ديواني في مدونتي

[موسى العناز]

لا و الذي صـوّرك ما بـ خاطـري شيّ
*** الـدنـيـا ماتسوّى الزعل و الـتـمـادي

ما أشيل في قلبي ولو يـكـتوّي كيّ
*** امسح جميع اللي حصل في رقادي

[موسى العناز]

مـسـاء الــورد و الـنـسّنـاس
*** و نـفـحـه تـنـعـش الأنـفـاس
من إحسّاسي لـ أعـزّ الـنـاس
*** تـحـيّـة شــووووق مـرتـابـه

[موسى العناز]

يـشـهـد عـليّ الله لا حـلّ طـاريـك
*** يـروق قـلـبـي حتى لو كان ضايق

مدري وش الأسباب لكنـّي اغليك
*** و أكون من طـاريـك بـ الحيل رايق

[موسى العناز]

( آآآي لوف يــو )

***

قفمي و أنا قفيو مـشاعـر و أحـاسيس
*** و أستوب عن جـرّح الـحـشا و الفـؤآدي

آي نـيـد أطـالـع دايـم الـدوم يـور فـيس
*** يـ مــآي فـرنــد أحـرقـتـني بـ الـبـعـادي

كـانـك معـي يو وونت نـبـقـى مجاليس
*** هــذا يـ أفــتـر روحــي هــو الــمــرادي

فور يو بـ وسط احساس قلبي متاريس
*** آي لوف يـو مـن بــــدّ كـل الــعــبــادي

في نايت أسـهـر غـارق ٍ بـ الـهـواجيس
*** و اسّليب من بـعـدك عـن الـعـين غـادي

طـلـبـت قـربـك فـي جـمـيـع المقاييس
*** و هــذا طــلــب بـ الإنـجـلـيـزي يـنــادي

عـجـزت أوصّل حـبي لك و الأحـاسيس
*** لـيـت الـلـغـات اتـزّيـل عـنـك الـعـنـادي


***

وسلامتكم

[موسى العناز]

(( أشـدّ خلق الله ))

***

انـا تـمـيـمـي لي عـلى الـمـجـدّ عـنـوان
*** مـحـفـور بـاالـتـاريـخ مـاهـو بـقـرطــاس

مــعــرّب الــجـدّيـن مـن نـسـل عـــدنـان
*** اشـــدّ خـلـق الله عـلـى فــاتـن الـنـّاس

وخـوالـي شـمـّر مـروّيـة كل عـطـشـان
*** اللي لهم باالـطـيـّب والـمـرجـلـه ساس

ومـنـّي بـنـي خـالـد هـل الـعـزّ والشان
*** اهـل الـكـرم والـجـود وقـلـوب الالـماس

و أولاد وايــــــل يـابــعـــد كـلّ شـفـقــان
*** أنـسـابـي الـلـي يـرتـفـع فـيـهـم الراس

ومـن الــدواســـر لـي نـسـايـب وخــلان
*** يـاطـيـب مـجـنـاهـم عـلـى كـل مـقـيـاس

ونـاسـبـت صـدق الـوّد بـقـلـوب سبـعـان
*** عـزالله إن اسـبـيــع لــلــحــال نــومــاس

وحرب الشموخ أنساب .. وارحام مطران
*** امطير وحـرب أهل الشهامه والاحساس

وايـضـا هـل الـهــيــلا طـولـيـن الايـمــان
*** اعـتـيـبـه الـلـي لـلـوطـن خــيـر حــــراس

ولاهـانـو الاشـــراف فـي كـل الأزمـــان
*** لـهـم غــلا بـاالـقـلـب مــاهــوب يـنــقــاس

ولــي بـاالـقـبـايـل كـلـهـا جـمـلـة اخـوان
*** الـكـل مـنـهـم شـوفـتـه تـــبـري الـبــاس

ربـعـي لـهـم فـي كـل الاوطــان مـيـدان
*** ولـهـم عـلـى كـل الــمـــروّات مــجـــلاس

***

وسلامة قلوبكم

[موسى العناز]

أبـذبـح نـفـسـي بـ نفسي
*** اذا رحــتــو و تــركــتــونــي

و أسوّي كل شي عكسي
*** أمــــانــــه لا تــخـــلــونــي

[موسى العناز]

