مشاهدة النسخة كاملة : { .. يوميـــــــــات علوووووشــــــــة lZZZZZZZZZl ..
علشانك بس
30-07-09, 09:47 pm
بسم الله الرحمـن الرحيم
8 / 8 / 1430 هـ
,,,,,,,,,,,,,,,,,,,,,,,,
علشانك بس
01-08-09, 07:42 am
السلام عليكم ,,
صباح / مســاء الخيرات والليراااات على المسيرين ,,
كيفكم جميعـــا .. !!
هلا وسهلا بالجميـــع بمدوّنتي المتواضعة ,,
مع اني مو مقتنعه مرة بفتتاحها ,,
لكن ربما انها تكون فاتحة خير .. ويهتدي احد على يدي ,,
أو يرجعون اعضاء بريدة القدماء ,,
أو يرجع الفراعنة ويعتذر عن تخلفه عن حضور الأمسية ويرجع يقيم امسية مدتها ثلاث ايام متتالية ومجانية لعيون منتدى بريدة ,,
أو نسافر لدولة تفتح النفس مع اني مااظنيت شكل السفرة ماتوصل الغاط ,,
عموما ,, المدوّنه وتم افتتاحها ولله الحمد ,, لكن باقي قص الشريط ..
ونحن بإنتظار المدير العام ابو نورة يجي يقصه ويفتتحها افتتاح رسمي ,,
أو نائبة جلوي الشقير ,, ولا مانع من خالد التويجري اذا لزم الأمر ,,
المهم اني من يومين مفتتحة المدونة ومافعلتها ولا كتبت فيها اي شي ,,
ممكن لأنكم تشوفونها .. وانا مو متعودة حدا يشوف فضفضاتي .. !!!!
عموما مدونتي هذي ماراح تكون مدونه متكلفه بتاتا ,, كما في المدونات الأخرى ,,
راح تكون اقرب للبساطه من التكلف والتمثيل <- يعني ياكثر اللي يمثلون :) ,,
منها سوالف ,, ومنها تعليق ,, ومنها فضفضه ,, ومنها خواطر ( هذي مشكوك فيها ) ,,
ومنها طبخات ( مثل .. بيض _ شاهي _ اندومي وغيرها ) ,,
ومنها ايضا تعليقات على بعض الردود في المواضيع العامة أو على المدونات المجاورة ,,
ماسبق .. نبذة مختصرة عن ماسيدوّن في يومياتي بإذن الله ,,
ايفل قيرل
الــــــف مبروك لعلوشه
على افتتاح المدونه
http://www.buraydh.com/forum/showthread.php?t=196032
نورتي الحي بوجودك
الله يبارك في عمرك حبيبتي ,,
الحتّة منورة فيك وفي الجميع ,,
علشانك بس
01-08-09, 07:59 am
بما أن شهر الرحمة والبركة لم يبق عليه الا أيام قلائل ,,
فـ لابد من تهئية النفس لإستقبال هذا الشهر الكريم ,,
والذي نسأل الله جل وعلا أن يبلغنا والمسلمين أجمعين صيامه وقيامه ,,
كيف تهيئ نفسك لإستقبال شهر الرحمة والبركة .. شهر رمضــان .. !!
1- إخلاص العمل لله عز وجل .
2- استشعار نعمة الله علينا بهذه المواسم .
3- العلم بأنه ميدان منافسة على العتق من النار .
4- تهيئة المصحف والانقطاع عن الشواغل .
5- اختيار كتاب من كتب التفسير ككتاب السعدي رحمه الله للرجوع إليه عند الحاجة .
6- أن يخصص الإنسان لنفسه تلاوتين الأولى / تلاوة تدبر بقراءة جزء واحد في كل يوم بتدبره ويقف عند عجائبه وآياته . الثانية / تلاوة أجر وهي التي يكثر فيها الختمات ابتغاء الأجر .
7- إعداد جدول للقراءة يوفق فيه الإنسان بين قدراته وأعماله .
8- تعويد النفس على الدعاء ورفع اليدين .
9- تعويد النفس على الجلوس في المسجد أدبار الصلوات وخاصة صلاتي الفجر والعصر .
10- تعويد النفس على الصدقة والبذل والعطاء.
11- الحرص على تحفيز النفس ومضاعفة دورها في العمل الصالح مثل قراءة حياة السلف وحالهم في رمضان .
12- الاستماع إلى الأشرطة وقراءة المطويات الخاصة بذلك .
13- تعويد النفس على القيام وذلك بالزيادة في الوتر والتهجد .
اللهم بارك لنا في شعبان وبلغنا رمضان ,,
وارزقنا صيامه وقيامه ايماناً واحتساباً ,,
علشانك بس
04-08-09, 01:54 pm
مساء الخيرااات ,,
<- جاية تهوش وتتشرّه ,,
والله ياعليكم مستشفياات زرااااايب مو مستشفيات ,,
وش ذا النظام المتخلّف ,,
وش ذا المكان الزفت للمستشفيات ,,,
وش ذا البنايات اللي تضيق الصدر ,,
التخصصي كلله زحمممه مافي مواقف سيارات ,,
لازم توقف برااا وتنزل تدكها مشي تحت اشعة الشمس الحاااارقة ,,
وعلى نسيم الهواء الحااااار اللي يحرق الوجوه واليدين ,,
لأنهم بسلامتهم مو حاطين الا كم موقف وكلها تمتلي من سياات الموظفين ,,
والمراجعين يوقفون برا ويدخلون مشي ,,
* عادي وانت تمشي رايح من مبنى العيادات للمبنى الرئيسي تصدمك سيارت وتموت ولا احد يدري عنك ,,
لا مطبات صناعية ,, ولا خطوط مشاة ,, والعالم اللي تمشي بالسيارات تمشي بدون عقول ,,
وبما انه مافي طريق مشاة لازم تمر على بعض الأرصفة المزروعة بالثيّل ,,
ولما تمر تسبح من الرشاشات ورجلك تدخل جوا التراب والطين ,,
وتصير حالتك زفت الززفت ماوصلت للمبنى المقصود ,,
ولما تدخل جوا المبنى تلاقي الززززحمة بجميع اشكالها وألوانها ,,
الناس جالسين ينتظرون أدوارهم اللي ماراح تجي الا بعد ثلاث ساعات ومشغلين عيونهم مناظر بخلق الله ,,
اذا مشت الحرمة ينخلونها نخل بالمناظر ,, تستحي تمشي من نظراتهم ,,
كل موظف توقف عنده تسأله عن شغله بالمستشفى ,, سواء عيادة .. أو اجراء معين ,, يقولك ماادري ,,
ولاّ .. يجاوبك بكل ثقة ,, ويصير جوابه مو لم جادّة ,,
بعد عناء بذا المستشفى اللي ماشبهت نفسي فيه الا بمصر من شين بناياته وزحمته صار شغلنا مو بالتخصصي ..
صار بالمركزي اللي أزفت وأزفت ,,
طلعت واتجهنا لمستشفى المركزي ,,
يوم اقبلنا عليه جاني غلقة ,, وهان علي شكل التخصصي والمعاناة اللي لاقيتها فيه ,,
المستشفى محاط بأشجار البرسوبس ,,
بالله عمركم شفتو مستشفى جميع جدرانه متسدله عليها اشجار برسوبس .. !!!!!!!!!
اللي جاي يعالج عن الحساسية بيموت عندهم ,,
تعوذنا من ابليس ودخلنا بعد عناء تدوير الموقف بالتراب والغبار ,,
العباية صارت بيضااااء ,, ورجولي صارن شهب لهب ,, لو انا دارية بذا الحالة كان لابسة بوت ,,
بعد مادخلت من البوابة لقيت على يساري كراسي انتظار نساء ,,
حاطين انتظار النساء بوجه البوابة قدام الرجال الرايحين والجايين ,,
صايرة الجلسة مبتذلة للمارّة ,, والحريم جالسات بالحرّ ,,
بعد مااتعززت للجالسات ,, مشيت بطريقي اللي كلله مطبات وحصى ,,
لقيت على يساري مقصف ,, انا متأكدة ان المستشفى مليات حالات تسمم من أكل ذا المقصف ,,,
حاولت امشي بطريقي واتغاضى عن هالمهازل ,,
دخلت مبنى وقصدت فيه المختبر ,,
دخلت وياااااااااااااليتني مادخلت ,,
زحممة .. كل وحدة جايبة خدامتها من شان تسوي لها تحاليل ,,
والكراسي مليانة ,,
ودورات المياة الله يعزكم ملياانة والدخول لها بالدور ,,
طارت عيوني ,, حاولت ابلع اللي جالسه اشوفه واسكت ,,
ابي اخذ نفس عميق عجزت ,,
تعوذت من ابليس وقلت خلاص دامي وصلت بتحمل هالمرحلة بجلس وبخلص شغلي وبطلع بسرعه ,,
اول ماجلست وجلست اللي معاي من شان تسوي التحاليل طاحت عيني على طاولة قدامي فيها جميع علب التحليل المستخدمة ,,,
وربي انصدمت وحسيت اني لو بجلس دقيقه يمكن انفجرررررررر ,,
كيف الحريم اللي جالسات متحملات الجلسة القذرة .. !!
وكيف متحملات الروائح القذرة ,,
مسكت اللي معاي وقلت بسرررعه اطلعي خلاص وصلت حدي ,,
وين عايشين .. ؟؟؟؟؟
وربي لو تشوفون المكان ان تقولون هذا يافي بنجلاديش أو في الهند ,,
قذارة ,, اهمال ,, تسيب ,, تخلف ,,
يعني المبنى واتغاضينا عنه ,,
الى حد ان المختبر بالقذارة هذي .. !!
وربي هذا المرض بعينه ,,
وماندري عن العيادات الثانية والمباني الثانية اللي مامريناها ولا ندري وش بلاويها ,,
قسم بالله العظيم لو انا عارفه انه بيحصل لي كل اللي حصل مااطب ذا المستشفيات الخايسة ,,
لكن مشكلتي ماكنت اعرف بذي المهازل ابدا ,,
طلعت وانا ماسويت شي ,,
ابي اوصل للبيت بسرعه ,, ابي اتحمم ,, احس اني ابي اطب بالبانيو انا وعبايتي ,,
ابي انسى اللي شفته واللي حصل لي ,,,
نمت الظهر وصحيت العصر وكأن اللي حصل لي الصباح كلله حلم ,,
ومو بس حلم ,, إلا كااابوووووس ,,
المشكله ان اللي ذكرت لكم نقطه من بحر اللي شفته ,, لكن ماذكرت الا اللي حسيت اني لي دخل فيه وعذبني جد ,,
خلاص تووووبه اروح لهالمستشفيااات ,,
والله لايحوجني لهااااا ,,
علشانك بس
04-08-09, 11:31 pm
وش سالفة تغيير المعرفات .. !!!
لي يومين اسمع ان فلانة وعلانة صارو يغيرون معرفاتهم ,,
ليه .. ؟؟
مااأدري .. !!!!!
بعدين اللي ينوي يغير معرفه يجي يقولي ,,
تراني مااسمح أبدا باللف والدورااااان ,,,
واللي قالت لي امس انها بتقولي وش معرفها الأول تعجّل علينا :) ,,
<- تنتظر الرسالة ,,
علشانك بس
05-08-09, 12:20 am
عاشق ديرتي بريــدة
حمدلله على سلامتي
انا جيت
وهــ طاح هم سفر السنه والله يعين على سفر السنه الجايه أن كنا من الحيين ,
<<<< وهو راجع بالخط يفكر بالسنه الجايه ... خوش وناسه خخخخخخخخخخخخخخخ
ياشين اللي يروح من غير نفس ,,
أجل تفكر بالسنة الجاية الله يحيينا هه ,,
سفرتك شويه ,, الصراحة انكم قنوعين ماشاء الله ,,
بس ماقلت لنا أي دولة اتشرفت بزيارتك .. !!
والف الحمد لله على سلامتك ,,
وياعسها سلامــة دايمة ,,
علشانك بس
05-08-09, 01:27 am
عاشق ديرتي بريــدة
مدونة الأخت علشانك بس يعتبر اول موضوع لها بالمنتدى .. وش العضوه ماله اي موضوع خخخخخخخخخخخخخخخخ
تراني اتهدد على هالمدونه بعد هه ,,
وموضوع عموري اللي كتب فيه عن العضوة علشانك بس يعتبر لي <-- سرقة عيني عينك ,,
وماتدري يمكن يكون فاتحة خير مع اني ماظنيته :c7:
علشانك بس
05-08-09, 02:25 am
السلام عليكم جممممميعا
وواتمنى تكونو الخير
بصراحة عندما يكون لديك معرف ويصل مشاركاته للاربعة الالاف
فحتما ستجد ان لهذا العضو مواضيع ومواضيع كثيرة ايضا
ولكن عندنا عضوة اختلفت عن الجميع واعتتقد انها ظاهرة تستحق الدراسة
العضوة
علشانك بس
عضو ذهبي
عندما تشاهد مشاركاتها ولم تجد لها موضوعا واحد بل كلها ردود ماعدى موضوع واحد وهو مدونة شخصية لها
والسؤال هنا
هل بامكانك ان تشارك ب4 الاف مشاركة بدون كتابة موضوع ما
هل ستكون ردودك بنفس القوة اللتى تكتب موضوع ما
اكتب رسالتك الي العضوة علشانك
وهل توقعت ان مشاركتها كلها ردود او انك تفاجأت بذلك
وقد ذكرتنا بطيب الذكر لمبة شارع
وتحياتى الكم
وترا فكرة المضوع مقتبسة من عااشق ديرتي
يعنى هو يبي يتولي الموضوع
وهههههقه
وقبل كل ذلك
مبارك عليكم قرب شهر رمضان
شفتو عموري وش سوى فيني .. !!
فتّح عيون العالم عليّاااا ,,
ياشماتة أبلا طازززة فيّااااا ,,
علوووشة .. ظاهرة تستحق الدراااسة ,,
ننتظر دراساتكم ,, وطرحها والإستفادة منها ,,
عموووري ,, لفتة فعلا تستحق الدراسة والإطلاع :) ,, أشكرك ,,
علشانك بس
05-08-09, 04:29 am
الإحســـاس نعمــة
علشانك بس
05-08-09, 06:22 am
أبدا .. ما أسمح لأي عضو انه يتقرب لأي عضو آخر على حساب علشانك بس ... !!!!
علشانك بس
05-08-09, 04:37 pm
غيــــــــوم
علشانك علشانك علشانك انتِ انتِ علشانك
منهو اللي موذيتس علشان نطب ببطنه ونقرطبه ونكسر ضلوعه هاهـ يامال الصخنه
اي عندك اياه ياحبيلك ,,
لاتخلين فيه عرق ينبض ,,
والله بعض الناس غريبين جداً ,,
يخطُون .. ولما نحسسهم بخطأهم يقولون ( كـان لزاما عليكِ أن تعرفي )
مدري ليه مايكون ( كان لزاماً علينا ان نشرح لك الموضوع )
بعض المواقف تكون قوية ولا تُحتمل .. ومرات لاتُغتفر أيضـا ,,,,
علشانك بس
05-08-09, 04:58 pm
رزه,,مرتزه
موقوف من قبل الأدارة
لييييه يارزه ليييييه .. !!!!
علشانك بس
06-08-09, 04:34 am
مافيني اشارك اليوم احس اني تعبانة مررة :36_1_4[1]
0
0
وبعد ساعتين رايحة الرياض ان شاء الله ,,
0
0
بفقد الجلسة معاكم الصباحية ,,
علشانك بس
06-08-09, 05:22 am
الحمد لله ,,
بعد طول إنتظــار ..
,
,
يرجـع الأمــل بنقطة التحوّل .. !!!!!
,
,
امنيتـي ألا تكون كسابقتها .. فتخذلني وتكون مكـانك سرّ .. !!!!
علشانك بس
07-08-09, 08:11 am
لسوعة ,, ماتفقدين غالي ياغالية ,,
طلعت امس الصباح والدنيا شابه هوشات ,,
ماامداني الحق آخرها ,,
واليوم وصلت الهوشات لموضوعك والله يستر مايحطو عليه الشمع الأحمر .. !!!!!
همسة لكل من ... سارة ,, الريم ,, أميرة ,,
اشوف ان اسلوبكم مو اسلوب نقاش ,,
ولو كان هواش حتى مستحيل راح توصلون لنتيجة ,,,
لأني اشوف الكلام يتكرر في كل رد ,,
ونفس الردود اللي شفتها أمس اتكررت اليوم لكن بموضوع آخر وبمرأى من الجميع ,,,
صايرين علكة بأفامي الأعضاء ,,
يدخلون يتفرجون على مماعط الشوش ويطلعون ,,
مااعتقد ان هذا الأسلوب يرضيكم ولا حتى يرضينا ,,,
شوفو لكم حل مرضي للجميع ,,
من شان مانشوف تحت معرفاتكم ( موقوف من قبل الإدارة )
وغير هذا حنا مانبي نفقدكم ,,,
علشانك بس
07-08-09, 08:17 am
اوقات ياخذنا الحكـي 00
وننسـى بالحكي اوقات 00
واوقات يجرحنـا الحكي 00
ياليت الكلام إسكــات 00
علشانك بس
07-08-09, 08:21 am
شفت كم موقف بطلعتي أمس ,,
لكن مافيني احكيها لأن النوم صار يداعب جفوني ,,
ودي انام بس وش بينومنـي الحين .. !!!
مشكلتي مااتهنى بنومتـي الا بسريري ,,
واذا سافرت لأي مكان انبسط .. بس اذا جت النومة تجيني الغلقة :( ,,
علشانك بس
08-08-09, 06:36 am
السلام عليكم
سواليف
قبل اقل من ربع قرن في هذا الزمان جرت لنا احداث لن تنسى
(تحسون انها قصة عدنان ولينا لا هذي قصتي انا وزوجتي )
أول ايام الزواج (تسن الجو مغبر!! أو انا واهم )
عند عودتنا الى جده دخلنا أسواقها وندخل هذيك الملاهي (أكره أي شي يدور أو يرتفع عن الأرض ) متعنقطن بالأرض دائماً . أي لعبة تُشير عليها زوجتي وخطره أقولها بلغة الواثق لااااا ماتنفع هذي لعبة بزران . وفجأة أصبحنا وأصبح الملك لله اقول أحسب هالكلمة تبي تمشي زي مامشت قبل هاللعبه وارا في عيني زوجتي إصراراً عجيباً لركوب هذه اللعبة البغيضة على قلبي أممم أقول يامدامتي مافيه إمكانيه نروح عن هذا المكان انا غير مرتاح قلبي قابضني بشدة . تقول لا وألف لا سنركب هذه اللعبه ومن ثم نغادر ، طيب اركبي وانا اراقبك سأكون لك العين الساهرة ، تقول لأ رجلي على رجلك ، ياويلي ، ركبنا وتحرك القطار وانتفض قلبي يمه آه ياقلبي دي اولها اغدينا نازلين وش رايك ؟؟ مافيه رد ، ياارب استر علينا ، القطار بدأ بالسير والأرتفاع ههه ياقلبي ماخلقنا لهذا حنا مثل السحالي عايشين بالأرض حصيات وتربة يالله من فضلك ، السماء ليست لنا لعبنا ارضي سحاحيات .
ارتفع صرت ماشوف شي واللهي انه الموت ، مادري انطلق بنا وللا وشو هالحاله ،
إنه يستعد للنزول يااااويلي الله ياااخذ مرتي اللي تسلطت علينا واللتفت عليها واقول كله منك يامفتريه لوحنا قاعدين بشقتنا مهوب احسن .
وبدأ الصرااخ من الزوجة المحترمه حقتي ووقف شعر رأسي من الروعه وهي تقول خلييييييه يوقف خلييييييييييه يوقف ، قلت لها خلاااااااص الدنيا دي مش لينا احنا مودعيييين دي آخر ايامنا يوم حنا بالأرض واقولك .... ، خلاااص قله وقفففف .
قلت لهابصوت مرتفع جداً طبعاً من الروعه غمضيييي عيييييونك غمضيييي عيونك علشان ماتشوفين شيء .
أنا بلش بشماغي واعقالي ماسكن شماغي بيد والعقال طاح تحت رجيليني ادوره بيد .
وانا اتحرك بغيت املص واطيح من فووووق شفتو بغيت اطيح ، ويصير وجهي ازرق وشفايفي تضخمت من الروعه والصيحة عند الباب عادي ترا الكبارين اللي توهم متزوجين يصيحون !!!
وفيه وحده اندنوسيه ماهمها ، جالسة تناظر فيني وانا بلش بمرتي ونفسي وشماغي صايرن وجهها كنه قدرطبخ من كبره ودي الفها بكف واقولها لاتناظرين (اغفلي غافول)
عجزت اصبر وبديت اقول وووقف تكفى وووقف تكفى بصوت واحد يبي يصيح .
وأخيراً وقف ونزلنا ورجليننا متعرعره من الخوف وقلوبنا واصلات أصابع رجلينا . ووجيهنا صفر وكلامنا متقطع رأرأرأ بأبأ سأسأ .
* وأخيراً
تدرون وين ركبنا ركبنا الله يسلمكم بقطار الموت اللي يجي داخل غرفه !!
يعني هو مايمشي بس يتحرك عن يمين وشمال وقدامنا شاشه كبيره فيها سكة قطار . والأندنوسيه (مارايح انساها ليوم الدين) راكبة بمثل اللي حنا راكبين وبس تبحلق بنا .
الله يمسط بأعدائكم أجل لو أركب قطار الموت الحقيقي ههه يالهوي كان اموت من يوميها .
الحياة شقا < مشقي نفسك وشوله تركب
والسلام عليكم ورحمة الله وبركاته
أستروا ما واجهتم.
-
سبحان الله وبحمده
....عدد خلقه ... ورضا نفسه.... وزنة عرشه .... ومداد كلماته....
___________________________
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
يازين ايام الطفّة للحريم ,,
صدق انهن يستانسن مررة ,,
يعني عادي الزوج يخاطر بحياته لعيون زوجته ,,
سلمان .. قصتك مع المعزبة موتتني ضحك ,,
<- مازالت تمسح دموعها ,,
الله يوسع صدرك بالعافية ,,
بس عاد بسألك بما ان زواجك اكيد مر عليه فترة طويلة ,,
لو تطلب منك المعزبة تركب معها بنفس اللعبة الآن وش بيكون ردك .. !!!
تركب معها ولا تركبها بالسيارة وتوديها لأهلها .. !!
علشانك بس
09-08-09, 10:36 am
وش ذا الأجواء اللي مايعيش فيها الا الضبااااان ,,
طلعت مشوار ضروووري وتوني جاية .. ماااصدقت ادخل غرفتي ,,
وربي ماقدرت اتحمل الأجواء برا ,,
شلون العالم تداوم وتدرس من الصباح الين لظهر .. !!!!
وانا اقول وش في الرجال دايما شهبااان .. صارت الشمس لاعبة فيهم لعب هه ,,
علشانك بس
09-08-09, 11:21 am
اخر هدية وصلتني البارح ,,
من وحدة ذوووق الله سلم يدينها ,,
هذي صورة الهدية ,,
http://up1.arb-up.com/files/arb-up-2009-8/w7p02432.jpg (http://www.arb-up.com/)
علشانك بس
10-08-09, 01:39 am
ليه دايم احتاج اسألك ,,
وش فيك وش اللي زعّلك .. !!!
ليه دايم ردودك تكون .. !!!
نظرة بمعنى شدخلك ,,
علشانك بس
10-08-09, 01:43 am
فاتحة البوم الصور بالجهاز ,,
ودي انزل لكم منها بس بعض الصورتصويرها عشوائي وصايرة حوسة ,,
بحكم اني احب اصور اي شي بيومي لو هو كاس موية ,,
و فاضية وماطلعت اليوم بعد ومروووقه بنزل لكم كم صورة ,,
بس بدون تطنز اذا تكرمتوا :c7:
علشانك بس
11-08-09, 02:58 am
سكرت ألبوم الصور بعد مافكرت وقررت اني ماأنزل ولا صورة ,,
لأن ابليس جاني يركض ,, وقالي ياعلوشة بما ان اغلب الصور فيها اطفال ..
فـ مايصلح تنزلينها ,,
قلت له ليه ياترى .. !!!
قال افرضي نزلتي كم صورة ,, وطحتي بعضوة ولا عضو يقرب لك وجاء لمك يركض ..
ويقولك ياحليلك انتي فلانه .. !!!
ونشبو لك وصارو يطامرون وراك بكل موضوع ويقولون لك شلون الوالدة والوالد :c7:
ويبدون ينادونك بإجتماعات العائلة علوشة وعلوشة ,,
عاد انا شكرته مع انه أول مرة يسوي فيني خير ,,
واستخرت وهونت :c7:
علشانك بس
11-08-09, 03:10 am
الفتــى الذهبـي
حياك علوشه
للحين ماحللو شخصيتك ههه
منوره الحته واللهي ومبروك المدونه
الله يحييك ,,
ويبارك في عمرك ,,
كفشتني وانا طايرة عيوني بالصورة اللي في مدونتك :c7:
الا حللوها بعض الأعضاء وماقصرو ,,
باقي انت اطرح تحليلك ,,
علشانك بس
15-08-09, 04:23 am
صدمة
!
!
!
علشانك بس
15-08-09, 04:42 am
أي شي اذا زاد عن حده انقلب ضده ,,
مع اني احب تجديد اجواء المنتدى بقليل من الهوشات ,,
إلا اني صرت اتنرفز منها من كثرتها وعلى الطالعة والنازلة ,,
وعلى اللي يسوى واللي مايسوى ,,
وغير هذا .. اللي يقهرني اني ماالحق على الهوشات والفضايح ,,
اذا جيت لقيت الطيور طايرة بشرّها وانا اكهكه مع الناس برا البيت ,,
تدرون .. !!!
خلاص علووشة ماتحب الهوشات و الفضايح <-- السحاة المهاجرة على غفلة هه ,,
علشانك بس
15-08-09, 07:05 am
أحيـان .. !!
يعجبني الزعل ,,,,,
وأحيـان .. !!
ماااطيقه ,,,,,,
وأحيـان .. !!
ياخلّي الزعل ,,,,,
اطلبك انا تزيــده ,,,,,
علشانك بس
17-08-09, 04:34 am
صباح الإكتشافات والفضايح ونشر الغسيل ,,
صباح الدوشة والتفكير بالليل الطويل ,,
علشانك بس
22-08-09, 10:23 am
!
!
!
!
علشانك بس
27-08-09, 07:43 am
مشتاااقة للمدونة والسوالف فيها ,,
لكن بحكم اني خارج منطقة القصيم بأجل سوالفي شوي ,,
بس قبل هذا كلله اقول للجميــــع ..
كل عام والجميع بخير ,,
ومبارك عليكم حلول هذا الشهر الفضيـل ,,
اسأل الله ان يتقبل من الجميع صيامهم وقيامهم وصالح أعمــــالهم ,,
علشانك بس
16-09-09, 03:08 pm
جاري تنظيف المدونة من الغبار ,,
وكل عام وانتم بخير <-- عجلة على العيد :c7:
علشانك بس
18-09-09, 09:40 am
خبر عاجل ..
تم تأجيل الدراسة اسبوع للشيبان واسبوعين للبزارين <- اقصر خبر ,,
ادري ان الخبر وصلكم لكن راح يكون مني له طعم ثاني ,,
خللص رمضان ,, الله يتقبل من المسلمين صيامهم وقيامهم وصالح أعمالهم ,,
علشانك بس
18-09-09, 09:46 am
افكر انقل لكم تغطية اللقاء الرمضاني السنوي لأعضاء المنتدى بمنتزة التنهات ,,
لكن مدري متى افضى وانزلها لكم ,,
بعدين التغطية ماراح تكون بالصور لأن الصور ممنوعه ,,
لأن الأعضاء مالبسو نقابات فـ صعب يكون فيه تصوير :c7:
راح تكون التغطية بالشرح الكتابي المفصل ,,
وطلب مني لأي شخص حاضر اللقاء انه يوافيني بأي معلومة يعرفها من شان تكون التغطية متميزة ,,
وترى المعلومات راح تكون سر في بير ماله قااااع ,,
يالله لاتتأخرون عطوني مين اللي حضر اللقاء بالضبط ,,
ووش كان افطور ,, وهل طعم المنتو اللي جايبة مشقاص حلو ولا مطاريس ,,
وهل كان فيه اي مواقف طريفة أنذاك .. !!
ويالله لاتتأخرون من شان ماأهوّن ,,
لاتتوقعون انها شرافه لالا ابدا ابدا ,,
بس من شان التغطية <- تحس ان عبد الله الحلوة حمق عليها :(
علشانك بس
20-09-09, 07:34 am
كم نحن سعداء
عندما ابقتنا الاقدار
الى هذا اليوم
لنبعث التهاني بمناسبة
(عيد الفطر)
الى اناس نحمل لهم
في قلوبنا
كل الحب والاحترام
" وكل عام وانتم بخير "
علشانك بس
20-09-09, 07:35 am
ياعالم انا فاقدة ايفل قيرل ,, اللي يعرف وينها فيه يقولي ,,
قطعت فجأة ,, اشتقت لها حيييييل ,, عسى المانع من شوفتها خير ,,
علشانك بس
21-09-09, 07:04 am
ابشركم عُثر على المفقودة بالمنتدى ( ايفل قيرل ) ,,,
والحمد لله عثر عليها سالمة بدون اي ضروب او خدوش :c7: <- سيارة مو بنت ,,
والأهم انها بكامل قواها العقلية ,, يعني ماانهبلت اشوى ,,
الخبر موثوق ,, وراح ينزل موضوع العثور عليها بتلفزيون بريدة ,,
عندي لها رسالة احتفظت فيها لأني كل مااشوفها اضحك هه ,,
جاني فترة اتواجد بالمنتدى بدون أي مشاركان ,,
تواجد داااائم لكن بصمت محيّر ,,
اعتقد انها عين ماصلّت على النبي ,,
وصاحب هذي العين غلقة صرت مالي خلق المنتدى ولا اللي فيه ,,
تقولون تتوحم اللهم ياكافي ,, حتى الماسنجر ماادخله ,,
وصارت ايفل ماتشوف لي مشاركات بالمنتدى ,,
ولا تشوفني بالماسنجر ,,
صارت تراسلني مرة ارد ومرة ماارد من الغلقة ,,
مااااش البنت انقبض قلبها قالت هذي مو علوشة ,,
وارسلت لي رسالة خاصة ,,
هذي هي ( كودها ماتشوفني :c7: )
المشاركة الأصلية كتبت بواسطة eivl girl
السلام عليكم
واهلا وسهلا فيك
انا مااعرف بس اضن ان المعرف ماخوذ وعلشانك ماتقدر تدخل فيه اثبت لي الشي هذا عدم مشاركاتك وعدم تواجد علوشه بالمسن
----
اذا صدق كلامي انا اشكرك لانك مااسئت لعلوشه بتنزيل ردود مخالفه ولا ارسال رسائل
----
لكني ارجو منك تعيده لها لاني والله افتقدها كثير عزيزه وغاليه علي وردودها تضفي نكهه خاصه للمنتدى فياريت ترجع لها الباسبورد وبنكون لك شاكرين وكل عام وانت بخير
-----
وإذا انتي علوشه بس بخاطرك علي شي ياريت ماتخفينه احب اناقش المشكله وافهمها لعلنا نجد لها حل
ضحكت عليها وانا فيني الصيحة وقتها ,,
بعدها رديت وريحتها ,, عرفت اني علوشة ,,
ياحبيلها هالبنت دايما عجله هه ,,
علشانك بس
22-09-09, 07:53 am
شوفو اللبناني وش يقول مالت عليكم ياسعوديين ,,
مير انا كل يوم تحوم كبدي منكم اكثر من اليوم الثاني ,,
عم تطلّع بالنسوان ,, شو بدك منّون ئللي
لك والله الـ مايحب النسوان ,, الله يبعتلووو علّة
إلّي مين اللي بيسترجي ,, يبعد عن حواء درجة
انا شخصيا نسونجي ,, ولو بصوتي بعلّي
لك والله الـ مايحب النسوان ,, الله يبعتلووو علّة
بغازلها بئلا ليكي ,, عمري كللو بإيديكي
شو السر اسم الله عليكي ,, كل دئيئة بتتحلّي
لك والله الـ مابيحب النسوان ,, الله يبعتلووو علّة
شفتو وش يقول .. !!!
