أبو الريـش مدونــــه متواضعه متنـــــوعه تحكي كـــــل شـــيئ ,

[أبو الريش]

مدونة الفكاهي عبدالله بريده<< مادري وين قناة فنون عنه


ماتفقد غاااالي يابو الريش يابو الحبااايب







والله يالليل طووويل مهب معقوووول

امس نمت الساعه عشر بالليل وتعباااااااان الصرااحه ماصدقت على الله اطيح بالفرااش وأول مانسدحت الا يجي الجاثوم ويطب علي وانا وياااه شيل وحط الصراحه يوحش تحسب روحك تبي تمووت



واخواني يقولون لي لمنه جااك اقر اية الكرسي هههههههه وانا عجزن اتذكر اسمي اكااا الساعه وشلون عااد ابقراء اية الكرسي




والمهم واناااام وحلوووم زينه وفلللللللللله وحريم وونااسه بالحلم ماودك تقوم من النوم وبطوولااات وانا بين اربع جدرااان يوم تنبهت ورااء الدنيااا شااااسفه واناااظر الساااعه وراااه مابعد جت الساعه 12 يعني كل هالخبصه والربكه ولا راااح من الليل الا ساعتين



ههههههههههههههههههههههه

أنا امس صاير لي سالفه قبل النوم بصراحه خفت وسبب خوفي لاني نيم بمقطعه ماحولي أحــد

المهم ,,

يوم دهنــــت صديري بفكس على أني بنام تبهذلت بهذله مايعلم به إلا الله عجز يروح الفكس من أيدي واجيب صابو تايد وأغسل يمكن خمس مرات مافيه فايدهـ رحت للفراش على اني بتغطى يوم تواسيت ودفيت تذكرت اني ماحطيت المنبه وأقوم وأضبط المنبه يوم رجعت للفراش وأسمع شيئ يحك بالجدار طبعاً هذا الساعه 2ونصف وخفت لأنه قبله بنص ساعه داق علي واحد يهددن ومغير صوته وقلت أكيد هذا من أخوياي , المهم : يوم قمت أشوف أثرهـ عسيب النخله يحك بالجدار وبردهـ الله بالعافيه وأرجع مرهـ ثانيه وأتواسى ومامدان أخش بتفكيري إلا وأسمع طقطقه مع انه مافيه الا أنا قلت جاك الموت وأروح أنزل تحت وأشوف وأدور مالقيت شيئ ونمت غصبن علي وانا خايف يوم قمت الصبح قلت تسيييف انا اخاف

أما الجاثوم : والله ياهو مفتلن عظامي كأني منشّل , مرهـ جان وأنا نيم بأستراحه مع واحد ينــاظر مصارعه ولا أدري وش مسوي تعرف أي شيئ يثيرهـ

ونيم وهو جلف ودب يمكن والجاثوم فرصته يجي للي يسوون ذاك وذاك لعل الجاثوم ماقواهـ وجاء لمي بغى يموتن المشكله أنك تسمع وتشوف بس تقل مربّط ودي أهرج على هاللي معي أقوله جايك مثلي ولالا ونيم أبن اللذينا ولادري عن انا وجاثومي

[أبو الريش]

أول لاجينـــا نكشت نتزهب من قبل ماتطلع الشمس وماهنا غرض مهوب معنا وكل واحد مواعد قريب له ويالله نوصل للمحل اللي نــبي بساعتين !

الحين نفس المكشت اللي نروح لمه قبل 10 و 15 سنــه صار قريب وبنص ساعه أو أقل توصله

مع ان الشوارع هي الشوارع ماتتغير

وش اللي يبعده بذيك الفترهـ ويقربه الحين !

[أبو الريش]

واحد اليوم يسولف عــلي على أنه مودي أهله للبـــــــر , والرجـــال ضيــــّع الدرب يوم رجعو بعد المغرب!

خويي وقف واحد يسأله عن الطريق ودلّـــه الرجال وراح خويي وعرف الطريق بعد ماوصف له اللي وقفه ,

وكل الطريق الحريم اللي معه يدعن للرجال اللي وصف لهن لمن وصلو البيت !

قالي:: تصدق وأنا من الفجــر أطامر بهم ماجان الدعاء اللي جاهـ

ههه ضحكني بصراحه

[أبو الريش]

^^^^^^^

هذولي مثل الحريم اللي مالقن سياره توديهن للعــرس الا سيــاره بدون أبواب وركبن وراحن , يوم خلص العـــرس وبيرجعن كل وحدهــ رفضت تركب السيارهـ

[أبو الريش]

بمـــــا أن طالبــات الكليات يعانيين من تأخر معاملتهن أو أوراقهن من الجــامعه أو ترسل ولي أمرهـا يجيب أوراقها , ولا أي طــالبه ولي أمرها يقدر يتصرف بالأمور

عنــــدي أقتراح

ليش الطالبه ماتجي تخلص أمورهــا بنفسها وش يفرق الجامعه عن السوق كله نفس الشيئ , ويكون هناك ستــاند أو حاجز خاص بهن

تجي الطالبه من نفسه تخلص أمورها , لأن الجــامعه فيها حراس أمن كمــا في الشــارع والسوق حارس أمن


ويــــــادار مدخلك شــــر

[أبو الريش]

معي كرتيــن زيارهـ لمجلس الشــورى بروح تبع ذوي الاحتياجات الخــاصه ,

اللي يبيــه يعلمني أبيعـــه عليــــــه !

ويمكن أهون أبـــيع كل الكرتـــين لاجــابن سعـــــر زيـــن:4_1_6[1]:

[أبو الريش]

أرفقوا على أنفسكم أدخل على مدونــات الأعضــاء وخصوصاً العضوات كلهــا صياح ودموع ونياح

ووداع وآلـــــم

كــأنه صاحب/ة المدونه بيودع الدنيــا

الله يصــبركم , مامثل التطنــــيش

<<<< ضاق صدرهـ يوم دخل أكثر من مدونه كلها صور دموع وبكاء

[أبو الريش]

إذا ضيعتم اتجاه القبلة،، استخدموا الجوال..

الله يجزي من قام على هذا العمل خير الجزاء و يجزي من أرسلها لنا كذلك

اكتب : القبلــة

أرسلها إلى : 100100
وبعد كذا توصلك رسالة فيها اتجاه القبلة...

والخدمة مجانية من الاتصالات

وعلى فكرة لازم يكون الجوال 3g

يعني جيل ثالث


لأني أرسلت بجوالي الرهيب


وطلع لي مدير الاتصالات مع الشاشة

يقول : فيك خير عيدها مرة ثانيه


خخخخخخخخخخخخخخخخخخ


وجربت بجوال ثاني 3g


ووصلتني رسالة حلوووووة


فيها اتجاه القبلة ومواعيد الصلاة


وموقع اقرب المساجد لك


وهي مجانية بالفعل


منقوووول << تأكدوا أنه مجانيه , لأني أنا منب مشترك أعرف القبله لو أنا بـ ديرة قصيرات الجن:4_1_6[1]:

[أبو الريش]

كيف تتخلص/ين من الشروفيين (الشهبان) دون أن تفقد صحبتهم!

بتكلم بصيغة الأنثى كمــا طُلـــب مني ؟

هي ليست عدوهـ أنما تحبك لكن فيها غريزهـ حب الإستطلاع عن كل شيئ يـ أما تحسدك بتعرف وش انت ماشيه عليه بحياتك علشان تروح تسوي احسن منك وتتفوق عليك

أوتحب تشوف وش عندك من خطط مستقبليه حتى تفسد فيك الطموح

أو على نية قلب وكماخه من يوم هي صغيرهـ وهي كذا ماتحس باللي تسويه

كيفية العلاج :

أولاً: متــأكد لو كل إنســان أسدل شخصيته للغيــــر بدون تحكم سيكون عرضه لعــدة وجوهـ تتشرف عليه دون أستحياء فالشخصيه التي تثبت لغيرهـا أنها لها حدود مع الغير لن تتعرض لعدة مسآلات تحرجها

ثانياُ : أبدأي بنفسك بعدم الإجابه لعدة تسؤالات تواجهك وجاوبي رؤوس أقلام ومحاولة وبطريقتك الخاصه انك لاتريدين الاجابه بالتفصيل , وأتوقع لو تعامليها بالمثل ماراح تجاوبك على كل شيئ وان جاوبت بكذب

ثالثاً: طبعاً صعبه تقولين مو شغلك بأي شيئ تسألك عنه وأن قلتيها ممكن تكون عداوهـ لكن الأفضل بدون أن يحدث شرخ بالعلاقه , هي أن أي سؤال يواجهك تضعينها بمتاهات

أما بالنسبه للأمور الشخصيه كجوال او لاب توب أو أمور عائليه فمن الغباء أن أعطي كل من لي معهم علاقه كل شيئ فلا اعلم متى الايام كيف تتفرقني معه

أنا أفضل الكذب إذا واجهت إحراج بأي سؤال من شخص أكن له إحترام حتى أن بعضهم يفهمونه ويعرفون أنك لاتريد الأجابه هذا بأرض الواقع, أما في النت عادي

ربمــا تهون علي من يحاول التفتيش عني وهو يرضى بالتفتيش عليه لكن مايغيضني هو من يفتش عن الناس ولايريد أحد يفتش عنه وهو مليئ بالعذاريب

ــ أمور كثيرهـ من الممكن أن تتخلص من هالفئه لكن الأهم فرض الشخصيه بطريقه متزنه وهي أن لا أكون شخصيه عدائيه أنما مقبوله مع لا أرضى بالمساس بشيئ يخصني!

[أبو الريش]

هل جرّب أحــد منكم حُب الفصول الأربـــــعه , حــُب مُتعـــب جــداً ؟

حديـــثي القادم بالمدونه التــاليه !!

[أبو الريش]

حُــــب يمطر ويشمس وتتتساقط أوراقه ويصفو أخضرارهـ بليله واحدهـ

حُب لايعرف الذوق والأدب يُمطر بوقت الصيف بدون ســُحب وتتســاقط أوراقه بالشتــاء وتخضّر أرضه بالصيف ,

عندمـــا أحتـــاج لوقت الشتاء يكون بوقــت الصيف لاأجد في شتاهـ شتاء ولا صيفـه صيــف

أحـتـــرت مع هذا الحُـــــب , كيف أجـد التزاوج معه وهو يمارس أربع فصول بليله واحــدهـ , وأنا الهواء الحائر بداخله

أوقـــات أحس أنه قـــــريب وأوقـــات أحس أنه بعــــــيد ,

أحتـــاج لأيــــــام الربيع يحضن قلبي يكـــــون صيف حـــارق , وأحتــــــاج للخـــريف يكون شتاء ويبلل أوراقي

مــابين صدهـ والقبول عشــــت الفصول الأربعـــــــه

عجيب لهــذا الحــب الذي لايأتي بموسمــــه

لاحســسني بالآمــــان ولا من أحســاسي قريب

[أبو الريش]

لغـــز يعتمد على الذكــــاء , ومن بيثبت لنا ذكــاءهـ ,, في حل اللغز ؟ يحتاج لتركيز؟

اللغز هو :

تقــدم رجل لخطبة فتاة وطلب والد الفتاة من الرجل أن يسدد قيمة مصروف البنت من يوم تحملها أمها حتى وقت خطبتها , فوافق الرجل وعرض عليه أبو البنت دفتــر خاص بجميع المصــاريف التي صرفهاعلى بنته , وتفاجأ الرجل بوجود (جحّه) بطيخه أشترهــا الأب لبنته قيمتها 1000 ريال, سأل الرجل الأب: لماذا سعرها 1000 ريال قال: عندما كانت أمها متوحمه فيها طلبت مني (جحّه) وهي في فصل الشتاء ولم اجدها في البلدهـ فسافرت خارج البلد إلى لبنان وبحثت عنها وأتيت بها لأمهــا ؟؟؟


س/ لمــاذا سعر( الجحّه) البطيخه 1000 ريال ؟



من نقلّدهـ وسام الذكاء في مدونتي ويحل السؤال؟



حــــل اللغز هنا في الرابط أدناهـ

http://www.formspring.me/rakaaaan11

[أبو الريش]

اكرهـ أن أرى صورتي بالجوال ,

بعد البحث والتحرّي وجــدت أغلب من أسألهم عن هذي العادهـ التي لايحب أن يرى صورته بالجوال , وجدت كم هائل منهم,

أنا عن نفسي أرى صورتــي بعد أن التقطها من جوالي أنه غير أنا!
وكـأني غريب بين نــاسي رغم أن الغيـــر يرى أنها جميله !

مثلاً: أنت/ي تلتقط صورهـ لنفسك تراهـ غير جميله وغيرك يراهـ مقبوله أو رائعه

لا اعلم مالأسبــاب التي تدفعنا إلى انتقاص صورنا عندما نراها وخصوصا في الجوال

لكــن أمام المرآءه تكون أحلى بكثييييير

[أبو الريش]

باسم الثغــر


أبو الريش

تصدق إني مثلك
بس
مع إختلاف
أنا أكره أسمع تسجيل صوتي كره عجيب
أحسه شين مره

ماأدري وشلون المغنيين والمنشدين يسمعون أصواتهم

والغريب
لقيت أكثر من واحد يتفق معي بهالراي
وواحد قال لي سجل صوتك أكثر من مرة
وكرر سماعه
وراح تتأقلم عليه ، وتحس إن صوتك أحسن من (( محمد عبده ))




الصوت حاجه ثــانيه , العن وادق رقبه :f5:

[أبو الريش]

جويرهـ

هي اللي فازت بالمســابقه

أثري على علم يوم ماحطيت جائزهـ على طول جاوبت مبروك:)

[أبو الريش]

http://www.buraydh.com/forum/showthread.php?t=267888


فقط لمحبـــي مدونــــتي

تــــابعوني على الرابط أعلاهـ بين فترهـ وفترهـ

[أبو الريش]

انا أحســـب كل الناس مثلي إذا مِدحو يحبون اللي يمدحونهم

أنا طبعي لاشفت شيئ أعجبني حتى بعــدَوي أحاول أبدي أعجابي ما أقدر أصبر لأنه مو مسألة برفع معنوياته (لا) فعلاً هو أبدع بالهشيئ وشيئ داخلي يثيرني على أني أقول هذا رائع ما أحب أكتم أبداً أو أن صار شيئ عادي أجــامل << ضروري علشان ماينكسر الخاطر

للأسف أني اسوي هالشيئ لنــاس مايستاهلون مجرد ماتبدي اعجابك يا يتكبر أو يشوف نفسه وكــأن هالشيئ يتمناهـ علشان يتعلق فيه ويشوف الناس تحته

عجزت أفهم للنـــاس كل شوي طلعلي شيئ بهم , مادري هم نفسيات ولا فيه شيئ بداخله ولا جيته صدمه من أحد

ولا أنا أسلوبي معهم مايناسبهم<< كل ليله أقول بتغير ويصبح الصبح ماتغير شيئ

[أبو الريش]

بضطر أرمي تربيتي اللي ربّوها علي والديني وأرميها بسلة المهملات

لأنه تضرني أكثر ما تنفعني , ليش ربوني على الطيبه والتعامل الحسن ليش ربوني أني أكون متواضع وأحترم أكبر مني

ليش ماأطعموني جرعة مليئه بالشرر علشان أستفيد منها الآن وأبادلهــا بغيري من البشر

عفـــواً والدي لن أكون كمــا أوصيتني في تربيتك أصبحت أنا في غـــابه لاترحم فــ أنا سأتخذ دورهـ في مجتمع الأسود والنمور لعلي أكون أحسن وأفضل

فتلك الزمـــان انطفى تغطى بالرماد أندفن !

[أبو الريش]

ســــــأظل صـــامت في زمن الثرثرات

لكن , لايفيد الصمت في زمـــن أكل الحقوق

[أبو الريش]

عندمــــا تجد نفسك مجنوناً في جســــد لا يعتاد على الجنون فأعرف أنك في وطئت وحل ,

وإذا وجـــدت نفسك في صراع فأعرف أنـــك في ضد مع من حولك مع أنك على حق,

وإذا وجــــدت نفسك في الليـــالي القصيرهـ طويـــله فأعرف أنك داخــل قلب لايعبّر مشاعرك,

وإذا وجـــدت نفســـك في الآفـــــــاق فأنت في حوض الثقافه والآداب,

وإذا وجــدت نفسك غير أنت فــأنت في منتدى بـــريدهـ ( يحكي مالم يُنفّذ واقعياً)

وإذا وجـــدت نفســـك في مأمن فأنت مع عقلك

وإذا وجــدت نفسك في مــأزق فأنت مع قلبـــك

[أبو الريش]

يانذالـــة بعــــض الأخــــــوان أوالأبــاء

غالبية من يكون له أخوان أصغر منه مايعترف فيهم بعلاقاته الإجتمــاعيه مع الشباب خصوصاً من فقدوا والدهم ,

يطلع ويكشت ويروح للأستراحات لحاله ويكرهـ مايشوف أن أخوهـ يكون معه بأي جلسه خاصه مع أخويــاهـ خصوصاً إذا كان أخوهـ وحداني أو منعزل إجتماعياً ولا يسأل عليه ولا كأنه أخوهـ

لأنه يعتبر وجود أخوهـ بين ربــعه مصدر إزعاج

على الأقـــل لومــرهـ بالأسبـــوع خذ معك أخوك ولا تكون أنــاني لو كانوا ربعك مايصلحون له وجودك بينهم مــا يأثر فيه

خطـــر يجلس بين الحريم بالبيت مو أنه أحتقار لهن بالعكس كل جنس له جلسته المتوافقه عليه لكن وجوده بالبيت بين العنصر النســائي يأثر فيه مستقبلاً وتسبقه أحداث شبابيه لايعرفها وممكن بالمستقبل ينضحك عليه لو يختلط مع شباب بوقت متأخر لأنه ماتعلم ماهي لغة الأختلاط بين الشباب وهو صغــير السن ويكون ضحكه لصغار السن وهو أكبر منهم !

حــذاري من يحتفظ بأبنه داخل البيت بقصد الحفاظ عليه من جلساء السواء فكل الطريقتين أسوى من الأخــرى

والأفضــــل المتابعه من بعيد وترك الأبن بحريه مع أصحابه

وماضرنا أهلنا متوهيننا بالشوارع ولاشفنا شيئ, بعكس اللي محجورين ببيوتهم, دائماً بشكل صامت مايعرف يتكلم ولا يعرف يواجه الناس ومنعزل وعليه علامات عدم الأختلاط بالناس

الأشباع الإجتماعي والنفسي منــذ الصغر مهم , حتى إذا تقدم الأبــن بالسن ووصل مرحلة الرشد أو مابعد المراهقه مباشرة يكون مهيأ نفسياً لمرحلة الرجوله

[أبو الريش]

^^^^^^^

شيئ مقــرف إذا لقيت خاصية التعديل منتهيه صلاحيتها بشكل سريع ولا تقدرتعالج الأخطاء

لازم أكلم بنت البدائع ويالله يالله يسمعون لكلام بنت الإداره ولا لو بقولهم أنا يمكن يحذفون التعديل نهائياً:4_1_6[1]:

[أبو الريش]

صبـــــــــــر المرأءهـ

تتحمـــــل الصدمــــات وتحملها على عاتقها , تصبــــر على هجران زوجهــــا , يُرمى عليها تربية الذكوراً وألاناث تقوم بتعليمهم وتنظيفهم وتقوم بالطبخ وأي شيئ ممكن يخطر على بــالك ,

تعاني من مثيلتها من الكلام الجـــارح وتعاني من أهــــل زوجها تحت ضغط زوجهـــا , تخطط للمستقبـــل بصورهـ سليمه لكن مشكلة الزوج يدمر مخططاتها , ومع كل هذا راضيه بزوج قاسي زوج غير مبالي, تشوف غيرها من الزوجات أفضــل حال مع أزواجهم ولازالت راضيه بزوجها لو هو أدنى درجات الرجوله ,


تتحمل بعض الأسواط!!!

تخطط لوقت السفر والنتزهات بوقت أن الزوج يكــرهـ أنه يرتبط بمثل هالأمــــور , وكل هذا حمـــل وولادهـ ومابعد الولادهـ أشد وأمّر , دورها بالأهتمام بمحيط الأسرهـ أكبر من الزوج تبحث عن الأستقرار والدفئ ولملمة الأمور تتفقد أمور البيت بوقت أن الزوج لايعرف بالبيت الا غرفة نومه يعني لاشفتوا زوجه طالبه الطلاق لاتلومنه لأنه ممكن تتحمل أي شيئ فــ وصلت لمرحلة تجبرها على ذلك

[أبو الريش]

http://www.buraydh.com/forum/showthread.php?t=266990&page=10


بدون مجاملات أنتظر متابعيني بنقدهم بدون مجامله

الرابط أعلاهـ مسآلات لابد من الوقوف والإجابه عليها

أنتظركم

[أبو الريش]

http://www12.0zz0.com/2010/12/18/23/990276751.jpg (http://www.0zz0.com)

قيــــــــــــس ولـــد أخــــــوي

في مخيم بأحــد المكاشت ,, يغير من ولد عمه اللي حطيت صورته بأول المدونه :g6:

[أبو الريش]

http://store3.up-00.com/Dec10/f9z51405.jpg (http://www.up-00.com/)

القهوه من الأساسيـــات في حيــاتنا حتى أنها تأخذ أغلب أوقاتنا في مسامرتها ,

وقت الصباح , وبعد المغرب عادهـ تعود عليها المجتمع في جميع أحواله تقرّب البعيد تجمع الحبيبين توطد العلاقه بين الأخ وأخته وبين الأخ وأخوهـ , هي الأمل للأم والأب بوجود أبناءها وأحفادها بينها , أصبحت أفضل من غيرها من الوجبات تتمتع بحسنات كثيرهـ بين طياتها بين مرّها وحلاوة جلستها

في المــاضي ماضي أجــدادنا: يتناولون أو يشربون أو يتقهون أن صح التعبير القهوهـ بدون هيــل والهيـــل مخصص لذوي أصحاب المادهـ العاليه حتى أنه لايمكن لأي بيت يحصل على الهيل وكأنه نفط يُبحث عنه , أعتادوا على القهوه بدون هيل حتى أنهم لايستسيغونها حالياً مع الهيل رغم أنه لازال في أرتفاع حاد في سعرهـ أما التمر مكمل له وطعمه غير في المــاضي لانه يوجد بقلّه وتكون شهيته أفضل من الآن لأنه تعددت الأصناف وقلة الشهيه لأختيار التمر

مع تدوال الأيام تطوّرت القهوهـ كغيرها من التطورات التي لحقت بالبشر ولحقت بجميع مافي الأرض أصبحت تضاف لها أصناف كثيرهـ من الخلطات ويقدم معها مالذ وطاب من أصناف الحلى وغيرهـ حتى أن أصبح المفيد (التمر) غير مرحب به في القهوهـ خصوصاً للأجيال الحديثه وأجبروا غيرهم من الأجيال القديمه بتغيير القيمه الغذائيه للقهوهـ والعاده المعتادهـ لها

أختيار الفنجال: البعض يهوى أن يكون له فنجال خاص بالقهوهـ لا أعلم ماهو سر شذوذهـ عن الآخــرين وعادهـ جديده يمارسها بعض من موسوسين النظافه و البعض يرى أن الفنجال الفلاني أكثر لذهـ !

