تنبيه للأزواج وللعزابيه كمان ..

[وضوح]

السلام عليكم ورحمة الله وبركاته

تقبل الله منا ومنكم الصيام والقيام ...


بما أننا مقبلين على عيد من أفضل الأعياد ..

أتمنى أن لايغيب عنكم عيدية الزوجه ..

خصوصاً من جهز عفشه للهروب ..

أتمنى أن يقف وقفة مع نفسه....!

هل يضركـ إن قدمت شيئاً لزوجتكـ قبل مغادرتكـ

وبمناسبة هذا العيد السعيد..؟!!!
،،،،،،،،،


تقول لي احدى صديقاتي ..

أنني في احد الأعوام حجزت في فندق ليلة العيد...

وعملت اللازم وجهزت حركات حلوهـ ..طبعاً التفاصيل بالداخل ..!

ولكن العام الذي يليه ..لم تحجز تقول انتظرت لعله مجهز لي مفاجأة!!

كنت انتظر ذلكـ اليوم بشوق ..ولكن ..!

صدمت بالعيد التقليدي والهروب كالعادة في يوم العيد..

لم يقدم حتى الحلاوة ليحلي بها ريقي..!!!

لما كل هذهـ الأنانية ..؟!

اما أن تقدم هي لكـ والا ......سوف تتجاهل ..!

إن كان يعجبكـ ذلكـ قدم لها حتى تعطيكـ وتبدع معكـ...

وإن كنت غير ذلكـ وممن لايؤيدو أو لايعجبهم ...فقدم من أجلها

الا تستحق منكـ ليلة أو يوم في السنة ...؟!!


تحيتي لكم ،،

[عجوز سمنسي]

هذي ليالي سمنسية ياوضوح

تبي ناس تفهم وتتقن اتيكيت الليالي الحمراء

من يملك ذلك الوعي العاطفي ؟

لو عرف الزوجان مالهذه العلاقات العاطفية والمفاجأت السمنسية من تاثير لبادروا اليها كل فترة وفترة

لانريدها كل يوم بل نريدها على الاقل في المناسبات ؟

مالذي يمنع في غير العيد

مثلا في مناسبة زواجهما يفاجئها بليلة سمنسية دافئة باحد الفنادق او الشاليهات الفخمة

وضوح لك تحيتي وترانا شعب صحراوي

[سهاد]

تسلمين اختي وضوح ..

لكن ماراح ينفع معهم للأسف مثل ماقال العجوز

بيئة صحراوية لاقينها علينا ..

نحن مولودين في نفس البيئة

ومع ذلكـ نبدع ونحاول ..

أما هم استحاله يجتهدون للزوجه..

خاصة رجال القصيم الله يخلف بس..

تقبلي رأيي..

[هلاوين]

مسكين الرجل مايقدر مايفهم

مدعت فيك الحريم طاهر

عموووووووم الموضوع جميل

لكن خلي المعزبة تجي وان شاءالله

اخذ بهذة النصيحة

[عجوز سمنسي]

تسلمين اختي وضوح ..

لكن ماراح ينفع معهم للأسف مثل ماقال العجوز

بيئة صحراوية لاقينها علينا ..

نحن مولودين في نفس البيئة

ومع ذلكـ نبدع ونحاول ..

أما هم استحاله يجتهدون للزوجه..

خاصة رجال القصيم الله يخلف بس..

تقبلي رأيي..
عساه انتم اللي تعرفون ياهمسة ؟

لا الله يسلمك ياوخيتي تراكم من جنبها

اللي يخلي لكم المواقع اللي تنقل لكم الحركات وتعلمكم وش تسوون

وترى نص المواقع هذي تنقل من مواقع مهب سعودية والا تراهم من جنب القدة الله يسلمك

عموما لعل التصحر يزول ويتهنا سعيد بسعيدة وليلة ربيع وعين وقمراء

وهـ بس <<< يتنهد بقووووة

[الورده النديّه]

