثر مني لأنهم تجيهم ها الوقت إتصالات...كلها سرقة بطايق وأرصده ...


أحبائي الموضوع مفتوح للنقاش ...إللي عنده تجربه عن هاالموضوع أو سمع شيء عن إسلوب جديد بسرقه يكتبه ..
عشان البقيه يستفيدون ...وتعيدون وانتم مبسوطين مو مزروفين ....
نسأل الله للجميع التوفيق ....


اختكم ذات ....
Queen of buraydh
17-09-09, 06:40 am
ياحلو اللي يخلّص استعداداته قبل رمضان :)

شكراً ذات
عبدالله الحلوه
17-09-09, 06:43 am
ذات

واضح اثر الزحام والسرقات على اسلوبك فقد تبعثرت الكلمات والعبارات لتظهر بغير ماعهدناه منك

الحمدلله لم يسبق لي المرور بتجارب مريره لكني رأيت وسمعت الكثير منها وخصوصا مع النساء واللاتي يذهلن امام المحلات وبضائعها وتنسى كل مابيدها والعذر دائماً لتبرير ذلك ( القمره ) !!


تحياتي
رحّــال
17-09-09, 06:45 am
خبري بالسوق قبل ست شهور


وباقي تقريبا ثلاث شهور



على موعد التسوق الثاني السنوي
وضوح
17-09-09, 06:46 am
والله ماقد انتبهت اللي يبي يلعب عليّ يآخذ راحته....

ماأطيق أحسب بعدهم .....!

اما السرقات فعلاً تكثر بالمناسبات وخاصة سرقة الجوالات أسرع ..

شكراً لتنبيهكـ...
تحيتي ،،
عفواً
17-09-09, 07:01 am
وهو الكاشير يدخل السعر ويسحب ..هنا مربط الفرس ...
وقت التدخيله للسعر يزيد عليك بلحساب دون ما تدرين اذا كنتي مو نبيها للموضوع يعني بلوزه 150ريال يدقها وقت السحب ميتين ...وكذا على بقية الأغراض ...

دقها 150الى 200كويس الزياده خمسين بس
كنت بجيان دقها من 48ريال الى 480لكن كانت عيني على إصيبعاته ونبهته إلى أنك أخطأت وأضفت بس صفر ، واتلخبط وعدلها يامال الصلاح .
يمكن يمكن لم يقصد ويمكن مع زحمة المتسوقين اورهق و زغللت عييناته .http://www.halaq8.com/vb/images/smilies/victory.gif

أنسرقت محفظتي في الحرم ومن بعدها أصبحت حذر حتى وانا بالمقبره في زحمت المعزين http://www.halaq8.com/vb/images/smilies/secret_smile.gif
ذات
17-09-09, 08:51 am
ياحلو اللي يخلّص استعداداته قبل رمضان :)

شكراً ذات

اهلين عزيزتي ..
في ذي صدقتي ...
بس تدرين مبدأ التسويف ..في تأخير كل شيء ..
سعدت بمرورك ...
ذات
17-09-09, 08:57 am
ذات

واضح اثر الزحام والسرقات على اسلوبك فقد تبعثرت الكلمات والعبارات لتظهر بغير ماعهدناه منك

الحمدلله لم يسبق لي المرور بتجارب مريره لكني رأيت وسمعت الكثير منها وخصوصا مع النساء واللاتي يذهلن امام المحلات وبضائعها وتنسى كل مابيدها والعذر دائماً لتبرير ذلك ( القمره ) !!


تحياتي

اهلا استاذي عبدالله ...
كتابة العاميه ..هي كتجربه من قلمي ...ربما وفقت فيها وربما اخفقت هذه المره ..
وبنسبه لبعثرات الكلمات والتسوق ...فااحمد الله اني مازلت اخط كلاماتي بعد الم الرأس منه ومن ( كثرة اللف ..) ...:a2:
شكرا لتواصلك استاذي الكريم ...
وسعدت بتواجدك ....
ذات
17-09-09, 09:00 am
خبري بالسوق قبل ست شهور


وباقي تقريبا ثلاث شهور



على موعد التسوق الثاني السنوي

اجل يمديك تشحن البطاريه منا لين التسوق الثاني ...:)
رحال اخوي سعيده بمرورك وتواجدك ..
شكرا لك من الاعماق ...
ذات
17-09-09, 09:02 am
والله ماقد انتبهت اللي يبي يلعب عليّ يآخذ راحته....

