$$$$ . . . . . يا اخي فكنا : لا تمدح ولا تطنز . . . . . $$$$

[أشعة في بلقع]

يقول لي أحدهم : استمعت مرة من المرات إلى شريط للشيخ الجبيلان يوصي بمعاملة الزوجة برفق و حسن الكلام
وأن يمدح الزوج زوجته ليكسب ودها .
يقول خوينا : قعدت افكر ليش ما اسوي كذا مع زوجتي عشان : نحرك المياه و نجدد شوي بالحياة ،،، وفعلا فعلت ذلك .

دخلت البيت الظهر وانتظرت الغداء يوم جابت الغداء قلت لزوجتي : يا سلام يا سلام وش هالأكل الزين .
تسلم ايديكي ،،، خلاص تراي فكرت اترك الشغل ونفتح مطعم ،،، الناس مارايح يلقون مثل هالنثرية السنعة

فكان جوابها : وراااه قط ناقصن ملحه ولا وشو .
قال : يا بنت الحلال والله اني صادق ، ماشاء الله عليك شغلن رهيب
قالت : إييييييه والتفتت وراحت تغسل و تمضمض بالمغسلة

( هل انتبهتوا لرد تلك الزوجة )
نكمل القصة :
بعد أيام شاهد خوينا زوجته وهي متلبسه زين و كاحله فقال : وش هالقمر وش هالملح ياناس وش هاللبس الزين
فقالت زوجته : تطنز هاللحين انت ولا ايش ؟

قال : لا ما اتطنز . بس شفت شي زين و ابمدحه
قالت : يا اخي فكنا لا تمدح ولا تطنز

خوينا بعد اللي شافه من زوجته قال : حلقن على اذني يوم امدح هالسريلانكية مرة ثانية
بالاعتدال ما انفعن
وبالمدح والدلال ما انفعن
وش نسوي يا ناس ؟ وش نسوي يا ناس ؟

أيتها الزوجة : إذا شفتي من زوجك أي مبادرة لتحسين العلاقة بينكما فساعديه في ذلك ولا يكن ردك عليه سلبيا ،
فأنت وحدك المستفيدة اذا تحسنت العلاقة وانت وحدك المتضررة من جمود المشاعر
أسأل الله لكما الخير و العيش الرغيد الهانئ

[كفاني عذاب]

عزيزي

الزوجه تفهم طباع زوجها من اول حياتهم الزوجيهـ اذا تغير عليها من الطبيعي المراهـ سيبدو على ملامحها الاستغراب فهذا الخطاء مشترك بين الطرفين

فخير الامور الوسط

الاعتدال فى كل شىء هو الحل السوي


كل التحايا,,

[نيزك]

تتأدب بالثانية .


.
.
.

وهقه !!!

[امنيتي حفظ القرآن]

انا اشوف ان رد زوجته طبيعي خير ان شاءالله بعد سنين عجاف جاي تمدح؟

اذن على الزوج ان يعي ان زوجته بتستغرب من هالمدح المفاجئ ويتحمل الرد اللي بيجيه لين مايعودها على اسلوبه الجديد

حتى الرجل اذا طنت لمرته تمدحه بعد سنين من غربة المشاعر يبي يقول والله مالاقت عليك انطمي اصرف وايضا يجب عليها ان تتحمل لين تعود ابو الشباب

فهمتوا ؟



تشااااااااااااو

[الـــفـــ@ــــد]

خوينا بعد اللي شافه من زوجته قال : حلقن على اذني يوم امدح هالسريلانكية مرة ثانية
بالاعتدال ما انفعن
وبالمدح والدلال ما انفعن
وش نسوي يا ناس ؟ وش نسوي يا ناس ؟
7
7
7
ياخي معذورة هالحين بفكره ان الزوجة ما تفهم الغث من السمين
ليش يمدح طالما بقرارة نفسه انها سرلنكية
الكلام الجميل واللطف واجب بين الزوجين لكنه يصل القلب اذا كان من القلب الى القلب
وخويك هذا جامل فقط ما في شي بقلبه لها
والله اعلم بالنوايا والخفايا
تحياتي

[رحيل]

معذوره بنت الناس وهالسالفه تجي على رفيقك

الدليل إنه من دخل عليه وهو ماغير ينتقد ويتطنز

يعني كل كلامه مايطلع عن هالامور

فيوم مدح هالجلف على طول جاء بباله إنه يستهتر ويتطنز حضرته

لأنه مو من العاده

أتوقع لو إنه على طول فهمت إنه تغير وإنه قاعد يمدح به

كان جته جلطه - صدمه قلبيه ولا سكته - وأكيد ماراح تطلع ردة فعله

عن هالخيارات

مير الله يعوض هالحريمه بالجنه

أجل يقول سيرلانكيه هالتركي

أقول كل الناس بتطنز ياويل تسبدي

[ALI 9]

تتأدب بالثانية .


.
.
.

وهقه !!!


كلام جميل ياخيو

[الملكه كنده]

والله انكم بايخين بس هذي هي القضيه قالت المره حطت المره وهم الكاملين
أقول خلون بس أقوم أروح أشوف المسلسل التركي ميرنا وخليل يالبى قلوبهم أفضل من

هالبياخه ههههههههههههههههههههههه

[الأسيــ بنت ـاد]

الصبـــر مفتــاح الفرج ....