فـديـت روحـك يا بعد كلّ مخلوق
*** يااللي عـليك الـقـلب دايم شفـوقي

يا عاطره يا ملـفته حـيـل يا ذوق
*** يااللي ملكتي كلّ فـكـري و ذوقي

[موسى العناز]

والله اني ماأقدر أخفي عنك شيّ بـ داخلي
*** بسّ يا غـالـي فـديـتـك لا تـطـوّل غـيـبـتـك

[موسى العناز]

انـت فـعـلاٌ جـزء مـنـّي
*** مـا اتـخـلاّ عـن هــواك

مهما قـلـبـك يمتـحـنّي
*** داخـلـي يـكـبـر غــلاك

انت لو عـشـت متهنّي
*** يكفي لو عمري هلاك

حبك بـ طيفك سجـنّي
*** مـا أرى غـيـرك مــلاك

ذي ولا ذي حــرّكــنـّي
*** مـا يـحـرّكـنـي سـواك

يـعـنـي فعلاٌ جزء منّي
*** و كـلّ مـا فيـني فـداك

[موسى العناز]

( هــي وَ هــو )

***

هـي الـحـلا هـي الـجـمـال
*** و هـــو دوى كـــلّ الأسى

لو هي تـبـاهـت بـ إختيـال
*** أو هو على النـّسمه قسى

يـبـقـى عـلـى كل إحـتمـال
*** لـو فـوّت الـكـون ونـسـى

مـا لـ النساء غـير الرجال
*** ومـا لـ الـرجـال إلاّ الـنسا

مـثـل الإجـابـه لـ السـؤآل
*** و الـكـل لـ الـثـّانـي كـسـا

والشمس تسطع بـ الهلال
*** حـتـى يـنــوّر بـ الـمـسـآء

يـعـني هي اسباب الجمال
*** و هـو مـن عــلاج الأسى

***

[موسى العناز]

يـا كـبـريـائـك يحرق إحساسي أحيان
*** و أحـيـان أشوفه نسخه من كـبـريـائـي

[موسى العناز]

هـمـسـات قـلـبـك تاصل أسماع قـلـبـي
*** وإحساسك الصادق حضنته بـ الأعماق

و فـيـك أتـعـطـّر لا مـشـيـتـي بـ دربي
*** و تـبـدا إحـآئــآتـك تـثـوّر بـي أشـواق

لـبـيــه يـ قــلــبـي و اذا قــلــت الــبّـي
*** يـكـفـيـك مـاشـفـتـه من أحزان وافراق

[موسى العناز]

انا الشاعر وانا الـمـاهر وانا الساحر وانا الـفنـّان
*** انا الراسي على احساسي وانا الماسي بـنـظرتكم

انا الصّافي وانا الـدّافي وانا الـوّافي مع الوجدان
*** أنا الواضح وأنا الطامح وأنا فاضح مـشـاعــركـم

أنا المنبر وانا العنبر وانا عـنـتـر على الشجـعـان
*** أنـا الـكـايـد و أنـا الـرّايـد و أنـا قـايـد سوالـفـكـم

أنا الشامخ و أنا الصارخ و أنا الباذخ لكل انسان
*** أنا الـصـابـر و أنا الـعـابـر و أنا جـابـر خواطركم

أنا الـمقنع و أنا المبـدع ولي مرجع عظيم الشان
*** أنا الـصـامـل و أنا الـشـامـل و أنا عامل تنافسكم

أنا الذائع و أنا الرائع وأنا الـشـائع و أنا الـفـتـّان
*** أنا الأجـدر وأنا الأبـدر و أنا مـصـدر خـواطـركـم

أنا اللي به تـغـنـّت بـنـت أبـوهـا و أنـتي وهـتـّان
*** أنا اللي و صّـفـي و رسّـمي يـطـرز كل قصايدكم

[موسى العناز]

انتي النبض الحـقـيقي بـ إختصاري لـ الكلام
*** انتي روحي دام روحي ما في غـيرك شدها

[موسى العناز]

ايه وربي ما تعوّد خاطري منك الجفاف
*** ما تعوّد منك غـير الحسّ لا جاله مجال

[موسى العناز]

***

ليل صيفي رعد وبرق
جوّ مآآآآآأخذنا عليه
جتـنـا ليله فيها فرق
ش اللي غيرها وليه

***

قلت أبسأل أي واحد
واعسى عنده جواب
شفت حولي ناس واجد
يسألوني بإغتراب

***

ماتشوف الليله غير ؟!
كل مافيها مُنير !!
اختلف حتى الظلام
وصار هالليله مثير !!

