معـهد البكيراوي العالي لتعليم اللغة الهندية !!

[البكيراوي]

السلام عليكم ورحمه الله وبركاته ,,,,


طبعا انتم شافين الاعلان في الجرائد على الدورة اللي نقدم لكم !!

دورة في اللغة الهندية وهي لغة العصر الان !!

بعض الناس يقولون ان لغة العصر هي اللغة الانجليزية والبعض يقول الفرنسية او الفلبينة !!وهذا الكلام غير صحيح !!

فلغة العصر الان هي الهندية !! خاصة للشيبان !! حتى يتفاهم الشايب مع هندية !! وهو يوديه للمسجد وهو بالمزرعة !!وهو يسوق به !!وغيره من الامور !!

هذا بالنسبة للشيبان !!

اما العجز فاللغة المهمة لهن هي اللغة الاندوسية !! خاصة اذا اعرسن بناته !!

تكون لابد من تتعلم اللغة الاندوسية !! وتعلمه هذه اللغة ستقيها باذن الله من الضغط والسكر وغيره من الامراض لانه راح تكون تعرف تتحدث مع سكرتيرته الخاصة (الشغالة )!!

ولعل الدورة في اللغة الاندوسية !! ستقدم خلال الفترة القادمة !!


والان نبدا بالمستوى الاول لتعلم اللغة الهندية !!

=========================================

السلام <------------ نمستي

اشلونك؟ <---------- كيساهي؟

انا طالع \ رايح <---------- مي جاريو


الصداقه <---------- دوستي

نعم <---------- جي \ اجا


لا <---------- نهي <=== وهذه الكلمة مهمة جــــــدا

انا اسف <---------- مجي ماف كرو

احبك <---------- هم تمهاري بيار كرتيهي <=== وهذه الكلمة عديمة الفائدة بالنسبة للشيبان


قلب <---------- دل


صج؟ <---------- شوتي؟


اليوم <---------- ابتوم


لاشئ <---------- كج نهي



قول <---------- بول




ما اسمك >==== كيا نيم هي؟


بنت >====== لركي


ولد>====== لركا


اخى>== ميرفاي


صديقتى>===ميريدوز



اادنيا >== دونيا سهله حدها


ميدان>== ميدان هم سهله


اكره> == نفرت


شنو >== كيو؟


بسرعه>== جلدى


=====================
واتمنى ان تكونوا قد استفدتم من هذه الدورة !!

تحياتي للجميع
:1: :confused: :o :( :)

[مسافره بلا زاد]

كيساهي بابا ..انسا الله كويس ..:D



الله يرجك قل آمين يالبتسيراوي :D وش ذاء


والله جازت بالحيل اللغة الهندية :D

بالله عاد سؤال يا ابله بكيراوي ممكن ؟؟امـــــــــــــانه من وين جبت هالمصطلحات شكله والله صدقيه :D
اكيد من الغسال والا راعي البوفيه اللي قبل تفطر عنده :D



وتراي من اللحين حاجزه لدورة الاندنوسي خلنا نفهم وش يقولن ها الشغالات والله يجتمعن ويقرقن ولا ندري وش يقولن الله يكفينا وكل مسلم شرهن <===والله لا اطلع فضايحهن :D



نمستي بابا بكيراوي ...:1:

[الجنرال]

كمستكا بكيراوي....

مافيه مسكييييييييل.......كله كويييييييييييييييس


ماعندك دورة (تقالو) عشان نتفاهم مع الفلبينين بالعمل؟؟؟؟؟؟؟؟؟؟


بس انتبه نبي خصم خاص جدا..............


بس على فكرة لازم تحط موافقه المؤسسة العامة للتدريب الفني والمهنيي;)


تحياتي:D

[فريـــد]

البكيـــــــــــــــــــــــــــــراوي


نور على نــــــور ..

عاد تصدق إنهم قاهرينن لابدوا يخربطون بيناتهم .. وأنا أبحلق فيهم .. ومادري وش الطبخة ؟؟ :D

وهذولي بنركز عليهم : نعم <---------- جي \ اجا

لا <---------- نهي <=== وهذه الكلمة مهمة جــــــدا

وبعد هذي :

ما اسمك >==== كيا نيم هي؟

والعبارة المهمة : بسرعه>== جلدى


الله يعطيك العافيــــــة ..

أبقعد أدرسها لي اسبوع عشان أطور مهاراتي :D :D

تحياتي بكيراوي ....

[الداحوس العمى]

السلام عليكم:1:

هناك لغة الهنود الدوليه لغة هز الؤوس :D صحيح لاتضحكون

ترى هم مايهزون روسهم مثلنا ايه ولا حركة اراس كامله اثناء الهز

عباره عن حروف وكلامات حتى شوفوهم بالبورصه حقتهم:p

[ابوتركي]

هلا بأستادنا البكيراوي:D

وش هالرجه :D اكيد انك كنت مبتعث من المنتدى للبطحا ولا منين تجيب

هالعلوم , وخذ هاذي زود من يوم كنت بخنشليله دخلت بوفية وطلبت

شاهي سمعت الهندي يقول سليماني سألته وشي يعني قال يعني

شاهي مزبوووووووووط

ولا اقول الا مي جاريو:1:

[البكيراوي]

حياتس الله يا اخيتي !!

