المرأة المطلقة والأرملة في زمن الكلاب الضاله!!

[كلوز]

لا أعلم من أين أبدأ ولا أعلم أيضا ً ماهي الخاتمة التي أختتم بها الموضوع فسوف أدع قلمي يبحر في سماء الخيال وأتركه يكتب إلى أن يجف حبره فإن جف ليس ذنبي وإنما ذنب المصنع الذي لايعلم بأن القلم سوف ينتهي به المطاف إما إلى الرمي من الشباك أو سلة المهملات أعزكم الله .

نقول وبعد التكلان على الله عز وجل وبعد أن نحييكم بتحية الإسلام فالنظرة التشاؤمية للمرأة المطلقة في مجتمعنا أصبحت هاجس كل بيت فيه مطلقة أو أرملة وكأنها خلقت لتكون فاسدة الأخلاق ونسى المجتمع أنهم يحثونها على الإنحراف وبالتالي طالما العين عليها فهي مراقبة أربع وعشرون ساعة وتحت بيتها يوجد شيخ الغفر إما والدها أو أحد إخوتها فهي تشعر بأنها محاصرة إجتماعيا ً والكل ينظر لها نظرة دونية بأنها المرأة التي جلبت العار لأهلها إذا ًَ فهي تتحمل جزء من هذه المحاصرة التي قد تستمر سنوات .

والمشكلة الكبيرة أن التخلف وراء كثير من هذه المشكلات فنجد أن الأسرة مسؤولة مسؤولية كبيرة عنها فالتقاليد لها مالها وعليها ماعليها فنجد يزوجون البنت دون أخذ رأيها ودون أن ترى خطيبها طبعا ً النظرة الشرعية وبالتالي نجدها تصدم في ليلة الدخلة أو نجد أسرة تزوج بناتها لأزواج في سن أجدادهم وهذه هي المصيبة الكبرى فإلى متى يا أخوة ياكرام ونحن نعيش في جهل الجاهلين وإلى متى يا أحبابي نحكم على بناتنا بالإعدام .

أما أنت ِ أيتها الأرملة فما نقول لك إلا أصبري وصابري وماصبرك إلا بالله ولا تنظري إلى غيرك ولا يأخذك الشيطان إلى طريق صعب العودة إليه فأحذري أختاه وكوني حريصة أشد الحرص على نفسك أولا ً وعلى مستقبلك ثانيا ً وذلك باللجوء إلى الله في كل الأوقات ويرحمكم الله ويرحم أمواتنا وأموات المسلمين .

لكم من أخيكم الجهني اصدق المنى وأعذب التحايا لكم بالعيش السعيد والحياة الهنيئة

[أبو الريش]

فالنظرة التشاؤمية للمرأة المطلقة في مجتمعنا أصبحت هاجس كل بيت فيه مطلقة أو أرملة وكأنها خلقت لتكون فاسدة الأخلاق

شف المجتمع وأغسل ايديك منه من هو علشان يشوف المطلقه شوفه تشأوميه كأنك تتكلم عن علماء ... اللي بوسطنا ويناظرون هالنظره ناس ماتعلمت تحب القيل والقال ولا تعرف للدين والعلم من صله وهم اللي فاسدين تلقاهم يسوون فعايل مايعلم به الا الله مايسويه ولا الكافر

لكن المشكله لاعشت بمجتمع مايفرق بين الابيض والاسود والحصان والحمار

مشكور الجهني ,,,,

[علشانك بس]

هذاك أول ينظرون للمرأة المطلقة نظرة تشاؤمية ,,
اما الآن فـلااااا ,, المرأة المطلقه مثلها مثل البنت البكر ,,
وبالعكس ماشي سوقها احسن من أي بنت ,,
من أول يوم تتطلق فيه تنخطب فيه وتتزوج سيد سيد اللي طلقها ,,
وتطلع وتدخل وتخالط الناس ولا كأنها مرت بأي تجربة زواج ,,
كلامك نعم حصل ,, لكن هذاك أول ,,
المطلقات الآن مبسوطااات وفالاتها ومايبن يتزوجن مره ثانيه ,,
يفضلن الحرية والوناسه ,,

[أشغلتموهــا]

وكأنك تقراء افكاري او تحس بمعاناتي !

