كبيرة !! ومثل الأميرة

[آهـــــ احمدـات]

كبيــــــــــــــــــــــرة



كنتِ في عيني كبيرة ..

وكنتِ لي مثل الأميرة ..

وكنتِ لي أحلى الكلام ..

وأحلى الأماني ..

كنتِ في عيني كبيرة ..


كنتِ مثل الموج صافي به دفا ..

كنتِ الوفا ..

مرسى لفؤادي .. كنتِ وكنتِ الأمان ..

كنتِ الحنان ..

كنتِ لها الإنسان ..

روح ودم وأنفاس ومشاعر ..

أرض وسما وأحلى المناظر ..

كنتِ في عيني كبيرة ..

وماأدري أنا وش موقعي بين السطور ..

مثل البشر .. أعبر عبور ..

وإلا أنا لي منزلة ..

فوق المنازل ..

طالع ونازل ..

وإلا مغرور .. عدى حدوده

وأعطى لنفسه حق الاقتراب ..

وسبب بقربه اكتئاب ..

ماأدري .. بس اللي أدريه إنك ف عيني كنتِ كبيرة ..


لا تسأليني .. ليه أنا قلت اللي قلته ..

أو حتى ليه أصلاً كتبته ..

كل اللي أقدر أقوله ..

إنك اليوم .. وبس اليوم ..

ما عدت أشعر بك كبيرة ..

بس لا زلتي الأميرة .. !!

أنا حبيت .. وتقولين حبيتك

وفجاة تجين ..

على قلبي مثل إعصار ..

هجوم كاسح للثار ..

وتقولين ..

يكفي يكفي يا عيَّار ..


فجأة تهد .. وف ثورة غضب هالحب ..

وفجأة تمد .. اسياط الألم من حب ..

بس .. رغم إنك جرحتيني ..

ورغم إنك كرهتيني ..

لا زلتي على قلبي أميرة .. !!



اللي حصل .. وش هو السبب إنَّه حصل ..

ليه الألم .. اندوَّره أصل وفصل ..

إذا كنت السبب .. آسف ..

وإذا كنتِ السبب .. آسف ..


أنا حبيت ..

وهذا الحب علمني .. أدوَّر للسعادة أبواب ..

وأنا حبيت ..

وهذا الحب أعطاني .. بدل حزني .. فرح وأحباب ..

أنا حبيت ..

واتمنى مدى عيوني يكون انتِ ..

واتمنى صدى صوتي يكون انتِ ..

أنا حبيت ..

واتمنى تحبيني ..

عليل القلب احمد تحياااااااااااااااااااااااتي المعطرة بالوروود

[معاهدات]

نحن مثلم ننتظر الجواب
وللخوف من الجوف نكتب ولا ننتظر الإجابه !!!

[حمد الخالدي]

تمر عيناى على حروفك بتأنى مخافة أن يتسرب من بين يداي عطر ولو قطرة واحدة ..

أرتشف حروفك .. إبتسامات غمرت ملامحى ..

كم هو رائع نبض حرفك ..

باقات جوري ضمها لقلبك النابض بالحب دائما .. ;) ;)

دمت آهاتاً للمنتدى .. :)

[آهـــــ احمدـات]

ربمااا انك ستتعبني لانك اعطيتني اكثررر من ما اناا استحقة ويجعلني ما اشااارك إلا بالي يليق بنااس في هلقدر من الحب والود في هلمنتدى الرئع
تحياااتي لك بالحب والتقدير

يا اتس مي