الجزء الثالث: الهباب الي صار لي في شهر العسل

[أسير الريم]

السلام عليكم ورحمة الله وبركاتة
اليوم حبيت احكي لكم عن شهر العسل , وين رحنا وين جينا وأيش سوينا وأيش هببنا
طبعاًاخو المدام يعرف أمير عشان كذا طلع لنا إقامات عشان نسافر برا وكان كل شيء على حساب خالي (ابو زوجتي)
طبعاً أنا عندي عزة نفس عشان كذا مارضيت وعلى طول رحت للبنك وسحبت 3000 ريال كاش وأعطيتهم أم المدام.

طبعاً بنسافر بالطيارة وكان هذا اول ركوب لي بالطياة والحمد الله ما خفت لاني كنت كثير العب بملاهي الحكير بأشياء زي كذاhttp://forum.te3p.com/images/smilies/2009/t022.gif
المهم صحينا الصبح وكنت جايب خبز خباز و جبن و طحينية وافطرنا وطلعنا للمطار .. وركبنا الطيارة واول ماركبنا تذكرت الايام الخوالي ,, يوم كنت اروح لابها مع النقل الجماعي والله كنت شوي وتدمع عيني على الاجواء الرومنسية بين القرودة ذيك الايام http://forum.te3p.com/images/smilies/2009/t034.gif

المهم جلسنا قدام بالطيارة وجتنا الشغالة حقتهم وكان معاها كيسان خمر أستغفر الله طبعاً هي خواجة وماتعرف عربي زين وتتكلم بسرعة لدرجة اني اوقات ماافهم ايش تقول المهم .. سألتني : شو بتحب تشرب خيو .. نكتار التفاح ولا نكتار العنب ؟ قلت : لا أستغفر الله ,, ابغى قهوة "بدون هيل"بعدها التفت على المدام وسألتها تبغين كيك ؟؟قالت لا قلت حتى انا زيك ماأبغى لانة يجيب لي الدوخة ..

المهم السواق كان مطوع جزاه الله خير وقراء دعاء السفر وقال :بالأنجليزي تمسكو ( المدام تخصصها انجليزي ) طبعاً انا قمت وربطت المدام بقوة وربطت الحزام حقي معاها عشان لو نطيح لاسمح الله نكون مع بعض عشان انقذها.طبعا الطيار اسرع بقوة وطلع جبل (عشان نطير ) وفعلاً الحمد الله طرنا,, عاد قلت للمدام أن شاء الله اذا رجعنا بنسويها أنا وانتي بالمزرعة .. ضحكت بخجل .. وقالت الله يرجعنا على خير يارب (طبعاً أنا فهمتها على طول "ودها ترجع عشان نسويها")

المهم نمنا وصحينا على مطب قوي ,, بعدها بدقائق قال السواق بالأنجليزي أننا وصلنا,, طبعاً نزلنا وكانت زوجتي هي الي تسأل (لانها دارسة العربي بالإنجليزي عشان كذا تفهم كلام الخواجات) http://forum.te3p.com/images/smilies/2009/t031.gif
ركبنا مع خواجة توه قايم من النوم (عيونة متنفخة ولسى مافتحت زين صايرة كأنها فستق بالليمون )رحنا للفندق وتعشينا فول سوداني وجبن سائل (جايبهم معي بالشنطة) http://forum.te3p.com/images/smilies/2009/t002.gif بعدها نمنا و لما صحينا الصباح ركبونا باص وجلسنا نفترج على مزارعهم نسيت اقولكم أيش الدولة ,, الدولة أسمهابالتذكرة كذا( Malaysia- MMG97J44S1 )على فكرة الأرقام الي بالأخير رقم تلفون الدولة عشان تتصل عليهم وتعطيهم خبر أنك بتجيهم.