وتلوموننا فيكم ياخشب مسندة ,,
مير انا من اسمع احد يطري لي رجل سعودي علطول يجيي في بالي اشياء كثيرة منها ..
الضبان ,, شجر البروسوبس ,, بعارين ,, رز ولحم ,,
ومن أسمع طاري شوام علطول يجي في بالي ..
ورود ,, ورق عنب وكبّة ومشاوي ,, كناري ,, ماش احس اني عجزت اعبر بس اوافيكم بالباقي بعدين ,,
علشانك بس
22-09-09, 09:50 am
اعذب تهنئة ازفها للماما والبابا ولـ خيي غسان وخيتو رويدا ولخالتو شهيرة ..
وكمانا مابنسى عمتي فتو وعمو سمير جعجع وستو كريمة ترللي وصديقتي الحميمة شريفة كنداسة ,,
<- امها لبنانية وابوها حجازي ,,
ولا انسى بالتهنئة منتداي .. منتدى بريدة بإدارته ومشرفيه واعلاميه واعضاءه ,,
واخص بالتهنئة كل من يحبني ويغليني وشاقي بساقتي هه <-- تتمنين ,,
واقول لهم كل عام وانتم بخير ,, واعاده الله علينا وعليكم باليمن والمسرات ,,
وتقبل الله منا ومنكم صالح الأعمال ,, وجعلنا الله واياكم من عتقائه من النار ,,
(9999980000) هنا استقبال العيدية وياليت تكون معتبرة ,,
علشانك بس
25-09-09, 03:19 am
والله يالماسنجر الجديد ماينفع ابد ,,
شين .. والتعامل معاه متعب ,,
بعدين اللي يعرف وش اسمه يقولي ,,
لأني ابي انصّب عليه (ماسنجر بلس ) مو قادرة لأني مااعرف وش اسمة مئصوف الرئبة ,,
يالله اللي يعرف يقولي بسرعه قبل أهون ,,
علشانك بس
25-09-09, 03:46 am
البرنامج وصل ولله الحمد ,,
اسأل الله ان يجزي من ارسله لي خير الجزاء ,,
خلاص لا أحد يرسل لي البرنامج ترى بحش رجوله حش <-- قضت حاجته :c7:
علشانك بس
26-09-09, 11:41 pm
<-- تسمع اغنية طابت ليلتك نامي وجاها النوم :( ,,
والله ياهو مو وقت نومة أبد ,,
بس ولو بنام ساعة عن قولة اني مانمت ,,
من بعد رمضان البرنامج مختلط علينااا ,,
<-- تستغفر قبل النومة ,,,
البارح محلمة اني اتهاوش مع مودرن عند موضوع ,,
مع اني نايمة نومة طويلة وقارية وردي ,,
هو يقول بحذف الموضوع وانا اقوله حالفة ماتحذفه <-- مهب تواطن الحذف والتحذيف ,,
الحين بنام نومة شوية من تتوقعون احلم فيه .. !!
شكل الحلم بيصفي على ايفل هه ,,
المهم ,, نسيت اقول لعاشق ديرتي بريدة .. الحمد لله على سلامتك ,, كم عصفور جبت لنا من البر .. !! <-- مدري شلون ياكلون عصافير ,,,
وعاشق الخير راعي حلا الشلال .. الحمد لله على سلامتك ,, تعال قولنا وش اخبار عيدكم عساه زين .. !!
علشانك بس
28-09-09, 12:29 am
والله يالملف الشخصي عندي ممتلي اصدقاء احد اعرفه واحد ماعمري شفته ,,
كلهم ضايفيني وانا مااضفت الا وحده ,,
جتني طلب صداقة وقبلتها ,,
وبديت أرعّص على الأصدقاء اللي عندي من زمان وبدا يقولي طلبك قيد الإنتظار .. !!!
مع اني ماطلبت شي .. !!!
هو يبي يقول للأصدقاء اني طلبتهم صداقة ولا بيحذفهم ,, كيف مدري ,,
اللي يجيه طلب صداقة ولا حذف تراه مو مني من الترعيص اللي مدري وش يبي ,,
شكلي بيجيني يوم واحذفهم كلهم :c7:
المهم من الكلام هذا كلله اللي يجيه مني طلب صداقة ولا حذف من الموجودين بملفي تراه مو مقصود بتاتا البتّة ,,
الترعيص ومايسوّي ,,
علشانك بس
29-09-09, 12:46 am
والله يايجين كسل عظيم اذا دخلت المنتدى !!
<<<< اذا دخل حامت سبده وطلع !
من خبرلي شيخ متخصص منتديات يقراء علي
عاشق ديرتي بريدة طاقته عين لاحول ولا قوة الا بالله :( ,,
قدر الله عليه وكشت من شان يصيد له كم عصفور ,,
وجاء بحمد الله ,, لكنه جاء عاشق واحد ثاني ,,
صاير دايما انطوائي ,, يجلس بزاوية المنتدى ولا يطلع منها الا اذا بدا راسة يتطروخ على الكيبورد ,,
وبعدها يطلع من المنتدى ولا من شاف ولا من دري ,,
حتى المدونة اللي دايما فوق ماشاء الله صارت بالصفحات الاخيرة ,,
والتخيلات اللي دايما تزورة ويجي يقولها لنا انقرضت ,,
وتوقف مخه وبدا مايتخيل شي ,, ماندري هو يعرف اسمه ولا لا بعد ,,
شكل العصافير اللي زرطهن بالبر فيهن جنون البقر ,,
الله يستر عليه ,, الصراحة حالته يرثى لها ,,
بحط لكم سطل فيه موية على مدخل المنتدى ,,
وعلى كل الأعضاء من يدخل يقرا في الموية ,,
وعسى ربي ينفع فيها ويرجع لنا عاشق الأول ,,
بس الله يعافيكم مانبي سعابيل مع القراية والنفث ,,
مانبيه تحوم سبده وتزيد حالته ونبتلش فيه ,,
ادعو له يقوم بالسلامة ويرجع لنا مثل اول ,,
خابرتن ام الغضية شاطرة بالقراية ماشاء الله عليها ,,
بزورها واجيب منها كم ورقة قران كود ينفعن فيه ,,
علشانك بس
30-09-09, 12:50 am
الطلاب مبسوطين بتأجيل الدراسة ,,
اللي يشوفهم يقول هذولا يحيون الليل دراسة ومذاكرة وحل واجبات ,,
الله يرحم حالهم ماغير سربته ,, ولما تجي الإمتحانات يحلون بس كل حلهم غش بغش ,,
وبمساعدة المدرسين بعد ,,
على طاري الغش .....
مدرس من المدرسين اتسلط على اخوي ونشب له مايبي ينجحه ,,
طبعا لأن اخوي موريه النجوم بعز القايلة ,,
و بيوم النتائج اخوي نجح بكل المواد الا بمادة ذا المدرس اللي متنحس عليه ,,
اخوي مااتفاجأ لأن المدرس حالف ان يخليه يعيد السنة ,,
اتعوذ من ابليس وجلس يدرس ليلة امتحان الدور الثاني ,,
ومن زود الحرص انا اللي جلست ادرسه ابيه يقهر المدرس وينجح بدرجاته غصب عن المدرس ,,
المهم امتحن اخوي وجاي فاقن خشته من الوناسة ,,
يقول حلليت زين والله ياانا بقهر المدرس وبمرمط خشته بالأرض بنجاحي ,,
الصراحة اني طارت عيوني شلون اخوي جاي بهالثقة ,, ويقول حللي زين ,,
اخبر اخوي لو هو يعرف الإجابة كتبها غلط من العناد اللي فيه ,,
المهم استبشرنا خير من كلامه ,, وواثقين من النتيجة بأنها نجاح بإذن الله ,,
يوم النتائج كشخ اخوي تقولون رايح لزواج بعز القايلة ,,
طلع يجيب النتيجة وحنا واثقين حتى مافكرنا نصحى نتظر رجوعه بالنجاح ,,
المهم .. وكالعادة انا نمت ماصحيت الا المغرب ,,
اول ماصحيت كان عندي مشوار ضروري ,,
صحيت ولبست عبايتي ونزلت اركض ابي اطلع بسررررعه ,,,
حتى ناسية سالفة امتحان اخوي من الخبّة ,,
نزلت لقيته باسط يتقهوى بالصالة ,, قلت له بروح للمكان الفلاني ودني انت ,,
مع انه توه ماسك السيارة وسواقته سواقة هندي توه جاي للسعودية ,,
قالي يالله امشي <-- مستحيل يقول لا يبي الطلعه والسربته ,,
طلعت معاه ,, وماغير سوالف بالسيارة وفللة حجاج ,,
اتذكرت امتحانه فجأة قلت يوووووووه نسيت اسألك ,,
وش صااااار على المدرس الغبي ... !!
وش قال وهو يعطيك شهادتك .. ؟؟
قال وش شهادته .. !!
قلت .. تستهبل انت ... !!
قال لا والله بس وش تقصدين انتي .. اي شهادة .. !!
قلت ماارحت تاخذ نتيجتك اليوم .. ؟؟
قال الا كشخت ورحت ,, تقولين رايح اخذ شهادة الدكتوراه ,,
قلت طيب وجبتها ولا رحت وجيت تدودل وجهك .. !!
قال والله انتس طموحة ياخيتي ,,
انا ارتفع ضغطي منه والله ,, قلت الحين احد قايل لك انك خفيف دم .. !!
ورى ماتقولي وش سويت يوم رحت وتخلي عنك الإستهبال .. ؟؟
قال رحت بس قالولي ظف وجهك انت ساقط بالثلاث ,,
وتراك تبي تعيد السنة لأننا مانقدر نستغني عنك وعن حركتك بالفصل ,,
قلت له بس انثبر لاتفاول على نفسك ,,
بدل ماتحمد ربك على النجاح تخربط هالخربطة وتتطنز .. !!
بعدين وش قال المدرس النحس يوم شافك ناجح .. !!
قال ساقط اقولتس ساقط ,,
عاد هنا بدت ملامح وجهي تتغير بس الحمد لله اني متغطية وقتها ,,
قلت احلف <-- توها توصل المعلومة ,, وحسيت انه يتكلم جد هالخبل ,,
قال قسم اني ساقط ,,
والله ياانا انخفض الضغط عندي واذاني طلع منهن دخاااااان من القهر ,,
ياحسافة تدريسي لك ذيك الليلة وتعبي ,,
بعدين تبي تعيد سنة كاملة يامتخلف يابلييييد ,,
وجالس تتقهوى ولا همك .. !!
قال وش تبيني اسوي اصيح .. !!
هو متنحس علي لو اجيب درجات كاملة بيسقطني لأنه حاالف مايطلعني السنة هذي ,,
عاد تصدقين يااختي اني بيوم الإمتحان غاش من أجود واحد عندنا ,,
بس هو نجح وانا سقطت <-- انا فطست ضحك مع ان عيوني تدمع من قهري ,,
ياربي وش اسوي ,, معقوله يسقطونك وانت دارس ,, وغاش من أجود واحد بعد .. !!
لالا المسألة فيها إنّ ,,
المهم ان الولد سقط وسقطت كل امالي معاه <- وش دخلتس انتي ,,
جد اتضايقنا ذاك اليوم مرة وابوي بغى يطلق امي من القهر ,,
بس الحمد لله عدّت على خير ,,
وخلينا المدرس غصب عن خشمة بنجحه لأننا حسينا انه مظلوم ياقليبي اخيي ,,
الحمد لله راح يبعد عن مدرس النحس هذا ,,
ومع النصائح يقول بفتح صفحة جديدة مع المدرسة والمدرسين ,,
مع ان المدرسين يحبونة وعلاقتهم معاه قوية الا ان ذاك المدرس ناشب له ,,
يقول انه مطوع ومايبي المزح <-- قسم لو تسمعون تعليقاته على ذاك المدرس ان تصيحون من الضحك ,,
الله يوفقه بدراستة الصراحة انه معذب امي بس تلاحقة وهو مبرّد ,,
المهم هذي قصته <-- فاضية مرررة وجلست تقص عليكم ,,
مبسوط بتأجيل الدراسة مع انه مهب يدرس ,,
اخذ الدراسة وناسة وتغيير جو ,, وبالأخير غش بغش ,,
طبعا هذا حال اغلب الطلاب ,,, الله يصلحهم ويهديهم ويوفقهم ,,
علشانك بس
01-10-09, 10:09 am
اجلسي هنا لاتروحين للصفحة الثانية ,,
ان شفتك رايحة هناك حشيت رجولك حش ,,
علشانك بس
02-10-09, 01:20 am
ياربي رباااااااه دايخة ومنقرفه وخايفة وكل مافيني يقول يع يع ,,
تسيف انا أمر مدونة الشنقيطي ,,
مريت وشفت صورة الشيعة اللي معذبين انفسهم واتحسفت اني دخلت والله ,,
بس لما مشيت بالمدونة شفت مشاركة اعجبتني ونستني صور القرف اللي شفتها ,,
--------------------------
شوفو هالمشاركة من مدونة الشنقيطي بعد اذنه بنزلها لكم مع كم تعليق ,,
.. يقولكم الشنقيطي ,,
اعظم قصة حب عرفها التاريخ
ليست بقصة ليلى وقيس
أو روميو وجوليت او غيرهم
انها قصة مختلفة من نوع آخر
الصور تغني عن الكلام
( بحط لكم الصور مع تعليقي عليها )
شوفو هالعائلة عيني عليهم باردة ,, يهبلون يهبلون ,,
http://up1.arb-up.com/files/arb-up-2009-9/uvx14589.jpg (http://tubezik.com/)
http://up1.arb-up.com/files/arb-up-2009-9/ZGo16078.jpg (http://tubezik.com/)
----------------------------------
علشانك بس
02-10-09, 01:49 am
اظن شفتو هالعائلة الحلوة في الصورة اللي قبل ,,
بس هنا لازم تركزون على الشاب الوسيم اللي فيها اللي هو الزوج ,,
سبحان الله حرمته فيها اعاقة وتشوه ,, واللي يشوفها يقول ياسبحان الله ,,
مع هذا هالشاب الوسيم حبها واتزوجها وخلّف منها صبيان وبنات ,,
وتسوى عيونه وهي كذاااا معاقة ,,
ياربي ان الشكوى لك ,, كل هالحلا فيه ويحبها رغم اعاقتها .. !!
والسعوديات ينقطن ملح وقبلة وجمال ونعومة ولا تلقى من يحبها ,,,
واذا لقت شاب حبها تلقى وجهه مايساعد على انها تناظر فيه أو تتغزل فيه ,,
أو حتى تتخيلة في حال غيابه ,,
هذا شلون بتتزوجه .. !!
شلون بتجيب منه عيال يشبهونه .. !!
سبحاااان الله ,,
كاملين هالسعوديات والكامل وجهه سبحانه ,,
ولا نلقى من نصبح في وجهه من شين هالسعوديين ,,
مااقول الا سبحان موزع الأرزاق ,,
وش يفرقهم عنّا .. !!
المفروض صفات السعوديين تكون فيهم هم من قساوة قلب وخيانة وعدم تقدير واحترام للحرمة ,,
لكن نشوفهم العكس .. قلوبهم مافيها لا ايمان ولا خوف من الله ,,
مع هذا قلوبهم كلها حب ووفاء لزوجاتهم وعشيقاتهم ,,
مالت على هالسعوديين ,, رازين خششهم على اللي يسوى والي مايسوى ,,
ان حب الحرمة رز خشته عليها من شان يوريها ان شخصيته قوية ,,
ويخاف اذا اتزوجها تدوس مهابته ,,
واذا ماحبها حسر بها ووراها نجوم القايلة ,,
ربي يصبرنا عليكم ياشهبان يالهبان ,,
ياربي حنا راضين بقسمتك ,, ياربي ترزقناااا الجنة على صبرنااااا ,,
-----------------------------------------
سبحاان الله ياقربها لم الأرض هالحرمة :( ,,
الغريب انها في امريكا ولا بريطانيا ولا ركبت رجول صناعية ,,
بس ليه تركب وزوجها يموت فيها برجول ولا بدون ,,
وه ليتهم يعْدوننا :c7:
ياويلي يهالرجل ماغير يجرجرها هي وهالبزارين حتى بالأسواق,,
مايدري وش يبدّي ,,
غير تربية عياله .. مبتلش في حرمته ,, وفي شغل البيت ,,
اتخيلت سعودي يربي عياله بالبيت ,, ويشتغل برا البيت ,,
ويغسل ويتظف ,, ويمشّي زوجته وعياله ,,
ومع هذا ماقصر بحبه لزوجته ,,
قهر ليتني مو سعودية ,,
مجلعدين بالأسواق ويكشخ فيها ولا همه ابن ابوه ,,
ويشوفها احلى وأجمل وأكمل زوجه ,,
مالت عليكم ياخشب السعودية ,,
----------------------------------
علشانك بس
03-10-09, 03:54 am
المنتدى يعيش حالة ركووود مو طبيعية ,,
حتى بعض الأعضاء مستغربة عدم مشاركاتهم مع انهم كانو شعلة في اقسام معينة ,,
وقلما اجد موضوع ماشاركو فيه ,,
واعضاء اتغيرت تواقيهم وصارت الغاز بألغاز ,,
وناس صارت مدوناتهم رسايل لفلان وعلان وحنا ماغير نقرا وعلامات الإستفهام تدور حول رؤوسنا ,,
تبون الصراحة .. !!
ودي ادري وش السالفة :c7:
علموني تراني مانب اعلم أبد ,, انا بير مالهووووش أرار ,,
علشانك بس
03-10-09, 04:24 am
علشانك بس , مدرعمهـ , احساس روحي , بياع الورد , »•° عطر الليل °•«
مدرعمهـ <-- هالعضوة تعجبني كثير ,,
هي فعلا مدرعمة ,, اسم على مسمى ,,
اي شيئ مايعجبها تنتقده ببراءة ,, طبعا بأدب ,,
واذا تسلطت على عضوة معينة تبتل ناشبه لها ماتفكها الا الين يقفلون الموضوع هه ,,
اشوفها ماتحب التميلح أبد ,, واللي بقلبها على لسانها ,, بسيطة جدا ,, ماتتكلف لا بردود ولا بغيره ,,
بالمختصر المفيد ليت كل البنات مثلك يالمدرعمه <- ولا تنسون صورتها احسها تمثلها مره هه ,,
ربي يوفقك يامدرعمه وفالك الإشراف على قسم المجلس <- عندي احساس انها لو بتمسك الإشراف على المجلس تبي تحذف الموضوع المثبت حق خالد التريجري من الحماس هه ,,
مانبيك تزعلين يامدرعمه ترى التعليق اللي سبق كلله مزح ,,
علشانك بس
03-10-09, 04:29 am
تسن البرد جاء .. !!! ولا انا واهمة .. !!!
علشانك بس
05-10-09, 02:14 am
الناس مدّهرين بالكتابة بالمدونات ,,
والدليل ان مدونتي بقى ثلاث دقايق وتروح للصفحة الثالثة ,,
يالله ان الشكوى لك ,,
علشانك بس
05-10-09, 02:21 am
الذين يشاهدون محتوى الموضوع الآن : 2 ( الأعضاء 2 والزوار 0)
علشانك بس , سلمان عبدالعزيز
سلمان عبد العزيز ,, والله من السويليفات اللي توسع الصدر ماشاء الله تبارك الله عليه ,,
بويرد ,,
مدونته كاملة شاملة ,, دينية .. ثقافية .. فكاهيه .. اجتماعية <- هذي من عندي ,,
زورو مدونته ترى مالكم الا أجر <- تبي تدخل معه بالأجر ,,
ماندري يمكن يتعض احد والسبب الله ثم انا :c7:
علشانك بس
06-10-09, 03:47 am
يالله ان الشكوى لك ,,
<-- متغلقة وزملة وخايفة ,,
حتى المنتدى مايساعد اليوم سكون وركود وضيقة خلق :( ,,
علشانك بس
06-10-09, 03:32 pm
<-- حاليا في جدة ,,
أسرح وأمرح ,, والرطوبة اخف من أول بكثير ,,
يالله شدو الرحال لجدة قبل ارجع .. تراي ماهنا طولة هناك ,,
علشانك بس
07-10-09, 04:18 am
جتني رسالة خاصة برابط ,,
لما فتحته لقيته ملف عضو بمنتدى بريدة ستي ,,
تدرون لمين الملف الشخصي .. !!
لوحدة اسمها علشانك بس ,,
توني ادري اني مشهورة والكل يتسمى بإسمي خخ ,,
المهم ان ذاك المعرف ليس لعلوشة ولا يمت لها بأي صلة لا من قريب ولا من بعيد ,,
علوشة فقط هنا وفي منتدى بريدة نت ,, اما اللي في بريدة ستي فهو معرف مزور ومو لي ,,
علشانك بس
07-10-09, 06:06 am
ياناس في قلبي شي ابي اطلعه :( ,,
اذا اتذكرته جتني الروعه وربي ,,
وغير هذا انقهر اني سكت مع انها مو من عوايدي والله ,,
بس اتفاجأت وخفت واستغربت .. اجتمعت كلها سوى واتوقف التفكير عندي ,,
خلوني اقولكم اللي حصل ,,
كنت بالطيارة راكبة بأمان الله وماعندي من الشيطان طريق ,,
طبعا مكاني دايما جنب الشباك من شان الطلطلة عند الإقلاع وعند الهبوط ,,
المهم .. عند الإقلاع تمت الطلطلة بسلام الحمد لله الين طرنا بالسما وبعدها سكرت الشباك ,,
وجست اتصفح مجلتهم ,, بعدها مسكت الآي فون واتعمقت جواته الين بدت عيوني تزغلل منه ,,
سوالف تصفح تضغيط بالآي فون ,, اضيع وقتي الين اوصل لأني فيني نوم وابي اوصل بسرعة ,,
جاء وقت الهبوط وربط الأحزمة ,, تربطنا وتحزمنا من شان توقّع بأرض الله ,,
وفتحت شباكي وقربت اويدز انتظر معالم الأرض تبيّن لي وافرح ابي انااااااااام تعبانة ,,
بوقت ماانا جالسة اتفرج حسيت بشي غريب يقرب لم يدي اليمين اللي هي جنب الشباك ,,
علطول نزلت عيوني من الشباك للفتحه اللي بين كرسيي والشباك ,,
لقيت يد رجل تقرب لم يدي :(
بسررررعه فزيت فزة من قوتها بغى ينقطع قلبي ,,
اتخيلو جالسة اتفرج وهالكلب الحقير السافل اللي بالكرسي اللي وراي دخل يده علي من جهة الشباك ,,
يبي يمسك يدي :( ,,
قسم بالله انهبلت يديني صارت ثللللج وقلبي يدق بسرررعه ومدري وش اسوي ,,
هو حس فيني فزيت لأني بعدت عن الكرسي بسرعه خاطفه ,,
وحس بحركة الكرسي وبفزتي وشال يده علطووول ,,
وقتها اتفاجأت واللي زات علي الروعه هبوط الطيارة <-- مو وقت هبوط منحيني مرتاعه وجت روعة الهبوط ,, احس اني دخت ,,
ياربي وش اسوي .. !!
مو من عوايدي اسكت على هالحركات ,, بس المشكلة المكان مايساعد ابدا ,,
ومع ان لساني طويل طوله مترين الا اني بلعته من الروعه ,,
ولو بسوي أي شي بتكون ضجة ومشاكل بالطيارة انا بغنى عنها ,,
اتخيلت تكون هوشة رجال بالطيارة والسبب هالكلب ,,
اتعوذت من ابليس وسكت ولصقت باللي جنبي ,, وبعدت عن الشباك مررررة ,,
واللي قاهرني ماشفت شكل اللي وراي ولا ادري وشو ,,
يوم هبطت الطيارة وجلست افك الحزام .. حاولت اهدي الوضع ابي الكلب اللي وراي يطلع ابي اشوفه ,,
واحاول احبرش بشنطتي ابيه يقوم واشوفه ,,
مل ينتظرني اطلع من الكرسي وانزل من الطيارة عشان يكون وراي ,, وشافني متكيّة وقام بينزل ,,
شفته .. لقيته سعودي كاااشخ مرة وقطعني بالمناظر جعله يفقد عيونه الليلة قبل بكرا ,,,
ياربي وش اسوي .. !!
نزلت ودخلت المطار ونفسي براس خشمي من القهر والروعه ,,
واللي مضيق صدري اني ماقلت لأحد :( ,,
تتوقعون سكوتي بنفس اللحضه غلط .. !!!
مع ان التوقيت كان مو بصالحي ابدا لأني لو تكلمت يمكن تطيح الطيارة من الهوشات والمشاكل اللي بتصير ,,
وسكوتي بيخليه يتمادى بتصرفه معي ومع غيري ,,
والله لو ماني بالطيارة والأمر ماكان مفاجئ بهالطريقة اني لأخليه فرجة للي يسوى واللي مايسوى ,,
بس الشكوى لله مابالأقدار حيلة ,,
الروعه مو راضية تروح ,, يبي لها كم يوم ,,
يده وهي تدخل علي من جنب الكرسي صايرة بين عيوني الين الحين ,,
ياجعله يمد يده من الفقر والإعاقة ,,
علشانك بس
07-10-09, 06:18 am
ببصراحه حركه وسخه حمار فاضي تسان قلتي لو بك خير حطيت بيدي خمس ميه بدل تمسكه هع
شوفو رد ايفل مالت عليها هذا بدل ماتسمي علي من الروعه ههه ,,
جعل خمس مية افغاني يطبون في حوض بطنه ويتوطونه الين يعرف ان الله حق ,,
علشانك بس
07-10-09, 09:33 pm
http://www.buraydh.com/forum/showthread.php?t=201085&page=22
هذا موضوع لبنت منيرة الله يطول بعمر منيرة ويخليها لعين ترجيها ,,
وبشوف علوشة في عيون الأعضاء جعل عيون الأعضاء ماتعمى ,,
يالله كل اللي يشوف هالرابط يكتب علوشة وش هي في عيونه <- من زين عيونكم عاد بس نتحمل من أجل الدعوة ,,
ترى اللي يوطوط بهالمدونة وهو ماراح يكتب بحش رجولة حش ,,
علشانك بس
08-10-09, 12:58 am
ياشين اللي مايطلع يوم الإربعاء ,,
أول مرة اجلس الإربعاء ماطلع من البيت ,,
عاندت وجلست وصارت على راسي ,,
طقتني غلقة من الطفش ماعندي احد :( ابيهم ,,
حتى ميته جوع لاغدا ولا عشاء وماحولي احد يحط لي عشاء <-- حطي لنفسك يالعجازة ,,
جلست اوسع صدري بصور زوجة عاشق الخير المسروقه ,,
عاشق ,, ياويلك موديها لأهلك وجاي ممدد عندنا ومنزل صورها بعد .. !!
هالشباب السعودي لاعبين على حريمهم <-- الله يعين عليه بعد ,,
طيب زد لنا الصور ,, احسهن شويات ,, وماودي يخلصن من الغلقة الي فيني ,,
علشانك بس
09-10-09, 02:46 am
اااااااايه يا شين الاربعاااء ....
ما في احد الكل لاهي ..
وانا من النووع البيتووتي .....
ما اعرف اطلع واااجد ...
يمكن ارووح لهررفي اجيبلي تورتيلا >>>تبين شيء ..
وترىاي مو منزل صورها >>>صورنا بإعتبارنا واحد بس هي اللي مصورتها ..
وبعدين انت ما عرفلك الا وااحد بس قدر يسكتك وهو غلطاان ..
وجااية تحطين الحرره فينا ...
وووووينك يا راعي الطياااره تسكتها ...
عاشق الخير ,,
الإربعاء من أحلى وأونس وأمتع الأيام عندي ,,
لكن يوم جلست امس ماطلعت طقتني غلقة حسيت اني فاقدة الأمل بالحياة <-- مشتهية تعبّر البنت عطوها فرصتها ,,
المهم ان ذاك اليوم عدّى على خير الحمد لله ,,
واليوم طلعت وماخليت محل مارحت له وتوني جاية ,,
بعدين التورتيلا خلها للعزوبية ورح اتعشى مع اهلك وش مجلسك مقابل النت وتارك اهلك <- والله لو تشوف حالتها امس وهي جوعانه وشافتك تقول تورتيلا ان تنهبل بس هي ماتبيّن يقاله ماهمها :c7:
بعدين ماقلت لنا وش سالفة المنسية ... !!!
ووين ام العيال عنك راز اسم البنت بتوقيعك <- رافعة حواجبها من الشر ,,
<- ماجابت سيرة الطيارة أبد تصدد عنه وتتلهى من الوحشة ,,
علشانك بس
09-10-09, 06:19 am
بقى 42 سنة :c7:
علشانك بس
10-10-09, 02:12 am
بزاريننا صافين يصلون قبل كم يوم ,,
قالو لاختي الصغيرة اللي مرتزة بصورتي الشخصية تعالي صللي معانا ,,
قالت لا ايما ماتصللي انا ماودي اصللي ,,
تدرون منهي ايما .. !!
هذي الشغالة الفلبينية اللي ماابطت جايه ,,
جتنا وهي مو مسلمة وخربت بزاريننا :( ,,
وش السوات بهالصغيرة اللي تقول مانب مصلية الين تصلي ايما ,,
شفتو ضريبة الي يجيب خدامة مو مسلمة .. !!
والله قهر ,, وش بيفهمها الحين وش سالفة هالشغالة جعلها ماتربح ,,
علشانك بس
10-10-09, 02:17 am
اما اووخيتي المنسيه يا قلبي يا هي ما شفتي تووقيعه وش تقوول >>> كسل ادور التووقيع رووحي دوريه ..
ام العيال خليته تدعيله والحمد لله متفاهمين بس لو نفنك من وساوسك >>>شكلي بخليها ما تدخل للمنتدىالا وانا معه اخاف تستلمينه وتخربينه علي ..
عاشق الخير ,, تقل شفتك تقول المنسية ياقلبي .. !!
عسى ماشر .. !!
ماش هالزلمة خرب عقب حلا الشلال ,,
حسبي على اللي عطاه عين ,,
وينها فيه المنسية خلني اشوف معرفها ترى جد طارت عيوني وطارت بوهتي بعد ,,
علشانك بس
10-10-09, 02:24 am
علشانك بس , مـاجـد الحـمـيـد , ابو ريما الخالدي , بسكاتي اذلك , خاطري حساس.. , عاشق ديرتي بريده , قطوف
الف الحمد لله على سلامتك ياعاشق بن ديرتي آل بريدة ,,,
علشانك بس
10-10-09, 09:45 pm
مهب يا قلبي اللي بالي بااالك ...
لا لا عووذ بالله من وساااوس ابليييس ...
يا قلبي يعني يعني يعني يعني
وشي خيشتووه :c7:
الا وش صاار على رااعي الطيااره يقوولون انه ما نوى يسوي شيء بس يبي فصفص ..
ومستحي يقولك قال امد يدي وممهووب رادتن ...
