من يوميات عضوو

[شقاوهـ بدلع]

سلاااااام


كيفكم؟؟؟


هذي اللعبه كل واحد يرسل رساله خاصه للعضو اللي يبغاه ويقوله يكتب يومياته والعضو المختار ينزلنا يوم من يومياته>>بدون زياده او نقصان<<

من يوم يصحى ويفتح عيونه لحد مايناام
اوكي اتفقنا

يالله نبدا
ابرسل للعضوه وابقوله تدخل تكتب يومياته

[HENNO]

المعذرة
لكن
هل سيكشف عن العضوه من خلال المشاركين ؟

[شقاوهـ بدلع]

طبعا بيكشف عنه هي بتدخل وتكتب يومياته بس اخترنا يكون ع الرسائل الخاصه عشان يدخل الموضوع ع طوول ويسجل يومياته*_^

[HENNO]

^^^
مفهوم

إذن
متابع معكم

[حكاية إحساس]

أحم أحم تراااي جيت >>أحلفي

اولآ ..ابغى اشكر شقاوهـ على اختيارها لي

طبعآ عشاننا بــ إجازه كل يوم لي نظام بالنوم .. بس حآليا

انام 8 أو 9 الصبح
أصحى نص العصر او المغرب

اذا كان فيه طلعه جلست اتجهز وأطلع
وإذا مافيه طلعه جلست المغرب اتقهوى مع اهلي>>هذا الشي كل يوم اخته والده ومحجورين بالبيت ياعمري

والعشاء اجلس اما عند اهلي او افتح النت اذا طفشت

وإذا جاء وقت العشى..أدخل المطبخ واحوس فيه اطبخ لهم ذاك المفطح >>كثررري منها ..زين إذا تعشيت معهم بعد
لاالصدق ادخل واساعد مااامي بالعشاء بس>وأتقطع بعد ..عجــــــــازهـ

وبعدين ادخل النت تقريبا من الساعه 1 لييين الساعه 8 >>طبعا فيه فواصل مو كل هالوقت على النت.... اما اخذ شور او اكلم صقيقاتي ...تعرفون خرابيط البنات عاد

وقبل ماانام ...
لازم أما اكمل روايتي او اقراء الرسايل اللي توصلني من أعز نااااسي>وهـ فديتهـ


وووووبس هذا يومي بالاجازه مقلوووب وكله نوووم ..

ايييييييييييه نسيت لي كم يوم بعد صلاة الفجر اسوي لاخوي قهوه وشاهي..ياخذه معه للدوام>>تراي سنعه خخخ


أخيرآآ ...أشكرك شقاوهـ مره ثاااانيه
تفضلي ياحلوه... :for12:

واتمنى اني ماثقلت عليكم>>ماتعودت تكتب قرررق كثيـــــــــــر :)

[شقاوهـ بدلع]

يوميات حلوه وروتين بسيط

يعطيك العافيه حكايه بس حبيت انبهك انه ماتكتبين يوميات الاجازه جميعها لكن تكتبين روتينك لهذا اليوم.

ننتظرتختارين لنا عضوووبرساله خاصه له

[حكاية إحساس]

الله يعافيك..
أوكي الحين بختار ...

[رزه مرتزه]

السلام عليكم ورحمة الله وبركاته


اليووووووووووووووووووم الله يسلمكم

الفجر.. امممم صليت الفجر يوم خلصت كلمت ع ميـلااانوهـ
قعدت انا وياها ربع ساعه تقريباً>>خــسرتن بس تقرق:f5:
بعدين رحت عند T Vبعدين حطيت راسي بـ الوسااده خخخ بس عيى
يجين النووم
وقمت وفتحت المنتدى:for3: وانا داخله جوى معه
دخلت امي:for1: علي وعطتن محاظره طوووليش :6[1]:ورجعت ونمت الساعه 8 ولا قمت
الا العصـر يوم قمت رحت للسووق:d1:
اسوووي هداايا لســـلوومي فدية قلبه:11_1_218v
وايه وبس وتوي جااايه ودخلت المنتدى
و بس:5[1]:

مشكووورهـ حكااايه ع اختيارك إلـي
وشكر صاحبة الموووضووع الــروووعهـ
يعطيك العافيه شقاوهـ

[صـاحي و رايـق]

حركات والله الموضوع
ويوميات رهيبه من حكايهـ ورزهـ


شكرآ شقاوهـ

[رزه مرتزه]

صـــوح نسيييت اقووولـ

تم اختيــار العضووووو....

[ămōяẻ]

فكرة حلوة

وبانتظار العضو المختار من زرة الرزة

[رزه مرتزه]

فكرة حلوة

وبانتظار العضو المختار من زرة الرزة
وراااكم ياعمري انا
داايم تغلطووون بمعرفي

اشك انكم تعاندووون
خخخخ

[ămōяẻ]

ماغلطت
بس

يقولون هذا اسمك يوم الجمعة يتغير تلقائي لكذا

[رزه مرتزه]

88
مــشاء الله عليك
من اللي يقووله خخخخ
لاتولف بس

[روعة الكون]

موضوع رهيب ..!
سلمتي خيتوو
وننتظر العضو المختار ,,

[موسى العناز]

هلا شقاوه

يعطيك العاافيه حلوه الفكره

[طبعي تسذا]

يا(شقاااوه بدلع)

اهنيتس على هيك موصوووع


اقدررر اشارك<< صاير محترم

[ماجد544]

موضوع حلو

لاجاء دوري دقو علي بيجر

[╝◄ ساندرا ►╚]

شكرا على الموضوععع روعه

يلااااا نتظررر من المختار

[مــجــوودي]