***

اكتشفت إن الجميع
مثلي هم مستغربين
هو شتا ولا ربيع
فصلنا ياحاضرين ؟!

***

جانا صوتٍ من بعيد
قال ياللي حايرين
لوتشوفون الجليد
مايذوب ومايلين

***

مو غريبه لويكون
الهوى شي امغروس

ومو غريبه لوتكون
حايره كل النفوس

ومو غريبه لويكون
البشر من غير روس

ومو غريبه لويكون
درس عن كل الدروس

***

موغريبه أي شي

لوتغيّر كل شي

عادي لاتستغربون

دام

بدريه

عروس


***

[موسى العناز]

مصير الحـيّ يلقى الحـيّ
*** بـ الإعـــــلان و الـنـجــــوّى

عسى خاطرك ما به شيّ
*** تـرى الـدنـيـا و لا تـســوّى

[موسى العناز]

هـذا مكاني يوم أنا أبكي عليها
*** وهذا مكان أطرافها حول عيني

وهذا مكاني يوم أقـبّـل إيـديـها
*** وهذا مكانه يوم تـطـلق إيديني

[موسى العناز]

يـا غـايتي ودّي لـ أحـاسيسك أبـوح
*** أبشتكي لـك منك و القلب مـنـظـام

يـا غـايـتـي كـنـّي مـن أيـّام مـذبـوح
*** ما غـيـر أفـكـر تالي الـلـيـل ما أنـام

فيك أنصدمت وخاطري منك مجروح
*** و عـيـّا يطـيب الـجـرح مـع مـرّ الأيـّام

لأن قـلـبـي حـطـّك أغــلا مـن الـرّوح
*** و عرفت منك إن الغـلا عـندك أوّهـام

[موسى العناز]

لا تـكـتـم الـعـبـره ترى كـتمها موت
*** ش المشكله لا شاف خـلّـّـك دموعـك

ما ودّي إنك تـبـكـي من همّ مكبوت
*** ودّي أشوف أدمـوع فـرحـة رجوعك

[موسى العناز]

$.. مـوسـ ى ـاويـّات ..$

هنا

http://www.buraydh.com/forum/showthread.php?t=263053

[موسى العناز]

فاقد اللي ما بـ قلبي له شبيه وله مثيل
*** فاقد الـرّوعـه وفاقد عطره اللي يختلف

فاقده والكون كلّه صار بـ افراقه عـليل
*** واختلف شكل المعاني الألف غير الألف

[موسى العناز]

قـلـت : انتي اللي بس احـاتـيـها
*** انـتـي حـلـى الـدنـيـا ومـا فـيـهـا
الـلـي خـذت قـلـبـي طـواريـهـــا
*** لك في حشاي السمع والطاعه

قـالـت : أنـا مـجـبـورة الـخــاطــر
*** أنـا اللي حــبّـت سـاحــر الــظــاهـــر
طـفـلـه لـعـب في قـلـبـهـا شاعر
*** حـتـى تـمـنـّـت ضـمّــتــه ســــاعـــه

[موسى العناز]

انتي الـعـالـم بـ روحه
*** كـلـهـم فـيـك احـتـفــو

انتي الـبـنـت الطموحه
*** أو عـمى عـيـن العـدو

أو أسمّيك الـجـمـوحه
*** أو أسـمّـيـك الـسّـمــو

[موسى العناز]

وين الـقـمـر وينه
*** دامــت عـنـاويـنـه
قلبي عـجـز يسلى
*** عن روّعـة سنينه

أبحث عـنه وأسأل
*** في غـيـبـتـه طوّل
وكـلّ الـعـنـا يـذبل
*** من لـمـّسـة إيدينه

[موسى العناز]

تعـرف إني من عرفتك صرت من نفسي أغـير
*** يـعـني لو دنياي جنـّه .. فيك صارت جـنـتـين