طبعاانا لاحظت ان شعبها أغلبهم حريم و أطفال ومراهقين !! (الي طالع لهم شنبات مرة قليل!!) وكسولين جداً والدليل ان عيونهم 24 ساعة متنفخة من النوم.المهم لما صار الظهر قالت لي زوجتي انا عازمتك على مطعم بحري بالفندق قلت علي الطلاق ماحد يدفع غيري ,, قالت طيب .. طبعاً كنت مجهز بدلات للسفر ,, المهم لبست بدلة المنتخب http://forum.te3p.com/images/smilies/2009/t166.gif ونزلنا للمطعم وجتنا حرمة شايله شعرهاموس !! (صلعاء) http://forum.te3p.com/images/smilies/2009/t018.gif ولابسة جنز !!وييدينها معضلة وفيهم شعر وصوتها خشن كأنها رجال !!! لدرجة أن زوجتي كانت تتغطى على طول اذا جت الحرمة ذي .

المهم أعطتنا كتيبات قصص يالإنجليزي عشان نسلي أنفسنا http://forum.te3p.com/images/smilies/2009/t128.gif على مابال يجبون الاكل ,, طبعاً زوجتي راحت إلى آخر صفحةثم ناظرتني وقالت هاه وشر رايك ,, أنا على طول سويت نفسي أعرف اقراء وقلت لاتحرقين علي القصة وتقولين أن بطل القصة مات << دايم تصيير لي ,, أحباااااااط والله

ضحكت ثم قالت طيب وش تحب تاكل ؟قلت: زر ودجاج أو 2 شاورما مع واحد سفن .. قالت هذا مطعم بحري يعني ماعندهم دجاج !!! أنا لما شفت السالفة كذا قلت تبغين الصراحة انا ما اعرف آكل قواقع http://forum.te3p.com/images/smilies/2009/t035.gif ,, واذا تبين الجد انا ما اعرف أكل الا الي له رجول ,, ضحكت ثم قالت طيب تبي تونة !!

قلت التونة من الخشب وش جابها للبحر !! http://forum.te3p.com/images/smilies/2009/t046.gif ضحكت وقالت كيف عرفت !! قلت لما تفكين علبة التونة تلاقين غصن شجرة متبل بخل !! جلست تضحك !!!بها الاثناء جت الاخت الصلعاء وطلبت منها زوجتي وجبتها وكانت Tissue Please , قامت الصلعاء وعطتها مناديل ,, قلت هاه وش تحب اطلب لك ؟

(أختي كانت دايم تقولي خلك كشخة وديجتل مان قدامها)قلت زيك Tissue بس يكون لين وما فية ملح http://forum.te3p.com/images/smilies/2009/t056.gif ,, قامت الصلعاء واعطتني انابعد مناديل.
*طبعاً أنا مثقف وكل عمري أقراء جرايد ومجلات ( طبعاً هذي عادة عند بعض الشعوب يعطونك مناديل قبل الأكل)عشان لو لاسمح الله جاك خبر محزن http://forum.te3p.com/images/smilies/2009/t099.gif تلاقي مناديل تبكي فيها,,ناس فاهمين والله

ضحكت وقالت خلاص بطلب لك على ذوقي !! طبعاً أنا كان بخاطري شيء من زمان نفسي أقولة للمدام بس مدري متى الوقت المناسب ,, وقلت هذي أحسن فرصة بحياتي ,,طبعاً زوجتي تشبة وحدة من الممثلات ,, عشان كذا أستغليت الفرصة وقربت منها,, وقلت لها بقولك شيء..قالت خير أن شاء الله ,, قلت ممكن توقيعك http://forum.te3p.com/images/smilies/2009/t105.gif ؟

بها الوقت الذهبي بالذات جت الزفت الصلعاء http://forum.te3p.com/images/smilies/2009/t029.gif وخربت الفرصة علي ,, وحطت قدامي صحن ابيض فوقة شباصة برتقالية http://forum.te3p.com/images/smilies/2009/t044.gif !!! وحطت قدام زوجتي صحن فية حلزون http://forum.te3p.com/images/smilies/2009/t019.gif !!! وجنبة صحن فية رز محروق (بني)وفوقة مكسرات كاجو مقلية !! http://forum.te3p.com/images/smilies/2009/t053.gif قلت للمدام هذي الشباصة هدية من المطعم لك (صدق ناس ذوق مو زي هرفي يعطيك رجل فضاء ماتدري وين تحطة) ,, واناباخذ الحلزون وبحطة فوق مكتبي بالدوام ان شاء الله