آلسسلآم عليكـم

آحـم آحـم

آليـوم آلجمعه

طبع’ـآ صليت آلفجـر ورجع’ـت آكمـل الجلسـه ع النـت حتى السـآعه 7 رحت ونمت

وصحيـت السآعه 11:30 للصـلآة رحت وصليـت

رجعت للبيـت بعدها شلت لاب توبي وقعـدت بـالصـآلـة وشبكت ـآلنت وطبعـًا الصفحه الرئيسية عنـدي منتـدى بريده، وفتحته
وبعدها إتصلت بـ آخوي أساله شو صـار بموضوع الجـآمعـة ..!<< لا ج ــديد بالجامعة .. تونـآ:d

وجلست كل الظهـر ع tv وقاعد ع النت بنفس الوقت هع

المغرب قعدت مع أخـوآني ع القهـوه والحلآ اللي مسويته أختي <-= طبعـاً سحبنـآ ع آلحـلآ وأكلنـآ التـوكس http://vb.eqla3.com/images/smilies/grins.gif

إلا ويإذن العشاء بعد العشاء رحت لـ إستراحة خوالي كـآنـو مجتمعين وفيه لعب كووره وبعـد اللعب
تابعنـآ مباراة ريال مدريد ويوفنتـوس <~ بس قههر إنهـزم الريال :(

يـوم خلصت المبـآرآه

وحنـآ اللي تعشينـآ مـربى وطحينيه وبيـض وزيتتون وجبنـة البقـره القـويه <~بالعربي نـوآشف :(


يـوم رجعت للبيـت السـآعه ثـلآث وأدخل النت حتى الفجـر ..!

وبعد آلصـلآه معي وآحد ع المسن ماصلى الفجـر ونشبت بحلقه لين طلع يصلي ولا رجع خخخخخخخ
و كتبت رد هالموضوع مع إني نـآوي أسحب عليه اليـوم هع


والحيـن شكلي و الحين بـ إرعـص إيقـونة { اضافة رد } و بخمد ~.~

رزهـ
متشكـر آوووي آوووي
ثــآكــس ع الاختيار ..



صـآحبة المـوضوع <~ نسيت أسمه هع
هـآتس يـآ وخيتي {http://vb.eqla3.com/images/smilies/rose.gif} ..ْ~ :D
و كثـري لنــآ من الموآضيـع ذي .. :D

[مــجــوودي]

تـــم إختيـآر العضـو ..}ْ~

[shahd2007]

مشكوور مجوودي على الاختيار شوي واكب لكم يومياتي

[عـبدالله بـريدة]

مافهمت تراااي

يعني اقــول وين رحت وين جيت باليوم هــذا

8
8
حسيت اني خــااااطم http://www.buraydh.com/forum/images/icons/icon10.gif

[shahd2007]

مرحبـــــــــــــــــا ...:d1:

يوميات شهد 2007 ...:d1:

كعادتنا السنويه حفظنا الله ... من يوم نعطل نروح لمنتجعنا الصيفي فوق جبال الالب

.... لمين تفتح المدآرس :(

طبعآ النوم بعد صلاآآه الفجر اقوم من الساعه 2 الظهر واشرب زمزميه قهووهـ

واذا خلصت القهووه فتحت عيوني <<<عجيز الاخت

وبعديين افتح النت ... وبعد صلاه العصر اتغدى ...

همن أرجع للنت << السآالفه كله نت

الى اذان المغرب ويتخلل هذا الوقت بعض من المناوشات مع اخوتي الاعزاء :29_1_8[1]

بعد المغرب تجي القهووه والحلى او الشوكلاته عاد اللي يحصل ...

<<<نوقف عن النت شوي العائله كله تأخذ فاصل من النت

<<عائله مدمنه للنت من الام الى اصغر وحده ريمآ:for3:

وبعد العشاء يجي البابا :a1::13[1]:الله يخليه لنا من الدوام نتجهز ونطلع

عاد اللي يحصل سوق ..مطعم ..كشته <<ماعلى كريم تشرط وعلى حسب المزاج احيانا كلهن لا:c7:

طبعا نرجع للبيت الساعه 1 افتح النت واجي لمنتدى بريده <<خخخ وحذف مشاركات :for3:

اجلس الى الفجر وبعد الصلاه انام وبس

الخميس والجمعه يتغير الروتيين <<<نهج لجده ولا لمكه عاد اللي يحصل :c7:

[shahd2007]

مافهمت تراااي


يعني اقــول وين رحت وين جيت باليوم هــذا

8
8

حسيت اني خــااااطم http://www.buraydh.com/forum/images/icons/icon10.gif



لا يختارك احد الاعضاء وتقول يومياتك

[HENNO]

:rolleyes:



متابع معكم

[»•° عطر الليل °•«]

سلآآآم عليكم
:)
يوميآت عطنطر على قولتكم http://forum.buraydh.com/forum/images/icons/icon10.gif
امممم ايامي حوسه × حووسه
اياااام الاجازة ببريدة ان خربت سآفرت مع آهلي ولا مع أخويياي
قريب مامن بعآآآيد :)
آنآآآآآم الساعه 9 الصبح :for13: ومآصحي الا العصر او حسب الظروف يعني
اذا مآحد مصحين << يعني البيت مابوة آحـد
آسحب نووم الى صلاة العشآآآء http://forum.buraydh.com/forum/images/icons/icon10.gif
اووول مآصحي من النووووم بصرررعهـ ادخل المنتدى :for3:
ترأي حبيب ماحذف لأحد مثل بعض النآآآس :p
طبعآآآ الغداء مآعرفوة أيااام الاجازة انزل تحت اذا حصلت شي
قهوة او حلويات او فطائر نقنقت http://forum.buraydh.com/forum/images/icons/icon10.gif ولا بعد اوب لازم <<خخخ
همن ارجع للنت الى المغرب ..
طبعآ المغرب القهوة مع أبـــوي الى اذآن العشاء
بعد الصلاة ارووح اجيب أغراض العشاء لاهلي << بس فطين اكز اخوي واعطيه اللي يبي بس مابي ارووح :a1:
همن أقعد مع اخواني وسوالف او اذا فيه مباراة رحت لعبت شوي
الى العشاء همن نتعشاء وبعده
اطلع لم الشباب بالاستراحه او اي مكان نتقابل بوة .. الى الساعه 12
همن ارجع للبيت وادخل المنتدى الى الساعه 9 الصبح
وهذي حالتي نت ونوووم وووبص :)

هذآ روتيني اليووومي او هذي حالتي سواء بالصيف او غير الصيف :)

:::
مشكورة شهد 2007 على آختياري .,؛
شكرآ لصآحبه الموضوع ..