[موسى العناز]

لا سألك الـنـاس عـنـّي
عـلـّمـيهم بـ المشاعـر
اللي خـلـّت قـلبي شاعـر

عـلـّمـيهم في بعـضها
و البشر هذا غـرضها

ودّها تكشف قلوب
و تمشي بـ كل الدروب

البشر هذا غـرضها
ما تعـافى من مرضها

قولي : إنـّي حـلـم عـمـره
وإن بُعـدي عنه جمره
وإنه الـتـّايـه بـ حبي
و يعـلم اللي فيه ربي

منتظر كل العمر
ينتظر طـلـّة قـمـر

لنّ حـبـي في عروقه
دايم لـ دربي يسوقه

وإنه أثبت لي غلاه
حتى حبي ما خفاه

***

بعدها ما يسألونك
ويعرفون إني بدونك

تايه ومالي دليل
والغلا ماهو قليل

لا يهمونك أبد
فيني حبك للأبد

لو يصير اللي يصير
مآبي غيرك لي عشير

ليتها لي بـ التمنـّي
ولاّ بـ إحساس المشاعـر

كان يهنا فيك شاعر
كان يهنا فيك شاعر

[موسى العناز]

لك في وريد القلب حشمه وتقدير
*** ولك في فؤآدي كل حب و أماني

لو شال حبي طير ما أظنـّه يطير
*** مافيه غـيرك بـ الحيـاة أحـتـواني

وبديت من نفسك على قلبك أغير
*** حتى شعرت إني بـ حـبـك أنـاني

[موسى العناز]

الزمن مهما تـمـادا بـ الظليمه
*** ما يغـيـيّـرني عـذابه أو أمانه

والله لا أحبك ولو حبك جريمه
*** مثل قلبي ما تغـييّر في زمانه

دام قـلـبي راسي بنيّه سليمه
*** لا يهمّك من تغييّر عن مكانه

[موسى العناز]

يا طـيـر يااللي باالجنـاحـين طـايـر
*** أرجوك ردّ العـلـم عن نـور عيني

قـلـّه تـرى صاحبك باالحيل حـايـر
*** بس يـتـنـشـّد عـنك وينك و ويني

و إذا أعـتـذر ردّك يـهـلّ الـعـبـاير
*** و ماغـيـر يفرك بـ اليسار اليميني

أظـلـم عـليه الكـون والـنـور غـاير
*** و ما عـاد يشعـر بالزمن والسنيي

و الدمع من عينه على الخد ساير
*** لين أحـرقه يا شوق جمر الحنيني

ما غـيـر يرجي منك بعض البشاير
*** ويـقـول يـآجـعـل الـبخـت يحتويني

يسعى لـ قربك بـ العـلـن والسراير
*** و ماظنتي لك في ضلوعه وزيني

لو شفت حاله بـ الجفا كيف صاير
*** تـقـول : جـعـل الله عـليها يعـيني

إن كان عـنـدك له مكان و قـراير
*** لا تترك جروحه لـ غـيـرك تبـيني

[موسى العناز]

أدري بـأنـّـك بـيـن هـــذا و هـــذاك
*** بـيـن العـقـوق وبين جـاحـد جمايلك

أدري كـثـيـر أشيآء حـولـك تـحـدّاك
*** حتى بصلاتـك كـثرة الهّـم تـشـغـلـك

من شان هـذا قـلـت أعـجـّـل بلاماك
*** وآخذك من عـالم مع الوقت مهملك

و أعـوّضـك و أرد لـمّـعـة حـلايـاك
*** و أرجعك يا روح روحي من أوّلـك

[موسى العناز]

شفـني بـدونك تايه الفكـر حـيـران
*** مـا كـنـّي إلا شخص فاقـد صوابه

وما كني إلا زرع باالحيل عطشان
*** قـاعـد يـراعي كل عـمره سحـابه

لا طعم با الدنيا بدونك ولا الـوان
*** كل شي من دونك بـ عـيني تشـابه

يظماك قـلبي ثم يسهي على شان
*** يـظـمـاك مـرّه ثـانـيـه يـا صـوابه

[موسى العناز]

بس أنتـظـر حـاجـه و لا فيه حـاجـه
*** وعيني على الجوال من دون داعي

[موسى العناز]