اشكرك غاليتي وضوح على تذكير بعض الازواج والزوجات هنا

بصراحه المفروض انه صديقتك ماتعد هالشي من انانية زوجها
لاننا كلنا نعرف انه الرجال على وجيههم وتفوتهم هالاشياء
مو صحراويين او جفسين
انا اعتبره انه لا مبالاة او يعدها من الشكليات التي لاداعي لها ,,
ياليت كل زوجه تسوي مثل ماسوت صديقتك وتستمر على هالشي ,,طبعا من غير تكلف
بشرط ان لاتنتظر المقابل
لين هو يلين ويتعود على فن الرومانسيه
سواء بإحضار بالهدايا اوباشعال الشموع ,,
أو بطلب عشاء فاخر من اي مطعم ,,
لو ورده مغلفه وعليها كرت باسم الزوج,, وأكيد هو يتعود منها وراح يفاجئها يوم من الايام 0

ولاتنسين انه الاحترام والموده بينهما يفوق تلك الشكليات 0 وضوح اهدي لكِ باقات من الجوري لجهودك هنا 0
دمتي برومانسيه عامره في مستقبلك ومع زوجك 0

[وضوح]

هذي ليالي سمنسية ياوضوح

تبي ناس تفهم وتتقن اتيكيت الليالي الحمراء

من يملك ذلك الوعي العاطفي ؟

لو عرف الزوجان مالهذه العلاقات العاطفية والمفاجأت السمنسية من تاثير لبادروا اليها كل فترة وفترة

لانريدها كل يوم بل نريدها على الاقل في المناسبات ؟

مالذي يمنع في غير العيد

مثلا في مناسبة زواجهما يفاجئها بليلة سمنسية دافئة باحد الفنادق او الشاليهات الفخمة

وضوح لك تحيتي وترانا شعب صحراوي


أهلاً سمنسي ...

الشعب الصحراوي هم من يحتاجون الى الترطيب...

ولايأتي الا بجهد من الطرفين وتحفيز منهما ..!

وبإعتقادي العيد أفضل مناسبة ...

لكن الأزواج يقدمون فيها اصدقائهم على زوجاتهم وانفسهم..!

أشكر حضوركـ الذي يدعوا للتفاءل ..

[فارس الخبوب]

قبل كل شي لا تتنرفزي ياوضوح احنى جالسين نتناقش كل واحد يبدي رايه للحضور ولي يشوف عنده غلط يحاول يصححه موشرط انه بس الرجل هو الي عنده اغلط كلنا نخطي بس وين الي يشوف خطاه ويحاول يعدله فيه تقصير من الطرفين ياوضوح ونتي تدرين انه مافيه احد كامل الى الله سبحانه وتعالى فيه بمجتمعنا من الرجال او النساء من ليفقهون برمنسيه لاكن انكان فيه احد من الزوجين رمنسي يعلم الثاني عمومن لا تخلونها حرب قبليه بين الجنسين ههههههههههههههههه نبي نشوف اراء مفيده تنفع الحضور وشكرا على الموضوع الحلو ونترقب جديدكم

[T5ToO5a]

,



يا شيخه من الرجآل أغسلي إيدكـ

إلا من رحم ربيّ ,,

[رواسي]

بسم اللهـ وين يجهز عفشهـ ويروح < اللهـ لآيبلآنآ بمثل هؤلآء الرجآل

ويخلي لنآ رجآلنآ ولآ يغيرهم ( أقصد قرآيبي) رومنسيين لآخر درجهـ يآزينهم

وعلى كذآ زوجآتهم العكس مآفيهم الرومنسيهـ
شفتي سبحآن اللهـ < إن جآت من هذآ ومآجآت من الثآني

الرومنسيهـ تحتآج لمدرسهـ هذي المدرسهـ للأسف مآينجح فيهآ الكثير فقط أخذ معلومآت
دون تطبيق !!!




سلآآآآمي لك يالغآليهـ
:)

[زمن الغرباء]

الله يعين بس ..