[amįЯЋ]

السلام عليكم ورحمة الله وبركاته ...

هلا والله حياكم ...اقلطوا كل ابوكم معي بيوميااتي ...<<تحسبه عزيمه ...هعهع
والله من بداايه العطله وانا حيسي ديسي ..نظامي على الكيف والمزااج ...
من السااعه 1 بالليل الى السااعه 9 او 8 وانا هنا اتقهوى معكم بالمنتدى ...هع
والمسن الصبح تدخل توأم رورو وانواع الهبال والطرطعه ....
وبعده اطلع اناام الين العصر ...
اقووم العصر على باال مااروق افتح المنتدى واشوف وش تزينون واطلع ...
بعده انزل تحت مع عائلتي العزيزه ...
عاد يالله يووم يكوون فيه عمااتي مجتمعين ...ويوم مافيه الا ماما وجدتي ...
العصر تطن لي اكل شئ وبعض الاحياان لا تكوون منسده الشهيه عندي ولا اكل ...
وبعد المغرب قهوتنا مع الجميييييع ....والا اذا كنا بنطلع لاحد ...
همن العشاء اسير شوي على المنتدى واطلع ...
ونجلس سواالف وبعده اسير على التلفزيوون (الله يهدينا))
الين يجي وقت اكل العشااء ....
وعلى طووول طوالي على المنتدى ...
<<نسيت اقولكم برفع شكوى عليكم سرقتوا قلبي من كل تفكيري وسوالفي بكم هع ...

هذي اخباري اليوميه ...

....:::
مشكووور خيو عطوور على اختياري ...
وكماان شكرآ لصاحبة الموضووع ...

مع السلالامه ...

[سحر العيون]

وااااااااو..موضوع حليوووووووو..
>>أوريك يالدبا تبين تفضحينن قدام الله وخلقهhttp://www.x333x.com/smiles/data/10/116.gif..
إحم إحم..
أولاً:اليوم قمت مصيفه العصر حول المغرب..
بعدين نزلـــت تحت ورحت وشربت ماء بعدين تقهوينا مع امي وخواتي وجت أختي الكبيره لمنا وجايبه معه شكولاتات..
عاااااااد أنا بسم الله علي ما آخذ وحده وبس لا لازم أكثر يعني وحده ونص ثنتين تعرفوون لازم أجامل عشان أختي>>>خخخخخخخ الله ع المجاملهhttp://www.x333x.com/smiles/data/5/005.gif..
بعدين يوم قضيت متقهويه رقيت فوق وشغلت النت وقعدت احاول أحمّل فيلم لي أكثر من اسبوع وأنا عجزت أحمّله..
وبعدين رحت ونزلت تحت والكمبيوتر شغّال عشان التحميل..
يوم نزلت لقيت أهلي جالسين يسولفون وأنا صرآآآآحه كنت مقفلـــــــــه ع الآآآآآآآآآآآآآآآآآخر مالي خلق أحد..
وجت لمنا أختي الثانيه تودعنا لأنه تبي تسافر وأمي ضاااااااااايق صدره ماتبيه تروح لأنه تبي تروح>>لأندونيسيا..>>>كشخه هي وخشتهhttp://www.x333x.com/smiles/data/5/082.gif..
عاااااااااد أمي تراااااه خوآآآفه أوماه سمعت بمرض انفلونزا الخنازير وتفجيرات هناك طااااح قلبهhttp://www.x333x.com/smiles/data/11/096.gif ياعمري هيhttp://www.x333x.com/smiles/data/11/087.gif..
ايه يوم ودعنا اختي وأجي أرقى ثانيه والقى التحميل خلص وأجي استااااااااااانس يوم فتحت الفيديو لقيته تااااالف>>>خخخخخخ ياويلي أناhttp://www.x333x.com/smiles/data/11/051.gif..
ومار أحمّل من مكان ثاني وأروح أصلي..
وأنزل تحت>>>والله النشبه..
والقى اخووي قايم ومييييير أطير من الفرحه لأن الله يسلمكم عندي فستان أبدخله عند الخياط وابروح للسوق أشري له قماش ومير يعيء أخوووي علي وأجي وانقهررررررررررررررhttp://www.x333x.com/smiles/data/11/001.gif..
وأرجع لنت وأفتح المنتدى http://www.x333x.com/smiles/data/13/167.gifموب ذا لا واحد ثاني كششششخه أنا(المشرف العامhttp://www.x333x.com/smiles/data/13/191.gif)بوه >>>فرررررررحه أنا وخشتيhttp://www.x333x.com/smiles/data/13/075.gif..
وبعدين طلعت منه يمكن كذا الساعه حول ال11م..
جاو أهلي نادون للعشاء وتعشيت معهم"فول وكبده ووومادري وش اسمه ذاك والله إني نسييييتهhttp://www.x333x.com/smiles/data/11/020.gif وببسي>>>لازززززم هالببسي ولا مانتعشى">>وش رآآيكم عشاء مصاريا>>خخخخخخ..http://www.x333x.com/smiles/data/15/A6rb.Com520.gif
بعدين عدت للنت مره ثانيه والقى التحميل موقف وأروح أشوف ورآه وأثر الأتصال منقطع أوووووف والله انقهرت وهذا يمكن الساع12وزودhttp://www.x333x.com/smiles/data/15/A6rb.Com920.gif..
وأرجع أحمّل ثانيه وتراااااااه للحين يحمّل وبآآقي له ساعه ونص يخلص التحميل..
وأنزل مره مليووونه>>>إنا لله وإنا إليه راجعونhttp://www.x333x.com/smiles/data/15/A6rb.Com410.gif..
وأثري لاشربت القهوه توجعن أذني قسم بالله توجع وأروح لأميمتي يااااااااحبيل قلبهhttp://www.x333x.com/smiles/data/15/A6rb.Com900.gif-الله يطول بعمره-وتدهن أذني زيت زيتون وأبوفاس>>>هذا العلاج الزينhttp://www.x333x.com/smiles/data/5/075.gif..
واروح ازين لي قهوه وأرقي فوق عشان السهره ما تحلى إلا بقهوتي>>خخخخخhttp://www.x333x.com/smiles/data/5/005.gif..
وأروح أجيب التوصيله حقت كمبيوتري وأثره بس تطلع صوت وأعطيه أبوي يزينه لي..
وأجي وأرقى وأفتح النت وأدخل المنتدى..
ورحت لم مدونتي وسلمت علييييه..
ومير اجي لم الأستراحه واقعد أحوووووس به ليييين جت رساااالة"اميروووووه>>خخخخخ حقده"http://www.x333x.com/smiles/data/6/034.gif
لا عاااد ياحبيللللهhttp://www.x333x.com/smiles/data/5/047.gif تموووووووونhttp://www.x333x.com/smiles/data/6/thumbs-up.gif..
وجيت بهاذا وقعدت اكب لكم عشاناhttp://www.x333x.com/smiles/data/5/075.gif..وبس..