وش تعـلـّمـت باالدنيا إذا ما ترحم المجروح
*** وش اللي علّمك عمرك وش اللي ما تعلّمته

تعلّم تعطف وترحم وتفهم كل شي بوضوح
*** تـعـلـم تـسـأل وتـدعي لـ غـيرك في محاولته

تعلّم تفهم الـنـّظـره أو الـدّمـعـه .. بليّا بوح
*** تذكّر حـسّـرتـك كـانـك خـسـرت اللي تأمـّلته

تعلّم تمشي الخـطوه لوجه الله بلا مصلوح
*** و تـخـيـّـل كل ماتملك مع الـعـالم تقاسمته

[موسى العناز]

قلت أشك انك جـريـحـه بس تخفـين الـجـروح
*** وعـيني شافت في عـيونـك داخـلـك شي ٍ جريح

قالت اسـكـت لا تـهـيــّـض داخـلـي قـلـب ٍ ينوح
*** ايه مـجـروحـه و أكـابـر و أرجي الله ما أطـيـح

[موسى العناز]

حـب انبنى بك من تـقـابـلـت وياك
*** لليوم شامـخ من و فـاك و ثـبـاتك

ما زعـزعـه مـخـلوق مهما تحداك
*** و مهما يـعـكـّر في نـفـوذه حياتك

واليوم قرب اللي هويته هـو دواك
*** مفروض في قربه تجي تضحياتك

عنده دواك و غايته في مـحـيـّـاك
*** حتى يـحـقـق لك جـمـيـع أمنياتك

[موسى العناز]

يا الله يا اللي تعطي العـبد رجـواه
*** مهما بـلـغ لـه من طموح و أماني

تـبـري نـظـر عيني من الهم و الآه
*** و تحميه عن كل النفوس الـدّواني

و ردّه يـارب الـنـاس للي يـتـمـنـاه
*** و لا يــــلاه إنـسـان نـذل و أنـانـي

و جعل السعاده تقضي العمر ويّاه
*** و لا تـجـعـلـه يا رب لحظه يـعـاني

[موسى العناز]

انتي ماشفتي غيابك كيف جاب الإنهيار
أسهر الليل بخيالي و أتحرّا بـ النهار
أشعر بغربه وربي و أنا للعالم قريب
وصار واضح من صفاتي شخص فاقدله حبيب
ما جفيتك بإختياري وما تهنّيت بجفاك
لا و لا كنت أتمنى قلب يصحبني سواك
لا و كل الكون دونك في عيوني مايزين
وأتمنى من فؤآدي في حياتك تسعدين
بس أبي لمعت شعاعك واترّجآ أي فيّ
و أتسآئل في شعوري ياترى تبكي عليّ ؟
انتي مالك في عيوني يابعد حالي شبيه
وانتي ياكل الأماني انتي كل اللي أبيه

[موسى العناز]

أعـــتــرف انـي أحـبــك
*** و أعـــتــرف انـي أبـيـك

فيك غيابك أو في قربك
*** هـايـم و سرحـان فـيـك

[موسى العناز]

http://www.dubaieyes.net/gallery/data/media/69/t-0%20(17).gif


استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه
استغفر الله الذي لااله الاهو الحي القيوم واتوب اليه

[موسى العناز]

إمـتـحـانـات و مـشـاغــل ذا نبيه وما نبيه
*** وآهـنـي الإخـتـبـار بـ يصبح و يمسي معاك

لا تـحـلّـيـن امتحانك واكتبي إسمك عليه
*** انتي مو مطلوب حلّك والغرض كلّه لقاك

[موسى العناز]

نم جعل عينك تهتني باالمباتي
*** و أنا عليّ أسهر و أعدّد مزاياك

مآ بي أنام وبين ايديني حياتي
*** سهران رايـق و أتـأمّـل حلاياك

[موسى العناز]

وشـفـيـك غـايب يا بعد روح مغـليك
*** ياالله عسى المكروه والشر ماجاك

ما تـدري إنـي كـل لـيـلـه أحـاتـيـك
*** أرجوك طـمّـن خـاطـر ٍ مـاتنـاساك

[موسى العناز]

