هل الفتاة ترضى بالزواج من شاب له علاقات [الأرشيف]

السيناتور

05-06-09, 03:44 pm

انا حبيت احط هذا الموضوع لان فيه موضوع حاطه واحد يقول فيه هل ترضى بالزواج بفتاة لها علاقه غير شرعيه
وانا لاحظت ان كل الاشياء ضد المرأة حتى اذا اخطأت وأخطأ الرجل يغتفر للرجل لكن المرأة لا يغتفر لها

( هل ترضين بالزواج من شاب له علاقة غير شرعية مع فتيات سواء كان يكلمهن او يقابلهن او غيرها)

حلم عآبر

05-06-09, 04:44 pm

عن نفسي مآرح أحآسبه على المآضي لأنه وبختصآر مآفيه أنسآن معصوم عن الخطآ
كل أنسآن في حيآته يغلط و يتعلم من غلطه

إللي يهمني الجآي وبس

.

سحايب نجد

05-06-09, 05:43 pm

والله شوف يااخوي انا قريت كم رد ومااعجبني بالنسبه للموضوع السابق
قذف وسب وشتم وهم طهرو انفسهم مع انهم اشتركو بالشي هذا
وترى السب اللي يلحق البنت يلحق الولد
يعني البنت اللي تكلم بنظرهم فاجره وعاهره اذن فهو أشد منها بالفجور

واجزم ان 99% له علاقات قبل الزواج سواء حب او تسليه ويبقى اختيار مسستقبله بيد امه او اخته ..

انا ماارضى اتزوج شخص له علاقات لانه بصراحه ...........

تقبل مروري الغاضب..

السيناتور

05-06-09, 07:00 pm

حلم عابر
صح عليك بس لو المخطأة بنت ايش راح يشوون الرجال راح يقوموا ضدها مع انه اكثر الرجال لهم ماضي مع المكالمات وغيرها

السيناتور

05-06-09, 07:01 pm

سحايب نجد
كلامك صحيح ميه بالميه

نيزك

05-06-09, 09:05 pm

[size="5"]

واجزم ان 99% له علاقات قبل الزواج سواء حب او تسليه ويبقى اختيار مسستقبله بيد امه او اخته ..

Size]

أعوذ بالله وش هالنظرة الظالمة ؟!!!!!

لا و الله ما صدقتي و أنا أكلمك بصفتي ((رجــل)) و أعرف و عايشت رجال لكن أنتي من وين لك هالكلام ؟

و المشكلة هالدرج عمرو مصطفى يقول كلامك صحيح ميه بالمية.....!!

علووووش

05-06-09, 09:12 pm

بصراحه فيه فرق كثير بين البنت والرجل .
وابي اذكرلك نقطه وحده من بحر.
لان الرجل اهون من البنت لان البنت مثل البيضه اذا انكسرت صعب الواحد يرجعها الى وضعها الاصلي بس الرجل من السهل انه يرجع الى وضعه الاصلي.

علووووش

05-06-09, 09:19 pm

سحايب نجد احب اقولك ان نسبه البنات اللى لها علاقه غير شرعيه اكثر من الرجال لامن المتزوجات والغير متزوجات لان لو لاحظنا ان بعض الشباب متعرف على اكثر من وحده.

سحايب نجد

05-06-09, 10:38 pm

أعوذ بالله وش هالنظرة الظالمة ؟!!!!!

لا و الله ما صدقتي و أنا أكلمك بصفتي ((رجــل)) و أعرف و عايشت رجال لكن أنتي من وين لك هالكلام ؟

و المشكلة هالدرج عمرو مصطفى يقول كلامك صحيح ميه بالمية.....!!

ومازلت عند كلامي وترى مو شرط مقابلات وخدش للشرف
يمكن اللي تعرفهم طلعو برائه من اللي 1%
والا انت على بالك تبي الواحد يفضح نفسه
ماتدري عن اسرار اخوك فمابالك بالناس

محد قالي هالكلام لكن هذا اللي اشوفه كثير ومنتشر

سحايب نجد

05-06-09, 10:42 pm

سحايب نجد احب اقولك ان نسبه البنات اللى لها علاقه غير شرعيه اكثر من الرجال لامن المتزوجات والغير متزوجات لان لو لاحظنا ان بعض الشباب متعرف على اكثر من وحده.