تغييـر الدله: في السابق كانت الدله رمز للقهوة العربية الأصيله بوجود شعيرهـ خاصه بمصب الدله وتوضع بالجمر حتى لاتبرد ونفسياً القهوهـ عند الاغلبيه تكون ألذ بالدله أفضل من غيرهـا , لكن مع التطورات الحديثه للعمران أختفى ( الوجار ) الذي كان في صدر أي مجلس يزف القهوهـ لمحبيه وضيوفه وأستبدلت بالترامس أو الزمزميات أو البراد وتعودنا عليه وسايرنا الوضع

التمر: يفضل التمر السكري أو الونان أو المنصّف وغيرهـ مع القهوهـ حتى يحلّي مراراتها رغم أن مرارتها أفتقدنها وأصبحت أمر عادي لانحس به

العزوف بين الأدمان والهجران عن القهوهـ : انا بالنسبه لي أولاد أخي أو أخواني اللي أصغر مني مدمنيين قهوهـ لحد الجنون حتى أصغر واحد من أولاد أخوي عمرهـ 6 سنوات ضروري يكون حاضر القهوهـ وممكن يزعل علينا لو مايكون موجود معنا ,, لكن في عند بعض الشباب أو في بعض البيوت أصبح الموكا وغيرهـ بديلاً لمثل هذي وأصبح أكثر لذهـ بوجود مكونات لذيذهـ فيه رغم أني لاأحرص عليها







ملخص بسيط جــداً عن القهوهـ وملحقاتها بين الماضي والحاضر والمستقبل

[أبو الريش]

ينتقدون لون أستخدام الخط الحالي وهو اللون الاسود

مادري هل ترون ان لون وحجم الكتابه في المدونه يشكل هروب للقارئ أو عدم مواصله للقراءه

أو أنه مناسب وبوضعيه أفضل من غيره أنتظر لو بعض الاجوبه مع أقتراح لون الخط وطريقته لأني مادري وش اللون أو حجم الخط اللي يناسب

[أبو الريش]

أم رقيبه

كثير من الكتــّاب في المنتديات أو الصحف ينتقدون أو يوجهون أصابع الأنهام للقائمين في مهرجان أم رقيبه بالأسراف أو أي مهرجان في أرض الوطن وعلى هواهم يبون أي شيئ يصير وطبعاً هذي صعبه

يربطون الأسراف بالمهرجــان وكأنهم يريدون أن نكون في آخر الصف مقارنه بالدول المتحضره في جميع الأمكانيات,

مهرجان أم رقيبه أو غيرهـ مهرجان وطني ومن أبناء الوطن بغض النظر عن سلبياته القليله لكن يظل مهرجان يحظن كل شيئ ممكن أن يتعلمه أبن الوطن منه والأسراف أو المبالغه في التكاليف على قولتهم هذا طبع أهل الكرم صعب أنك تفشل روحك قدام زوار وضيوف يعني وش تحط طحينيه ولازيتون ولا كبّه ضروري مثل هالامور تكون موجودهـ والنيه بداخلهم هي عدم الاسراف بكثر أنهم يبون يبيضون الوجه قدام الضيوف وهذي اسلوم العرب لكن بعض الناس مايعرف ماهي الاساسيات المهمه لمثل هالمهرجانات


لو أبقول للي ينتقد هالمهرجان أبيك تحط لزواجك أو زواج ولدك نواشف طلعت عيونه من محاجرهـ ويعتبرهـ عيب اللي يسويه لازم يكون واجهة زواجه وزواج ولدهـ من أحسن مايكون ,,, طيــب هاللي بالمهرجانات مثلك يبون مثلك وأحسن بعد


ما أحب أطوّل بالكلام

[أبو الريش]

http://store3.up-00.com/Dec10/r4089572.jpg (http://www.up-00.com/)

السلطــــان قابوس ( حاكم عُمـــان)

هالشخصيه أكن لها الحب والتقدير والاحترام والعشق أحب شخصيته الهدائه القويه

شخصيه تحكي أمور تمزج بين الغموض القوي وبين الشجاعه الصامته

أتمنـــى أي لحظه تجمعنـــي فيه , لأني من سنوات طويله جداً وصورته ماتفارق خيالي

تشدني القرأءه عنه رغم أنه حاكم هادئ بالخليج

[أبو الريش]

مـــادري اللي يذكر منكم (ملاهي القصيم اللي على طريق المطار وانت طالع من بريده متجه للمطـــار وتكون على يمينك طبعاً وانت طالع متجه غرب) اللي الآن ( أمام مصنع مياه هناء)

كــانت بوقته مزدحمه بالناس ويمكن هالكلام تقريباً عام 1411 أو 1412 هـ كنت بوقته طفل وكانت بتطور من ألعاب وبوفيهات وقفلت فجأهـ مع أنه متواصله من الزوار وكان وقته الألعاب بالطابور تلعبها يعني لا اعلم سبب أغلاق مدينة الالعاب رغم انها تحتوي على مدينة العاب متكامله ومتطوره

دائماً يقودني الفضول للسؤال عن سبب الأغلاق ؟

وسمعت أنه السبب وفاة صاحب مدينه الالعاب ولا ادري عن صحة الخبر

[أبو الريش]

محلات المطــــابخ سرقه بوضح النهـــــــار وديكور بقناع كــاذب


غالبية البيوت تعاني من أختيار تفصيل المطابخ والتدقيق في أختيار اللون والشكل وتكثر المشاورات عند النساء لاختيار المطبخ المنــاسب للمطبخ

لكن يتفاجئون أن محلات المطابخ يبيعون عليهم المطابخ بأسعار غاليه جداً جداً لكن مجرد مايركبون المطبخ بالبيت من بكرا متهالك ولا باب طايح ولا درج منكسر أو اي طفل يفتح الباب ينكسر على طول بعكس المطابخ القديمه

غالبية محلات المطابخ توهم الزبون بمنظر وشكل المطبخ والوانه وطريقة تفصيله وهو بالأصل صناعته تعبانه جداً وغير عملي

كتبت هالموضوع لانه أعرف أكثر من بيت جديد كل مطابخهم متكسرهـ وكل مادخلت مطبخ القاهم راكنين باب منكسر ولا باب مايتسكر

واللي يزيدك قهر انه غالي




وحماية المحلات ,, قصدي حماية المستهلك نايمه والتجارهـ بسابع نومه

[أبو الريش]

شيــطاين أم الـــــزوج أو خـــالة الزوجـــــــه

البعض منهن تتمنــى لإبنـــها, الزوجه صاحبة الدين والجمــــال ومن أفضل بنات خلق الله وتبحث عن اللي من بيت متواضع وتدعي له ليل نهـــار أن يرزقه بنت الأجــاويد

وبعد مايرتبط بالزوجه تبدأ تسومهم سوء العذاب يــ أما بحقران الزوجه أو إهانتها أو تشيّــش أبنها عليها وتحس الأم في وقتها أنها مهمّشه بعد ماتزوج أبنها وتصاب بغيرهـ قاتله وكأن الزوجه سرقت أبنه منها مايهدأ له بال وأبنه سعيد مع زوجته تقف لهم في الطــالعه والنـازله تفسد مخططاتهم وسفراتهم وآمالهم وتتدخل بكل شيئ يخصهم وكأنه تتحسف على المال اللي يصرفه الزوج على زوجته ولا يهدأ لها بال وهم في سعاده حتى أنها تتعيب زوجته في كل جلسه وهي اللي أختارته له

تتفنن بالنكد على ابنها وإحراجه في حياته الزوجية , وبعد ماتزوجه تروح تاخذ له عمرهـ وتدعي له قدام الكعبه بالتوفيق وهي أول من وقف لحياته التعيسه وياليت فترهـ وتعدي , مثل الأمور من بداية أول يوم زواج إلى وفاتها أو فاة أحد الزوجين وهم في مد وجزر وتصدع ومشاكل وخذ وهات وليش كذا وليش هي كذا ولايختص الأمر بأمــه فقط حتى في أخواته ويكون عدو بينهم بسبب زوجته

مــادري ليش الأم تتحسف على ولدهــا وهو قبل مايتزوج تتمنى يتزوج وبعد مايرتبط تنغص عيشته عليه ويقطع علاقاته مع ناس كان معهم بأحسن حال

أنا شخصياً لو ماشفت بيوت متفاهمين مع بعض ممكن ما اتكلم عن هالعاده السيئه بين الزوجه وخالتها وبناتها لأنه فيه بيوت ماشاءالله الأم ماتقرب حول أبنها وقت الزواج وتحترم زوجته وتحشمه وتقدرهـ وهذا يرجع للأب وشخصيته بالبيت إذا كان قيادي وقوي لايمكن يحدث لزوجات أبنائه أي شيئ مع زوجته لأن الأم المتسلطه الله يكفينا شرهـ لاصارت شيطان مايعقله الا المرض أو الموت

الله يهدي الجميع



ملاحظه :سبحان الله أكرهـ كرهـ وأبغض وكل درجات الكرهـ أني أشوف عائله وقحـــه من أم وبناتها متسلطين على الزوجه وهي ماله ذنّـــب مادري ليه هم حاسدينها على جمالها ولا متحسفين على ولدهم وهو مايستاهل أنه ينخاف عليه أو يغيرون عليه وهو ماضــيه أسود والبنت أشرف منه بكثيييييييير , الله يعين الزوجه اللي ساكنه بين حمايل متسلطين وصايرهـ خادمه بينهم وجلاله مايطيح من راسه

الله لايبتلينــــــــــا

[أبو الريش]

الزوج الســـاذج

كثير من الأزواج أي مشكله تحدث بينه وبين زوجـــته تكون الأم القاضي بينهم مايعرف يمسك لســانه لأي مشكله خاصه بينه وبين زوجـــته يهذر كل شيئ بالمجالس بين أصدقاءه الملازمين له بقوهـ وعند أمه, ولايقدر على كتم نفسه يبحث عن قاضي يقضي بينه وبين زوجته بدون مايلجأ لعقله ويأخذ رأي غــيرهـ بحل مشــاكله ويكون بين النــاس عبرهـ بمشاكله بسبب كثرة كلامه عن وضعه على من يخصهم يظن أنه بسريه تامه , وتبدأ الحرب العالميه بينه وبين زوجته ولا تهــدأ إلا بأستخدام عقــله

لايمكن لأي زوج أن تهدأ الحرب الطاحنه في بيته وهو مشترك مع أطراف خارجية تدّعي حلها وهي ترمي الملح بالنـــار!

[أبو الريش]

رســائل الجوال بجوالي قلــيل ماتلقى فيهـا عبارات الحــب والحنان والعاطفه!

لأني منب راعي هالأمـــور نهائياً لأنه مو أي رساله تعبر عن حجم الحب ولا يمكن نفسد الحب وهو بهذا الحجم وهو الحياة برساله من رقم لانعلم هل هو صادق أم لا!


الأغلبيه أفسدوا الحب برسائل الجوال من أجل المصالح أو من أجل هذا أرسل لي خليني أرسل له وهو كله مجاملات بمجاملات والحب بعيد كل البعد عن هالرسايل!


وأغلب رسائل الحـــب خلفها مصالح مستقبليه بين المرسل للمــرسل إليه , خصوصاً وقاحة من هجرك فترهـ طويله ويرسل لك فجأءه بحجه أنه فاقدك وهو يبي منك حاجه لكن بعد أسبوع يفاتحك فيها يظن أنك ماتفهم مقاصدهـ

هذي هي حالنا مع رسائل الحب والغرام وهي مجرد رسائل عابره لاتحمل حنين ولا شوق ولا لهفه مجرد رسائل منقوله تتداول من أجل المصالح وقلــه منها تعبر عن المحبه بين الطرفين بشكل قوي

[أبو الريش]

رســائلي بجوالي بصندوقي الوارد كلها ( وينك , متى نطلع , متى نسافر , وين أنتم , متى توصلون , أشتري لنا )

وأفضّل بالنسبه للعنصر النسائي أن ترسل لي برساله إذا أحتاجت شيئ !

وأيضاً بعض الشباب لادق علي وأنا أدري أنه راعي كلام ونفاق أرسل له رساله أقوله أنا عندي أحد أرسل وشتبي وأنا أصلاً ماعندي أحد بس ماحب أكلمه لأن مكالمته متعبه جــداً يكرر كلامه وأغلبها وشلونك وشخبارك ولايقول وش يبي على طول !

أما الناس اللي عندهم ذوق يرسل لك رساله يقول عندك أحد أبي أكلمك , ياسلام يحرجني أو تحرجني باللي يسويه .


أفضّــل المحادثه عن طريق الكتابه بين الرسائل أفضل من المكالمه ,فعلا الرسائل أفضل من المكالمات وبدون تكلّف وتعب وبدون وشلونك وشخبارك الاف المرات تقال وانت تكلم ويمكن تكون فيها غيبه ونميمه وووالخ..

[أبو الريش]

تخيّــل/ي

لو كــانت مراسلتك بين المتحابين برسائل بالورق أتوقع راح تكون المحبه أقوى

مادري ليه أحس أنه الخط باليــد على الورق ومن ثم أرسلها للي تحب يكون حجم الحب أعمق من رسائل الجوال أو المكالمه

والحـــب السريع ياسرع مايروح , مثل سرعة وصول الرساله الإلكترونيه لصاحبها , بعكس رسائل الورق تكون مسافتها طويله لكن تحمل في طياتها معاني كبيرهـ

وأكبر دليل إذا شفنا بالأفلام كيف تكون الحبيه تذرف دموعها على الورق وتتلهف لوصول الرساله عندها , وترد على حبيبها بكل صدق وحب

أتوقع أن الكتابه بالورق والتركيز على خــط من يرسل الرساله لها دور !

[أبو الريش]

قريب لــي محافظ على الصلاة بشكل مستمر وأكبر أخوانه وبــار بوالديه وطيــب جداً ولا يحمل في قلبه حسد وحقد وإنسان لطيف وذرب وراعي تواصل وإجتماعي, وكــل مادخل المسجد يروح بــدري ويلقى شيبــان جالسيــــن بالمسجد ويسلّم عليهم ويحب روسهم وهو مايعرفهم يحب مثل هالأمور ويقدسها أنه يحترم الآخــرين , وأستمر وهو كل مادخل المسجد يسلم عليهم ويحب روسهم !

واحد من الشيبان رد عليه بكلمه قاله يكفي مثل قولت تراك اشغلتنا !!!!

تفاجأ قريبي باللي صار ماتوقع يسمع هالكلام وهو عيبه طيب جداً جداً جداً !!

أنا يوم قالي قلتله هذي حاله شــاذه بين الشيبان وأنت ترى يكفي لو تسلم بدون مصافحه وحب روس , يعني ترى مهوب كل الناس يرون أنك تحترم الكبير بعضهم يرون أنك تحتاج منهم شيئ أو تبي منهم شيئ لأنهم متعودين من ناس قبلك !!

أنا مالمته على اللي سواهـ , لكن ماودي يظنون فيه ظن وهو غني عنه لذلك يسلم ويتبع السنه ولايحب أحد


أنا يوم قالي فتح على نفسي أبواب قلت لايكون اللي أسلم عليهم كل شوي بأي مكان أعرفهم يطنون فيني هالشيئ ,

وفعلاً أنا أعرف واحد لاسلمت عليه وأنا أبي السلام لله يسلم وكأنه يقول لاتسلم علي أو يثقّــل أيدهـ يظن أني أبي شيئ منه

مشكله أن الواحد يرى الناس مثل بعض ويحكم عليهم كلهم بسوء ظنه

[أبو الريش]

ماتعرف حجم غلاك إلا عند الغريب , يعني أنا لا أنكرالغلا بيني وبين اصحابي لكن لايقارن بينهم وبين الغريب وخصوصاً اللي تشوفهم بالسنه مرتين !

كنت بأحد البلاد العربيه قبل فترهـ زمنيه وتعرفت على ناس لا أقدر أوصف كيف غلاهم بداخلي ويحبوني حُب حتى اننــا مانفارق مجالسة بعض من العصر حتى آخــر الليل ومرتاحين مع بعض راحه تامه وبيننا سوالف كثيرهـ نتطرق لكل شيئ بالسوالف,

واحد من اللي جالسين يعرف اني من القصيم سمّــاني ( سفير القصيم) حتى انه مسجلني بالجوال بسفير القصيم ويقولي إذا سافرت للسعوديه وجتني رساله اقولهم هذا من سفير القصيم ارسلي

عـــاد أنا قارنته بينه وبين خويي اللي عندي بالقصيم قلت بقلبي الله من الفرق بينك وبين خويي اللي بالقصيم مسمين بجواله ( اللوبي الصهيوني) مع أنه جامع الصهاينه واللعانه براسه بس مادري ليش مسميني هالأسم , يمكن علشان يثبت أنه أنسان لطيف واللطــافه بشرق وهو بــ غــرب

[أبو الريش]

كــان لي اليوم مســـاء رائع عندما قمت بزياره أنا ومن معي لقرية أجدادي لأبــي وكيف كانت عيشتهم في الماضي ووقفنا على كل لحظه يعيشونها وعلى كل عمل قام به جدي وأبوهـ وأخوانه في أعمال متعبه لبناء بيوتهم وحفر أبارهم

تصوير من جوالي ( وغير منقوله) لتلك البيوت التي بقت ورحل من فيها

ولم يبقى إلا شعاع الشمس تعطينا من ضوءها حتى لم تجيبنا عندما سألنها كيف كانوا وكيف كانت حياتهم في الماضي لأنها حاضرهـ لكل لحظه وهي فقط من بقت على قيد الحياة وستبقى لقيام الساعه


نافذه من الدور الثاني تطل على أسوار لبيوت الجيران
http://www9.0zz0.com/2010/12/21/21/774847362.jpg (http://www.0zz0.com)


مقابرهم

http://www9.0zz0.com/2010/12/21/21/536113053.jpg (http://www.0zz0.com)

حــارتهم وقت البيع والشراء

http://www9.0zz0.com/2010/12/21/21/166910180.jpg (http://www.0zz0.com)


مشراق لهم وقت الصباح أو قبيل المغرب

http://www9.0zz0.com/2010/12/21/22/354480387.jpg (http://www.0zz0.com)




يوجد الكثير بجوالي لكن بعض الصور رفضت التحميل , علماً أن بعض البيوت قيد التجديد للحفاظ على موروث الأجداد

[أبو الريش]

يــــوم لقيــــــتها واتلاقى النظــــــــر ,,

قـــــلبي قســــــّيته بــدّلتــــه بحجـــــر ,,

هي القلوب التي هاجرت وتريد الأستئناف من جــديــد, فعلاً لاتستحق أن نوفي لها وهي تركض خلف عدة قلوب!

قمــة الإهانه أن تستيقض قلبك لقــلب كنت متعلق فيه وباعك وأسترجع حبّه لك بعد ما أقفلت عدة قلوب الأبواب دونه !

لايمكن لـي أن أكون راوي للضمئ وقت الحاجه يجدني حاضر بين يديه

[أبو الريش]

جلســــت بالأمــــــس مع واحـــد من أعــز وأحلى أصحــابي وهو طبعاً بالنسبه لــي كلامه يعجبني سوالفه تطرب مسامعي وبنفس الوقت سوالف فيها فكاهه

سولف لي عن سالفه وبمــا أنه بمكتب عقـــار وماسكين مخطط أراضي وحاطين أرآضــــي ومقسمينهن بين اللــي بــ50,000 وبين اللي بــ25,000

المهم ,,,

دقــــّت عليه وحدهـ على حسب كلامه عمرها بالأربعينات , وسألته عن الآراضي المعروضه للبيع

قالها : أي الأراضي اللي تـــبين

قالت: ( أمهات 25,000 ) وهو يقوله لــي ماقدر ينطقه من الضحك وأنا ماقدرت أسكت من بداية الجلسه لنهايته كل ماتذكرت كلمتها وهي تقوله ( أمهــات 25,000) أعجز أمسك نفسي من الضحك

تحسبه بأبو ريالين تبي تشري طقم فناجيل ولا طقم قهوهـ وشــاهي :f5:

[أبو الريش]

http://up.arab-x.com/Dec10/HOv13149.jpg (http://up.arab-x.com/)
http://up.arab-x.com/Dec10/Q9H13289.jpg (http://up.arab-x.com/)



كبــــرت ونظــــرتــي طفله

معرف كان موجود معنى بالمنتدى وأختفى لا اعلم صاحبة المعرف غيرته ولا رحلت من المنتدى ,,

المعرف هذا يذكرنــي بوحـــدهـ كان طبعها طبع طفله وعمرها بآواخر الثلاثينات

تحب تتكم عن العاب الاطفال , تحب تروح لبيتهم القديم وتتمشى فيه , تحط روج طفولي , طفوليه بكل شيئ حركاتها حركات طفوله , دائما تغني بأسم الطفوله وأنها لحد الآن طفــله غرفتها طفوليه تتابع أفلام الكرتون إذا طلعوا للبر تلعب بالطين ولاراحو للبحـــر ترسم على الشاطئ, محتفظه بمريول المدرسه وبكل لحظه تطلعه توريه زميلاته شعرها شعر أطفال (كيدز) تعابير وجهه تتصنع فيه الطفوله لايهمها أحد تحتفظ بألعابها وقصصها وقت الطفوله تتعشى مع الأطفال وتتعايش معهم وتجاملهم مرحه وذكيه, وأي جلسه مهب موجودهـ أم ؟؟؟ ماتعتبر جلسه محبوبه لجميع الناس اللي يشوفه يقول وش هالمهبوله لكن تسوى الاف الرجال, حتى اللي كبروا وكانوا وهم صغار يحضرون حياتها يتحسرون على تقدم عمرهم وحرمانهم من مجالستهم معها ,,

لكن بعد ماتزوجت تلخبط كل شيئ فيها رزقها الله بزوج أهله مثل معاملة اليهود بفلسطين , دائماً تعبانه وتكتم ولا تقول لا أحد هدموا كل شيئ طفل فيها حتى بانت على وجهها تعابير زمن الشقاء !!!!!

الله يذكرها بالخــــــــير

[أبو الريش]

بالمختصر.. مجتمع متقلب المزاج مريض نفسي فكــرهـ معاق

كيف نفسـّر تلك الكلمات

مجتمع متقلب: ماتفهم وش يبي إن جاملته قالي قل الصراحه وأن صارحته قال أنت ماتجامل وأن ضحكت بوجهه قال شكلك عندك شيئ تبي تقوله وأنا ماضحكت قال ليش مكشّر وسع صدرك وأن وسعّت صدرك حسدك ليش انت مستانس ويقول وش عندك ضحكتك مترين ضحكنا معك وهو كذاب بيدري وش اللي موسعن صدرك , ولا قلتله نبي نروح للمحل الفلاني ويواعدك يخلف بمواعيدهـ ولا اخلفت بمواعيدهـ زعل عليك وجلس يعيبك الخ

مريض نفســي : مرهـ يسلم عليك ومــرهـ يشوفك عدو , مـرهـ ينشدك عن حالك ويقولك تحتاج شيء ومــرهـ ياقف بحلقك يبي قروش أنت متسلفها منه ,, يقولك أقلط عندنا تقهوى وهو أصلاً ماييبي أحد يدخل بيته , مــرهـ يصب لك قهوهـ وبالفنجال الثاني يقولك صــب لنفسك ,, تتفق أنت وياه على شغــله ماتدري إلا هو مخطط ويحسبك تبي تلعب عليه وتلقاهـ مهون , الخ

فكرهـ معاق : ماينتج عجاز يجاب له الماء وهو منجطل لو هو معاق رحمناهـ وأوينا له , مايعرف يخدم نفسه كودد تجيب الصحن بحلقه وياكل مايعرف يمشي كل شيئ بالسيارهـ , متعود على الخدمه مايخدم نفسه كود تسبحه وتلبسه , أصعب شيئ عليه لبس الشراب وأسهل شيئ يقدر يسويه يتنفس مهب راعي شغل مايعرف يسوي شيئ يتكل على الغير محبط مهموم وهو ماعنده هم يعجز يرتب غرفته ولا يشيل المنديل من الارض, يخطط وأن خطط ماينفذهـ هو ينفذهـ غيرهـ الخ


أحترامي للــي معاكس لطريقتهم

[أبو الريش]

كنـــت أول لو يقولي أي شخص أن الطفل الفلاني قال كــذا وكــذا ما أصدق لأن الكلام أكبر من الطفل بكثيير ولايمكن يقول مثل هاالكلام لأنه يبيله سنين طويله علشان يتفوّهـ بمثل هالكلام

أمس وأنا جــالس بأحد المجالس الخاصه دخلت طفله صغيرهـ تقريبا عمرهــا 4 سنوات مرحــه حبوبه , وأسمعها تقول لخالها بما أن خالها له بنت

قالت : عطني أيميل تقصد بنته

تفاجأءت أنا واللي معي باللي تقوله وكأن الكلام يصدر من واحد عمرهـ بالعشرينات حتى أني ماصدقت مسامعي تمنيت أنها تعيدها مرهـ ثانيه !!!