[كــآريزمآ]

مراحب استاذة وضوح .,,.
بصراحة الاحساس عند بعض الرجال هنا معدووم ..,,.
الدليل ان اللي رد على موضوعك عزابيه ..:)
اجل فيه احد يسوي سواتهم ..اللي بيسافر واللي بيصيد.,,.
المفروض يستغل فرصة العيد ويجدد حياته مع زوجته.,,..
ومثل مايفكر بنفسه يفكرشوي بزوجته واطفاله وبلاش أنانية .,,.
شاكرة لكِ .,.

[عاشق ديرتي بريده]

وش الحياة نبي نموت وحنا نجامل ونسوي اروحنا رومنسيين غصب !

مير ذكرتين اروح اضف حلاويات وفصفص خخخخخخخخخخخخخخخ

[tootaa]

الضرب في الميت حرام

[ツ • بسْـطـَويِـسـْي]

ايش دخل العزابيه بموضوعك ؟
يرجى تحري الدقه في عناوين المواضيع وشكرا لك .

[وضوح]

ايش دخل العزابيه بموضوعك ؟
يرجى تحري الدقه في عناوين المواضيع وشكرا لك .

عذراً لتجاوز الردود السابقه ....ولكن

لأوضح لرومانتيكـ ..أن العزابيه يحتاجون لتأهيل قبل الزواج
أبشر سوف اتحرى الدقة في المرات القادمه..
تحيتي لحضوركـ ..

[عاشق الخير]

كل عام وانتم بخير ...

كان الله في عوننا ... ورزقنا الرومانسه اللي تذرف منا ليل نهار صيف شتاء بالعيد او بدوون ..

وضوح لك تحيتي وترانا شعب صحراوي

سمنسي اذا ذكرت الرومانسيه ذكرت لبناان ..

مع انهم شعب وبيئه جبلية اشد وعوره ..

اتووقع كذا

[وضوح]

تسلمين اختي وضوح ..



لكن ماراح ينفع معهم للأسف مثل ماقال العجوز

بيئة صحراوية لاقينها علينا ..

نحن مولودين في نفس البيئة

ومع ذلكـ نبدع ونحاول ..

أما هم استحاله يجتهدون للزوجه..

خاصة رجال القصيم الله يخلف بس..

تقبلي رأيي..





أهلين همسة عتاب ....

صدقتِ بنفس البيئة لكن نتأثر ونغير ونسعى له..!!
لكن /

ربما يبدل الله البيئة الصحراوية الى بيئة رطبة وساحلية !!

كوني متفاءله ..

تحيتي لإطلالتكـ ،،

[فتاة المستقبل]

وش الحياة نبي نموت وحنا نجامل ونسوي اروحنا رومنسيين غصب !

مير ذكرتين اروح اضف حلاويات وفصفص خخخخخخخخخخخخخخخ

اااااااااااااااااااااااااااااااااااااااااااااااااا ااااااااااااااااااااااااااه وش هالرد هذا ..كل ثلوج القطب الشمالي والجنوبي متراكمه فوقه!!!!

ياخي ورده ومعه عباره وش يضرك ؟؟ لاصارت الأشياء ذي ما تعني لك شئ ,ولا تحس فيها
ترى زوجتك تحس ياخي ..
إذا صارت جوعان معنى أن زوجتك جوعانه ؟؟؟وإذا صرت شبعانه معناته شبعانه؟؟؟ ..

ياخي ترى تفكير المرأه غير واحساسها غير ... لاتقيسها على نفسك رجاء ..

قسم ودي أشتري هديه لزوجتك وأحطها عند باب بيتكم واكتب عليه أهداء من زوجك .. رحمته والله

وبعدين تعال وش مجاملته هذي ؟؟؟
مادري متى بتفرق بين المجامله والكلمة الطيبه ..
اللي يطيب خاطر زوجته ويحاول يداري مشاعرها ويقدر احساسها تعتبره مجامله ...كل شئ عندك مجامله ..

الرسول اباح الكذب بين الزوجين ليش ؟؟؟

(ولكن الكذب المأذون فيه هو ما يتعلق بأمر المعاشرة وحصول الألفة بينهما بأن يظهر كل منهما لصاحبه الود والحب حتى وإن كان ما في قلبه عكس ذلك، وما عدا ذلك فهو باق على أصل الحرمة..)