تقدر تضيع السالفة بدون ماتجيب طاري هالحمااار جعل الماء يرد بزوره :( ,,
بعدين انا مستغربه شلون طالت يده جعلها القص ,,
لأني كنت راكبة درجة اولى ,, والكراسي بعيدة عن بعضها شوي ,,
بيكون صعب عليه يسوي كذا وخاصة ان الكل بيشوفه .. بس ماهمه ,,
بعدين لو معي فصفص كان اقول يمكنه مد يده يشحذ :c7: بس مامعي الا الفقر ,,
بعدين ترى ان جبت طاريه مرتن ثانية بعطيك تنبيه أولي لإيقاف معرفك ,,
<- لأول مرة تحس انها جلوي ,,
علشانك بس
10-10-09, 10:00 pm
والله يا أنا وأبوي هوش اليوم
لابستن قميصن منفتق مع آخر شيء (( منشق>-- مستحيه وهي تكتبته))
وانا منفتنتن به احببببه ومابي ينخاط ابي تسذا
وهو كل دقيقه يترصد لي بيكمل الشق حتى ما اقدر البسه
وانا اهج
عاد يتوعدن يقول ان ما غيريته خلال 3 ايام ترا مافيه سفر انطقي ببريدة
مسرعة بشويش ههه ,,
الصراحة بعذر ابوك اذا شقّه ,, منفتق ومتعنقطتن به .. !!
ذكرتيني ببنت خالتي الصغيرة عمرها 10 سنوات ,,
عندها بنطلون جينز متعنقطتن فيه ماتفسخه ابد ,,
اول ماتغسله الشغاله تصير هالبنت مترصده له بالحوش وهو منشور ,,
أول ماينشف تطيييير لمه تاخذه وتلبسه مع انه مشقوق من الركبه هه ,,
وخالتي منهبله تقول عجززت اجدعه تلبسه قبل اشوفه مفسوخ ,,
قلت امسكيها وخلينا نكمل على الشق وهذا الحلّ ,,
بس ماش مااتشجعت تسويها تقل انها خايفة من هالبنت النزغة ,,
علشانك بس
11-10-09, 08:53 pm
لالا درزن فنايل انا مو انسانه ,,
الصراحة طارت بوهتي بعرف وش السالفة ماقدرت ,,
ارسللي عضو الله يستر علينا وعليه وجه من الأوجه المعبّرة ,,
بعدين خرمَس ولا كأنه سوى شي ,,
شكله غلطان بالرقم قصدي بالعنوان :c7:
علشانك بس
12-10-09, 08:33 pm
<-- تعيبانة اليوم :( ,,
علشانك بس
13-10-09, 11:28 am
يا حي يا قيوم .. برحمتك استغيث ,,
اصلح لى شأنى كله .. و لا تكلنى الى نفسى طرفه عين ,,
علشانك بس
14-10-09, 01:31 am
ياربي بس ضايق صدري حييل ,,
بس مابيدي الا اني اقول ..
الله يرحمك ويغفر لك ويسكنك فسيح جناته ,,
:(
:(
:(
علشانك بس
15-10-09, 04:26 am
يا حي يا قيوم .. برحمتك استغيث ,,
اصلح لى شأنى كله .. و لا تكلنى الى نفسى طرفه عين :( ,,
علشانك بس
16-10-09, 02:04 am
وه احس اني اشتقت للسوالف ,,
اليوم بطلع حرتي في قسم مهرجان العثيم ان شاء الله ,,
مالي الا هالأقسام اتكلم فيها ,,
امس هزئتني خالتي تقول ليه كاتبة سالفة بنتي ام بنطلون مشقوق فشلتينا ,,
قلت ياخاله والله مايدرون من انتي ذبحتيني الله يصلحك ,,
هذي ضريبة اللي كلن يعرف معرفه خلاص مايكتب ولا ياخذ راحته ,,
ولا اقدر احش بأحد منهم ,,
لو اكتب شي نطن لي البنات بحلدزي الله يهديهن ,,
انا ماكان ودي يعرفون معرّفي ,,
لكنهم عرفو غصب عني وبالصدفه ,, كيف عرفو .. !! انا اقولكم ..,,
مرة فتحت المنتدى بإجتماع الأربعاء الإسبوعي ,,
واتصفحت بعض المواضيع ,,
يوم خللصت متصفحة سجلت خروج وخليت الصفحة مفتوحة على المنتدى ,,
وطلبته وحده من البنات تقول بشوف منتدى بريدة وش فيه من جديد ,,
قلت الصفحة ماسكرتها بس سجلت خروجي خوذي جهازي ,,
اخذت مني جهازي وضغطت الخلف ورجعت لها صفحتي اللي قبل فيها معرفي وكشفتني ,,
وياليتها عرفت وسكتت ,,
اعلنت بالإجتماع كلله ان هذا معرفي ,,
وصارو يقرون كل شي اكتبه ويعلقون علي ياشينهم ,,
من شان كذا مقدر اكتب كل شي عنهم ,,
اخاف يدرون ويمدون بوزهم شبرين علي ,,
بعدين حتى لو ابي افضفض لأني هنا مو معروفه مقدر افضفض براحتي وهم وراي وراي :( ,,
شكلي ابيع معرفي هذا وادخل بمعرف ثاني مجهول ,,
يالله اللي له خاطر بمعرفي يقولي ,, طبعا بدون اللون .. اللون يرجع لأهله :c7:
يالله من يفتح السوم .. !!!!!!!!!!!!!!
علشانك بس
24-10-09, 01:51 am
الحمد لله على سلامتي ,,
علشانك بس
31-10-09, 10:08 pm
تلاحظون اني من زمان ماسولفت لكم .. !!!
اذا شفت نفسي رايقة الليلة ان شاء الله سولفت لكم يومياتي بالمستشفى <-- جتها الصيحة يوم اتذكرت المستشفى والتعب الله لايعيده :( ,,
علشانك بس
02-11-09, 10:16 am
اشتهيت اطلع اتمشى ,, ولا اطلع للبر طبعا ماانزل بس بالسيارة ,,
<- طافة بالمطر ,,
صباحكم ورد وجوري .. ,
شفت نفسي فاضية وجلست اكتب لكم وش سويت بالمستشفى من دخلت الين طلعت ,,
علشانك بس
02-11-09, 08:01 pm
اشتقت لكم واشتقت للسوالف عليكم
بس هالمرة سوالف غير
سوالف فيها ذكرى مو حلوة ,, ذكرى فيها اشياء تعور قلبي اذا اتذكرتها ,, ربي مايعيدها علي ولا على كل مسلم ,,
ذات يوم تعبت تعب قرر فيه الطبيب انه يسوي لي فحوصات وتحاليل بعدها ممكن ينومني بالمستشفى ويسوي لي عمليه وممكن لا ,,
بعد الفحوصات والتحاليل قال يالله جيبي غريضاتك وتعالي نامي عندنا بنسوي لك عمليه ,,
انا طقتني الغلقة والخوف وصرت مدري وش اسوي ماغير ادعي ربي ,,
حتى ادخل المنتدى واحس المنتدى بارد مافيه شي يوسع الصدر ,, وانا احسب البلا من المنتدى وهو مني ,,
صرت ادخل المنتدى ابي اتسلى ولا ادري بنفسي الا وانا اردد واقول يااااااااااااااااااااارب برحمتك استغيث اصلح لي شأني كلله ولا تكلني الى نفسي طرفة عين ,,
جاء وقت تنويمي ولا جهزت شنطتي من الخوف اللي فيني ,,
حتى ماعلمت احد الا اهلي بس وحتى صديقاتي وقريباتي بالنت ماعلمتهم لأن الموضوع جاء فجأة وغير هذا متضايقة واخاف اعلمهم اصيح :( ,,
جاء وقت التنويم ,,
اتعوذت من ابليس ورحت بجهز شنطتي ,,
دخلت غرفتي وحطيت بالشنطة اشياء مالها دااعي لأني مدري وش احط فيها غير ملابسي ,,
بس اللي مانسيته هو المصحف هو اللي بيوسع صدري هناك ,,
سكرت الشنطة وحطيتها لحين وقت شيلتها ,,
وفتحت النت وفتحت الماسنجر وعلطول رحت لإيفل قيرل وكتبت لها اني رايحة المستشفى ويمكن اتنوم هناك ,,
فـ ابيها تدعي لصديقتها علوشة وتقول لكم انتم تدعون لي بما اني غالية عليكم جعلي ماافقدكم ,,
قلت لها الكلام اللي عندي وسكرت الماسنجر والنت كله الى بعد حين ,,
جاء وقت روحتي للمستشفى شلت شنطتي وودعت اللي حولي ورحت للمستشفى ,,
دخلت قلت لااحد يجي معي خلوني بصلح اموري بنفسي ,,
مدري وش جاني .. مدري هي قرامة ولا سنع ولا ابيهم يقولون شغلك غلط واوراقك ناقصة وارجعي لبيتكم ,,
تركوني ورحت سويت اوراق الدخول بنفسي وجت معاي ممرضة سعودية الله يعطيها العافية قالت انا بوصلك لغرفتك مابيهم هم يوصلونك ,,
انا استغربت حرصها مع اني مااعرفها ,, مسكت يدي وراحت معاي ووصلتني للغرفه قالت هذي غرفتك وهذا رقمها ,,
انتظري هنا الين ينظفون المكان ويغيرون كل شي بالسرير ,,
شكرتها .. وقالت لي اي شي تبينه قوليلي انا اسمي فلانة الفلاااان ,, قلت لها والنعم فيك .. مشكورة وماقصرتي ,,
خزنت رقمها عندي بجوالي وجلست بالكراسي انتظر ينظفون لي مكاني اللي بنام فيه ,,
وانا جالسة جو عندي ثلاث ممرضات يسولفون .. كلمتني وحده فيهم قالت هيلووو شنطا انتي وين يشتري ؟
قلت لها هذا يشتري من برا مافي هنا لاتشغليني ترى اللي فيني مكفيني <-- ارطن عليها ولا تدري وش اقول ,,
فـ شافتني مالقيتها وجه صارت تكلم صديقاتها وانا جادعة اذني عليهم ابي افهم شي عجزت .. يمكن لأن ثقافتي فرنسي بفرنسي ,,
المهم .. جتني الممرضة قالت لي انتي علوشة .. !!
قلت لها اي انا .. قالت تعالي سريرك ينتظرك ,, قلت اوكى ,,
قمت للغرفه اللي فيها سريري ودخلت لقيتها مليااااااانة مافيها الا سريري فاضي ,,
بس اللي قهرني ان سريري كان اللي جنب الباب لو يهب الهواء على الستارة انفتحت ,,
واللي قهرني زيادة ان جنبي غرفة فيها تدريب ممرضين شباب وكل شوي رايحين جايين من عند غرفتي ولو تنفتح ستارتي قزوني قز ,,
ماعجبني مكاني ابد بس قلت بشوف الوضع بعدها بحاول فيهم يغيرون مكاني ماارتحت ابد وانا قدام الرجال ,,
دخلت على قسمي وفرحت ان جميع الستاير مسكرة ,, وكلن مسكر على نفسه لانه فترة الظهر الكل ينام شوي بعد الغداء ,,
حطيت اغراضي على السرير وانا اتأمل الغرفة ومتضااايقة حيييل ,,
رن جوالي وماحبيت ارد الين اشوف وضعي خليته صامت وجلست ادور السجادة ابي اصلي الظهر ماصليت أخروني مكتب الدخول لأنه كان وقت غداهم ,,
اخذت سجادتي وجلست اصلي وانا اسمع اللي جنبي تسولف على امها <- ماتدري وش قالت بالصلاة .. كل سوالفهم حفظتها ,,
خللصت مصلية ورتبت اغراضي واول ماجلست على سريري فتحت الستارة علي اللي جنبي ,,
علشانك بس
03-11-09, 12:13 am
خللصت مصلية ورتبت اغراضي واول ماجلست على سريري فتحت الستارة علي اللي جنبي ,,
قالت السلام عليكم سلامتك وش فيك .. !!
قلت تعبانة شوي بطني يعورني <-- يقالها شرحت هه ,,
قالت ماتشوفين شر ياقلبي والله يشفيك ويعافيك ,,
قلت سلامتها الوالدة عسى صارت احسن .. !!
قالت العصر بنطلع ان شاء الله .. لنا اسبوع بالمستشفى ,, قلت الحمد لله على سلامتكم ,,
قالت تصدقين هالسرير كلن يجي له ولا يجلس عليه ولا يوم سبحان الله .. !!
قلت لها اي سرير تقصدين .؟؟
قالت سريرك هذا اللي انتي جالس عليه ..
قلت ليه .. ؟؟
قالت جت وحده فيها مرض مدري وشو واول مالجلست فيه يوم اخذوها ونوموها بالعناية المركزة ,,
بعدها جابو وحده فيها سرطان ونوموها فيه وجلست ليله كاملة تصييييييييح من الآلام اللي فيها وشالوها للعناية المركزة ,,
ماجلست ساعات بالعناية الا وقالو انها اتوفت ,,
انا نقزت مثل المقروصه ونزلت من على السرير قلت يممممممممممه وش ذا الكلام .. !!
صادقه انتي ؟؟
قالت اي والله ,,
قلت والله ماانام فيه .. وانا قلبي قسم بالله يدق بسرعه وكللي خوووف ,,
قلت ابي اغير الغرفه اذا مافيه غير ذا السرير ,,
كنت جادة بكلامي مرة ,,
جلست تضضضضحك هي قالت لاتخافين انا نمت فيه ليلة من بعدهم ولا فيني شي شوفيني ,,
قلت صادقه .. !!
قالت وربي نمت فيه ,, بعدين هذا يومهم اللي اتوفو ,, مايعني انك نمتي فيه بتموتين ,,
قلت لا اخاف ذا السرير منحوس كل من نام فيه فطس :(
قالت اجلسي والله ماتطلعين خليني اشوفك قبل لااروح ,, والله يالسرير مافيه شي ,,
اتعوذت من ابليس وجلست يوم هدتني بكلامها ,,
قلت لها عسى الللي في الغرفة مو حريم كبار .. !!
ابي اسولف معاهم مابي عجز ماعندهن الا القزقزة ,,
قالت اللي على يساري انتي ,, واللي على يميني وحده مخلطه ,,
قلت شلون .. !!
قالت امها لبنانية وابوها ماليزي ,, جايبة ولدها فيه تضخم بالكلى ومنوم له عشر ايام الحين ,,
واللي قدامنا فيه سريرين ,,, قلت من فيهم .. !!
قالت وحده مو كبيرة يمكن عمرها 37 وحبوبة مرة ,, عندها مرض بالاعصاب جاية من اسبوع تاخذ ابر وموسعه صدورنا مرة ,,
ووحده جت امس بس مسكرة على نفسها ولا عطتنا مجال نشوف وش سالفتها ,,
قلت اي زين مافيه عجز يسألن من انتي وش فيك ومن هم عمومتك ومنهم اهل امك ,, وماغير يقزن ,,
جلست تسولف معاي ( ام محمد ) وماخلت شي الا وعطتني اياه .. كولي اشربي ,,
قلت مالي نفس ياعمري اللي فيني مكفيني كللي خوف ,,
بس سوالفها الحلوة والمرحة نستني ,,
قلت لها اتعودت عليك .. الله يستر من اللي بيجيني ويجلس مكانك ويكون جنبي ,,
خايفة تكون غثيثة ولا عجوز وابتلش ,,
قالت لا ان شاء الله بيجيك احد يوسع صدرك وانا اذا طلعت من المستشفى بدق عليك اشوف من جاك ,,
اخذت رقمي من شان تطمن علي اذا طلعت من المستشفى ,, وجلست تجهز اغراضها للطلعه ,,
صار العصر واخذت اغراضها وطلعت هي وامها بالسلامة ,,
واول ماطلعو واتنظف قسمهم شلت اغراضي وطرت لمكانهم ( صرت بالوسط بين سريرين )
واول ممرضه جت قلت لها تراني غيرت مكاني ,,
اولا مابي ذا السرير المشؤوم ,, وثانيا مابي اصير قدام الباب ,, قالت اوكى انا اصلح لك اوراقك واكتب انك غيرتي مكانك ,,
جلست اغلب يومي جالسة لحالي وافكر ,, ومابغيت اكلم هذي المخلطة اللي امها لبنانية وابوها ماليزي ( ام سامر ) ,,
اخاف ماتكون حبوبة ولا راعية قرق تزعج راسي ,,
اسمع ولدها يسولف عليها وهي تسولف عليه ,, واتخيلها واتخيل ولدها من الأصوات ,,
مدري .. من قالت لي ام محمد ان امها لبنانية متخيلتها حلووووة حيييل ,, وولدها من جماله ودي اصور معه ,,
الفضول قتلها تبي تشوفني وخاصه انها سمعت ام محمد تسولف معاي وتضحك ,, قالت بس جت وحده قراقه تسولف معي ,,
فتحت ستارتي وسلمت ورديت عليها السلام بإبتسامه ,,
بس ماش مادخل مزاجي الوضع :( ,,
وين اللي امها لبنانية .. !!!
البنت اللي شفت سودانية ولا صومالية .. فـ انا قلت اكيد ام محمد غلطانه بتوصيف الأقسام ,,
بس القهر ان ولدها عندها ياحبيله .. اللي عمره 3 سنوات ,,
جلسنا نسولف ونسولف ونسولف وولدها يتنطط عليها وهو ماسك كيس بيدة ممتد من الكلية ,,
ويناقز هو ماسكه ياقلبي ,,
سمعتنا ام طيف اللي فيها مرض بالأعصاب الله يشفيها ,, وجت تركض فتحت باقي الستارة وسلمت وابتدت السوالف صح ,,
جلست على سريري وصارت تسولف ,,
ام طيف حبوبة وقلبها طيب ,, بس فيها عيب انها ملقوفة ولا تستحي الله يذكرها بالخير ,,
وعيب ام سامر انها تمون بزيادة ,,
وانا عيبي اتحمل واجامل الين مايطق فيني عرق ,,
المهم اتعرفنا على بعض وارتحنا لبعض ونبي نمشي امورنا مع بعض غصب عنا بما اننا بغرفة وحدة ,,
مضى يومي كلله اتعرف على فلانة وعلانة ,, والعب مع سامر ,, هو اللي موسع صدري ,,
بس مت اقول لامه خليني العب معه من بعيد لبعيد عشان اللّي اللي بكليته اخاف يتحرك احسه يعور قلبي ,,
وبنفس الوقت احب العبه من بعيد لبعيد ,, بس ماطاااعها يجيني يركض هو وكيسه ياعمري ,, واقوله اجلس على السرير بس الكيس خله بالارض ويسمع كلامي ياقليبي هو ,,
ولما اسلي مع سامر والبنات يجون الممرضات اللي عذبوني بالتحاليل ,,
ذبحوووني كل وحده تجي تسحب مني كيس دم :( خللص دمي ,,
اخر وحده قلت لها تعالي انتي ,, قوليلي وين تودون دمي .. !!
لاتصيرون تتبرعون فيه ولا تبيعونه ,,
ترى ان خللص دمي بمووت مانب طايعتكم تجيبون لي دم من برا ,, الحين مااحد يضمن اي دم يجيه من برا بهالامراض اللي نشوفها ,,
ضحكت وقالت لااازم دم ,, قلت والله مهب احسن لك ان جت وحده بعدك تقول ابي دم بعد ,,
رحت ولااحد جاء بعدها شكلهم صارو يهابوني :c7:
جلسنا طول اليوم سوالف مع ان البال مشغول بالعملية ,,
خوفي مخليني اضحك بس ماحس بضحكتي طالعه من قلب ,,
بس مشيتها الين صار بالليل ,, واستاذنتهم وسكرت ستايري ابي انام ,,
ابي اناااااام ,, بس وينه النوم .. !!
كل الاحداث اللي صارت بذاك اليوم تدور في راسي ,,
شلون انام بالسرير هذا والمكان هذا وانا اول مرة انام فيهم .. !!
الناس اللي عندي مااعرفهم بنام معاهم لأول مرة بحياتي ,,
بنام وبكرا بشوف الطبيب وبيقولي استعدي لعمليتك بكرا ,,
ياربي ابي انام عجزت ,,
راسي صار يعورني من التفكير ,, الين صارت الساعه اربع ,,
يوم اتفتحت الانوار ,,وصارو العاملات يخترشون وينظفون ,,
فتحت العاملة ستارتي قالت قومي بغير شراشف سريرك ,,
قلت اطلعي اطلعي برااااا ابي انام ,, مافي نوم انا وجاية تقولين لي بغير .. !!
شافتني نفسي شبنه وطلعت ,,
واصرررخ مرة ثانية قلت لها تعالي سكري الانوار <-- كأنها في بيت ابوها ,,
سكرت الانوار واحسها تقول في قلبها وش الله بلانا بهالبنت اللي ماغير تهاوشنا بأول يوم ,,
قالت لي ام طيف <- طبعا لهجتها جداوية ,, قالت ياحبيبتي وربي مايعرف لهم الا انتي ,,
تعبنا منهم من الساعه 4 يفتحون الباب ويخربون نومتنا ,,
وهي تتكلم كذا فتحوه مرة ثانية وجو ينطفون الارضيات ودورة المياة الله يكرمكم ,,
قلت بس مافيها هوشة فيها اسكت الين يخلصون ,, عاد الارضيات ودورات المياة مانب طاردتهم بخليهم ينظفونها وبتحمل ,,
مع العصبية اللي فيني والتفكير والنفسية الشينة من الزمل والخوف نمت ,, واخيرا نمت ,,
نمت كم ساعه بس واصحى باللي يقولون يالله فطوووور ,,
ياليل اللييييييل .. بالله احد يفتح عيونه من النوم ويجلس ياكل .. !!
حشى حمير حنا مو اوادم ,,
ياناس نايمين شلون تصحوننا تقولون كولوا .. !!
ياربي يااااربي تعينني وتصبرني عليهم ,,
اللي معي متعودات ماشاء الله عليهم قامن ودخلن طاولة الاكل وصارن ياكلن ,,
تو قبل دقيقتين بس كانن نايماااااااااااات ,, وربي نايمات ,,
شلون فتحن وبدن ياكلن ماشاء الله .. !!
انا قلت بس شكلي بعد يومين بصير مثلهم اكيد ,, بتأقلم وبمشي ممشاهم ,,
اتحملت وحاولت انام ماقدرت لأن البرد كسر ظلوعي بعد ,,
وهم مو حاطين الا شراشف بيضاء بس ,,
ابي بطانية بموت من البرررد ,,
اجتمع علي بهالفجرية برد وخوف وتفكير وقل نوم كلها اجتمعت فيني الين طلع النور وصحوا العالم وبدا اليوم الجديد بكل ازعااااج ,,
صرت انتظر الطبيب يجيني الصباح من شان يقولي عمليتي متى ,,
انتظرته ماجاء ,, لكن عرفت من الممرضات اللي يجوني ياخذون تحاليل انه بكرا :( ,,
مشيت يومي بالغصب ,, صار الظهر وسمعنا شوية ازعاج ,,
صارت اللي مسكرة ستايرها تبي ترحل وتطلع من المستشفى بالسلامة ,,
راحو لها البنات وودعوها ورجعو لي ,,
بعد ها بوقت قصير جت عجوز عمرها 95 سنة واتنومت ومعاها بنتها وكانو بدو ,,
من دخلت وهي تونّ ,, وشكلها تعبانة مرررة ,, ماقدرنا حتى نتكلم ونسولف من صوتها ,,
قالت ام طيف بروح لهم بشوف هالعجوز وبشوف وش فيها ,,
راحت لهم وجت تضحك تقول وربي كأنها رقية اللي بطاش ماطاش <-- مالها نفس تضحك لأن وقت عمليتها قرّب وبدت دقاق قلبها تسرررع ,,
قلت خوفي ربك لاتتطنزين ترى الدنيا مهب طويله :c7: <-- تنصح وتجمع حسنات تخاف تموت بالعمليات ,,
جلست جنبي ونشبت لي في حلقي الا تقومين تشوفينها <- هالشروفه ,,
قلت والله مااقوم عشان اويدز عليهم واجي ,, مااستحي انا .. !!
نطت ام سامر وراحت شافتها ورجعت تضحك <- وجع ماكأننا بمستشفى ,,
جلست هالعجوز تون ماقدرنا ننام الظهر منها الله يشفيها ,,
وجت بنتها تقولي طفو المكيف متنا برد ولا ادري وش تقول هي بدوية وتسرع بالكلام وربي مدري وش تقول الله يذكرها بالخير ,,
قلت روحي لام طيف انا جديدة مدري عن الغرفه <- انحرجت وصرفتها ,,
حطيت راسي بنام دخلت وحده جديدة جلست على السرير المشؤوم اللي كان سريري أول ,,
اخيرا وحده صغيرة ,, كان عمرها 30 ,,
وكانت جنبي بيني وبينها ستارة ,,
جلست بقسمها وانا نمت الظهر شوي ,,
علشانك بس
03-11-09, 02:20 am
وكانت جنبي بيني وبينها ستارة ,,
جلست بقسمها وانا نمت الظهر شوي ,,
وبعد العصر جت صحتني الممرضه تقول يلا تعالي معاي بناخذ لك اشاعة ,,
قمت لبست عبايتي بروح معها لقسم الاشاعة ,, شافني سامر بروح جلس يصررخ ويصيح يقول لاتروح ابيها ,,
كل البنات يضحكون عليه والممرضه ميته ضحك عليه ,, وهو صوته يسمعه اللي بالغرف الثانية يقول ابيها لاتروح ,,
ياقلبي هو يحسبني خلاص على هالروحه مايدري اني بجلس عنده وبيمل مني هه ,,
ماتشوفون الكيس حقه الا طاير بالسماء من الصياح والترفيس بأمه يقول ابيها لاتروح ,,
وانا اقول الله يستر ان ماانفلت هالكيس وسبحنا :( ياناس سكتوووه ,,
رحت وهو يصييييييييح ولما رجعت رحت له بسريره لقيته نايم ياقلبي ,, تقول امه صاح صاح يبيك الين داخ ونااام ,,
وصورته وهو نايم بس مارضت تنرسل الصورة للاب توب ,, اذا زالت المشكلة نزلت لكم صورته وهو دايخ من الصياح ونايم ,,
بوقت الزيارة جو لمي اهلي وجايبن لي بطانية ياعمري هم لأني قلت لهم بردانة مرة الغرفة دايما ثلج اشتروها وجابوها لي من أول يوم ,,
انبسطت على البطانية بعز البرد .. وعلى شوفتهم ,, وجلسو معاي ووسعو صدري الين خللص وقت الزيارة ,,
المغرب اتعرفنا على المريضة الجديدة اللي جنبي بالسرير المنحوس ( العنود ) وصارت حبوبة ,, متزوجة ومن الرياض ,,
صرنا رباعي مرح ,, انا وام سامر وام طيف والعنود ,,
مضينا اليوم سوالف الين صار بالليل ,, تقريبا الساعه 9 ,,
انا خلاااص وصلت حدي من الضيقة ,, بكرا عمليتي وخايفه وضايق صدري حييل ,,
حتى بيّن علي الخوف والضيقة بجلستي معاهم ,, صرت مااسولف وبدت الأفكار توديني وتجيبني ,,
معاهم ومو معاهم ,,
قلت لهم بطلع اتمشى برا وارجع لكم احس اني ابي اطلع عن الغرفه باللي فيها ,,
قالت ام طيف انتبهي ترى كل الغرف اللي جنبنا فيهن رجال ,, مافيه الا غرفتنا نساااء ,,
قلت ياربيييييه يعني مااتمشى .. ؟؟ وش ذا الحاله ,,
قالت لا روحي اكيد نايمين ,,
لبست عبايتي وطلعت من الغرفه ورحت يمين وصرت اتمشى ماشفت الا ممرضااااات ماشوف رجال ,,
واتعديت غرفتي وصرت امشي الين اتعديت غرفه يوم التفت لقيت الرجال متسدحين ويسولفون مانامو ,,
انا طاااح قلبي ورجعت لأول السيب هو الي مافيه احد ,, صرت اتمشى وافكر وادعي ربي انه يقومني بالسلامة ,,
وانا راجعه طحت بشاب طالع من الغرفه معه جواله ويضغط فيه ,, من شافني اتمشى لحالي طلع هالحمــار ,,
انا خفت وضاق صدري يعني شلون مااتمشى .. !!
رجعت منقهره لغرفتي قالو البنات ليه رجعتي .. !!
قلت فيه شاب طلع ويتمشى جاي لعندي وخفت ورجعت ,,
قالت العنود اصبري ياحبيلك بلبس عبايتي بشوفه ,, قالت ام طيف اصبرن بروح معكن <- فاسداات هالبنات هه ,,
قلت ام سامر تروحين معانا .. !!
قالت لا انا مواعدته بكرا <- ههه مهبوله وين ابو سامر عنك ,,
قلت يالله وحده منكن ,, اما نطلع كلنا كذا مو حلوه بعدين نسوي ازعاج للمرضى ,,
قالن العنود انا بروح ,, قلت يالله ,, طلعنا اتمشينا وهالحمار يترقب متى نقرب بس ,,
شفت الوضع مو حلو قلت امشي بس بنام انا خربت نفسيتي مرررة ,, حتى التمشية صار فيها إنّ ,,
قالت اصبري يروح الحين ,, قلت مهب راايح شوفيه يلعب بجواله ينتظر اشاره بس جعلي اشوفه يأشر من الفقر قهرني ,,
رجعنا للغرفه والتزمت سريري وانا افكر ,,
والبنات سوالف والمشكلة ام طيف والعنود طابات على سريري عجزت امدد رجولي منهن ,,
جلسن الين تقريبا 2 ونص وبعدها كل وحده اتجهت لسريرها ,,
انسدحت ابي النوم يجيني ماجاء ,,
تعبت من التفكير ,, احس اعصابي تعبت وربي , خلاص مابقى الا كم ساعه على عمليتي ,,
اتقلب وافكر وكللي خوف ,, احس قلبي تتسارع دقاته من الليل ,,
بعد تعب ودوخة التفكير نمت الساعه 4 ,,
ساعتين بس ولا الممرضه تصحيني يلا قوم قوم البس لبس عملية ,,
يمه
يمه
يمه
اصبرووو ,, ماجاء بكرا ,, وهي تقولي يلا لازم قوم البس الحين ,,
البنات سمعوها تصحيني كلهم صحو يدرون اني خوافه ,,
الللي تقولي اقري وردك واللي تقولي البسي وتعالي واللي تقولي ادعي ربك ,,
خلاااااااااااااص احس اني جالسة اودع الدينااا ,, صرت اتعامل معاهم ومع كل شي على اني بروح بلا رجعه ,,
جلست قلت خير وش هذا ....؟؟؟
لقيت السرير اللي بياخذوني عليه ملبقينه عند سريري ,,
قلت بنات شوله جايبين السرير الحين <-- الدمعه بالباب وربي ,,
قالن قومي انتي والبسي واتركي السرير ,,
قلت للممرضه كيف ينلبس هذا <-- من خوفها ماتدري شلون ينلبس ذا اللبس ,,
قالت شوف حبيبي انتي اول شيل بهذا بعدين البس هذا ,,
البس هذا وعرفناها بس شيل بهذا وش تبي ,,
واناظر طارت عيوني ,, وشوله هذا .. !!!
قالت لاسم لاسم ( لازم لازم ) هذا قبل عملية كلو مريض سوي ,,
انتي شيل كلو ملابس بعدين يلبس هذا بس ,,
قالن البنات وش فيك انتي .. ؟
قلت جايبة لي موس حلاقه تقولي شيلي بطنك .. !!
هيييه انتي تحسبين اسمي سعد ولا صويلح جايبه لي موس اشيل بطني .. !!!