كلامك صحيح اكثر بكثير والحين انقلبت الأيه وصارو البنات هم المحتالات والضحيه الشباب لكن برضو يبقى اللوم على الاثنين دون الانحياز

عشان كذا بعضهم يتزوج وهو ياعيني مطمئن لانه اختيار اهله ومايدري عن بلاويها وهو يرمي ويقذف بنات الناس..

الخيآلي

05-06-09, 11:05 pm

لا اكيد
بس من تاب تاب الله عليه

أشغلتموهــا

06-06-09, 12:39 am

وانا وش بيعرفني هو له علاقات ؟!

هالشباب يتسترون على بعض لو سألو عنه شلته مستحيل بيقلون ترا له علاقات و و

تحسب هالعيال اللي بالاستراحات مثل هالحريم مايصدقون يلقون على البنت زله الا يفضحون به حتى لوهى اقرب الناس له عادى اهم شىء تلقاء سالفه تهرج به عند العالم

السيناتور

06-06-09, 11:47 am

الاخ علوش/
انت تقول ان البنت مثل البيضه
بس انا ما اتكلم عن العادات والتقاليد انا اتكلم عن شرع الله لان شرع الله يعاقب الولد مثل البنت ما فيه فرق بينهم لانهم شركاء بعض
وشكرا

فتاة المستقبل

06-06-09, 12:23 pm

واجزم ان 99% له علاقات قبل الزواج سواء حب او تسليه ويبقى اختيار مسستقبله بيد امه او اخته ..

وش دعــــــــــــــــــــــــــوى ؟؟؟؟؟؟؟

لا إن شاء الله ما تأصل هالنسبه وين حنا به ؟؟؟؟ نبي تفائل ياخيه

موضوعك يا ملحن له علاقه بموزوعي تبع الشرشحه ,,موصيتن اللي ما ترضى بابو علاقات على خطط جهنميه

الماسة محتاسة

06-06-09, 06:20 pm

طبعا الشباب مايلامون اذا مارضوا ببنات لهن علاقات مع شباب
لكن الغريب لما تلقى بنت ترضى بشاب له علاقات

صريح جد

06-06-09, 06:54 pm

ملينا من ها المواضيع الي ما تخدمنا ابد ماغير بس شتم وسب وعلى الواقع مافية زي ها المواضيع يعني وشلون الواحد يبي يتزوج وحدة لها علاقات او العكس يعني اهل الولد او اصحابة راح يقولون انة يكلم بنت الحين بعض الرجال يشك في زوجتة وهي مايعرف عنها اي شي من قبل فما بالك لو يتزوجها وهو يعرف ان لها ماضي حتى لو كانو يحبون بعض وكلمووتعرفوعلى بعض قبل ما يتزوجو ماراح يعيشون في راحة لان زواجهم بني على باطل وعلى حرام

كلوز

06-06-09, 08:57 pm

انا اقول يتزوج منها لان مافي انسان مايخطي وخير الخطائين التوابون

Modern

06-06-09, 11:35 pm

امممم

بالنسبه لي ارى هالسؤال يصب في صالح الشاب السعودي ويخدمه بشكل كبير!

فصيغه السؤال ترمي لجزء من الشباب وهم اصحاب العلاقات السابقه !

وكأن هنالك جزء اخر لم يسبق لهم تكوين اي علاقه وهم رأس المال :p

بينما الصحيح وبكل شفافيه ان اغلبيه الشباب السعودي لابد وان مروا بعلاقات

بأختلاف انواعها

وبأختلاف طرقها

وبأختلاف عمقها ،،

ومن تصور شخصي ارى بأن اعداد الشباب السعودي الذين لم يسبق لهم تكوين علاقات سابقه

هم اقل من عدد اصابع اليد الواحده كأحصائيه نسبه وتناسب !

