تسجيل الدخول

مشاهدة النسخة كاملة : تعالو نقلب المجلس نقاش حااااد

مشقاص
23-05-09, 02:15 am
السلام عليكم ورحمة الله وبركاته

ليش سهرانيين الى هذا الوقت الساعه الأن الواحد صباحآ (1)ليلة السبت !!

جاوب بصراحه

بكره سبت أذا كنت موظف أكيد عندك عمل , وأذا كنت طالب أكيد عندك مدرسه , وأذا كنت عاطل المفروض
تقوم بدري تبحث عن عمل أو تتسبب ..

المتواجدون الأن

‏مشقاص (http://www.buraydh.com/forum/member.php?u=36003) , ‏# الزلزال # (http://www.buraydh.com/forum/member.php?u=26970) , ‏بنت البدائع (http://www.buraydh.com/forum/member.php?u=14629) , ‏جاك سبارو (http://www.buraydh.com/forum/member.php?u=38489) , ‏علشانك بس (http://www.buraydh.com/forum/member.php?u=26683)
ابو سفيان الطحان
23-05-09, 02:23 am
1.22
وعليكم السلام ورحمة الله وبركاته
أنثى خرافية
23-05-09, 02:24 am
وعليكم السلام ورحمة الله وبركاته

والله انا مصفره اليوم ماصحيت الا 1 الظهر

وقبل شوي متحممه وبطس بعد شوي

باخذ لي لفه ع المنتدى واخطف لي كم موضوع اقراه
صـاحي و رايـق
23-05-09, 02:28 am
أنا مو فيه من ضمن الموجودين
لو كنت فيه لأجبتك على تساؤلك

وإذا ملزم يا قلبي
عندي دوام
لكن مديري عنده عنصريه وقاهرني يحسب أني أشتغل عند أمه
وعناد له بجي له بكرا إذا شبعت نوم
بشوف وش ردة فعله
لأني بصراحه مولمن العجرى وسلاحي للمواجهه
وتوني مشعلل الشيشه وضابطها أحلى تضبيط
إذا فيك حيل نفس أنت والموجودين تعالو
ترا الجو جدآ رايق
وبعد شوي بتجي الرقاصه فيفي عبده تطربنا
»•° عطر الليل °•«
23-05-09, 02:28 am
1:28
عندي محآضرات الصبح الساعه 8
بس تعودت مانام الا على الفجر ..
وبعدين ياعم مشقاص وش مصحيك انت :f5:
تعودنا يامشقآص نووم كل النهآر وسهر بالليل
يعني الطآسه ضآيعه
:)
مياسة
23-05-09, 02:35 am
يا سبحان الله .. وانا ادخل صفحتك.. صوتت لي أمي من هناك : الحين وراه ما تنمين ؟؟http://up3.m5zn.com/photo/2009/5/22/03/18pr1mukr.gif/gif


* يلا عاد سامحوني مقدر اتقانش معكم.. بسمع كلام شكولاتتي احسن لي :13[1]:
تيفا
23-05-09, 02:37 am
تصدق يامشقاص لي سنين وانا ودي اعرف هالجواب
ليش اسهر

انا للاسف مدمن سهر عجزت اخلي هالعاده
عندك حل عطني؟؟

مع العلم عندي دوام بعد:rolleyes:

وللاسف مايجيني النوم الا قبل اذان الفجر بشوي
بس لاتخاف ولله الحمد مايقدر علي:f5:
" TWIX "
23-05-09, 02:37 am
وجودنا هنا نثبت للعالم أن الشعب السعودي شعب مطيز ...!!
أي دوام يا بن الحلال ..
اللي يشوفك يقول عندنا بكرا تنضيب يورانيوم وإلا تنقيب نفط كلها المسألة ورقتين
والطلاب يخم الماصة ويمسك السريع شخير..
وابن ابوه يقوله قم يا ولد لأن الأنظمة كلها تصفق له ..
إلا وش مصحيك يا مشقاصوووووه ....؟؟
لا تقول ..
أتفقد أحوال الرعية .. لأن الرعية سايبة من زمان وصايرة " شعيط بعيط "
أنثى خرافية
23-05-09, 02:40 am
هههههههههههههههههه والله انكم طيرتوا النوووم من عنوووني

المشكله عندي محاضره تاستعه 7 ونص وواصله الحرمان مااقدر اغيييب
علشانك بس
23-05-09, 02:44 am
<---- نايمة ,,
ساعي للحلم
23-05-09, 02:48 am
ما أعتبره سهر..

