ساعدوووووووني

[حليمة]

ياجماعة الخير


تجيني ارقام على جوالي غريبه مو مسجله عندي

وهالارقام هذي مستمره بس تدق علي

المشكله ان صاحبها مايتكلم اذا ردينا عليه


خليت واحد من اخواني يرد عليه ومايتكلم

وش الحل معه تكفون


فيه واحد رقمه عام والثاني بطاقه سوا


ساعدوني الله يجزاكم خير


ووش الاجراءات اللي اسويها مع هذه الاشكال !!!

[علشانك بس]

اذا دق لاتردين

[دانـــة بـــريـــدة]

حبيبتي اذا كنتي على الاتصالات او موبايلي عندهم خدمه للمشكله هذي

انا ماعرف طريتها بالضبط بس جربي وماراح تخسري

[eivl girl]

واللهي ياحبوبه انا اشوف انك تخلين اخوك يشوف احد بالأتصالات يطلع لكم رقمه

[حليمة]

علشانك بس

مليت وانا ساهجته
بس هذا مثل الـ............ مايحس ولا يفتهم

كرهت الجوال بسبته

جاب لي الضغط الله يشغله بنفسه

[رحّــال]

ما كثر الله الا الشرايح

غيري رقمك ,,,

[eivl girl]

اذا دق لاتردين
يااااااااااااحبيل البرائه ياناس فديتس يختشي

[عبدالله الحلوه]

يمكنك التبليغ عن تلك الأرقام بالاتصال على 902 للأتصالات و 1100 لموبايلي


تحياتي

[علشانك بس]

يااااااااااااحبيل البرائه ياناس فديتس يختشي

بالعكس ياعمري هيدي مش براءه ,,
هذي خبرة ,,
غيرت رقمي مرتين من الإزعاج اللي اشوفه من رقم واحد ,,
وحتى بعد تغييير رقمي للمرة الثانية عاود الإتصال ,, واكتشفت انه واحد من قرايبي ,,
فـ هي لو بتغير رقمها راح يعرفه اذا هو مستئصدها ,,
لذلك مامثل الحقراان لأنه يقطّع المصران ,,

[النهى]

بسيطه اعطي شريحتك احد من اخوانك او خدامتكم او السايق وطلعي شريحه جديده اهم شي اتخلصي منها با اي طريقه لو ترميها في القمامه المهم ماتكون عندك
الله يحفظك خيتو

[عشق الزعامه]

ما أزيد على ما ذكر الأخوان غيري الشريحه أو عطي رقمه الأتصالات

يفصلون شريحته ..

[تركـي]

انشري الرقم وانا مستعد ماتشوفين الرقم مره ثانيه 0

هذا اذا سمحو المشرفين 0

تحياتي 0

[فركي]

اما انكي تغيرين اللرقم
او اسفهيه........................,,,,

[المستشار2]

فيه خاصية لدى شركة الاتصالات تتصلين عليهم وتبلغين عن الرقم
وهو يفصلونه بموجب الشكوى المقدمة منك
واذا رايح يطالب صاحب الرقم لماذا تم فصل الخدمة يقولون له راجع المقر الرئيسي لان فيها زمبليطا
وبكذا يفهمها ومارايح يسوي شي

[جميلة العرب]

انا مثلك بس تعودت وبديت ماارد
انا شبه يومي تجيني ارقام واحيانا اذاتكررالرقم عندي اخلي رجال يرد

[عبدالله صالح العميريني]

لاتردا وترتاحن

للمعلوميه فيه ارقام اذا رديتن عليه تسحب الرصيد للي شريحتة شحن

[هلالي تشلساوي]

هههههههههههههه
الله يعينك

[الصقعاء]

الحل الجوال كنترول تسجلين فيه وبعدين تسوين حضر على الرقم وبعدين يبدا يلقط عيش هو وغير الي ماتبين