قالت لا هذا الي عندك حيوان بحري أسمة أستكوزا مو شباصة !!والي عندي أسمة روبيان !!بصراحة ياناس عجزت آكلة ,, حاولت اقنع نفسي بانة دجاجة بس المشكلة مالة ريش http://forum.te3p.com/images/smilies/2009/t018.gif
نسيت أقولكم ,, من الغرائب بذاك المطعم أن المحاسب داهن راسة بفازلين !!(شعرة رطب و يلمع !! ) http://forum.te3p.com/images/smilies/2009/t044.gif
وبس ,, عاد قولو لي أنتم وش سويتو بشهر عسلكم؟
http://forum.te3p.com/images/smilies/2009/t021.gif

[shahd2007]

يوم كنت اروح لابها مع النقل الجماعي والله كنت شوي وتدمع عيني على الاجواء الرومنسية بين القرودة ذيك الايام

هههههههههه يعني ماتذكرت الا القرووود جووو رومانسي جدا

malaysia- mmg97j44s1 )على فكرة الأرقام الي بالأخير رقم تلفون الدولة عشان تتصل عليهم وتعطيهم خبر أنك بتجيهم.

ههههههههه اكثر شي ضحكني الله يجزاهم خير حاطيين رقم تلفونهم

المهم لبست بدلة المنتخب

كل هالكشخه بدله المنتخب مره وحده

اسير الريم <<عيار درجه اولى

وان شاء نشوف جزء رابع وخامس <<<حشا صارت طاش

[طبعي تسذا]

هههههههههههههههههههههه

كذا شهر العسل ولا بلاش

(الله يوفقكم ويجمع بينكم بخير)


تحياتي ...................

[البـــBADERـــدر B.D.Q]

اسير الريم ياخي انت قاضي ومنتهي ههههههههه

من سالفه الخطبه وسالفه مجلسهم الكبير وانا قايل هالولد لوه مستقبل شاسع وواسع http://smiles.bnateeen.com/smiles/1/16000000.gif (http://www.bnateeen.com)

ابرجع اطقطق عليك ان شاء الله بس وخر خل ابصلي http://smiles.bnateeen.com/smiles/8/cd1d94639245d5e15ed351956260b41c.gif (http://www.bnateeen.com)

[توأم رووح بجسديين]

هههههههههههههههههههههههااااااااااااااااااااااااااي

قسم اني فاااطسه من الضحك قلت التونة من الخشب وش جابها للبحر !! ضحكت وقالت كيف عرفت !! قلت لما تفكين علبة التونة تلاقين غصن شجرة متبل بخل

اجل غصن شجره ...

شهر عسل رهييييييييييييييييييييييييب

يسلموااا ... وبانتظاار الاجزااء القااادمه ...

[لاب توب]

ياانت مقلع ومنسم ياحبيلك وين عبدالله بريدة عنك
سان يموت ويفطس بعد
موضوع ليلة الدخله لقيته مقفل ياحول
ماعلي برد هنا
الله يسلمك ليلة الدخلة قريت سورة الحمد 5 مرات متخوبل
أنسى انا قريتها أو لا
عاد لايجي ملقوف يقول وش وراك
خخخخخخخخخخخخخخخ كانت أيام تكتب بماء الذهب

وشهر العسل وش خاليت خخخخخخخخخخخخخخخخخخخخخ
خلني راكد ترى مابي ملح أجيب العيد وقسمن أوقف على طول
وأسلوبك خطييييييييير بالطرح يهبل الى ماينهبل <<

[روعة الكون]

المهم لبست بدلة المنتخب

ههههههههههههههههههههههه ههههههههههههههههههههههههههههههههههههه

والله يأنا قبعت ظحك على هالكلمه تذكرت ثنين مثلك يحوول كركركركر
اسير الريم الله يحوم تسبدك تسان كشخة يوم ان الله بلى رايحن ماليزيا ولابسن
بدلت المنتخب تكل تبي تطب بالملعب تسان كشخة بجنز وتيشيرت كششخه !

