تسجيل الدخول

مشاهدة النسخة كاملة : رجال بريدة يقفون صامتين امام ( مشاغل تجميل ابناءهم ) - صوالين الحلاقة

العين الثاقبة
15-09-09, 06:02 pm
هنا احبتي وقفات لابد ان نتقف معها جيدا وتحاسب نفسك وابناءك

في صوالين الحلاقة وخصوصا مايسمى الحلاق التركي

تجد مرتادوه من الشباب ولاغرابة في ذلك ولكن الغريب
هو في الوسائل التي تستخدم في التجمل والتزين
كالصبغ المبيضة للخدود وسواد العيون وكذلك تسريحات الشعر

عجبي من رجال ابناءهم يسكنون في بيوتهم ومعهم ليل نهار
وابنه مسرح شعره كالبنية الصغيرة
وخدوده مبيضه وشفتاه محمرة ولابس بنطال الى الركبة وفنيلة كتافي ويتبسم ويتكسر في مشيته
ليفتن الناس بنفس والعياذ بالله
والغريب ان هولاء غالبا اطفال لاتتجاوز اعمارهم 15 عاما

شاهدت ليلة البارحة في احد المساجد مثل هذا الولد
فسلمت على اباه وقلت له انا الاحظ هذا على ابنك
فقال بكل استحياء الله يجزاك خير والله عجزنا عنهم مثل ربعهم
الولد مع زمانه

وهنا تأكدت بأن الرجال هم السبب في ميوعة ابناءهم
ولاتسأل مراكز الهيئة عن الجرائم التي تحدث من جراء هذه الميوعة

والحل هو منع دخول اقل من سن 15 عاما للصوالين بدون ولي امره
طيب القلب
15-09-09, 07:00 pm
يا رجال عين خير

الشيبان هالحين ينافسون الشباب على هالحركات

اللي يبط كبدي .. اذا دخلت حلاق ولقيته رافع صوت الموسيقى .. والا مشغل فلم تركي
الملكه كنده
15-09-09, 08:29 pm
هههههههههههه لاحنا ماعندنا هالشي أهلي مالهم حتى الشعر الطويل ممنوع والبدل مايلبسونه إلا للإستراحات

وأسأل الله العافيه لنا ولكم

والهدايه لأبنائنا....وبناتنا..
نادر بزمن غادر
15-09-09, 08:40 pm
اي والله انك صآدق اخووي
ضآعـت المرجلـه وضآعت شيم الرجال
يااخوي المشكله اذا جاك واحد كبير يعني عمره 20 الى 25 سنه
ويجيك حاط هالخرابيط مثل لابس له كاب وحاط مكيااج وفارد شعيراته ومنعم خديداته
انا لاشفت هالنوعيه اشمئز وهو على باله انه وسيم مايدري ان الوسامه بفعل المراجل وترك هالخرابيط

انا تعجبت مره كنا معزومين عند ناس والمشكله ان الولد كبير يعني يدرس باولى جامعه وهو من هالنوعيه اللي قلت انا تاخر ابووه وقلطنا بالمجلس لك عليه الولد مايعرف شي مسك الدله باليمين ويمد الفنجال باليساار!!!
رفيــع الشــان
15-09-09, 08:47 pm
المشكلة ليس في من أعمارهم تحت 15
المصيبة من هم كبار في السن صغار في العقل من تجاوزا سن الرشد
يسعون لتغير خلقتهم والتشبة بالنساء
شميساوي
15-09-09, 10:49 pm
يمكن تحصـــــل في (( بعض )) الشباب هذي الحركـــات ...

لكن الحــــلاق التـــركــي ما راح يحط لك شي أو يسوي لك شي الا بعد ما تقول لــهـ ..

الحلاقين ما بدوا يجيبون الحركــــات هذي ... مثل ملمع الشفايف و فرد الشعـــر ..

ومبيض الوجـــه (( مكياج )) ... إلا بعــــد ماشافــــوا الزبائن يطلبــــونها ...

يعنــــي أن الخلل بشبابنــــا ... على أني ما أحب أحد يغلط على الشباب بس اليوم

أبي أخربـــه ... المشكله من الشباااااب ..

الله يهديهم ويفتح على قلوبهم غصب عليــــهم ...
من خلف الكواليس
16-09-09, 03:19 am
موضوع رائع ويجب مناقشته

اعتقد ان هالنوعيه من الشباب قليلين ولله الحمد

بس لازم الحرص خاصة من أولياء الامور حتى لاتنتشر هذه العادة

شـكــ وبارك الله فيك ـــرا لك ... لك مني أجمل تحية .
أبو الريش
16-09-09, 04:28 am
ملمع شفايف

إذا هالملمع موجود ,,, العتب مهب على الحلاق ولا على اللي يبي يحلق ,,,
شميساوي
16-09-09, 06:21 am
ملمع شفايف

إذا هالملمع موجود ,,, العتب مهب على الحلاق ولا على اللي يبي يحلق ,,,


أخـــــوي أبــو الريـــش ....

واللــهـ العضــــيم أنه شوف عينــــي ,,, ملمع شفايف عنـــــد الحــــلاق ...

سألت الحلاق قلت له :: ليش جايب هذا عنــــدك ...

قال :: علـــــيهـ طلــــب !!!!!!!!!!!!!!!!!!!!!!!

شفت التخلــــــف ...
اللؤلؤه السوداء
16-09-09, 06:36 am
أحس أنك تبالغ شوي مو للدرجه هذي عاد!!!!