عجيبه ذــيك الطفله تقول كلام وتفكر بكلام مايفكر فيه أحد ,

مرّهـ دخلت علينا وحنا جالسين بالمجلس أنا وأخــــوي وأخوها عمرهـ 7 سنوات , وقالت لأخوها : وين أمك هههه وكأن أمه مو أمها وقتها وهي تقوله ماقدرنا نمسك أنفسنا من الضحك عليها كلامات غريبه

وأيضاً: إذا جاء ضيوف تستقبلهم وتقول وين البخور وتفتح الباب وتهلي وترحب بهم

سبحـــان الله عجيبه ذيك الفتاة

ويوجد لهـا أشياء ما أقدر أقولها لأنه أبهرتنا بكلامه


الطفله الأخـــــرى : وعمرها اربع سنوات

جت عندي وأنا جالس , قلت لها: ترى أبوك دق علي وقال أنه بيجي بعد ساعه

تتوقعون وش قالت لي :

قالت : أصلاً أنا داريه

قلت : وشلون

قالت : أنا مشغله مخـــــي !!

قلت له : كيف مشغله مخك

قالت: أدري عن كل شيئ

عجايب بعض الأطفـــــال تتعجب من أتساع مساحة ذكاءهم

والسبب برأيي : أنهم لايحملون هموم الدنيا ولاعندهم حمل لأمور مستقبليه ومتفرغين لكل صادرهـ وواردهـ بأي مجلس


أنتبهوا لأطفــالكم

[أبو الريش]

مـــــوقف لايمكن أنســــــــــــــــــاهــ

كنت ساكن خارج القصيم وعزوبي كنت أجيب ثيابي للغسيل لأني ما أعتمد على المغسله وأجيبهم للبيت إذا جيت للقصيم وأرجعهم معي يوم الجمعه لارديت من الديرهـ إللي أنا جاي منه وهذي طريقتي أنا وبعض أخواني,

بأحــد الأيــام جاي أنا يوم الأربعــــاء بالليــــل وملابسي بشنطة السيــارهـ وبوقته كانت الشنطه مليانه أغراض ومن ضمنها ملابسي نزلتهم ونزلت ملابسي وبعد ماغسلتهن بالبيت وبرجع يوم الجمعه المغرب قلت لأخــوي الصغير ترى فتحت لك شنطة السيارهـ حط ملابسي وانا رايح أصلي وأجي بعد ماجيت من الصلاة مافتحت الشنطه نسيت ,

دقيت على أخوي وأنا ماسك الخط , قلت له: أنت حطيت أثيابي قال: أيه

وأنا أمشي بالخط أسمع شي يطقطق بالشنطه !!!!

قلت بنفسي: غريبه هذا مهوب كفر وش هاللي يرجد بالشنطه قلت يمكن قارورة ماء ولا شيئ تحرك << لعبت على نفسي

يوم صار بعد ربع ساعه وأسمع حركه كأنه حركة آدمي , ووقف سيارتي وافتح الشنطه مافيه شيئ وبعد ماقفلته مسكت الخط وأسمع نفس الصوت وبقوهـ

وقفت السيارهـ بعد تفتيش أم سدرهـ وأفتش وينط بوجهي ( البس) !!

أبردهـ الله بالعافيه صح أني نزيت بس رحمت (البس) ماودي وراهـ هج لأنه صغير وأمه وأخوانه بالبيت

أشوف (البس) تقل خاف من الطريق أبحاول أخليه يجي أبرجعه , ماقدرت راح وأقوله ( بس بس بس بس )<< علشان يجي :f5:

رحمته صغينون مادري وش صار عليه ,, ومسكت الخط وأنا أفكر به

يوم رجعت بعد ثلاثة اسابيع والقى أمه مستقبلتن عند بوابة البيت وبعيونه شرر بعد مادخلت السيارهـ جالسه تترقبن وتشوفن بعين وحدهـ بعد مادخلت البيت وأروح أترقبه هي وأشوفه واقفه فوق الشنطه وتدور

قلت لجدي السالفه

قالي: أهرج عليها وقلها وين المكان اللي جدعت بوه (البس) يمكن تكون من أهل الأرض<< صرت جادعه وهو هو اللي هاج

رحت وعلمته بالسالفه :f5:

يوم جاء الليل ما أسمع إلا ونينه << قلت أكيد عزى بيناتهن

خفت خوف مهب طبيعي وكأن الجن بيدخل بي بوقته

والحمد لله عقبه حملت وجابت بداله 6 بساسه ونست كل اللي صار

[أبو الريش]

طفله إسبانيه خلال أحتفال في فوز المنتحب الإسباني وكانت تنادي باللاعب الإسباني ( تشافي ) تتمنى أنه تشوفه

ما أحب أحرق الأحداث البقيه في المقطع



http://www.youtube.com/watch?v=H4e04sZPJJw


جذب نادي برشلونه مقطع الطفله وهي تنادي لللاعب وأستضافوها بوجود اللاعب



http://www.youtube.com/watch?v=lprr9Oq2uKk


أحلى لحظه بالحياة تحقيق أمنيه وأنت تحلم تتحقق خصوصاً وأنت طفل/هـ


أول مــرهـ تعجبني طفله شقراء

[أبو الريش]

حـــُب أكبـــــــر من حُــــب

يتفاوت على بعض الشبــاب حُــب أكبر منه ويجد بداخله السكون والهدوء بعيد عن الضجيج المصاحب لمراهقة هذا الوقت المنزعج وتطييشها الزائد بشكل مبالغ فيه بل مراهقه أصبحت غير مرغوب فيها

أغلب ممن حولي (ببداية عمر العشرينيات يفضل الإرتباط بثلاثينيه متوسطه بعمرهـا)

1-لا اعلم ماذا يبحثون عنه بهذا العمر؟

2-حتى البعض يفضّل مطلقه ؟


هل أصبح الوضع بتزايد على هذا الطلب ؟


توقعاتي :

لأنهم يجدون في رقم 1 التشبع من كل شيئ حتى يجد مرسئ آمن في بحر بدون أمواج عتيده

أما رقم 2 يجد فيه اللهفه وإعادة الإنكسار ويتخيل له أنه في دائره ثقافيه متكامله ونفسياً يفضلها هكذا مطلقه !!!

[أبو الريش]

تمرّد

والله ياملامح ولد اخوك بدوي

مادري تقل حسيته يشبه لك






أنا أشين من بالوجود مافيه

يمكن أسوي عملية تجميل

علشان اصير حلو:29_1_16[1


تمرّد واصلي مدونتك مازالت حلوهـ ,, لكن قاعد ابحث عن ايقونه تحطينه حاولت انسخه عجزت

[أبو الريش]

تمرّد

أبو الريش اسفه تراي كنت امزح خخخخ

لاتشره علي ترى من تالي مستضحكه خخ

وبعدين وشي الايقونه اللي ودك تنسخه نادر جدا احط ايقونات ..!!




الله يديم الضحكه , وش تتأسفين عليه ماسويتي شيئ لايكون مخطيه علي وأنا مأدري والله لا أمكّع جدايلك


عموما , الأيقونه اللي يطلع لسانه وتقل مغصوب على الضحك هاتي لي رابطه

[أبو الريش]

حـــالياً أعاني من شخص كان صديق لـــي لكن أنقطعت علاقتي فيه بسبب مقلب سواهـ فيني ورديت له بمقلب مثل ماسوى فينــــي

وحـــالف بالله مايخليني ولي أكثر من ست شهور وأنا على أعصــابي أنتظر مقلب منه لأن مقلبه اللي سواهـ بي قبل سنه كــان قوي جداً وهو راعي مقالب مايرحم

حــتى , الله لايوفقه تجيني أرقام غريبه يدقون علي ويقولون كلام مادري من وين جايبينه أثرهـ موزعن رقمي وقايلهم كلام عن !

الحين أي شيئ ممكن يصير بسببه , ولاهب ينسى ممكن يسوي بك المقلب بعد سنين

والمشكله ماودي أغير رقم جوالي !

وفوق كل هذا كل ماطلعت من محل أو أي مكان دايم أتخيل أن سيارتي مو موجودهـ أو فيها شيئ أو مصدومه بسببه!

بثــر وأحمق حتى مايكتفي بمقلب ويسكت, يكررهـ


من جـــد غاثـــن:c3:

الله يعيـــن

[أبو الريش]

أكــــــــــــــــرهـ المـــال

ولا أحب أن يكون في متناول يدي

نشوف بلاوي ومصــايب من هالناس بسبب المال

كرهــــت شيئ أسمه فلوس ما احب اشوفهن أو اكنزهن أو أكون محب للريال !

قرف والله قرف تشوف أخوان تفرقوا عن بعض وهذا مايعرف أخته وهذا مايعرف أمــه وصارت عداوهـ والمحاكم تحكم بينهم

حتى أنه غطى على دينه ومبادئه ممكن يسوي أي شيئ ممكن يكفر أعوذ بالله


حتى أن القلب صار غريب بسبب المال , وياليت على حب المال فيه سعاده بالعكس شقاء وهم وكدح بدون فائدهـ

بسأل اللي سرق واللي أخذ مال غيرهـ وورثوهـ أبنائه من خلفه هل يفيدك اللي سويت , لا أستفدت منه بدنيا ولا تستفيد منه بالآخــره


وفووووق كل هذا مايتصدقون ولا يزكون ولا يتمتعون بمالهم مثل غيرهم!!!

[أبو الريش]

تمرّد , أشرحي مثل النــاس

وضحـــــي زين ,, وشو ح وقبله شفت عجزت افهم
رحت سويت كل شيئ ماضبط:c3:

[أبو الريش]

<<<<<<

لأحــد يتحرش فيه حاولوا تهدونه شوي معصب من اليوم المغرب إلا الحين ماهديت

عسى الله يجيب الصبح :c3::c3:

[أبو الريش]

تمرد وش هالشرح بالبروفايل !

وأخرته نقطتين فوق بعض وحرف p

ياووووووووه ذكرتيني بمدرس رياضيات يشرح معادله ويكتبها وتاخذ نصف السبورهـ علشان ندرس تقويه عندهـ

يوم ذلف ونقلوه جاء واحد بداله خلى المسأله 3 أسطر وبطريقه مبسطه :p


على العموم مشكورهـ :p

[أبو الريش]

ياكثر مانحكم على الإنســان أنه ثقيل دم أو كريه؟

فنان مشهور كنت اشوفه بالافلام ولاشفته اغير القناة اكرهه كرهـ عجيب حتى لو بالصدفه شفته وانا اقلب القنوات اتحسف اني شفته لان صورته تشكل لي قلق

سافرت لأحد الدول العربيه وشفته بالصدفه وجلست معه ما كأنه اللي بالتلفزيون حتى شكله يختلف عن شكله اللي بالشاشه واسلوبه رائع جدا وانا احسبه متكبر وشايف نفسه شفت منه تصرفات كبر بعيني واصبحت اتابع له وحبيته اكثر.


وأيضأُ شيخ نفس الطريقه ما احب اشوفه بالتلفزيون ولا اسمع صوته , وشفته بأحد المهرجانات بالرياض واجتمعت معه في مجلس أحد زملائي وطلع نفس ماحصل لي للفنان


شــاشة التلفزيون مجرد قناع تحمل كاميرات تغير من شخصية الفرد وممكن يخلق أسلوب غير أسلوبه الفطري والمعتاد وهذا هو صنع الشخصيه تدمر أشياء كثيرهـ فطريه بالفرد

عموماً بالنسبه لي أنا ( الأمور عندي معاكسه تماما وبنسبة 100 %)

اي شي بغض النظر عن الأشخاص أرأهـ بتفسير من نفسي غير جميله لكن لو وقعت عليه أرآها أكثر جمالاً

وأيضاً أرى أشياء جميله وتدخل قلبي لكن إذا وقعت عليها أرآهـ أشد قبحاً

وأحس هالشيئ اللي فيني مريّحني لأنه فادني بأشياء كثيييرهـ ؟

[أبو الريش]

الشيبان آخــــذين الدنيـــا على كيفهم

جدن لنا لاشاف أحد معه شريط أغاني تقل شايف معه بلاطة حشيش وياويل اللي يسمع أغاني أو حتى أناشيد أو يرفع صوت التلفزيون

بس لاركب معي بالسياره وسمع صوت أغاني!

قالي: وش هاللي ينهق:p

قلت : هذا الراديو

قال: أشوى أحسبك حاطن شريط تسمع أغاني:f5:

[أبو الريش]

طوق من زهور

ن كنت جالس فَ قف =)
و من الماء توضأ و بالله استعذ ’,

عليكَ بكتاب ( فجر طاقاتك الكامنة في الأوقات الصعبة )


مو هم اللي بي

بس قاهرن واحد قايله سو كذا ورايح يسمع كلام غيري وسواه ولا أستفاد ورحت اليوم الصبح وزينته

والحين عال العال مبسوط :p

[أبو الريش]

واحد من أخوياي متشدد مايحب يسوي لأي أحد شيئ يحسبه بيكسب ذنوب منه

بمــا أن تجاربي فاشله بالحجز عن طريق النت أو أني ماعرف لنظامهم

فــ قلت لخويي أبيك تحجز لي عن طريق النت ؟

قال : وين , وقلتله للدوله الفلانيه

قال: أسمح لي ما أقدر ,

سألته؟ ليش , يعني وشلون لازم أعطيك فلوس تحجز لي << بشوف وش عنده لانه مارح يعلمن السبب

قال : لا , أنت رايح لديرهـ يمكن تفسق به وأكون أنا السبب بروحتك؟

مادري وش اسوي يوم قالي هالكلمه بغيت اسوي به عمليه فدائيه ,,حسيت اني متخلف مهب هو المتخلف لاني أنا جالس مع هالتفكير المنحط المتحجر ؟

قالت له: يعني اللي بالخطوط يحجزون للناس عليهم ذنوب ولا كيف , فهمني؟

أنا أصلاً رايح أزور المتاحف الأثريه :p


أسكت مايدري وش يقول ؟

هذي أمور كثيره تحصل بالحياة لنــا أي شي تسويه لواحد وانت ماتدري وش نيته يحكم عليه أن نيته شينه

مادري ليه آخذين عنا فكرهـ أننا فاجرين مجرمين راعين سلب ونهب وحنا أطيب شعب بالعالم :f5:


ممكن اي راعي بليله يضحك علينا !

[أبو الريش]

مدونة أبو نوره

سـؤال !!

كم نرجسي ونرجسيـة من بيننـا ؟!

يشعـر بالعظمـة وحب الذات وأن لا شبيـه له وانه نادر الوجود
وهو ابتزازي ووصولي ويعتقد ان الناس لا تفهمـه !!
وهو يعطي قيمة كبيرة لافعاله وتصرفاتـه ويبالغ في مدح عائلته ووالديه وكأنهم وحيدين زمانهم !




أنا لاحظته بالمنتدى بعضــوين ياعليهم مدح عينك عينك وكأنهم أفضل مخلوقات الله ,هذا غير البروفايل

أنا يوم شفتهم كذا مادخل مدوناتهم أبد لأن مثل هالنوعيه صعب التعامل معهم أو أقرأ لهم

وهذا كله يرجع للأعضاء أنهم أمدحوهم وشافوا انفسهم وأنا ذكرت هذي بالصفحه السابقه للمدونه << هذا بالمنتدى

أما في الواقع . أشد وأمــر زادت عدم الثقه بالنفس عند الأنسان تكبر والسبب انه ماعزز نفسياً وهو صغير وصار بكل جلسه يمدح نفسه علناً أو يكون تلميح من بعيد بطريقة كلامه بمدح نفسه,الحين يقول انا وأنا ويفتخر وكأنه يمدح شخص آخر وهو للأسف يمدح ذاته ولا يكتفي بهذا يستحقر غيرهـ وهذا نقص علشان يرتفع بالعلالي من نفسه ومن مدح ذاته بدون مايمدحه أحد ويظنون أن اناس مايفهمون !!!!!


أما مدح الوالدين فهذا يدل على عدم تعزيز إنجازات من تلقاء نفسه وفاشل فيأخذ أفعال والدهـ شماعه له وكأنه هو البطل وووو الخ

[أبو الريش]

الأبتســــامه كل واحد له طريقته بـ إبتسامته

ناس تبتسم لمصلحه وناس فطرياً تبتسم بمواقف تستحق الأبتسامه وناس تبتسم مجامله (وناس حياته كله أبتســامه رغم قسوة الظروف وهذولاء أحلى ناس)

أنا بداخـــــلي الأبتســـامه مخفيه صعب أن أرسم على شفاتي إبتسامه رغم أن داخلي يبتسم في غالبية الأوقات يعني داخلي مايترجم ويرسم البسمه بشفاتي , حاولت أني أبتسم وأثبت للي أمامي أني مبتسم لكن مايسعفني الوقت إلا لاتذكرت أني لازم أبتسم

وكثييير من النــاس مايبين أنه إذا شافك أنه مبتسم لك لكن صعبه يرسم بشفاته وتشوفه تظن أنه هذا أنسان مايزرع الأبتسامه بكل لحظه وهي موجوده لكن بالداخل بصميم الروح

أنا أغلب من كونت معهم علاقاتي أصحاب الأبتســامه الداخليه الي مايرسم الأبتسامه الخارجيه مادري أحس أنه من داخله مبتسم بدون مايظهرهـ ولا أحكم عليه أنه متشائم

ومع الأيام تثبت الأيام أن صاحب الأبتسامه المخفيه قدر أنه يثبته لك ظاهرياً ابتسامته على حسب تعاملك معه بالطريقه اللي تريد ذاته



حاولت سنين طويله أن أول ما أواجه شخص من زمان ماشفته وشفته بالصدفه أني أثبت له أني مبسوط داخلياً لكن أعجز , ويظن هو أني أنسان غير مبتسم أو أنسان متضايق وهو العكس داخلياً ولاتذكرت أني لازم أبتسم أبدئ أصنع الأبتسامه وتكون من غذاء داخلي من الروح

[أبو الريش]

بــ رمضان اللي فات عزمني زميل لي على السحور وكان تقديمه للأكل بشكل حديث بالطاوله وكل شي بالطاوله مودرن وهالزميل اعرفه معرفه تامه قروي ولا هب راعي هالأمور حتى يوم جينا نتعشى قالي لاتاكل بملعقه وشوكه كل بيدك وقعد يعيب طريقة تقديم الأكل(يتطنز) وهي اللي مقدمته زوجته ,, شكله غاثته ماتعود على الملاعق والشوك مجبرته غصب يتطور, حسيت أنه ضفته من الشارع ومنظفته ههه

السفره بكامله مايستاهل يقعد عليها أنا وياهـ حدنا بساط ونحط صحن ناكل
يوم جينا ناكل سلطه لقينا بوسطه خبز محروق مخلوط مع السلطه وصحون مادري وشلون قايله مربعات ومثلثات ومعينات وأكواب أشكالهن ماتقدر تشرب بهن, ماتقدر تاخذ راحتك بالاكل , وأسأله أقوله وش اللي بوسط السلطه مايدري مايعرف الا الرز واللحم , حسيت بوقته أننا مانستاهل إلا رز بخاري ونص على الفحم ومحطوط على صحفه:p << طاف بالايقونه

نصيحه : لاتهتمون واجد للرجال مايهمه الزبرقه ولا الكشخه خصوصاً بوقت الأكل ترى صحن رز وطاسه للماء ويالله لك الحمد أما مثل هالأشياء الجديدهـ تسد النفس ولاتدري وش تسوي وانت بالسفرهـ

الكشخه والزبرقه باالطاولات للحريم اللي يتشرهن ويدققن لكل شيئ ويحبن الحلى بكل قهوهـ

حنــا قهوهـ وتمـــر وبس

اللي أستغرب منه الغرب يطورون عاداتهم وتقاليدهم بطريقه مايتجردون منها , وحنا كل شيئ تبرأنا منه وصار الحين عيب عند غالبية الناس أنك تستمر على عاداتك وتقاليدك واللي يشوفك يقول هذا قروي , ماعندي مشكله أتطور بس أطور تعاملي مع الناس طريقة تفكيري ثقافتي علمي أو جزء بسيط من العادات والتقاليد لكن بعضهم تجرد نهائياً لا بملبس ولا مأكل ولا بطريقة كلام وبكل شيئ تغير

[أبو الريش]

على ذكر العادات والتقــاليد

قبل أكثر من ست سنوات كنت بدبـــي ودخلت أكثر من مجمع ولاشفت (إماراتي) لابس ترنق أو لابس تي شيرت أو أي شيئ من هالملابس , لابس ثوب وعمامته ونعاله اللي كنا نلبسهن قبل 15 سنه مازالو يلبسونهن بس بصناعه حديثه وكلهم لابسين ثياب وبلبسهم التقليدي عجزت تدخل مزاجي أن إماراتي لابس غير الثوب أو الشماغ أو العمامه

لكن السعوديين هناك أو هنا والبعض منهم مايفتخر بالثوب أو الشماغ لابس ملابس وياليت على ذوق شكلهن يفشل ولابس معهن زبوريات قمة التناقض دامج الماضي مع الحاضر هههه

[أبو الريش]

بعض المواضيع اللي بالمجلس لادخلت اعجز افهم وش كاتبين مادري الاسلوب ماكتبه بطريقه موزونه او انه يدعي للرمزيه او انه يبي يروي القارئ انه فاهم

اغلب المواضيع منب ارد على موضوعه لمن أقرأ الردود وافهم الموضوع من الردود خصوصا الردود اللي ترد بشكل سليم

مع اني منب اقرأ الردود الحين لاصرت فاهم الموضوع على طول ارد , بي عجز لقراءة الردود مهب معقوله لأنه كله خارجه عن الموضوع او اثبات للنفس هذا في السابق الحين مادري عنهم لاني اقفز الردود وارد واطلع

[أبو الريش]

الأعتذار أصعب كلمه ينطق بها لســان الإنسان ولايمكن يذل نفسه لأنه متكبر متغطرس شايف نفسه والأعتذار بالنسبه له أنهزام وضعف ومذلــّه وحتى لوكان مُخطـــئ مستحيل يعتذر لأن تربيته ما أوصته أنه يعتذر!