أنـا فـرحـت بـ قـذلـتـك يـوم مـالـت
*** على جبينك صرت باالحيل مشفوح

لا يـابـعـد ضـيـقـات قـلـب ٍ تـوالــت
*** انتي تـربّـعـتـي على القلب والروح

[موسى العناز]

وينك عسى ماشر غايب لك أيّام
*** سلامتك يا نـور قـلبي وعـيـنـي

قلبي بدونك ياهوى البال منظام
*** والـحـزن من بعدك بدا يحـتويني

[موسى العناز]

لا زادت الأصـوات مانيب مـوجـود
*** وإن غابت الأصوات ماغاب صوتي

أحيان أحس اني من أيـام مـولود
*** وأحيان أحس اني تجاوزت مـوتي

[موسى العناز]

يكفي

خــــلاص

و لا تـوضـّح نـوايـآك

يكفي

فهمت اللي تـكـنـّه و تـخـفيـه

مسكين قـلبي خـاض الأحـلآم ويّـآك
*** مـا يـدري إنـك بـ الـجـفـآ كـنـت نـآويه
لاباس يا قلبي عسى الـحـب يـفداك
*** انـت الـمـهـم و غــيـرك الله يـجـآزيـه
مـا لـلـهـوى لـذّه بـلا قـلـب يـهـــواك
*** وإن كان قلبه مرخصك وشـتبي فيه

[موسى العناز]

ليا ضاقت عـليك الأرض في كـونـه و مـيـدانه
*** تبي تلقى سعة بال وسعة قلب وصدر عندي

وأنا قلبي حـجـزتـك في شـرايـيـنـه و وردانه
*** لجل هذا صبر قلبي و عـيـّشـنـي على حدّي

عـلـيـك الـرّوح يا روحي تـفطـّر حيل شفقانه
*** وأنا خابرني بـ قـلـبـك كـبـيـر و مــاحـد ٍ قـدّي

و عـجبني نبضك الطـّاهر وحبّيتك على شانه
*** الين إنـّك تـمكـّنـتي و أخـذتي مزحي وجدّي

تـذوب ارجـال يا روحـي و هي ماهيب حـرّانه
*** يـذوّبـهـا لـهـيـب الصـّد و الحرمان و الـبـعـدي

أنا عـارف و أنـا شـايـف زهـور الـعـمـر ذبـلانه
*** و لا بـ الـكـون له تـربـه خـصـوبـتهـا مثل يدّي

صحيح اللي بلا وجدان ضـاع و ضـاع عـنـوانه
*** مـثـل مـا ضـاع غـيـره بـيـن ودّي به ولا ودّي

وأنا قلبي يبي قـلب ٍ نبض بـ الحب شـرّيـانه
*** لجل يفهم وش الدنيا بدون إحساسه الوردي

أبيك و ما أبي غـيـرك و لو يـطـلـبـنـي لسانه
*** وأبي قلبك على خبري شفوق و ينتظر ردّي‏

[موسى العناز]

لا يتواضع الا الكبير
ولا يتكبر إلا الحقير
ولا تقاس العقول بالأعمار
فكم من صغير عقله بارع
وكم من كبير عقله فارغ

[موسى العناز]

صحيح عندي قلب يـهـوى و مـيّـال
*** لكن يميل لـ رغـبـتي و إنـعـطـافي

ماحدني مخلوق لحظه على الجال
*** و لا سعـى كل الـعـنـا بـ إخـتـلافي

لـنـّي أمير النـّفس في كل الأحوال
*** و إمـارتـي فـوق الخـيال الـخـرافي

[موسى العناز]

أتعرف لماذا يضحك الطفل عندما تقذفه إلى السماء ؟؟


لأنه يعرف أنك ستلتقطه ولن تدعه يقع

وتلك هي الثقة


وتلك هي ثقتي بربي

عندما ترميني الأقدار

أضحك وكلّي ثقة بأن رحمة ربي ستلتقطني قبل أن أقع

[موسى العناز]

ٱنـــآ لا أنـــــــدم علــــــى مـَـــــڼْ ظننتـــــه صـــــــديق فخــــــــذلني

ولا أنــــــدم علـــــــى مـــــــڼْ ظننتـــــه حــبــيـــب فهجــــــرني

بــــــــل ٱنـــــــدم علـــــى مــــــڼْ ظنـنـتــــهُ عــــــدواً فســـــاعـدنـي