ماأطيق أحسب بعدهم .....!

اما السرقات فعلاً تكثر بالمناسبات وخاصة سرقة الجوالات أسرع ..

شكراً لتنبيهكـ...
تحيتي ،،

اجل اعملي حسابك اختي وضوح المرات الجايه ...
والله يكافيك عيال الحرام ...
تشرفت بتواجدك ...
وحياك الله ...
شيختهم العتيبيه
17-09-09, 10:19 am
اكيد اذا ماسترزقوا بالسوق وين يروحون

سمعت ان وحده انسرقت ووقفت قدام باب المحل وقالت ماعلى منكم انا انسرقت وكلكم لازم تتفتشون

المهم بعد نقاش نفذت كلامها وفعلا لقوا الحراميه من دوله عربيه>> مشهوره بالنشل ومعاها عشر صرافات وفلوس وذهب

واذا ع الفلوس تهون المصيبه سواليف العطف اللي مابعدها مصايب
ذات
18-09-09, 10:01 am
دقها 150الى 200كويس الزياده خمسين بس
كنت بجيان دقها من 48ريال الى 480لكن كانت عيني على إصيبعاته ونبهته إلى أنك أخطأت وأضفت بس صفر ، واتلخبط وعدلها يامال الصلاح .
يمكن يمكن لم يقصد ويمكن مع زحمة المتسوقين اورهق و زغللت عييناته .http://www.halaq8.com/vb/images/smilies/victory.gif

أنسرقت محفظتي في الحرم ومن بعدها أصبحت حذر حتى وانا بالمقبره في زحمت المعزين http://www.halaq8.com/vb/images/smilies/secret_smile.gif



الخوف والله من زغللت العيون ...:a1:
المره الجايه اعمل حسابك حتى لو كنت نايم ...
الله يكافيك شر عيال الحرام ..ويفتح عيونك ...ويستر علينا وعليك ..
شاكره مرورك العطر ...
ذات
18-09-09, 10:04 am
اكيد اذا ماسترزقوا بالسوق وين يروحون

سمعت ان وحده انسرقت ووقفت قدام باب المحل وقالت ماعلى منكم انا انسرقت وكلكم لازم تتفتشون

المهم بعد نقاش نفذت كلامها وفعلا لقوا الحراميه من دوله عربيه>> مشهوره بالنشل ومعاها عشر صرافات وفلوس وذهب

واذا ع الفلوس تهون المصيبه سواليف العطف اللي مابعدها مصايب


مو دايم اكثر السرقات منهم ...
ما نعمم لكن الظاهر يقول كذا ...وغالبيتهم من برى ..

مشكوره عزيزتي على تواجدك بمتصفحي ...
دمتي كما تحبين ....
صـاحي و رايـق
20-09-09, 06:30 am
وأنت بخير

نقاط بسرد حلو كثر خيرك
المرأة سوى المقربات مني أو ممن شاهدتهن
تكون بليده من حيث ما تحمله
أو من حيث دفع المبلغ
يرد لها البائع باقي المبلغ .. لكنها لن تحسب العدد من وراء
كـ أن الثقه موجوده في هذا البائع
تعددت الطرق والسرقه واحده
البعض منهن لا أعلم صدقها من كذبها إذا أحججتها بشوية عتاب
تقول : كانت عيني على شنطتي أو على فلوسي وكنتُ متمسكه فيها حتى آخر رمق فيني
بـ أمكانه سرقة أحد أعضائي
لكن ليس بمقدوره سرقة هذه الشنطه
بعدها تأتيك وتقول : سُرقت مني هذه الشنطه .. وعند السؤال كيف سرُقت ؟ .. تقول أنعميت وقتها ولم أعلم ماذا جرى لي
هنا عذر أقبح من فعل

أمر آخر
أستغرب كثيراً من تخصص جُل طلعاتها لهذا السوق في أواخر رمضان
لماذا لا تخلص معظم أمورها في بدايته حتى تريح من حالها ومن حال من سيذهب بها
هنا أراه مربط الفرس بعيدً عن الشحاذين المتسولين وبعيدًً عن السارقين
وبدل ما تسوع له أربع ساعات في السوق وتخرج من السوق كـ خفي حنين
تسوع له ساعه واحده وتحصل منه كل ما تريد