وهذه النسبه التي لاتكاد تصل لعدد اصابع اليد الواحده تنقسم الى طرفين ،،

الطرف الاول وهو من يرى عدم شرعيه تلك العلاقات فيلجأ لها بطرق يؤكد هو بأنها شرعيه نزيهه لاخلاف عليها !

كزواج المسيار والفرند وزواجات شرق اسيا ،،

ويااكثر الزواجات اللي حللوها ربعنا ماشاءالله عليهم !

اما الطرف الثاني هو من لايمانع بتكوين علاقه او علاقات بعد ،،

بس المسكين وجهه او اسلوبه مايسعفه !

وبالتالي ارى السؤال الصحيح هو :

هل ترضين بالارتباط بالشاب السعودي على الرغم من علاقاته السابقه ؟

السيناتور

07-06-09, 12:31 am

الاخ الجهني
كلامك في الصميم

الماسة محتاسة

07-06-09, 12:38 am

^^
الله اكبر !!
يعني مافيه شاب سعودي ماله علاقات ؟؟
والله عالم غريبة ومريضة بنفس الوقت
وكلن يرى الناس بعين طبعه

السيناتور

07-06-09, 12:44 am

الماسه محتاسه
انا ماقلت ان الشباب مالهم علاقات

نيزك

07-06-09, 03:58 am

ردود سخيفة اقسم بالله ...!!

بالله عليكم في شخص يعرف أن عشيرهــ مستقبلاً صاحب ماضي أسود و يسكت ؟!!

يا زمان العجايب ناس تدعي المثالية و لا تدري معين هي هابه ...!!

الماسة محتاسة

08-06-09, 01:35 am

الماسه محتاسه
انا ماقلت ان الشباب مالهم علاقات
ماعليش
ردي على الأخ مودرن ..

السيناتور

08-06-09, 08:41 am

اشكرك يالماسه محتاسه

اغادير

08-06-09, 02:13 pm

ومين الان من الشباب الي ماعنده علاقات

Netizen

08-06-09, 03:05 pm

الفتاة الطاهرة العفيفة .. لن ترضى بذلك . وكذلك الأمر بالنسبة للشباب. والله سبحانه وتعالى يعطي الشخص على قدر نيته .. ف "الطيبون للطيبات" .

علووووش

08-06-09, 08:52 pm

ومين الان من الشباب الي ماعنده علاقات

اناااااااااااااااااااااااااااااااااااااااااااا.

فهد الحربي

08-06-09, 09:56 pm

عزيزي سوالك يحتاج الى توضيح اكثر

ان كانت قبل الزواج فباعتقادي الشخصي بان عفا الله عما سلف
وان كانت تلك العلاقات مستمره الى مابعد الزواج فهنا لها كلام آخر

السيناتور

10-06-09, 11:57 pm

اشكرك جدا باسحايب نجد

سحايب نجد

12-06-09, 05:15 pm

بس ياأخوي اللي رقمته رقمت غيره وخصوصا هي اكبر منه
لا وازيدك من الشعر بيت هي وامه راحوا يخطبونه وهو بشغله
وش هالجرأه شي يحيير بجد

للاسف الاخلاص نادر سواء زواج عن حب والا بدون حب..

السيناتور

12-06-09, 10:54 pm

سحايب نجد
شكله صاير لك موقف

سحايب نجد

13-06-09, 01:15 am

سحايب نجد
شكله صاير لك موقف

لا أبدا ماصار لي موقف
بس اشوف تجارب اللي حولي وينجح فيها الزواج عن حب فقط لاغير

اوريون

13-06-09, 02:30 pm

من المستحيل اتزوج فتاة لها علاقه غير شرعيه سابقا

عادل الحبيتر

14-06-09, 11:07 pm

شـكــ وبارك الله فيك ـــرا لك ... لك مني أجمل تحية .