وسلااااااااااااامتكم..
>>عساااي بس ماطولت عليكمhttp://www.x333x.com/smiles/data/5/075.gif>>ههههههههه..
لا جد عذراً ع الإطاله..
http://www.x333x.com/smiles/data/5/52.gifhttp://www.x333x.com/smiles/data/5/52.gifhttp://www.x333x.com/smiles/data/5/52.gif

[ﬡ REEMA ﬡ]

^

ههههههههههههههههههههههههههههههههههههههههههههه

يآآآآآآحبيل قلبك احسن يوميات قريته توسع الصدر

[الزنون]

شكراً شكراً

لا داعي للتصفيق

اجلسوا لا احد يقوم حلفت

بس قهوة ما اشرب الحين

ابي فطور

يالله قومي انتي ياسحر بما انك عازمتني

سوي لي فطور



نجي ليومياتي

طبعاً قبل العطلة انام 12 بالليل

واصحى الفجر واتقهوى مع الشويب

وافطر معه عاد مو فطور فطرو بس عشان اوسع صدرة

همن اغط لي ساعة او ساعتين

ثم اروح للعمل الساعة 8 لحد 2 بالعمل

اخذ قيلوله لحد العصر واحياناً ما اصحى لاصلاة العصر

ما اصحى الا بنصف العصر

همن اجلس مع العجيز لحد المغرب هي تجلس تعطين نصايح

جسمي معها وعقلي رايح يدور لاني مليت من النصايح وحفظت اللي بتقوله

اطلع المغرب والى الشالية اجلس مع الشيبان هم يطلعون العشاء وانا اجلس

اتابع اي شيء بالتلفزيون واكون فاتح النت باحد المنتديات والمسن

واللي يبيني يجيني بمحلي

ونجلس لحد 12 ثم اوجه للبيت وانام وعلى الحال


اما الان بالاجازة

اختلف الوضع وخاصة يوم اخذت اجازة

اسهر لحد صلاة الفجر

وانام لحد الظهر

واحياناً لحد الساعة 2 الله يخلف صلاة الظهر تصير الساعة 2

وررررر لهلي بالاستراحة واتغداء معهم

ونجلس جميع لحد العصر

عاد تعرفون انتم الحريم ما يقضبون الارض

وكل وحدة تبي مشوار

همن اوصلهم لمشاويرهم طبعاً بس العصر

بعد العصر لو يموتون ما وديتهم يدورون غيري

ثم افتح النت وعلى منتدى بريده واحوس وادوس ادور احد ارفع ضغطه

وعلى الحالة لحد الفجر لا اروح لا يمين ولا يسار وخاصة الايام ذي ممنوع اروح منا او منا

ولا اختلط باحد

وبس هذي هي حياتي

عاد اذا صار فيه اخطاء املائية او نواقص احرف

فبعذري

لاني كنت ناوي اسكر النت بس جتني الرسالة

وقلت نسدح لكم حياتي اليومية ونطلع

يعطيكم العافية

وتصبحون على خير

[سحر العيون]

^

ههههههههههههههههههههههههههههههههههههههههههههه

يآآآآآآحبيل قلبك احسن يوميات قريته توسع الصدر
ﬡ REEMA ﬡ>>ياحبـــــــــي لك أنتيhttp://www.x333x.com/smiles/data/5/011.gif..
يسلمووووو حبيبتي ع التعليق..

[ﬡ REEMA ﬡ]

سحر العيون وش صار حملتي الفلم ولا للحين عيا يحمل ههههههههه

الزنون

بعد العصر لو يموتون ما وديتهم يدورون غيري

وش معنى العصر حاله خاصه ؟

[غربه انسان]

وناسسسسه الموضوع ... ننتظر العضو القادم.