بطن هذا بطن <-- جتها الصيحة جد ,,
والبنات ميتات ضحك يقولون لااازم ,, قلت وش لازم خبرت البطن يصير فيه شعر :(
قالن ايه خوذيه واجدعيه بس انتي روحي البسي ,,
ااااااااااه بس ,, اقوم لدورة المياة وانا اجر رجولي جر من الخوف ,,
دخلت واخذت ترويشة خفيفة وطلعت ارتجف من البرد والخوف ,,
حتى مو لابسة الا لبسهم الخفيف هذا بس ,, وبدت رجولي تتصاافق من البرد ,,
علطول جلست على سريري ومسكت جوالي وارسلت رساله لأمي قلت لها تراني بدخل الحين لغرفة العمليات ادعو لي ,,
وارسلت لخالتي نفس الرسالة ,, وقفلت جوالي وحطيته بالشنطة وقلت للبنات انتبهو لأغراضي ,,,
علشانك بس
03-11-09, 05:22 am
قمت من سريري وكللي ارتجف من الخوف ولساني يردد الله يقومني بالسلامة ,,
ودعت البنات وكلهم .. هدوني وقالو لي راح ندعي لك تقومين بالسلامة بس وسعي صدرك ,,
اتجهت للسرير الثاني اللي راح ينقلني لسرير العملية ,,
جيت برقى لقيته عالي مرة واناظرة وودي اقوله انزل شوي عشان ارقى :( ,,
قلت للعنود عطيني الكرسي لازم ارقى فوقه عشان اطول سريرهم ,,
مع اني طويله طولي 166 اطول وحدة بالغرفه ,, كلهن قزمات ياحبيلهن الا العنود ,,
سميت باالله ورقيت على الكرسي بعدها نقزت على السرير ,,
السرير من النوع السخييف مرة اللي بس يبغونك تتسطحين عليه وماتتحركين الين توصلين لغرفة العمليات ,,
انسدحت عليه وشهقت ,, لقيته باااارد مرة لأنه جلد ,, عاد من حيني خايفه وبردااانة ,,
اتغطيت كللي بالغطاء الأبيض ,,
ومعاي ممرضتين يدفوني يبي يودوني لغرفة العمليات ,,
اول الطريق كنت منسدحة ومغطيني بذا الأبيض ,, وهم يمشون جاء في بالي اني ميته :( ,,
طااح قلبي <-- كل تفكيرها بالموت وهي رايحة للعمليات ,,
علطول فتحت وجهي قالت لي الممرضة السيب كلله رجال اتغطي ,, قلت لا ماراح اتغطى امشي بس <- النفس شينه ,,
طريق طويل يتخلله اسياب واصنصيرات و و و الين وصلت لغرفة لصالة كبيرة فيها ستاير كل مريض في ستارة ومسكر عليه الين يحضر دكتورة بعدين يدخل غرفة من غرف العمليات الكثيرة العمليات ,,
وقفوني قبل مايدخلوني بقسمي ويسكرون علي الستارة ,,
وجلست تسألني عندك اسنان تركيب ... ياليل اللييييل بس .. لااا
عندك ربو او حساسية .. لاااااااا ماعندي
عندي اي مشاكل او اي مرض تاكلين له علاج ,, لا ماعندي ,,
تبي تسون لي العملية ولا اروح بيتنا .. !!
ضحكن الممرضات <- ضحكتن من سركن ,, بلا مو فيكن الخوف والبرد اللي فيني ,,
خلصن اسئلة وقالن انتظري الين يجي الدكتور شوي ,,
كانت الساعه تقريبا 6 ونص ,,
دخلت بالقسم وسكرت الستارة ,, وجلست انتظر وانتظر تعبت من الانتظار والتعب والخوف والبرد ,,
حاولت افتح الستارة وانا بسريري لقيت الدنيا خربااااااااااااااااااااااانة مرة ,,
ممرضات سعوديات كاشخات ونامصات ومتلثمااات ,, وطاقاتها سوالف مع الشباب الكاشخييين ,,
جوالات وبلوتوثات وسوالف وانا طاايرة عيوني مرة منهم ,,
التهيت بمناظرهم الين راح من الوقت الكثييير ,,
تعبت ابي اقوم وملليييت وتأخروو ,,
ناديت الممرضه قلت لها كم الساعه قالت سبعه وربع ,, قلت تعبت ويين الدكتور ,,
قالت عنده اجتماع ضروري لازم تنتظرين الين الساعه 9 ,,
آآآآه بس ,, وربي تعبااانة مرة ليه ليييييه تنزلوني اجل اذا بدري على العملية ,, قالت ماكنا ندري ,,
وانا من الضيقة والخوف اللي فيني صرت اتفرج على الرايح والجاي واشوف المصاخات اللي قدامي ن مغازل وضحك واستهبال بين الممرضات والممرضين ,,
وانا اناظرهم واقول الله لايواخذنااا بس ,,
الجو اللي انا فيه بوجود هالداشرات والداشرين والبرد والخوف زاد حالة القلق اللي فيني ,,
وصرت كل شوي منادية وحده اقولها كم الساعه تعبتوني وتعلمني الساعه وتروح ,,
وكل شوي جاية لي ممرضة سعودية تسولف علي يقالها تبي تهديني ماتدري اني ابيها تبعد عن وجهي ,,
الوقت صار عندي يمشي حبة حبة ,, وانا ابيه يسرع شوي ,,, وهو معاندني يمشي حبه حبه ,,
الين جاني الفرج وجت الممرضه قالت يالله ,, انا من سمعتها تقول يالله بغى يوقف قلبي من الخوق قسم بالله ,,
صار كل شي في جسمي يعورني بطني وظهري وقلبي ورجولي وعيوني واصابعي كل شي كل شي ,,
قلت جاء الدكتور .. !!
قالت ايه هذاه ينزل بس لازم تتجهزين بالغرفه يالله ,,
قلت يالله الله يسسسستر علي بس ,,
دفوني الين دخلت غرفة العمليات اللي جوها ثلللللج ,,
وانا من الأول بردانه وخايفه والبرودة اللي بغرفة العمليات بتموتني ,,
وقلت سريري جنب السرير حق العملية قالت يالله انتقلي من هذا لهذا ,,
انتقلت وانا اقول يااااااااااااارب تقومني بالسلامة ياااااااااااارب ,,
انسدحت مستسلمة ,, ومادريت الا ودكتور مصري يويدز بوجهي يقولي ازيك ان شاء الله طيبه .. ؟؟
قلت طيبه طيبه بس بردااانه مرة قال ان شاء الله الحين ماراح تجسي بأي بروده <-- قلت ايه تبي تموتوني وماراح احس :( ,,
قال وبطنك بيعورك .. !! قلت ايه كل شي يعورني الحيييييين <-- ضحك عليها الدكتور مع انه مو وقته ابدااا ,,
وخر عن وجهي المصري اخيرااا وياليته ماوخر ,,
لقيت ثلاث ممرضين سعوديين فوق راسي ,, كاشخين بالسكسوكات والعطور اللي تشق الراس من قوتها ,,
انا اناظرهم واحس اني بدووخ ,,
خير .. !!
وش دخلهم هذولااااا .. !!
والله واقفين ينتظرون الدكتور وطايره عيونيهم فيني جعلهم الموت <-- صاحت ,,
ثلااااثه مو واحد ,, هذا اللي انا اشوفهم ومادري عن الجهه الثانيه فيها احد ولا لا ,,
ماانتبهت الا واللي تمسك يدي ممرضه سعوية تقولي كيفك وصديت عنها مارديت ,,
ضاااق صدري وتأزمت حالتي ,,
قالت ماتشوفين شر ان شاء الله ومعها ممرضة ثانية سعودية ,,
وكلهم جالسين ينتظروني اموت من شان يشوفون شغلهم :( ,,
احس التنهيده مو راضية تطلع من صدري من الخوف والضيقة اللي فيني ,,
حتى كملوها علي الشباب اللي عندي والدكتور الرابع والممرضات ياكثرهن ,,
قال الدكتور المصري يالله شيلي ملابسك ,, قلت ايش .. !!!
لييييه .. !!
خلاص اللبس اللي لابسته مفتوح من قدام مابي اشيله استحي استحييييييييييي :( ,,
قال لازم تشيليه الحين احسن ,, قلت لا مابي ,,
قال براحتك ,, بس طلعي يدينك من الأكمام ولا تنزلينه خليه كذا ,,
خلاااص الدنيا تساوت عندي حسيت بعد وقفة الشباب ان الوضع خلاص صار عادي لو اشيل كل شي <-- فقدت الامل بكل شي وحست انها الآن ميته قبل لاتموت :( ,,
شلت ملابسي وانا متعنقطة بالغطاء ,, وصار ماعلي الا الغطاء بس ,,
وماغير ماسكته اخاف احد يشيلة ولا ينزله لأني صرت مااثق فيهم ,,
ماغير واقفين وعيونهم فيني جعل عيونهم البط :( ,,,
اتخيل اذا موتوني وشالو الغطاء وكل الرجال حولي صافين يمااااااااااااااااااااامي ,, وربي اذا اتذكرت هاللحضة يصير وجهي احمممر غصب ,,,
الله لايوفقهم وشوله يدخلون الرجال :(
جاء الدكتر المصري ومسك يدي ومدها وحط عليها شي مدري وشو ,, وسوى بيدي الثانية كذا ,,
ونفس الطريقة سواها برجولي ,, صرت كأني بطير اليدين والرجلين ممدودات بس انتظر الموته الصغرى ,,
جاء بيحط الاوكسجين فيني قلت لالا اصبر بتشهد <-- وعيونها تدمع ,, قال لا ياحبيبتي ده موش البنق ( هذا مو البنج ) ,,
البنج شوفيه يحطه الممرض لك ,, طبعا السعودي ,,
التفت بشوف وش يسوي بيدي الممرض لقيت نفسي اغيب عن الدنيا واغمض عيوني اللي غرقاانة دمووع الى أجل مسمى ,,
علشانك بس
05-11-09, 03:45 am
جلست بغرفة العمليات ساعه .. ساعة ونص .. مدري بهالحدود ,,
بعدها صحيت من البنج وانا اصرخ واصييييح من الآلام اللي في بطني ,,
ماسكة بطني واصرخ .. والصالة اللي انا فيها منهبلين يقولون وش فيها هذي شكلها صحت من البنج قبل ينتهون من عمليتها ,,
اصحى واتألم حيييل ,, بعدها انام مرة ثانية لأني ماصحيت مرة من البنج ,,
وجلست وقت على هالحالة عندهم انام واصحى اصيح واصرخ من الآلام اللي فيني ,,
الين ماجاء وقت رجوعي لغرفتي ,,
طلعت على سريري بصحبة ممرضتين بيرجعوني لغرفتي وانا صوتي بالأسياب كل الغرف تسمعه ,,
ماسكة بطني واصيييح من قلب وآآآآآآآآآه بطني بطنييييييييي <-- كل المستشفى يسمعونها ,,
والمشكلة ان القسم اللي انا فيه كلله رجال احسهم طلعو يتفرجون بيقولون وش فيها هذي ,,
دخلوني لغرفتي لقيت البنات سامعات صوتي من بعيد ومتجمعات على باب الغرفة ينتظروني ,,
وجلسو معاي وهم ضايقه صدورهم يقولون للممرضات عطوها مسسسكن البنت تعبانة مرة قطعت قلوبنا :( ,,
راحت الممرضة وجابت لي مسكن قوي ( ابره ) :( ومن عطتني اياه نمت علطووول ,,
واول ماراح مفعول المسكن صحيت اصرخ واصييح وآآآآآه بطني ابي مسسسكن ,,
اللي بغرفتي مو قادرين ياكلون ولا ينامون ولا يسولفون من اهاتي وصياحي وصراخي ,,
حتى اني اسمع ام سامر جنبي تقول لسامر لالا لاتروح لها تعباانة مرة وضاق صدري احس اني مسويه ازعاج بالغرفه ,,
بس غصب عني اصرخ من الآلام اللي فيني تعبت منها ,,
طبعا اليوم اللي سويت فيه العملية مستحيل اذكر فيه شي الا اني اتألم بقوه من اللي فيني ,,
والباقي كلها نوم وصحوه ونوم وصحوة ,,
وباقي الأيام كلها تعب بتعب ,,, حتى الأكل يجيبونه لي مقدر اكل ابدااااا ولا اذوق شي ,,
المغذي فيني وهو اللي يقوم بالواجب ,,
حتى اذا جيت بروح لدورة المياه الله يكرمكم انادي المممرضه تمسكني وتوديني هي مقدر امشي ابدااا ,,
كل الايام اللي راحت على سريري ,, واهل يزوروني يوسعون صدري وغالبا لما يجوني انام وهم جالسين عندي ,,
وياكثر مااصحى من نومتي القى ورقه مكتوب فيها نمتي وحنا فيه وماحبينا نزعجك وطلعنا ,,
نشوفك بكرا ان شاء الله ,,
واذا صحيت يضيق صدري ابيهم بس راحت علي ,, من تعبي انام وهم فيه يسولفون علي ,,
ومع الوقت صرت اقدر اتكلم وادري وش يقولون اللي حولي ,,
البنات ذبحوني بالتشكي يقولون والله انك دلوعه ولا قد مر علينا مريضة مثلك مع اننا لنا عشر ايام منومين ,,
يقولون لو مانعرفك كان نقول هذي وحيدة اهلها من الدلع ,,
قلت لاتزعلوني منكم ,, وربي الالام اللي احسها بعد ماصحيت من البنج كانت قوية مرة مااقدرت اتحملهاااا ,,
قالو العنود تعبت ودخلت غرفة العمليات وسوت عملية والحمد لله جت مافيها الا العافية ,,
يقولون صحت واتألمت شوي وسكتت ,, وانتي يومين متواصلات ماننام منك ,,
قلت ياناس يعورني بطني عجزت اتحمل جعلكم ماتحسون الي حسيته كان وربي تسوون مثلي واكثر ,,
بعدين انا صبورة مره <-- ماتو ضحك يوم سمعو هالجمله ,,,
الحمد لله على كل حال ,,
العنود جنبي ماشاء الله مافيها الا كل خير وتقوم وتجلس وتروح وتجي ,
صح تتألم بس مو مثلي ابدااااااااااا ,,
تقول والله انك هبلتي بي ياعلوشه ,, قلت ليه .. !!
تقول انا تعبت ودخلت للعملية وانتي للحين ماصحيتي من البنج ,,
وانا ادخل للصالة اللي فيها غرف العمليات اسمعك تصرخين وتصيحييين من بعيد ولا ادري وينك ,,
تقول خفت عليك مرة قلت وش سوو فيها . !! البنت مو طبيعيه صراخها ,,, صوتها طالع برااا الصاله ,,
ماصدقت اني اجي واشوفك بخير وسألت البنات عنك قالو اقلقتنا ياقلبي هي ,,
ومرت الأيام بالمستشفى وانا بس اتكلم واسولف هذا اللي اقدر عليه ,,
اما المشي والأكل والصلاة مقدر عليها من التعب ,, ولا انام ولا اجلس الا بمسكنات ,,
لو مااخذ مسكن خلاص ماانام ولا اخليهم ينامون ,,
الممرضه تقول خلاص مافي مسكن ابغاك تعودين على الآلام ونشوف اذا الامك طبيعيه ولا لا ,,
قلت لااااااااا مابي اجلس على الآلام من شان اتعود ,, عطيني مسكن وبس ,, ابي ارتاااح ,,
وصرت اخذ مسكنات من شان اقدر اعيش عيشة طبيعيه خاليه من الآلام ,,
اشتقت لاهلي ابي اطلع من المستشفى .. رغم اني للحين مقدر امشي لحالي لازم احد يمسكني ,,
صارو يدقون علي ويخلونها مكالمة فيديو ويشوفوني واشوفهم واسولف معهم ,,
واشوف اجتماعاتهم ووناستهم وانا على سريري ,,
بس اللي غاثني وقاهرني ورافع ضغطي ام طيف الله يذكرها بالخير ,,
من تشوف جوالي يرن تطمر تقول بشوف اهلك ,,
ياربيييييييييييييي بس ,,
وش تشوفين اهلي ,, خليني اخذ راحتي حرام عليك تراني مشتااقه لهم :( ,,
وربي لو ستارتي مسكرة وانا لحالي من تسمعني اسولف معاهم تجي تركض ,,
تقول بشوفهم ,,
خليتها مرة تشوفهم وتشوف البنات والبزارين وهي ياحليل هذا ياملح هذا وهذا مين وهذي بنت مين ,,
المره الثانية يدقون علي وهي جالسة بس اذا شفتها مكالمة فيديو رفضت المكالمة ودقيت انا مكالمة عاديه ,,
وتبدا اختي تقولي ليه سكرتي مكالمة الفيديو ,, نبي نشووفك ,, وانا مقدر اتكلم هي جنبي ,,
ويبدا وجهي يحمر ويصفر ويخضر ,,
واضيع الموضوع ,, يوم سكرت ارسلت لهم رساله قلت لاتشوفوني ولا اشوفهم النشبه جنبي ,,
وصارو يعرفونها بإلإسم النشبه ياحبيلها هه ,,
المهم ان ايامي مضت بالمستشفى كلها الام بآلام ,, لكن ماقول الا اللهم لك الحمد على اني طلعت سالمة ,,
حتى الحين لو احط يدي على بطني واضغط عليها يعورني شوي مابعد طاب مرة ,,
بس اذا اتذكرت اني برا المستشفى وبين اهلي وطيبه اكل واشرب وانام واطلع افرح واقول يارب لك الحمد ,,
باليوم اللي يسبق يوم طلعتي صحيت من نومتي لقيت ام طيف تقولي ترى ام سامر تسلم عليك ,,
قلت وينها .. !!!
قالت طلعت بالسلامة هي وسامر وتقول مابي اصحيها بعدين ترجع لها الآلام ,, سلمولي عليهاااا ,,
ضاق صدري ودي اني شفتها ,, قلت مالها حق تروح ولا تقولي ,, كان صحتني ,,
قالت مارضت تقول لا مابي اصحيها وهي تعبانة ,,
جلسنا ذاك اليوم انا والعنود وام طيف ,,
ومن بكرا العنود قالت بطلع قلت وانا خوذيني معاك ,,
الدكتور يوم عرف رفض قال لااااا ماتطلعون ,, مو على كيفكم ,,
قالت هي بطلع على مسؤوليتي انا معلمة وعيالي مافي احد يدرسهم بروح لهم ,,
ضغط عليهم زوجها وخلاها تطلع على مسؤوليتها ,, وطلعت بالسلامة ,,
بقى انا وام طيف :( ,,
قلت ابي اطلع ,, وادق على اهلي قلت مليت ترى وربي الآمي تزيد من الجلسة ابي اطلع ملييييييت ,,
قالو لا اجلسي ,, قلت اذا ماطلعتوني انا بطلع على مسؤوليتي ,,
يوم شافوني مصرة قالو زين نجيك الصباح ونطلعك ,, طبعا هذا بعد خمس ايام ,,
جو عندي وقابلو الدكتور واخذو الأدوية منه ,, والموعد ,, وطلعت بحمد الله بعد ماودعت ام طيف ,,
ورجعت للبيت مبسووطة اني عندهم ,,
من بكرا بس دخلت المنتدى واحس اني مشتااقة لكم مع اني تعباااانة ,,
و بأول وقتي كنت ادخل وانا على سريري ,,
احط اللاب توب جنبي واجلس بالمنتدى اوسع صدري فيه ,,
واول مادخلت المنتدى فرحت باللي يدعون لي بموضوع ايفولة حبيبتي ,,
وبعد يومين بس شفت موضوع ايفوله الثاني اللي تهنيني فيه بسلامتي ,,
وفرحت بفرحة الأعضاء برجوعي بالسلامة ,,
جعلهم مايشوفون مكروه ويكتب لهم السعادة بالدنيا والآخرة ,,
والله فيه ناس مااعرفهم ولا قد شفتهم جايين يهنوني ويدعون لي ,,وناس عرفتهم من بعيد لبعيد اتفاجات بإهتمامهم ,,
وحسيت فعلا بمكاني بقلوبهم جعلي مافقدهم ,,
بنفس الوقت اتفاجأت بأشخاص اعزهم وكنت اعتقد انهم يعزوني ولا شفت لهم أي بصمة بالمواضيع اللي فيها دعوات لي او تهاني بسلامتي ,,
لكن عذرتهم ,, ويكفيني رجوعي بالسلامة وشوفتهم بخير ,,
هذي قصة دخولي للمستشفى وعسى الله لايعيدها علي ولا عليكم ,,
وه تعبت ,,
امس كنت بكملها بس لما دخلت الماسنجر لقيت العنود رفيقة الدرب بالمستشفى ,,
وجلسنا نسولف كل الليل وطار الوقت ماكتبت شي ,, قلت يالله نخليها بكرا اذا ربي عطاني عمر ,,
علشانك بس
05-11-09, 12:32 pm
<-- صاحية من النوم بالغصصصصب :( ,,
وصاحية بكشخ واروح لعزيمة كبيرة الظهر ,,
بالله فيه احد عاقل يعزم الظهر بيوم خميس .. !!
الناس سهرانين الأربعاء شلون بيصحون لغداء الخميس ,,
ياربيييي بس ,, أنوود وانا البس :( ,,
وأول مانجي المغرب بنام ان شاء الله ,, وبصحى نص الليل ,,
انوااع حوسة البرنامج ,,
ليتهم يطيعوني مااروح .. بس مااااااااافي أمل ,,
علشانك بس
07-11-09, 01:56 am
وخللصت العزيمة بحمد الله لكن بعد مااتكسر ظهري من الجلسة ,,
اطول عزيمة حضرتها ,,,
من 1 ونص الظهر الى 10 ونص بالليل ,,
يووووووه احس اني للحين مريضة منها ,,
بس اذا جينا للحق راح اقولكم اني انبسطت مرررررة ,,
بس جيت ونمت 11 وصحيت 1 ونص بالليل ,,
وخرب النظام كلله ,,
المهم .. يقولون عندنا حرب .. وش السالفة :( .. !!!!
عاد مع اليمن .. !!!!!!!!
الناس اذا صحو من النوم ينقال لهم صباح الورد ولا مساء الخير ,,
وانا اصحى والاقي هالخبر الشين ,,
لاحول ولا قوة الا بالله ,, وش فيها الدنيا ,,
علشانك بس
07-11-09, 02:01 am
علشانك بس
أجل شرشحوك ...
بسرررررررعه ننتظر الحلقة الأخيره ...
هي مو شرشحة شرشحة بس بنت عمها ,,
الحمد لله يوم انقضت على خير ,,
الحلقة الأخيرة كتبتها ,, اتمنى انكم استمتعتوا فيها :c7:
------
بالنسبة للجائزة انا استلمها عنك لكن بشرط ... !!
يكون الطقم بيننا ففتي ففتي :) ,,
عاشق .. كيف حالك الآن ,, بشّر عساك صرت أحسن .. !!
اسأل الله ان يرفع عنك مااصابك ويجعله مكفرا لذنوبك ,,
علشانك بس
08-11-09, 03:15 am
صباحكم ورد ,,
اتناقشت انا ووحده عن الفرق بين البنت والولد ,,
فما لقينا أي فرق بينهم للأسف ,,
اذا قلنا البنت ناعمه ,, طلع لنا الآن شباب ناعمين واشد نعومة من البنات ,,
اذا قلنا البنت شعرها طويل ,, راح نقول بعد الولد شعره أطول ,,
اذا قلنا البنت احلى من الولد ,, راح نلاقي عمليات التجميل طلعت لنا شباب يضاهون البنات بجمالهم ,,
اذا قلنا البنات يختلفن بتقسيم أجسامهن ,, راح نشوف أجمل الأجسام للشباب وصارت اجسامهم انثوية جدااا ,,
اذا قلنا البنت لبسها يختلف ,, راح نلاقي ان ملابس البنات ماتختلف عن ملابس الشباب بالألوان والأشكال ,,
اذا قلنا البنت تروح لكوافيره تسوي تقشير صنفره تنظيف للبشره ,, راح نلاقي صالونات مالية الديرة كلها للشباب ,, يسوون فيها سمكرة لوجيههم ,,
واذا قلنا البنات يحطون ماكياج ,, راح نشوف الشباب يحطون ماكياج ,, والله من واحد وواحد روجه بدرج سيارته ,,
اذن .. وش اللي اختلف بين الشاب والبنت .. !!
ماراح نلاقي اختلاف الا بشي واحد الا وهو الاســـم ,,
ياربيه فيني غثياان :( ,, كلله من عشاي <-- متعشية كورن فليكس الله لايبلانا ,,
علشانك بس
09-11-09, 02:16 am
بينما كنت نائمة مع اذان المغرب ,, دق جوالي واتكسر من الدق وانا سافهته ,,
احس اني انزعجت وهو يدق ويدق ويدق ,, ماصدقت انه يمل ويسكت ,,
جلست شوي بس وبدا يدق مرة رابعه ,, اتعوذت من ابليس ورديت وانا مغمضه عيوني ,,
اخاف يطير النوم :c7:
نعم ,,
ياربييييه نايمة الين الحين .. !!
ايه نايمة .. جاهلك اني هالوقت اكون نايمة .. !!
يالله طيب قومي ابيك تروحين معاي ,,
وين اروح بعد .. !!
ابيك تروحين معاي للعثيم ,,
ياربيييه فيني نوم ..
طيب نامي الين يأذن العشاء وتعالي لأني بروح بعد العشاء ,,
زين يكون خير ,, ولا تدقين علي تكفين طيرتي عن عيني النوم يانشبه ,,
من عيوني بس لاتتأخرين تكفين لاننا ماراح نتأخر بالليل ,,
ان شاء الله ,,
مع السلامة ,,
اهلين ,,
سكرت الخط منها لقيت ثلاث مكالمات ,, وحده منهن رقم غرريب مااعرفه ,,
ومكالمتين للممرضه اللي فزعت معاي يوم انا بالمستشفى ,, دقت الين قالت بس ولا رديت عليها ,,,
خلاص بعد السوالف بالجوال طار النوم ,,
قلت بالله اقوم لأني مستحيل انام الحين ,, وغير هذا أذن المغرب وبصلي ,,
رحت للعثيم ودرنا الين قلنا بس ,, وتكسرت ظهورنا من المشي ,,
شفنا هناك قناة العربية ,, ماتو يقولون نبي نقابل معاك بس انا رفضت <-- اي هين ,,
رحت بس تمشيه ,, ورجعت محملة اغراض الدنيا ,,
وكل اللي مشتريته مالي حاجة فيه بس سبحان الله البنت من تدخل للسوق تشتري بدون شعور ,,
والقهر ان الي لهن الحاجة ويبوني بس اتمشى معهن مشترياتهن شوية وانا اللي مشترية السوق كله ,,
شفت مكان مصورين منتدى بريدة عند البعرور :c7:
شفت هناك اياد الموسى وبندر الحمر وثامر الناصر واخرين دايما اشوفهم بس مااعرف اسمائهم ,,
مختبين بالتصوير الله يسلم يدينهم ماقصرو فرحو البزارين ,, بس مضيقين صدر البعير ,,
ياقليبي هالبعير ,, احسه متضايق مرة بس مايقدر يفضفض ,,
يالله انتهينا من المهرجان ,, بكرا اخر يوم ,,
واكثر واحد منبسط بإنتهائه هو البعير المغلوب على أمرة ,,
والهيئة اللي متكسرة رجولهم من ملاحق البنات بكل ربعه ,,
نبي نفقد الخبّة والله ,,
يالله كلها وقت قصير ويجي المهرجان الثاني ,,
الآن الإخت علوشة متكسرة من التمشي بالعثيم وعسى الله ينومها بالعافية ,,
علشانك بس
10-11-09, 03:07 am
عشانك بس
<-- راحت تنادي افوله تقراء معه
او شي الحمد الله على سلامتك للمره الثانية ،، والله يدوم عليك العافية
بعدين خبله انتي تجلسين بمستشفى لحالتس يوم اروح عشان حوست عيوني معي امي وابوي وعمي واخوي حتى ابو جيراننا شوي والا اخذناوه معنآ
يختي اقل شي ترتاحين لما تشوفين اهلك جنبك ويطمنونك ,,
ماعلينا المهم رجعتي لنا سالمه مافيك الا العافية
هلا بدنوو ,,
والله ان جيتي للحق ماخلو شي اهلي يبون ينامون عندي ورفضت ,
اقول مايحتاج انا اقدر اخدم نفسي ومابي اكلف على احد ,,
امي اول الوقت زعلت تقول مااخليك تروحين لحالك ,,
يوم شافتني ماعندي نية اطيع استسلمت ورضخت للأمر الواقع ,,
الله يسلمك من كل شر ياعمري ,, ماقصرتي ,,
والشي الثاني
ترى وجهي وانا اقراء انتس بالعثيم صار تسذا -->
يعني انتي اليوم بالعثيم ماشفتي شسمه هذيك <-- وده تعلم بس تتدرب على الجحاده
يعني كنتن بمكان واحد يالله ع الصدف ابرسله تقولتس منهي هي تسان وده الا ان تسانه قالت لتس ..
مهرجان العثيم خلص وراااه طيب ماحضرت انا وماشفت شي
طيب تسان صبروا للآربعاء يمكن نجي للقصيم
المهم انتس انتي وفلانه بنفس المكان شافتس ولا مريتي من عنده ومادريتي<-- حاله
ماش ماتعرفين تجحدين ابد ,, لاتحاولين معي ,,
يالله اطمري وارسليلي رساله قوليلي منهي تراك حمستيني اعرف ,,
مع ان قلبي يقولي انها ايفوله ,,
وانا واقفه عند المسرح اسمع وحده تقول ليت دينا معنا تشوف المهرجان .. لكن اذا رحت بكتب لها بالمدونة اني جيت وبقهرها .. قلت بس هذي ايفوله حتى باين لبسها العباية كأنها توها متخفره ( متحجبة ..لغير الناطقين بالبريداوي ) فـ عرفت انها هي يوم تكلمتي فيها بعد ,, <-- تكذب الكذبة وتصدقها ,,
يلا عاد قوليلي تراني متكسره مقدر اصبر <-- توها جاية من برا ,,
علشانك بس
10-11-09, 03:49 am
وش سالفة الماسنجر .. !!
محملة الجديد واليوم يقولي فيه اصدار احدث .. !!!
ذبحونا بالإصدارات الأحدث ,, مانبي اصدار جديد خلونا على القديم بس افتحووه ,,
الحين وش اسوي فيه .. !!
اللي يعرف يجي يقولي تكفون لأني مليت منه ,,
يقولي تم تنزيل اصدار احدث وهو متوفر الآن هل تود انزله .. ؟؟
اقوله ايه موافق نزله ,,
بعدها يقولي تعذر تثبيت البرنامج .. استخدم ويندوز اب ديت لتنزيل احدث إصدار من مثبت ويندوز ..
ثم حاول مرة اخرى ,,
ياليييل التعذيب ,, انا شلون بزينه .. !! يعني مااسولف اليوم :( ,,
علشانك بس
10-11-09, 11:36 am
الصراحة انكم ماتنفعون ولا تشفعون ,,
ولا واحد فيكم ينقال عنه حريف ويعرف لهالمشكلة .. !!
يالله وخرو بس ملليت وانا احاول فيه بنام اصرف لي ,,
<-- والله ياهي معصبة ,,
علشانك بس
11-11-09, 01:16 am
جينا من العثيم ولله الحمد ,,
ايفوله ترى الماسنجر عندي فيه مشكله ادري انك شايشة علي :c7:
يحمل الإصدار الجديد اذا خللص قال ماراح اثبته لك ,, فيه مشكلة عويصة ,,
علشانك بس
12-11-09, 04:06 am
الحمد لله ,, ربي ارسل لنا عاشق ثاني اسمه قلب الأسد ,,
اسعد قلوبنا بحكاوية الحلوة بالمدونة ربي يسعد قلبه ,,
الف مبروك ياقلب الأسـد ,,
علشانك بس
12-11-09, 04:25 am
ياربيه .. ياشين الي ماعنده ماسنجر ..
يضطر يناظر مسلسل بالإم بي سي وهو ماتابعه من الطفش <-- نامي ريحي ملايكتس ,,
علشانك بس
12-11-09, 11:55 pm
<-- حاليا باسطة بالإجتماع .. وفاتحة اللاب توب تتابع المنتدى ,,
ياربييييه ازعاااااااج منقطع النظير ,,
علشانك بس
13-11-09, 03:12 am
سباق هو .. !!