الرسول عليه الصلاة واسلام ما أحل الكذب في هذا الموضع, على رغم من حرمة الكذب أساسا,, إلا لان الكلام الودي للزوجه يفعل الأعاجيب في نفسها من ادخال البهجة والفرح في قلبها
امدحها واثني عليها وانوِ في نفسك اتباع السنه تكسب اجرا باذن الله

[عاشق ديرتي بريده]

اااااااااااااااااااااااااااااااااااااااااااااااااا ااااااااااااااااااااااااااه وش هالرد هذا ..كل ثلوج القطب الشمالي والجنوبي متراكمه فوقه!!!!

ياخي ورده ومعه عباره وش يضرك ؟؟ لاصارت الأشياء ذي ما تعني لك شئ ,ولا تحس فيها
ترى زوجتك تحس ياخي ..
إذا صارت جوعان معنى أن زوجتك جوعانه ؟؟؟وإذا صرت شبعانه معناته شبعانه؟؟؟ ..

ياخي ترى تفكير المرأه غير واحساسها غير ... لاتقيسها على نفسك رجاء ..

قسم ودي أشتري هديه لزوجتك وأحطها عند باب بيتكم واكتب عليه أهداء من زوجك .. رحمته والله

وبعدين تعال وش مجاملته هذي ؟؟؟
مادري متى بتفرق بين المجامله والكلمة الطيبه ..
اللي يطيب خاطر زوجته ويحاول يداري مشاعرها ويقدر احساسها تعتبره مجامله ...كل شئ عندك مجامله ..

الرسول اباح الكذب بين الزوجين ليش ؟؟؟

(ولكن الكذب المأذون فيه هو ما يتعلق بأمر المعاشرة وحصول الألفة بينهما بأن يظهر كل منهما لصاحبه الود والحب حتى وإن كان ما في قلبه عكس ذلك، وما عدا ذلك فهو باق على أصل الحرمة..)

الرسول عليه الصلاة واسلام ما أحل الكذب في هذا الموضع, على رغم من حرمة الكذب أساسا,, إلا لان الكلام الودي للزوجه يفعل الأعاجيب في نفسها من ادخال البهجة والفرح في قلبها
امدحها واثني عليها وانوِ في نفسك اتباع السنه تكسب اجرا باذن الله

اجل لو انا كاتب سطر زود كان مليتي الصفحه خخخخخخخخخخخخ

فتاة المستقبل لا تطمحين بزود والرومانسيه السعوديه ماتجي من الرجال الا اذا صارت ريحت الغرفه بخور :)

[سحايب نجد]

قالها لورانس العرب الحب عند الرجال محصور بغرفة النوم وبس
ياما سمعنا وشفنا وربي مايبين بعيونهم المعروف في أي لحظه يبيع العشره والحب وانتي جايه تبين ورود وشموع
وضوح عيشي بواقعيه اكثر وتشكرات

[عاشق الخير]

سحايب

وش نسووي لا صاارت ثقافة البناات من هالاشكال اللي تستشهدين فيهااا ...

[وضوح]

مسكين الرجل مايقدر مايفهم

مدعت فيك الحريم طاهر

عموووووووم الموضوع جميل

لكن خلي المعزبة تجي وان شاءالله

اخذ بهذة النصيحة


أهلاً رومانسي ..

لا لاتخاف الرجل ..مسكين..؟!!!!

كل الرجال يمكن يصيرون مساكين الا القصمان ..

تراهم ماشاء الله ماينخاف عليهم ..!!

الله يرزقكـ الزوجه الصالحة ..

مادمكـ راح تآخذ بالنصيحة فهذي بشارهـ نزفها

للأجيال القادمة ..!

تحيتي لحضوركـ وإطلالتكـ ..

[سحايب نجد]

سحايب

وش نسووي لا صاارت ثقافة البناات من هالاشكال اللي تستشهدين فيهااا ...