[موسى العناز]

أبمشي لجلك بـ رمـضـاء ولـو كان الـقـدم حافي
*** وأعـاني قـسـوّة الـصـحـراء وأعـاني حـرّه و ذيبه

وأبمشي شايل جراحك و تـعـذيـبك على اكتافي
*** مشي طـفـل ٍ على هـونـه تشوف بغـرّته شيبه

وأبمشي كنـّي الصّاحي وأنا في مشيتي غافي
*** مشي تـآيـه فـقـد ذاتـه مـابـيـن الـشّـك والـرّيبه

[موسى العناز]

على ذكر الزمان اللي غدا بين الرجاء والياس
*** عسى الله يسعـد أيّامك .. لأن أيّامك الهامي

وأنا قلبي نمآ بـ الهم من ساسه الين الراس
*** صحيح إنك الـمّ لكن .. الـمّ عـطّـر لي آلامي

[موسى العناز]

أبـعـدوني و امـنعـوني شوفتك
*** وأحرموني من عيونك ياالحبيب

ليه يا روحـي تـنـافـض شفـّتك
*** مهما رحت بعيد قلبي لك قريب

[موسى العناز]

لكل من مر من هنا

باقات من الفل والكادي لقلبه الطاهر وتعطيره الباهر

[موسى العناز]

إهداء لـ حـصّـه آل الشيخ

وشفيك ياحصّه وش اللي مجرّيك
*** عـلـى الـذي يابنت سـوّا بنانك ؟!

أدميتي قـلـوبٍ مع الـنـاس تغـليك
*** من خـوفـهـم مـمّـا يقـوله لسانـك

وش غـرّك بربّـك وعـزّك وبـاريك
*** اللي خلق عقلك وكوّن حنانك ؟!!

يا حصّه تـوبي قبل مـوتـك يلاقيك
*** لعـلّ رب الـكـون يـلـطـف بـشـانـك

عسى الولي يابنت الأجـواد يهديك
*** يهديك رغـم أنـفـك ويـرفـع مكانك

[موسى العناز]

الـكـلـب بـشـّـار

أصبحت تايه فايض الـدّمع محتار
*** وأمسّـيت أفـرّك في يـديني يـديني

يضيق صدري كل ماشفت الأخبار
*** و أحتار ما بين الغضب والحنيني

يـالعـنـبـو هاالـطـّاغـي الكلب بشار
*** قـضـا على شـعـبـه وهم آمـنيـني

الله يـذلـّـه ذلّ ما جـاء ولا صــار
*** ويصير عـبره مع مرور السنيني

جعـله يعـيش بهم وإن مات للنـّار
*** يـمـوت مـوتت كلب ماله عـاويني

والله مـعـاكم يا كـريمـين الأعـمار
*** وحـنـا وراكم با الوفـاء داعـميني

والـنـّـصر للأحرار في كل الأقطار
*** بـس أصـبرو والله عـليهم يعـيني

لا تـرتـخي للظـّلم ياجيش الأحرار
*** دقـّــو حـديـد الـكـلـب حتى يلـيني

[موسى العناز]

رمــضــان

حيـيت يارحمه من أعـلا السـمـاوات
*** حيـيت يـا ريح الـهـدى والـتـهـالـيـل

لـك الـغــــلا بـقـلـوبـنـا و الـتـحـيـات
*** ولك في صدور الكل شوق ٍ وتبجيل

أنت رمـضـان الخـير ياخـير الأوقـات
*** وانت رمضان الـنـور في عتمة الليل

حيـيت يا شـهـر الـكـرم والـكـرامـات
*** حيـيت يا غـالي .. فـقـدنـاك باالحـيل

[موسى العناز]

لا يـابـعـد كل البنات
*** مافيه غـيرك شـدّني

أيضا ولا غيرك فتاة
*** البـعـد عـنهـا هـدّني

[موسى العناز]

أسعد الله اوقاتكم بكل خير

صفحتي ع الفيس بوك

/www.facebook.com/wwwh.bbbs

صفحتي ع التويتر

https://twitter.com/annaz2012

متابعتكم شذا حروفي