عوافي على قلبك
نادر بزمن غادر
20-09-09, 06:48 am
قبل فتره واحد توه متزوج منزل موضوع عن سرقة
شقته ومجوهرات تقدر بـ50000 الف ريال
هو اللي رحمته من قلب
ذات
21-09-09, 05:17 am
وأنت بخير

نقاط بسرد حلو كثر خيرك
المرأة سوى المقربات مني أو ممن شاهدتهن
تكون بليده من حيث ما تحمله
أو من حيث دفع المبلغ
يرد لها البائع باقي المبلغ .. لكنها لن تحسب العدد من وراء
كـ أن الثقه موجوده في هذا البائع
تعددت الطرق والسرقه واحده
البعض منهن لا أعلم صدقها من كذبها إذا أحججتها بشوية عتاب
تقول : كانت عيني على شنطتي أو على فلوسي وكنتُ متمسكه فيها حتى آخر رمق فيني
بـ أمكانه سرقة أحد أعضائي
لكن ليس بمقدوره سرقة هذه الشنطه
بعدها تأتيك وتقول : سُرقت مني هذه الشنطه .. وعند السؤال كيف سرُقت ؟ .. تقول أنعميت وقتها ولم أعلم ماذا جرى لي
هنا عذر أقبح من فعل

أمر آخر
أستغرب كثيراً من تخصص جُل طلعاتها لهذا السوق في أواخر رمضان
لماذا لا تخلص معظم أمورها في بدايته حتى تريح من حالها ومن حال من سيذهب بها
هنا أراه مربط الفرس بعيدً عن الشحاذين المتسولين وبعيدًً عن السارقين
وبدل ما تسوع له أربع ساعات في السوق وتخرج من السوق كـ خفي حنين
تسوع له ساعه واحده وتحصل منه كل ما تريد



عوافي على قلبك


الله يعافيك ويبقيك ...
ومشكور على الاضافه الراقيه ...
واعترف ان فينا يا الحريم احيانا نوع من انوع الاستدلاخ المتفشي في اوساطنا ...
للبعض وليس الكل ...
شكرا لك ..
ذات
21-09-09, 05:19 am
قبل فتره واحد توه متزوج منزل موضوع عن سرقة
شقته ومجوهرات تقدر بـ50000 الف ريال
هو اللي رحمته من قلب


الله يعوض عليه ...): .
زين باقي فيه عقل ويكتب من الحسره ....
ومشكور على تواجدك بموضوعي ..
وحياك الله ...(:
عشق الزعامه
21-09-09, 05:23 am
صدق إذا قالوا مصائب قوم عند قوم فوائد ،،

الواجب يكون التقضي للعيد قبل الزحمه ووجع الراس .
ذات
22-09-09, 01:47 am
صدق إذا قالوا مصائب قوم عند قوم فوائد ،،

الواجب يكون التقضي للعيد قبل الزحمه ووجع الراس .




صح عليك ...عشان الواحد يعرف وش ياخذ وش يخلي ...
مشكور اخوي على التواصل لاعدمناك ...
رانسيM
22-09-09, 01:58 am
صادقه ياذات..حتى بالاوقات العاديه مب شرط ايكون عيد

اختي سرق منه جوالها..لما كانت بالسوق بالرغم انها ماسكه الشنطه..ولما اتصلت عليه من تلفون صاحب المحل لقته مقفل...اتوقع اجنبيات الي يسرقن...مو معقوله اسعوديات...
وثاانكس لك.
ذات
22-09-09, 02:02 am
صادقه ياذات..حتى بالاوقات العاديه مب شرط ايكون عيد

اختي سرق منه جوالها..لما كانت بالسوق بالرغم انها ماسكه الشنطه..ولما اتصلت عليه من تلفون صاحب المحل لقته مقفل...اتوقع اجنبيات الي يسرقن...مو معقوله اسعوديات...
وثاانكس لك.


ايه ...كلهم اجنبيات ....وكل اللي ينمسكون يطلعون مو من هنا ...الله يعوض على اختك ..

شاكره مرورك يلغلا ...واسعدني تواجدك ...