لاهو استشهاد ولا قدوه لكن اخس الناس وعرف لكم
لكن قبل يتكلم شفت بعيني وسمعت قصص يشيب منها الراس وظليمه اقول كلهم الطيبين فيهم ينعدون ع الاصابع

[وضوح]

عساه انتم اللي تعرفون ياهمسة ؟

لا الله يسلمك ياوخيتي تراكم من جنبها

اللي يخلي لكم المواقع اللي تنقل لكم الحركات وتعلمكم وش تسوون

وترى نص المواقع هذي تنقل من مواقع مهب سعودية والا تراهم من جنب القدة الله يسلمك

عموما لعل التصحر يزول ويتهنا سعيد بسعيدة وليلة ربيع وعين وقمراء


وهـ بس <<< يتنهد بقووووة




ياسيدي ..على الأقل فيه بحث وتجديد من قبل الزوجه ..

أفضل من عدمه !!

ولو تلاحظ ان الحركات هذي كلها من رجال فنانين ورومانسيين

مهب سعوديين كمان ...وليست من نساء !!

حتى من يتاجر فيهن رجال على مستوى من الثقافه

يعني عليكم السلام .. :)!!

[وضوح]

اشكرك غاليتي وضوح على تذكير بعض الازواج والزوجات هنا

بصراحه المفروض انه صديقتك ماتعد هالشي من انانية زوجها
لاننا كلنا نعرف انه الرجال على وجيههم وتفوتهم هالاشياء
مو صحراويين او جفسين
انا اعتبره انه لا مبالاة او يعدها من الشكليات التي لاداعي لها ,,
ياليت كل زوجه تسوي مثل ماسوت صديقتك وتستمر على هالشي ,,طبعا من غير تكلف
بشرط ان لاتنتظر المقابل
لين هو يلين ويتعود على فن الرومانسيه
سواء بإحضار بالهدايا اوباشعال الشموع ,,
أو بطلب عشاء فاخر من اي مطعم ,,
لو ورده مغلفه وعليها كرت باسم الزوج,, وأكيد هو يتعود منها وراح يفاجئها يوم من الايام 0

ولاتنسين انه الاحترام والموده بينهما يفوق تلك الشكليات 0 وضوح اهدي لكِ باقات من الجوري لجهودك هنا 0
دمتي برومانسيه عامره في مستقبلك ومع زوجك 0








أهلاً بالوردة النديه /

موو على وجيههم ياقلبي ..لأنهم جربوا واللي جرب المفروض

يخلص مع من أخلص وقدم له ..!

بالعكس ربما ... لايرى اهمية لذلكـ .. أو كيد أو ماشابهه ...

غاليتي مشكووورهـ عالهدية إختيار يناسب ذائقتي ..

يسلموووو ..

[>ريانه<]

والله يالسعووديين ماعندهم رومانسيه واقل شي ياووضوح حتى الاسلووب ماعندهم مجرد تنزلي موووضوع يخص الزوجه او البنت في قمه الاستهتار والضحك
حتى لو الشخص ماعنده خلفيه في الامور المناسبه لحياته الزوجيه لكي يستفيد منها
لكن مستحيل الرجل السعودي يبعد الكبرياء اللي عنده ويتفهم مثل هذي الامووور
لكن اقول لكي ايتها الزوجه حتى لو ماتحصلي مقابل من الزوج اعمليه انتي رضاء لنفسك

موضوووع في منتهى الرووعه ..
اختيار رااقي ومميز ،،

مشكوره حبيبتي عالطرح الرائع

[وضوح]

قبل كل شي لا تتنرفزي ياوضوح احنى جالسين نتناقش كل واحد يبدي رايه للحضور ولي يشوف عنده غلط يحاول يصححه موشرط انه بس الرجل هو الي عنده اغلط كلنا نخطي بس وين الي يشوف خطاه ويحاول يعدله فيه تقصير من الطرفين ياوضوح ونتي تدرين انه مافيه احد كامل الى الله سبحانه وتعالى فيه بمجتمعنا من الرجال او النساء من ليفقهون برمنسيه لاكن انكان فيه احد من الزوجين رمنسي يعلم الثاني عمومن لا تخلونها حرب قبليه بين الجنسين ههههههههههههههههه نبي نشوف اراء مفيده تنفع الحضور وشكرا على الموضوع الحلو ونترقب جديدكم

أهلاً بفارس الخبوب ..

