رياح القصيم
05-07-09, 07:30 am
بسم الله الرحمن الرحيم
عندما يخالفك رجل المرور بدون اي سبب فهذا شئ عادي ومتعودين عليه عندنا ببريده
لا كن اذا قام رجال المرور بمخالفة الركاب اللي معك هذا شئ صعب ؟؟؟؟
ماحدث في شارع النهضة في يوم الخميس 9 - 7 - 1430هـ وفي تمام الساعه الواحده والنصف شئ لا يصدق
فعند دخولي شارع النهضه تفاجأت بوجود ثلاث نقاط تفتيش
وعند مروري من التفتيش الاول طلب مني رجل الامن الرخصه والاستماره فاعطيته اياه بأسلوب جيد جدا عنده سألني العسكري :وين رايح ؟؟ طبعا سواله غبي رديت عليه وقلتله ليش تسأل قالي : مو شغلك انا اسال وانت تجاوب قلتله مو من حقك انك تسأل قالي طيب حرك ولا اشوفك بالشارع واذا شفتك حجزتك اسكت ومشيت....
ويوم وصلت التفتيش الثاني جلسنا عشر دقائق ماسكين سرا يوم وصلت قالي العسكري: الرخصه والاستماره عطيته اياه وقالي وش عندك تدور؟؟؟(طبعا انا توي داخل الشارع) قلت مادرت عاد العسكري ماحصل شئ علشان يخالفن عليه قالي اصفط يمين و عطن بطاقات اللي راكبين معك نزلت وعطيته البطاقات ( اللي راكبين معي اثنين ) قلتله ليش قال ليش ماربطوا الحزام قلت انا وش دخل الركاب بالحزام قال:ليش الركاب مايجيهم شئ لو يصير حادث
جاك العسكري وسجل مخالفتين للي راكبين معي
سألته وش النظام الجديد هذا قالي النظام هذا معروف قلتله اني قبل شوئ جاي من التفتيش اللي قبلك وما قالوا شئ قال : (وانا وش علي من التفتيش الثاني) قلت ليش مو المرور واحد قال خذ اوراقك وحرك احسن لك....
اتصلت على المرور 993 وطلبت ظابط الميدان علشان يحد من المهزله مع ان اكثر اللي موقفين مثل طريقتنا يخالفون الركاب اللي معهم
جلسنا نص ساعه ننتظر ظابط الميدان
ومن المشاهد اللي مرت علينا وحنا واقفين عند النقطه ::::
1- مر راعي جيب ربع مظلل ومولع النور الصغير ولا ربط الحزام قاله العسكري تفضل تدرون ليش؟؟؟؟ لان راعي الربع عسكري بالمرور
2- مر راعي هايلوكس 2009 غماره مغبر وصافط المرايات ولا قاله شي العسكري تدرون ليش؟؟؟؟ لان راعي الهايلوكس شاب وسيم ومزيون
3-مر راعي لكزس يكلم بجواله ولا ربط الحزام والعسكري قدامه ولا سكر الجوال قاله العسكري تفضل ابو خالد تدرون ليش؟؟؟؟؟ خويه او من جماعته
عاد يوم وصل الظابط ملازم اول اسمه متعب الـ..... قال وش عندك قلتله السالفه وقلتله عن المهزله اللي صارت قالي هذا النظام يتكلم معي و هو معصب ونفسه شينه قلتله اسألك سوأل ممكن تجاوب عليه قالي اسأل وش عندك
قلت ( النظام يمشي على اي واحد صح او لا )
قال ( ايه )
قلتله سالفة راعي الربع والهايلوكس واللكزس
قالي ( مو انت اللي تقيم العساكر وتعلمنا شغلنا اذا كان عندك اي شكوى رح للمرور واشتك)
^^^لو اشتكيت ماراح استفيد شئ يبي يماطلون بي سنه وابطلع بلاش^^^
هل هذا اسلوب رجال امن؟؟؟؟؟
الى متى ونحن نظلم بالمخالفات؟؟؟؟؟؟
الى متى والواسطه تمشي بالمرور بدون اي رادع؟؟؟؟
الى متى وشبابنا مستهدفون من رجال المرور؟؟؟؟؟؟
هل مخالفة الركاب من النظام؟؟؟؟؟؟
دعوتي على كل ظالم من رجال المرور ((عسى راتبك مايكفيك علاج .... امــــين))
تقبلوا تحياتي.....