شموخ للتجميل

16-06-09, 04:53 pm

من المستحيل اتزوج فتاة لها علاقه غير شرعيه سابقا
مع احترامي لك اخوي بس شكلك ما فهمت السالفه
السؤال يقول هل ترضين يا ايتها (الفتاة)<<بين قوسن مو يا ايها الشاب
بان تتزوجين من شاب له علاقات غير شرعية
احس بعض الناس متحامل على الفتاة وبس
من غير ما يعرف وش السالفه
وحتى لو انه متزوج بنت لها علاقات غير شرعيه وش دراه؟؟هو يعلم الغيب
المهم دمتم بخير
تحياتي لك وللحاضرين

لمعةالألماس

26-06-09, 05:46 pm

الله يستر من هالمواضيع اللي توجع القلب..

الله يهدي شباب وبنات المسلمين..

طعنات الرحيل

29-06-09, 03:15 pm

السلام عليكم ورحمة الله وبركاته انا عن نفسي ماابي الا ولد اجواد مثلي ههههههههههههههههههههههههههه

لاب توب

03-07-09, 12:42 am

اتمنى إنتقاء مواضيع تفيد
وبلا سخافات الحق معروف والباطل معروف

الـــفـــ@ــــد

03-07-09, 01:04 am

المصيبة العظمى الخيانة والاصرار والعلاقة والمراهقة المتاخرة(ما بعد الزواج وما بعد الاطفال) والا كل انسان له ماضي احيان يكون مشرف واحيان يكون مخزي سواء بنت والا ولد والبنت كالثوب الابيض يظهر عليه الاذى سريعا وواضح والولد يستتر تحت امور كثيرة منها المناصب والمادة وبس لان للاسف هم اولياء الامور شرطهم اليوم ان يكون الشاب موظف وعنده دخل ومحافظ على الصلاة وقد يكون انتظامه بالصلاة قبل فترة وجيزة من زواجه
والصلاة لا باس دافع انك تزوج ابنتك لمن يحافظ على الصلاة ولكن للاسف الشديد اليوم هناك شباب قله ممن تنهاهم صلاتهم عن الفحشاء والمنكر والبغي واكثرهم يصلي عادة
تحياتي وتقديري

صـاحي و رايـق

03-07-09, 05:37 am

السلام عليكم

بما أن السؤال موجهـ للفتيات فقط
وبما أني شاب وعاصرت معظم الشباب من ملتزم وداشر
أرى بـ أن معظم الشباب قبل زواجهم متمسكين بدينهم وبعيدين كل البعد عن هذهـ المعاكسات

عادي جدآ تلاقي شاب بـ أيام العزوبيهـ خالي من كل العاكسات
وبعد الزواج يدخل الشاب مرحلة الزندقهـ من المعاكسات ويدمن عليها
السبب أبن آدم طماع
ذاق معسول الجنس اللطيف وأراد التنويع فيهـ

ومن تتقول وترفض شاب تاريخهـ ملطخ مابين معاكسات ومكالمات
وتريدهـ نقي كـ نقاء الثوب الأبيض من الدنس
فـ أقول لها .. رويدآ رويدآ على نفسكـ
صحيح من حقكـ بـ أن يكون شريكـ عمركـ وفارسكـ المغوار يـ مهرهـ أعذر المشاعر
وبعد زواجكـ منهـ بعدة شهور
تأكدي بـ أن شريكـ عمركـ سيخونكـ ويتفنن بهذهـ الخيانهـ من عدة أصناف وأشكال

الرجل بعد زواجهـ يفتقد للآمانه وتتوفر لديهـ الخيانهـ بـ شتى مجالاتها
هذا هو طبع معظم الرجال للآسف الشديد

هنا عليكـِ بـ أختيار صاحب المنصب والجاهـ القادر على توفير ما تحتاجينهـ
وأجعلي آخر أهتمامتكـ نظرتكـ لهـ .. هل هو نسونجي أم لا
من راقبت زوجها ماتت همآ وحسرهـ
خليكـ غافلهـ
لأن الأزواج في هذا الزمن عيونهم كـ الدرابيل الليليهـ من الزياغهـ والبصبصهـ وبعدها محاولة التشبيكـ ووقع الخيانهـ الغير مشروعهـ

أتمنى لكن بـ أزواج لا يعرفون الكثير من النساء
مجرد كم بنوتهـ يعدن بـ الأصابع

والسلام عليكم

حكاية إحساس

03-07-09, 06:12 am

هذا اذا لقيت شاب ماله علاقات ...
بهالوقت واحد او اثنين بس مالهم علاقات وماتضمنهم بعــــد...