وإذا أخطأ بحقك قالك أمزح ويقولك انت ماتعرف المزح

ويشكك في نفسك وتقول بنفسك ليش أنا حساس أزعل على طول وهذي مهنة أصحاب الكلمات القويه يخطئ ويقولك أمزح ومستحييل يعتذر ويفضّــل تبرير خطأءهـ بالمزح

عموما الأعتذار يرتبط بحب الأنسان لك

بالنسبه لي اللي يرفض الأعتذار ويكذب علي بالمزح ويقول امزح معك أحاول اقلص علاقاتي معه ولا اكون معه بأي لحظه تجمعني فيه

لأنه فيه ناس تعتذر لأبسط الزلات وتعتذر بشدهـ , لكن هذا زلاته كبيره مثل االجبال ولايعتذر يعني كيف اتواصل معه واجامل لأن العلاقه بينك بين طرف آخر لازم تكون بينها محبه وأي زعل يكون في اعتذار ولباقه مو بس يكوّن معك علاقه وأي شيئ يصير منه مايعتذر


طبعي مع الناس ياتحبني وتغليني وأبشر بالمبادله

ولا لاتتكلم معي ولا اعرفك وتعرفني

[أبو الريش]

والله يـا فيه ناس تتعب من المجاملات كل شيئ مجامله وكل شيئ زين وكل شيئ تمام

تعبت أنا من واحد عجزت عنه يشاورن بكل شيئ وإذا قلت رأيي بصراحه يزعل ويقول انت ماعندك سالفه ولا عندك ذوق , وفعلا أنا ذوقي شيييين مررهـ بس هذي صراحتي ماعجبن ذوقك صعب اجبر نفسي أقول أيه وأنت ذوقك قبيح !

ويقولك أبي ذوقك بصراحه , ولا قلتله الصراحه قال أنت ماعندك ذوق أو نت ماتعرف تجامل !

ويجبرك على ذوقك ويحسبك حاقد عليه اوغيران على ذوقه



فيه امور ممكن تجامل فيها بوقت أنك تجامل لرفع المعنويات

مثلاً:

1-طفلتك أو طفلك تبي رأيك عن رسمها بالكراسه تجاملها علشان تبدع أكثر وتعزز ثقتها بنفسها لأنها بأول المشاور صعبه ماتجاملها

2- تجامل كبار السن بالجلوس معهم وتونسهم

3- طفل يسولف عليك ويقولك كلام ماودك تسمعه لكن صعب ابكم فمه عن الكلام

وأمور كثيرهـ


لاتعود أحد على المجامله لأن ممكن تضّرهـ وإذا أنت متعود على المجامله ممكن تجامله لكن تدريجياً تصارحه ببعض الأمور

[أبو الريش]

أكتب على الأنوثه السلام !!!

وش اللي طيح البنات بالتشجيع قرويه وطاحت له بتلفزيون وبعد حرمان شديد انفلتت انفلات مهب طبيعي وصارت تبحلق بالشاشه تقل ماعمرها شافت شيئ ولاتعرف تحب حب طبيعي تنهبل على كل شيئ اي لاعب اشهب الهب تحبه اهم شيئ يطلع بالتلفزيون

تعرفون, عقب عوني كنانه ماشافن احد مزيون :p

طفاقه مهب طبيعيه بالتشجيع, مثل السعودي لادخل مرقص بالبحرين مايدري وين يروح هو يرقص ولا يجلس, غفشي قروي طالع من ديرهـ مايشوف به إلا عزيــّز والصلحي


ولايكفي التشجيع بس, يعني متأكد لو أي واحد أثول متخلف ينتسب لأي فريق ويشتهر يكون له صور رمزيه أو توقيع أو صورهـ بالجوال بس مجرد مقابلتين بالتلفزيون وكم هجمه يصير معلق بقلوب المتخلفات

كيف ابحس انا وغيري بالأنوثه وهي تشاركني بأمور محكورهـ علينا صارت تزاحمنا بكل شيئ وياليت مزاحمه منذ أنا بدأنا نعشق الكوره لا أمس أو قبل امس صارت تشجع المباراة وتسوي أزعاج حتى كلامه قديم توه تعرف الكوره وتنرحم اللي يسمعه يرحمه :p

الله يرحم أيام أفتح ياسمسم وسلامتك ياليتهن مانقطعن !!


القنوات الفضائيه فاتحه ابوابه شجعي اللي تبين ولاتنسين تلبسين سروال سنه وفنيله


أحترامي للأمورات الدلوعات

[أبو الريش]

بهالمنطقه مافي الاتحجير للشاب ومنذ الأزل يعني مايبونك تشوف اي شيئ لو ودهم يغطون عيونك ولا يغلمطونك ببطانيه أهم شيئ ماتتطور ولا تشوف شيئ

بتكلم عن الماضي القريب ,,,,

اذكر كان عندنا مستوصف وكان فيه ممرضات فلبينيات وكم دكتور وصيدلي , بعض المتخلفين بالديرهـ ماش مايهجاهم اننا نشوف شيئ زين بالمستوصف صارو الشباب المريض واللي مهوب مريض وده يروح للمستوصف ماعمرهم شافوا شيئ الا موضي اللي تبيع علينا هكالحين ببسطته بوسط بيته تفتش لنا لأنه شينه :p

المهم ,,

تجمعوا بعض اللي يقالهم يحبون لنا الخير وبما أن الشباب بذاك الوقت مجرم بنظرهم حتى البس يخافون عليه ولايخافون علينا أتفقوا أنهم يطردون أو ينقلون الفلبينيات ويجبون سريلانكيات أو هنديات بدالهن وخاطبوا الوزاره لمن راحن الفلبينيات اللي عبود ولد جارنا لو يصير به طاعون اشوى بالمستوصف

وجابوا هنديات الله يكرمكم بس ايدينهن بخشومهن وخذ من اللعب بوه :P

عقبه لامرضنا ولاإذا جانا شيئ وخصوصا عبود مانروح للمستوصف نكز احد يجيب لنا حبوب

من أول لادخلنا اشوينا, الحين فاقدنا الدكتور يقول فيييين عبود وشلته ماشفتوش بئالي 15 سنه:f5:


عاد بعد التطورات ويوم شافو هالمتخلفين أننا كبرنا وصارو لهم عيال جابوا الفلبينيات يعني حنا حرام وعيالهم حلال :p << تراي منقهر بس مالقيت ايقونه قهر :f5:

[أبو الريش]

الصمت علاج وقتنا الحاضر لاتتعبين أو تتعب نفسك وتجادلين لأنه كلن ودهـ يفرض رآيه لو خطأ أهم شي مايقال عنه أنك أخطيت ويدافع عن خطاهـ

ودهم يصيرون منزهين مايخطون ولو تقوله انت مخطئ زعل عليك ولو تناقشه تعبت ولو تمسع لكلامه جاك المرض يعني الصمت وأنحناء الرأس للأسفل وتحمل أي كلمه قويه بحد ذاته مايقدر عليها إلا اللي يتحمل لأن فيه كلمات تسمعه كأنه راميك برشاش مع قلبك ودك تسوي اي شيئ تاخذ بثارك بس اتوقع الصمت أحسن ثأر لكن يخوننا أحياناً

خلك على الصامت ويالله السلامه

[أبو الريش]

أحاول أني أجرّب طريقة الصمت مع الأحمق وعنـــدي أيمــان أن الصمت حكــــمة العاقل وبنفس الوقت إهانه للي يجادلك بدون علم اويثرثر بدون فايده

لكن معليش ؟؟؟؟

يزيد بكلامه ويأخذ الصمت فرصه له ويبدأ يزيد بالرمي ولا يمل ويقذف قنابل عنقوديه وأنا أو أنت أوأنتي لانزال بحالة صمـــت مع تحمل كل هذا وتحمل براكين بالداخل

لكن يجييييييي الوقت اللي خلاص لابد أن أكون أحمق منه وأبدأ أمطر عليه سيل من الشرر حتى أنه يهرب مثل هروب الكلب وهو ينبح

[أبو الريش]

ياويلي ياللي حظه مثل المثل اللي يقول

(وماحظي الا كدقيق فوق شوك نثروه,, ثم قالو لحفاة يوم ريح اجمعوه !!!)

هذا حظ خويي عسكري يشتغل بالرياض الله يعيننا وياه الاسبوع اللي راح كل ماجاء للقصيم لازم تجيه مصيبه بالطريق مايجي لمنا الا وهو تلفان تافلن العافيه<<:p
الاسبوع اللي قبل اللي راح يوم جاء بيمسك الخط ودخل بيعبي بنزين ويصدمه واحد وزين اللي صار هذاك المخطي عطاه قروش ومشى لكن سيارة خويي مارضت تمشي ورجع وحطه بالصناعيه ورجع لشقته ولاجاء

الاسبوع اللي راح فاته العشاء يوم الاربعاء سيارته خربت عند المجمعه ودخله الورشه ماطلعت الا الخميس الصبح يعني نيم بالمجمعه

وهالاربعاء يوم جاء يطلع من الرياض الحمد لله والشكر اخربت سيارته وهو بيطلع من حي ام الحمام يعني قبل مايطلع من الرياض ويالله يالله دخله بالصناعيه

هذا غير اللي قبل شهرين جايبه بسطحه مرتين ,, المشكله انه يصلحه ويضبطه بس مافيه فايده

مقرود مسكييين ارحمه رحمه مهب طبيعيه حياته مطاريس وحالته حاله دق علي قالي كالعاده تعشو تراي منب جاي نهائيا وهو يكلمن ماشالله عليه نفسيته زينه يضحك مع ان حياته خرابيط مثل العلك لانشب بشعر الراس :f5:

قلت منب مخليه وأنا ولد ابوي وأشغل سيارتي ومايردن إلا أم الحمام وأدخل عليه بالورشه وأثرهـ جالس على الكرسي ونايم بسيارته:( شكله معليش يخلي الواحد يصيح

من شين سيارته ضاربته الشمس ومتقشعه بويته وزين اللي تمشي بالخط الله لايبلانا

انا هالآدمي علمن وعلى سنوات طويله أني أحسن واحد بالدنيا من ناحية حظه الردي وقرادته حسيت ان الله يحبن ماعمره دق علي الا وعنده مصيبه ويمكن أكثر

أحمدوا ربكم لاشفتو احد حظه ردي فيه ناس يعانون من حظوظهم وخصوصا هذا ماعمري شفت مثله وإلا الحين بالورشه قعدت عنده العصر والمغرب وترجان اني اروح ورحت عنه لمن يخلص !!!!!

[أبو الريش]

هاللحين أغلب الفكاهيين تلقاهم مصفقتهم الدنيا ومن شدة مايوجس يبدأ يطلع متخرمات ويقول كلام غريب ماعمرنا سمعناه ويخلي اللي حوله يضحكون!

هذي حال اللي حالتهم الماديه تعبانه أو عنده مشاكل مستحيل تنحل أو من يوم هو صغير وهو متشحطط تلقاه من شدة مابوهـ يبدأ ينكت ويقول كلام غريب الأطوار وماتحلى الجلسه الا معه

لأنه شاف أن الدنيا ماعطته وجه عطاهـ قفاه وصار ميئوس من نفسه ياتصيب ياتخيب يخربه بكل شيئ ممكن يسوي اي شيئ لأنه خلاص وصل مرحله أنه لازم يصير عنده هالصفه ولايستحي يقول اي كلمه قدام الكبير والصغير وطبع الكلام لاصار طالع من قلب لازم تضحك عليه

سبحان من ياخذ صفه ويعطي صفه

[أبو الريش]

بعض النــاس وهم بس تمدحهم يحبون أنك تمدحه حتى لو مهب منصب أو ماله شيئ يرجيه بالحياة مجرد ماتمدحه خلاص كأنك طيّرته بالعلالي

أنا عرفت شخص يحب المدح وهو صراحه مايستاهل انه يمدح مابوهـ شيئ زين بس يحب أن أحد يشحطه :p بس خفيف دم بقوووهـ

وأنا أحب أمدح وماصدقت أن أدري أنه يحب المدح !!!

قلتله: أنا ماعمري شفت مثلك ولاعمري جلست مع واحد مثلك خفيف دم وذرب وكلن يجبك أنهبل ماصدق بالكلام اللي قلتله ,,

قال: أحلف بالله أنك تقول هالكلام من قلبك قلت والله أنك طيب ورهيب ولاتحلو الجلسه الا بك مثقف متعلم فاهم

دخّل أيدهـ بجيبه وطلع محفظته وطلع صرافته ,, قال: هذي صرافتي والرقم السري كذا وكذا خذ اللي تبي ,, أنا بغيت انهبل من الضحك شكله يضحك وهو يقوله

يوم شفته كذا , وأزيد بالمدح وأحط بيتين شعر من عندي زينات مادري وشلون طلعن مع أني فاشل بالشعر . ويقوم يحب راسي أكثر من خمس مرات ويواعدن بعشاء

رحمته من جد بس يبي أحد يمدحه عاد كلمت شاعر من شعراء هالوقت أعرفه :p

قلتله ولّم لي قصيدهـ بأسمه وأبي قصيدهـ قويه !!

عاد مادري وش يسوي بي أخاف يبتل يحبن ويبوسن ههه

لاتقصرون بالمدح حتى لو كذب ترى الواحد يرتفع ويستانس ماتسوى عليه

انا بس امشي وامدح وخصوصا الأطفال يستانسون لاشافوا احد كبير يقوله كلمه تخليه يستانس خصوصا لاصار قدام أطفال مثله وخصوصا البنات

[أبو الريش]

دعوهـ عامه

اللي ودهـ يسيّر علي و يتقهوى معـــي أو يتعشى معــــي لايردهـ ألا رقم جواله يحطه بالبروفايل وأدق عليه علشان نتعرف عليه وأوصف له المكان ويجي الأبواب مفتوحه

ودي أحط رقمي بس بيقولون أني أغازل وأنا منب ناقص اتهامات:p

وهذا البروفايل

http://www.formspring.me/rakaaaan11

[أبو الريش]

http://www.youtube.com/watch?v=6iaONYKBBq4


http://www.youtube.com/watch?v=rrVT9gjN5rA

لكل وحده تشجع الكورهـ وخصوصا الهلاليات

خليكن مع هالمقطع وأستفيدي من طريقة التمريض :p

ولا مع افتح ياسمسم تذكري شكلك والكعاكع أمهات حلاو وهن بشوشتك يوم هي تقل ليفه أم كرتون أخضر

وتذكري بهوتك من الشمس صايرهـ شهباء :f5:


أنا من يوم شفتهن مشجعات ويقلدن الكويتيات والملاعب صايره بتوتر حتى الاعبين ماعمري شفتهم بهالعصبيه بكن مصايب يامهات المصايب لو تدخلن الورد ذبلتنه

[أبو الريش]

أكرهـ التتزييف والكذب والمقابلات التلفزيونيه التي يتقنها الكذابين في حوارتهم مع المذيع أو من يملك أي مكان يكون متحدث كاذب بأسمه!


يعجبني هذا الرجل حديثه لايُمل وصراحته مطلقه وكل شيئ فيه رائع

النائب الكويتي المهندس / مرزوق الغانم
http://store2.up-00.com/Dec10/Cvo16804.jpg (http://www.up-00.com/)

يشدني وجودك على شاشة التلفاز (أبو علي)

شعارهـ ( أياك واليأس من وطنك)

[أبو الريش]

الملاعب والقرف

أنقطعت عن حضور المباراة بالملاعب مع أن وجودي بالملعب قليل وأفضل مشاهدة الكورهـ إذا سمحت لي الفرصه بالتلفزيون

كان لي حضور وعلى سنوات سابقه للملعب وكان الجماهير بقمة الأدب والأخلاص وتشجيع ينبع من روح صافيه والملاعب بحالة إستقرار وتحس بطعم الفوز

لكن الحين ,,,

رحت قبل فترهـ أكثر من خمس مرات طفشت ازعاج وحال الملاعب كل مالها بردى تعصب شديد وعداوه وضرب وتهجم على الغير وتكسير للممتلكات ونصف اللي يحضرون جايين كذا بس يتفرجون وهو مايعرف وش الكوره وأنا أعرف أكثر من واحد من مدمني حضور الملاعب وهو مايعرف الكورهـ ولا يعرف منها شيئ أطلاقاً ويزاحم الجماهير وياخذ الصفوف الأوليه

أتمنى أن السلطات الأمنيه بالملاعب تشدد على هالمشجعين الفوضويين وتضرب فيهم ضرب لمن يعرفون أن الله حق لأنهم صاروا يتمادون وينزلون للملعب والمباراة قائمه بين الفرقين

[أبو الريش]

تكثر السوالف بالمجالس ويكثر التضخيم والتعميم وانعدام النسب في الكلام

دائمــاً عند أي جلسه تجلس/ين فيها أنتبه أن يكون كلامك خالي من ( أعتقد , أحتمال , بعض , أتوقع , تقريباً) حتي يكون حديثك مقنع للجميع ولاتجحف بحديثك بأشياء تعمم عليها وهي تملك نسب فيما ذكرت قد تكون عاليه أو منخفضه لكن ماتكون كامله , وحتى يتضح للمستمع أن الأمور تكون متفاوته ونسبيه وأحتماليه أو تقريبيه

وإذا فُقدت تلك الكلمات في أي حديث كثر اللغط والنقاش الحاد من غير نتيجه

[أبو الريش]

خيــانة الذاكرهـ

تخونني الذاكرهـ وياكثر مـا أنسى في بعض الأحــاديث مع صاحب لي أو أي جلسه أجلس فيها

إذا بتحدث بأمر هام أنسى وش الكلام اللي بقوله أحاول أحرك ذاكرتي وأسعف نفسي بأي شيئ متناول يدي يعدل مزاجي يمكن أستذكر الأمر لكن لافائده حتى أنه وهو يتكلم علي ما أكون منصت له لأني قاعد أتذكر وش اللي بقوله وأتعب لكن مافيه فايده

لكن ,,,,,


مـــا أتذكر إلا رحت عنه تعيد الذاكرهـ الخائنه تلك الكلمات !!!

[أبو الريش]

ياسلام إذا أستنشقت رائحه عطـــر عشت أنت وياهـ في لحظه مرح وفرح وأخذك رذاذهـ المتطاير لمكــــان تحس فيه بأمن وآمــان وشعور لايوصف وأنت مازلت واقف بمكانك لكن تعيش اللحظه بمتعه ســاحرهـ

الروائح الزكيه مثل العود أو العطور الفرنسيه الصارخه الفاتنه ذكرى متواصله ووفيـــّه في توصيل الشعور بشكل رائع وفاتن

[أبو الريش]

رجاء خاص للي يصورون للمهرجانات

لايرسلون لي رساله خاصه بروابط التغطيات وكأنهم يبونك غصب تشوفهن أو مادري وش بيستفيدون من هالشيئ يمكن يبوننا نجي للمهرجان وهذا اللي باقي !!!

عموماً اللي يدخل من مشرفين قسم التغطيات ياليت يستثنون ملفي الشخصي بالمراسله لانه ماعندي استعداد اشوف وجيه تجيب الهم من طفل وصغير وكبير إذا صار هالشيئ يعجبك وتبي تتفنن بالتصوير وتجي تورينا غيرك ماوده يشوف

خبركم من اول المجلات يسحبونهن الملاقيف من الاسواق وصوالين الحلاقه علشان الصور.

وبقالتنا صارت ماتبيع بحجة انه ممنوع نشر الصور بالمجلات وهاللحين غصب يبونك تشوف !!!!

لذلك لاشوف ولا رابط جاي على رسايلي الخاصه صح بيعاندون لكن حالف يمين ماشوفهن لو ارسلوا لي


خبركم شركة الاتصالات السعوديه ماقصرت بالتدخل بالخصوصيات تفززك بالليالي علشان تشترك بخدمه ويرسلون بعده فاتورة التسديد ثم من بعده رسائل غريبه وعجيبه لاتخطر على بال البشر

[أبو الريش]

منــاديل محطات البنزين

بعض المحطات ترغب المستهلك بالمناديل علشان يعبي بنزين وطبعاً شيئ أكيد أن هالمناديل من أسوأ المناديل على وجه الأرض حتى أن صناعته رديئه جداً ويتضح من شكله

ولايمكن يكون مناديل من اللي معروف وسائد لأنه أنت بالنسبه لهم زبون ماتستاهل !!

أنا لاجيت أعبي بنزين أحرص أني آخذ يمكن أحتاجهن , وفعلاً أحتجتهن وأستعملتهن!!

وسبحان الله ماجرد ما استخدمتهن أحس يجين كأنه غثيان وبستفرغ أو يجيني ألم وتدمع عيني إذا أستخدمتهن للعين وأحس بجفاف بالعين ووشعور مو طبيعي له

حاولت كل ماركبت السيارهـ برمي الكرتون لكن أنسى لأني أستخدم أفضل مناديل لكن تغريني وجودها بالسيارهـ وأستخدمها

عزمت أني ما أستخدم مناديل محطات البنزين من اليوم وصاعداً وصحتي أهم

ذلك أحذروا منها وسبق و أن قريت تحذير عنها ولا القيت له بال إلا يوم صار لي هالشيئ

يعني يفضّل استخدام غير شخصي

[أبو الريش]

لايفوتكم مسلسل(يوسف الصديق) بالصدفه كنت أخوض وأسبح بين أمواج اليوتيوب ولله الحمد رمتني الأمواج على هالمسلسل ممتع جداً وصلت الحلقه التاسعه بدون ملل أخراجه وطاقم التمثيل من أحسن مايكون مبدعين في هالمسلسل حتى صفاوة المسلسل في اليوتيوب صافي جداً وطبعاً على قناة ( ميلودي)

الفلم من إخراج وطاقم إيراني وحذرني البعض من عدم مشاهدته لأنه يمكن يكون فيه تجاوز لقصة يوسف عليه السلام أو نقص أو تحريف بالقرآن لكن لحد الآن أرى فيه تطبيق لما ورد في سورة يوسف بالقرآن

بالنسبه لي أحس أن المشاهده المرئيه لقصص الأنبياء أو الصحابه توصل بالشكل والمطلوب ورساله واضحه

بحاول إذا كان فيه وقت أشوف كل هالأفلام المتعلقه بالأنبياء والرسل لأن هالمسلسل لي ثلاث أيام اتابعه لأنه يبغاله وقت فاضي بدون إزعاج وجو صافي علشان تحس بمتعة المشاهده والخلو مع السيّر النبويه بدفئ

لأني يوم شفت مسلسل (يوسف الصديق) علمني أشياء كثيرهـ

أنصحكم بالمشاهده وترى فرصه للي يحب يذرف دموعه لأنه في مواقف تصير لــ يوسف تبكــّي

[أبو الريش]

والله ياغالبية الناس ماجازوا لي , مادري وش جاينا صايرين مانطيق أحد ولا ودنا نشوف أحد ونحب الإستقلاليه وكأنه بيننا قتال!

وش اللي جايهم مايطيقون أحد ولا يبون يسمعون شيئ ودايم مكشرين ويحبون التفاخر والمكليه ومدح الذات وصايرين مايبون أحد حتى ياكل معهم بصحن واحد !!

والله يــانا مضيعن عمري مع أشكال حرام عيوني تشوفهم

انا مادري وين الرجال مختفين ,, مثل السيارات الموديلات القديمه لاطلعن الموديلات الجديده وفسالة صناعتهن أختفن القديمات مادري وين يروحن

[أبو الريش]

القريب منك بعيد والبعيد من قريب

صدقت أم كلثوم

[أبو الريش]

اللي يحبون يعيشون أحلام وأوهام ولها طعم خاص

أستغرب من اللي يحب بس من الصوت مادري أحس أنه عنده فراغ عاطفي ونسبة الحنان صفر

مستعد يكلم بالجوال سنتين إلى اربع سنين بدون مايشوف اللي يحبه وراس ماله صوت ومكتفي


فعلاً فيه ناس أهم شيئ أنه يسمع الصوت مايهم الشكل مايهم يقابل يقعد يتخيل شكل المحبوب/هـ بباله ويعيش جو خيالي !!

وبالأخير كل هاللي صار يروح بأسهل مامكان ببداية صعوبه

أو كل واحد يحصل أحد ثاني غيره ويروح كل شيئ


عجزت أقتنع أن الحب لنـــا كذاب اللي يقول فيه حب ,, يمكن فيه بس ماياخذ حقه لمن يشبع ويكتفي من المحب

حنا مخلوقين نبدع بالتنكيد!!