ابطينا نتحراك تنزل شهر العسل بعد الخطبه بسس اشوى باظ الديتس خخخ

تشكر خيوو ولاتنسى تتسذب علينا تسذبتن ثانيه

[تيفا]

ههههههههههههههههههههههههههههههههه
ههههههههههههههههههههههههههههه
هههههههههههههههههههههههههههه

اقسم بالله انك شخص منتهي ومنسم

من ايامك الرومنصيه مع القرود الى بدلة المنتخب مروراً برقم الدوله الي بتعلمهم انك بتجي خخخخخخ


سيناريو و اسلوب هزلي خفيف وبسيط يحمل الكثير من الابداع

مشكور اخوي على هالابداع

[أسير الريم]

شهد2007

وش شفنا به غير القرودة هههههههههههههههههههههههههه
لا ولاهب اي قرودة من النوع الي تعطية موزة يفلق بقشرة

اما بخصوص الرقم تأكدي قبل انهم مهب نيمين قبل لا"تزهمين" كح كح ياقدمة ها الكلمة

اما البدلة اية وبعد من زود الكشخة لابسن كنادر كورة بس والله يانا زلقت بالمغاسل حقتهم بغيت أموت ,,

عاد كملت باقي الايام ببدلة وزبيريات

في الختام أختي شهد

سعدت جداً بردك الرائع وأستمتعت أكثر بالحديث معكم بلهجتنا المحلية التي لطالما عناصر التمدن قمعتها
أشكرك على مرورك العطر
دمت بود


أخوي طبعي كذا

واياك يارب ,, اللهم آمين

أشكرك على المرور


أخوي البدر

هههههههههههههههههههههههههههههههه

الله يسلمك ,, وأبشرك مجدد قبل يومين وأخذن قسيمة تطويف

ما أقول الا عسان أشوفك خاق ومضيعن علومك الا شفت سعيدة الحظ يارب<< يقالي داعين لك

اخوي البدر "ترا البنت تحب العفوي" وتكرة التصنع

أتمنى لك حياة سعيدة قريبة بأذن الله

سعدت بمرورك على كلا الموضوعين

دمت بكل الود



توأم روح بجسدين

ياحظة بي مثقف والله ماتلقى أزين من ,, تدرين أني أحس أنة تقول ياسعدي بوه الا راحت لأمه
ههههههههههههههههههههههههههههههه

ان شاء الله أول ما أنزل جزء جديد راح اكتبة هنا

أشكرك أختي على تشريفك واقتباسك اللطيف

دمت بود


أخوي لاب توب

ههههههههههههههههههههههههههههههههههههه

الله يسلمك يارب ,, عساك دوم مبسوط يارب

أية الله يسلمك هذي راعية التجوري أم المفاتيح شهد قفلت الموضوع
وراه مادري !! بس مانقدر نقول شيء حكم القوي على الضعيف ههههههههه

بالختام اخوي الغالي
لا تحرمنا من كتابة مواقفك الطريفة ,, إدخال البسمة على شفاه الآخرين شعور لا يضاهية أي شعور.
أتطلع لكتاباتك قريباً
أشكرك على الأطراء وهذا من طيبك
دمت بود


نجي عاد لروعة الكون
أول شيء أعتذر عن التأخر بكتابة هباب شهر العسل
ثاني شيء وهو الأهم ياجماعة هذي أحسة واحدن من العيال ,, أخاف منة أحسة تعرفن صدز
هههههههههههههههههههههههههههههه
والله ياروعة تراي أعرف الزين وكل عمري أكشخ ,, أمي دايم تقولي
ياوليدي الله يذريك من عيون خلقة ,, تقول الا شفتك ولا تقل فيصل بن فهد اللهم انك راسك تقل جرو روسي ( تحلف أنة منومتن على بلاط قيشاني وما انفضخ) هههههههههههههههههه

بعدين تعالي ياروعة أسئلك بالله اذا لبست بدلة المنتخب أم بس ناط (puma) ولبست كنادر كورة "أمهات حبوب" ولبست كسارات بعد هههههههههههههههه ماتقولين ياحظ أهلوة بوه ها الولد كشخة << اقول طس بس ههههههههههههههههههه