صـاحي و رايـق

03-07-09, 06:23 am

هذا اذا لقيت شاب ماله علاقات ...
بهالوقت واحد او اثنين بس مالهم علاقات وماتضمنهم بعــــد...
أيو اللهـ إنكـ صادقهـ
وهـ بس أنا الواحد والأثنين اللي قلتي عنهم يـ حبيلي وكمان مضمون ولا أخرش الميهـ
أصلي نمرهـ وإستمارهـ
أما البقيهـ كش ووع عليهم
الخيانهـ تسير بدمائهم قبح اللهـ أشكالهم

حكاية إحساس

03-07-09, 06:50 am

أيو اللهـ إنكـ صادقهـ
وهـ بس أنا الواحد والأثنين اللي قلتي عنهم يـ حبيلي وكمان مضمون ولا أخرش الميهـ
أصلي نمرهـ وإستمارهـ
أما البقيهـ كش ووع عليهم
الخيانهـ تسير بدمائهم قبح اللهـ أشكالهم

صااااحيـ...
اكيد اصلي مابتخرش الميهـ..
واللهي في الوقت الحالي مافيش اصلي الا مااااقل ...http://i209.photobucket.com/albums/bb70/sailormoon001/JFBQ00153070115B.gif

اموووشه

30-07-09, 04:17 am

واانا كمااان ماراح احاسبه وماافي واللد الحين عااقل
والله اعلم

صالح التويجري

01-08-09, 04:01 pm

دره

07-08-09, 07:09 pm

مااحس اني أفكر بهالوقت ان في شاب ماله علآقه سابقه ..
ولكن فرق بين علآقه جوال ومعاكسات طبيعي ان اي شاب يسويها
وعلآقه غير شرعيه (بقصد ممارسه غير شرعيه بحته ) :s ..

انا اقبل بـ الاولى ولكن الثانيه لآ بالتأكيد ..
ولكن مااظن اني راح اعرف هالشئ قبل الزواج .. ولاكان محد تزوج :p
والاهم ان بعد الزواج مايستمر على ماهو عليه :)

وعافاك الرحمن اخوي :)

صمت

08-08-09, 07:48 pm

اكيد مافيه وحدة ترضى بوااحد له مااضي من هالنووع مهما كان
ولكن بعد الزواج اذا رات منه فعل هالاشياء لابد من وقفة معتبرة معه والتصرف بحكمة..

ولكن اصحاب تلك العلاقات لماذا لايرتبط بواحدة من عشيقااته بدل مايلعوز بنات الناس ..

نسال الله العااافية..

الصمان

08-08-09, 08:53 pm

وش الخرابيط انا واحد عمري حوالي 30 وليس لي اي علاقه سابقه أو حاضره
وهذي العلاقه سخافه وكل واحد يلعب على الثاني انا احبك واذا جا الجد شف
البنت تبي شحن وفلوس والولد يبي ؟؟؟؟؟؟؟؟ وسهر وغيرة
والتباهي انا عندي وعندي انا خويتي احسن . اسمع صوته .شف صورته
الله يخلف علينا بس
كـــل واحـــد يتكلم عن نـفســـه