المدونات مشعلله فوق ماشاء الله ,,
ارفقو علينا ,, طاقينها سويليفات بالمدونات واذا دورت مدونتي لقيتها بالصفحة الثالثة ,,
ادري ماهبل بكم الا قلب الأسد يوم فتح بقالته المدونه ,,
صرتو تردون وطاقينها معاه سوالف عن ماتعجزون ,,
<-- والله لو تدرون وش تاكل بعد <- واحد خطمة وصلحوووو :c7:
علشانك بس
13-11-09, 03:44 am
ههههه علشانك بس ,,,, وراه اجل به اقتباسات >>راح يشوف وش قايلن عنه
والله من جد المدونات عليه سحب صارت مثل الدفايات بالشتاء خخخخخخخ
وش تاكلين اولااااااااااااااه ,,, من حيني شروف بلا سؤال عاد
قلب الأسـد ,,
عاد انت بالذات تقدر تعرف وش اكل لأنك راعي طلعات ,,
وممكن تجيبها ,,
<-- ضحكت الين دمعت عيونها من جماهير الهلال والنصر بجدار الحمام وانتم بكرامه هه ,,
علشانك بس
13-11-09, 04:00 am
بعد أنتي ياعلوشة مثلي وه بس
من أمس وأنا تسذا حالتوه ماغير طف وولع بالجهاز ومير تجي
أم العبيد وأصبخ بوه حوم تسبدي المشكله أصداري آخر أصداار
مدري وش يبي مع أني حملته وبالخير قال تعذر
أحس أني مهبولة بدون المسن تسيف تسذا يسوي بنا
أغدي أحد شاطر يتبرع لنا ويصلحه
حتى مستشاري بتاع كمبيوتري معي بالمسن وشلون أعلمه<حاااله والله
يالله إن الشكوى لك
نجدية كوووول ,,
اي نعم مثلك وانقهرت مرة ,, لكن ربي سهلها ,,
اخذت منك العلم ,, ومن عضو ثاني ,,
وحاولت فيه حسب تعليماتكم الله يجزاكم خير ,,
لكن نفس المعانااة .. حاولت ولا فيه اي تقدم ,,
فـ مع الحبرشه قدرت اصلحه لكن الطريقة احس انها طريقة مشي حالك ,,
فتح بس ماارتحت احس انه يبغى تحميل من اول وجديد ,,
فـ اللي يخرب ماسنجره ويطلب الإصدار الجديد .. يجيني ومعه 50 ريال وانا بعلمه ,,
واللي داج مامعه 50 يدعي لي واعلمه مجاني ,,
بدون تحميل ولا عوار راس ,, كلله تحريك شوي في الخيارات وكل شي بيكون كويس ,,
مشكورة ياعمري يانجدية ,, ماقصرتي انتي والعضو اللي ارسل لي وحاول مساعدتي ,,
علشانك بس
13-11-09, 02:34 pm
ومازلت
اتقلب
ابي
النومة
تجيني
ومو
قادرة
انام
وهذي
حالتي
من
يومين
لأني
موبسريري
وه
علشانك بس
13-11-09, 02:38 pm
<<--في
جدة
وتسولف
من
الجوال
مافتحت
اللابتوب
تخاف
يطيرالنوم
علشانك بس
14-11-09, 02:42 am
<--متكسرة
توها
جاية
من
السوق
يالله
حسن
الخاتمة
:c7:
علشانك بس
14-11-09, 02:48 am
اللابتوب
خرب
ابشركم
مع
انه
قديم
بس
احبه
والجديد
بالقصيم
وش
السوات
خيره
انه
خرب
عشان
اضطر
للجديد
مع
اني
ماحبه
ابد
نظامه
فيستا
والي
خرب
xp
حتى
الجوال
ماتعودت
اكتب
فيه
ومايبي
يكتب
مثل
الناس
بعد
علشانك بس
14-11-09, 04:19 pm
جد
قهر
مقدر
اكتب
الابالمدونة
لأني
ادخل
من
الجوال
لا
والنوم
خرب
بعد
صرت
انام
مع
دحينه
واصحى
مع
يابويا
والبيك
تجرو
منا
وانا
مالي
خلقه
ياشين
الطفه
علشانك بس
15-11-09, 08:48 pm
مساء الورد ,,
اللي مجرب ويندوز سفن (7) يقووولي بسرعــه ,,
هل هو حلو وعملي وجميع البرامج تفتح عليه ولا لا .. !!!!!!
وايهم احسن ويندوز اكس بي ولا سفن .. ؟
علشانك بس
16-11-09, 03:37 am
ابشركم وصلت بالسلامة ...,
اشتقت لكم والله ,,
علشانك بس
16-11-09, 08:25 am
ياحلو الأيام اللي قضيتها بجدة لأنها بعيدة عن الشهابة والقرادة والشرافه والحسد والقرد ,,
واحلى شي فيها البحر ,, ياحلو البحر وياحلو جوه ,, وخاصة ان الأجواء الآن راااائعه هناك ,,
جلسة عند البحر ساعه تسوى سنة في بريدة المشهبه ,,
بما اني اعشق الجلسة عند البحر وغالبا احب الجلوس عنده لحالي صورت كم صورة من وقت الغروب الين اظلمت الدنيا وصرت مااشوف ,,
مع اني سابحه انا وجوالي من الأمواج لكن ماردني اني اصور ,,
الصور صورتها من الجوال يعني الصور لكم عليها ,, وغير هذا الجوال سبح من الموية ,,
ولاحظو الصور من اول صورة الى اخر صورة ,,
اول صورة بآخر النهار ويبدا يتدرج الليل يدخل بالصور صورة ورى صورة ,,
الين صرت مااشوف البحر ابد من الظلام ,,
المهم اني بغطي على بندر الحمر واياد الموسى وثامر وطارف الناصر وفهد العنزي بالتصوير :c7:
http://www.wi1wi.com//uploads/images/wi1wi.com1369aeed93.jpg (http://www.wi1wi.com//uploads/images/wi1wi.com1369aeed93.jpg)
http://www.wi1wi.com//uploads/images/wi1wi.com76ba7f7865.jpg (http://www.wi1wi.com//uploads/images/wi1wi.com76ba7f7865.jpg)
http://www.wi1wi.com//uploads/images/wi1wi.com3763ffbfc9.jpg (http://www.wi1wi.com//uploads/images/wi1wi.com3763ffbfc9.jpg)
http://www.wi1wi.com//uploads/images/wi1wi.com9879ba0f1d.jpg (http://www.wi1wi.com//uploads/images/wi1wi.com9879ba0f1d.jpg)
http://www.wi1wi.com//uploads/images/wi1wi.com81a56cb4ce.jpg (http://www.wi1wi.com//uploads/images/wi1wi.com81a56cb4ce.jpg)
http://www.wi1wi.com//uploads/images/wi1wi.com79371467ac.jpg (http://www.wi1wi.com//uploads/images/wi1wi.com79371467ac.jpg)
وهذي عاد سيارتي المفضلة اللي اخذت منها اللي ابيه ,,
وغير هذا اشوفه باسط عندنا شكلي عجبته وبتل واقف :c7: <- قولي تكسب منها مو عجبته هه ,,
http://www.wi1wi.com//uploads/images/wi1wi.com1237585eb4.jpg (http://www.wi1wi.com//uploads/images/wi1wi.com1237585eb4.jpg)
وهذي غرفتي .. تراي ساكنه بفندق 5 نجوم :c7: ,,
هالغرفه اللي بس اتقلب واتقلب على جمر الغضااا ابي انام وعجزت ,,
ماش مايهنالي الا سريري اللي في بريدة الحبيبة الشهبااااء ,,
http://www.wi1wi.com//uploads/images/wi1wi.comb97cf2466d.jpg (http://www.wi1wi.com//uploads/images/wi1wi.comb97cf2466d.jpg)
والله ياانا دخت الين صغرت الصور وه ,,
علشانك بس
16-11-09, 09:58 pm
أروح .. ماأروح ,,
أروح .. ماأروح ,,
ليتنا بالنهار لو سااعة بس .. بعدها يرجع الليل مرة ثانية :( ,,
ياناس انتم مثلي .. !!
مااشوف الشمس أبد ,,
أول الصباح بغرفتي بعدها انام الين المغرب ,,
ناسية شوفة النهار ,, الا بايام بجدة بس ,,
نظام شيين .. من سنين وانا ماشية عليه .. اممم نقول 8 سنوات تقريبا وانا على هالمنوال ,,
ولو اصحى بالنهار ماعرفت اهلي :c7: وهم يمكن مايعرفوني بس يشبهون علي ,,
المهم اني قررت اروح الآن ان شاء الله حتى لو هو بالليل ,,
علشانك بس
17-11-09, 02:00 am
لاتفوتكم هالرسالة الظريفة اللي وصلتني من شوي هه ,,
عشانك الله يخليك بجد متى صرتي كذا ولا سلطان بن عبدالعزيز في كثر الوظايف
مشرفة تغطيات و أخبار بريدة
مشرفة بريدة الخاص
جد والله سؤالي عابر ولا يجي على بالك شي بس الله يسلمك شي بخاطري يوم أسألك مو اكثر
بالله وش تبون أرد على هالرساله .. !!!
علشانك بس
18-11-09, 08:38 am
صباحكم ورد ,,
عطوني تعليقكم على هالصورة ,,
http://www.wi1wi.com//uploads/images/wi1wi.com19929f9f87.jpg (http://www.wi1wi.com//uploads/images/wi1wi.com19929f9f87.jpg)
<-- تتصدد من الخوف والغثيان :(
لايفوتكم اللي فاتح عين يمااااااااااااامي هه :( ,,
وه عجزانه اتنهد من شفت الصورة ,,
اتخيلت الأوجه تنباع بالأسواق مجمدة ,,
وظائفها .. تنوكل .. وتتركب بدل الاوجه الشينة ..
وخاصة الرجال الشيون وهم اللي كل يوم لهم وجه يغازلون فيها :c7:
المهم عطونا تعليقكم عليها ,,
علشانك بس
19-11-09, 03:07 am
<- من آخر السهره بدا يخرب مزاجها ونفسيتها تخرب ,,
ياربيه وش فيني .. حطيت حرتي بالسواق تو وهو ساكت ماقال شي ,,
وكملت على الشغاله يوم تكلمت سكّتها ,,
يوم ضاق صدره طار هالغبي يدق على ابوي الساعه وحده ونص وهو نايم ,,
يقول علوشة هاوشتني ,,
يوم هديت وفكرت فيهم ضاق صدري حسيت اني تسرعت بالهوشه :(
هذي انا سبحان الله اذا عصبت مااعرف امي من ابوي ,,
واذا هديت ضاق صدري واتحسفت :(
وربي ضااايق صدري عشانهم ,, الله يغفر لي بس ,,
اوففففف بس .. والمنتدى كملها بعد كل ثلاث دقايق يخرب ,,
شكلي بحط حرتي فيه ..,
علشانك بس
20-11-09, 07:00 am
ياثقلها كلمة دقايق واجي لك ...
ويامرها كلمة خلاص انتظرني ...
انا دخيل الله وانا دخيلك ...
كل العذاااب افـ غيبتك ينتظرني ...
علشانك بس
20-11-09, 11:58 am
احسن الله عزاءك في نفسك ياخروفي المدلل ,,
الحين حاطينك في احسن مكان ولحالك كأنك أمير ,,
ويخلونك تاكل أحسن اكل ويشربونك احسن شرب ,,
عشان بعد كم يوم يضحون فيك ومايبقى فيك الا راسك المقطوع .. لالا راسك يفقشونه وياكلون مخك ,,
بيضحون فيك ولا يبقى الا رجولك .. لالا نسيت .. رجولك بعد يسوون عليها مرقة كوارع وياكلونها ,,
بيضحون فيك ولا يبقى الا جلدك .. يووووه نسيت انهم اذا قشروك يتهاوشون على جلدك ,,
ياخروفي هم بيضحون فيك بكل مافيك ,,
كل شي فيك يستفيدون منه .. تقول ماشافو العيشة ,,
اقرا وردك واتشهد قبل تتقطع اشلائك وتتربع في كروش هالاوادم المجرمين ,,
<-- اخر خبرها في عيد الأضحى يوم كانت بخامس ابتدائي ,,
علشانك بس
20-11-09, 12:22 pm
على طاري الخروف ,, وش رايكم بالحب .. !!!
الصراحة صار كل من هب ودب يقول انا احب ,,
حتى اللي يبتلش مايلقى حبيبه يقول انا احب شغالتنا ومواعدها اطير لها بجكرتا واتزوجها لأني احبها ,,
واللي يقول انا اتزوجت عن حب ,, واذا سألناه كيف عن حب .. !!
يقول شفتها الشوفة الشرعية وحبيتها وهذا الزواج اللي عن حب ,,
واذا جلست معه ثلاث شهور بدا يتهجج عنها بكل استراحة ,, مدري وين طار حبه ,,
يقولون ان الحب اللي مايكون في مجتمع مفتوح وتشوف فيه البنات كلهم وتختار وحده بذاتها وتحبها مايكون حب ,,
يوم سمعت هالمقولة صرت افكر اسكن بسوريا يمكن الاقي نصيبي ,,
<-- فتاة بيضاء جميلة في عمر الزهور تريد شاب ابيض وطويل وجسمه حلو وصوته خشن وعيونه وساع وله سكسوكة وشعره ناعم مابي يطلعون عياله عليه .. بأسرع وقت قبل تطير الطيور بأرزاقها ,,
( قناة عوانس على الهواء مباشرة )
علشانك بس
20-11-09, 12:29 pm
همسة الجمعــــة ..,
لاتتذكر إساءة الناس إليك ..
ولا إحسانك إلى الناس ..
طيب الله حياتكم ..,
علشانك بس
21-11-09, 12:53 am
ياويلي ياجياااان يكسرون الخاطر ,,
رحت على ايام دجته وهو بيسكر ومافيه الا انا جواته ,,
ويوم قلب لهايبر بندة صار مرررة مزحوم ,,
توني جايه منهم وانوااااع الزحمة ,,
نافخ الله بصورته هايبر بنده هه ,,,
الا الفرع اللي بالشمال اروح له دايما وهم متسدحين من ضيقة الصدر ماعندهم زباين ,,
اللي بيطلع من البيت يلبس زين تراه بررررررد <- راحت وماتت برد وجت ..,,
علشانك بس
21-11-09, 03:10 am
اليوم امي منسدحه بالصاله وانسدحت اسولف عليهم هي وخواتي
بعد ماجينا من البر قبل المغرب بشوي المهم وانا منسدح اسولف واستغربت
ما احد يجاوب لأني كنت اسأل يوم قمت واثر امي نايمه وخواتي رايحات هههههه >> طبعاً من الطبيعي اني افشل واقوم واهج خخخخخخخ
قلب الاسد .. حسيت اني فشلت وانا مالي دخل هه ,,
علشانك بس
21-11-09, 11:14 am
قبل يومين واحد جالس ياكل فول ويقول اللهم اجعل ثوابه واجره لأميمتي الله يرحمها ,,,
قالو له مفطح هو تتثاوب فيه .. !!
قال انا اتثاوب باشياء كثيرة تحبها اميمتي ,,
قالو مثل ايش .. ؟؟
قال الفول والجراد والبيبسي والقرعه :c7:
اميمته الله يرحمها ذوّاقه للأكلات الحلوة ,,
جراد وبيبسي مقرمش هه ,, ولا فصفص باجة ,,
الله يرحمها ويغفر لها ويسكنها فسيح جناته ,,
علشانك بس
22-11-09, 02:37 am
المنتدى هالأيام يرثى لحاله من التقطعات المتكررة كل خمس دقايق ..,,
علشانك بس
22-11-09, 04:33 am
والله يالإجازات للطلاب على ئفى من يشيل ,,
امداهم يبدون عشان يعطلون .. !!!
مبسوطين العااالم ,, طلعات ودخلات ,,
النخيل والعثيم اليوم مليانات زحممممممة مرررة ,,,
يتحججون بالعيد عشان يجون يتسكعون البنات منهم والعيال ,,
بس الحلو بالسوقين انهم مشغلين تكبير طول الوقت ,,
وكل ماقال الله اكبر احسب المحلات سكرت .. وانا رايحة العشاء <- ماشبعت نوم ولا تركز وقتها هه ,,
علشانك بس
23-11-09, 11:44 am
صبااااح الورد ..,
احلى تمشية اتمشيتها من العام هي تمشية اليوم الفجر ,,
طلعنا نتمشى مع صلاة الفجر .. وكان البرد شديد جدااا ..
اخذنا فطور وقلنا نفطر بالبر .. وأول مابسطنا بالبر من شان الفطور امطرت علينا وهجينا :c7:
افطرنا ع السريع تحت حبات المطر الي كأنها لولو يازينها من حبات ,,
واتمشينا بالأجواء الحلووووووة ويوم طلعت الشمس جينا نركض ,,
وهذي جيتي من النزهه الجميلة <-- تحس انها تقرا من كتاب القراءة حق ثاني ابتدائي ,,
الى الآن مواصلة .. مدري اذا نمت متى بصحى :( ,,
يالله تمسون على خير ..,,
علشانك بس
24-11-09, 06:44 am
وش ذا الإشاعات اللي صايرة تطلع علي هالأيام .. !!!!
علشانك بس
25-11-09, 06:17 am
قرب تغيير التوقيع ان شاء الله ,,
الحمد لله .. الحمد لله .. الحمد لله مليوووون مرة ,,
علشانك بس
25-11-09, 01:05 pm
الجو روووووعة الصباح <-- طالعين يفطرون براا ,,
جو مغيم ومطر ,, ياليت كل ايام السنة مثل هالأيام كان تختفي شهابة الرجال ,,
وتزين اطباعهم الصحراوية ,, لاتنسون ان الأجواء الحلوة لها تأثير في النفس ,,
وه على الأجواء الحلوة ,,
صباحكم ورد وجوري ,,
وكل عام وانتم بخير ,,
علشانك بس
26-11-09, 03:15 am
لييييه يومياتي مجدوعه بالصفحة الثانية وانا اليوم الصباح كاتبة فيها .. !!!
مدهرين الأعضاء بمدوناتهم ,, ماقلت لكم هالأمطار والأجواء الحلوة لها تأثير بالنفس .. !!
شوفو الأهضاء اتهيضت مشاعرهم من الأجواء الحلوة وجايين طايرين لمدوناتهم يكتبون اشعار وخواطر لحبايبهم ,,
<- ياحول ياللي ماله حبيب :( ,,
<-- تكتب وهي ترتجف من الخوف من الرعد والبرق والأمطار القوية ,,
<-- تناظر مسلسل بالإم بي سي وخرب الدش من الأمطار وسكرت التلفزيون خير شر تطوعت من الخوف ,,
سبحان من سبح الرعد بحمده والملائكة من خيفته ,,
علشانك بس
26-11-09, 03:56 am
وراكم يادافع البلا كاسرينن ظهر الأخت جيان من كثر قولت انه خسرت
السالفه ومافيها انه تابعه لشركة الحكير عشان ينفخون فيها على وقت طرح شركتهم للآكتتاب <-- لزوم علاوة الأصدار
وقبل فتره اشترتها صافولا وحولتها لهايبربنده
ويوم ان تصير فاضيه ذيك الأيام لانهم يصفون المنتجات التابعه لأسم جيان يعني صارت شبه محدوده
و مافيه شي اسمه جيان خسروا
<-- عشانك وش رايتس نتقاط ونفتح لنا مكتب همن نكتب شركة محدوده
همن عقب نقول شركة مُساهمه ونحوله اكتتاب وندبر عمرنا بسعر زين ،،
ونتقاسم ونهج لروسيا ولا القوات الفيدرالية تجيبنا ونخليهم هنآ بس انتي اجحدي عن ايفل
تراه امس سابتن وخلاص قررت اقاطعه ومانبيه بمشروعنآ الناجح من اوله
دينــا ..
يابنت الحلال انا قلت خسرت يعني خسرت ولا تكسرين كلمتي ,,
بعدين مبين انك فاهمه ,, يالله شورك وهداية الله ,,,
شوفي اذا تقاسمنا المبلغ عطين اغبيه لتس وهجي انتي ولو لحقوك هناك وقبضو عليك بكيفتس اهم شي الفلوس معي هنا ,,
ومتى ماجيتي عطيتتس المقسوم <- نكابه :c7:
بعدين ايفل مقدر اجحد عنها <-- وصلتها للتّو رسالة خاصة من ايفل تهوش تقول افتحي المسن .. والله اني ناسية افتحه :( ,,
هذاني افتحه اصبري <-- تصارخ تبي ايفل تسمعها ,,
علشانك بس
26-11-09, 04:42 am
اليوم المغرب مت ضحك على اخوي دخلت عليه بالملحق مشغل المكيف البارد
وقاعد عند الدفايه خخخخخخ وش يحسبه هذا هههه
قلب الأســد ,,
هه دفاية مرة وحده .. !!
تونا عاد عليها .. شكله طاف بالبرد اخوك ,,
بس تبي الجد .. نفس مايحصل معاي الآن ,,
مكيف الصالة على الحار لأن الصالة باردة ,,
ولما اروح غرفتي افتح المكيف البارد ,,
<-- ماتعرف تنام الا بمكيف بااارد واذا صحت لقت نفسها شاقصه من البرد :( ,,
علشانك بس
26-11-09, 08:50 am
الإتصالات السعودية تقول ,,
لو مشتركي السعودية مثل مشتركي الكويت
يعلقون مودم واحد سبيدتتش على ابراج الكويت ويكفيهم ..
كان نلغي الدعم الفني من اقسامنا هه ,,
علشانك بس
26-11-09, 10:18 am
أقفى زمان الحب وغابت ليـآليه .....,
علشانك بس
27-11-09, 03:23 am
الى اغلى ناسي ..
لكم مني تهنئة خاصة بقدوم عيد الأضحى المبارك ..,
كل عـام والجميع بخير ,,,
( التهنئة عامة .. وخاصة للي هنئوني برسائل خاصة )
علشانك بس
27-11-09, 05:30 am
ياربيه وش اسوي بنفسي اذا صارو اهلي مختبين الصباح بالذبح وتقشير الخرفان :(
وش ذا الحاله ,,
والنوم مو جايني قبل 10 ,,
لكن يالله نتحمل ,,, مو كل يوم يجي العيد ,,
سبحان الله .. فرق بيننا وبين الأطفال ,,
هم ينتظرون الشروق على أحر من الجمر من فرحتهم ,,
وحنا نقول الله يعديها على خير ,,
وخاصة الرجال ,,
<- تناظر الأعضاء الذكور بالمنتدى تقول وش يجلسهم مايروحون ينامون وراهم ذذبح الصباح ,,
ياويلي رحمتهم هه ,,
علشانك بس
27-11-09, 08:17 am
الخرفان حاطات يدينهن على خدودهن وينتظرن ,,
<- تحمد ربها مليون مرة انه ماخلقها خروف :( ,,
علشانك بس
27-11-09, 08:25 am
ياربيييه الخروف رافض يطلع من غرفته ,,,
يقول مابي اموت مابي مابي :( ,,
ماش رحمناه شكلنا نبي نضحي ببنات المذن اهون شوي :c7:
علشانك بس
27-11-09, 08:28 am
الذين يشاهدون محتوى الموضوع الآن : 3 ( الأعضاء 2 والزوار 1)
علشانك بس , Modern
مودرن .. !!!! أول شي هلا وسهلا ومرحبا ..,,
وين اللي يبي يذبح الضحايا .. !!!
شكلك مخلي السواق يذبح ,,
ماش شباب هالوقت ناعمين <-- مهب تقصدك لاتعصب رجاااء :c7:
هلا وسهلا وعيدك مبارك ..,
علشانك بس
27-11-09, 08:49 am
علشانك بس , ღحآرثي₪11 , أم احمد , ملكه بعز الخوالد , أولمـي بـليز..{ , منطقي وواقعي , الأسيــ بنت ـاد , العباس الشنقيطي , الفلته 9 , الطواري , ابوراشد.. , انثى لاتتكرر , اوبن مايند , تلميذة الحياة , بنت البدائع , بندر الحمر , جندوانا , حكيم الليل , modern , شميساوي , صــ م ــت شاعر , عبدالله الحلوه , فلسفة جيل , ziizo , إياد الموسى , إزعاج , نايف القصيم , نايف بن عبدالعزيز
8888
ممكن اعرف وش يسوون اللي ملونين بأحمر هذولا .. !!
الظاهر خللصت الصلاة ..
ليه ماكل واحد منهم يروح لخروفه ويتفاهم معه .. !!
البنات ماعليهن شرهه .. لأن ماعندهن لاشغل ولا مشغله .. ومسموح لهن يرتزن بالمنتدى ,,
لكن الشباب مطلعين فيني وردات براسي ,, ليه ماراحو يذبحون ,,,
الاقي كل واحد في بيتهم 12 خروف .. وتاركينهن ومرتزين هنا ,,
<-- وش محرق رزك انتي .. !!
علشانك بس
27-11-09, 12:21 pm
خالتي داقه علينا تصيييح تقول حرمة جيراننا رقت الساعه 7 تصحي الشغالة من شان تشتغل معها ,,
طقت عليها الباب ومقفلة ماترد ,,
راحت لزوجها وبلغته ان الشغالة ماترد عليها ,,
رقى زوجها وكسر الباب لقاها طايحة تحت السرير وميته :(
ياربيييييييه جلست اصيح معها :(
انحاس عيدهم وصار بيتهم صياح بصياح ,,
وضيقو صدورنا ,,
الله يرحمها ويغفر لها :(
ياقلبي عيالها رحمتهم .. امهم ماتت وهم بعيدين عنها ,,
وغير هذا موتتها صباح العيد ,,,
اللهم لاحول ولا قوة الا بك ..,
علشانك بس
28-11-09, 12:51 am
يوووووه ياشين اجتماعات العيد ,,
تصير كبييييييرة مرة وتشوف اللي لك سنة ماشفته ,,
الحمد لله طاح عنا اجتماع اليوم ,,
بقى الإجتماع الأكبر اجتماع بكرااااا ,,
يوم خللص اول يوم العيد بمطاريسة زييين ,,
مع اني ماشفت هالمطاريس ابد ( مطاريس الذبح )
لكن خربها علي عاشق الخير يوم حط موضوعه حق الذبح .. ياربيييييييي ,,
كأني حاضرة الذبح كلله ,, والله اني تحسفت اني دخلته ,,
لكن بروح واشارك بذاك الموضوع دامها خربت وشفت الصور ..,
علشانك بس
29-11-09, 04:01 am
مصدعة مرررة ,, مانمت زين ,,
نمت 2 ونص الظهر وصحيت 5 العصر من شان الإجتماع <-- ترى هالساعتين ونص هي نومة الليل ,,
الحمد لله ,,
الف الحمد لله خللص العيد واجتماعاته الكبيرة ,,
وباقي الاجتماعات الصغيرة اللي كلها وناسة ياعسى ربي يديمها علي وعليكم ,,
توني جاية من اجتماع كبيييييييير فيه ناس ماشفناهم من العام ,,
شغالين قزقزة لأنهم من زمان عنا ,,
ليتنا نحضر وحنا متنقبين وكل واحد مايقدر يقزقز بالثاني هه ,,
علشانك بس
30-11-09, 06:06 am
صباحكم ورد ,,
لقيت شي قديييم لي ,, بنزل منه هنا ,,
بس متى افضى له ,,
تلاحظون اني من زمان عنكم .. !!!
علشانك بس
30-11-09, 06:10 am
الذين يشاهدون محتوى الموضوع الآن : 2 ( الأعضاء 2 والزوار 0)
علشانك بس , البـــbaderـــدر b.d.q
هلا وسهلا بالبدر ,,
قبل يومين كنت بقولك الحمد لله على سلامتك وكل عام وانت بخير ونسيت ,,
موضوع عاشق حق الذبح والدماااء نساني اسمي :( ,,
نتمنى تواجدك وانت بصحة وعافية وراحة بال ,,
علشانك بس
01-12-09, 07:07 am
صباحكم ورد للسهرانين ,,
ونوم العوافي للنايمين ,,,
كتبت قبل شوي قصتي اليوم مع الفرفرة بكل مكان لكن طار كل شي مع نافذة ارسال وعدم الإرسال :( ,,
لذلك انا متعيجزة اكتبها مرة ثانية ,,
لكن مضمونها اني صحيت من النوم جوعانة حيييل ولما طلبت من اهلي يجيبون لي عشاء قالو لا بنطلع ,,
ومع مساحر لأخوي واختي انهم يروحون معى ويعشوني رضو اخيرا ,,
والباقين راحو للعزيمة وقلت لهم نلحقكم ,,
رحنا طبعا بإختياري للمطعم الصيني قلت بجربة بما انه توه جديد ,,
ولما رحنا له لقينا جمس منتدى بريدة واقف عند المطعم ,,
مدري مين اللي جاي يتعشى على جمسنا <-- صار جمس المنتدى حقها هه ,,
المهم .. رحنا وشفنا الزحمة وعوار الراس ,, وبالموت جاء دورنا وليته ماجاء ,,
يوم عطونا المنيو عجزت اختار كل شي مااعرفه ولا يكون حلو وانا اكره الأكلات الحلوة ,,
أخيرا اخترت و قلت بتذوق الين الاقي اللي يعجبني ,,
كل شي حلو الا شوربة الدجاج حسيت فيها نكهة روبيان وتركتها وطلبت شوربة فطر هي اللي اضمن انها خالية من المأكولات البحرية ,,
جلسنا وقت طويل نقرق الين جاء العشاء طبعا كأني مسكينه اكل لحالي كلهم متغدين العصر وانا كنت نايمة ,,
يوم اتذوقت الأكل لقيته ممتاز ,,
قلت لهم اقلطو معي ولا بحلف مااكل ,, قالو نبي نتذوق معاك بس عن قولة اننا مااكلنا ,,
يوم ذاقوه كملو ماشاء الله عليهم وخلصو لي عشاي :c7:
لو انا داريه مااخذتهم معي اكلو اكثر مني ماشاء الله هه ,,
طبعا الفاضية منا مشتغلة تصوير بالعشاء ,, قلت يالله خلوني انزل لكم عشاي اللي ماجاء الا بطلعة الروح ,,
<--- معيين عليها تروح وتترك العزيمة وراحت غصب ,, مارجعت للعزيمة الا 10 ونص وكملت معاهم احلى جلسة ,,
هذي صور عشاي اقلطو اللي ماتعشى :c7:
صورة من تصوير اختي <- لأنها شينه ,,
http://www.wi1wi.com//uploads/images/wi1wi.comec3b80ac50.jpg (http://www.wi1wi.com//uploads/images/wi1wi.comec3b80ac50.jpg)
وهنا جالسة اتدرب على عيدانهم حقات الأكل ,,
http://www.wi1wi.com//uploads/images/wi1wi.com49899c791e.jpg (http://www.wi1wi.com//uploads/images/wi1wi.com49899c791e.jpg)
وهنا شوربتي الأولى اللي تركتها وطلبت غيرها ,,
http://www.wi1wi.com//uploads/images/wi1wi.com300d293577.jpg (http://www.wi1wi.com//uploads/images/wi1wi.com300d293577.jpg)
وهذي الشوربة الثانية اللي طلبتها يوم ماجازت لي الدجاج ,,
http://www.wi1wi.com//uploads/images/wi1wi.comb12250f938.jpg (http://www.wi1wi.com//uploads/images/wi1wi.comb12250f938.jpg)
وهذا عصيري المفضل ,,
http://www.wi1wi.com//uploads/images/wi1wi.comc5d8a64b07.jpg (http://www.wi1wi.com//uploads/images/wi1wi.comc5d8a64b07.jpg)
http://www.wi1wi.com//uploads/images/wi1wi.com8f2b9b8c69.jpg (http://www.wi1wi.com//uploads/images/wi1wi.com8f2b9b8c69.jpg)
هذي وانا اتهاوش انا ومناقيشهم الكبار ابي اكل فيهن عجززت ,, ملليت وانا ابي امسك فيها شي ملليت الدنيا ,,
http://www.wi1wi.com//uploads/images/wi1wi.com37c9678090.jpg (http://www.wi1wi.com//uploads/images/wi1wi.com37c9678090.jpg)
وهنا طلبت ثلج لعصيري <-- هاوشتهم تقول ليه ماجبتوه من الأول ليه تخلوني اناديكم مرة ثانية ,,
http://www.wi1wi.com//uploads/images/wi1wi.com78d12a2f09.jpg (http://www.wi1wi.com//uploads/images/wi1wi.com78d12a2f09.jpg)
وهالصورة بعد ماخلصت وقمت بغسل التقطتها ,,
http://www.wi1wi.com//uploads/images/wi1wi.comb31c3022bd.jpg (http://www.wi1wi.com//uploads/images/wi1wi.comb31c3022bd.jpg)
هني وعافية على قليبي ,,
علشانك بس
02-12-09, 01:27 am
صباح الخير ,,
تصدقون توني صاحية من النوم .. !!