ههههه ....أنا اتنرفز ..فاهمني غلط ؟!

ياسيدي اذا انت ملاحظ كذا في المواضيع إياها فهي ليست نرفزهـ..!

معارضات ونقاشات خالية بصدر رحب وبوضوح تام ..

بإذن الله ماراح نخليها حرب قبليه ..

لكن بالمقابل ..ماعندكـ أحد صراحة

ولاحياة لمن تنادي ..

المسألة ليست في من المخطئ..بل هي للتنبيه والبذل

لمن حرمت من أبسط عيدية تقدم لها في يوم عيد المسلمين

وخاصة من تجتهد وتقدم لزوجها..

....وان كانت غير ذلكـ فليقدم هو لتنبيهها وتثقيفها

وحتماً سيكون الربح له في النهاية ..!

تحيتي لأطلالتكـ الراقيه..

[& جمال الطفوله &]

خصوصاً من جهز عفشه للهروب
!!!

وشوووووووووووو

الشرهه على زوجته اللي تخليه لحاله !

[وضوح]

,



يا شيخه من الرجآل أغسلي إيدكـ

إلا من رحم ربيّ ,,


أهلاً بكـ ...

من ناحية غاسلين فإحنا بالماء والصابون

لكن الأمل مطلوب ..

تحيتي لحضوركـ ..

[وضوح]

بسم اللهـ وين يجهز عفشهـ ويروح < اللهـ لآيبلآنآ بمثل هؤلآء الرجآل

ويخلي لنآ رجآلنآ ولآ يغيرهم ( أقصد قرآيبي) رومنسيين لآخر درجهـ يآزينهم

وعلى كذآ زوجآتهم العكس مآفيهم الرومنسيهـ
شفتي سبحآن اللهـ < إن جآت من هذآ ومآجآت من الثآني

الرومنسيهـ تحتآج لمدرسهـ هذي المدرسهـ للأسف مآينجح فيهآ الكثير فقط أخذ معلومآت
دون تطبيق !!!




سلآآآآمي لك يالغآليهـ
:)


أهلين بالنادرهـ ....

صدقتِ تحتاج الى مدرسة لكن ...الأهم من

ذلكـ وجود التبادل والحب والإخلاص بينهما ...

أشكر طلتكـ الحلوهـ ..

[كفاني عذاب]

اعتقد مافيه رومنسيه عند الشعب السعودي

شكرآ

[وضوح]

الله يعين بس ..

آمين .....عليكـ بذكر الله وبالمويه الباردهـ لتبرد على قلبكـ :)..

وعدم اليأس ..

تحيتي لحضوركـ ،،

[علشانك بس]

رجالنا مايعرفون من الرومانسية الا اسمها ,,
لو تحجز ليلة العيد في افخم فندق وتتكلف وتتعب وتسويها له مفاجأة كان طلقها ,,
اول شي بيقولها وشوله الخسااااير ,,
ثاني شي بيقولها ليش مااستأذنتي مني .. هالدلخ مايقدر المفاجآت ,,
ثالث شي بيقولها تكلمين الرجال بالفندق عيني عينك .. !!
والله لو نفرش لهم الأرض ورود مانسلم ,,
لاتتخسرن يابنات ,, اللي تبي تهدي زوجها شي تقطع له جذع ميت من شجر البروسوبس اللي ماليات الشوارع ,, شرط ان يفرح فيها ,,
هم يقدرون شي اسمه هدية بس بدون خسااير وبدون مايطلع من بيته ,,
احلى عيد هو مفارق وجيههم ,, تعيدن يابنات عند اهاليكن وخلو هاللي مايتسمون يتعيدون باستراحاتهم ,,

[وضوح]

مراحب استاذة وضوح .,,.