[سحر العيون]

ﬡ REEMA ﬡ
ههههههههه..
والله ونااااااااااسه وأخيراً..
كمل التحميل واشتغل الفيلمhttp://www.x333x.com/smiles/data/6/victory.gif..
وووووووووه صدق طلع مره..
بس أبجلس معكم شوووي وأروح أشوف الفيلم..http://www.x333x.com/smiles/data/6/136.gif

[الزنون]

سحر العيون وش صار حملتي الفلم ولا للحين عيا يحمل ههههههههه

الزنون



وش معنى العصر حاله خاصه ؟



هلا بريما

هلا والله بالقطوعه يعني الواحد اذا صار تاجر يصير ما يدخل الاستراحة الا قليل

عطيني من وقتك لو شوي


اما من ناحية سؤالك

لان العصر اصير فاضي ولا عندي شيء والجلسة العصر تجيب النوم

فلذلك اطلع الى اي مكان فامي او خواتي او احد يستغلون الفرصة

ويقولون ودنا ثم اوديهم

بعد العصر خلاص اقضب ارضي والسيارة ما تشتغل ولا اروح لا يمين ولا يسار الا اذا احد مرني طلعت عادي

والاصل اني مانب اوديهم بس عشاني فاضي

والشيء الاهم انا طبعي طبع شيبان ما احب الاسواق او الروحات بالليل






طيب الحين انا اختار عضو يجي بعدي

عقب ما طلعت تذكرت

نشوف احد يجيكم الحين

[غربه انسان]

بسم الله ,,
بما انه تم اختياري ,, فأنا راح اسرد لك يوم من يومياتي اللي هو يوم أمس.
لانه على ما اعتقد طبيعه الموضوع ,, تتطلب يوم واحد ,, وعادي اجيب اليوميات كله خخخ

طبعاً كان يوم السبت ..
نمت متآخر نسيت الساعه كم ..
وصحيت الظهر .. وتغديت
وجلست الظهر عند التلفزيون .. وتابعت كذا برنامج.
صليت العصر .. وبعد كذا اخذت اهلي يشترون اغراض
والمغرب رجعنا للبيت .. وتقهوينا .. قهـوه وحلا ..
صليت العشاء و دخلت النت .. وللمنتدى بالتحديد .. وبالماسنجر.
وبعدين طلعت للبحر .. وبعدين اجتمعت مع اصدقاء لي وجابوا العشاء معهم
وتعشينا .. وسواليف وضحك .. وطاح جوالي وانكسر ..
ولا قدرت اطول مره .. لاني ابي انام وراي سفر.
رجعت للبيت ودخلت ونمت .. وقمت قبل شوي .. ابمشي لبريده.

هذا باختصار .. يومي البسيط ..
وانتظروني بيوم آخر من يومياتي اذا تم اختياري مره اخرى.
واحب اشكر اخوي الزنون على اختياره لي .. والشكر موصول لصاحبه الموضوع

[غربه انسان]

نسيت اختار اللي بعدي ...
تم الاختيار ..

[طبعي تسذا]

السلام عليكم ورحمة الله وبركاته


<<< ترى هذا العضو مستانس عشانكم اخترتووه


يوميات( طبعي تســذا)

يوميات ممتعه
يوميات رااااااقيه
يوميات تجيب النوووم
<< متأثر با الدعايات

الــــــــمــــــــهــــــم:

انا طبعاً ادرس باالعطله ويمكن انكم مستغربين طالب با الثنوي
ويدررس با العطله ...

ادررس صيفي لاني باالثنويه المطوره الضاهر انكم عرفتوه

اقوم من الساعه 8 صباحاً ارووووح للمدرسه ولا ارجع الا الساعه 12 ضهراً

واذا جيت نمت الى ان تحط امي العزيزه الغدا

ومن ثم اتغدا ..

ثم اروووح وافتح النت وابدأ اطامررر في هذا المنتدى

الى ان يذن العصررر ثم بعد الصلاة اجلس مع ابو وامي والعائله الكريمه

واشربلي بيالتين شاي<<متعوووب عليه

ثم امي القاه لابسه عباته تبي تروووح لم الا ستراااحه ولا احد خالاتي

اروووح واوديه ثم اجلس انا وبعض خوياي ندووور ولا نسوووولف

الى ان يذن المغررررب

ثم اروووح للبيت وافتــح هذا المنتدى الغالي علي لكي ارى ماذا بووووه من جديد

الى ان يذن العشاء

ومن ثم بعد الصلاة اجلس على النت تقريباً نص الى ساعه كامله

ثم اروووح للعيال يصيرووون اجتمعوووو

واجلس مع العيال الى الساعه 12 ثم تبدأ اتصالات امي الغالييييه

(يلاااه تعااال خذنا من....)

وارووووح واجيبهم للبيت

اذا صار بي نوووم نمت واذا ماصار بي نوووم فتحت هذا المنتدى الخلااااب


وبس..........

هذي يومياتي

وجزاااااكم الله كل خير

* ملا حضه : لا تدققون با التعبير


تحياتي . . . . . .

[غربه انسان]

^^^^^
وقسم انك فله انت وتعبيرك خخخخخخخخخخخخخ
جايزتن لي طريقتك بالكتابه

يابعدي انت بس لا تنسى تختار العضو اللي بعدك

[طبعي تسذا]

جزااااااك الله خير اخوووي غربة انسان


والحين ابختار العضو اللي بعدي

تحياتي . . . . .

[عـبدالله بـريدة]

جيت ابقول يوميات بالتفصيل الممـــل http://www.buraydh.com/forum/images/icons/icon10.gif


بـــــــــــــــــــــــــــــــــرب

[ămōяẻ]

ننتظرك يالعريس

[عـبدالله بـريدة]

طبعــا مــافيــه عطلـــه بحكــم الدوام وبرناااامجي اليــومي انواااع الخــراااابيط يعنـــي شــي روتيــن مافيــه عندي



بس اذا صار الدوام بالفتره الليــله ينتهي دواامي الساعه سبع الصبح همن ارووح للملحه واشـري سسبده طازززجه وامر على الخباز اشري بريال خبز واروووح للبيت



همن احصل الوالده قايمـه همن اتروش همن اقعد امسك له السسبده وانقطعه انا وياه همن همن نجيب بصل وبهارات وانقطعهن مع السبده بوسط المطبخ همن تقعد امي تطبخhttp://www.s6am2k.net/smile/21/up/df07f70d36ac937f7213f5c2b9eb10ad.gifوانا وااقف عندها بالمطبخ وهــذر عليها http://www.buraydh.com/forum/images/icons/icon10.gif