الناس ينامون وانا اصحى ,,
طلعت اليوم الصباح ولا رجعت الا الظهر والمنتدى مفتوح <-- تحس الأعضاء يقولون هذي ماتنام لا ليل ولا نهار ,,
جيت الظهر وحذفت كم مشاركة ونمت العصر وتوني اصحى ,,
ياربي على ذا البرنامج الصراحة انه متعب جداَ ,,
المهم عندي موضوع مقلقني حييل ,,
امس بنص الليل تقريبا الساعه 3 أو 3 وربع دخلت الماسنجر ولقيت اخوي متصل ,,
واستغربت انه يكون متصل بالليل ,,
عادة هو يكون سهران ماينام لكن فاتح الماسنجر هذي غريبة شوي لأنه مايكون على النت ,,
شافني دخلت سلم علي وحصل بيني وبينه حديث الصراحة ضايقني كثير ,,,
لكن ماحبيت اشد عليه مرة بعدين يبدا مايقولي شي ,, وغير هذا مابيه يحس نفسه صغير ,,
وهو بالفعل صغير مو كبير ,, لكني طولت بالي عليه مرة ,,
صورت المحادثة من شان تطّلعون عليها وتشوفون بلاوي البنات اللي مانخلص منهااا ,,
هذي المحادثة اللي دارت بيننا ,, هي قصيرة تقريبا لكن الزبدة مبينه فيها ..,
http://www.wi1wi.com//uploads/images/wi1wi.com68e18f1f2e.png (http://www.wi1wi.com//uploads/images/wi1wi.com68e18f1f2e.png)
http://www.wi1wi.com//uploads/images/wi1wi.com289cd5aa55.png (http://www.wi1wi.com//uploads/images/wi1wi.com289cd5aa55.png)
http://www.wi1wi.com//uploads/images/wi1wi.com006f869857.png (http://www.wi1wi.com//uploads/images/wi1wi.com006f869857.png)
http://www.wi1wi.com//uploads/images/wi1wi.com2b94938277.png (http://www.wi1wi.com//uploads/images/wi1wi.com2b94938277.png)
http://www.wi1wi.com//uploads/images/wi1wi.come9015d84d0.png (http://www.wi1wi.com//uploads/images/wi1wi.come9015d84d0.png)
http://www.wi1wi.com//uploads/images/wi1wi.com225fcc556d.png (http://www.wi1wi.com//uploads/images/wi1wi.com225fcc556d.png)
http://www.wi1wi.com//uploads/images/wi1wi.com53f90ee361.png (http://www.wi1wi.com//uploads/images/wi1wi.com53f90ee361.png)
http://www.wi1wi.com//uploads/images/wi1wi.com3659a83500.png (http://www.wi1wi.com//uploads/images/wi1wi.com3659a83500.png)
قريتو المحادثة .. !!
شفتو كيف الدنيا اقتلبت وصارو البنات هم اللي يغازلون الشباب ويتبلونهم .. !!
اشوف ان الشباب الآن هم اللي يخافون من انفسهم من البنات ,,
وكل واحد يقول اخاف تبتزني هه ,,,
ملاحظة .. المطموس بالمحادثة اسمي .. وكلمتين مطموسات ايضا كان يناديني باسمي ومسحته اعرفكم شهبان ,,
علشانك بس
02-12-09, 02:33 am
ذبحونا بالحوثيين بكل مجلس الهرجة هم ,,
احس انهم مايستاهلون اننا نجيب سيرتهم <-- حاقرتهم ,,
والسعودية متكلفين طائرات واسلحة و و و ,, والدعوى مو مستاهلة ,,
انا اقول لو يحطون صمغ فيران على الحدود ويروحون ينامون ,,
واذا صحو الصباح مايلقون ولا حوثي يمشي كلهم يفرفشون لاصقين بالصمغ ويستنجدون هه ,,
ياللا لااشوف واحد يتكلم عنهم ترى اقلقتونا ,,
علشانك بس
02-12-09, 05:54 am
http://www.wi1wi.com//uploads/images/wi1wi.com2cdae6c8a5.png (http://www.wi1wi.com//uploads/images/wi1wi.com2cdae6c8a5.png)
http://www.wi1wi.com//uploads/images/wi1wi.comc5cf3740dd.png (http://www.wi1wi.com//uploads/images/wi1wi.comc5cf3740dd.png)
http://www.wi1wi.com//uploads/images/wi1wi.comadf67f111c.png (http://www.wi1wi.com//uploads/images/wi1wi.comadf67f111c.png)
قمــة القهــر :( .. !!!
علشانك بس
03-12-09, 12:11 am
علوشة تهديكم هالوردة ,,
http://www.wi1wi.com//uploads/images/wi1wi.comdf21cfdcc9.jpg (http://www.wi1wi.com//uploads/images/wi1wi.comdf21cfdcc9.jpg)
<-- تهديكم ورد وهي بإجتماع الإربعاء المزعج ,,,
علشانك بس
03-12-09, 01:43 am
به حووثي متسلل بمنتدى بريده انتبهي لا يصير متخفي بمدونك خخخخخ
عاشق الخير ,,
الحوثيين مايقربون لي يخافون من صمغ الفيران خخ ,,
علشانك بس
03-12-09, 06:09 am
عاشق الخير ,,
توقيعك مؤثر جدا الله يجزاك خير ويجعله في ميزان حسناتك ,,
لكن لما افتح اي صفحة انت مشارك فيها افز غصب عني لأن صوت التوقيع يصرخ علي وانا لحالي :( ,,
وغير هذا اللي ينصح يصارخ ويصيح يضيق الصدر ,, يخليني اطلع من الصفحة بدون مااقرا اي شي ,,
ارجو منك ياعاشق تغير اعدادات التوقيع ولا تخليه يشتغل الا اذا احد ضغط عليه يكون احسن ,,
لأن فيه مقطع ايات والأعضاء ماينصتون لها لأنهم منشغلين بالمواضيع والردود ,,
اعتذر لك على هالخطمة بس من شد مافيني من خوف ,,
حتى كملها الجرس بدا يرن ومااحد ضغطه شكل فيه التماس <-- تقول الله يستر مايصير فيه التماس ويفقع بنا :( ,,,
علشانك بس
03-12-09, 09:29 am
صباح الورد ,,
يوم جيت انام قالو اهلي يالله نبي نطلع للبر ,,
يالله مافي نومة الا المغرب :( وانا مواصلة ,,
الله يعين على البرد والجمييييدة يبي يوقلبي :( ,,
بالإزن ..,
علشانك بس
04-12-09, 01:40 am
يوووووه البر يجنن يجنن يجنن ,,
رحت مواصلة بس المطر طير النوم من عيوني ,,
لأننا سبحنا هناااك ,, يالله من فضلك ,,
لايفوتكم البر ,, اللي ماكشت يكشت تراه فررصة الأجواء الحلووة ,,
علشانك بس
04-12-09, 08:42 pm
علوشه ..
اقصري صوت السماعات يالعجازه ..
ومع ذلك تم تغير التوقيع نزولا عن رغبة الاعضاء ..
عاشق الخير ,,
مو مسألة عجازة .. انا مرات اكون لابسة السماعات واسمع شغلة ,,
ولما افتح صفحة انت مشارك فيها يجيني رعب ,,
بس زين خف شوي مع اني للحين افز ,,
مشكور خربنا توقيعك عليك :c7:
تصدقوون الطرفيه أحسسسسسسسسسسسسن شيء ...
خلاص هوونت ما راح اصييييير معقد ....
شكلك شايف لك شوفة حلوة هه ,, ولا كان ماتغير رايك بهالسهولة ,,
قولنا شايف شي احمر ولا وردي ولا اصفر ولا ملون :c7:
علشانك بس
05-12-09, 08:18 am
صباح الورد ,,
ابشركم نمت البارح الساعه 12 وصحيت الساعه 6 <-- الله يستر من هالنومة لها سنين مانامت بالليل ,,
والصراحة اني مصدعة مرة ,, يبي لي كوب كوفي ,,
كلله من البر ,, طلعت وتعبت وانحاس علي البرنامج كلله ,,
يالله اصحوو عندكم دوامااااات ,,
<- مرتاحة ومريحة لادوام ولا شي .. نوم وفلاح :) ,,
لكن ترقبو علوشة هالكم يوم تبي تتوظف وتجي تقولكم مع انها ماتبي بس تبحث عن التغيير ,,
علشانك بس
05-12-09, 09:41 am
آآآآآآآآه ياكوين عورتي قلبي بالمقطع اللي حطيتيه لكارثة جدة ,,
وربي ابكاني حالهم ,, الله يرحم من توفي ويغفر له ,,
ويشفي المرضى ويعوض الخاسرين ,,
الله ينتقم من اللي كان السبب في هالكارثة ,,
لكم الله يامن فقدتم أعز واغلى ماتملكون ,,
علشانك بس
06-12-09, 12:32 am
اشتقت لك واللي خلق حلو الإحسـآس ..,
علشانك بس
07-12-09, 04:31 am
<-- تتمنى تدخل لقسم المدوات وتشوف بعض ناس فاتحين مدونه :c7:
بعدين لو سمحتو لاتجدعون مدونتي بالصفحة الثانية ,,
يعني الواحد مايغفل عنها شوي الا وانتم مطيرينها هناك .. نهابه هي .. !!
علشانك بس
07-12-09, 10:32 am
كلما زادت ظلمة الليل اقترب الفجر ..,
علشانك بس
07-12-09, 10:53 am
يالله صباح خيييييير ...
الناااس تستفتح يومها باخبار مفرررحه و وجيه حسنه ..
وانا استفتحه بمتهور لا يوقف سياته الا ببااااصي ....
والبناااات تقل صاادمنا صاااااااااروخ ...
فقعوا اذااني بالصرررراخ ....
توحشت من صوتهن اكثثثثر من الحاادث ..
صباح الخير عاشق الخير ,,
انت صادق معاك باص ولا تمزح .. !!
طيب اذا جد الحمد لله على سلامتك ,, عسى ماجاكم شي .. !!
الحوادث كاثرة انتبه لعمرك ,,
انا توني جيت من قسم التغطيات فيه حادث توه حاصل ,,
ومرفق فيه رابط لحوادث بنفس الطريق تعور القلب ,,
من الصباح الأخبار مو حلوة ليه :( ,,
يارب تحفظهم ,,
علشانك بس
07-12-09, 11:49 am
ياحلو الروقان على الصباح <- نامت ثلاث ساعات قبل الفجر وصحصحت ,,
خوذو هالوردات وروقووو معاي ..,
http://www.wi1wi.com//uploads/images/wi1wi.com335f28fc62.jpg (http://www.wi1wi.com//uploads/images/wi1wi.com335f28fc62.jpg)
علشانك بس
08-12-09, 02:50 am
إذا لم تكن تعلم أين تذهب ، فكل الطرق تؤدى إلى هناك ...,
علشانك بس
08-12-09, 03:48 pm
ياليت منهو باله اليوم مرتاح ,,
نومه هني .. يرقد وعينه قريرة ,,
مثل الطفل لاطاح في مرقده طاح ,,
لا شاغله همه ولا هم غيره ,,
ياقلب لاتحزن على فايت النوح ,,
كثر الألم والحزن مافيه خيره ,,
باب يجيب الهم صكة وارتاح ,,
خلله بديرة وانت خللك بديرة ,,
ماراح راح وعادة الكرب ينزاح ,,
اصبر عليه شوي ويطير طيره ,,
ترى الليالي فيه الأتراح وافراح ,,
كم من عسيره جا بعدها يسيره ,,
علشانك بس
09-12-09, 02:37 am
في عزّ البرد اذا اشتهيت ايسكريم .. ماعليك الا ان تكزّ احد يشتري لك لو هو ماوده ( بالغصب )
ويضطر هو يختار لك شي طعمه مو حلو من شان تحرّم تطلب منه يشتري مرة ثانية بعزّ البرد .. كـ هذا المشهد ..,
http://www.wi1wi.com//uploads/images/wi1wi.com8730917698.jpg (http://www.wi1wi.com//uploads/images/wi1wi.com8730917698.jpg)
وبعد ما تشوفونه جالس يختار وانتم محددين نوع معين تصعقونه بإتصال مخيف يحدد نوع الآيسكريم المفضّل اللي دايم تشترونه ..
ومن ثم يحدد نوع الآيس كريم ويتم تصليحة عند الصلآحي :c7: وهو ينتظر ,, مثل هذا المشهد ,,
http://www.wi1wi.com//uploads/images/wi1wi.comd2a2de5b6f.jpg (http://www.wi1wi.com//uploads/images/wi1wi.comd2a2de5b6f.jpg)
وبعد مايجي طبعا ماتقدرون تاكلونه بالسيارة وانتم متغطين ,,
فـ تضطرون تاخذونه للبيت من شان تتهون بأكله جنب الدفاية ولا تحت هواء المكيف الحار <-- الله لايسلطنا ,,
مثل هذا المشهد .. وبالهناء والعافية :) ,,
http://www.wi1wi.com//uploads/images/wi1wi.com594cb266ad.jpg (http://www.wi1wi.com//uploads/images/wi1wi.com594cb266ad.jpg)
علشانك بس
10-12-09, 03:29 am
ياشين سوء الفهم .. يخلي الدنيا تقبس :(
<-- ماتحب احد يظلمها وهي نيتها صافية ,,
علشانك بس
10-12-09, 08:07 am
مايموت الحب وحنا قلوبنا حيّـة ..,
علشانك بس
11-12-09, 01:31 am
البنات اليوم مسويات مقاطعة للبيبسي لأنه صار بريال ونص ,,,
ورايحات يشترن سفن اب والسعر واحد ,, يسمعن بالمقاطعة هه ,,
علشانك بس
11-12-09, 03:48 am
آآآآآآآآآآه يابراءة وربي نزلت دمعتي على حالها ,,
اسأل الله ان يشفيها ويرحم والدها ووالدتها ويسكنهم فسيح جناته ..,,
وان يوسع عليهم في قبورهم وان يجعلها روضة من رياض الجنة ,,,
<-- تغلّقت :( ,,
علشانك بس
11-12-09, 04:27 am
مادري ليش عندي احساس كبير ان اغلب الاعضاء
يعرفون بعضهم برى المنتدى لكن ماحد يدري ان فلان بالمنتدى او علنتان
يعني لو احد يطرح اسمه متأكد ان فيه اكثر من اربعه او خمسه راح يعرفونه
<< تغلمط بفروته .. احنا ناقصين فضايح
خلاص كل واحد يعض للسانه لا تقولون اسامي ولا غيره
البـــــدر ...,
والله انك صادق والدليل ان قريباتي اذا اتكلمن عن منتدى بريدة او عن موضوع معين ابلع العافية هه ,,
اخاف يسألوني عن اسمي ويتغير لوني ,,
والله لو يدرون اني انا علوشة ان ينهبلون هه ,,
تغلمط تغلمط بس على قولتك وانسى سالفة المعرفات لأنها تجيب الخوف والبرد :c7:
علشانك بس
11-12-09, 06:20 am
منهبل ابي بقل واهم شي يصير يابس
مع اني كراه ومهوب كل شي اكله بس هالبقل مسحورن به ومفتون << خشتوه مشهبه تبي بقل
جد والله ياليت احد يدلني على مكان يبيع بقل يابس ابيه تقل حصاه
البــدر ..
كنت بقولك ان هضيم اللي بالعثيم يبيعونه ليّن ويابس بس هونت يوم شفت الخشة مشهبه هه ,,
ذكرتني بالبقل اللي بمحطة من محطات الرياض ناشرينه من شان ييبس وصاير اسود من الذبان اللي عليه ماتشوووفه ..,
عليه 2987 ذباب :( ياربيييييييييه كرهت طارية بعد ذاك المشهد ,,
الله يرحم اللي اكل منه ويغفر له ,,
علشانك بس
11-12-09, 10:18 pm
الحمد لله على سلامة ولي العهد ,,
<-- تناظر الإم بي سي والسعودية وتقول ليتني معهم انواع الخبّة :c7:
علشانك بس
11-12-09, 10:24 pm
غريبة ماطلع المقطع بالرد اللي قبل هذا
وهى مقطع وهو يغمى عليه
علمونى هو طالع او المشكلة عندي
تراه ماطلع ياعموري <-- ودها تشوف المقطع ..,
علشانك بس
11-12-09, 10:54 pm
الذين يشاهدون محتوى الموضوع الآن : 4 ( الأعضاء 3 والزوار 1)
علشانك بس , مسـ بشويش ـرعه
مسرعة بشويش ياهلا ومسهلا .. والتقاطة رااائعة كروعة حضورك هنا ..,,
بس ياليت التفاحة خضراااء مو صفراا <-- ماتحب الا التفاح الأخضر ..,
علشانك بس
11-12-09, 11:59 pm
http://www.wi1wi.com//uploads/images/wi1wi.com07d79e334e.png (http://www.wi1wi.com//uploads/images/wi1wi.com07d79e334e.png)
البنوته بسم الله عليها تحب الأناشيد بقوه ,,
ونص اناشيد طيور الجنه حافظتها ,,
وذاك اليوم بس تصيييح ازعجتنا ,, وقلت بس مايسكتها الا الجوال ,,
وطلعت جوالي من شنطتي وناديتها جنبي قلت لها اسكتي واخليك تقولين يابابا اسناني واوا بجوالي ,,
هي ماصدقت سكتت وجلست تنشد ياقليبي هي ,,
لو لاحظتو الأنشودة نصفها من عندها ,, اذا وصلت شي ماتعرفه بدلته بتأليف ,,
وغير هذا الصوت مبحوووح مرة من الصياااح ,,
ويوم مللت بدت تلهيني تقولي جبتي طرطعان .. !!
بعدها عرفت انها مللت وسكرته هه ,, اسمعوها ..,,
اضغط هنا لتحميل الملف (http://www.qahtaan.com/works/up/get.php?hash=1357gjrsvx1260555246)
علشانك بس
12-12-09, 12:30 am
كيف تعرف ان الرجل بداء يكبر فوق الخمسين سنه ,,,
يبداء يدور بالبيت ويطفي النور ,,
يبداء يهاوش على اي شي ,,
يبداء يلبس سروال قصير لحد الركبه ,,
فنيلته تبداء ترتفع فوق وتشوف ظهره من وراء ههههه ,,
يبداء اذا دخل الحمام وانتم كرامه مايسكر الباب بس يطرفه ,,
اذا سافر وهو بالخط يحط شماغه على الكتف وعليه طاقيه ,,
شعر راسه من الجنب يصير كثيف طالع من عندالطاقيه كأنه بوزو هههه,,
مايحب اللجه بالبيت ,, يعني عله على البيت ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
اما المراءه كيف تعرف انها بدت تكبر ايضاً ,,
تبداء تلبس قمصان كثير ,,
بالعيد ماتشري تيور ههه تشري قماش وتوديه عند الخياط ,, ياعمري ههه,,
تستخدم بدل الروج ( ديرمان ),,
تتواجد كثيراً بالمطبخ ,,
تكون رائحة غرفته فازلين فكس ودهن عود بدال العطورات ,,
كثيراً ماتهاوش زوجه عند عياله ,,
تدافع عن اولاده بشكل مستميت عند ابوهم ,,
تلبس طرحه على الوجه والراس وهي بالبيت ,,
الشعر يبداء يميل الااللون الأحمر يعني خلاص ,,
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من استنتاجي ,, ,,
عز الله انه استنتاج بمكانه ياقلب الأسـد هه ,,
من الآن نبي نبدا نلاحظ على شيباننا وعجزنا بسكات ,,
لأننا لو بنقول شي تبي تتكسر روسنا ,,
يابعد حيي هالشيبان والعجايز ,, الله يطول بأعمارهم ..
والله انهم نور البيت ,, و ملح الإجتماعات ,,
علشانك بس ,, ماشاء الله ياحليله هي ونشودته ,, اجل تبي طرطعان هههههه
والله ياهي خطمه بعد,, اووووم التصريف هههههه
التصريف يبي يجي مني اذا جاء احد يعرفني من اقاربي وعرف من انا من شان الصورة هه ,,
والله ياانا بعتزل المنتدى باللي فيه ,,
علشانك بس
12-12-09, 10:54 pm
http://wi1wi.com/upfiles/XqJ43905.jpg (http://wi1wi.com/)
ياراحة البال بالله وين هالغيبه ,,
ودي تشوفين وين الضيق وداني ,,
عقبك وانا بين تشريقه وتغريبه ,,
لا غابت الشمس قلت الصبح ينساني ,,
طبعي احب الوفا والصدق والطيبه ,,
ولا الوح لكل من مر وتعداني ,,
علشانك بس
12-12-09, 10:59 pm
http://wi1wi.com/upfiles/atV44332.jpg (http://wi1wi.com/)
8888
حريم الوقت هذا هه ..,
علشانك بس
12-12-09, 11:20 pm
رسالة وصلتني عبر الإيميل من ايفوله وحبيت انقلها لكم هنا ...,,
http://wi1wi.com/upfiles/vKB45429.bmp (http://wi1wi.com/)
منقوول ..,
طفلة (سنة ونصف) ضائعة منذ ثلاثة أشهر… وجدت بالمسجد النبوي بالمدينة…حاليا موجودة لدى عائلة عبد العزيز الجهني جوال : 05050009906
اسأل الله ان يردها الى اهلها سالمة وان يقر فيها أعين والديها وذويها ..,,,
علشانك بس
14-12-09, 12:11 am
يامساء الخيراااات والليرااااات ,,
وآآه بس ياسرع هاليومياات تطير للصفحة الثانية ,,
المهم اليوم مبسوطة حييل بسبب مكالمة جتني من صديقة قديمة لي تبشرني انها بتتزوج ياجعلي ماافقدها ,,
بس تبي تروح لحايل :( ,,
يارووحي هي وهي تكلمني بس تضحك من الوناسة ,,
ماتدري انها تبي تنشّب ذا الرجل بحلقها مثل الزرار هه ,,
هي طفة وبتروح .. بعدها بتكلمني تصيح تقول ذبحني هو وطلباته وطبعه الشين ,,
مااافاول عليها بس هذا طبعكم يالسعوديين ..,
اعتقد اني قد كلمتكم عنها بموضوع من المواضيع ومدحتها لكم حيييل قبل فترة في قسم زوايا ,,
هي اكبر مني بكثير لكن طيبتها وجمال روحها خلاني احبها واعجز اتركها من ايام الكلية ..,
بس كبرت وتقدم فيها العمر شوي وماجاء نصيبها ,,
والآن يوم جاء نصيبها أول من ذكرت علوشة جاية تبشرها ,,
الله يوفقها ويسعدهااا ,, اليوم غير الصراحة <-- طايرة من الفرحة وربي ,,
ماخليت احد مابشرته ,, والكل عزمته على زواجها وهي توها خطوبة هه ,,
وعزيمتها عندي قبل زواجها بإذن الله ,, بتهنى فيهااااا قبل تروح حايل وتتركنا :( ,,
بسوي لها عزيمة صغنونه .. وبصورها للذكرى ..,
عزمت وحده من صديقاتي قبل ايام وسويت لها شمبانيا مع العشاء للحين تهذري فيه من زينه <- متشققه من الوناسة ..,
<-- عزيمة وعزيمة وهي ماسوت منها الا الشمبانيا وهو الوحيد اللي مصورته لأنه من عمايل إديّا ,,
ولا الباقي الله يسلم اللي مسويه مو انا ..,
طبعا انا حاشمتها مسوية العشاء بالبيت ,, لأنها تقول لاتجيبين لي من برا <-- طراره وتتشرط ..,
هذي صورة الشمبانيا السعودي واللي يعجبة يقولي اسويه وارسله له ,, تستاهلوون ..,
http://wi1wi.com/upfiles/rJM32715.jpg (http://wi1wi.com/)
علشانك بس
15-12-09, 04:36 am
صباح الورد ..,
والله ياانا بعض الأحيان استقعد لعضو بالمنتدى وابدا بس اناقره واطلع دخان من اذانه ,,
ترى هي حاله وتروح .. :) ,,
المهم اللي استقعد له لايعصب يبتسم ويتحمل الين اخللص حاطة حرتي فيه ,,
<-- توها حاطة حرتها بقسم المشرفين ,,
يالله .. الدنيا كذا يوم لك ويوم عليك .. واليوم اللي لك تصير فيه نايم هه ,,
علشانك بس
16-12-09, 11:40 am
صباح الورد ,,
ياربي ياشين اللي ينعزم عزيمتين بيوم واحد ,, يحتار وين يروح ومين يرضي ,,
<-- تلمح للي عازمين ولا عزموها هي والبنات الباقيات :c7:
علشانك بس
17-12-09, 04:14 am
وش فيه المنتدى يضيق الصدر .. !!!
بعدين ماخبرتوني وش صار .. !!!!
يلاا عاد تراني انتظركم ..,
علشانك بس
17-12-09, 06:36 am
اشتريت بلاك بيري وانا مااعرف اي شي فيه ,, وله كم يوم معاي وبس اقلّبه ,,
ودي احبرش فيه الين اعرف له لكن احس اني مالقيت وقت واجلس انغزّ واضغطّ وارعّص فيه ,,
وجوالي اتعنقطت فيه اخاف امل من ذا البليّة البلاك بيري واتلفت ادور جوالي والاني بايعته مثل ماحصل معاي يوم كان اشتري الآي فون ..
يوم مليت منه اتحسفت اني بعت جوالي ..,
المهم اني اشتريت البلاك بيري من مدح الناس له ,,,
يقولون سوالف وفللة حجاج بماسنجر البلاك بيري ,,
قلت يالله معاكم ,, بشتريه واجرب السوالف ..
<-- فاتحة الفهرس الشامل للبلاك بيري بالنت تبي تتعلم شلون تقرق مع الناس :c7:
يالله .. اللي عنده خلفية عنه لايبخل علينا ترانا جديدين عليها ..,
علشانك بس
17-12-09, 08:43 am
1 / 1 / 1431 هـ
كل عام وانتم بخير ,,
والله يجعل دخول هذه السنة الجديدة دخول خير وبركة علينا وعليكم اجمعين .,
بمناسبة دخول العام الجديد .. وبما ان اليوم هو اول يوم ,,
وبما انه يوم خميس افكر اقولهم نروح للبر تمشية بس ,,
نوافيكم بآخر الأخبار اللليلة بإذن الله :c7: ,,
علشانك بس
18-12-09, 05:09 am
وش اسوي بالباعوض ذبحني ماخلا فيني نقطة دم :( ,,
احس اني ودي اتغطى في بطانية ومااطلع الا عيوني ,,
يديني صار لونهن احمرررر ,,
وش السواة ,, ياربيه قلق عجزت ارتاااح وربي ...,
بس اللي مهون علي اذا اشتكيت وقلت الباعوض ذبحني قالو لي الباعوض يدور اللي دمه حلو <-- يلعبون عليها يبونها تتشقق من الوناسة وهي تتألم :( ,,
علشانك بس
19-12-09, 01:38 am
صباح الورد ..,
جالسة امسح الرسايل اللي في صندوقي ,,
والله يافيه رسائل قديمة ,, الرسايل الجديدة امسحها اول بأول ,,
وهذولي متعيجزة اروح لهن وامسحهن ,,
وانا احوس بينهن شفت كم رسالة قديمات قلت بحطهن بالمدونه ..
اقرو معاي .., :c7:
الحمدلله على سلامتك وقدامك أنشاءالله العافيه
صـــــــراحه (خبر) الوعكه الصحيه (رجت) أركان المنتدى .. حيث جاء الخبر عن طريق أيفل
واللي سبب القلق لدى اعضاء المنتدى عدم ( معرفة الحاله ) ... وساد جو من الركود والحزن الممتزج بالاببتهال الى الله تعالى ورفع كف الضراعه بطلب الشفاء لأختنا (علشانك بس)
ماتصدقين التفاعل اللي صار .. ارجعي لموضوع خبر ايفل بالمجلس
فعلا ,, مجتمعنا (البريداوي) بشكل عام و (أسرة المنتدى) بشكل خاص اثبتوا أنهم كلجسد الواحد أذا اشتكى منه عضو ,,تداعى له سير الجسد بالسهر والحمى .. كما قال الرسول الكريم
اخيرا ننتظر مزاولة نشاطك المعتاد
السلام عليكم ورحمة الله وبركاته
عيني عليك باردة ، والله لا يحرمنا من طلتك البهية ، فأنت علامة بارزة لكل المهرجانات التي يرعاها المنتــدى ...
نســأل الله أن يوفقك ويقبل صيامك وقيامك ، ويجعلك من عتقائه من النار ،،
وتقبل فائق تحياتي وأمنياتي لك بدوام التوفيق والنجاح ،،
السلام عليكم ورحمة الله وبركاته
مرحبآ..علوووشه
آخبارك؟
مابي شي بس حبيت اقولك اني (( أحبتس))
وتعجبيني قوووة وتعجبني ردودك,,
واكيد حب في الله لايروح بالك لشي ثاني خخ>>المنتدى صاير يوحش هاليومين
( وترا هذي انا اذا حبيت احد وارتحت له قلتله )
عوده حميده
مابغينا علوشه
سولفي دايم ولاتعيدها يادوبه
وكل عام وانتي با الف خير وشهرك مبارك حبوبه
علشانك: هناك حكمه لاادري منى اي ثقافه تقــــــــول " قلي ماذا تكتب اقول لك من انت " ولا ادري لماذا تعلقت بتعليقك الساخر فحاولت ان اتعمق في شخصيتك .. فتفاجأت باسلوبك المغاير, فخـــــرجت بهذا (التحليل) الذي ذكرته عنك <<< عـــــاد ترى دخلن الغرور << (علشانك تمدحك) !!!!!! وهي مايعجبه شي على
فكره انا متابع لك من مهرجان الكليجاء وكنت مندهش جدا وراحت الايام وجاء هالمهرجان فحرصت على متابعتك
ولم اعلم انك انثى الا من خلال الموضوع الذي اشبع طرحا ( زيارة خالد وتبعاته) تحياتي ,,
س لاتقطعين !!!!!!!<< يلزي!!!!
الصراحة ان بعضهن غبار هه الله يذكر اصحابهن بالخير ..,
علشانك بس
19-12-09, 02:09 am
ادري بعضكم يقول هه علوشة مانزلت الا المدح ,,
هذي كم رسالة بيني وبين عضوة شكلها مالها خلقي ولا تطيقني ,,,
كذا قلبي قالي من طريقة كلامها بالرسايل ,,
بس انا مطولة بالي عليها وارد وانا مبتسمة وعاجبني الوضع ..