أنا من ناحيتي ماعرف أحب إلا نفس طريقة المصريين يشوفه بحديقه أو جامعه ويتعرف عليها ويتزوجون , وكلن وطريقته فيه ناس لو تجيب له بنت مغلمطه ببطانيه أخذهـ وحب أيدهـ وجه وقفى

[أبو الريش]

حب تصبيرهـ
هذا الحب اللي مصبر الحريم على رجالهن ومصبر الرجال على حريمهم

لمن يفتح الله

[أبو الريش]

تمرّد

ماشاء الله وش هالطلعه الحلوهـ

لكن أحس أن العشاء بارد أو ماجاء إلا بطلعة الروح

أفضل عشاء بالنسبه لي (المطبق) أسرع عشاء ممكن يخلص بظرف ثواني ولا تنتظر لمن يطفح الكيل !

قبل فترهـ كنت بمطعم أنا وولد أخوي وأتأخر الطلب مع أننا طالبين فوق 80 ريال ممالذ وطاب وتأخر علينا فوق النصف الساعه

وولد أخوي عصبي طالع على عمه:for9: !!

وكل شوي يروح لمهم وصاروا يعطون طلبات للسفري وحنا ينقطون علينا تنقيط الطلبات ,, ماتحمل حتى بغيت أمسح به الأرض بس يقولي تأخروا

وأتفقنا نطلع يوم جينا نطلع وأثر العشاء جايبه الجرسون ويجي ولد أخوي ويمسك الصحن ويطيّــرهـن من أيدين العامل وتكسرن الصحون أما مرئ الجميع أنا ماتوقعت بيسوي هالشيئ فشلن بينهم وأنواع الأعتذار علشان مايخذون منا حق الصحون:p

وبعد ماطلعنا رحنا وأخذنا مطبق ماتمت 15 ثانيه إلا هو مخلص وبريالين:4_1_6[1]:

[أبو الريش]

خخخخ لا والله العشاء مره ساخن وجاء بعد ساعه من جلوسنا بس لاننا متفقين على كذا من قبل

والله ودي عازمتكم كلكم >تقل انه ترجع شمريه خخخ

كانت الطلعه قمه قمه بالوناسه

وعلى سالفه اخوك كان اخوي توه متزوج وطافين بزوجته والوالد الله يحفظه مره عصبي

تأخرنا بالعشاء وكلنا مجتمعين حطينا السفره اول ماحط الوالد ايده بالصحن لقاه ساخن

الطامه الكبرى


كب الصحن على السفره وقام

تفشلنا من المره الجديده ماتعرف طبع الوالد خخخ


ياكرهه الشيبان اللي كذا ,, مايعرفون يجاملون

والله ودي عازمتكم كلكم >تقل انه ترجع شمريه خخخ

لا منتب عازمتنا تبينا نكسر صحونهم ,, ديني ولا دين اللي يتأخر بالعشاء يعني لازم آكل وأنا قلبي محروق

واضح عليكم مبسوطين مابقي إلا جيتار ومايك وتحلو الجلسه


بالعافيه

[أبو الريش]

صدمه نفسيه وخوف بالمستقبل

كثير من الناس تبقى الصدمه النفسيه بداخله وتأثر فيه حتى لو تقدم به العمر تكون موجوده

وإذا لاحظت سبب الخوف اللي يكون داخل الإنسان ويتقدم فيه العمر ولازال يخاف من شيئ معين هو من صدمه كانت منذ الصغر لكن مايحس فيها لكن داخله عنده إحساس بدون هو مايعلم

أغلب الأباء أو الأمهات يتعرضون أطفالهم لمشاكل
مثل ( تحرش , أو عيب خلقي , أو حادث سيارهـ , أو مشكله بينه وبين أحد)

وبتناول قضية (عيب الخلقي)

يعني مثلاً: مولود يولد وفيه عيب خلقي وحاولوا والديه يعالجونه وأتشافى ولا كأن فيه شيئ لكن مافيه فائدهـ يبقى الخوف موجود داخل الوالدين أو أي أحد من الوالدين لو أي شيئ ممكن الطفل يسويه يخافون عليه لو يطلع درج وهو مسرع الخوف متداركهم لو يلعب أو يخالط الأطفال يخافون عليه من أي خدش يجيه لأن الصدمه فيهم كانت مولوده مع والدة العيب الخلقي , لو كانت ولادته طبيعيه ماكان الخوف موجود



وأغلب الصدمات النفسيه مثل ماذكرت بالمثل السابق تكون على نفس السياق

مثال آخر: هو أن الطالب الفاشل بحياته الدراسيه وخرج منها بعسر شديد دائماً يتبادر لذهنه الفشل بأي عمل يقوم به حتى أنه الفشل عنده يسبق أي عمل راح يقوم فيه ويبني الفشل قبل العمل لأنه هناك سوابق فشل ماضيه عرقلت مسيرة حياته ويظن بنفسه أنه راح تستمر فاشل وهذي هي عجز الإراده ورسم الفشل قبل الإراهـ

[أبو الريش]

خوف أو بُغض للأشيــاء

الأمر اللي يخاف منه الإنسان هو أنه بعد ماينتهي من مرحلة المراهقه أو ماقبل المراهقه يكون عندهـ أشياء لايستسيغها ولايحب ينظر أليها أو أنه تشوش عليه حياته

مثلاً: فيه ناس ماتحب تأكل مع ناس يحس أنه بيستفرغ لاشاف فلان ياكل معه أو حتى يكرهـ أنه أحد يمر من عندهـ يظن أنه لوث عليه مكانه !

الكلام بدون طرف آخـر الأنسان اللي تعرض لصدمات نفسيه أو يتعرض لعصف ذهني دائماً يتكلم مع نفسه وكأن طرف آخر موجود معه يعني يطبق دور تمثيلي خلف الكواليس حتى يكون على استعداد في مواجهة الطرف الآخــر أو أنه يخاف من مواجهة طرف آخر في مواجهته ويكلم نفسه ويبرر أمر داخل نفسه وكأنه يكلم ذلك الطرف!

الخوف من الأدوات أو الوسواس : أخطر أمر يتعرض له الإنسان هو الخوف من أشياء يشرب فيها أو يكرهـ من ملامسة أحد سلم عليه أو يخاف من أي شيئ ياكله يظن أنه راح يصيبه مرض أو أنه نقل دم أو تبرع بدم أو يخاف من أن الأدوات الملوثه بالمستشفيات يظن أنه تعرض لتلوث ويفكر حتى أنه يجهد نفسه بالتفكير

وهو بالأصل أنسان معافى ويعد من أفضل المعافين بالعالم

[أبو الريش]

الأستقرار المادي والتخبط النفسي

كثير من الناس يملك نفوذ مــادي لكن مايتضح عليه ولا يبين عليه أنه في نعمه

والأسباب كثيرهـ: أما أنه يعاني من البخل والبخل مرض يفتك بأصحاب الأموال حتى أنهم يحرمون أنفسهم من مالهم وتكون عندهم وساوس أن المال لو مايكون في مأمن بيضيع بالمستقبل وبيعيش يوم أسود , وتمر عليه أيام سوداء وعصيبه ولازال محتفظ بماله وهل فيه أسود من هالأيام علشان تحرم نفسك وهالأمر يفتك بنفسيته حتى يكون غير مستقر نفسياً ولا مادياً رغم وجود كافة سبل الراحه لكن الإنسان البخيل اللي يخاف من المستقبل يبالغ بالخوف ولا يعرف يدمج الحرص مع المتعه ويرتب نفسه !

وهذا ملاحظه على بعض القصمان والحضارم يجهدون بالعمل وهذا أمر أهنيهم عليه لكن أنك تحرم نفسك وتحرم عائلتك من أشياء بسيطه يستمتعون فيها هذا أعتبرهـ وقاحه

يعني لك فترهـ زمنيه طويله تجمع فلوس وتجاهد بالعمل ولا فكرت يوم تسعدهم أو تحاول تبسط نفسك متى يحين الوقت وتسعد نفسك لكن ماراح الطبع يتغير ومستحيييل إلا لاتوفيت وترتاح من هلاوس ووساوس جمع المال بلا سعادهـ وفائدهـ تدعم النفس

[أبو الريش]

مقاطعة الكلام

نتعرض أنا وأنتي وغيري لمقاطعة الكلام في الجلسات وكأن المتحدث لايتكلم !!

غالبية الناس أن لم يكن الكل يصيبه القهر داخلياً إذا قطع أحد سالفته , وياليت يقطع السالفه علشان يقول سالفه خاصه فيه

لالالالا

يقطع سالفك وأنت تقول سالفه ويدخل معك بالسالفه وكأنه بنفسه يقول أنا داري قبلك

يعني مثلاً : تبي تتحدث عن موضوع صاير وتتناقش فيه يجيك واحد يسرق الموضوع منك ويقوله , ويبي يوريك أني أنا داري بالموضوع قبلك وعارفه لاتقعد تكثر الكلام

أنا لاقطعت سالفة أي واحد بدون قصد أعتذر منه وأتأسف لأني أدري بداخله ودهـ يقتلن لأني حاس باللي يقطع الأحاديث بالجلسات وهذي أعتبرهـ عادهـ قبيحه

يعني يبيك تسمع له ولايبي يسمع لك وهذي بحد ذاته تغيض الواحد

أنا من أول أقطع السالفه بيننا خصوصاً الشباب لكن شفت أن الوضع يتوتر وهم نفس الشيئ لكن ضبطت نفسي أني أحترم غيري

لأن بعض الناس يرى بنفسه أن سوالفه زينه ويستمربالكلام ويجبر نفسه وغيرهـ أن سوالفه ممتعه , لكن مجرد مايتلكم أحد ومايعجبه كلامه يقطع سالفته بطريقه بدون مايدري المتحدث !

[أبو الريش]

أشتغلت قبل فترهـ بمقر يجمع قسمين بين النساء والرجال وطبعاً كل جنس مبنى خاص فيه

وتجينا خطابات منهن بطلب حاجه أو نقل أو أدخال بيانات وطبعاً كل هالشيئ مايكون إلا من عندنا بقسم الرجال

طبعاً القسم النسائي يحتوي على مديرهـ ونائبه وكم كاتبه أو سكرتيره يقومن بكتابه الخطابات أو الطلب ويرسلونه لنا ونقوم حنا والزملاء باللازم

لكن توذينا أذيه منهن مايعرفن ينسقن الخطابات و الإملاء طبعاً نصف الخطاب أخطاء إملائيه وخط مادري وشلون جاي سطر غامق وسطر فاتح وأحياناً تجي حروف ماكوله وحروف زايده والأسطر فوق بعض بدون مسافات

وفوق كل هذا توقّع أو تأشر عليه المديرهـ والنائبه وهي يـ أما ماشافت الأخطاء أو ماتعرف تعدل الأخطاء ولو أننا متيقنين أنه مثل موظفاته ماتعرف !

ونقوم ونعيد خطاباتهن ونرسلهن للمركز الرئيسي لأنه لو راح للمركز الرئيسي الخطاب دايركت بدون مانشيّك عليه صرنا مضحكه بسببهن بيضحكون علينا مثل ماضحكنا عليهن

مادري وش اللي مشغلهن ومشغل إدارتهن ,, لأنه يعتبر من النادر نرسل خطاب منهن مباشر ولا بالأغلبيه أن لم يكن الكل نعيد عليهن وبتفحص تام

[أبو الريش]

لانحتاج من مُحـــب يحبنـــا بحجــم حبنـــا له , فقط يكفينا وجودنـــا بقلبـــه

فليس كـــل حبيــب أكتفــاء بحـــــب حبيبه , لمـــا غنى المجـــاريح بــ أحبـــائهم

[أبو الريش]

الأن جالسين نبحث عن عضوهـ

أمس بعد مارجعو الأهل من العزيمه وطبعاً أخوي الصغير كل شي يسولف علينا وش صار بالعزيمه طبعاً العزيمه بــبريدهـ

ومن ضمن السوالف ,, قالي:أن البنات يصورون العزيمه وسمعت أنه بينزلون الصور بمنتدى بريده

وهي يدري أني أدخل المنتدى

وجلست أنا وياهـ بالمنتدى ونفتح المدونات وماهنا مدونه مادخلناهـ علشان نشوف منهي هالعضوهـ اللي كانت أمس بالعزيمه ,, مليت وخليته يدور لحاله

يقولي: لالقيتهن أعلمك ومن المغرب وهو مافارق المنتدى


مسكيـــنه اللي نبي نطيح بــه!

[أبو الريش]

عجائب وغرائب بعض النــاس

تدق عليه ينتظر وش تبي,,,

تعودنــا أننــا ماندق إلا للحــاجه وعودن غيرنــا وبمــا أني بي طبع شين أني أدق وأسأل عن أي واحد من أحبــائي أفقدهـ وأتمنى أترك هالعادهـ لأنه يظن بباله أني أتودد له أو أحتــك فيه أو أبي منه شيئ ومع ذلك يمكن يتغلى وأنا من الأساس نيتــي أحب أتواصل مع الغير حتى لو كــان مايحبن لكن عندي قاعدهـ أنه القلوب بالتواصل تكون نظيفه ولا فيه حل إلا أنك تسأل وتتقرب للنــاس لله في الله

لي أكثر من 4 أشخاص جايين من بعثــه ودي أدق عليهم أعزمهم مع أن علاقتي معهم مهب أخويا بالحيــل يعني أخوي من الدرجه الثالثه لكن مادري وش التفسير بقلوبهم يظنون أني قروي يوم راحوا برى السعوديه صرت أتقرب لهم مع اني قبل علاقتي معهم أوكي , لأن البعض يرى انه لو راح برى السعوديه صار عالم ذرهـ

وكثير صادفت مثل هالأمــور والسبب أني أرى النــاس أنهم قلوب متســاويه وتفكيــر واحد وللأسف طلع الظن خطأ بعضهم يفسر مثل هالأمور تفــسير ثاني , وأنت وينك عند نفسك جاي على سجيتك وطيبتك


لازم نتعامل مع المجتمع كذا , ما أرضى أنه يقال عن بكل جلسه هذا يتلصق بي أو هذا يحتك بي,, وأرفع من مقامه وهو لاشيئ

هذي حقيقة البعض صعب أجازف بحسن نيـــه , وبنفس الوقت يمكن هالشيئ مايكون بداخله لكن اللي فزعني من هالأمــر أنه قلوب الناس ماعادت مثل أول لازم تكون على درايه وأكثر وعــــي

[أبو الريش]

هذولا الرجال اللي مايعرفون الحنــان والرومــانسيه

أقرأي القصه وتعرفين أنه رجــال الوقت مايقصرون !!

قصه مرويه جــد عن جــد إلى جدتي في السابق في عهدهم

وحدهـ أسمه مطيـــرهـ كانت تستقبل ضيوف زوجهــا في المجـــالس حتـى في غيابــه وكان زوجها راعي عزايم , وكانت مطيرهـ تسلخ الذبايح وتقوم بالرجال في غياب زوجها ولاتقصر عليهم بشيئ بحق الضيــافه , توفيت مطيـــرهـ

وتزوج زوجهــا بعد وفاتها

لكن الزوجه ماصارت مثل مطيــرهـ , وكل ماأمر الزوج زوجته الجديدهـ ان تقوم بسرعه بتجهيز العشــاء تقوله أصبر وش فيك عــجل وهي طبعاً قاعدهـ في غرفه خاصه تطحن بالرحى ومــلّ منها وهو يقوله يالله أنجزي العشــاء وتقوله أصبر , قام وطيّــح الغرفه عليـــها ومــاتت

وقال بيت هالشعر:

مطيريه عسا ماتجي واهج النار لاهو حب له ولاهي نظيره مير هي تقود الوجه لاجان خطار (ضيف)

[أبو الريش]

فيه لهجــــات أقرآهن من جد قمة التخلف , أحس أني عايش بعالم آخـــر

النقش : يسمونه خضاب << وش هالأسم القبيح

والكيك اللي فوقه كريم كرمل : يسمونه مزبّد<< وش هالبيئه اللي أزهقت عفاف الكيكه

والدقيقه : يسمونه دقيزهـ

ومبلبط : يعني شبه منسدح

وكلمات شفتهن بالمنتدى أكثر من اللي كتبت من جد أتقرف لاقريتهن بس عجزت اتذكرهن

أحس أن لهجتي تفوق عليهم والحمد لله أننا مانتداول هالكلمات ولاصرنا من المتخلفين لأنه في كلمات أرقى منهن لأني أول مرهـ اسمع بهن !

تطوروا شوي ترى اللهجه مرآءة الأنسان يعني لو تشوف وحدهـ جميله وأخلاق وتقول مثل هالكلمات تطيح من عينك

أو تكلم واحد نفس الشيئ يطيح من عينك لأن مثل هالكلمات يوجد لهن كلمات مرادفه أحسن وأحلى

[أبو الريش]

ماهو الفرق بين السجين خلف القضبان وبين السجين خلف الهموم وهو في حرّية حياة الدنيا

كثير من جعلوا حياتهم مثل النفق المظلم الضيّق وياكثر اللي خارج السجن ولكن شقائهم النفسي وقدرة مزاجهم أحالوا الدنيــا لما هو أسوء من السجن

ولو أعرضت عن الدنـــيا وأدرت لهــا ظهرك تبعتك وحققت لنفسها واجباتها!!!

حُســـن الصحبــه هي من تكافح كل مايحوّل حياته إلى أسوئ من السجــــــن


لاتحول/ي حيــاتك وتبنيهــا على صحبة تزيدهـــا قضبان أسوئ , وأقفال أقوئ من أقفال السجـــن

[أبو الريش]

تمرّد

والله يا انت شاحط روحك قوه هالايام ..!



وليه شاحط روحي ,, لايكون قصدك أمدح نفسي


لايكون لمست الحــار

الله يسامحك مع اني أكرهـ وأبغض هالصفه

مالذي أجبرك على التفوّهـ بهذا القول<< متأثر بالمسلسل التاريخي:p

[أبو الريش]

باسم الثغر

ترى ينتظرونك بقسم الصحه والغذاء

[أبو الريش]

عموري


مدونة ابو الريش تعجبني لحد الامتاع
ابو الريش تصلح تكون كاتب اجتماعي بصحيفة شمس بالذات,,

المدونة تقريبا تعبر عن حال الشباب ومعناتهم في الكثير من الامور





الله يسلمك أشكرك عموري من الصميم على الثناء والتشجيع

مواصلتي بوجودك ووجود غيرك من المتابعين

[أبو الريش]

اللي ودهـ يشوف عجائب وغرائب البنات السعوديات

يدخل قسم الصحه والغذاء

شوف كيف أجوبتهن مستحيل تعطيك الطول والوزن ولا وحدهـ جاوبت وهالدجاجه الذكر صاير يجحــد مثلهن

لأنه ماتعودنا منهن على الصدق أبداً وهذا يثبت ردودهن بالمواضيع أنهن بوجه آخــر كل شيئ كذب وغموض وعدم صراحه

واللي يزيد الأمور غرابه أنهن من خلف معرفات , يعني بالواقع مالومهن لو جحدن على أي ديانه أو مذهب أو حتى وش أسمها ,مع أن الشرع خالف ذلك

لكن بمنتدى وبعيد عن الواقع ,, والمنتدى وجــد من أجل فك القيود والتمتع بالحريه لكن الجحاده مازالت موجودهـ وتسري بالدم !

انتم ماسمعتو عن المرض اللي أًصيب الممثل المصري إسماعيل يس قبل أكثر من أربعين سنه وشخصوهـ الأطباء قالوا هالمرض ماله اسم , وصار أسم المرض ( مرض إسماعيل ياسين)

بالضبط هنا ماتقدر تشخص الحالات المرضيه حالات مرضيه شخصيه مالها أسماء

لو مادعيت للقسم هناك يمكن ماعرفت الموضوع المطروح لكن قلت بقرأ وشوف وش أجوبتهن وكنت متوقع وأول مرهـ توقعي يكون بمحله

الأجوبه ساذجه ماتدري وش تقرأ

يعني سؤال مطروح عليك وتجاوبين جواب غامض

ماراح تطورن علمياً وثقافياً وانتن على هالحاله ماكان لي أهتمام بمثل هالمواضيع السطحيه جــداً لكن مثل هالشيئ لازم يشخص ويعرض على طبيب نفسي

نسخت الأجوبه وأرسلتها بالايميل لأكثر من 25 من زملائي وكتبت تحت قصيميات على كرسي الأعتراف!!!!!!!

يازين المواقع الاجنبيه والعربيه تلقى كل شيئ واضح وصريح وتعرف وش لك وش عليك إذا قريت

أما هنا وعموماً منتديات القصيم مافيه إلا كذب وتحايل متاهات عجيبه وكأنه يوم تخفي هالشيئ أنها ملاك من نور أو نص جمال الكون فيها :p

سأكون متواجد في ذاك القسم وأتمتع بغبــاء الفتاة السعوديه القصيميه

[أبو الريش]

^^^^^^^^
نـــــسيت أكتب البعض

[أبو الريش]

شرود الذهن وياكثر ماشرد ذهني !!

أحياناً أدوّر عقالي وهو براسي !

أدور مفتاح سيارتي وهو بيدّي !

كنت أسوق سيارتي وقلت للي معي نسيت مفتاحي بالجلسه وهو بالأصل معلق بمكان التشغيل!

أنســى بشكل غير طبـــيعي , ياليت القى حل للنسيــــان !

أحيــانا أمشي بسيارتي وأتدعى البيت وأرجع !

مع أني ما ألبس ساعه بيدي إلا أني أحياناً لا لبست ساعه أسأل كم الساعه !

أمر من عند واحد وأعرفه معرفه تــامه ولا أسلم عليـــه , وخذ من الظنون ياحسبن مابيه !

دايم شيئ يخطرف لي أو أحاول اطيح بالدرج !

دايم مستعجل وحـــار وياكثر ماتندمت على أتخاذ القرار بسرعه , لكن تعلمـــــــت من هالشيئ الكثير!

أسرح مع اللي يسولف معي ولا كأنه يتكلم مع أني حلفت على نفسي ني أغير هالعادهـ لكن تدريجياً بدت تتلاشئ!

أقول أيه للي يسولف علي وأنا مادري وش يقول ماودي أفشله لأنه له أكثر من ربع ساعه يسولف !

ومع كل هذا نبيه بأشياء وأتحسس أشياء أكثر من غيري بكثير وأفهم اللمز ببعض الأمور !

[أبو الريش]

أحـــلى شيئ لاسولف عليك أحد سالفه وماودك تقوله أنت تكذب أو تقوله مليت من سوالفك ,,

ويدخل عليكم أحد ثالث ويقطع الســالفه أحس نفسي بقمة الســعاده على طول أدخل بأي موضوع علشان ذاك مايكمل سالفته وكذبه ,,

[أبو الريش]

تصادف نــاس بهالدنيــا تقول ضايعين من صحبة الصحابه من طبيتهم

وتصادف نــاس بهالدنيــا تقول ذولا مرسلينهم كفار قريش علينا

لكن تبقى أصحاب القلوب الطيبه مدة مكوثه مؤقته !

وأصحاب القلوب الحسودهـ والحقودهـ تسعى وتلوث!

