المساعد الشخصي الرقمي

مشاهدة النسخة كاملة : سمّ الواد يابو هشااام


الاطلال
13-08-09, 12:52 pm
اهلين بس مش كلكم خخخ

المــــــــــوهم

وحدة اتفقت هي وزوجها ان اي اسم ذكر (رجل) يسميه الاب واي اسم انثى ( امرأة) تسميه الام

بعد مدة حملت الام واثرها جابت بنت بس مادري هي زي الامر او لا وحسب الاتفاق سمتها ( عبير)

وراحت الايام ولا جت وحملت الام مرة ( ثاينة) على قولة ابني (قصي ) وولدت بنت وبرضه حسب الاتفاق سمتها الام ( شوق)

وبعد كام سنة حملت الام للمرة الثالثة وولدت بنت وسمتها الام -وذكرته بالاتفاق بينهم - ( هنادي )

ابو البنات مو زعلان عشان جاه بنات ولكن لانه لسى ماسمى حد من اولاده

بعد كم سنة كشفوا وقالوا مبروك ياست انت حامل وفرحوا وبعد ماولدت بالهوسبتل وكان الراجل مشغول ولانه كان يظن ان المرة هذي برضه بنت لكن القدر فرج عليهم وجاهم واد واتصلاو عليه الهوسبتل يبشرونه بالولد فعلى طول الراجل ماصدقش وطلع من وام للهوسبتل مو عشان يبارك للام لا ولكن عشان يسمي ابنه

وقطع الاشارات وهوا معذور صراحة وكان يسير بسرعة جنونية حتى ان احد رجال المرور مشى وراه عشان يشوف وش سالفة السرعة هذي !!

المهم على طول نزل ودخل للهوسبتل بسرعة حتى انه بغى يزلق بالروخام لكن ربنا ستر

وسال باي غرفة الام واول مافتح باب الغرفه عشان يسمي الولد واذا بزوجته تقول بسرعة شديدة مبروك يابوهشام جالك ولد !!!!

ووقف الاب مذهول لان الام سمته خلاص هه


ياجماعة الاسماء فنّ وليست اسم والسلام

البعض لايزال يسمي سليمان وابراهيم وعلي !!

والا حصة ورقية وموضي

ترى

من أحق بالتسميّة الام او الاب ؟


وهل انتم مع الاسماء الكلاسيكية ؟


طيب

لو احد منكم اسمه مو زين مثل سليمان وعلي او حصة ورقية هل تغيرونها او جايزتلكم ؟


لان مرة واحد قال لي ليش سميت اسم ولدك عدي قلت والله الاسم هذا جميل غير انه يحمل شيئا من العروبة والصراحة مليت من الاسماء القديمة اللي كل بيت ماتخلى منها , مابي اسمي مثلا صالح ولا قالوا الناس جاء ابو صالح قالوا مين ابوصالح السلامة او التويجري او غيره ابي لاقالوا جاء ابو عدي انتفض اثنين واغمي على ثلاثة ومات واحد خخخ <<< امزح


فالتسمي باسماء العظماء والكبار له اثار روحية بالغة على الاطفال انفسهم وعلى محيط العائلة والمجتمع

لبيه
13-08-09, 01:18 pm
مجتمعنا ماينفع معه الا اسامي من البيئة الصحراويه
هنادي وفاتن ونسمه الخ الخ من اسامي اللبنانيات ماتجي لانها بكرى تبي تطق الحنكه والسنون طقم تربصه بكاس عند راسه
عجيز العشر الاواخر برمضان واسمه هنادي ماتجي ابد

سيف وفيصل
13-08-09, 04:40 pm
أنا ما أدري ليش أحس إن اسمك عثمان!! أمزح!

الأسماء لها نصيب من أصحابها!