السيناتور

10-08-09, 01:17 am

الصمان ما اعتقد ان كلامك صحيح

ذات

11-08-09, 07:34 pm

انا بنسبه لي ماعندي مشاكل ارتبط بشاب له علاقات ...اسمحولي على ردي ووجهة نظر خاصه فيني ...
لان اتوقع العمد علينا كبنات في ان احنا نغير ها الشخص واكيد ماقرر انه يتزوج الا ويعف نفسه ...والعكس صحيح ..
ومال احد حق يحاسب احد على الماضي ....يعني اعتبر الماضي انتهى ...ونسيته ...
دامه تلفونات ...مو مشكله ...لكن اذا تطورت الى الحرام والجنس هذي لها تصور ثاني..
وبعدين معليش الكلام للبنات وحتى العيال ...ماتقدرون تغيرون شيء احنا مو عايشين بلمريخ وناس بزهره ..شيء طبيعي ان كل شخص يدور على الجنس الاخر والا صار اختلال بلبشريه فليه مضخمين الوضع ....
اسمحولي على الرد بس المسأله جدا عاديه لا تضخمون الامور ....
تحياتي ..

نيزك

12-08-09, 10:51 am

8
8

.
.

لا تضخمون الأمووووور ؟!!!!!
.
.
صارت الرذيلة أمر عادي !!

أعوذ بالله

ذات

12-08-09, 12:52 pm

8
8

.
.

لا تضخمون الأمووووور ؟!!!!!
.
.
صارت الرذيلة أمر عادي !!

أعوذ بالله

رذيله قبل الزواج لكن لمن اتزوجه واعينه على الخير اتوقع ماتصير رذيله ...ولو كل واحد منكم يشوف اللي يكلم او له علاقه انه انسان مليان بلعيوب ونصير نرفض بعض فكذا بتنتشر الرذيله يا عزيزي ...
وعموا ليتها الرذيله توقف على المكالمات ...من وجهة نظري مي رذيله ...ممكن نختار لها معنى الطف شوي ...طيش ..واستهتار ...ومن تاب تاب الله عليه ...
لكن ارفض نسميهم بالارذلين ....
وجهة نظر ...وشكرا عزيزي ...

بنت منيره

14-08-09, 03:49 pm

( هل ترضين بالزواج من شاب له علاقة غير شرعية مع فتيات سواء كان يكلمهن او يقابلهن او غيرها)

طبعا ارفض بدون تفكير
وش لون ارضى بواحد مرخص اهله >وش يضمن ان ربي مايبتليه في بنته
وفي الحديث (من يدين يدان)
ومن يزرع يحصد واحد اللي زرعه علاقات وش يخلين اضمن انه ما فيه امراض
او واحد من عياله يطلع مثله

بعدين اللي تجزمين اللي تكلم راح تخذ واحد يكلم واللي محافظه يجيها مثلها
والله سبحانه وتعال قال
(الطيبين لطيبات)

ابورورو

18-08-09, 02:17 am

وش لون تقبل بالله في حرمه تقبل

Miss Tala

18-08-09, 05:10 pm

الاكيد كل وحده تبي لنفسهاا الزين االنظيف..!!
بس الحين اللي صاير انك اصلا ماتدري ..يعني صارووا الناس مايقولون حتى لو تسال الناس يسترون هالاشياء..الصلاة وهي الصلاة يقولون ماشاء الله عليه راعي صلاة وهو العياذ بالله مو دايم بالمسجد.
عشااان كذا اعيد واكرر الدعاء ثم الدعاء ..

نيزك

19-08-09, 02:40 pm

رذيله قبل الزواج لكن لمن اتزوجه واعينه على الخير اتوقع ماتصير رذيله ...ولو كل واحد منكم يشوف اللي يكلم او له علاقه انه انسان مليان بلعيوب ونصير نرفض بعض فكذا بتنتشر الرذيله يا عزيزي ...
وعموا ليتها الرذيله توقف على المكالمات ...من وجهة نظري مي رذيله ...ممكن نختار لها معنى الطف شوي ...طيش ..واستهتار ...ومن تاب تاب الله عليه ...
لكن ارفض نسميهم بالارذلين ....
وجهة نظر ...وشكرا عزيزي ...

وجهة نظر ....

لكن الله يزوجك واحد مهب راعي هالأمور و يملا عينك و يوفقكم ...
.
.

إمرأة غريبة !!