والبنطلون والبرمودا مو حرام لبسهم اعتقد

فمان الله
.,, ابوفراس ,,.
16-09-09, 06:59 am
ليس العجيب ان تسترجل النساء

ولكن


العجب ان يستأنث الرجال
البحرسي
16-09-09, 07:29 am
المشكله في التعليم

سواء في المدرسه او في المنزل


لكن ان تقترح عدم ذهاب من هم دون الخامسة عشر الا برفقة ولي الأمر
فانهم سيتحولون الى إناث مع مرور الوقت

هناك حل بسيط جدا لمثل تلك المشاكل
وهي ان يعلن الاب والأقارب استيائهم وبكل جرأة من هذه المظاهر وان يجعلوه محل سخرية لا ان
يراعوا مشاعره واحمرار خدوده فالظرب لابن العاشرة الذي لا يصلي لم يظيره.

اذا كان رب البيت للدف ظارب فشيمة..................الخ


تقبلوا تحياتي
معاذ الجربوع
16-09-09, 01:39 pm
الله يهدي الجميــــــــــــــــــــــــــــــــــــع
توركي
16-09-09, 03:04 pm
الله يعين اخر الزمان
أبو الريش
16-09-09, 03:59 pm
أخـــــوي أبــو الريـــش ....

واللــهـ العضــــيم أنه شوف عينــــي ,,, ملمع شفايف عنـــــد الحــــلاق ...

سألت الحلاق قلت له :: ليش جايب هذا عنــــدك ...

قال :: علـــــيهـ طلــــب !!!!!!!!!!!!!!!!!!!!!!!

شفت التخلــــــف ...

تصدق أني مادخلت الحلاقين الأتراك لي ثلاث سنوات أو أكثر لأني بصراحه أكرههم ونفسيتهم شينه ووصخين لأنهم يشيلون شعر الدقن ويحطه على أيده ,,, أنا أغلب شي أنعم بالبيت وإذا دعت الحاجه أي حلاق غير تركي أروح لمه,,,,

والله العتب على المسؤلين اللي مايدرون وش يصير للأسف
هـلـي
16-09-09, 05:39 pm
ياشباب مهب كل من حط قصه ولا شعر صار مهب رجال

يابن الحلال خذه على حسن نيه يمكن يهوا هالشي هذا
ولا متعود على كذا ولا عايش مع بيئه كذا يعني صار مو رجال ؟؟

ولاتحسبون كلامي علشان حاط شعر انا لا والله اني مالي خلقه
الشامخ وبس
16-09-09, 09:49 pm
الله يعين إذا كبرو وشيبو بيكون جد وهو يلبس الجنز والشعر مسرح وأبيض وبدل مايقول السلام عليكم بيقول هاااااي
بريده الغاليه
17-09-09, 08:43 am
ياخي البلا ماهب بوه ببوه الغبي يعني مايهوشه تلقا ابوه العن منه خل عنك بس لو هو رجال ماحط مكياج ومدري وشو برب الود ههههه
الورده النديّه
17-09-09, 08:48 am
الله يهديهم
واهم شي صلاح القلب
بن فايز
17-09-09, 06:29 pm
يا خي فيه مره راعي ربع معه ادوات تجميل حاطها في الشماسه

بودر- مكياج - مرايه .

هههههههههههههه
جوجو464
17-09-09, 11:04 pm
اول شي انا معك في بعض الاشياء

لكن لي وجهة نظر في بعض كلامك

اول شي مسأله ان الواحد ما يدخل الحلاق الا بولي أمره هذي صعبه شوي حشى ما صارت هههههههههههه

وثاني شي ان عندي تعليق على بعض الردود واللي تتكلم عن البرمودا والجنز ياخي هذي حريه شخصيه ياخي خلوا الواحد يلبس اللي يبي بس اهم شي ما يكون لبسه حراااام

ولا احد ينط علي ويقول عادات وتقاليد ... ترا الزمن يمشي ولازم نتطور ونلبس زين ما دام ما يخالف الشرع

واللي يقول لي عادات وتقاليد الحين ابسالك سؤال انت اذا رحت المسجد او صلاه العيد او مناسبه تلبس بشت ؟؟؟؟

غريب سؤاالي صح بس لا تستغرب ترا الاولين ( يعني عيال من اول)

كانوا يلبسون بشوت بهالمناسبات بس خلصت هالعاده الا عند القليل

الخلاصه من كلامي لا تضيقيون على شبابنا خلوهم بكيفهم ما دام ما يسوون شي حرام

وسلامتكم
العين الثاقبة
17-09-09, 11:34 pm
يا رجال عين خير

الشيبان هالحين ينافسون الشباب على هالحركات

اللي يبط كبدي .. اذا دخلت حلاق ولقيته رافع صوت الموسيقى .. والا مشغل فلم تركي

ليم يجد من يردعه عن تشغيل المسويقى ، فأصبحت عادة لديه اعتاد عليها الشباب
العين الثاقبة
17-09-09, 11:37 pm
هههههههههههه لاحنا ماعندنا هالشي أهلي مالهم حتى الشعر الطويل ممنوع والبدل مايلبسونه إلا للإستراحات

وأسأل الله العافيه لنا ولكم

والهدايه لأبنائنا....وبناتنا..

ماشاء الله تبارك الله
نسأل الله لكم التوفيق والسداد
™ ЭηάĐi şάмά •»
18-09-09, 10:26 am
=~> توقف عند بآب الموضوع وتقول ذولآ من جدهم:29_1_6[1] ؟!

كل انسان حر بالي يسويه ااذا ماغصب ربه خلآص خلوهـ ..!

وبعدين سآلفه اللبس للحينكم أنتو تفتون وتتنآقشون فيهآ لووول بس:s?

عوآفي يارجآل:)..
احتاجك يابريده
18-09-09, 03:58 pm
الله يعين ..!

لاكن مايبط تسبدي الاالي يصفطوون وشعوور و و و و...!

وما خفي اعضم..!

تحياتي