عندما يخالفك رجل المرور بدون اي سبب فهذا شئ عادي ومتعودين عليه عندنا ببريده
لا كن اذا قام رجال المرور بمخالفة الركاب اللي معك هذا شئ صعب ؟؟؟؟
ماحدث في شارع النهضة في يوم الخميس 9 - 7 - 1430هـ وفي تمام الساعه الواحده والنصف شئ لا يصدق
فعند دخولي شارع النهضه تفاجأت بوجود ثلاث نقاط تفتيش
وعند مروري من التفتيش الاول طلب مني رجل الامن الرخصه والاستماره فاعطيته اياه بأسلوب جيد جدا عنده سألني العسكري :وين رايح ؟؟ طبعا سواله غبي رديت عليه وقلتله ليش تسأل قالي : مو شغلك انا اسال وانت تجاوب قلتله مو من حقك انك تسأل قالي طيب حرك ولا اشوفك بالشارع واذا شفتك حجزتك اسكت ومشيت....
ويوم وصلت التفتيش الثاني جلسنا عشر دقائق ماسكين سرا يوم وصلت قالي العسكري: الرخصه والاستماره عطيته اياه وقالي وش عندك تدور؟؟؟(طبعا انا توي داخل الشارع) قلت مادرت عاد العسكري ماحصل شئ علشان يخالفن عليه قالي اصفط يمين و عطن بطاقات اللي راكبين معك نزلت وعطيته البطاقات ( اللي راكبين معي اثنين ) قلتله ليش قال ليش ماربطوا الحزام قلت انا وش دخل الركاب بالحزام قال:ليش الركاب مايجيهم شئ لو يصير حادث
جاك العسكري وسجل مخالفتين للي راكبين معي
سألته وش النظام الجديد هذا قالي النظام هذا معروف قلتله اني قبل شوئ جاي من التفتيش اللي قبلك وما قالوا شئ قال : (وانا وش علي من التفتيش الثاني) قلت ليش مو المرور واحد قال خذ اوراقك وحرك احسن لك....
اتصلت على المرور 993 وطلبت ظابط الميدان علشان يحد من المهزله مع ان اكثر اللي موقفين مثل طريقتنا يخالفون الركاب اللي معهم
جلسنا نص ساعه ننتظر ظابط الميدان
ومن المشاهد اللي مرت علينا وحنا واقفين عند النقطه ::::
1- مر راعي جيب ربع مظلل ومولع النور الصغير ولا ربط الحزام قاله العسكري تفضل تدرون ليش؟؟؟؟ لان راعي الربع عسكري بالمرور
2- مر راعي هايلوكس 2009 غماره مغبر وصافط المرايات ولا قاله شي العسكري تدرون ليش؟؟؟؟ لان راعي الهايلوكس شاب وسيم ومزيون
3-مر راعي لكزس يكلم بجواله ولا ربط الحزام والعسكري قدامه ولا سكر الجوال قاله العسكري تفضل ابو خالد تدرون ليش؟؟؟؟؟ خويه او من جماعته
عاد يوم وصل الظابط ملازم اول اسمه متعب الـ..... قال وش عندك قلتله السالفه وقلتله عن المهزله اللي صارت قالي هذا النظام يتكلم معي و هو معصب ونفسه شينه قلتله اسألك سوأل ممكن تجاوب عليه قالي اسأل وش عندك
قلت ( النظام يمشي على اي واحد صح او لا )
قال ( ايه )
قلتله سالفة راعي الربع والهايلوكس واللكزس
قالي ( مو انت اللي تقيم العساكر وتعلمنا شغلنا اذا كان عندك اي شكوى رح للمرور واشتك)
^^^لو اشتكيت ماراح استفيد شئ يبي يماطلون بي سنه وابطلع بلاش^^^
هل هذا اسلوب رجال امن؟؟؟؟؟
الى متى ونحن نظلم بالمخالفات؟؟؟؟؟؟
الى متى والواسطه تمشي بالمرور بدون اي رادع؟؟؟؟
الى متى وشبابنا مستهدفون من رجال المرور؟؟؟؟؟؟
هل مخالفة الركاب من النظام؟؟؟؟؟؟
دعوتي على كل ظالم من رجال المرور ((عسى راتبك مايكفيك علاج .... امــــين))
تقبلوا تحياتي.....