في النهاية أختي روعة
سعدت جداً بتعليقك خفيف الظل ,, أتمنى أن تتحفينا بكتابات خفيفة ظل من تأليفك في القريب العاجل
اشكرك على تشريفك لموضوعي المتواضع والبسيط
دمت بود

[أسير الريم]

أخوي الغالي تيفا

عذراً أسمك سقط سهواً

سعدت كثيراً لأنني استطعت ادخال السرور إلى قلبك

دمت بود

[خـــلـود]

ههههههههااااي

[بسومة بريده]

هههههههههههههههههه

ياسفابه من متى وانت تقرقر عليهم ....وانا وين انابه...وراه توي اشوفكم..

صدزعاد من متى ؟وشلون؟وراي مادريت؟

عاد كل يوم افلي الاستراحه فلي....

صراحه مت من الضحك....انت مصرقع..

[بسومة بريده]

هههههههههههههههههههههههههههه

ههههههههههههههههههههههههههه

هههههههههههههههههههههههههه

قسم بالله ترددت مرتين على الحمام..

تشقق اثمي وانبح حلقي من الضحك...
ودمعت عيوني لي شوي اتنحنح راح صوتي...

صرررررررررررررررررررررقعه..

[بسومة بريده]

عاد يوم ضحكت قلت والله لاجيبها معي....

اليوم راح أقولكم الي صار معي ليلة العرس و حسب

شهود عيان ( لأن فية أشياء ما اتذكرها بسبب هبوط الضغط الي صار لي يومها)

طبعاً الليلة الي تسبقها ماقدرت أنام زين خصوصاً اني تزوجت بالحلم يمكن 4 مرات !!

أتزوج ثم اقوم وراجع انام وأتزوج ثم اقوم ثم ارجع أنام واتزوج ..

المهم صحيت الظهر وقمت وصليت ورجعت للبيت أجهز أغراضي و أتروش (تقول الوالدة من الخبة مفرشن ضروسك بمعجون حلاقة)

لما صار العصر طلعت للحلاق وحلقت ورجعت قريب من المغرب ,, ثم رحت اتروش لكن ها المرة غير ..

تروشت بدورة ميارة الرجال من العجلة أكرمكم الله والي تفتقد لابسط الاشياء وهو شامبو بيبي جوي "لادموع بعد اليوم"

وبمساعدة الوالدة تم بحمد الله نقل أغراضي إلى دورة مياة الرجال .

صلينا المغرب ورجعت البس طبعاً بعد العشاء حنا عندنا عادة وهي أنوه بعض اهل وأقارب العريس يتجمعون في بيت العريس

عشان يطلعون معه للقصر ,,

وأنا جالس البس عشان انزلهم و اسلم عليهم أكتشفت أن المشلح اقصر من بشبر

طبعا السبب عرفته بعد أسبوع ( وهو اني غسلتة غسيل عادي مهب بخار عشان كذا كمش قماش المشلح )

طبعا صرت احوس بالغرفة وش اسوي وش اوسوي ورحت للوالدة الله يحفظه وقلت له .. هدتن وقالت بسيطة ..

حاول انك تكون جالس طول الوقت واذا مشيت سو نفسك رافعن المشلح شوي ومدخلة تحت ايدك زي الناس الكشخة

المهم صلينا العشاء ثم نزلت وسلمت على الحظور بعدين جلست واقاربي يناظرونن ويتبسمون لين صار وجهي علبة تلوينة

بعدين جاء ابوي وقال يالله نطلع للقصر وركبنا السيارة .. أنا ورا.. وابوي قدام .. وعمي يسوق السيارة ورحنا للقصر والناس ورانا

يوم قربنا من القصر عندنا عادة الناس تبداء تدق بواري ( طاط طيطييط طوووط طط طط ) من هنا أنا بدأت افقد السيطرة على نفسي وبداء الزحف

وصلنا القصر ونزلت ويوم نزلت لقيت العالم متجمعين عند الباب عشان يسلمون علي ويباركون لي ,,

طبعاً ابوي حاسن بوضعي عشان كذا كان يحاول يكون بجنبي .. واول واحد سلم علي كان ابو البنت سلمت علية وجفغت راسه