[الأسيــ بنت ـاد]

مـــع الأســف كلـــهم غلطانيـــن ’’’’

كــان واجب عليـــه يصبـــر علشان يحقق اللي يـــبي ...

لأن اللــي سواه شي غريـب على الزوجـــه .. وأكيــد بيكون لهـــا ردة فعـــل أمـا {{ قبول أو رفض }}..

فاللــي سوتــه شي طبيعـــي لأانه ماعودهــا من البــدايـــه...

وشي صعـب أنهــا بتتغير بيــوم وليــله ..

فيحتــاج وقــت لكــي يقألمهــا مع الوضــع الجديـــد ...

وأيضـــا هي غلــطت ...

كــان يوم شافتـــه متغير حاولــت تتغير معـــه...

قال كلام حلو تقــول كــلام حلو ...

يعنــي تحاول تغــير من تصرفاتــها عشان كلهــم يتغيروون ...

ومع ذلـــك .......

ماتتغــير من غير مايساعدهـــا ..

ومايتغيــر من غير ماتساعــده ...

الله يوفق الجميـــــع ..

مع خالص الشكـــــــــر...

[ALI 9]

والله انكم بايخين بس هذي هي القضيه قالت المره حطت المره وهم الكاملين
أقول خلون بس أقوم أروح أشوف المسلسل التركي ميرنا وخليل يالبى قلوبهم أفضل من

هالبياخه ههههههههههههههههههههههه


وهذا اللى يجيك من بعض البنات متأثره في المسلسلات التركيه وتبي شباب هالوقت مثل الاتراك الله يرحم إمن جابتك

[أشعة في بلقع]

قلت لخوينا ان الشباب والشابات بمنتدى بريدة كوم يقولون :ان حرمتك ما تعودت وعشان كذا لازم تواصل المدح لين تعرف انك انت تغيرت

قال : زين

أثناء وهو جالس يتقهوى العصر مع زوجته ،،،،،، جاوه اتصال من واحد من الشلة ويخططون

على طلعة عشاء ،،، فخوينا اعتذر منهم وقال : إني الليلة أبطلع أنا واللبنانية(يقصد زوجته) نتعشا في عنيزة

معليش منب خوي لكم هالليلة .. سكر الخط

يوم التفت على زوجتي ( وش توقعون ؟ )

لقى خدوده حمر ....... لأ لأ

لقاها تضحك وتقول له صحيح يا عمري نبي نطلع الليلة ..... لأ لأ لأ لأ


نكمل الفلم :
وأثرها تصيح وتشاهق وتقول : لك كم يوم وأنت بس تطنز بي و تشههر بي عند خوياك

يا اخي اذا انا ما جزت لك طلقن و كفاية تحطيم

يقول خوينا أنا : سكت ما أدري وش أقول لهالصتيمة

والله العظيم ان قصدي زين ومنب اتطنز ولا احطم .




بعد كل هاللي صار و يوم وصلت الأمور لطلب الطلاق ,,,,, خوينا و كل السعوديين معه قالوا


بصوت واحد :

المرأة السعودية لا تعرف الرومنسيه ولا عندها طاري تتعلم هاشيء

ولا تستحق إلا : 1- الكلام الجاف و 2- مرة كل شهر للسوق و 3- كل اسبوع تروح لأهلها



ويعذروننا الناس ،،، اذا دورنا حريم الرمنسيه و الكلام الحلو


هنا أشعة في بلقع قال لازم ادخل بالموضوع واساعد بالحل :

قلت له شف يا حبيبي خلك من نصايح بريدة كوم وهالمطافيق و خذ الحل من أنا

قال: عطنا اللي عندك
قلت : اولا الآن اجلس يومين خلك رسمي بدون مدح ولا سب
قال : زين

قلت : بعدين انقز لسوق الذهب وخذ لك طقم ناعم بـ الفين ريال ،،، وشف الشباب حقين

قسم التصميم والفوتوشوب ،، خلهم يصممون لك كرت هدية

وقدم الطقم عليه الكرت لزوجتك ................

بعد أيام ..... شفت خوينا وهو يبي يتشقق من الوناسة

قلته : وشلون ؟

قال أخذت لي ميسار .. قلت له : هاه ؟!!

قال : اضحك عليك .... الامور زينة وجزاك الله خير

قلت له : حريمنا ما بهن بلا بس يبن من يعرف لهن

قال: والله انك صادق حريمنا مثل الددسن ... اذا رفقت عليها عاشت معك وإن صرت غشيم تغثك كل يوم بورشة

[فيمتــو]

تطنز هاللحين انت ولا ايش ؟
هذا السؤال لم يخرج عبثا وطبيعي أن يقال فهذا حصيلة معاملات سيئة مضت , فلو كان من قبل يمدح ويتغزل لاتقبلت الأمر وصدقت لو لم يكن كلام صديقك عدل .

[زمن الغرباء]

الله يعييييييييييييييييييييييين على هالدنيا ..

[الورده النديّه]

ومنكم نستفيد

[(*§ حـــــور §*)]

بعذرها طاااارت عيووونها
مهب عااادة يمدح<<<بس متاثر من شريط الاخ
ياااشين الشي لاصااار تمثيل مابه ملح ابد حتى لو هو مدح
اما جاء الشي سجية لايجي ابد