وكون الاسم جميل أفضل!
الأمر الآخر الواحد تلقى اسمه الكامل فقط يحتوي على اسمين لا ولازم تقول الاسم خماسي عشان يفرق بينه وبين ولد عمه نلاقي مثلا صالح العلي الصالح العلي الصالح العلي الصالح ...هذا مو اسم هذا لغز!!!.......شكرا لك

أبو الريش
13-08-09, 04:52 pm
أنت أمرؤ القيـــــس,,,,

وراكم ماتعلموننا من أنتم,,, الحمد لله على السلامه,,,

لكن إذا على الأسامي بصراحه ماطلعت المعاااايير الا من تشابه الاسامي,,,,,

الاطلال
14-08-09, 04:44 am
مجتمعنا ماينفع معه الا اسامي من البيئة الصحراويه
هنادي وفاتن ونسمه الخ الخ من اسامي اللبنانيات ماتجي لانها بكرى تبي تطق الحنكه والسنون طقم تربصه بكاس عند راسه
عجيز العشر الاواخر برمضان واسمه هنادي ماتجي ابد

صحيح كلامك ان بيئتنا مرة جافة وتحتاج الى اسماء تماثلها بس نقوول لعل وعسى ان تغير شيء في نفوسنا

الاطلال
14-08-09, 04:46 am
أنا ما أدري ليش أحس إن اسمك عثمان!! أمزح!

الأسماء لها نصيب من أصحابها!

وكون الاسم جميل أفضل!
الأمر الآخر الواحد تلقى اسمه الكامل فقط يحتوي على اسمين لا ولازم تقول الاسم خماسي عشان يفرق بينه وبين ولد عمه نلاقي مثلا صالح العلي الصالح العلي الصالح العلي الصالح ...هذا مو اسم هذا لغز!!!.......شكرا لك


ياخي مارحت بعيد اسم الوالد عثمااان ههه بس شكلك تعرف

وفعلا بعض العوايل الكبار فيه تشابه عجيب والمشكلة لازم يسمي الواحد على ابوووه والا يحرمه من الميراث لو ماسمى خخخ

الاطلال
14-08-09, 04:48 am
أنت أمرؤ القيـــــس,,,,

وراكم ماتعلموننا من أنتم,,, الحمد لله على السلامه,,,

لكن إذا على الأسامي بصراحه ماطلعت المعاااايير الا من تشابه الاسامي,,,,,

الله يسلمك

وليش حتى نعلمك وانت وينك ماتمخمخ

حتى ليتها معايير زينة او عليها القيمة الا تحوم الكبد من شينة

أبو الريش
14-08-09, 04:52 am
الله يسلمك

وليش حتى نعلمك وانت وينك ماتمخمخ

حتى ليتها معايير زينة او عليها القيمة الا تحوم الكبد من شينة

أمخمخ,,,,
وش دران أني عايش بين لصصه! هههههه

توي أدري أني على نياتي وعليمي

سارة عبدالعزيز
14-08-09, 04:54 am
الأنثى من حق الأم
الذكر من حق الاب
وعلى هذا تم الاتفاق

وارى بأن المواليد التاليه بعيده عن الطبيعه الجافه كما ذكرت بخلاف عن السابق

الاطلال
14-08-09, 04:55 am
أمخمخ,,,,
وش دران أني عايش بين لصصه! هههههه

توي أدري أني على نياتي وعليمي

لا حاشاك بس هذا من حسن نيتك بالاخرين

بس تدري ان التغيير مطلوووب

الاطلال
14-08-09, 04:58 am
الأنثى من حق الأم
الذكر من حق الاب
وعلى هذا تم الاتفاق

وارى بأن المواليد التاليه بعيده عن الطبيعه الجافه كما ذكرت بخلاف عن السابق

بس اخاف تطلع وحدة مثل المراة وتسمي كل شيء

وفعلا المواليد الحين بعيدة تماما ولا تصلح لطبيعتنا بس شنسوي نحب الرزة لو بالاسماء

D L 3
14-08-09, 05:59 am
ترى اسمه جهيمان ..,’

كفاني عذاب
14-08-09, 06:09 am
بعد مدة حملت الام واثرها جابت بنت بس مادري هي زي الامر او لا وحسب الاتفاق سمتها ( عبير)

ومن المقصود بـ اللون الآحمر ؟
هل هي أحد العضوآت في المنتدى أم لآ ؟

الاطلال
14-08-09, 01:46 pm
ترى اسمه جهيمان ..,’

عاشت الاسامي

الاطلال
14-08-09, 01:49 pm
ومن المقصود بـ اللون الآحمر ؟
هل هي أحد العضوآت في المنتدى أم لآ ؟

فرضا فرضا قصدت احدى العضوات ويش يعني ؟

ماودك الواحد يمخمخ كثير على شيء تافه

gssey
14-08-09, 03:01 pm
بديه الموضوع جيدة ونهايه لك عليها