بصراحة الاحساس عند بعض الرجال هنا معدووم ..,,.
الدليل ان اللي رد على موضوعك عزابيه ..:)
اجل فيه احد يسوي سواتهم ..اللي بيسافر واللي بيصيد.,,.
المفروض يستغل فرصة العيد ويجدد حياته مع زوجته.,,..
ومثل مايفكر بنفسه يفكرشوي بزوجت واطفاله وبلاش أنانية .,,.

شاكرة لكِ .,.



أهلين كآريزمآ ..

ياستي نبغى نحييه ونعطيه التنبيه لعل وعسى..!

اما العزابيه فلاتنسي انهم مدعوون هنا مع المتزوجين...

لكن المتزوج هرب لأنه مايبغى ينفذ او لانه مخطط للرحله..!

والعزابي جلس يرسم ودخلت الفكرهـ

لكن الأهم منها التطبيق..

تحيتي لإطلالتكـ الراقيه ..

[ربيع بريدة]

مراحب استاذة وضوح .,,.

بصراحة الاحساس عند بعض الرجال هنا معدووم ..,,.
الدليل ان اللي رد على موضوعك عزابيه ..:)
اجل فيه احد يسوي سواتهم ..اللي بيسافر واللي بيصيد.,,.
المفروض يستغل فرصة العيد ويجدد حياته مع زوجته.,,..
ومثل مايفكر بنفسه يفكرشوي بزوجته واطفاله وبلاش أنانية .,,.

شاكرة لكِ .,.



اعجبني هذا التعليق المنصف من أختنا الكريمة ..حينما قالت (البعض).... وهي تخالف اغلبية المشاركين في تعميمهم..
هذا التعميم الذي اصبح ملازماً للكثيرين في طرحهم مما يعيق كثيراً التقارب في وجهات النظر والوصول الى حلول منطقية ومقنعة.

الجفاء والجفوة موجود لدى بعض الازواج كماالتشكي والتذمربسبب او بدون وعدم اللباقة لدى بعض الزوجات.
وبين ذلك هناك حالات تنعم باجواء رومانسية وحياة زاهية وليس بالضرورة ان تكون معلنة للخلق..فدائماً لايظهر فوق السطح من الحياة الزوجية ألا الجانب السلبي والمظلم والجانب المشرق يكون بالغالب خافياً ومستتراً أما خوفاً من العين أو اعتباره سراً لا يصلح افشاؤه.

وتقبلوا تحياتي؛؛؛

[وضوح]

كل عام وانتم بخير ...



كان الله في عوننا ... ورزقنا الرومانسه اللي تذرف منا ليل نهار صيف شتاء بالعيد او بدوون ..




سمنسي اذا ذكرت الرومانسيه ذكرت لبناان ..



مع انهم شعب وبيئه جبلية اشد وعوره ..



اتووقع كذا






أهلاً بعاشق الخير......

وأنت بصحه وسلامه..


يكفي انكـ تؤيد الرومانسيه.. وراضي بها ..حتماً ستكون مرضي



الى حد ما ...الله يوفقك



...صح عليكـ كذا ...لبنان وش جابه لنا



لكن مايصلح نقول شيء ..خلنا بالسعوديين!!



تحيتي لحضوركـ ..

[وضوح]

وش الحياة نبي نموت وحنا نجامل ونسوي اروحنا رومنسيين غصب !

مير ذكرتين اروح اضف حلاويات وفصفص خخخخخخخخخخخخخخخ


اهلاً بعاشق ديرته وبس..!

لا تجامل لكن استغل مادامكـ رايح تضف فصفص

وحلويااات ...خذ كم حلاوهـ وقدمها لها بمناسبة العيد

كل عام وإنتي بخير يالغاليه والا ماشابهها

وبعد كلامك لها... لا تقول خخخخخخخخ تراها ترفع ضغطها !!!!

تحيتي لحضوركـ واطلالتكـ ..

[وضوح]

الضرب في الميت حرام

ههههه .......ماتدرين يمكن يحييهم الله ...!

تحيتي لحضوركـ