لإني أقوم أصلي وأرجع أنام وأقوم 8 صاحي ونشيط
مشقاص
23-05-09, 02:51 am
ماشاء الله كلكم صاحيين

بس مارديتو على سؤالي ؟؟؟
أنثى خرافية
23-05-09, 02:54 am
ههههههههههههه سوري

انا توي متحممه وماابي انام عند المكيف لحد ماينشف شعري
»•° عطر الليل °•«
23-05-09, 02:54 am
يآعم مشقآص
سؤالكـ مــالوهـ جوآب ..!!
فآضين , داجين , ماعندنا شغل :f5:
يعني فرفر بالمنتدى لين تدووخ بس .,؛
علشانك بس
23-05-09, 02:58 am
انا سهرانة عشان اقابل الأبضاي معتز
تيفا
23-05-09, 03:00 am
ماشاء الله كلكم صاحيين

بس مارديتو على سؤالي ؟؟؟

والله قلتلك عجزت القى جواب انا عن نفسي اجهله


التيفا يحب السهر:b3:
أولمـي بـليز..{
23-05-09, 03:00 am
انا ماابي نووم هذا جواابي
" TWIX "
23-05-09, 03:05 am
ههههههههههههه سوري

انا توي متحممه وماابي انام عند المكيف لحد ماينشف شعري
روحي أجلسي بالحوش دقيقة مو ينشف شعرك إلا لا قاموا أهلك
لقوك ناشفة...!!
مشقاص
23-05-09, 03:05 am
1.22
وعليكم السلام ورحمة الله وبركاته


ابو سفيان الطحان

شفناك سهران مبسوط ياخويا ..
أنثى خرافية
23-05-09, 03:08 am
تويكس شكلك سكراااااااااااااان

مهبول انت اطلع للحوش هالحزه ههههههه

ترآي حسافه اهلي يحبونن اخاف يجيهم شي

اذا شافون ناااشفه << والله من الثقه هههههه

اقول ماعندكم علاج للمررررررررررر
مشقاص
23-05-09, 03:09 am
وعليكم السلام ورحمة الله وبركاته

والله انا مصفره اليوم ماصحيت الا 1 الظهر

وقبل شوي متحممه وبطس بعد شوي

باخذ لي لفه ع المنتدى واخطف لي كم موضوع اقراه


أنثى خرافيه

لك كم يوم ما تحممتي أيوا عشان بكرى مدرسه وسبت ريحة الشامبو فاااايحه يازين ريحة النظافه ...
الامل الظامي
23-05-09, 03:11 am
الله يهديك يا عمو مشقاص
لما شفت العنوان جيت ركض
على بالي انو موضوع مهم ويستاهل النقاش
اخرتها سهر

يﻻ بما اني دخلت
فـ ﻻزم اجاوب

ما ينام اﻻ خالي البال
وعلى قولة جدتي الله يرحمها

يامن يعاوني على الليل ما اقواه**واﻻ النهار ادله مع الدالهين


تحيتي لـ نقاشكم الحاد..
مشقاص
23-05-09, 03:13 am
أنا مو فيه من ضمن الموجودين
لو كنت فيه لأجبتك على تساؤلك

وإذا ملزم يا قلبي
عندي دوام
لكن مديري عنده عنصريه وقاهرني يحسب أني أشتغل عند أمه
وعناد له بجي له بكرا إذا شبعت نوم
بشوف وش ردة فعله
لأني بصراحه مولمن العجرى وسلاحي للمواجهه
وتوني مشعلل الشيشه وضابطها أحلى تضبيط
إذا فيك حيل نفس أنت والموجودين تعالو
ترا الجو جدآ رايق
وبعد شوي بتجي الرقاصه فيفي عبده تطربنا

صاحي ورايق

ليتك نايم بدري عشان مديرك !!