أول مرة احد يرسل لي يهاوش ولا يتطنز ,,
ومن شان هيك ماحذفت رسايلها ,, مخليتها ذكرايات هه ..,
يالله اتمنى لكم قراءة ماتعة ..,,
مسآءتس غنمتن تثغي بآلحوش < خآبرتن آلبقره آللي تثغي هه
كيفك .. آزيك يآبت
كودتس إن شآء آلله تزقحين ..
منذو زمنْ بعيد وآنآ يخآلجني إحسآس .. ولآ آعلم هل لحدسي وإحسآسي صلة صحيحه بذلك ..
ربمآ لآ آعلم .!
هل لـ سمحتي لي آن آصآرحك ؟
آنتظر ردتس على آحر من آلوشسمه ..!
هلا فيك ..,
مسائك ورد ,,
انا بخير من الله ..,
تصارحيني .. !!
انتبهي تراني مخطوبه هه ,,
اتفضلـي .. مع اني ماعرفتك لكن بسمح لك تصارحيني بمناسبة العيد ..,
ممممممممم
بصلق بآلسآلفه سيدى ..
آنآ كنتْ بهآلمنتدى زمآن ..
من آيآم قسسم آلآلعآب .. وآلديك , وقهر آحبه هه
آلمهميشن مآعينآ ..
كثير آقرى لك .. وزمآن عآرفتك ..
وآسلوبك ميزته من بينهم ..
آحسك مختلسه " شخصيه مؤنثه " ..!
مدري ليه قلت كذآ ..
مع آني كثير آسآلهم عن شخصيتك ويقولن آلعكس ..
وهآلمره قلت آسآلك بنفسك ..
هو آلآكيد آنك مآ رآح تعترفين إن كآنْ حدسي فموقعه ..!
بس بشوف آللي عندك .. تعرفين آلفضآوه ومآتسوي !
وهآلمره قلت آسآلك بنفسك
وش تسأليني عنه .. !!
شلون يعني ..
قط نآويتن نلعب آنآ ويآتس " لعبة آلآستغبآء "
متآكده آنتس آنثى ..؟
لآني صرآحه مآ شوف تحت هآليوز آي دلآله للإنوثه ..!
وبشوف هل لحدسي صله بذلكْ .. لآ آكثر
حلوة لعبتك .. كل يوم تعالي وخلينا نلعبها ,,
حدسك مو في مكانه ..
هل تتوقعين اني جاية استعرض انوثتي هنا مثلا .. !!
ليه فآهمه آلآنوثه .. بأستعرآض وبس لآ آكثر ؟ هه
آلآنوثه تبين من سوآليفنآ يآلبنآت ..
ومآشوفه بسوآلفك ومآدونتيه بآللي ينقآله مدونتك ..
يختي يبآن آلمختلس وآلمتقمص ..
عآلعموم مآيحتآج تبررين لي موقفك آكثر من كذآ ..
بس شيء يقرقع بصدري وحبيته آقوله
ياربيه طاحت بي هالأنثى الرقيقة ,,
شلون بتقمص بعدين
تكفين لاتعلمين احد انك طحتي بي وكشفتيني ,,
* انا ابي اعرف اذا انتي متأكدة ليه تسأليني .. !!
اوووه صح نسيت اننا نلعب لعبة الإستغباء هه ,,
طاب يومك بالأنثى الذكيّة .., وتشرفني متابعتك لي سواء صدق حدسك او لم يصدق ..,,
على العموم لاتزعل صاحبة هالمعرف .. لأني اغليها ولولا غلاتها مااحتفظت برسايلها :) ,,
يبدو انها مشاركة 100 مشاركة بالمنتدى من شان ترسل لي اللي يقرقع في قلبها فديت قلبها انا هه ,,,
فـ يوم وصلت للمشاركة 101 ارسلت لي وفضفضت وبعدها انقطعت من العيد مادخلت ..
المشاركات هي نفسها ولا شفتها غير ذيك المره ,,
الله يذكرها بالخير كانت تحبني بقوووه :c7:
اللي وده يشتهر يرسللي بس مابي رسايل مدح لأني ملليت من المدح نبي هوشة وتجديد <-- ياربيه بس هه ..,
علشانك بس
20-12-09, 12:35 am
المزاج متعكر مرره اليوم ..,
ماخليت احد ماحطيت حرتي فيه اليوم ..,
علشانك بس
20-12-09, 01:55 am
خااااص للـبـنـااات (الكوفيرة طرفه العليان) شؤ رأيكم فيها !
أبي تفااعل منكم فديتكم !
نجدية كوول ..,
طرفة ماكياجها روعة وخاصة اذا روقت عليك تخليك وحدة ثانية ..,,
مع اني ماجربتها .. بس شغلها بشهادة الجميع حلو ..,
جربت البندري الله يهديها لعبت فيني يوم شفت نفسي جتني الصيحة وطرت اغسل قلت مابي شي .. يمكن لأني مااحب الماكياج الثقيل والخرابيط ماقدرت اتحمل مطرستها بوجهي ,,,
خالتي بعزيمة زواجها جربت البرونزي من يدين طرفة وطلعت خيال .. مع انها بيضاء بس لعبت فيها وخلتها تجنن ,,
الصراحة يوم شفت خالتي قلت لها تصدقين ماعرفتك :c7:
ااذ عندك مناسبة كبيرة فلا تتعدين طرفة .. بس احرصي على انها تكون مروقة من شان تبدع فيك ..,
هذا طبعا الماكياج ,,
بس التسريحات مادري عنها .. ومااعتقد انها تسوي اي شي غير الماكياج بس ..
علشانك بس
21-12-09, 01:04 am
دعاء طفلة بريئة في السنة الجديدة ..,
يااااارب ...,
هذي السنة تعطي ملابس لكل الحريم المسكينات اللي في كمبيوتر ابوي ..
هه شفتوا دعوة البنت .. !!! حسبي الله عليك ياابوهاااا ..,
يتفرج على الحريم المسكينات قدام بنته :c7: ..,
علشانك بس
23-12-09, 05:16 am
صحيح ان الإهتمام بالأشخاص في بعض المرات يكون في غير مكانه ..,
علشانك بس
23-12-09, 07:18 am
شرايكم بتصويري .. !!
تراني قاصة خشيشتها مابيها تطلع ويعرفوني ئرايبي كان لي ئرايب وتصير فضيحتي بجلاجل ..,
ادري اني محترفة .. بس اذكرو ربكم علي :c7:
وكمانا فيه كم صورة بنزلها من تصويري <- تحلفون انها بندر ولا اياد ولا فهد هه ,,
اذكرو ربكم على اخيتي بسم الله على قليبها ..,
http://up.arab-x.com/Dec09/5e737016.png (http://up.arab-x.com/)
علشانك بس
24-12-09, 03:15 am
وهذي كمانا من تصويري ,,
اذكرو ربكم عليها وعلى تصويري :c7:
http://wi1wi.com/upfiles/zGB09890.png (http://wi1wi.com/)
علشانك بس
24-12-09, 10:38 am
هذي مشاركتي بموضوع ريانة اللي يقول شخمط وورنا شخمطتك ,,
وبما ان فهد العنزي وهقني .. شخمطت بخطي ونزلتها ..,
لاتواخذوننا على شين التصوير .. حتى القلم تراه ابو نص ريال شاحذته من الشغاله .,
مستعجلة بنطلع وكتبتها بهالقلم بعجلة وانواع الاخطاء وطلعت كذا :) ..
http://wi1wi.com/upfiles/MyM05181.png (http://wi1wi.com/)
علشانك بس
25-12-09, 04:33 am
انا لله وانا اليه راجعون
انتقل الى رحمه الله جدي صباح اليوم الخميس
وصلي عليه العصر في جامع الونيان
اللهم ارحمه واغفر له واسكنه فسيح الجنات يا كريم يارحيم
امين
البـدر ..,
احسن الله عزائك وجبر مصيبتك في فقد جدك ..,
اسأل الله ان يرحمه ويغفر له ويسكنه فسيح جناته ويجعل له قبره روضة من رياض الجنة ..,
:(
علشانك بس
25-12-09, 05:18 am
اليوم عيد الكريسمس .. وانا اتمقرص ودي اشوفه ..,
الشغاله اليوم مبسوطة وبس تتضحك عشان عيدهم اليوم ,,
ضفت زوجها وراهو يتعيدون ماجو الا 12 ,,
اقولها فيه حريم هناك بالحفل ولا بس رجال .. !!
قالت لالا فيه هريم كثير ,,
قلت شوفي كانك تكذبين بيجونتس الهيئة ويضفونتس انتي وزوجتس وتروحون بوليس ..,
قالت امي ماتدري وشو الهيئة قولي لها مطوع يجي يضفتس ,, قلت لااا والله ماتدري وشو مطوع اصبري اشرح لها ...,
<-- خللص الحفل وهي تشرح لهم وشو هيئة ..,
جلست امثل لها اللحية انها تكون طويله <-- يعني لاشفتو احد لحيته طويله هجو قبل يمسككم :c7:
حتى جو قبلنا للبيت ونامو الله يقطعهم ماعلموني وش سوو بالحفل ..,
شوفو الفرق هم حفلهم بالليل بعد صلاة العشاء وحنا من فجر الله ..,
وهم يفرحون بالعيد وحنا ماغير نايمين واذا صحينا رحنا بتكشرة عايدنا بسرعه وجينا عن قولة اننا مارحنا ..,
علشانك بس
25-12-09, 08:20 pm
:c7:
جلطه دماغية تتسبب في وفاة الحاج احمد صالح صرصور ( أبو زكي )..
17/12/2009
أصيب صباح اليوم الحاج احمد صالح صرصور ( أبو زكي ) بجلطة دماغية مما أدت إلى وفاته ، توفي الحاج عن عمر يناهز أل 65 عام .
وقد صعدت روحه الطاهرة ظهر اليوم وتم دفنه في مقبرة الشهداء ..
رحمك الله يا حاج احمد صرصور ( أبو زكي ) وتغمدك الله في واسع رحمته .
الله يرحمك ياحاج ابو صرصور :( ..,
علشانك بس
26-12-09, 02:40 am
اليوم بس اتقضى >> رايح للسوق ومتقضي ومفصل ثياب
صاير تقل مره اليوم بس اهجول بالسوق ,,
بس شكل البرد دخلن والله يستر لاتصير سخنه ,,
قلب الأسـد ..
أجل حنا ماعلينا شرهه اذا نتردد على السوق ,,
*
*
*
*
اليوم رحت للعثيم واشتريت لبس ويوم جيت بديت البس واوريهم ويبدون رأيهم بالقطعه واغيرها والبس الثانية ..,,
كل اللي اشتريته لبسته ..,
واللي افسخه اجدعه عندهم واروح البس الثاني واجي اوريهم .. هاه حلو ولا شن .. !!
والحمد لله طلعن حلوات .. ماراح تعبي هباااء ..,
والصورة اللي بنزلها الحين مصورتها اختي يوم انا البس وافسخ تقول استحي على وجهتس حستينا ببلايزك .. ضفيهن واجدعيهن بغرفتك نبي نجلس مثل الناس :c7:
http://wi1wi.com/upfiles/PmI80103.jpg (http://wi1wi.com/)
ترى الحوسة فترة مؤقته الين تخللص البروفا بس ..,, ولا قسم اني مرتبة .. الله يفشلك يااختي :c7: ..,
علشانك بس
26-12-09, 09:00 pm
هذي صورة لأحلى ذكريات .. مع استراحة خايسة طلعنا لها بحكم اننا مالقينا الا هي ..,
دخلنا جواتها نكتشف مابالداخل ,,,
لقيناها شي عجيب .. كأنها استراحة مشعوذين لا اله الا الله ..,
نتمشى فيها ونضحك ..
وأول مادخلنا غرفة الجلوس الحلوة طارت اختي بتفتح المكيف .
حطت يدها على زر المكيف .. وش تشوف .. !!!!
ولا اقولكم .. شوفو بنفسكم وش صار المكيف :c7:
*
*
*
*
*
*
*
*
*
*
*
http://wi1wi.com/upfiles/kCS46126.jpg (http://wi1wi.com/)
علشانك بس
27-12-09, 10:56 pm
تم بحمد الله وصول الحجاج السودانيين إلى مزدلفة :c7: ..,
عاد يمكن يطوفون طواف الوداع السنة الجاية هه ..,
علشانك بس
28-12-09, 02:36 am
آآآه بس :( ..,
<-- تعبانة جدا جدا جدا .. بس نايمة ماصحت أبد ..,
ادعولي ربي يشفيني .. جاء البرد وماخلى شي فيني الا لعب فيه ..,,
متى يخللص البرد .. !! اللي يعرف بشهر كم ينقضي البرد يقولي .. بهاجر الين يجي الصيف وارجع لكم ,,
ادري بتشتاقون لي بس الشكوى لله تحملوا .. هذا البرد ومايسوي .. اللي بيهاجر معي يرفع اصبع رجله الصغيّر ..,
آآآآآآآآآآآآآه يالتعب <-- ماتشوف الحروف من الدموع اللي مالية عيونها :( ..,
علشانك بس
31-12-09, 03:13 am
<-- في حالة يرثى لها من التعب الشديد :(
علشانك بس
01-01-10, 04:32 am
صباح الورد ..,
<-- تكحكح مع أول صباح ..,
طفح الكيل فيني وملليت من التعب والتسدّح وضيقة الصدر ..,
وتعبت من الكلام باللإشارات .. صوتي راااايح مايطلع .. وجوالي يرن الين يمل مااقدر ارد عليه اصرخ مااحد يسمعني :( ..,
اليوم بدا يطلع صوتي شوي وهو مبحووح ,, واختي تقولي تكفين لاتسكتين يجنن صوتك بالبحة هه ..,
قلت وخري بس انا استحي اتكلم عند احد .. قالت لاتتكلمين الا عندي وانا اقولهم وش تبين :c7:
وحنا طالعين للإستراحة اليوم كنت ابغى اغراض من الصيدلية .., قلت ابي اقرب صيدلية قبل نروح للإستراحة ..,
وقفو لي و دخلت الصيدلية لحالي ... لقيت اللي يبيع كالعادة مصري ,,
وانا اكلمه واقوله ابغى كذا وكذا .. قالي سلامتك الف سلامة باين عليك تعبانةأوي ..,
قلت ايه تعبانة أوي ..
وهو يكلمني معاه كوب شاهي .. قالي اشربي شاي حلو بيريح الئصبة الهوائية لأنه سخن ..,
قلت ماابغى شاي مبطلة شاي وغازيات .., ابغى علاج مو شاي ..,
<-- نست اغراضها اللي جاية من شانها وجلست تقرق معه بالعلاج ..,
جلس يجمع لي من هالعلاجات بكيس .. قلت له ابغى حلاو الليمون بالعسل حلو؟
قالي ازاي مو حلو ؟؟ دا هو اللي حلو ..
اخذه وحطة بالكيس مع العلاجات ..,
قلت هات اغراضي الباقية .. جابها وحطها لي بكيس كمان ..,
قلت كم حسابك .. !! قالي .....
قلت دقايق بس اجيب الكرت مامعاي كاش يكمل لأني ماضربت حساب العلاجات ..,
قالي لا خوديها معاكي وابئي ارقعي لي بالفلوس تاني ..,
قلت لا .. لما اجيب فلوسك اخذهم .. شوي وراجعه .. لأني بجيب الكرت من السيارة وارجع ..
قالي الله .. !!! قميلة واخلائك قميلة كمان .. !!!
:(
قلت ياقليل الأدب استح على وجهك ..
خل اكياسك عندك ومانبي شي .. ورحت وتركته ..,
قال تعالي ياأميرة وانا أولت حاقه ..؟ تعالي خوديها .. ابئي ارقعي بالفلوس .. وانا سافهته .,
ركبت السيارة ويد ورى ويد قدام :( ..,
وين اغراضك ..؟؟ مالقيتها ..
شلون مالقيتيها بالصيدليه معقوله .. !!!
قلت الا لقيتها بس المصري جلس يغازلني <-- تقولها وهي مستحية والصوت مبحوح ..,
ياااقليلة الادب ومستحية بعد .. !!
قلت الشكوى لله مالقيت احد يتغزل فيني وطرت من الفرحة بغزل المصري ..,
ومن بعد سالفة المصري وكل من مشى من جنبي اتغزل فيني الين ماطار التعب من الوناسة :c7:
يقولون النصر فاز على الهلال .. !! صدق ولا نوكته .. !!
<-- مالها بالكورة ابدا ..,
علشانك بس
01-01-10, 05:07 am
أرحم اللي ينقهر وماياكل ويحبس نفسه ويكسر اللي قدامة اذا انهزم فريقه اللي يشجعه ..,
نسو ان الكورة ماتتعدى ترفيه أو رياضة ..,
صارت تعصب وهوشات ..
لا والمشكلة قضينا من الشباب وتشجيعهم نجي للبنات الله لايبلانا ,,
اليوم خبلة من هالخبلات بالإستراحة اسمها بالبلوتوث عاشقة العالمي .,
المشكلة عجوز متزوجة وعندها ولد .. وطايرة بوهتها مع المباراة ..,
اللي ضحكني اليوم وحدة من البنات تقول جتني رسالة تقول اول مرة تهنؤون النصر بالفوز بالرسائل النصية بالجوالات ..
اخر علمنا في تهنئتهم كانت بالبياجر هه ..
قسم رحمتهم .. حسيت انهم مفتشلين مو مبسوطين بالفوز :c7:
علشانك بس
02-01-10, 02:18 am
بمجرد ماتغلط بحرف واحد بالكيبورد يتغير معنى الجملة كاملة مو بس الكلمة ..,
والله مشكلة انك تغلط بحرف ويتغير المعنى كامل وتاكلها :( ..,
انتبهو زين وانتم تكتبون .. لايصير لكم مثل ماصار لي وتتمنون ان الأرض تنشق وتبلعكم من الفشيلة وضيقة الصدر :(
علشانك بس
03-01-10, 01:56 am
خاطره لا أكثر
كان الخطــاء ,, كله خطاي
وأنا أعترف لك,, وأطلب رضاك
قلبك كبير كبير,, وأنا خطاي كبير
_____________________
مجبورة على الصمت :( ..,
علشانك بس
04-01-10, 02:02 am
معقوله علشانك موقفة
وجع تخلف
كلش ولا علشانك
>>> الحب من الله
ياعسى ربي يحبك يابعدي ..,
لو تتوقف علشانك بس يتوقف المنتدى تلقائيا .. ولا يرجع يشتغل الا برجوعها هه ..,
هاه بشري عن قالونتس عساه هان شوي .. !! :c7:
علشانك بس
04-01-10, 02:10 am
1 / ماهي المدونه اللي تدخلـهاا عند دخولك للـ / منتدى ؟
غالبا أدخل المدونات الأولى والحديثه .., لكن مو كلها .. منها ....
مدونتي :v7: ومدونة العاشقين ..
عاشق ديرتي بريدة ,, ( (( كشــــــكول عاشق ديرتي بريده )) )
ومدونة عاشق الخير ,, (سوااااااااااااااااااااااالف ليل .... خذ وخل يا ....عاشق الخير )
ومدونة ايفولة ,, ( هُــــنــــــــاء..بنت شريره )
ومدونة دينــآ ,, ( ܔܓܛܜ تجَمُــع حُروف ܔܓܛܜ ) <- لاتفوتكم سويليفاتها ,,
ومدونة حور سعود <- ايضا يازين سويليفاتها ,, ( {{ ღღ أنا ربي جعـل فيني سواة السيف بـو (حدين) صديقه للصدوق وعلّه للي يعاديني ღღ }} )
ومدونة مسرعة بشويش ,, ( ::|[ عشوائيات بشويش يامسرعه ]|:: )
ومدونة عبد الله الحلوة ,, ( بـ ـ ـ ـ ـ ـ ـلا قيــ ـ ـ ـ ـ ـ ـ ـ ـ ـ ـود )
ومدونة البدر ,, ( !_§=½‰ـدررر§®½‰±«BadeR»±‰®§البـ‰=½§ )
ومدونة خليفة عاشق ( قلب الأسد ) ,, (خربشــــات وتخيــــــلات (( بــــــــــلا عنــــــــــــــوان )) )
ومدونة بنت البدايع ,, ( دفـتـريـ الأزرقـ )
ومدونة سلمان عبد العزيز ,, ( كوكتيل سلمان )
ومدونة انتظرتك ,, ( إليكِ حبيبتي ,,, )
ومدونة كوين بريدة ,, ( ღ(Queen)ღ )
2 / ماهي المدونـه التي يجذبك عنواانهـا ؟
مدونة عاشق الخير .. يمكن لأن كلمة سوااااااااااااااااااااااالف طويلة وغصب تطيح عيني عليها
3 / مدونـه تنسجـم فيهاا وتحفـظ ماكتب فيهاا لديك ؟
انسجام .. ماانسجم الا مع السووالف الحلوة والمضحكة ..,
أما الأشعار المنقولة اللي طايحين فيها والخواطر احس انها توليف .. من شان هيك ماانسجم معاها ,,
بس الأبيات اللي مرات قليلة احطها بمدونتي لاتفوتكم تراها من اعماق قلبي ,, يعني اقروها بتمعن ..,
4 / ماهي الأبيات اللي اعجبتك داخل المدونـه .. ولمين ؟
ذكرت قبل اني مااركز الا على قليل من الأبيات ,,
وغير هذا مااركز على المدونة اللي من أدخلها الين اطلع وهي صياح ونياح ..,
لذلك ركزت على المدونات الخفيفة الظل .. اللي من أدخلها انبسط واضحك واغير جوّ ..,
لكن هالأبيات عاجبتني وحطيتها بمدونتي اللي هي ...,
ياليت منهو باله اليوم مرتاح ,,
نومه هني .. يرقد وعينه قريرة ,,
مثل الطفل لاطاح في مرقده طاح ,,
لا شاغله همه ولا هم غيره ,,
ياقلب لاتحزن على فايت النوح ,,
كثر الألم والحزن مافيه خيره ,,
باب يجيب الهم صكة وارتاح ,,
خلله بديرة وانت خللك بديرة ,,
لمن تقـول .. }
1 / مدونتـك رااائعه واااصل ؟!
لكل اللي ذكرت مدوناتهم واتابعهم أول بأول ..,
2 / مميز في إنتقاائك للاابيـاات ؟
انا راح اغير السؤال لـ : 2/ مميز في انتقائك للسوالف ؟
دينا .. حور سعود .. ايفولة ..
3 / مميز في تنسيقـك للاالون داخل المدونـه ؟
سلمان عبد العزيز .., ألوانه حلوة وبناتية .. ليته يختار لي ألوان الفستان اللي بفصلة بعد كم يوم هه ..,
4 / أستمتع كثيرااً ب / مدونتـك ؟
جميع من ذكرت .. لكن بالأخص عاشق الخير وايفولة ودينا وحور والبدر ..,
5 / ب / نظـرك هل توجـد
مدونـه ينسكب الحزن من حروفـهاا ولمن ؟
الى الآن ماشفت مدونة تحزّن ..
6/ماهو افضل عنواان بـ / المدونـاات برأيك ؟
( بـ ـ ـ ـ ـ ـ ـلا قيــ ـ ـ ـ ـ ـ ـ ـ ـ ـ ـود ) لعبد الله الحلوة ..,
أرى ان هذا العنوان أفضل عنوان يحكي واقع المدونات ..,
انا هنا مقيدة بكم سؤال للإجابة عليها ..
وذكرت بعض المدونات بأني اتابعها كثير ,, لكن هذا لايعني اني اهمل المدونات الأخرى ..
انا امر المدونات الباقية واقراها وخاصة الحديث فيها .. لكن لو مااتحدّثت ماافقدها ولا أدورها ..
بعكي المدونات المذكورة سلفا .. أفقدها واتعنى من شان اقراها ..,
ويازينكم انكم ومدوناتكم اللي تحوم التسبد <- شانت النفس من كثر المدح :c7:
--------------------------
رهينة ..., شاكرة لك على هالموضوع الحلو .. خليتينا نفضفض ونعترف بشكرنا للي ذكرناهم واللي لم نذكرهم على كل كلمة دونوها بالمدونات .. فعلا .. مدونات حلوة تستحق الوقوف عندها وقرائتها والإبتسامة معترضه الوجه
علشانك بس
04-01-10, 08:00 am
آآآآآآه من بعض المواقف اللي تمر بالشخص و ماتزول من ذاكرته بسهولة ..,
علشانك بس
05-01-10, 03:16 am
http://wi1wi.com/upfiles/jcY46781.jpg (http://wi1wi.com/)
888888
ماشاء الله تبارك الله على هالبنوته الشجاعة هه ..,
بسم الله عليها جالسة توكله وداخله جو معاه ..,
ليتها تعدي هاللي مرتزّة بتوقيعي .. لو تشوف الحيوان عن بعد كيلوين ماتشوف الا غبارها ..,
ماقصرت وسعت صدر هالصغنونه وحتى الباص طلع معاك وغير جو هه ...,
علشانك بس
05-01-10, 09:56 am
اضحك واسولف .. وان لحقني السهر نمت ... لكن قسم بالله ماني بطيب ..,
علشانك بس
06-01-10, 01:29 am
<< تـشـنـقـت من الوناصه ههههههه
يالبى قلبتس علووووشه ..
وهـ بص تراي متشققه من الشحطه ..
عجزت أصك خشتي من هالمدح .. شاقـتن الضحكه من إلى خخخخخخخخ
علووووشه : شرف كبير لي إنك من زوار مدونتي ..
حــور سعود ..,
هاه بشري عسى خشيشتك انصكت :c7: تراني صابرة كم يوم انتظرها تنصك هه ..,
ياجعل الضحكة تدوم عليك ..,
والله مدونتك تستاهل من يزورها ويفتح كشرته عندها ..,
نتشرف بزيارة مدونتك ياغالية .. والله الله بالسويليفات الزينة ..,
علشانك بس
06-01-10, 02:33 am
رحلة المطرسة ( صور ) ..,
http://wi1wi.com/upfiles/JZS29756.png (http://wi1wi.com/)
http://wi1wi.com/upfiles/S2a29756.png (http://wi1wi.com/)
http://wi1wi.com/upfiles/w7Y29756.png (http://wi1wi.com/)
http://wi1wi.com/upfiles/IIr29756.png (http://wi1wi.com/)
علشانك بس
07-01-10, 03:00 am
بالنسبة لخفة دم السعوديين ارى ان الجيل السابق كان اخف دم بكثير من الجيل الحالي
تصدق ان الوطابه عندنا تتكاثر بين افراد الشعب بشكل كبير
اخر نكته جتني قبل شوي
فيه شمري صلى صلاة استسقاء بالرياض و زاحمه واحد من الجماعة و قاله : يا بعد حيي ارفق شوي تراي مصلي معكم فزعة ولا حايل تراها سيوول
ههه حلوة يالإسترليني ..,
وعودا حميدا ..,
وعساك ماتعمى .. السعوديين مافيهم خفة دم ابد ..
خمسة او سته خفيفين دم جايين بالغلط وهم اللي طلعو هالكم نكته وتداولوها العالم واشغلونها عندها ..,
كلله انتقام من شركة الاتصالات .. منهم لله ..,
علشانك بس
07-01-10, 04:18 am
الحين وش سالفة ذا البرد اللي لاعب علينا ..,
يوم اطلع من البيت كان الجو حلو ولابسة لبس صيفي <-- اتهورت ..,
ولما صارت الساعه 11 بغى يوقف قلبي من البرد بس اصرخ عليهم سكرو الباب وقربولي الدفاية :(
ويقولون لي يالمجنونه احد يجي بهاللبس .. !!
تتوقعون هذا اللي يسمى بياع الخبل عبايته :c7: .. !!!
لأني يوم اطلع من البيت الجو حلو .. وقلب علينا بالأخير وصرت كسرة ثلجة ..,
الله يستر علي ماصدقت اني اخف شوي شكلي برجع اتعب ..,
ليت البرد يخلص الصراحة انه يضيق الصدر :(
علشانك بس
10-01-10, 11:45 pm
بعد إذنك ..
قلبي محتاجك دقايق ..
يشتكيلك فيها منك .. وأدري انك منت فاضي .. أدري انك .. !
لكن الموضوع عنك ,,
بس أبيك تتأكد اني ما أبي أخذك منهم ..
أدري أحبابك كثير و إنت ماتستغني عنهم ..
لكن الشي الأكيد .. ان عمري ضاع منك .. بعد إذنك .. !
ماكفاااك اني عطيتك عمري كله لا ولا بين بعينك .. !!
ماسألت بيوم نفسك ياحبيبي .. !! .. وش حصل بيني وبينك .. ؟
ايه قسم بالله قلبي ضاعت احلامه عشانك ..,
وانتهى كل شي بعدك وانطفت شمعة حنانك ..,
أوعدك هذه النهايه وان قلبي ارتاح منك .. بعد إذنك ..,
كلمات .. سعود البابطين ..,
علشانك بس
11-01-10, 02:02 am
هذي علوشة بمكان ثاني ...
تنتظر انتقادكم (انتقاد موتطنز )
ومدحكم ( كثرو منه :c7: )
وهواشكم ( بس شوي شوي علي )
'طبعا كما قال الأخ مودرن في البلوق تبعه .. قولو اللي تبونه ومايدري فيكم الا ربكم :) ..,
اتفضلو ..
http://www.formspring.me/Allo0oShaH
علشانك بس
14-01-10, 03:03 am
انا شفت ناس هابلهم النت ,, لكن مثل بنت خالتي لا ماشفت ,,
تقولها امها اليوم يالله دقي على رجلتس خليه يجي ,, مو اذا طلعنا من الاستراحة قلتي لا اصبرو لي ماجاء رجلي ,,
قالت يمه ملليت وانا ادق ويقول لايمكن العثور ههه هالخبلة تبي تقول يقول عفوا الرقم الذي طلبته لايمكن الاتصال به الأن .. قالت لايمكن العثور :c7:
الله لايهبلنا الا بطاعته هه ,,
علشانك بس
15-01-10, 03:34 am
تكفين ترى تكفين تهز بناات الرجاجيييل ..
علشانك بس يا صاحبه الجااه والسلطان ..
اسئله لن تأخذ من وقتك الشيء الكثير
تعتقي بها رقبه العبد الفقير ..
ليذهب من زنزانته الى سريره ..
ويهنئ بالفرااش الوثير ...
ترى يااويلك ان ما جاوبتي ...
بطلع طلعووووووووووووووووووووووووووووووووون وشلوون بسووق البااص وانا نص عيووني غمص خخخخخخخ
يا حساافه المعلقه اللي فووق ...
وانا اقوول هالمشرفه ذي بتطلعن من السجن ..
جبنااك عوون طلعتي فرعووووووووون ..
ياخزياه منك :(
والله لو انا شايفة هالمعلقة اللي قبل كان كافلتك وكافلة كل اللي بالسجن معك ياابو جنان ,,
انا قلت ابيه يتسلى بتلقيط العراجين بالسجن ,, اخبرك تحب تلقيطهن ,,
لكن المرة الثانية حالفة لأكفلك ان شاء الله <-- ريضتن فيه تبيه يسجن ثانية هه ,,
بشر عن جنو اليوم عساها صارت احسن بعد علاجها بمستشفى الرس ,,
احس اني ودي اجرب مستشفى الرس من مدحك .. الله لايحيجنا له ,,
علشانك بس
16-01-10, 01:51 am
علشانك بس ,,الجوهره ,
قلب الأســد .. قضن الأسماء :( .. ؟
الحين جدتي وهي جدتي اسمها سميرة ,, شلون حفيدتها اسمها الجوهرة .. !!