للاسف ليس من مجتمعي بل من اهلي

المجتمع والناس ارحم على من اهلي

المشكله اننا نطرح مشاكلنا هنا بس مانلقاء لها حل

ومافيه الا حل واحد

وهو >>>صعب اكتبه هنا لوجود بعض الارهابيين







الجهنى اشكرك من الاعماق


علشانك بس

صح سوقنا ماشي بس كلهم خشاش


شكرا

[(*§ حـــــور §*)]

^^^^^^
سندريلا
اعجبني كلامك
لان البنت البكر سوقها خشاااااش
فما بالك بالمطلقة ؟؟؟!!!
كان الله في عون المطلقات
وحفظهن وحظهن في الدنيا والاخرة
شكرا لك

ا

[علشانك بس]

علشانك بس

صح سوقنا ماشي بس كلهم خشاش

ياحبيبتي لاتناظرين للخشاش ,,
ادعي ربك وبيجيك اللي يسعدك طول عمرك بإذن واحد أحد ,,
بس ابتعدي عن الإستعجال .. والله الله بالإستخااارة ,,
وماخاب من استخار ,,

والمطلقه راح تنخطب من صنفين من الرجال ,,
الصنف الأول اللعابين ,, وهو اللي يتزوج ويطلق وينبسط مع الحرمة كم شهر ويطلقها ,,,
ولو يجلس بمجلس ويتحدونه على الزواج من فلانة قال والله ماتشرق شمس ذاك اليوم الا وانا داخل عليها ,, وتصير هالبنت ضحية تحدي ,, ( هذا صنف الذكور ألقريبين للحيوانات بعيشتهم )
والصنف الثاني هم الرجااااال ,, يكون متحمل حرمته عشان عشرتهم وخايف فيها من الله ,,
ومايبغى يشتت عياله ,, ويفضل يتزوج ويرتاح ويخلي زوجته ام عياله على ذمته معززة مكرمه ,,
ويونس الثانية ويريحها وينسيها معاناتها مع زوجها الأول ,, ( هذا الرجل اللي ينحط على الجرح ويبرى )
وباقي الرجال اللي مااتزوجو ويتقدمون للمطلقه هذولا يااداجين أو يعانون من نقص سواء بمستواه التعليمي ,, أو بالعائلي أو بالخلقي .. أو أو ,, واذا هو كامل والكامل وجه الله .. راح يجيه يوم ويتزوج عليها لأنة بيجرب يتزوج بنت مثله مثل غيره بس صابر الين تزين أمورة ,,
<-- باخصه الرجال بخص ,,

[كفاني عذاب]

وكأنك تقراء افكاري او تحس بمعاناتي !

للاسف ليس من مجتمعي بل من اهلي

المجتمع والناس ارحم على من اهلي

المشكله اننا نطرح مشاكلنا هنا بس مانلقاء لها حل

ومافيه الا حل واحد

وهو >>>صعب اكتبه هنا لوجود بعض الارهابيين







الجهنى اشكرك من الاعماق


علشانك بس

صح سوقنا ماشي بس كلهم خشاش


شكرا




سندررريلا

الله يعينك ويستر عليك ويرزقك الرجل الصالح

[أشغلتموهــا]

علشانك بس


بصراحه مااستعجلت متردده وخايفه من تكرار الفشل

رافضه مبداء الزواج الا يوم غير معلوم

ارفض المتقدم لى قبل اعرف اسمه

احيانا اقول فى نفسي اصبر لين اتم الثلاثين واتزوج حرام اسلم نفسي شايب من

الحين ! والشباب ما اثق فيهم على قولتك واحد لعاب والثاني يبي يأدب زوجته على حسابي

بس اللي ابي اعرفه لو تجبر المطلقه على الزواج بيدها حل انها ترفض ؟؟

او تستسلم !!