وانا أنتفض ثم سلموا علي أعمامه ثم خواله .. الخ لين دخت

وكان مرة زحمة لين انغمت و كان كل واحد يسحبن من جهة عشان يسلم علي لين وصل دور عيال خالتي

طبعاً اول واحد منهم سلم علي وقال : ماشاء الله الف مبروك وكل عام وانت بخير

رديت علية وقلت : الله يبارك فيك يارب

جاء الثاني وعرف اني من زود الخبة معيد لاني ما أستغربت من كلمة كل "عام وانت بخير"

فقام قالي : عيدك مبارك وكل عام وانت بخير

انا رديت علية وبكل برائة وقلت: تسلم .. من العايدين الفايزين يارب

جاء الثالث وخربها و قال : تقبل الله

رديت علية وقلت : من الجميع يارب .. جزاك الله خير

طبعاً العالم فطست من الضحك

لما شافن أبوي كذا قام سحبن ودخلن بالقاعة وجلست أكمل باقي السلام على الحظور .

طبعاً كنت من الخبة اقوم وأقعد أقوم واقعد والسبب هو اني من الارتباك ماكنت أدري مين الي سلمت علية و مين الي ما سلمت علية

فكان بمجرد مايمر من بجنبي أحد أقوم أحسبة جاي يبي يسلم علي ثم أكتشف انة جاي يسلم على الشيبان الي جالسين بجنبي

المهم فجأة وانا بمعمة أفكاري قام جميع الحظور مرة وحدة وأتجهو نحوي مباشرة !! .. طبعاً أنا ما ادري وش السالفة

قمت واقف أحسبهم يبغون يودعونن دفعة وحدة !!

طلع ابو البنت منادي عليهم للعشاء ولسوء الحظ كان باب صالة الطعام وراي .. حسبي الله علية الي مصمم القاعة هبلن

المهم جلست شوي ثم قمت ورحت للقسم الي مخصص للمعاريس وطقيت الباب

أنا : طق طق

فراشة الباب : مين ؟

انا من الخبة قلت : بيت الفلان (الي هو اسم عائلة زوجتي)

الفراشة : لا عرس الفلان قصدك

أنا : اية نسيت .. أنا العريس

الفراشة وهي تضحك : اية باين خلاص الحين بنادي لك امك

جت امي ودخلتن وعرفت أني مرتبك لدرجة الأرتجاج ,, قامت وسمت علي بالرحمن الرحيم وباركت لي ودعت لي

وقالت حبيبي ترا فيه خالاتك وبعض خالات البنت "متغطيات" وعروستك وأمه بس وعطتن وردة عشان اعطيه العروسة .

طبعاً أول مادخلت خالاتي بدن يزغردن والي تصور وأعمتن بالفلاشات مبروك مبروك ياعريس منك المال ومنه العيال وبرفاه والبنين ان شاء الله ,,

ولما خلصت سلام على خالاتي رحت عشان اسلم على العروسة بالكوشة ,, طبعاً كنت مرة مستحي ومرتبك وما اعرف وشلون اسلم على بنت

و كنت جالس أفكر وشلون ؟؟ و خلال غمضة عين اكتشفت أني فوق الكوشة ( شكلي كنت أركض )

ومن الارتباك عطيت الوردة ام العروسه وسلمت على العروسة سلام زملاء عمل (يعني مصافحة باليد ثم حطيت خدي على خده من الجهتين )

طبعاً خلال ثواني حسيت ان السلام غلط فحاولت ارقع الموقف ,, فاقمت وجغفت راسه (قلت يمكن كذا الصح )

قام شماغي ونشب بالتاج الي فوق راسه وخذ تمزير بشعر البنت عشان افكوه وكنت شوي وأطيح عليه ,, وبطلعت الروح فكيتوه من راسه

المهم جلست بجنبه عشان التصوير بعد ماخربت تسريحته وبعد ماخصلوا تصوير

قمت وانا بقمة الربكة وحطيت ايدي على جبهته عشان أقول الدعاء ..