حرام عليك أخاف مديرك تجيه جلطه من أسلوبك معاه
خف عليه , وروح نام ....
أنثى خرافية
23-05-09, 03:17 am
لك كم يوم ما تحممتي أيوا عشان بكرى مدرسه وسبت ريحة الشامبو فاااايحه يازين ريحة النظافه ...

الحمد لله يوميا اتحمم
مشقاص
23-05-09, 03:19 am
1:28
عندي محآضرات الصبح الساعه 8
بس تعودت مانام الا على الفجر ..
وبعدين ياعم مشقاص وش مصحيك انت :f5:
تعودنا يامشقآص نووم كل النهآر وسهر بالليل
يعني الطآسه ضآيعه
:)

عطر الليل

هذه أحد الحالات الغريبه عنده محاضره الساعه 8 الصباح وسهراااان ..

ويحملو الطاسه فوق طاقتها حلو والله ...
مشقاص
23-05-09, 03:22 am
يا سبحان الله .. وانا ادخل صفحتك.. صوتت لي أمي من هناك : الحين وراه ما تنمين ؟؟http://up3.m5zn.com/photo/2009/5/22/03/18pr1mukr.gif/gif


* يلا عاد سامحوني مقدر اتقانش معكم.. بسمع كلام شكولاتتي احسن لي :13[1]:



مياسه

نوم العوفي أن شاء الله مطيعه البنت تسمع كلام أمها ,, الله يخليلها أمها ...
مشقاص
23-05-09, 03:26 am
تصدق يامشقاص لي سنين وانا ودي اعرف هالجواب

ليش اسهر

انا للاسف مدمن سهر عجزت اخلي هالعاده
عندك حل عطني؟؟

مع العلم عندي دوام بعد:rolleyes:

وللاسف مايجيني النوم الا قبل اذان الفجر بشوي

بس لاتخاف ولله الحمد مايقدر علي:f5:


تيفا

لو عندي حل ما سهرت الى هذا الوقت !!

جبتك يا عبد المعين تعينني لقيتك يا عبدالمعين تنعان ,,..
مشقاص
23-05-09, 03:32 am
وجودنا هنا نثبت للعالم أن الشعب السعودي شعب مطيز ...!!
أي دوام يا بن الحلال ..
اللي يشوفك يقول عندنا بكرا تنضيب يورانيوم وإلا تنقيب نفط كلها المسألة ورقتين
والطلاب يخم الماصة ويمسك السريع شخير..
وابن ابوه يقوله قم يا ولد لأن الأنظمة كلها تصفق له ..
إلا وش مصحيك يا مشقاصوووووه ....؟؟
لا تقول ..
أتفقد أحوال الرعية .. لأن الرعية سايبة من زمان وصايرة " شعيط بعيط "

تويكس
هذا أبو السهرانيين ما يدخل النت الا أخرالليل !!

جبتها على بلاطه , هذا حال الشعب السعودي ..

الرياض خلوهم يسكرو بدري عشان السهر وبلوشو
بتحديد النسل والأكتظاظ السكاني لمدينة الرياض والزحمة ....
مياسة
23-05-09, 03:33 am
روحي أجلسي بالحوش دقيقة مو ينشف شعرك إلا لا قاموا أهلك
لقوك ناشفة...!!


ايه والله صدقت.. الجو برا شوووب.. توني جبت بطانيتي غاسلتها وناشرتها بالحوش..تخيل نشفت بساعة ..!!!
<-- ترد من تحت المخدة.. لاحد يعلم .. هه
eivl girl
23-05-09, 03:36 am
الساعه الأن الواحد صباحآ (1)
عندك وحده انا عندي ثنتين واربع وعشرين دقيقه
للأسف يبداء يومي من خمس مساء إلا سع الصباح
لا شغل ولا مشغله عاله على اهلي والنت
مشقاص
23-05-09, 03:38 am
<---- نايمة ,,

هادي تقول نايمة ,, بس تبغى تقهرني هادي أخر وحده تنام ..

لانامو كل الأعضاء هيه الي تقفل باب المنتدى ...
eivl girl
23-05-09, 03:38 am
ايه والله صدقت.. الجو برا شوووب.. توني جبت بطانيتي غاسلتها وناشرتها بالحوش..تخيل نشفت بساعة ..!!!
<-- ترد من تحت المخدة.. لاحد يعلم .. هه
ميسو مستأثمه اذا نمتي مابقى شي على الاذان
مشقاص
23-05-09, 03:40 am
ما أعتبره سهر..