شكرا

[أشغلتموهــا]

سندررريلا

الله يعينك ويستر عليك ويرزقك الرجل الصالح





ليش هو بزماننا فيه رجل ! عشان يصير صالح ؟؟

ولك دن >>>على قولت (خوان بابلو سورين) قصدي( الينــ اليوم )

[علووووش]

ليش هو بزماننا فيه رجل ! عشان يصير صالح ؟؟

ولك دن >>>على قولت (خوان بابلو سورين) قصدي( الينــ اليوم )


ليش انتي عايشه مع الرجال كلهم علشان تحكمين عليهم ؟
اذا صار اللي عندك ارخوم لاتحسبون كل الرجال مثلهم واصابعك مهب وحده

[علشانك بس]

سندريلا ,, اللي خلق السربوت خلق الملتزم الخلوق ,,
الرجال مو واحد ,,
الصبر والدعاء والإستحارة خليهم ملازمينك دائما ,,
والله يوفقك ويعوضك خير ياقلبي ,,
بس اللي ابي اعرفه لو تجبر المطلقه على الزواج بيدها حل انها ترفض ؟؟

او تستسلم !!
اكيد بيدها انها ترفض وبشدّة ,, ولا تستسلم ..
والأهل بالتأكيد راح يهتمون بالسؤال عن الخاطب أكثر من أول عشان مايتكرر الطلاق مرة اخرى لاسمح الله ,,

[سحايب نجد]

شف المجتمع وأغسل ايديك منه من هو علشان يشوف المطلقه شوفه تشأوميه كأنك تتكلم عن علماء ... اللي بوسطنا ويناظرون هالنظره ناس ماتعلمت تحب القيل والقال ولا تعرف للدين والعلم من صله وهم اللي فاسدين تلقاهم يسوون فعايل مايعلم به الا الله مايسويه ولا الكافر

لكن المشكله لاعشت بمجتمع مايفرق بين الابيض والاسود والحصان والحمار

مشكور الجهني ,,,,

ياأخي كأنك تقرا اللي بخاطري

كفيت ووفيت بالرد..

والشكر للجهني

[أشغلتموهــا]

ليش انتي عايشه مع الرجال كلهم علشان تحكمين عليهم ؟
اذا صار اللي عندك ارخوم لاتحسبون كل الرجال مثلهم واصابعك مهب وحده

والا تبيني اعيش معهم كلهم عشان احكم؟؟:29_1_13[1

وانا عارفه من مو كلهم ارخوم نصهم

والنص الثاني ملاقيف زيك :d4:

[أشغلتموهــا]

علشانك بس

مشكورة ماقصرتي

[علووووش]

وش هالكلام ياعلوووش .. !!!!

قهرني اسلوبه اللى مثل وجهها ليش تحكم على الرجال هذا الحكم بس مااقول الا الله يشفيها.

[علشانك بس]

قهرني اسلوبه اللى مثل وجهها ليش تحكم على الرجال هذا الحكم بس مااقول الا الله يشفيها.
كلنا نحكم على الرجال نفس حكمها من اللي جالسين نشوفه ,, فـ حنا معذورين ,,
واللي يشوف عصبيتك الحين مايقول هذا 24 ساعه يسب بالسعوديات ,, خلها مستوورة بس ,,

[علووووش]

كلنا نحكم على الرجال نفس حكمها من اللي جالسين نشوفه ,, فـ حنا معذورين ,,
واللي يشوف عصبيتك الحين مايقول هذا 24 ساعه يسب بالسعوديات ,, خلها مستوورة بس ,,

تدرين ليش اسب السعوديات لان بعضهن لايقدرن الحياه الزوجيه لا فيه بعض البنات تناظر للبنت الثانيه علشان تكون مثلها في كل شئ لان فيه بعض الرجال على قد حاله وخليها مستوره احسن والله العظيم لو اشرحلك معانات الشباب والله ان يشيب راسك من طلبات البنات اللى في هذا الوقت.
تبي سفر خارج السعوديه وتبي احسن سياره وتبي شغاله وتبي احسن اثاث وتبي افضل الذهب وتبي تلبس احسن الملابس من الماركات العالميه وتبي وتبي وتبي الخ.
وتحصلين الشباب في هالوقت مع شهاده جامعيه ومسجل عسكري جندي وتخب عليه وراتبه على قد حاله بس وين من البنات اللى تقدر الا ماندر.