طبعا الدعاء الصحيح هو ((اللهم إني أسألك من خيرها وخير ما جبلتها عليه , وأعوذ بك من شرها وشر ما جبلتها عليه ))

أنا قلت (( اللهم أني أسئلك من خيرها في الدنيا والآخرة واعوذبك من شرها في الدنيا والآخرة ))

طبعا امي ماقدرت تمسك ضحكته فسوت نفسه انه تبي تروح تجيب سجادة الصلاة عشا أصلي وهي ميتة من الضحك

بعدها جابت لي السجادة ,, اخذته وفرشته على الأرض ومن الارتباك صليت ركعة وحدة بس !!


طبعاً القبلة كانت لاشعورياً العروسة ,, حتى التلسيم الي بنهاية الصلاة وحدة كنت وأنا جالس والثانية وانا واقف ,,

طبعا البنت كان وجهه مزرق من الضحك !! وصار عنده مغص حاد ذاك اليوم بسبب كثرة الضحك على فراغ

وبس

[بسومة بريده]

نسيت اقولك انت فعلا راوي وقاص مبدع.....صف مع الشرهان

[لِـيم’]

ههههههههههههههههههه مواقفك وقصصكم خطيرة

واسلوبك احلى


كل الشكــر لك أخي الكريم

والله يحفظ لك زوجتك ويديم المحبه بينكم

[cool girl]

خخخخخخخخخخخخخخخخ


قطعت كبدي الله يخوي عدوك

انت منتهي ومنسم وكثر منها وسعت صدورنا

والله يوفقكم

[رهينة الاحساس]

خخخخخخخخخخخخخخخخخ ماشاء الله سلملي على المدام
وابو صلعآء <<هههههههههههههههههه
بس تصدق تصلح تكتب روآيآت قسسسمـ
يآللهـ عوآفي عليكمـ آمآ هرفي خخخخخخ توووحفه
آيهـ هآذي مآليزيآ مآشآْ ء اللهـ اخير من العرب حطوآ لكـ شبآصهـ
وآنت آنسآن آعطيك % بالتنسمـ والهبآل
بس آنكـ سنع مآنسيت وطنكـ وكشختـ ببدلة المنتخب
الحين كآشخ وحدكـ وحديدكـ وتلبس بدلت المتخب:p
يآللهـ سي يو

[amįЯЋ]

هههههههههههههههههههههههههههههههههههههههههههههههههه هههههههله
والله اني اقراء وميته ضحك الله يقلع عدوك..

الله يهنيكم ويسعدكم ...
مشكوووور خيو...
يسلمووووووووووو

[موسى العناز]

اسير الريم

انت رائع ياسلام عليك

سردك جذاب ورائع

يسلمو وبالتوفيق

[أسير الريم]

خلود

يا هلا فيك أختي


أختي بسومة بريدة
هههههههههههههههههههههههههههههههههههه

جاز لي تشرهتس ههههههههههههههههههههههههههههههههه الله يقطع أبليستس

هههههههههههههههههههههههههههههههههههههههههههههههههه

حلوة ترددت على .... خخخخخخخخخخخخخخخخخخخخ

شكلتس أزحف وحدة بالعائلة ,, شكل البنات مايفلنه ضحك ووناسة الا اذا جيتي
مادري وراه اذا قريت ردتس أتخيلتس لابستن بلوزة كروهات هههههههههههههههه
أحسن شيء نسختس للموضوع ههههههههههههههههههه أنتي فلة وبس
الله يسعدتس دنيا وآخرة يارب .. زي ما ضحكتين بردودك

أختي الغالية بسومة بريدة

أشكرك على أطرائك ,, وهذي وسام على صدري افتخر فية

دمت بود

[أسير الريم]

أختي مسرعة بشويش

أشكرك على كلامك وهذا من ذوقك

وأشكرك على دعواتك وأياك يارب

دمت بود


cool girl

هههههههههههههههههههههههههههههه

أن شاء الله ,, بحاول أكتب لكم

أشكرك على المرور


رهينة ألاحساس
هههههههههههههههههههه ياصل بالمشمش أن شاء الله ههههههههههههههههه
أشكرك على الأطراء وهذا من ذوقك
أختي دقت علي وقالت اشر بدل ,, رحت للجاسر وشريت منوه ,, أم بس طالعتن علي الفنيلة بـ 39 ريال ,, أما البنطلون فعشان الوان المنتخب أخظر ببيض شريت سروال الدفة وطلعت اطخم أحد بماليزيا
يوم شافتن أختي قالت لا رح أشر من الي بالخبيب بس الصراحة ماجازن لي تقل بهن ريحة مستشفى (حقات فلبينيين)

see you too
:]