همن نفطر همن اروووح ادخل غرفتي ورااه مثلجه ومسسدد كل الفتحات يعني اذا طفيت اللمبه ماتشوف ايدك http://www.s6am2k.net/smile/16/up/5fe516e23c3d6768aef0297ac340b9ec.gifهمن اندعس بفراشي http://www.s6am2k.net/smile/15/up/4603176c4ecc1cdd1205ae201689f844.gif


همن لمني اندعست بفراشي اندعس معي ابليس http://s5b6.com/vb/images/smilies/SnipeR%20(7).gif همن يقولي ابليس ورااك ماتعرس http://www.s6am2k.net/smile/3/up/f5d064f40cced5458e98379430e9de3b.gif همن اقعد اتقلب ساعه همن عاااد اهف http://www.buraydh.com/forum/images/icons/icon10.gif

همن لمنه اذن الظهر وقفت امي على راسي قم قم قم وانا قايم بس ما اقدر اقوم وامي واقفه عندي http://s5b6.com/vb/images/smilies/SnipeR%20(68).gif همن اقوم اسحب البطانيه سسني ابسفطه http://www.za7l6n.com/vb/images/smilies/Q1.png

همن اروووح اصلي وارجــع وانام لمين العصر
العصر قهوه وشاهي ووناسه والمغرب يا اما عند الجهاز ولا طالع للاستراحه همن بعد صلااة العشاء اقابل الجهاااااز لمين يطق رااسي همن ارووح للدوام همن من بكرى برنامج ثاني يختلف عن هالبرنامج



شكــــــرا 000 احس اني خااااطم http://www.buraydh.com/forum/images/icons/icon10.gif

[طبعي تسذا]

يالله يا عيد الله نحتري العضووو

اللي انت تختاره

تحياتي . . . . .

[عـبدالله بـريدة]

يالله يا عيد الله نحتري العضووو

اللي انت تختاره

تحياتي . . . . .


وين احط اسمــه بـــذا

[بي من طبع الجن]

ياحول تحمست الجنيه متى يجي دوره **

[شَتـْـآآتـ]

موضوع راااايق

[عـبدالله بـريدة]

يالله
نبـــي
يوميـــات
العضــــــــــــــــوه
((حكايــة احســــــــــــــــــــــــاس ))

[حكاية إحساس]

عااااتي انزل يومي مره ثانيه...>>أخاف يملون مني الاعضاء

اوكي دقايق اكتب وانزلهـ ...

[ămōяẻ]

بانتظارررررررراك

[نقوووشهـ]

نحتريتس
مت يجي دووورنااا<<هع

[حكاية إحساس]

الله يسلمكمـ يوم الاميرهـ حكايهـ كالتالي >>ترى اخوي دايم يسميني الاميره خلود احم احم

الحين حنا نص يوم ببداء من امس العصر لليوم >>اخلصي بس


صحيت حول العصر صليت و نزلت اتغداء ..والعصر اختي جابت بنته عندي تبي تطلع للسوق
وجلست عند اهلي"انا واميمتي الله يخليه لي" ومعي هالبنت بلشتن به لييين العشاء واخذته امه..>>وعندنا نفاس داخل وطالع لازم عاد

بعدييين رحت اسوي العشاء>>مواعده اهلي فيه لي شهرين توه يطلع..عجازهـ
وتعشينا..
ويوم صارت الساعه 12 أخذت شور ..وبعدين فتحت المنتدى ليييين صلاة الفجر>>طبعا فيه فواصل بهالوقت رحت اكلم بالجوال وأسولف بالمسن

يوم صليت الفجر دخلت المنتدى الا الساعه 5وشوي
وبعدين سكرته ورحت اسوي لاخوي شاهي وقهوه ياخذه معه للدوام..

وطفشششت مادري وش اسوي ..رحت عند فنون اشوف مسلسل الا الساعه 8

وبعدين نمـــــــت وصحيت الساعه 2وشوي من جوالي يهز فوق راسي>>قومن
وجلست اكلم اعز نااااسي يمكن ثلث ساعه ..وانا نصي نوووم خخخ
وسكرت الجوال ورحت اتغداء ..

وبعدين فتحت النت ..
ودخلت المنتدى وجتني رساله اني اجي بهذا الموضوع
وجيييت ..وهذا اقررررق فوق روسكمـ ..
وبعد شوي بسكر النت وانزل عند اهلي>>ابنشب بحلقهم نطلع لشي

ووووبس هذا يوووومي الممل...

مشكوووور عبدالله لاختياركـ ليـ


سي يو حبــــــــايبي ^_*

[حكاية إحساس]

تــــــــــم اختيار العضوهـ

[بي من طبع الجن]

السلام عليكم ورحمة الله وبركاته
أولاً :شكراً حكاية إحساسي
لاختيار الجنيه لابعد ياخف دمه تقول بشوف وشلون يوميات الجن
ياحبيبتي زي أي مواطنه سعودية ..

ثانياً : يومياتي وهي كما يلي/
أقوم من وحده ووراء همن أصلي
وأنزل مثل مدمنه المخدرات أدور زمزمية قهوة
وياويلهم وسواد ليلهم أن كانوا مخلصه أو مكبوبه
ليه؟؟
لاني من ثاني إبتدائي وانا أشربه يعني
والله ثم والله لو يتاخر موعدها لو بنصف ساعه خلاص
رأسي يوجعن مايصفى الا من بكرة لمن شربته بوقته وماينفع
معي لو أشربها بعد الصداع أو اكل مسكنات ..
يعني مدمنه على أصووووووووووول ..