[أبو الريش]

شاءت الأقدار أن تحط رحالي على بيت علم من أكفئ الناس علم ودرايه وثقافه

حديثهم لايُملّ ومسامرتهم جعلت الساعه تدق بسرعه هائله حتى أنها فرقتنا

وقبل الفراق ,,

قلوب غافله أضاءت بعدما كانت في عتمة سنين تنسج العنكبوت بداخلها خيوط الهجران عن ذكر الله

تذارفت دموع الغافل عندما أحس أنه في غياهب الدنيا يسلك طريق بإرادة هواهـ لم يعلم أن النفس أمّارة بالسوء وعندما تغرق النفس بالذنوب لم يبقى إلا المصائب تتحذف عليها من كل صوب بحجم الحجارهـ تسقط بحامل قدرتها على العبد متلهفه لسد ثغرات ذنوبـه بِألآمــها

قد يفسر العبد وهو في غفله أنه من المبتلين ومن المحبوبين !!

وهي بالأصل تنبيهات لواردت سيئه تخرج من نفسه !


الغفلــه عن ذكــر الله هــــي أول محطه للكثير من المصــائب , دون أن يعلم عنها العبد وهو في قمة التقصـــير

مراجعة النفس والتصيّـد للأخطاء ضرورهـ يوميه يجب أن نقف عليها حتى لانلوم أنفسنا

[أبو الريش]

http://www6.0zz0.com/2011/01/10/10/908153019.gif (http://www.0zz0.com)

استراحة نظر

[أبو الريش]

عيالي , أم العيال

تعود الأغلبيه على فرض لقب لزوجته بأسماء لاتليق ما أدري وش يظنون بداخلهم إذا قالوا (زوجتي , إمرأتي )

مادري هو عيب أو إهانه له أنه يقول (زوجتي) أو تحفّظ تام أو الكلمه هذي تنقص من رجولته ,, إذا كان رجلاً !

لا اعلم ماهي السريّـه التامه وإطلاق أسمــاء غريبه غير مفهومه مثل ( عيالي , أم العيال)

هو بالأصـــل تخلف, وأستنقص من الزوج إللي يقول مثل هالكلمات وكأنه مايتشرف بزوجته

كثير منهم إذا جاء بيسولف ( ملزوم أنه يقول كلمة عيالي أو العيال ) ويتبادر لذهني أنه عجوز كبيرهـ وهي عمرهـ مادخلت العشرينات

(وإذا راح لمشوار أ رحت أنا وعيالي و سويت أنا وعيالي ) وكأنه وراهـ درزن وهو بس وزوجته

أنا أرى أنه من الأمور الرجعيه !!!

حتى لو كان بيقول هالكلمات ممكن يستبدلها بـــ أم فلان ويكون الكلام أكثر قبول وإحترام لحرمـــه.

[أبو الريش]

بــــــيوت فضـــائيه ,,

بعض البـــيوت من جــــد يبيلك تجهز جيوش وجنود وصاوريخ علشان تهــد البيت عليهم

همهم الوحيد نقل الأخبار المغلوطه ومن شدة فضاوتهم يتفننون بالإشاعات ومهووسين ومسعورين بحب أي بيت مطمئن يعيش بهدوء يحاولون يفككوونه ويحطون أي شيئ فيه أهم شيئ لايكون ساكن سعيد !

حتى أن مثل هالبيوت تذيع أخبار كاذبه وتنتشر بين الأطفال والرجال والنسوان وممكن تسمع أي خبر مايخطر ببالك , ويشمشون الإشعات ووظيقتهم بالحياة (قال وقيل) وفلانه وفلان

ويتظاهرون بالنزاهه والكرامه, والعيوب والمشاكل فائضه من نوافذ بيوتهم ويتسترون بعيوب غيرهم .

[أبو الريش]

http://hh7.net/jan11/hh7net2_12946922881.jpg (http://hh7.net/) ('http://hh7.net')

بين جمع غفير من الأطفال من أقاربي في مســاء يوم الأربعاء القادم حبيت أسوي مفاجاءهـ لطفله أسرتني بـ اخلاقها وهي لم تتجاوز الأربع سنوات مميزهـ في كل شيئ طريقة كلامها إبتسامتها لاتتلفظ بالكلامات الجارحه أو القبيحه دخلت قلوبنا عمله نادرهـ وبين الجواهر( دانه)

المفاجاءهـ هذي هي أني رحت شريت لهــا (عروسه حديثة الصنع ورائعه ) وغلقتها بتغليف متناسق مع طفولتها وبعطيها الهديه امام الأطفال وخصوصاً من بنات جنسها علشان يحذون حذوها

لكن خفت أكسر قلوب الأطفال الموجودين وأهاليهم !

وأحتـــرت أعطيها الهديه لحاله ولا بين الأطفال , مع أني أحب أنه يكون بينهم علشان بأدب أطفال, لاتهدأ أي طلعه بيننا إلا بمشاكلهم وإزعاجهم والتنكيد :)

رأيكم

http://www.formspring.me/rakaaaan11


أعذرونا على الذوق كنت مستعجل وأنا اغلفها

احتمال أحط الموضوع بقسم المجلس

[أبو الريش]

مفهوم الذكـــاء عند النــــاس أو سرعة الاستجابه

مــاهو حكمك للإنســـان الذكـــي/هـ

نــاس تحكم على المخادع والمحايل أنه ذكي

ونــاس تحكم على الهادئ واللبق أنه ذكي

ونــاس تعجب بشخص وتحكم عليه أنه ذكي

ونـــاس ترى صاحب الوقار أنه ذكي

ونــاس ترى أن المجــــرم ذكي

ونـــاس تـرى أنه اللي ساكن بالقريه أذكى من اللي بالمدينه والعكس

ونــاس ترى أنه الإجتمــاعي ذكي

ونــــاس ترى أن المنعزل ذكي بحكم أنه يختلي مع نفسه أو كتيّباته

وناس ترى أن اللي يتحمل إنســان ذكـي

هذي أغلب تفسيرات النـــاس للذكــــــي ولا يمكن أن الإنســان يكون متشابه بحكم أي شخص بالذكــاء ,,,

يعنـــي من وجهـــة نظـــري إن الإنســـان لايقتصر أن نحكم عليه بالذكي بأمور معينه


أنا من وجهة نظـري أرى الذكـــي اللي يكون سريع الإستجــابه بأي سؤال تسأله ويجيب حــل في محله ومقنع هذا أعتبرهـ ذكــي,

لكن للمعلوميه ترى بعض المثقفين البارزين أغبياء وأيضــاً الدكاترهـ يعني مو شرط أخذ شهادهـ أنه يختم عليه أنه ذكــي بالعكس يفقد الذكــاء ويكون عامل النظافه أذكــى منه

لكن فسّر المجتمع أنه أي متعلم نال شهادات أنه ذكــي وراقي , بالعكس أن أرى العكس

وخالطت دكاترهـ فيهم من السذاجه ماتلقاها في خريج الإبتدائي بالعكس يكون أذكـى منه

الذكــاء بالفطرهـ غيرهـ مافيه ولو تركض ركض الوحوش غير ذكـــائك ماتحوش

[أبو الريش]

إختلاف تقبّـــل الإهــــانه

الإهــانات كثـــيرهـ التي يتقبلها الإنســــان وكل إنســـان/هـ يرى أنه مُــهان بأمر معين

يعني مثلاً: أنا أوأنتي أو البعض من الناس نـــرى أننا مُهــانين بأي كلمه تُلفظ جــارحه من أي شخص

لكن غيــرنا يتقبّل أي كلمه تقال له ولا يعتبرهـــا إهـــانه , لكن فيه أمر يعتبــرهـ إهانه

ألا وهو :

عدم إحترام مقابلتي أو مكانتي , بمعنى :

مثلاً أعزم أي واحد يجيني بالبيت ويجي عندي بملابس أقل من العاديه ممكن يجي بلا شماغ أو يجي بثياب شبه نظيفه أو ماضبط هندامه بالشكل المطلوب , هذي عند بعض الناس او الأغلبيه يحس أنها إهانه إنك تجي عندي ولا تلبس أحلى الملابس وتكون أنسان مقبول من ناحية الملبس لأنه يحس بنفسه أنه أنسان غير محترم أو مايلقى له بال

نفس الشيئ عند النســاء:

المرأءهـ تتضايق إذا كانت عندها عزيمه ويجيها ضيوف من بنات جنسها ماتتلبس أو ماتمكيج بشكل يليق بمناسبتها يكون إحساسه الداخلي أن المرأءهـ هذي غير مباليه لي ! أو تريد إهانتها يعني بعض الحريم عليهن تفكير غريب إذا تبي تهين ,له طريقه معينه ويفهمن بين البعض طرق الإهانه ماتخطر على بال الرجل ولعلِ ماذكرت جزء منها

[أبو الريش]

قرأت رسالتك وأشهد بالله أنها من أعز الرسائل ,,

إن أحسنت فمن الله ، وإن أسأت أو أخطأت فمن نفسي والشيطان ,,

وحتى لو ما أخطأت انا!

واجب علي الحرص على توضيح الصورهـ لأني لا أطيق تأنيب الضمير!


جزاك الله الجنان ورزقك بالحور

[أبو الريش]

ان شاء الله قريباً بســافر إلى مصــــر, والأصدقاء كثيرين لكن مو أي صديق موجود بالداخل نفس الشيئ يكون معك بالخارج

مع أني متشوق للرحله هذي لأني بقصد فيها أماكن حاطها في بالي , لكن للأسف راجعت جدول أحبائي وأصدقائي لقيت وقت سفرتي يتعارض مع أشغالهم وطبعاً أصدقائي وأحبائي مختارهم بدقه لأني أعرف مقياس حبهم لي وعلاقتي أنا وياهم عريقه جداً وأعتبرهم أصدقاء من (الدرجه الأولى)

قلبت الصفحه وجدت أسماء أصدقاء صار بيني أنا وياهم نكبات ومشاكل وقت السفر مع أنهم والله هم من يسببون المشاكل وأنا أقدم تنازلاتي وأصد عن كثير من الأمور, حاولت أني أطرح عليهم فكرت السفر لكن قلبت الصفحه بسرعه حتى لاتخونني أناملي وأدق عليهم وأعتبرهم أصدقاء من (الدرجه الثانيه)

قلبت الصفحه وجدت أسماء أصدقاء أستغلاليين وقت السفر يعبد الريال ويفشلك بأي مكان تكون متواجد فيه وممكن يتجاوز الأخلاق وتكون أنت وياهـ بمركز شرطه وفي بلد غريب ,, مزّقت الصفحه ورميته بسلة المهملات , أعتبرهم أصدقاء من ( الدرجه الثالثه)

[أبو الريش]

http://www7.0zz0.com/2011/01/14/22/301213962.jpg (http://www.0zz0.com)


الله يكـــــــــون بعونكم

[أبو الريش]

مايقارب أكثر من سنه ونصف وأنا أعاني من وجع في عضلات الصدر وراجعت أكثر من مستشفى أشخّص الحــاله لكن كل مستشفى يقول لي مافيك شيئ هذا وجع طبيعي وروتيني ويصرفون لي حبوب لكن ما آكلها لأن تشخيص الألم غير مخيف لذلك ما أجبر نفسي على تناول الحبوب بدون فائدهـ

حاولت أتبع إرشادات طبيه قديمه دهنت منطقة الصدر بالفيكس وبكريم خاص لـ ألآم الصدر لكن مافيه فايدهـ أحس أني لاجيت أقوم من محلي أو إذا جيت بشيل حاجه من الأرض أحس بوجع !!!

بالصدفه وأنا رايح أصلي بأحد المساجد وأنا أركع وأسجد أحس بألم الصدر ودعيت ربي بالسجود لأني كنت غافل عن الله بالدعاء !

وبعد ماطلعت ووركبت السيارهـ شغلت الراديو مع أني قليل جداً أشغله , وأسمع محاضرهـ لشيخ عن الرقيه , وفي حديثه ذكر أن إذا أحس الإنســان بألم في أي موضع بجسمه يضع يدهـ على مكان الألم ويقول ( بسم الله 3 مرات و أعوذ بعزة الله وقدرته من شر ما أجد وأحاذر 7 مرات )

طبقت الطريقه هذي مرتين باليوم وحسيت الألم يرتفع لأعــلى الصدر وكأني حسيت أنه بيطلع من الجسد , وبالعاده لاصحيت من النوم لازم أحس بالألم لكن صحيت ولاحسيت بأي ألم مثل ماكان في السابق وطبعاً لأني قريت الرقيه قبل النوم

سبحان الله الحلول بين أيدينا وواضحه نغفل عنها , ونلجأ لأيادي أخرى تسعفنا وتنقذنا!!!

أنا مجربها بنفسي لاتبخل/ين على نفسك بالتجربه

والحمد لله الذي عافاني

[أبو الريش]

http://hh7.net/jan11/hh7net2_12951175311.jpg (http://hh7.net/) ('http://hh7.net')

لا اعتقد هناك مجال للضيق والهم

ليس فقط العلاج هو علاج الأدويه, فثّــم هناك علاجات للنفس تتفوق عليها

ألا وهـــي متعة النظر وسماع الأصوات والاحساس بوجود من تحب , بعدهــا لاتعترف بالعالم بأسرهـ وطلّـــقهم جميعاً !!

[أبو الريش]

أقفال الجوال ولبس أجمل الملابس والخوف الشديد والخضوع والإجلال والوقوف بشكل مناسب وعامودي والروائح الزكيه والتحضير للمقابله قبلها بساعات!!!

هل ماذكرت مسبقاً توجد في غالبية الناس عندما يتوجّهون لله وقت الصلاة , ما اعتقد

لكن بمواجهة مدير أو مسئول لايستحق ولا أدخل عليه بنعال أكرمكم الله , يكون الواحد متهيأ وضابط نفسه قبل مايدخل عليه وهو مايستاهل أنه يكون محل إحترام وإجلال بل يكون دخولي له كدخولي لأي مكان عام وبشكل عادي جداً


لايمكن لي أن أخضع وأركع لغير الله وهو من أعزني ورزقني وفضّلني على غيرهـ ليش أفضّل رب العبد على غيري وأقصّر في مواجهته في صلاتي بينما أرفع شأن غيري عليه

ممكن أني أقدر وأحترم لكن لاتكون منزلة الإحترام أقل من منزلة إحترامي لله عزوجل

فــ رب العباد يزيدك رزق ومحبه ويحفظك بي يديه وقت أنك تنذل أمامه , لكن أنك تنذل أنك تريد شيئ من أي شخص وتنسى مناجاة ربك تكون خسرة كل الحالتين

خسرت ربك وخسرت كرامتك


جـرب تعاملك وخضوعك لــ مديرك أو مع من تريد منه حاجه مع الله ستجد الرزق من كل صوب لأن الخضوع لله وقت الصلاة وكأنك تراهـ من أسباب الأيمان به

والإحسان : أن تعبد الله كأنك تراهـ فإن لم تكن تراهـ فأنه يراك!

إذاً أن الله مطلع عليك في وقت خضوعك له ووقت طلبك له بنيه صادقه ومؤمنه فلماذا نلجأ لغيرنا بتقديسهم ورفع منزلتهم عليه

[أبو الريش]

تأخذني اللهفه لقضاء بقية عمــري بمدينـة الرياض صح إن أحلامي على قدي ( لأن غيري أمنياته يكون بسويسرا وفرنســا!)

لكن حقيقه السكن في المدينه خطوات لمعرفة الحيــاة أكثر والبعد عن قيود الفكر وأتساع مساحة بالك وصفاء ذهنـــي لولا الزحام , ممكن غيري يتمنى الهروب عنها!

لكن بالنسبه لي أرى فيها أنك تقدر تفكر وتخطط , وتكوّن علاقات مع الناس خصوصاً أنهم من اطياف مختلفه وتغيّر سماع اللهجه القصيميه وتخالط لهجات غيرهـ مع أني كنت من عشاق لهجتي لكن الآن ماحبها نهائياً

وخصوصاً أني أحب الأماكن المزدحمه اللي تكون بأسواق , غير المجمعات المغلقه

والأهم هو أنك تقدر تداخل ناس وتروح لآمـاكن ترفيهيه ماتلقها بالقصيم وأن لقيتها عندنا تضيق الصدر وقذرهـ

عموماً فترة سكني بالرياض قبل 3 سنوات, فتحت لي طرق عديده براسي أن أفكر أسكن فيها لكن يبيلي تفكير وتخطيط

[أبو الريش]

توبه مـــؤقته قد تكون أو لا تكـــون

غالبيه البشــــر لايعترف بالتوبه الحقيقيه عن الذنوب ويرجع كســابق عهدهـ والسبب هو قلة تكثيف التوعية وقلة الصبر , ومهيجات الحياة التي تحتاج لكبح الجماح كما ذكر في الأحاديث والقرآن !

كلنا نحاول أن نضع حواجز وخطوط حمــراء ونعلن التوبه عن ذنوب أقترفناها , ويأتي اليوم الذي نلّون تلك الخطوط باللون الأخضـــر ونبيح كل شيئ ونقترف ذنّـــب أكبر من ذنوبنا الســابقه !

ـــ فتاة كادت أن تفقد حيــاتها بسبب حمــل خارج عن الرحم ولولا عناية الإلــه وزوجها لفقدت حيــاتها وهي تعول طفلتين وولد وبعد خروجها من المستشفى قررت قرارات داخل البيت وهي :

إلغـاء جميع القنوات الفضائيه الخادشه للحياء من التلفزيون , والتقيد بِــ عبائتها الشرعيه بعدما كانت تبالغ في النقاب وضيق العباءه

وبعد مرور شهر رجعت لحالتها الطبيعيه وأشد !!


ـــ وهناك فتاة أخــرى لاتتقيد بلباسها الشرعي حتى أن بيتها لايخلو من المشاكل اليوميه وعند خروجها هي وزوجها من المنزل بحجة أنها متخلفه إذا تقيّدت باللباس المعتاد , حتى أنه حاول مرات عديدهـ بنصحها وإرشادها بدون فائدهـ !!

في إحدى الأيام فاجئها بدخول سيارته للمقبرهـ بعد الإلحاح من حارس المقبرهـ لأنه رفض الدخول بحجة أنه يمنع دخول النساء , لكن حاول الدخول وبصحبة زوجته وأولادهـ وأيقنت ماهي الحيــاة وماهي متطلباتها وأصبحت تتقيد بلباسها الشرعي المعتاد بعاداتنا وتقاليدنا ليومنا هذا


ربنــــا لاتزغ قلوبنــا بعد إذ هديتنا

[أبو الريش]

حلم لم يتحقق >> ترف

أهنيك على هالمعرّف الجديد , حلو بصراحه

[أبو الريش]

كثيــرهـ الأمور التي نتمناها وتكون بعيدهـ كل البعد عنا كل ما أشتقنا لها أصبحت بعيدهـ وتفــرّ هاربه بعيدهـ عنــا حتى نراها سراب !!

ولايمكن لها أن تكون بجوارنا وقت أن نكون بحاجتها , وعندما نجد بديل ترجع تدريجياً لنــا وكأنها تستكثر علينــا فرحة القلب في زحمة الأحزان , وعندما ننساها ولانفكر بها أبداً تكون أمام اُعينــنا صبـاحاً وعشيا

[أبو الريش]

فيه أجســـام مبليّــه بالبدانه يعني لو يسوي رجيم مايفيد معه ولو سوى رجيم وأتبع نظام غذائي وأنحرف أنحراف بسيط أنتفخ بسرعه

واحد من زملائي بدين شوي وحاول يسوي كل الطرق علشان ينحف جرّب الإنظمه الغذائيه مافيه فايدهـ , نصحته بطريقة تقليل الأكل يقولي ما أقدر أتحمل لاشفت الأطباق قدامي,,

وعلى زيادة وزنه فيه خفة دم مالقيت مثلها وطيبة قلب مو طبيعيه وديم مبسوط رغم أن السمنه تكدر عليه شوي يعني تضيق صدرهـ خصوصاً أن جسمه حســـاس يعني لو ياكل حبة فصفص أنتفخ :f5: الهرمونات عندهـ تدّهــر مو مثل الناس بعض أجسامهم تعدي على كل شيئ!!

حاولت فيه نمشي أنا وياه باليوم ساعه علشانه ومشينا 3 أيام وبعدهـ رفض يمشي حاولت فيه أنه بالبدايه أن الواحد طبيعي يمل بس لو يستمر يتعود وعجز قالي كل شيئ أسويه إلا المشي

مسكييين مايلقى نعال أبد مقاسه إلا لازم يفصّل !!

مادري من اللي لاعب عليه وقايله لاجيت تاكل رز خذ لك صحن صغير وبكذا تنحف , ولاجاء يقعد معنا بالسفره جاب صحنه وملعقته ويبدأ يأخذ من الصحن اللي ناكل منه ويحط بصحنه وياكل وكل ماخلص صحنه اخذ من الصحن حقنا وحط بصحنه :4_1_6[1]: قلتله وش الفايدهـ تاخذ وتاكل من الصحن الصغير نفس الشي قال لا هذا الصحن صغير وهذا كبير !!! رحمته من جد يحسب الصحن الصغير هو اللي ينحف وهو من كثر ماياخذ من صحنا صارت الحافه كبيره :f5: جــاهـ أحباط مو طبيعي

وعقبه سوى عملية تضويق أو تدبيس معده وصار عال العال جسمه ولا جسم عارضة أزياء وصار شكله شيئ

[أبو الريش]

سبحان الله فيني صفات غريبه يعني أحياناً أكون شاذ عن الغير:4_1_6[1]:!!!

أنا طبعي بالنسبه للحوار بالمنتديات أحب اتحاور مع البدينات يعني أحس أنهن أكثر تفهم وأكثر عمق بالحوار بعكس النحيفه أحسه مو مثل البدينه ونفسيتها شينه وأنا ديني ولا دين اللي نفسها براس خشمــه ومتقلبة المزاج !

مادري أحب الحوار مع البدينات بغض النظر عن شكلها صفاتها وطريقة تفكيرها ويمكن تفيدك بأشياء ماتتخيلها ترى مو أني كتبت هالكلام أني أعرف وحدهـ بدينه بس أحساسي كـــذا

وجهة نظر

[أبو الريش]

مشتاق شوق مثل شوق الليل للقمر , لصديقي عبدالرحمن تعرفته عليه قبل سنه ونصف ماتوقعت ابلقى مثله لأنه أغرقني بكرمه وطبعه سوى فيني شيئ موطبيعي بطريقة تواصله

الله يجمعني فيه رغم المسافات الطويله حطيت هالتدوينه علشان إذا شفته بخليه يشوفها إذا تلاقيت فيه

مع اني مع أي واحد أجلس معه أودّع النت ولا أعرفه

دئماً الحبيب بعيد !

وهذا أحلى شيئ

[أبو الريش]

كتبت شيئ رائع جداً وأمسح

والله قهرررر متنرفز الحين كله من اللي بجنبي , كيف مالخيته بكف

حاولت أعيد وأكتب من جديد عجزت

[أبو الريش]

ودي أريّح اللي يسألني بالبروفايل

يسألني يقولي أنت متزوج ولك عيال ويسأل أسأله عن وضعي الإجتماعي وشكله يعرفني أو شاك منهو أنا !!

أحب أكون صريح معه أو معها وبكل شفافيه


أنا لي ولد وبنـــــت ومنفصل بعد زواج دام 4 سنوات


ارتاح ياللي تسألي أو تسأل !!!!!!!!!!!!!!!!!

أقدر أصرّف بس وش الفايدهـ خلي هالعالم تشبع رغبتها بالشرافه :4_1_6[1]:


منتب لاقين أوضح وصريح مثلي !

[أبو الريش]

الحمد لله والشكر على النعمه والعافيه وعلى الآمن والآمــان

<< توّهـ جالس مع ثلاث شيبان وعجوز :p

[أبو الريش]

من يعرف موقع يترجم من اللغة الإيرانيه إلى العربيه

بحثت وبحثت وبحث ولا لقيت

اللي يعرف يرسل لي بالبروف أو الرسائل الخاصه

[أبو الريش]

وحدهـ اليوم بالقصيم امسكوهـ يقولون أنه مجنونه

وش السبب : دق عليها زوجها وهو مسافر !!!

