استفسار 2 عن الثانويه الثانيه (المطوره )

[دره]

السلام عليكم ..

حبيت استفسر عن الثانويه الثانيه من ناحيه ..

1- معلمات العلمي ونظامهم كيف ؟
2-الزي المدرسي ..
3-موقعهم ..

واي شي ممكن يفيدني الله يخليكم ..
يعطيكم العافيه ..

[>ريانه<]

المكان في الصفرا
المعلمات رووووعه لامن ناحيه العلمي ولا الادبي
ايضا الزي كل يوم شكل مقدر افيدك لان كل سنه يتغير روووحي ويخبرونك

[{!ع ـبث طفلهـ ’]

هلا حبيبتي انا من الثانويه الثانيه ..
التعامل جدآ مميز من الاداره والمعلمات ..
والزي عادي بني ..

[حكاية إحساس]

الثانويه الثانيه حلوووهـ والنظآم المطور رائـــــــــع>>مع اني اول دفعه بالمطور يعني انواع التجارب

احلآ مافي يالمطوره الادراه.. إدارتهم زينه وماعندهم خرابيط الحق حق

ومعلمات العلمي ..صراحه فيهم الزين والشين >>مافيه شي يكمل
اما الادبي>>مااعرف معلماتهم كويس

وبالتوفيق

[دره]

ياحبيلكم ..
يعطيكم العافيه ماقصرتو ..

الزي كامل يعني ؟
وسمعت انهم مايقبلون من مدارس اهليه صحيح ؟
والمبنى حكومي ؟
وكيف الشده على الدراسه من ناحيه التلخيصات والاختبارات وكذا ..

معليش طولت عليكم (f)

[دره]

انتظرررررركم

[لِـيم’]

الزي كامل يعني ؟
ايه عادي مثل الثانويات العاديه
وسمعت انهم مايقبلون من مدارس اهليه صحيح ؟
على حسب علمي اهم شيء النسبة
والمبنى حكومي ؟
ايه حكومي جديد روعه

[فوفو الحلوه]

مراحب دره
انا خريجة مطور نظام المقررات ولله الحمد والمنه
مبنى المدرسه الجديد بحي الصفراء
المعلمات اللي درسوني بصراحه نقووه
ولااعتقد انهم كلهم موجدات الحيين لان بعضهم مجرد بند او إستثنائي
مجرد ينتهي العقد يتغيرون بس ادارة المدرسة لاتأتي الا بمدرسات صـح
وش بعد والزي بني لايتغيييير
آآآخر شي ياحلوه كنك مستجده نصيحه اعقليها وتوكلي وادخليها
لانك بتطلعيييين كذاااااااااا :17[1]: تووووب وبتمششين بالقياس ان شاءالله
ولايهممك اللي يقول انه صعببه هي صعبه ومتعبه من ناحية النشاطات الصفيه
الحركيه والتحريريه بعد كل وحده من كل منهج وايضاً مطالبه من ضمن درجة المشاركة
بعمل الدروس بعروض بالبوربوينت بس تمششين اذا جديتي
مافي شي اسمه تحديد ولا ملخصااات من الجلاده للجلاده
بالترم فقط لك ست مواد اختياريه على حسب يوم صرنا بثالث فقط 4 موواد
والمعدل معاك ماشي من اولى اذا انخفض في اي ترم من الاترام سوف
تنقلين من المدرسه والكتب زي حجم مذكراات الجامعه الكتاب كله فصوول +وحدااات يتجاوزالمائه صفحة فما فوق مثلا مادتي الجغرافيا والتاريخ لاتدرسينها بكلا الترمين بل تدمج بترم واحد فقط....يعني دسمات شوي مثلي انا يوم كنت بأول كبر الكتب ارعبتني بقوووه خاصة الكتب العلمييه اذكر انه دااخله امتحان الفيزياء النهائي باقي لي4 وحداااات هههههه بـس عاادي مشيت مع الوقت تتعودين وتقدرين تنظمين وقـتك

أي إستفسار انا بالخدمه يادره.....
تقبلي مروري

[حكاية إحساس]

الزي كامل يعني ؟
الزي مثل المدارس العاديهـ

وسمعت انهم مايقبلون من مدارس اهليه صحيح ؟
ماسمعت انهم مايقبلون اهليه اهم شي درجاته تكون عاليه بمواد محدده
مثل الانقلش والرياضيات>> يركزون عليها كثير
والمبنى حكومي ؟
يس حكومي "جديد" بس مــرره حلو ومرتب
وكيف الشده على الدراسه من ناحيه التلخيصات والاختبارات وكذا ..
مناهج المطوره تكون مكثفه اكثر من النظام العادي لانهم يدرسون الماده بترم واحد بس
والتخليص على حسب المُدرسه نفسهآ >>بما اني اول دفعه بالمطوره انواع واشكال التحذيف بس حآليآ مدري والله

>>انصحك تتوكلين على الله وتسجلين فيها مره روووعهـ

بالتوفيق حبيبتي

[Miss Tala]

السلام عليكم..انا اختي تدرس هناك..وماشاء الله تمدح فيه كثير واي شي جديد لازم فيه لخبطه شوي .عمومااا هو حلو لانك بتركزين في عد محدود من المواد ماتتشتتين..وانا كمان زرت المدرسه كان عندي نشاط هناك..بجد روعة التعامل معنا خصوصا الطالبات والمعلماات والمديره ماقصرت استقبلتنا وكمان ساعدونا كثير ..والمبنى حلو ماعليه حكومي.واهم شي فيه الالتزام والنظااام انتي راح ترتاحين فيه كثير.. بالتوفيق عسوله..

[الوردة الجميلة]

حبيت انا ايضاً أستفسر عن النقل ؟ فيه نقل ؟ وممكن يجي للربوة ؟

[الوردة الجميلة]

جاااااااااااااااااااااااااوبوووووووووووووووووووووو نَ!!!!!!!!!!!!!!!!