[علشانك بس]

تدرين ليش اسب السعوديات لان بعضهن لايقدرن الحياه الزوجيه لا فيه بعض البنات تناظر للبنت الثانيه علشان تكون مثلها في كل شئ لان فيه بعض الرجال على قد حاله وخليها مستوره احسن والله العظيم لو اشرحلك معانات الشباب والله ان يشيب راسك من طلبات البنات اللى في هذا الوقت.
تبي سفر خارج السعوديه وتبي احسن سياره وتبي شغاله وتبي احسن اثاث وتبي افضل الذهب وتبي تلبس احسن الملابس من الماركات العالميه وتبي وتبي وتبي الخ.
وتحصلين الشباب في هالوقت مع شهاده جامعيه ومسجل عسكري جندي وتخب عليه وراتبه على قد حاله بس وين من البنات اللى تقدر الا ماندر.

كلامك واقع ولا عليه غبار ,,
لكن لو ينظر الشباب للبنت وش هي متزوجه عشانه بيعرف يتحكم فيها مثل الصلصال ويشكلها بيدينه بالشكل اللي يعجبه ,,
البنت تبي قلب الرجل وحنانه وطيبه ,, وهذا يكفيها عن الأكل والشرب والسيارات والشغلات والسواقين ,,
لو يجرب كل شاب انه يعطي زوجته قلبه واهتمامه وحنانه راح تطير فيه وتحطه جوات عيونها وبتنسى اهلهااااا لعيونه ,,
لكن يجيك شين نفس وبدون وظيفة وسهر طول الليل بالاستراحات ,,
وناسيها بالبيت مايتذكرها الا عند النوم .. وش تبيها تسوي وقتها .. !!
تبيها تسكت .. !!
راح تطلب وتطلب ,,, لأنها تبي تقهره بكثرة الطلبات ,, وغير هذا تحسسه بوجودها وانها مااتواجدت بحياته عشان تكون مجرد خادمة ,,
المشكلة الأولى والأخيرة بالشاب نفسه ,, لو عرف وش تبي البنت راح يتهنى بحياته طول عمره ,,

[الأسيــ بنت ـاد]

لاحـــول ولاقــوة إلا باللــــه

كثرت المشاكــل الاجتماعيــه وبالأخــص من ناحيــه الزواااج ..

فتجد الأهـل يزوجون بنتهـــم من شخــص لم تختاره..

بل أختارتــه لهـا عقولهــم العقيمـه وافكارهم السيئــه

فهــم يخطئون ويذنبون ويحملون البنــت الذنب ويعاتبونهـــا

فتجـدهم يتغير اسلوبهــم معهــا وكلامهم ومعاملتهـــم

لانهـــا تطلقــــت ,,,,,,,

أنا أبي أفهــــم ليش يحملونهــا ذنب قراراتهـــم الفاشــله ويحطــون الخطــأ عليهـــا...

فلاتجدهـــم ينظرون الى سبب الطـــلاق على طـــول يجي افبالهـــم أن الغلـــط منهـا

وتنعمــي عيونهــم عن الرجــال اللي زوجوها إياه قبل السؤال عنــه وقبل أخذ موافقتهــا..

فما أقـــووول إلا الله يهـــديهـــم ويكبر عقووولهـــــم ..

الجهنـــي .. ألف شكـــر على الطـــرح المتميــز ..

{} الأسيـــ بنت ـــاد {}

[سحايب نجد]

تدرين ليش اسب السعوديات لان بعضهن لايقدرن الحياه الزوجيه لا فيه بعض البنات تناظر للبنت الثانيه علشان تكون مثلها في كل شئ لان فيه بعض الرجال على قد حاله وخليها مستوره احسن والله العظيم لو اشرحلك معانات الشباب والله ان يشيب راسك من طلبات البنات اللى في هذا الوقت.
تبي سفر خارج السعوديه وتبي احسن سياره وتبي شغاله وتبي احسن اثاث وتبي افضل الذهب وتبي تلبس احسن الملابس من الماركات العالميه وتبي وتبي وتبي الخ.
وتحصلين الشباب في هالوقت مع شهاده جامعيه ومسجل عسكري جندي وتخب عليه وراتبه على قد حاله بس وين من البنات اللى تقدر الا ماندر.