اما منين جبتهن !! فهذي تبي له سالفة !!

انا يوم كنت بالمتوسط !! كان بُـه سواق هندي يودين ويجيبن من المدرسة !!( مدلل )

المهم هالسواق هذا وانا رايح وجاي معه يستغل الوقت معي ويعلمن لغة هندية ( اوردوا )

وهي اللغة العامة لهم هم والباكستانية ولا يعرف هذه اللغة من الهنود الا اللي متعلمين بالمدراس لانه اللغةالموحده لهم وليست العامية فكل اقليم بالهند له لغة خاصة به كما تعلمون !!

ولكن للامانه بعض المصطلحات وصلت لي بالايميل والبعض اضفته من معلوماتي الهندية !!

والمعلومات صحيحة ان شاء الله !!

اشكرك يالمسافرة عللى الرد اللطيف !!

اما اللغة الاندونسية !! فهذي ما قدرت له !! لان امي تعيي علي احتسي الشغالة ههههه !!

تراي امزح لا احد يصدق !!

[البكيراوي]

أهـــــــــــــــلا بالجنرال !!

حياك الله يالغالي ويا هلا بك والله

ايه تقول تبي لغة تقالو !!

مهب مشكلة مر فرعنا اللي بأم الحمام !! وان شاء الله تلقى اللي يجوز لك !!

اما بالنسبة للخصم !! لا تخاف !! اول دروة ببلاش !!

وانت تامر يا الغالي !! وترى من اول دروة تبي تصير بلبل !!

ومع الدروة الثانية تبي تصير قميري ههههههه

وحياك الله يالمبدع !!

[البكيراوي]

هلا والله بـ ( تقهو )

يا حيا الله الدلال كله !!

وما عاش والله من يقهرك !!

بس وانا اخوك التلخيص وشغل الملزمات ما يصلح !!

امسك كل الكلمات وذاكرهن !! اما قولة هذا ملخص زيـن ما تنفع !! ههههه

خذه نصيحة مجرب !!

وتسلم مداخلك اللطيفة يا لطيف !!

[البكيراوي]

هـــــــــــــلا بأخوي الغالي الداحوس العمى !!

اجل تقول لغه هز الراوس !! هذي تبي تاخذونه بالمستوى الثامن ان شاء الله !!

مير على طاري هز الروس !! <==== وده يسولف !!

اعرف عجـوز دخلت محل اقمشة !! قالت للهندي !! عندك قماش مشجر !!

الهندي هز راسه وقال ايوه ماما !!

العجوز يا حول يوم شافته يهز الراس ماتت ضحك !! وطلعت وتركته !!

[البكيراوي]

هلا والله ثم هلا

بسراج المنتدى !! هلا بالغالي ابو تركي !!

نورت منتدى الطرائف !! يا ابو تركي !!

اجل تقول مبتعث للبطحاء !! ههههههههه

لا الله يسلمك انا لازم اخذ اللغة من مصدها من الام !! ههههههه

انا رحت لنيو دلهي بس لا احد يدري !! خوش ســـــــر !!

وهلا بك يالغالي

[البكيراوي]

كما وعدانكم !! احبائي الطلاب !!

هذا المستوى الثاني من اللغة الهندية نقدمه لكم !!

وتحت عنوان ( حاتس هنديك مثل ما تحاتس حدا عيالك )

واليكم بعض الكلمات المهمة !!

=============================

باااس------> اقرب



دوور -----> ابعد



السعادة -----> خوشيا




الحزن------> غم (جم) نطقها زي الجيم بالمصري




كبي ------> احيانا



ديفاانا ----> جنون




باقل (باجل)------> مجنون





بندر----->قرد





كاجل------> كحل





مهندي -----> حناء




(زيندقي او( زنديجي ------>
حياتي





خااموش ----> سكوت





زينداباد-----> عاش او يعيش






شادي-----> زواج






ريشتا----->علاقه





كيا-----> ماذا





ياادين---->ذكريات





اخ ----> بيا





بهوو----> زوجه الاخ





دوستي-----> صديق





ميري بتني ------>زوجتي




سبنا------> احلام





سوجوو-----> احلام





بايل ---->خلخال




جانيدوو----> اتركني او دعني




مي تومسي بيار كرتيهو---->احبك





بووووول ----> ورد





سنغي او غانا -----> اغنية





دوشمن ------> عدو




ديكوو----> شوف




بس----> بس





توم---->انت




هم -----> انا



همسي ميلا كرو----> دايم معاك




همسي جيلا كرو -----> دايم اقولك





كيا متلب -----> قصدك



توم همبي مرتيهو-------> اموت عشانك



اجا او ايي-----> تعال





باي ساب----> سيدي




دوود-----> حليب



باني ------> ماء




تنهاي ----> وحده او وحدتي



تمارا نام كاهيه -----> وش اسمك


تم قدر رهتاهيه --------> وين ساكن


================================

والى اللقاء في المستوى الثالث !!

بس ترى المستوى الثالث يبي له شده لانه يبي يصير به قواعد اللغة !! الله يستر !!

تحياتي للجميع

مدير المعهد

مستر بكيراوي