لإني أقوم أصلي وأرجع أنام وأقوم 8 صاحي ونشيط


ساعي الحلم

يحلم ويقوم وينام ويكمل الحلم على كيفه !!
تيفا
23-05-09, 03:48 am
ما أعتبره سهر..

لإني أقوم أصلي وأرجع أنام وأقوم 8 صاحي ونشيط

ماشاء الله عليك
تنام وتقوم
وترجع تنام وتقوم

عادي يعني بس تحط راسك على المخده وخلاص ينتهي الموضوع


اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،

الهم اجعل وضعي بالنوم مثل حال اخي ساعي الحلم..,
مشقاص
23-05-09, 03:48 am
انا ماابي نووم هذا جواابي

هاذي مابها نوم جواب شافي ووافي !!
خوش تنظيم ....
مشقاص
23-05-09, 03:58 am
الله يهديك يا عمو مشقاص
لما شفت العنوان جيت ركض
على بالي انو موضوع مهم ويستاهل النقاش
اخرتها سهر

يﻻ بما اني دخلت
فـ ﻻزم اجاوب

ما ينام اﻻ خالي البال
وعلى قولة جدتي الله يرحمها

يامن يعاوني على الليل ما اقواه**واﻻ النهار ادله مع الدالهين


تحيتي لـ نقاشكم الحاد..

الأمل الظامي

ايه موضوع عن السهر

أحمد ربك سهر عن سهر يفرق حنا سهرانيين على النت نوسع صدورنا وغيرنا سهرانيين با أمور أخرى

هناك سهرانيين من شدة ألام المرض الله يشفيهم
وناس سهرانيين من التفكير والأرق والديون التي على كاهله ولا يستطيع سدادها يفكر كيف المخرج !!
الله يفرج كربتهم ...
شفت وشلون سهر عن سهر فرق ..!!
قمر من شـافها طمر
23-05-09, 04:15 am
والله انا سهرانه عشاني مسويه شعري اخاف انام ويخرب عندنا حفل تخرج بكرا باذن الله
قلت ادخل للمنتدى بدال ما اقعد لحالي
اللؤلؤه السوداء
23-05-09, 04:47 am
والله ياعم فاضي وجالس على الشارع لان الويرلس مايوصل للغرفه واشوف اللي يروح واللي يجي

عاد تصدق به وحده قبل شوي تمشي معه بزر الساعه 2 انا استغربت قلت وش به ذي وش مطلعه

الحزه ؟؟؟

المشكله المنطقه منطقة استراحات والبيوت بعيده شوي عنا

واناضره وانا مسكت وتناضرن وتصد لما صارت قبالي من شكله كبيره بالعمر قلت ياخاله سلامتك بك شي ؟؟

وانا اتنافض اخاف تهوشن تحسبن اغازله ..

اومير توقف وتناضرن وتسكت قلت بسم الله جنيه واسكت وابدا ارجع شوي شوي على الباب هههههههه

قالت لا ياوليدي بس جايه من بيت بنتي وبروح لبيتي هنا باللفه

قلت وش لفته ياخاله مابه بيوت هنا ؟؟

وين عيالك وين زوجك ؟؟

قالت مادري وينهم مايردون على الجوال ؟؟

قلت له ياخاله تدلين البيت انتي قالت ايه قلت بعيده قالت لا قلت يلا ابمشي وراك لما توصلين

المنطقه هذي مابه بيوت كثير والدنيا ليل قالت الله يجزاك خير

ورحت وديته واثره ساكنه بخرابه والله مايسكنه ولا بنقالي

انا دايم امر من عند هالبيت احسبه مهجورة ماتسد شفت سيارة واقفه عنده

عاد وصلت وقعدت ساعه تدعي لي قلت ياخاله ادعي على من ظلمك وهيتك هالحزه هاللي مايخاف الله

وانا ماراح اتركه ابشوف وش سالفته الصبح

يمكن مااكلت من الجوع يمكن فقيره مااحد يدري عنه لان البيت اقولكم خرابه يعني مايسكنه انسان عاقل