همن أصب لي فنجال أقعد أشمه لين يرن دماغي واطقق الزمزمية
همن عاد أقوم ياأتغداء او لا
وإلزامي دخول عالم المطبخ وأدخلوا هذا الموضوع
شوفوا معناتي اليوم وعععع وعععع ..أبكي

http://www.buraydh.com/forum/showthread.php?t=196625

هالصيف ماش الشهيه عدددددم بقوووووة
لان النوم دمااااااااااااااار

همن لمن خلصت طيران للنت كنه أوكسجين وأي أوكسجين

يعني يكون على أذان العصر
هم أقوم أصلي يعني لاتقولون جنيه ماتعرف الصلاة
ياأرجع أنام أو أطلع منا ومنا ..الله يرحم حالي حدي بنت الجيران تتتتتتتتتتتت

وأرجع همن المغرب عاد موعد القهوة الثاني وبرضوا
مهم جداً ويسبب لي صداع لو يفووووووت

همن أدخل النت ويالله تمعطني أمي منوه
همن أقوم أحوس بهالمطبخ ياأغسل المواعين أو أساعد امي بالعشاء أو والله أسويه لحالي
تراني جنيه سنعه أعرف أطبخ ترى


همن مثل المهبوله أرجع للنت
عاد اليوم غير رحت يم بنده
رحت أجيب كاكاويات وعصيرات للثلاجة غرفتي+بطاطس وفشيارات
خزيه ببنت الجيران بكرة بتسهر عندي
مواعدتها أوريها مدونة عبدالله بريدة متحمسة بقوة ..تتتتتتتتتتتتتتتتت

ويوم رجعت في آمان الله الا تيته وخالاتي عندنا وووووع ووووووع ..أبكي لان بوه مبزرة
همن تقهوينا وسولفنا وصلينا العشاء وقبل ترى مصليه المغرب تتتتتتتتتتتت والله مصليه

همن حطينا العشاء ميته جوع
وغسلنا المواعين
وراحت وحده من خالاتي وباقي وحده +تيته
وجلسة مع بنت خالتي راحت لأول ثانوي ..عادي اجلس مع كبار وصغار مافيه مشكل
همن علمتها على الفوتوشوب +البوبينت ..مسكينه طااااارت من الفرحه
همن قبل شوي راحوا
وتيته حتبات عندنا
فاصل (تقول لي تيتا: ترى الدنيا مهوب باتله لك بس نوم وماتقومين الا الظهر )
مير أحط أصبعي عند مخي قلت كيفي والله بشبع نوووووووووووم
واخر ماأفكر به الناااااااااااس
ترانا بعام 2009 موب زمانكم
بنااااااااااااام لين يدق رأسي والله حاله ,,


والحين مرتزة بغرفتي القميله الا مرتبه بالحيل
مير ودي أقوم أضفها قبل لاتجي بنت الجيران باسر
تقول أمي : لو يدخل بها بعير غداء يعني ضااااااااع
تتتتتتتتتتتتتتتت
ماما تبالغ والا أنا بنت سنعه بس
تصدقون ماأرتاح أحياناً الا لمن يصير فوضوى وحووووووووسه
أحس شعور نااااايس

هذا يومي مير يحوم السبد نوووووووووم +نت
لاتغيير ولا شيء
وعندي خطة مستقبليه أخذ دورة فديو أستديوا
تهبل أنصح بها خيييييييييال
بس بحوش المصاري همن ادخلها بعون الله بعد رمضان
عاد الله واكبر هالمصاري تمكن وأتوقع ب 800 ريال بس

اتمنى تكون الجنيه خفيف ظل عليكم **

وأخترت العضو بص بحاول أقدر أرسل له أو لسه ماسمح لي
ولو لم يسمح لي بحط أسمه وارسلوا له لاهنتوا أوكي ..

وأشكر مره اخرى حكاية إحساسي على الإختيار **

[بي من طبع الجن]

بما أني فقيرة إلى الله مايسمح لي أستعمال الرسال الخاصه
يقولون توك بزره لمن تكبرين ..تسذب
أختاااااااااااار نقوووشة
عاد يالله أزهموا عليها قولوا لها تقول بي من طبع الجن
تعالي أسدحي يومياتك **

[حكاية إحساس]

هههههههه ياحليلك يا جنيه اثركم مثلنا سبحان الله

خلاص تراني ارسلت لنقوووشهـ

[بي من طبع الجن]

السلام عليكم ورحمة الله وبركاته
أولاً :شكراً حكاية إحساسي
لاختيار الجنيه لابعد ياخف دمه تقول بشوف وشلون يوميات الجن
ياحبيبتي زي أي مواطنه سعودية ..

ثانياً : يومياتي وهي كما يلي/
أقوم من وحده ووراء همن أصلي
وأنزل مثل مدمنه المخدرات أدور زمزمية قهوة
وياويلهم وسواد ليلهم أن كانوا مخلصه أو مكبوبه
ليه؟؟
لاني من ثاني إبتدائي وانا أشربه يعني
والله ثم والله لو يتاخر موعدها لو بنصف ساعه خلاص
رأسي يوجعن مايصفى الا من بكرة لمن شربته بوقته وماينفع
معي لو أشربها بعد الصداع أو اكل مسكنات ..
يعني مدمنه على أصووووووووووول ..