8881 تسجيل و بعيدن 8883 مسافه تحطين الرقم ثم يجيك رساله تم اضافة الرقم وصدقين راح ترتاحين بلا شكوى بلا بطيخ

[عبدالله صالح العميريني]

الحل الجوال كنترول تسجلين فيه وبعدين تسوين حضر على الرقم وبعدين يبدا يلقط عيش هو وغير الي ماتبين

8881 تسجيل و بعيدن 8883 مسافه تحطين الرقم ثم يجيك رساله تم اضافة الرقم وصدقين راح ترتاحين بلا شكوى بلا بطيخ


عفون اخت الصقعاء يجب عليكي دعم الارقام منين جبتيههن .

حليمة انا مانصحك بستعمال الارقم بدون معرفت المصدر

[Modern]

هذا رقم مجاني من شركه الاتصالات السعوديه للأبلاغ عن المزعجين و المعاكسين
8003030902



برضو هيئه الاتصالات السعوديه بالرياض تستقبل شكوى المواطنين من المزعجين والمعاكسين

رقم مباشر لهاتف هيئه الاتصالات السعوديه
014618022
رقم فاكس هيئه الاتصالات السعوديه
014618033


افضّل انك اولاً تتصلين بالرقم المجاني للأتصالات السعوديه ،،

ولو استدعاء الامر تواصلي مع هيئه الاتصالات السعوديه

وبأذن الله راح يريحونك من هالمتخلفين ،،

[هنري]

حليمة,

تستطيعين أن لا تجيبي على الهاتف المحمول إذا كان الرقم مجهولاً بالنسبة لك.
وتستطيعين أيضاً وك(حل) جذري أن تغيري رقم هاتفك ..

وأما التبليغ فليس منه فائدة لإن الشخص لازال يملك رقمك ..

الله يعينك ويحميك من أصحاب القلوب السوداء,

[&عبير الشوق&]

الحمدلله على اني مافوت رقم مارد عليه الا انه نادر جداً احد يدقدق علي.. :)
يمكن لأن صوتي وحش .. :e5:
المووهيم ونا اختس اي رقم يزعجتس خزنيه عندتس باسم معين يعني مثلاً مزعج1 ومزعج 2 وهكذا ...
ولادقوا لاتردين ابد لما يطقون وياكلون هوا ..
الله يعينتس وجميع البوووونيييييات ....

[رحّــال]

أمس رادين عليك

بموضوع مشابه

بنفس القسم ,,,

[عشق الزعامه]

الموضوع مو غريب علي؟؟

[فيمتــو]

إن الحل غير موجود بالخدمة مؤقتا

:)

[صـاحي و رايـق]

مشكلتكـ صعبهـ بـ المرهـ
لكن فيهـ حل واحد
وإذا سويتيهـ وطبقتيهـ ما راح تشوفين هذهـ الأرقام مرة آخرى
إذا أنتِ جادهـ راح أقولكـ عشان أخذ أجركـ مير ؟؟

[نبراس القصيم]

إذا أنت تردين وتهاوشين فأنه لن ينقطع عن الأتصال

لكن ردي بس بدون ماتتكلمين حتى إذا كان رصيد يخلص رصيده

وإذا فاتورة تجمع عليه

أو أنك لا تردين وبتطلعين بنتيجة

الطريقة هذه جربتها وكان لها نتيجة لأنني ما عندي

أي أستعداد كل فترة أغير رقمي

نبراس

[engel]

ارفعي خطاب رسمي للإماره يجيبونه بشوشته ويمرمطونه
لأن عندهم جهاز يعرف مكانه بالمقسمات والذبذبات لو انه في قلايع وادرين
ويستاهل

[وضوح]

ردي وحطيه على الطاولهـ في غرفتكـ وسكري الباب ...!

كم يوم ويدج ،،،

ترى عادي موو غريب أنا تأذيت وكثيير اعرفهم ..اهم شيء لايضيق صدركـ عيني ..!

تحيتي لكـ ،،