صاادق اخوي انا عشت دور الشاب بخيالاتي ولقيته انه بااغلب الاوقات مظلوم وماينلام
والبنت هي المسؤوله لازم تتثقف وتعرف الرجال وش يبغى بالضبط منها
والاهم ذلك كله الصبر والتنازلات من كل الطرفين
..

[أبو الريش]

صاادق اخوي انا عشت دور الشاب بخيالاتي ولقيته انه بااغلب الاوقات مظلوم وماينلام
والبنت هي المسؤوله لازم تتثقف وتعرف الرجال وش يبغى بالضبط منها
والاهم ذلك كله الصبر والتنازلات من كل الطرفين


كلام دُرر ...

[علووووش]

كلامك واقع ولا عليه غبار ,,
لكن لو ينظر الشباب للبنت وش هي متزوجه عشانه بيعرف يتحكم فيها مثل الصلصال ويشكلها بيدينه بالشكل اللي يعجبه ,,
البنت تبي قلب الرجل وحنانه وطيبه ,, وهذا يكفيها عن الأكل والشرب والسيارات والشغلات والسواقين ,,
لو يجرب كل شاب انه يعطي زوجته قلبه واهتمامه وحنانه راح تطير فيه وتحطه جوات عيونها وبتنسى اهلهااااا لعيونه ,,
لكن يجيك شين نفس وبدون وظيفة وسهر طول الليل بالاستراحات ,,
وناسيها بالبيت مايتذكرها الا عند النوم .. وش تبيها تسوي وقتها .. !!
تبيها تسكت .. !!
راح تطلب وتطلب ,,, لأنها تبي تقهره بكثرة الطلبات ,, وغير هذا تحسسه بوجودها وانها مااتواجدت بحياته عشان تكون مجرد خادمة ,,
المشكلة الأولى والأخيرة بالشاب نفسه ,, لو عرف وش تبي البنت راح يتهنى بحياته طول عمره ,,

كلامك صحيح .
انا معك ان فيه نوعيه مثل هذه الشباب سهر ولا يعرف البيت الا عند النوم.
بس فيه شباب مع زوجته طول الوقت وطلعاته من البيت قليله ويحب زوجته ويبيع عمره علشانها بس فيه بنات ماتقدر الحاله الاجتماعيه تبي شئ فوق طاقته وهي صعبه عليه تبيه يطر عند بيبان المسجد علشان ينفذ طلباتها.
وبعدين يحكم على نفسه بالطلاق لان البنت شيبت فيه في الطلبات وهو تلقينه يموت فيه ويحبها بس الزمن اجبره على الطلاق.
وصدقيني عشت مع شباب مثل هذه الاشكال وشرحولي معاناتهم من زوجاتهم يقول انا احب زوجتي بس هي لاتقدر الحاله اللى انا فيها تناظر لبنات اقاربها ليش هم يسون كذا وانا لا.

[أشغلتموهــا]

علوووش

خلاص فهمنا انت بطل العالم وانت مامثلك ابد

[كفاني عذاب]

والله قهر امس شكله فيه هوشه وانا مدري بس يالله المره الثانيه نحضر الهوشات

[كفاني عذاب]

علوووش

خلاص فهمنا انت بطل العالم وانت مامثلك ابد


انتي توك تدرين انه بطل العالم

وانتي الى الحين ماعرفتي علوووش زين !!

[كلوز]

صاير هوشات بالموضوع لي رجعه بعد الصلاه باذن الله

[شنطة مدرسة]

السلام عليكم ورحمة الله وبركاته
والله موضوعك رائع ياخ الجهني
ونشكر لك هذا الطرح الاكثر من رائع