اميرة قلبي

آمين الله يقطع كل عدويني ههههههههههههههههه

أشكرك على مرورك العطر


موسى العناز
شهادتك أعتز فيها ,, ويسعدني أن الموضوع لامس ذوقك الراقي
أشكرك على مرورك العطر


دمتم لي بود

[°●عـطر الـشوقܔ]

خخخخخخخخخخخخخ
خخخخخخخخخخخخخخخخخخخخخخخخخخ
ههههههههههههههههههههههههههههههههه

الله يـــــــــخويك تـــــشقلبت من الظــــحك والله ياأنت فله

القــــصه من أوله الى اخره تــــظحك ولا تقول ممكن توقيعك > خخخخخخخ حلوه


والأستاكوزا ودك تخيل انه دجاجه وبه ريش خخخخخخخخخ علشان تاكل




بـــــــرووح أقرى قــــصتك على أختي اللي بــتــتزوج بقووله تعلمي من رومانصيته > هع



والله بالنـــــسبه لي رجل يظحك ومهبول وغبي ولا يجيك واحد ثقيل دمه لا ظحكتي يقول ... أتــــظحكين وبلاد فلسطين مــــحتله > خخخخخخخخخخخخ خوش تـــشبيه








يــــسلمو على هيك مواضيع حــــلوه



تـــــــشوشــــــــــو ...

[amįЯЋ]

ههههههههههههههه عطووووورهـ ..
مليتينا من كثر ماااااتعاطسين ....
يرحمك الله ...

[عاشقة الطير]

وقلت لها بقولك شيء..قالت خير أن شاء الله ,, قلت ممكن توقيعك http://forum.te3p.com/images/smilies/2009/t105.gif ؟


ههههههههههههههههههههههههههههههههههههههههههه

اوووما توقيعك قسسسم انقع بطني ضحك انا قلت بيقول أحبك http://forum.buraydh.com/forum/images/icons/icon10.gif

شي مآشيآت توقيعك هههههههههههههه

الله يجزآك الجنه هذا الشهر العسل ولاا بلآش http://forum.buraydh.com/forum/images/icons/icon10.gif

[™ Miss 7oor ❤]

هههههههههههههآآآآآآي
بدلة المنتخب مرآ وحده
لو مكان زوجتك والله ما امشي جنبك
خلصت الموضه عشان تلبس بدلة المنتخب
كان ظليت بثوبك اهون

[°●عـطر الـشوقܔ]

ههههههههههههههه عطووووورهـ ..
مليتينا من كثر ماااااتعاطسين ....
يرحمك الله ...





هههههههههههه مـــــرمـــــــر أكــــــرمك الله > هع



تــــــرااا هــــــاذي كـــــــلمه فرنـــــــسيه على بريداويه خخخخخخخخخخ

[أسير الريم]

عطر الشوق

ههههههههههههههههههههههههههههههههههههههههههههههه

الله يخوين مرة وحدة وش دعوى عاد

سعدت كثيراً بأدخال البهجة والسرور الى قلبك أختي عطر الشوق

وسعدت اكثر بمرورك العطر


أميرة قلبي

ههههههههههههههههههههههههههههههههه

ياحليلتس أنتي نكتة وبس


عاشقة الطير

ههههههههههههههههههههههههههههههههههه

قسم بالله فرصة ماتعوض خخخخخخخخخخخخخخ

واياك يارب

أشكرك على المرور أختي


أنثى حالمة

ههههههههههههههههههههههههههههههههه

مهب على كيفة ,, تسان تضيع بذاك ثم تبلش

من قوة أنه ماسكتن أيدي أوجعنن اصابعي

ههههههههههههههههههههههههههههههه

اشكرك أختي أنثى حالمة على المرور

دمتم لي بود