<- تحس ان اي وحده اسمها الجوهرة تكون حاطة جدايل ,, وبين شفايفها ديرمانه ,,
ايه بعد .. وتسيّر على الجيران الضحوية <-- مااخذتها من احد ابد هه ,,
علشانك بس
16-01-10, 03:17 am
البـــbaderـــدر b.d.q
عودا حميدا البدر ,, منور المنتدى برجوعك ,,
علشانك بس
17-01-10, 02:46 am
صباح الورد ,,
العشاء كنت اجهز لبس البسه للدوام بكرا ,,
طلعت تنورة من زمان عندي قلت بس هذي تصلح لهاللبوزة <-- رايقة ,,
فلما قستها حسيت مقاسها مو ضابط تبي تضييق شوي ,,
طلعت للمشغل قلت ابيكم تضيقونها شوي قالو مزحومين ,, قلت تراه تعديل مو صناعة طيارة ,,
قالت ياليت والله بس ماسكين فساتين وصعبة نتركهم من شان تنولة ,,
قلت وخري بس مالنا الا الخياط ,,
قللت للسواق ابي اي خياط لو خرابيط بس بسرعه ,,
رحنا ووقف عند خياط باين انه يهش الذبّان من الفضاوة هه ,,
نزلت وقلت له ابغاك تعدل التنورة بس انتبه لاتخربها ياويلك ,,
قال ايش كرّب .. انا هنا شغل من 25 سنه <- باين وهو حاط يده على خده من الفضاوة ,,
قلت طيب صلحها ولا يكثر ,,
رحت وجيت له بعد ساعه لقيته صلحها وحلو شغله ,,
قلت كويس مرة خلاص انا بصير زبونتك <-- تزرقه هه ,,
قال معلوم انتي مين خيّط هنا . !!! <-- يعني جيتي ولا ماجيتي مادريت عنك ,,
قلت مين .. ؟
قال هذا ربدي .. مشيقه ( مشيقح ) .. رشودي .. كلو كيّط هنا ههه <-- مسكت خط بالضحك ,,,
هالبنقالي وش عرّفه ان هالعوائل كبيرة في بريده هه ,,
سبحان الله اللي يعيش في بريده يتعود من اهلها الشهابة ,,
ولا بنقالي مجدوع بمحل متر ونص بمترين وش عرفه بالربدي والمشيقح والرشودي ,,
الصراحة اني ودي اروح اعدّل كل ملابسي وبروح اسولف معه ..
شكله راعي سويليفات وعنده اخبار زينه ,,
علشانك بس
17-01-10, 09:17 pm
<<<<< ضاق صدره عيا يفتح الرابط اللي بتوقيع علشانك بس !
عاشق ديرتي بريدة ,,
لاتفوتك الهوشات بالبروفايل ,,
انا حاطته ابيهم يمدحوني واحس اني مهمه ,,
وشفت العكس ,, كلن يجي يهاوش ويطلع :( ,,
صلح جهازك من ابو صالح المشرف اللي بالمنتدى وتعال انت وقهوتك للبروفايل ,,
علشانك بس
17-01-10, 09:54 pm
حالفه لأنام الليلة ان شاء الله ,,
اليوم لأني رايحة مواصله صايره مثل السكرانه الصباح ,,
اللي تعطيني كوفي واللي تعطيني فطور واللي تمسك يدي وتمشيني ,,
يقولون الا تصحين ,, مانبيك تنودين وعيونك تدمع ودايخه ,,
عناء مابعده عنااااء الصراحة ,,
خلاص بعقل وببطل سهر ان شاء الله ,,
بسوي حملة محاربة السهر ,, واللي بيشاركني فيها يرفع اصبعه الصغير ,,
ونبي نبدا من الليلة ان شاء الله ,,
ابي نسوي احصائية للي متواجدين داخل المنتدى من الساعه 2 ,, وماابغى احد صاحي ,,
يالله ابي اشوف أكثر انتماء وأكثر تشجيع لهالحملة ,, مين معاي ومين ضدي .. !!!!!
علشانك بس
18-01-10, 02:52 am
علشانك بس وش سالفة بيتك الثاني دخلت ,, وهجيت تراي انا اللي كاتب هج ههههه
وشلون وده يسوي مثل بيتك ,,,يبي جاهز مايبي يعمر ويتغربل هههه ,,
صدددز عاد وشلون سذااااا.. وتعرفين اللي يدخل ويهج ههه
قلب الأسـد ,,
ارجع للبلوق تبعي وراح تشوف الشرح بطريقة مبسطة ,,
على فكرة ,, انضم للحملة شخصين وانا الثالثه ,,
وراح تبدا الليلة والساعه 2 ان شاء الله ,,
كل شخص يسكر جهازه ويقرا ورده وينام ,,
علشانك بس
18-01-10, 03:09 am
الحين وشو البلوق هههههههه يالله علمين بسرعه قبل تبدون
هه وش نبدا فيه .. !!
الله يرحم حالك خالطن الدنيا انت ,,
البلوق = الملف = البروفايل = الصفحة الخاصة فيك اللي تستقبل فيها الزوار والمعلقين والمشجعين والمحطمين ,,
وبالنسبة للحملة اللي اقولك راح نبتدي فيها الآن هي حملة لا للسهر ,,
نبي نبدا ننام بدري ,, ماورى مااستهبلنا ,,
اثنين اشتركو بالحمله .. وانا الثالثة ,,
ونطمح للمزيد ,,
علشانك بس
18-01-10, 03:27 am
والله ان السهر هبل بي تهبيل ,, بس وش اسوي دوامي مساء هههههه
بس يالله نجرب معكم ,, بس الى كم لنا نسهر >> خاف من الحين يطيحون به خخ
الحين وشسوي علشان اصير معكم رحت للملف البروفايل على قولتك
دهدرت دميجتي مالقيت شي ,, بس معكم يالله ,,مانبي سهر خلاص ,,
وهذا المقصود من الحمله ,, انك تنام وتصحى بدري مثل الحصان ,,
بالنسبة للبروفايل جرب واذا ماعرفت عطني خبر بس مو الحين اذا صحيت مثل الحصان هه ,,
حلو المؤيدين والمنضمين للحمله الآن خمسه ,,
بناء على البند رقم 3982 اللي يقول تقفل الأجهزة الساعه من الساعه 2 الى الساعه 3 ..
استأذنكم الآن لإقفال جهازي والتوجه للسرير والنوم بدري <-- 2 ونص بدري ؟
المهم كل شي في بدايته صعب شوي لكن بعدين راح يتغير كل شي ونصير ننام من الساعه 9 .. وللا دجاج الوطنية ,,,
يالله تصبحون على خير ,,,
علشانك بس
18-01-10, 03:40 pm
علووشهـ هالحين مابوة مطويه عن الحمله اللي مسويتها انتي
على بالي هالمطوية لكن اخاف اتعب اسويها ولا تقرونها ,,
واذا قريتوها ماطبقتو ,,
يالله ياعياااال علووشه تقول طفو اللمبه وتغطو عن
البرد واللي ماعندوة رضاعه نسلفه رضاعه بس نامو بدري
واللي يبي آجي آقوله قصه قبل النوم يعلمن
عندي حقت ام العنزين وحمارة القايله
وانت يـ وائل كفوري قم البس بدله النوم <-- عيآال نعمه بدلت نوم
وآنزلع نم لاشوف خشتك بذآ يالله خخخخخ
خل بس آشوف وآحد منكم دآخل المدونه بعدي ياويله
تراء كابن صآبون عند الباب علشان تزحلقوون
تشق <-- طفا اللمبهـ
يازين نوم الليل ياعطر ,, والله انه صحة ونشاط ,,
ماشفتني اليوم بالدوام بس اطاير من تشوفني تقول وش هالفراشة <-- حاول ماتدقق بالتعبير ,, ترى هذي فرحة النومة بالليل ,,
ابيك تنصحهم معاي ,,
وماعليك انا بطبع لكم مع المطوية قصص النومة( ام العنزين وحمارة القايلة) ,, للترغيب في الإنضمام للحملة ,,
تشق .. !! متأكد ان هذا صوت لمبتكم .. !! :c7:
عاد انا جاية اشوف اخر الأخبار بالمنتدى وبأقسامي خاصة .. وبروح انام ( اأقيّل ) <-- والله قهر صارت كل حياتها نوم لاعادت على هالدوام ,,
علشانك بس
19-01-10, 01:28 am
http://wi1wi.com/upfiles/KUm49539.gif (http://wi1wi.com/)
الله يسلم ديّاتك ياعاشق الخير ,, الصراحة ابدعت بالتصميم ,,
تصميم حلو وتشجيعي ,,, يبي يخلينا ننام من هالحين ,,
<-- تبي تصير مثل اللي اشترى فراش ونام المغرب من الطفّة ,,
مشاركتك هذي راح تفعل الحملة ,,
شكلي بخليك تكون النائب للحملة ,,
وانت تنصح بالشغله اذا استلمتها ماشاء الله عليك ,,
تصميم حلو وتشجيعي ,,, يبي يخلينا ننام من هالحين ,,
<-- تبي تصير مثل اللي اشترى فراش ونام المغرب من الطفّة ,,
ماشاء الله عليهم المنضمين للحملة في ازدياد ,,
بحط المطوية اللي يقول عطر بس مو الحين لأني عندي شغل الين راسي ماصلحته ,,
اصلحة واتفضى لكم يااعضاء ,,
والله ياغبار اليوم كتمنا ورجع لنا التعب والكحة :(
علشانك بس
19-01-10, 10:07 pm
معليش علشااانك بس حبيت اعطيك رأيي الربدي المشيقح ماانقول شي مع ان الربدي
الربدي سبحان الله مشهورين عندنا مع انهم مابهم زووود تجاااره اوو مناااصب بس مايخلون
والمشيقح هين معروووفين لازين ولاتجاااره وهيبه تحسينهم...
بس الرشودي وش عليه ؟؟؟ميخااالف اذا انا مخطيه علمين تراه مجرد راي لااكثر ولااقل...
اللي معروفين فيه ان ثلاث ارباعهم سوريااات بس ولادلة الشهره ذي....
اتمنى محد يزعل الحق ينقال
فديكا بريدة ,,
الله يصلحك تعلميني انا .. !!
روحي علمي هالبنقالي اللي نافش ريشة لأنهم يخيطون عنده هه ,,
عموما العوائل هذي والنعم فيهم وانا يوم اقول عوائل كبيرة مااقصد لا بجمال ولا بغنى ولا بغيره ,,
يكفي انهم عوائل مشهورة في بريدة ,,
ويكفي ان هالبنقالي يعرفهم ,,
اتحداتس تقولين له عائلتكم ويعرفها :c7:
يابخت الربدي والمشيقح والرشودي بهالبنقالي السولفجي هه ,,
علشانك بس
20-01-10, 12:01 am
هالهدية واصلتني من يومين بس فكري متشتت ولا ادري وش ابدي ولا نزلتها ,,
هذي هي :) ,,
http://wi1wi.com/upfiles/LdF31222.jpg (http://wi1wi.com/)
علشانك بس
20-01-10, 12:27 am
تصبحون على خير <-- لأول مرة بحياتها تنام هالوقت ماشاء الله ,,
يالله قدامي يالمنضمين لحملة لا للسهر ,, اليوم النومة بدري ,,
علشانك بس
20-01-10, 01:37 pm
<-- مستاذنه من الدوام وطالعة بدري تبي تسافر ان شاء الله ,,
الوعد الليلة بإذن الله ,,
علشانك بس
21-01-10, 04:13 am
شكلهم بالدواام متحسفين ويقوولون
يامن شراله من حلاله عله خخخخخخخخ
توك متووظفه وانوااع التسيب ....
اثقلي شووي اغديهم يخلوونك مديررره >>>وتجيبينن سوااق للموظفاات خخخخخ
ماادراك .. والله ان وجه المسؤولة بدا يتتسفى ماودها اطلع ,,
قلت بسافر .. وبعدين انا تعبانة .. قالت مبين عليك التعب خلاص روحي وابي التقرير يوصلني السبت
قلت ابشري بس خليني اطلع ,,
وطلعت ونسيت اوراقي بالعمل :( شلون بكتب لها تقررها مدري .. الله يستر ,,
قرار فصلي قرب ,,
علشانك بس
21-01-10, 04:29 am
اليوم كنا في اسواق غرناطة ,,
والصرافات كلها ماتشتغل ,, حصل فوضى بالأسواق ,,
الصرافات زحمة ولا تصرف .. جميع الشبكات متقفلة حتى اللي جوا المحلات ,,
صرت اشتري واقوله خلي الكيس عندك واخذ اسم المحل واجمع أوراق المحلات ,,
يوم جمعتها طلعنا وصرفنا من برا الأسواق ورجعنا ندفع للمحلات وناخذ اغراضنا ,,
الصراحة زحمممة وفوضى ,, مدري وش فيه الراجحي ,,
وانا احاول اصرف من الصرافه من شان ارجع وادفع الفلوس للمحلات وقف وراي واحد ,,
سمعته يتكلم يقول صاحبة سمو ملكي ..؟؟
التفت انا بسرعه بشوف صاحبة السمو الملكي قبل لاتروح <-- مقرودة من بريدة ,,
يوم التفت لقيته يناظرني ,, يقولي جاوبيني انتي صاحبة سمو ملكي .. ؟؟
ويطييح قلبي انا ,, ومع هذا بديت اناظر نفسي قلت يمكن مكتوب على عبايتي انتي بنت ال سعود وانا مادريت ,,
شكله عرف اني صاحبة سمو ملكي .. مير الشكوى لله مرة ثانية احاول اتخفى ..
سحبت بطاقتي ولقيته ظهري وتركته كملت طريقي رايحة للمحل اللي كنا فيه ,,
ماحسيت الا فيه متابعني .. يمشي وراي ويدخن :(
الله لايوفقه وربي انهبلت ,,
يوم شفته لاحقني ومطول التفت عليه وهزئته ..
وهو يناظرني ومبتسم جعلي اشوفه مبتسم من الهبااال اللي فيه ,,
يوم شافني شديت عليه ودري اني معصبه قال هذي صادقه بتنادي الأمن يظفوني انقلع ,,
هذا اللي يكره اسواق الرياض ,, التساهل بالمغازل ,, يعني الغزل عندهم مثل شربة الموية ,,
ولا فيه احد يهاوش ولا يعارض عادي كل شي ماشي ,,
انا الوحيدة اللي بالأسواق ارتفع صوتي وهزئت ولا الباقيات مستهبلات ولا همهن احد ,,
ليت من ارسل لهم كم جمس من جموس الهيئة يصفونهم ,,,
احس انه يقول وش فيها انهبلت وانا ماسويت شي .. !!
والثاني يقول اخاويك .. ؟ والثالث يرفع جواله يقولي استقبلي ,,
الله لايوفقهم باليننا بكل مكان ,,
بس الصراحة ان روحتي تبرد الكبد ,, اشتريت اللي ابيه وزيادة ,,
بس لو لا هاللي نكد علي روحتي :(
علشانك بس
21-01-10, 04:32 am
6 مشاركات محذوفه .. !!
ياكافي وش انا قايلة بالمجلس .. !!
الصراحة ان اللي جالس يحذف طااااف ,,
<-- من زماااااااااان ماجاها رسايل حذف ,, ويجيها 6 مرة وحده .. !!!!!!!!!
علشانك بس
22-01-10, 04:25 am
ومارأيكم بـ فتاة مشاغربه كانت في المنتدى عندما يحلو ذاك القسم بـ جودها
لكن بعد ماكان لونها أخضر أن قلبة 180 درجه
بعد ماكان لونها أخضر كانت محترمه رغم رسم البسمه في شفاها ووجودها في موضوع ما يكون شرف للصاحب الموضوع
8888
كان أتشرف بـ وجدها رغم عنفاها بالردود ؟
لم تكون علوشه << مايعرف يلمح
خلاص بصير رقيقه وماراح اصير عنيفة بالردود معاك بعد هالمدح هه ,,
شكلك صرفت نظر عن السوريات ,, من شان كذا تمدح فيني الله يسلمك ,,
لم تكون علوشة <-- هذي لحالها هه ,,
علشانك بس
22-01-10, 05:06 am
http://wi1wi.com/upfiles/4jT21873.jpg (http://wi1wi.com/)
انا ملفي الشخصي مليان اصدقااااء وصديقاااااات ,,
لكن وش فايدتهم مدري :c7:
مو هم بالذات لاااا ,,
اعني خاصية الصداقات بالمنتدى وش فايدتها .. !!علموني خلوني اطلب صداقات من نفسي ,,
يمكن هاللي يطلبوني شايفين الفايدة اللي ماشفتها ,,
والله هالأصدقاء اتشرف بوجودهم في ملفي الشخصي واتشرف بصداقتهم بعد ,,
اليوم جتني طلب صداقة جديدة كالعادة ومن عضوة مشاركاتها قليييلة ,,
مبين انها تعرفني من أول ,,
اقولها هنا وبحضرتكم ياهلا وسهلا فيك منورة ,,
بس ترى الملف كلله غبار تلثمي مانبيك تحكحين ويجيك شي ونبتلش فيك هه ,,
علشانك بس
22-01-10, 08:47 pm
والله يالأعضاء شانين علي حملة بالبلوق تبعي :c7:
اقول وسعو صدوركم ومرو على الموضوع اللي بالإستراحة حق شهد اللي فيه صور واضحكو ,,
ولا تفوتكم صور العباس الشنقيطي تمزح التسبد هه ,,
جاء جميع بتنزيل الصور ,, استغفر الله بغت تفوتني صلاة الفجر اليوم وانا اصفح فيه ,,
حلفت مااطلع الين اشوفه كلله خاصة صور الشنقيطي وعيالة المتجردين من المخيط هه ,,
علشانك بس
25-01-10, 05:22 pm
على طاري فوز الهلال عندي لغز <<<< ماله دخل بالفوز بس ودي اقوله
طير تهده تبيه ينصاد وتفرح اذا رجع ماحد صاده !!!
وشو حله ؟
السلحفاة .. !! صح .. ؟ ولا اقولك لاترد علي أدري ان جوابي صح :c7:
الحمد لله على سلامة بنات كلية التربية ,, الصراحة بعد حادث ابو سرهد المتهور وانا اذا شفت باص قريب لسيارتنا صرخت اقول هدّي السررررعه <-- متوحشة من الباصات وخاصة باص ابو سرهد ,,
الله لايوفق اصحاب الباصات اللي يسرعون ويطيرون أرواح العالم ,,
مير أبو سرهد بزيادة اللهم ياكافي ,, يسوي سباق ايهم اللي يوصل الأول ,, ويقطع الإشارات ,, انتبهو منه ,,
ماتشوف الا مناقز البنات فيه ياويلي ,,
حتى المعلومتين اللي حافظاتها للإمتحان تطير ,,
الله يشفي المصابات بالحادث ,, ويستر على الباقيات ,, ويوفقهن بالإمتحان اللي فاتهن ,,,
علشانك بس
25-01-10, 05:47 pm
بناء على طلب الأعضاء سيتم انشاء بنود خاصة بحملة لا للسهر ,,
ولأني نايمة قبل البارح الساعه 9 والبارح 11 قلت بس .. لازم اكتب لهم اشياء تعينهم على النوم مبكرااااا ,,,,
أيها العضو المشارك معنا في حملة لا للسهر :
أولا لازم تتعشى بدري .. الساعه 9 بالكثير تكون متعشي ,,
ولازم تلحق العشاء بكوب لبن واللبن يكون منتهيه صلاحيته على الأقل له اسبوع .
اذا عندك ايها العضو شراب الكحة ( اكتيفيد ) اشرب ملعقة صغيره ولا تكثر من شان ماتفطس ونبتلش فيك .
ايضا عليك ايها العضو ان تفتح الدفاية في غرفتك من شان تصير دافيه وتدوخ وتدور سريرك باللي هو فيه .
يستحب ان يكون مفرش سريرك من النوع الثقيل المخمل أو الشامواه ويكون لونه غامق يابني أو عنابي أو كحلي أدفى وأحلى وخاصة بالشتاء .
ايها العضوة ... اذا انتي بنت يفضل انك تنزلين للمطبخ وتغسلين المطبخ كلله وتكنسين البيت وترتبينها وتمسحينها ,,
منها تهضمين العشوة الثقيلة ومنها تنظفين البيت ومنها تريحين الخدامه .. وراتب الخدامه اتقاسموه بينكم مو مشكله ,,
وبعدها ترقين لغرفتك وعيونك متبادله من النوم ,, تطيحين بسريرك على هالنومه ,, مايصحونك الا بمدفع الصباح لدوامك او مدرستك ,,
ايها العضو .. بما ان المطبخ والبيت مو من خصوصياتك مالك الا الحوش ,, تروح وتكنسه وتغسله وتخليه يلمع ,,
بس رجاء بدون مطرسة لأني اعرفكم ماعبرتو بالأشياء الللي مافيها مويه .. مدري شلون بتعبرون بغسل حوش <-- انواع التزلج ,,
بعد ماترقى لغرفتك تغير ملابسك .. طبعا اكيد ترطش :c7: مع ان قلبي يقول تبي تطيح وتنام عند باب الغرفه ماتلحق تدخل جوا الغرفه ,,
اضمن لكم اذا عملتو بهالبنود ماتصير الساعه 10 بالكثير 11 الا وانتم فاطسين ,, بس ترى مادري تقومون بعد هالنومة ولا ماتقومون بعدها :c7:
<-- لها ثلاث ايام تنام 9 و 11 ولا تنام الظهر ,,
خلاص احس اني صرت انسانه طبيعية .. مو مثل أول الشمس وهي الشمس ماشفتها من سنين ,, نوم بالنهار وسهر بالليل ,,
اذا فيه زيادة اعضاء حابين ينضمون للحملة ياهلا وسهلا ,,
بس ترى باخذ صلاحيات الإيقاف للأعضاء من جلوي ,,
اللي ينضم للحملة ولا يلتزم بأوقف معرفه مالا يقل عن اسبوع ,, من شان يتأدّب ,,
مافي سهر الا بالويك اند بس ,,
علشانك بس
25-01-10, 05:49 pm
http://wi1wi.com/upfiles/KUm49539.gif (http://wi1wi.com/)
علشانك بس
28-01-10, 01:35 pm
والله قهر ,,
يوم الناس متجمعين البارح وانا نايمة ,,
يوم صار الصباح انتبزت والكل ناايم والمنتدى فاضي ,,
<-- تبي تروح للبر بعد شوي .. ماتدرون هو برود ولا لا .. ؟ <- ناوية تهوّن ,,
شموع تحت المطر ,,,, عودا حميدا ومبروك افتتاح المدونة ,,
علشانك بس
28-01-10, 02:16 pm
(( مــآهمني لو غيري يـآخذ [ مكـآني ] بقـآيـآ صيـد الذيب مآتاكلة غير الكلآب ))
قوية الصراحة هه ,,
علشانك بس
28-01-10, 05:49 pm
<--- باصطه بالبر
علشانك بس
28-01-10, 11:24 pm
البنات يتشهون على العشاء ومتقيرمات ,,
فاتحات قسم المطبخ بالمنتدى ويدورن طبخة يبي يطبخن هن ,,
تدرون وش اتفقن عليه .. !!
على مقلوبة عاشق الخير هه ,,
<-- تناظرهن وتتطنز بهن ,,,,, وتقول والله ماامطرس معكن انا جوعانة عقب البر ابي شي يوكل بسرعه :( ,,
فاتحات صفحة المقلوبة وابتلشن عند الأخضر اللي بالسلطة يقولن وشو هذاااا ,,
http://wi1wi.com/upfiles/rrk06427.jpg (http://wi1wi.com/)
واكتشفنا انه خيار ,,
ابلشننا جوعانات ويتشهون ,,
جـــــــآري طبخ المقلوبة :c7: وسنوافيكم بآخر اخبار المقلوبة بآخر الليل ,,
علشانك بس
29-01-10, 01:29 am
سوّن مقلوبة <-- والله من المطاريس ,,
وتعشينا بالعافية علينا ,,
الفرق بين مقلوبتنا ومقلوبة عاشق الشكل هه ,,
مقلوبة عاشق طبقات يجنن شكلها ,,
ومقلوبتنا منخبصة ماتدرون وجهها من وراها ,,
وحده منهن تتطنز يوم جلست باكل قالت انتبهي لاتخربين الطبقات <-- تتطنز خخ ,,
انقهرت اني ماصورتها ,, يوم خللصنا اتذكرت التصوير ,,
وه ماسوا بنا خير عاشق هو ومقلوبته ,, يتعودن الطبخ بنا هالرفلات ,,
علشانك بس
29-01-10, 03:02 am
عجزت افتح عيوني من النوم ,,
يللا تصبحون على خير ,,
علشانك بس
29-01-10, 01:18 pm
ياشين إذا صار الواحد متضايق على طول يصيح لو السبب تافه خخخخخخ
قبل شوي تعـبانه .. ومدري وش أسوي ..
فتحت النت وبحثت عن هالمرض وش أسبابه وعلاجه ؟
لقيت إن أسبابه الدخان << نعـنبوا ابليسكم وش دخانه ؟
ماعرف غير دخان الضو .. الحمدلله ماعندنا احد بالبيت يدخن عشان تقولون دخان !!
<< شرهت عليهم خخخخخخ
ولقيت من ضمن اللي مفروض إني أمتنع عنهن القهوه << إيه هين تسني عاد أبترك القهوه ..
المهم فتحت القصيده ذيك اللي بمدونة الخيالي لـ خلف مشعان والصوت حزين شوي
يوم دريت يوم بدت الدموع تبطبط على الكيبورد ههههههههه
ضحكت على روحي ..
مالي داعي أصيح بس مدري وش أسوي صارت بي جوله من هالوجـع ..
يجيب لي التكه لا ثــار علي .. مدري وش أسوي ..
ومن البارح وأنا بحاله ..
الحمدلله والشكر على كل حــال ..
حــور ,,
وش فيك بسم الله على قليبك .. !!
ماتشوفين شر ان شاء الله ,,
سبحان الله وانا اقرا حالتك تذكرت نفسي ,,
اذا كنت تعبانة ولا ضايق صدري كلشن يصيحن هه ,,
لو بيدي شنطة بفتحها وتعيي صحت <- تصير الدمعة بالباب ,,,
شوري عليك ياحوور خوفي من ربك واتركي الدخان ترى الدنيا مهب طويلة ,,
كثري من الرياضة ,, وكل مااشتهيتي زقارة اعلكي علكة وسبحي وهللي ,,,
واذا ماش ماقدرتي تصبرين روحي خوذي دوش بموية دافيه ,, واذا طلعتي انخمدي ونامي ,,
آلت ايه آلت دخان الضو ,, علينا .. !!
:c7:
يالله ان الشكوى لك .. وش السوات الحين ..؟؟
خربت برمجة مخي .. صرت انام 1 ولا 1 ونص وانتبز الصباح ,, وش اسوي بنفسي ؟
شلون أرجع مثل أول واسهر واستانس :( ,,
لاعادت على هالحملة اللي خربت برمجة مخي ,, حتى بالويك اند مثل الدجاجة انام والناس يخترشون :( ,,
علشانك بس
29-01-10, 05:15 pm
عاشق الخير ,, اللي بسلطتك وابتلشو عنده البنات وشو .. !!
خيار .. ؟؟؟؟
بعد ماقلنا انه خيار جتني رسالة خاصه من وحده من البنات تقول انه مو خيار هذا سيسرول سبانخ ,,
ايهم الصح .. !!!!
<-- سبحان الله تبين اللي مالها علاقة بالطبخ هه ,,
علشانك بس
30-01-10, 12:46 am
تقوول ام جنوو ..
صحن سلطه وش دخل السبانخ بينهن خخخخخخخخخخ تذكرت نشيد الولد يلعب مع البنات ..ماله دخل ..
هذا سلمك ربي خياار يقشر بقشاره البطاطس رهاااف بالطول...
ثم تلفين حبتين سوا مع بعض وتحشينها سلطه مقطعه صغااااااااااااااااار ...
ثم تصورينها لهالرفلات ..
ايووووه صار خيار نفس كلامي ,,
شوفي ياللي ارسلتي لي هه ,,
بالعافية لكم وللرفلات ,,
علشانك بس
30-01-10, 01:00 am
اليوم المغرب عندنا زيارة مهمة وتبي كشخه ,,
مسكت اختي الصغيرة وجلست البسها واكشخها اللي مرتزة بتوقيعي ,,
يوم كشخت قالت ابي اشوف المرايه ,, خليتها توقف عند المرايه ,,
بدت تناظر نفسها ومبتسمه هه ,, قالت لي علوشه .. الحين وش صار اسمي .. !! ههه
قلت ماعجبك اسمك ..؟؟ قالت الا بس يوم كشخت وصرت حلوه ابي اغير اسمي ,,,
والله لو كل طلعة بنغير اسمائنا كان مايكفينا ولا عشرين اسم بالاسبوع ,,
ياحبيلها على نياتها ,,
علشانك بس
30-01-10, 01:34 am
عفاري ,, خلاص رديت عليك كم مرة بالبلوق تبعي وصرتي مشهوره افرحي ,,
اما باقي الملاغات للأسف حذفتها لأنها حومت كبدي ,,
انتي الوحيده اللي عجزت اهضمك من شان كذا حذفت كلامك ,, ولا الباقين على العين والراس من فوق هم وانتقاداتهم ,,
ياللا عاد دوري احد يرد عليك هه ,,
علشانك بس
30-01-10, 02:42 am
العيون تبادلت وصارت تدمع من النوم ,,
يالله تصبحون على خير والوعد الظهر ان شاء الله ,,
سبحانك اللهم وبحمدك .. اشهد ان لاإله الا أنت استغفرك واتوب اليك ,,
علشانك بس
30-01-10, 09:54 pm
مساء الخيرات ,,
اليوم بالدوام حصللي موقف محرج ويفشل بنفس الوقت ,,
ودي اجلس اقصّ عليكم بس تعبانه :( مالي خلق ,,
<-- ماتشوف الحروف من الدموع ,, ياربييييييييييييييه ..
يارب يخللص الشتاء قسم بالله ملييييت ,,
<-- لابسة بطانية ومشغله المكيف الحار وخامه الدفاية وعييت اطيب :(
علشانك بس
30-01-10, 11:37 pm
الرومانسية
هي الشي الوحيد الذي لم أفهمه ...!!!
بعذرك اذا مافهمت الرومانسية ,, لأنك من بريدة ,,,
لو انت من عرب دحينه ولا عرب شنو كان على الأقل تفهم لو شوي منها ,,
احسن الله عزائك وعزاء كل قصيمي بفقد الرومانسية للأبد ,,
وغير هذا الصراحة ماعندكم بنات يشجعن على الرومانسية ابد ,,
العويرا و الزويرا و المنكسره ,, من وين بتحس بالرومانسية معهن هذولي هه ,,
علشانك بس
31-01-10, 12:02 am
حـــور ياخيتي لاتعصبين ترى راس ماله بروفايل ,,
والله مايجيك ولا ربع اللي جاني منهم ,, ولا طقيت لهم خبر ,,
اقرا كلامهم وابتسم ,,
واللي يقولك انتي اللي سألتيني قولي ايه انا تبي تحاوب ولا عمر جدك ماجاوبت ,,
<-- شايشه من التعب ,,
المشكلة ماقد جاني اسئلة بالخاص تسألني هل انا اللي اسألهم ولا لا .. تقل انهم متوحشين خخ ,,
علشانك بس
31-01-10, 02:08 am
يضحكوني بعض الأعضاء اللي مالهم خلقي ومع ذلك يلاحقون ردودي بكل مكان ولا يطلعون من مدونتي أبد ,,
طيب يااخي ولا يااختي دام مالكم خلقي اتركوني في حالي ووفرو على انفسكم عناء البحث عن ردودي وعن جديدي ,,
والله لو اكح كان جو يقولون علوشة كحت ,, الله لايشغلنا الا بطاعته ,,
من يحصل له يبتسم بالليل والنهار ويقول لا .. !!!!
خلوني ابتسم وانا اقرا ردودهم علي :) ,,
vBulletin® v3.8.8 Alpha 1, Copyright ©2000-2025, vBulletin Solutions, Inc Trans by mbcbaba