يوم أكتشفت بالأخيــر أثرهـ يسأل عن عياله

أول مادق عليها ماصدقت قالت من جواله هذا ماتوقعت انه يدق

يوم ردت عليه قاله وشخبار العيال هههه

والله يابعض الرجال راسه يابس مافي امل يصير رومنسي حتى بالتواصل بخيل

مصدر الخبر:

وكالة يقولون

[أبو الريش]

http://www.youtube.com/watch?v=YmLdn2jArjQ

[أبو الريش]

http://www.youtube.com/watch?v=HyRehTreWkQ&NR=1

فيــه دول تعرف تخطط وتفكر

اعجبتني طريقتهم

[أبو الريش]

والله يافيه ناس وصخين وتبتل وأنت تقول قذرالله يكرمكم!!

لاجاء بيقلب صفحه حط أصبعه بلسانه , أحسه عادهـ رجعيه يذكرونن بمدرس متخلف لاجاء يوزع علينا اوراق الامتحانات لازم يحط اصبعه بلسانه

والأمــر الآخــر :لاجاك راعي البقاله أو اللي يبيع بأي محل لاجاء ياخذ كيسه حط أصبعه بلسانه علشان ياخذ الكيس طبعاً هو متعود على هالعادهـ لكن أنا تعودت أني لاشفت مثل هالنوعيه آخذ أغراضي بأيدي ولا آخذ الكيسه مع اني كم مرهـ أقولهم لاتسوون كذا ولا ينتهون !!

أغلب راعيين البقالات يوصلون طلبات للمنازل ويجيب لهم أغراضهم للبيت وهو الله يعلم وش يسوي بالبقاله أصبعه مايطلع من خشمه وهو قاعد يجيب خبز ولا خضرهـ ولا اي شيئ

بعض الناس ماعندك أحد

أتمنى مثل هالعادات تروح مثل ماراحت غيرهـ

[أبو الريش]

سبحان الله ماعطان الله بالطلعات البريه والكشتات , أول لانزلت قطرهـ من السماء أطلع للبر وأطبخ وأسوي قهوهـ وشاهي وأجلس إلى آخــر الليـــل وهاللحين لاتذكرت ذيك الأيام أقول والله يانا متعب نفسي

اليوم دقوا علي أثنين من زملائي بيكشتون بكرا, قلتلهم لا اعرفكم ولا تعرفونن روحوا لحالكم وجلس واحد منهم يرتجان ترجي ومن قوة الترجي شكيت أنهم بيسوون بي شيئ يابيذبحونن أو بيغدرون بي بيجدعونن بالبر ويهجون !!

وأثرهم هالجحلط يبونن اوديهم على سيارتي

مع انهم معهم سيارات بس يقالهم محافظين , يعني سيارتي عادي يروحون به ويخربونه علي, وسياراتهم ببيوتهم

أثري يوم أرفض من الأول على سنع , زين اللي أنتبهت, مع أنه بعض الأحيان ينلعب علي << طيب الله يقبح هالطبع

[أبو الريش]

فرق بيننا وبينه

سألت زميل لـــي أردني عن مولودهـ لأنه قبل فترهـ قايل لي أن زوجته حامل وحاطه بالاردن عند اهلها

قلت له: بشّـــر جاء المولود على هالدنياء

قال: لا باقي شهر إنشاء الله وأبشرك المولود بأذن الله ولــد وبــ أسميه (معتصم)

قلت بقلبي الله من الفرق بيننا وبينهم , حنا ماندري بالولد إلا لاطلعت من النفاس ويمكن ماندري من قوة الجحادهـ

ولا الأســـم ماينقال إلا لمن ترجاهم , خصوصاً بوقت الحمل ماقبل الولادهـ

هذا طبع غالبية الناس عندنا

[أبو الريش]

فاقدين أعضاء وعضوات

جنــــدوانا

سجى تركي

بنت منيرهـ

فتاة نادرهـ

والعضو اللي يحط صورة (سعد الحارثي) نسيت اسمه

وينــــــــــــــكم ارجعوا المنتدى له نكهه معكم , ولايهونون اللي موجودين

[أبو الريش]

أسألوا المنتخب الهندي قالو له: ليش طلعت من دورة آسياء

قالوا : لازم أطلع سوى سوى كفييل :p

هههه أول مرهـ نكته تعجبني

[أبو الريش]

وش هالحــــــــر أستغرب من اللي يقول الدنيـــا برد

عجزت ألبس مثل الناس , مازلت على سروال سنه وفنيله علاق !

أبي أحس بالبرد مادري أحس أنه إلا الحين ضربة شمس الصيف موجودهـ بي

هو صح أن الجو زين يعني ماتقدر تشغل المكيف لكن مو إلى هالدرجه لابيسن هالعالم كل ملابسهم إللي بالدولاب

حتى فيه ناس ماتحب البرد أبد صيف ولاشتاء حتى المروحه مايبي يشوفه ولايشغله , ويحسد أهل جهنم على جهنم:4_1_6[1]:

مادري هم مزودينه شوي ولا أنا منب أحس بالبرد

البرد القوي إللي جاء قبل 11 سنه تقريباً ماتقدر تمد أصابعك من البرد والصقيع

[أبو الريش]

والله مشكله لارحت تقعد مع ناس لابسين كل شيئ ويبلشونك يقولون لك وراك ماتلبس يحسبونن مقصّر على نفسي يبونك غصب تصير بردان مثلهم

ميير فيه عجوز ماتواطن البرد حتى أنه بالصيف حاجرتن نفسه بغرفه يقاله بردانه

وإذا جاء الشتاء حاطينه عياله بين كومة خلاقين ماتشوف إلا عيونه ولاجينا نسلّم عليها تأشر بيدهـ من بعيد ماتبينا نسلم عليها تخاف ورى أيدينا باردهـ , شكله ودّهـ تموت بس ماحصل << تحسد الميّت على قبرهـ :p

ودي أروح الحين أشوف وش وضعه شكله تتمنى أنه صيخ لحم يقلّب على جمر

[أبو الريش]

http://www5.0zz0.com/2011/01/20/14/538641382.jpg (http://www.0zz0.com)
:4_1_6[1]: :4_1_6[1]:

[أبو الريش]

شعور لايوصف عندما تصادف قلب متلهف عطشان يلهث جائع بحاجه لجسد يعيد له طاقته ويعيد له أنفاسه و ينفض عنه الحرمان وحرارة الشوق ويسقي مسامعه عذب الكلام ويعيد لأيامه بهجتها ويستعيد لياليه الســامرهـ

الأطمئنان بالحياة بوجود قلب ينبض ويسمع لنبضات قلبك شعور يزيد الحيويه للروح وتهرب جنود الحرمان من محيط حيــاتك

[أبو الريش]

الصداقه نادرهـ نادرهـ نادرهـ جداً

وانا أقصد بالصداقه الصداقه اللي يكون خويك يخاف عليك مثل مايخاف على نفسه

مو الصداقه اللي يقعد معك بالاستراحه أو طلعة بر أو بالدوام هذا بالعكس لو يصير لك شيئ مايعرفك ويمكن يتهرب من أي لحظة ألم تمر فيهــا

أنا لي صديق صعب أوصفه والله العظيم أني مقصر بحقه!!

ما أطلب منه شيئ إلا ينفذهـ ولو ماقدر عليه يقعد يعتذر يحسبن من الجبابرهـ والمتغطرسين إذا مانفذ لي طلب أزعل , حتى أنه أي شيئ يصير يقولي خصوصاً الأخبار الزينه ولايقولي أي خبر شين ولا أدري إلا من غيرهـ لأنه هو متخصص أفراح وتهاني , وهذا اللي جبرني أتعلق فيه

بالبدايه بصراحه ما ارتحت له ودايم يدق علي وحاط ببالي أنه يبي شيئ بس قاعد يمهد علشان يوصل لغرضه , لكن الحين لي انا وياهـ أكثر من 5 سنوات تقريباً ماشفت منه شيئ مؤلم أو قهرني بشيئ ولاكذب بحياته علي

وقت الفزعه ما ادق عليه إلا هو وأحسن من القريب ولايمكن أقارنه بالقريب وطبيعي أن الغريب يكون معك زين وتمام أحسن من القريب

فعلاً الصداقه نادرهـ,

والتمسّك بالصديق إلا مثل كذا كأنك تتمسك بجوهرهـ من الألماس صعب تفرط فيه

لذلك لاتستعجل/ين بالتفريط بالصديق الصدوق لأن وقت ماتتعرض لأزمات بيكون أمامك


والله لايحيجنا لأحــــــــد

[أبو الريش]

http://hh7.net/jan2/hh7net2_12957261051.jpg (http://hh7.net/) ('http://hh7.net')


الا ياموطئ أجدادي يابيتنا القديم

احكي لي عن ذكرى دفنت فيها وجوهـ من طينك العتيق

احكي لي عن صباح ومساء المساكين

يوم هم بين العناء وبين سواقي النخيل

[أبو الريش]

http://www.buraydh.com/forum/showthread.php?t=273171

أتمنى طرح أرائكم

لأن الموضوع يهمني جــداً

[أبو الريش]

http://www.youtube.com/watch?v=ya-TErwY2tk&feature=related

قطــّع قلبـــــــــي , أشكر الأم بــي سي

رغم قلة حسناتها


فديت دموعك

.................

وهل نقارن هذا البطـــــل , بهولاء الشذرمه اللي همهم متاع الدنــيا والمرح بدون فائدهـ

ياثقل دم السعودي ثقلاهـ ,, إذا وصل هالمرحله حتى لهجته تجيب القلق




http://www.youtube.com/watch?v=lzDoTQRvzNg&NR=1

[أبو الريش]

http://hh7.net/jan2/hh7net2_12958154871.jpg (http://hh7.net/) ('http://hh7.net')





عندما كانت ليالي نجد تبتهج وتتلامع نجوم السماء بوجود القمر تأتي ليلة الفرح وتأتي ساعة يلتقي بها العريس بعروسه في ليلة زفاف يجتمع فيها الأهالي والأقارب وأهل المنطقة ومن يجاور المنطقة وأناس من أقطار المناطق المجاورة تشاركنا الفرحة تكتظ صالات أفراحنا بأحباب الله (أطفالنا) وبالصغير والكبير ولا يكاد بيت يبيت فيه أحد في تلك الليلة العامرة بالأهازيج والفرح ليلة فرح طعمها رائع تتبادل الابتسامات وتتبسّم العيون وتتوالف القلوب البيضاء

ليله تتراقص بنات حواء فرحاً

ليله يجتمع الرجال متصافحين متحابين لايوجد حاجز بينهم, قهوتهم لها طعمها ومذاقها ورائحة البخور تفوح بليلة سمر رائعة

حالياً والآن, تقيّدت القلوب وضاع مفتاح قيدها, تراجعت الأفراح وتبدّلت, سقوط عدد كبير من الحضور, ضاقت النفس واسودت تغيّر الطعم أصبح لا مذاق له , ليالينا الحالية أصبحت حزينة تبدّل كل شي فيها تزوجوا شبابنا على مزامير تغص نوعا ما بضيق لامشاركه ولا بركه ولا حتى حضور يشعل ليلة الزفاف,

بعد ماكانت ليله تجمع أصبحت ليله تقلل وتحددّ من يلجأ لساحة الفرح ويهنئ.

ليه طيب كل مالكم من أردى لــ أسوى

نسوا ((أن يد الله مع الجماعه))

[أبو الريش]

http://hh7.net/jan2/hh7net2_12959878191.jpg (http://hh7.net/) ('http://hh7.net')

أيها الأنسان دعني أوصل للقمة .. نصف طموحي بيدك

حلمي بحياتي وأنا طفل أن أدخل مجال التعليم كـ غيري من البشر وأكون متعلم مثلي مثل غيري من اللي سبوقنا بالتعليم ,, بعد مادخلت المدرسة تطوّرت قدراتي وتطوّر تعليمي أصبحت أنظر للعلم نظره مستقبليه لايمكن أن أستغني عنه

بعد ماتجاوزت مراحل عديدة بالتعليم شغلني تفكيري إذا كبرت أيش المستقبل مخبي لي, كثرت أحلامي وكثرت ميولي ..

بعد ماتوقفت بي السُبل تحقق لي نصف ماكنت أحلم

لكن هل هي وظيفة أم رجل أعمال أم تاجر عقاري أو مهندس أو دكتور

كل اللي ذكرت نتائجها رزق من الله ولله الحمد..

لكن تتطلب كل ماذكرت سابقاً دعم وتشجيع

من يقف ورى تحطيم من يحاول أن يوقعك بالقاع بعد أكمالك نصف درجات سلّمك..

لماذا لايسعى لتشجيعك لكي تتخطى من الدرجة الأولى الى القمة مباشره..

التشجيع وقوته بالعقليه البشريه يرتقي بالعالي لو مأعتلى..

لانطلب منك مال أوجاهـ أو نطلب منك ان تعلمنا الثقة

نطلب منك أن تمد يدك لتشجيعنا كي نصل لمبتغانا

التشجيع كلمه تهوي بصاحبها فوق السحاب


هل فكرنــا يوماً أن التشجيع والتصفيق يشكّل 95% من الطموح والنجاح

ماعندي مشكله أدفع رسوم أنه يسعى واحد يشجعني لمدة سنتين أعتقد راح أوصل مقام ماوصل له أحد

.....

لاتبخل بالتشجيع والتصفيق جرعه صحه في عالم الإبداع والتفوق

[أبو الريش]

قبل ما أقول سبب غيابي وهو سفري لـــ مصر وهو ماذكرته بالتدوينه رقم 866

التفاصيل في وقت لاحق عن سفري في وقت تعج فيه الأحداث وقبل بدايتها بيوم

لكن أول شيئ باركوا لي بتغيير معرفي


أرحب بالأنتقاد بدون مجامله لتغيير المعرف

لكن حسيت بالنسبه لي أنه خفيف

[أبو الريش]

عموري

ابو الريش مفقود من يعثر عليه يخبرونا







هذاي شكلك تدورن وأنا قدامك ههه

ياحبيلك سألت عني مرتين أنا أشهد أنك أصيل

[أبو الريش]

http://www3.0zz0.com/2011/02/10/10/376667445.jpg (http://www.0zz0.com)



أول ماخططت للسفر لــ مصر قبل الأحداث بأسبوع تقريباً يعني سافرت قبل بيوم بالضبط يوم وصلت هناك أستقبلني دكتور درسني أيام الجامعه وماقصروا أستقبال ماله حدود لزّم علي انام عنده لأني حاجز عن طريق النت بفندق لأبأس فيه بشارع زين ومنطقه زينه لكن يوم اصبحت أصبح الساعه 7 رحت أبفطر بنفس الفندق حسيت أن الوضع متكهرب والسفاره مرسلين لي رساله ولا أذكروا لي السبب ولا رحت لكن يوم شفت أن الوضع كله سيارات شرطه ونقاط تفتيش وعالم مزدحمين بالشارع دق علي الدكتور ورحت لمه بمنطقه اسمه شبرا بقهوه شيشه ولزم علي اروح للسفاره يوم رحت الناس كأنك بالحج زحمه وقرف
وأول مرهـ أشوف مظاهرات بالزحمه والكم الهائل من الناس

عقبه سفّروني كأني عامل ممسوك :p




http://www3.0zz0.com/thumbs/2011/02/10/10/811285527.gif (http://www.0zz0.com/realpic.php?s=3&pic=2011/02/10/10/811285527.gif)

يوم وصلت المطار ماطلعت دورت لي أي دوله أروح لمه كنت ناوي المغرب بس بعد يومين ولقيت اليمن بعد خمس ساعات وسافرت لليمن وجلست فيها أسبوع عوضني عن مصر بكثير وتمنيت أني ماجيت بس الظروف اللي جابتني

[أبو الريش]

اشكر المشرفه بنت البدائع على خدمه خدمتني اياها بالمنتدى

رغم طول فترتها بإدارة المنتدى لم يتشكى منها أحد نهائياً

وناس توه جايه ماتعرف تتعاون ولا تعرف تسوي خير للناس وفاهمين الحريه المطلقه فهم خاطئ أثر على المصداقيه والشفافيه

واحب اقولهم الحريه هي ليست التجريد من الملابس , لكن هي التوضيح بمنطلق لايضر الغير وبصفه ملتزمه

اشكرك يابنت البدائع على كل عمل جبار تسوينه فعلا انتي عمله نادره في عالم الإدارات

[أبو الريش]

قلب الرجل مثل كراسي الأفراح مليئ بالكراسي يستقبل أي عشيقه تستأذنه بالجلوس

أما قلب الفتاة مثل كرسي الزفه لاتستقبل إلا عاشق واحد

[أبو الريش]

تسكن بروحي لكن بعيدهـ عن أنظاري ومحاطه بأرواح غريبه

أكرهها وأشتهي وصلهــــــــا !!!!!!!!!!!!!!!!!!!!!!!!

[أبو الريش]

عندما توافدت علي الهموم في ذلك اليوم المليئ بالضيق النفسي وألم الخواطر لم يكن هناك علاج يعيد لنفسي وروحي طبيعتها أحاول أجد طريقه تخلصني من هم أضخم من وزن الجبال على جسمي لايمكنني أن أتحرك بحثت عن متنفس يبعدني عن هذا الحِمل توسلت إلا الله وجاوبتني تشريعات يجب ان أقوم بها حتى أزيل أوزان تلك الجبال عن كاهلي !!

أخذت جوالي وأبحث بالأسماء حسيت أني ((قاطع رحم)) ليست قطاعة عداوه بل هجران بحثت وبحثت وجدت أرقام لــ أخوات والدي وأدق عليهم أستأذنهن بالزيارهـ وكان الفرح بدواخلهن كأن مفقود يبحثن عنه وبعد ما أغلقت الجوال خفت الأوزان علي وكأن العلاج بدأ مفعوله تدريجياً وبعد صلاة العصر أتجهت إلى الكبرى منهن بالزياره أولاً وقبل ما أدخل مع الباب وبعد السلام والكلام لم أحس بتساقط تلك الحجارهـ عني وتلك الأوزان عن نفسي وأصبحت روحي أنقى وأصفى من أول وعادت نفسيتي لطبيعتها وأحس منها وكأن والدي يناديني إلا وصال أخواته

ليس كل علاج بأمر من وزارة الصحه بل هناك وزارة الصحه النفسيه الداخليه المشروعه هي أن تعالج نفسك قبل أن تمرضها

[أبو الريش]

http://www.youtube.com/watch?v=_I03HFeWKms

أهديها لكل شنب ولابس شماغ وعقال وهو بالأصل أطلق بنت فسله أرجل منه

صح لســــــــــــــــــانك

[أبو الريش]

العلاج بالحـــــواس الخمس؟

الكل له طريقه بمعالجة نفسه بدون مايحس !!!

البعض يعالج عن طريق النظر : وهي أنه تتمتع بمشاهدة الأشياء المحببه لك أو لكِ وتزيل و تفك الضيق عن النفس وطبيعة النفس لها علاقه مع الحواس الخمس بمعنى أن الحاسه إذا وجدت مايطيب ناظرها أرسلت للنفس الشعور بالسعاده.

والبعض يعالج عن طريق الذوق: طبيعي أي واحد/هـ متضايق يحاول يشبع نفسه بتناول الأكل المفضل لديه ونفس ماذكرت بحاسة النظر.

والبعض يعالج عن طريق السمع : هو أنه الأغلبيه يواسي نفسه بسماع أي شيئ ينفس عنها ( خرير الماء , صوت العصافير , سماع القرآن , أو الأناشيد, صوت موج بحر) وتلقائي النفس تحس بتمتع الحاسه وتستمتع معها يعني نقول ان النفس مثل الخادمه للحاسه

اما حاسة اللمس : طريقه جنونيه حساسه غالباً تكون مغروره لاتشبع صاحبها !!

حاسة الشم : بالنسبه لي أفضل حاسه للعلاج وهي أن تستنشق أفضل الروائح من عطور أو بخور أو أوراق نباتات في في ريف عموماً أستنشاق منتاجات النباتات علاج فعال للنفس يعطيها قوهـ وتفاؤل وكل شيئ تتمناهـ النفس لأن الماء يلعب دور في إثارة روائح النباتات مع الهواء


خلاصة الحديث: علاجات النفس بالحواس الخمس كثيرهـ مالها حدود حتى أنك تحس بسعادهـ لو تشم رائحة زميلك أو زميلتك بعطر محبب لك وتبتسم تلقائياً بدون شعور بعد ماكنت بحالة ضيق أو تشوف حبيبتك أو حبيبك أو تسمع صوت محبب لك أو تحس بلمسة يـد بسلام أحد تحبه أو تنسيق جلسه بمجلس بإضاءه من غير ضوضاء

جرب/ي كيف تثيرين الروائح الزكيه في جلسه متكهربه أو جلسه فيها نقاشات حادهـ أو مشكله معينه , تلقائياً تحسين بحالة ركود

[أبو الريش]

(لاتحسسي) أو يلاحظ طفلك خوفك أو وأنتي حزينه؟؟؟؟

بكتب عن هالنقطه المهمه في وقت لاحق لأنها لها تبعات سلبيه مستقبليه

ومن واقع ناس لاحظت عليهم هالشيئ وسألت وبحثت لقيت الأسباب كثيرهـ

[أبو الريش]

http://hh7.net/feb2/hh7net2_12977177691.jpg (http://hh7.net/) ('http://hh7.net')

الطفل وياكثر مايحس بدون مانحس بإحساسه يتسقبل إشارات ويلاحظها ويدقق بأمور كثيرهـ والسبب لأنه باله فاضي مستعد يستقبل أي شيئ سلبي إيجابي يعني الأيام مانثرت على محيط ذاكرته غبار الأيام وأقفلت بعض الثقوب بذاكرته !!