بس تقل حلم اللي صار لان البيت مهجور قوة تهقون انس او جن ؟؟

وعشان تسذا قعدت يامشقاص المشاقيص عالضيعه الأريبه خذلي بدربك هالمنديل واعطيه لحبيبي :)
دلوعة جدها
23-05-09, 04:55 am
الســـــــــهر مرض

الله يشفينى منــــــهـ
خالد2007
23-05-09, 08:24 am
ههههههههههههه سوري

انا توي متحممه وماابي انام عند المكيف لحد ماينشف شعري

ودي اعرف اصرارك على انك (متحممه) وترددينها كل شوي ....ماتستحين الله يصلحتس ..عيب والله عيب ...صحيح اللي اختشوا ماتوا .
الحمدلله اني ارد الصبح وتوني قايم وابروح للكلية بعد شوي ونايم البارح بدري بعد ماشربت الحليب .خخخخخ .يعني ماني هميله مثل بعض ناس .تراي ماأقصد احد .
صـاحي و رايـق
23-05-09, 01:07 pm
والله انا سهرانه عشاني مسويه شعري اخاف انام ويخرب عندنا حفل تخرج بكرا باذن الله
قلت ادخل للمنتدى بدال ما اقعد لحالي
وش تخرجة
طارت الطيور بـ أرزاقه وأنت تنتظرين حفل التخرج
حفل التخرج باخ عدا وولى يوم الخميس الله يحفظك !!

إلا إذا تقصدين حفل تخرج بنات المهني أو بنات الأميه
فهذا معرفشي شيء عنه !
قمر من شـافها طمر
23-05-09, 03:21 pm
وش تخرجة


طارت الطيور بـ أرزاقه وأنت تنتظرين حفل التخرج
حفل التخرج باخ عدا وولى يوم الخميس الله يحفظك !!

إلا إذا تقصدين حفل تخرج بنات المهني أو بنات الأميه

فهذا معرفشي شيء عنه !

لا ما اقصد بنات المهني ولا بنات الاميه هذا مدرسه

مسوين حفل تخرج لطالبات ثالث ثانوي
وصلت المعلومه..!!
مياسة
23-05-09, 03:39 pm
ماشاء الله عليك
تنام وتقوم
وترجع تنام وتقوم

عادي يعني بس تحط راسك على المخده وخلاص ينتهي الموضوع


اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،


الهم اجعل وضعي بالنوم مثل حال اخي ساعي الحلم..,



اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،


الهم اجعل وضعي بالنوم مثل حال اخي ساعي الحلم.., وحال تيفا اذا استجبت له..

من جد استغرب.. فيه ناس النوم ع كيف كيف كيفهااا,, تقول له تعال يجي يمشي الف :(


<<- وين الطاحونة لا يصيدني احوس عند النوم .. هه

* يلا بروح لقيلولتي.. عسى ربي يهديها وتجي بدون مساحر ورجاوي .. تخخخ

تمسون على خير ,’,
دانتيل
23-05-09, 04:12 pm
خلاص يعني مانشارك بالموضوع قضت صلاحيته اليوم الظهر !!
بنت بشار
23-05-09, 09:59 pm
ههههههه حلوه
بس انا مو مع المتواجدين

مشكور
عبود زمان
23-05-09, 10:20 pm
وراكم ماعلمتون إنكم بتناقشون نقاش حار علشان اجيب الخبز و أتناقش معكم تراي جوعان << هذا اللي مايدري وين الله حاطه

حياك الله يامشقاص <<< متى تغير هالأسم بصاقشم احسه احسن

بس الحمدلله ماعمري سهرت ابد
النهى
23-05-09, 10:31 pm
خلاص يعني مانشارك بالموضوع قضت صلاحيته اليوم الظهر !!

بجد دانتيل شكله كذا
و خذوها معلومه يمدحون اللبن للنوم
الله يحفظك مشقاص
والله انا سهرانه عشاني مسويه شعري اخاف انام ويخرب عندنا حفل تخرج بكرا باذن الله
قلت ادخل للمنتدى بدال ما اقعد لحالي

ماشاء الله مبكرين
عموما مبروك مقدما
الله يحفظك