همن أصب لي فنجال أقعد أشمه لين يرن دماغي واطقق الزمزمية
همن عاد أقوم ياأتغداء او لا
وإلزامي دخول عالم المطبخ وأدخلوا هذا الموضوع
شوفوا معناتي اليوم وعععع وعععع ..أبكي

http://www.buraydh.com/forum/showthread.php?t=196625

هالصيف ماش الشهيه عدددددم بقوووووة
لان النوم دمااااااااااااااار

همن لمن خلصت طيران للنت كنه أوكسجين وأي أوكسجين

يعني يكون على أذان العصر
هم أقوم أصلي يعني لاتقولون جنيه ماتعرف الصلاة
ياأرجع أنام أو أطلع منا ومنا ..الله يرحم حالي حدي بنت الجيران تتتتتتتتتتتت

وأرجع همن المغرب عاد موعد القهوة الثاني وبرضوا
مهم جداً ويسبب لي صداع لو يفووووووت

همن أدخل النت ويالله تمعطني أمي منوه
همن أقوم أحوس بهالمطبخ ياأغسل المواعين أو أساعد امي بالعشاء أو والله أسويه لحالي
تراني جنيه سنعه أعرف أطبخ ترى


همن مثل المهبوله أرجع للنت
عاد اليوم غير رحت يم بنده
رحت أجيب كاكاويات وعصيرات للثلاجة غرفتي+بطاطس وفشيارات
خزيه ببنت الجيران بكرة بتسهر عندي
مواعدتها أوريها مدونة عبدالله بريدة متحمسة بقوة ..تتتتتتتتتتتتتتتتت

ويوم رجعت في آمان الله الا تيته وخالاتي عندنا وووووع ووووووع ..أبكي لان بوه مبزرة
همن تقهوينا وسولفنا وصلينا العشاء وقبل ترى مصليه المغرب تتتتتتتتتتتت والله مصليه

همن حطينا العشاء ميته جوع
وغسلنا المواعين
وراحت وحده من خالاتي وباقي وحده +تيته
وجلسة مع بنت خالتي راحت لأول ثانوي ..عادي اجلس مع كبار وصغار مافيه مشكل
همن علمتها على الفوتوشوب +البوبينت ..مسكينه طااااارت من الفرحه
همن قبل شوي راحوا
وتيته حتبات عندنا
فاصل (تقول لي تيتا: ترى الدنيا مهوب باتله لك بس نوم وماتقومين الا الظهر )
مير أحط أصبعي عند مخي قلت كيفي والله بشبع نوووووووووووم
واخر ماأفكر به الناااااااااااس
ترانا بعام 2009 موب زمانكم
بنااااااااااااام لين يدق رأسي والله حاله ,,


والحين مرتزة بغرفتي القميله الا مرتبه بالحيل
مير ودي أقوم أضفها قبل لاتجي بنت الجيران باسر
تقول أمي : لو يدخل بها بعير غداء يعني ضااااااااع
تتتتتتتتتتتتتتتت
ماما تبالغ والا أنا بنت سنعه بس
تصدقون ماأرتاح أحياناً الا لمن يصير فوضوى وحووووووووسه
أحس شعور نااااايس

هذا يومي مير يحوم السبد نوووووووووم +نت
لاتغيير ولا شيء
وعندي خطة مستقبليه أخذ دورة فديو أستديوا
تهبل أنصح بها خيييييييييال
بس بحوش المصاري همن ادخلها بعون الله بعد رمضان
عاد الله واكبر هالمصاري تمكن وأتوقع ب 800 ريال بس

اتمنى تكون الجنيه خفيف ظل عليكم **

وأخترت العضو بص بحاول أقدر أرسل له أو لسه ماسمح لي
ولو لم يسمح لي بحط أسمه وارسلوا له لاهنتوا أوكي ..

وأشكر مره اخرى حكاية إحساسي على الإختيار **

:b6:محد جازت له يومياتي لنا الله
ياحبيل حكاية إحساسي شكلي بخليها جنيه مثلي**:b6:

[الـست صبـيـبـه]

وانـــــــــــــــــــــــا ودي اقررق مثلكم

[نقوووشهـ]

احم احم
اول شئ مشكوررة بي طبع....>>>>على اختياااارتس لي
واشكرر حكايه احساس>>>>علشااانه خبرررتن عن الموضوع
7
7

بسم الله يومياااتي هي.............
اصبحنا في الصباح والنبي الفتاح<<<هذا اول مااقووم
<<<لااا عاااد تبون الصرااحه
اقووم بعد صلاة الظهر واحياننا العصرر<<<خبرركم لاصرت............
واصلي واترووش وانززل ابلع مع العائلة الجميلة
ولا خلصت ارووح احووس احياننا اكسل وانااام
لا اذن العصرر رحت اتقهووى مع ابيي وجدي الجميل
تساننا نبي نطلع قمت اتلبس واتجخ جخ <<هع
وبعدين عاد العصر تساننا ماطلعنا انواع الكسل الا اذا جدي طنت له
وجاب لنا ببسي وانواااع البلع<<يم يم
بعدين نهاية العصر نبدا نتبطح لمين يذن المغرب<<هع
لا اذن المغرب صليت وبدينا نتقهوى عاد لاازم قهوة المغرب
مع حلاااا ولا خرابيط ولا احياننا كسل بدون شئ مع برحي<<هع
بعدين يذن العشاء وحنا وسواليف وقرق
ونقووم نصلي العشااء ونحووس لمين يجي العشااءّ
لا جااء العشاء تعشيت وقعدت على النت الى مين انصاف اليالي<<هع
.
.
مشكوورة صاحبة الموضوع

[لِـيم’]

ولو غريبه منتيب مسنترة عالنت

حلو الموضوع توي ادري به

ننتظر اللي بعدتس

[سيــ بريدة ــف]

موووووووووووضوع حلوووووووووووو

[شقاوهـ بدلع]

وااو عاد الحين دور مين ابكتب روتيني واختار ..

[شقاوهـ بدلع]

روتيني بسيط وياليت يتعدل هالروتين
اليوم بما اني ماداومت صحيت ع الساعه 2 افطرت طبعا مااتغدى وبعدها جلست بالصاله ماعندي احد ..
اللي صايم واللي مداوم يعني كلهم نائمين جلست ع النت والى الان وبث..
باختار عضو..

[»•° عطر الليل °•«]

عذرآ شقاوهـ ..!
يمنع رفع المواضيع القديمه ... بعد مرور شهر .,؛

آعتذر على آقفالهـ ,

تحيتي