الطفل يبني للمستقبل أحاسيس مخدوشه وصدمات منذ الصغر وتتنامى معه حتى بتصاعد مراحل عمرهـ

وإذا لاحظنا إذا بكت الأم يبكي بسرعه خصوصا بالمراحل الأوليه بالعمر شيئ ما يحرك مشاعرهـ لأن الطفل بالفرح والحزن يستشعر

بعض الأمهات لاتبالي عندما تواجه مشكله معينه وتشارك أطفالها بحزنها حتى أن البيت يكون مشترك بالحزن وتلقائياً الأبن بالبيت بأي مرحله عمريه وخصوصاً بعد سن السادسه يتعود على جو الحزن وأي موقف يكون له يضعف بسرعه ويحسس نفسه أنه مخلوق للحزن ويتشائم ويكتئب بأي لحظه حتى إذا شاف والدته متعود على تعابير الوجه والتجاعيد وبكذا يتعود ويستنسخ لنفسه نفس الوضع والجو العام بالأسره

الأم القويه وأنا لاحظت على بعض الأمهات لاتشارك أبنائها ظلم زوجها أو قريباتها تكون مع أبنائها بعالم آخر وتجاهد بنقله من حاله حزن إلى فرح مصطنع من أجل ولادة جو لايؤثر عليهم لأنه لاتريد نشأءة أبنها على جو الحزن

لذلك أطفال البؤس وكأنهم أيتام تراهم يتامى وهم بأسرهـ مترابطه لكن الجو الداخلي بالأسرهـ خلق أيتام وكأنهم بمأتم


نفس الشيئ عنما يفقد الطفل والدهـ منذ الصغر وخصوصاً عند الأمهات النجديات تزيدهـ جرعات من الحنان والحرص شديد حتى أنه يكون متشبع ويكون جزء منها ولو سمح الله فقد والدته عاش حياته تعيسه للأسف فقدان والدهـ وفقدان والدته اللي تعتبر قلب حنون لايقدر على فقدانها وتبقى ذاكرة الحنيّه في باله وتأثر على مستقبله


الأمور الوسطيه بالحياة رائعه جـــداً , وعندي إيمان أن الوسطيه تعيشك حياة سليمه تعيش مع جميع جوانب الحياة بطريقه موزونه


عـذراً على الفلسفه لكن يجب أن تكون هناك كلمات بين السطور

[أبو الريش]

العشوائيه وطريقة معرفة العشوائي بطرق كثيرهـ

الأغلبيه منا يمارس العشوائيه ولايتقيد بشخصيه منتظمه والسبب أمور نفسيه أو وراثيه أو مزاجيه أو مكتسبه من الطبيعه والمحيط

مثلاً : ملاحظاتي للعشـــوائي كثيره؟

طريقة ركن النعال كرم الله القارئ/هـ بطريقه غير مرتبه , يعني أدخل مجلس أو مسجد إحساسي يوحي أن صاحب هالنعال أو الجزم عشوائي وأتخيل في بالي أنه غير مرتب بهندامه وفعلاً طريقة وضع النعال بطريقه غير مرتبه توحي لك الشخص من هو حتى بطريقة تعامله معك وطريقة لبسه أو حتى تسريحة شعره وتستنتج من هالعشوائيه نفسيته الداخليه

حاولت أبحث أكثر عن هالعشوائي لقيت فيه أشياء كثيرهـ عشوائيه إذا جاء يفتح الباب يفتحه بقوهـ ويدخل للمكان اللي فيه كأنه ثور هائج يدخل على مجموعة بقر

نفس الشيئ طريقة التنظيف البعض منهم أغلب جزمهم فيها غبار وغير نظيفه وهذا يبين العشوائي والسبب أن شخصيته تُرسم بأسفل قدمه

كثيرهـ الأمور اللي تصوّر لك شخصية الإنسان الداخليه وتطبعه لك بطابعه لك وتشوفها بسلوكه الخارجي.

نقلت الصورهـ وتابعت الغير العشوائيين طلعت الصورهـ معاكسه تماماً

الغير عشوائي دائماً نعاله (جزماته) بركن وطريقة ثنائيه ومرتبه وطريقة جلسته جداً رائعه حتى كلامه مرتب وهادئ وهندامه نظيف وطريقة لبس غترته جميله ويدخل ويخرج بهدواء ولا تسمع صوت نعاله

سبحان الله أمور كثيرهـ بالحياة تقدر تعرف فيها الإنسان من هو وكيف هو حتى بترميشة عيونه

أنا ليس شديد الملاحظه بكثر ما أحرص على أني أفهم الأنسان بأمور يستخدمها وتكشف شخصيته وهو حريص على حفظها بداخلها وهو لايعلم

[أبو الريش]

السلام عليكم ورحمة الله وبركاته



بعد انقطاع قرابة سنتين واكثر بسبب تقفيل مدونتي اعود مجددا وستكون مشاركاتي فقط بالمدونه دون غيرها يعني لن اشارك في اي قسم كان حتى المجلس ارحب بكل من يتابعني ويقرأ لي ووجوده اوجودها هو اكبر فخر لي . واتمنى اكون كما كنت او افضل واظن اني استبعد ذلك

[أبو الريش]

عندما تدير الدجاجه الحظيره تتجرأ الثعالب على الدخول بينما الديك يصدح بصوته بحظيره اخرى ويستمتع!!

[أبو الريش]

انفسنا العدو الأول لناعندما نعبث بشرورها ننتظر اوقات طويله كي تصالحنا

[أبو الريش]

لاتتفاعل مع المسكين في تلبية حاجته وهو لازال لايعرف واجباته امام الله فأنت شريك بأعتداه عليك

[أبو الريش]

إذا احتجت لشيء لاتصفح به للبشر فهم على مقدره لزيادة حاجته لك بالتمني من طرفهم وانت عاجز دع امانيك لنفسك يمكن مع الأيام تنسها وتتخلص منها دون علمهم او تحققها بالغيب

[أبو الريش]

لاتجادلي الجاهله فهي اقوى منك حجه بجهلها ولا لما كان النجس يغلب على الطاهر في الماء

[أبو الريش]

اكره شيء اسمه طلعات بريه وجمعاتهم وسواليف ماله طعم وادعاءات ماله بالمرجله سنع

[أبو الريش]

شكرا شهد على تواجدك
مرحبا فيك وياهلا وسهلا نرحب بالملاحظات والانتقادات منك ومن غيرك

[أبو الريش]

احيانا صديقك الصدوق يسأل عن احوالك ليس حبا فيك لكن لايريد ان تكون سعيدا لا اعلم ماهذي السيكلوجيه المعقده فيهم

[أبو الريش]

بعض الرجال يركع لمتطلبات النسوه بكل حذافيرها ولايدرسها بينما بالمستقبل يسعى لحل ماوافق عليه منهن لان طلابتهن تكون حسب حالتها المزاجيه الحاليه بدون معرفة مستقبلية الحاجه !!

[أبو الريش]

يوجد رجال حرام عليهم كلمة رجل لانه رجل بنظر المرأءه التي يخضع لها ويصدق نفسه بحكم المراءه عليه بينما لايعرف حقيقته بعيون الرجال

[أبو الريش]

الأب المدلل لأبنائه بزياده بدون قوانين تربويه يشيخ على شقائهم حتى يدفنونه بشقائهم . بينما الأب التربوي يكون طفل مدلل لأبنائه عندما يشيخ

[أبو الريش]

دكاترة هالوقت تعلموا من أجل ان يحصل على منصب اداري ليس من أجل ان ينشا يافعيين ويتخرجون على يده

[أبو الريش]

المرأءه عندما تكون مديره تظن انها تدير مشروع دجاجات لا اعلم من قال لها انها تدير غابه مليئه بالثعابين !!!

[أبو الريش]

أغلب من يتكلم عن الحب واحساسه هم اكثر الناس انتهاك لحرمته وتشويهه

[أبو الريش]

عندما ترزق الزوجه بزوج غبي لاتتفرد بتحقيق امنياتها منه فقط وتعمل بصمت بل كل اهل الحي يعرف ان هالزوج رهين الزوجه

[أبو الريش]

كن مع الله ولاتبالي

مادام العبد قريبب من ربه لن يخاف من امور الدنيا شيء

[أبو الريش]

من اولويات الحب ودوامه ان تضع شرط جزائي لطرفك الأخر قبل ان تسلم له كل شيء . عادة من يحب يسلم كل شي ويغتر بأفلام الحب انه سوف يطبقها ويتفاجأ انه في وهم وشهوته سبقت حكمته

[أبو الريش]

بعض المتزوجين هم اكثر ناس يخدعون ويلعبون بأذيالهم بصمت محكم لكي لايتأثر بيته بينما قادر على تأثير غيره وهم الاكثريه في الاماكن العامه يمدون النظر للغير من الفتيات
احترامي للمحترمين

[أبو الريش]

ثقافة الأكل وانواعه اصبحت حديث المجالس وانتقلت لمواقع التواصل الأجتمتعي .. معقوله اكبر الهم وافود الحديث طبخه او حلى !!

[أبو الريش]

بالصدفه قبل اسبوع كنت في مقهى وفتحت على التلفزيون اتابع قنوات دبي وابو ظبي الرياضيه الرائعه والمتميزه . فتحت على قناة السنه بالقناة السعوديه اعجبني منظر الحرم وروعته لازلت مستمتع

بعد مافتحت على لاين سبورت والرياضيه ماصدق اللي شفت هواش في هواش وقلة ادب من الضيوف حتى المذيع نفسه متحطم مايعطيك شعور وانت تشاهد البرنامج كله تحطيم وهوشات وكلن يقول ان افضل محلل من جد الحمد لله ماعطان الله بالكوره ولا ذولا احد يشوفهم لاحوار راقي ولانفسيات زينه ولامذيعين يعرفون يسألون . اللي اعجبني يوم كان بالرياضيه بتال القوس راقي مميز جميل بحواره ممتاز مهنيا وفنيا ولايهون الخلوق عادل الزهراني

وش جاه هالعالم نتهاوش وتتناقر واخر شيء يقولك وجهة نظر طيب هاوش بشيئ غير مرئي علشان مانشوف وجهك
الدغيثر بقناة الكأس اشبهه على مدرس العلوم يوم ان بثاني متوسط نفس النمونه والحركات

[أبو الريش]

يعجبني الموظف اللي يحب شغله يجبر الجميع على محبته وعنده روح التفاعل وكذلك البائع وغيره
لكن للاسف نشوف قليل جدا اللي يتحمل الناس ومواجهتهم اللي اشوفه نفسيات وناس تبي يجيهم الرزق وهم حاطين رجل على رجل .
صح انه بعض الناس مايعطى وجه ولايستاهل تعامله لكن مايمنع انك تتعامل مع الناس بذكاء حتى لو ماعطيتهم حاجتهم .

الا على طاري النفسيات موظفين بنك الراججي ماعندهم طاري يعرفون المهنيه كأنهم يخدومننا ببلاش من جد شايف نفسه هالبنك

[أبو الريش]

لاتصاحب الهوا كم كان قاتلا - - ولاتصاحب صاحبه حتى لو كان شاعرا

ولاتأمن لبداية روعته وجماله - - ولاتصفح له عن عشفك وإنكسارك

لاتأمل بطول بوقته ومتعته - - ولا تعطيه كل ماتملك من حرمان

اه من فجآءته عندما ينتقم - - جنده وجيشه على القلب يقتحم

[أبو الريش]

لك الحمد والشكر يارب على نعم انعمتنا اياها لايمكن ان نحصيها

اجدادنا اورثونا كلمه نرددها دائما ) احمد ربك على العافيه)



قليل من عبادي الشاكرين

[أبو الريش]

ورد في القران الكريم في سورة .ص. قصة ايوب عليه السلام عندما اصاب جسده المرض بجميع انحاء جسمه فدعى ربه اني مسني الضر فقال له الله عزوجل فيما معناه اركض برجلك هذا مغتسلا بارد هذ يوضح ان الانسان يجب ان يتحرك ولايترك نفسه حبيس المرض فالله عزوجل اورد كلمة اركض فيما معنى الأيه وعندما قام ايوب عليه السلام بالهروله انفجرت اعين بأمر الله بارده وأغتسل منها وتشافى بأمر الله . وهذا يوضح ان الماء البارد علاج لكثير من الأمراض ويطرد الشياطين من الجسم ويبعث الراحه والسكينه بعد استخدامه والترويش فيه

الماء الدافئ او الحار يجلب الخمول والكسل . وعدم الأرتياح

على ذكر الماء تذكرت كتاب قرأته منذ فتره طويله عن ماء زمزم له من الفوائد لاتعد ولاتحصى . حتى اذكر سمعت شيخ يتحدث عنه يقول انه يفضل عندما يصاب المريض بشيء من امور الدنيا من هم وخوف وقلق ووساوس يتروش بماء زمزم قبل المغرب بنصف ساعه لأن الشياطين نكون منتشره بالأرض وماء زمزم يذهبه وحتى انه يصاب بالبكاء عندما يتروش ويحس بالسكينه المطلقه فسبحان الله

[أبو الريش]

يعجبني المدير الذي يعمل تحت إدارة قسمي الرجال والنساء ويكون منصفا بعض المدراء يسمع كل كلمه تقول له الموظفه ضد الموظف ويوصل الأمر ان اصغر موظفه تقترح على المدير اقتراح يضر القسم الرجالي ويوافق عليه رغم تفاهته ويزداد بالاستماع لهن بينما الموظف لا رأي له رغم مؤهلاته . هنا يبدا فتيل النار بين الموظفين والإداره ويضع المدير سكرتير هو من يواجه الموظفين بينما هو لايستمع ولايرىوعندما يكون الموظف على إطلاع وصراحه يكون منبوذ وعدو .
بحد ذاته السكرتير هذا ابصم بالعشره لاهو ولا مديره طبقوا مسمى وظائفهم وفوق هذا قرارت متناقضه وقل فهم وتخبطات وبالأخير لو الموظف ماينتبه لأخطائهم حطوها على راسه لولا ان يواجههم ويقف لهم بالمرصاد ولا اصبح ضحية قرارت نصفها من اصغر موظفه واكبرها من عدم خبره ودراسه قبل البت وعندما يصحح لهم اصغر موظف اخطائهم يقولون نحن على علم يظنون ان الموظف لايعلم قل فهمهم وغبائهم هذا غير اللي ينقولون الكلام ويصدق كلامهم ... فعلا ناس ماتخاف الله ويقولون ليش رواتبنا ماتكفي اخر الشهر ..

[أبو الريش]

غيابك لم يكن بالشي العادي

بعد غيابك تسولت كل الايادي

غيابك مهد الطريق للأعادي

بعد غيابك تساقطت اوراق شجره كانت تجمعنا

غيابك شابت الباسقات العاليات في شبابها

في غيابك حامت الغربان في ركود الوديان

غيابك نغمة وتر خليجيه غنتها الكلمات

غيابك دمعه تدحرجت على الخد بلون دم الأهات

[أبو الريش]

يحدثني شخصا عن سوء حالته الماديه وسوء حظه .وحالته الغير راضي عنها . فوجدته عندما قابلته اكثر من مره . إنسان يحمل النميمه والغيبه والمكر لم اراه بحياتي ايقنت انه هو طبيب نفسه ممكن ان يأخذ جرعه ينتحر وممكن ان يعافي نفسه بنفسه! .. نحن من نجعل حياتنا جميله بتعاملنا بحدود ادبنا .. ان اصابك شي فأنظر ليومياتك لأخطائك نفسك هي اقرب لك من غيرك بتدميرك

[أبو الريش]

إذا لم تكن في حياتك كثير الأخطاء لن تنجو في مستقبلك من عثرات لن تتحمل مساحة حجمها

وإذا لم تتحمل شمس الصيف الحارقه لم تتحمل برودتها حتى في شتاءها

وإذا لم تنسى ما كسر خاطرك ستنكسر فيك إنكسارات كان لايقواها الكسر

وإذ استمريت في الضحك دائما مع الغير تحمل عندما يمد قدميه امامك

وإذا كنت مقصر بحقك أمام الله تحمل عندما تضيق بك الطرق

إذا صاحبت بخيلا تحمل افضل ماتحب ستنحرم منه

واذا فعلت معروفا تحمل فجآءت النكير

واذا بكيت من الم عميق فأستعد لراحة البال

واذا كنت حليما لاتسرف في جمع المشاغبين !

واذا كنت مسافر احذر ثلاثه بخيلا . فاسقا. صامتا

واذا كنت على جهازيه للصلاة احذر اشد الحذر ان تشرك بصلاتك احوال الدنيا

واذا كنت بار بوالديك فأنتطر روح وريحان تحت قدميها

واذا كنت زوجه صالحه وصابره فأنتظري بر ابنائك وبناتك

واذا كنت في مجلس سوء احذر ان تجادل السيئ منهم

وان كنت في مجلس علم خاطب العالم منه وتعلم

واذا كنت في صحراء في ليله قمراء انتبه ان يفوتك التأمل في الكون

وان كنت في الغريب جالسا احذر ان تفوتك الأبتسامه

[أبو الريش]

يوم كنا صغار لابغينا نوصف بسكون ناكله لولد خالتنا او عمتنا اذا جينا نسولف ، نقعد وقت طويل علشان نو صفه ونحرك تفكيرنا وننشط ذاكرتنا لمن نعرف ايش هو
الحين لاجينا نوصف شيء ندخل قوقل ونرسل الصوره يعني مافيه جلد للتفكير
ماتلاحظون اصبحنا اغبياء بسبب الاجهزه الذكيه اصبحنا لانحرك افكارنا بالتفكير واصبحنا ننسى بسرعه مو زي اول كل شي مخزن ونفطن له

[أبو الريش]

أحيانا يخطر ببالي اني في هذي الحياة في حلم واني في أي لحظه سوف استقيظ وانه ماأقضيته في حياتي هو مجرد حلم واني ليس في الحياة !

[أبو الريش]

ساعات يتمنى الإنسان ماتمنى وعندما يحصل عليه تكون سعة السعاده فيه وقتيه لاتدوم تتدرج حتى تكون الأمنيه عاديه جدا .. فقط انفسنا هي من تجعل من نشفق عليها اننا بحاجته

لانطيع انفسنا بأي شيء لانها تنظر لكل شيئ جميل دون ان ترى لعواقبه . وإلا لماذا وضع سبحانه العقل

[أبو الريش]

الحين لاجيت بتمدح أحد ولاتثني عليه قدام اللي جالسين معه تحتار لازم تمدحهم كلهم علشان يرضون .خصوصا من عنده اولاد وبنات لازم ينتبهون لها النقطه بعض الأباء والأمهات جاهلين بالتربيه ماسكين مدح ببنتهم او ولدهم وناسين البقيه وهذا خطر نفسيا ويمكن يولد عداوه بيينهم وحزازيات . العدل ترى الحساسيه زايده بهالوقت

[أبو الريش]

روعة الكون بالقمر والنجوم وجمال الليل بوجودهن

وروعة الدنيا بالقلب الصادق الوافي والنيه السليمه وجمال الآنسان بوجودهن

وروعة الفتاة بحياءها و دينها وجمالها يكتمل بوجودهن

وروعة المحبه والاخوه في أثنين وتكتمل بالتبادل

وروعة المسجد الحرام بكعبته وجماله في وجود عباده

وروعة الشجر في ميلانه وجماله يكتمل في هبوب الهواء عليه

وروعة البحر احتوائه وجماله عندما تلجأ اليه

[أبو الريش]

عندما تكون في حاله مزاجيه سيئه اصحى تقابل أحد ماتحبه او تجلس معه

بعض الأوقات نكون بحالات مزريه وهؤلاء يزيدونها تعقيدا

[أبو الريش]

عادة الأمل دائما يتعبنا بأنتظارنا له . لكن وجوده لو ماهو حاضر يسعفنا

[أبو الريش]

عندما نتذكر من نحبهم وهم بعيدين عنا نتذكر فقط اللحظات السعيده عندما كنا مع بعض رغم انه يوجد لحظات غير سعيده وربما اكثر لكن يتضح لنا ان هؤلاء هم من نحبهم من قلب وروح صافيه ونتمنى لهم الخير

[أبو الريش]

احيانا الغربه في اغلب الاحيان تقرب منك كل من هو بعيد منك عندما كنتوا أنذاك في محيط واحد . بعض الأنفس عندما تبتعد اميال تقترب ذكراها وقلوبها وعندما تقترب تنفر من بعض في نفس المحيط . فسبحان الله

[أبو الريش]

عادة من يجلس معك وهو مضطرب او متضايق لايعني وجودك هو السبب ربما متضايق لأنه غير قادر على إسعادك .. احسنوا الظن بجميع احوالكم مهما كان

[أبو الريش]

بعض البشر لاتنام لهم عينا والناس مطمئنين وفي سعادتهم.. اللهم اني اعووذ بك منهم

[أبو الريش]

بعض اصدقاء الطفوله لازالوا يحنون لمواصلة العلاقه بعد ان انقطعت بعد ماتقدم بهم العمر . وعندما يعيدون تلك الحلقات ويجتمعون كما كانوا. تشاركنا اشياء تفسد علاقتتا جوال تلفزيون انترنت وغيرها فتفسد الجلسه ولانعيد تكرارها مره اخرى .

[أبو الريش]

بعض الناس يجبرونك ان لاتتظاهر بالسعاده والفرح فأنت مصدر شقائهم . !!!

[أبو الريش]

النصف الآخر من الناس يحملون الطيبه والحب والفطره السليمه تتحول هذي الصفات وتتأثر عندما يسرفون ويبذخون فيها

[أبو الريش]

عندما نعشق العيون لاتتفاهم معرباقي الحواس هي من تتسيد وبعدها ترمي كل شيئ عندما تخونها النظرات إلى العقل والقلب حتى يصاب الأول بالجنون والثاني بالخفقان

[أبو الريش]

[quote=أبو الريش;9831712]عندما تعشق العيون لاتتفاهم مع الإدراك هي من تتسيد وبعدها ترمي كل شيئ عندما تخونها النظرات إلى العقل والقلب حتى يصاب الأول بالجنون والثاني بالخفقان[/quotتع

[أبو الريش]

لاشيء ابلغ من مواجهة من يحمل عليك شيء بدون سبب من الأبتسامه والحفاوه وبعدها يزول كل شيئ عنه هي البشر هكذا لاترغب بالتحدي

[أبو الريش]

أغلب كبار السن يتصفون بصفات الاطفال بهيكلة أجسامهم وتصرفاتهم يعني من كان متخصص في عالم الطفوله لايعيقه شيء عندما يتوظف بدار المسنين

[أبو الريش]

بعض الكتب عندما تقرأها تزيدك ثقافه مخبئه لديك وبعضها تزيدك فلسفه لكن القران الكريم يزيك لمعرفة من انت وكيف ولماذا

[أبو الريش]

الموظف عندما يوضع بمكانه المخصص يبدع وعندما يوضع بمكان غير مؤهل له يفسد ويهلك من تحته من المؤهلين لذلك!!!

[أبو الريش]

اكثر ناس يطيحون من عيني ، تلقاه عمره بالثلاثين وفوق ويجي مراهق يلعب عليه ويمشي خلف افكاره تحس ان الشخصيه زيرو

[أبو الريش]

القرارات اللي يصدرها مدير دئراه حكوميه او رئيس قسم للموظفين أو الموظفات قرارات مدتها نصف ساعه وبعدها ماتلقى ولا موظف وموظفه يمشون عليه . يوضح ان القرار ماجاء من راسه ولادراسه
. يعجبني الصلب الشديد اللي قراره يمشي عليه أجيال وهو متقاعد عن العمل .. فعلا كثرة الموظفين الغير مؤهلين تربويا وعلميا وإداريا هم سبب ضحك بعض الموظفين عليهم بقرارتتهم حتى عامل القهوه يلاحظ ذلك .

[أبو الريش]

عندما ينهار ذاتك لتشرك اسرتك في انهيارها دعها تنهار حتى توصل للدمار ولاتنهار مملكه تحتوي عدة ذوات

[أبو الريش]

في صمت الأهات تضطرب الروح وتوزعها على جميع الأحاسيس كل احساس يأخذ آه إلا فكرك يوقفها عندما تفكر في محاربتها

[أبو الريش]

لاتجادل من ترى فيه العلم أو الجهل فالعالم يغلبك في ادلته والجاهل يزيدك حيره

[أبو الريش]

في الأغلب الأذكياء هم من حرموا من لذة الدنيا فهي بزينتها تطغي على العقل ونعمته تنتج له نقمه

[أبو الريش]

من اراد ان يصل قمة السلم على اكتاف الأخرين هو اكثر الناس يتسلط عليهم ويحترم من حاربوه

[أبو الريش]

من يتألم دائما هو أكثر الناس تفهما للأمور ومن لم يذق الألم مستقبله مليئ بالمشاكل

[أبو الريش]

من يحب كثيرا ولا يظفر بمن يحب هو من سيظفر بأجمل الحب بأجمل الأوقات وأحلى الأيام

[أبو الريش]

:-x....................

[أبو الريش]

النفس تبكي على الدنيا وقد علمت ان السعاده فيها ترك مافيها

[أبو الريش]

ياشين البزران لاجيت تبي توري شي بالجوال لخويك وتجمعوا كلهم وراه علشان يشوفون ... هالحركه تصيبني بأقوى حالات النرفزه

[أبو الريش]

http://Ask.FM/kwashoo