كيفية اختياري للتحف .. ارجو الافادة

[ثامر الناصر]

السلام عليكم

الحقيقة بعض بيوتنا لما تدخلها ماودك تطلع منها >> اوالله النشبة .. لكن صدق ماودك تطلع من زين التنسيق والاختيار للتحف واللوحات الحائطية لبعض المنازل

يعني الصراحة ذوق صاحب المنزل تلقاه مره حلو ..

ودي أعرف هل هناك أسس او معايرر لاختياري للتحف مثلا واللوحات المناظر على لالجدران .. لاني ناوي ازبرق بيتي الصراحة مثل ماشفتوه بموضوع جولة في بيت عضو مافيه شي فاضي كل يوم أقول اليوم لكن تعرفون ماش الاشغال الهتنا ..

ولكن ياليت من اصحاب الخبرة تفيدنا بهالموضوع ..

وشكرا

[ثامر الناصر]

معقولة ماحد رد .. يعني ماتعرفون تختارون تحف كلكم مثلي هع هع

[الياسمينه]

وعليكم السلام
فعلا الناس اذواق
واللي يعجبك يمكن مايعجب غيرك
بس وجهة نظري ياخي انك تضع اشياء ولمسات بسيطة لكنها غالية وصناعتها ذات جودة عالية
فمثلاالتحف ومرايا المداخل والمناظر والورود والفواحات تكون من الشي الفخم والمميز
لاكن ماتكثر منه بالبيت
وللمعلومية \فيه محلات واشخاص اصحاب خبرة في مجال الديكور ممكن تستعين فيهم وهم يفيدونك اكثر
بالتوفيق لك ابو الوليد

[ثامر الناصر]

وعليكم السلام
فعلا الناس اذواق
واللي يعجبك يمكن مايعجب غيرك
بس وجهة نظري ياخي انك تضع اشياء ولمسات بسيطة لكنها غالية وصناعتها ذات جودة عالية
فمثلاالتحف ومرايا المداخل والمناظر والورود والفواحات تكون من الشي الفخم والمميز
لاكن ماتكثر منه بالبيت
وللمعلومية \فيه محلات واشخاص اصحاب خبرة في مجال الديكور ممكن تستعين فيهم وهم يفيدونك اكثر
بالتوفيق لك ابو الوليد

شكرا لك للتواجد في الموضوع .. بالفعل كلامك جميل حول عدم الاكثار من التحف التي اعتقد ان كثرتها ربما تشوه المنظر اكثر مما تحسنه ..

واشكر لك تفاعلك

[ارض العناكب]

حتى انا مثل حالتك . .
لكن ان شاء الله راح نطلع بيت جديد بعد كم شهر وافكر ازبرقها مثل الناس والعالم هههه

[عاشق ديرتي بريده]

ذولا يدفعون ياثامر مهوب مثلنا اذا بغينا نشري شي غالي تحسفنا

[ارض العناكب]

8888

هههههههه

الله يسعدك . . اعجبتني ذولا يدفعون

والله وصدقت اهم شي القريشااات الواحد يكثرهم

[الأسترليني]

طبعا وجود التحف بالبيت يا ثامر يعتمد على وجود البنات هن راعيات الحركات


لكن بالنسبة لي اذا نويت اسوي اثاث و اشتري تحف الله يخلي لي العم قوقل اكتب ديكورات و تطلع انواع الافكار لكن البلا مهوب بالذوق البلا بالدراهم مثل ما قال عاشق

[عتال]

الاختيار للتحف التنسيق بين الاثاث والتحف علي حسب الالوان والانوار

وحجم التحف وتوزيع التحف والابجور

ولون الجداروالاثاث مناحيه سعت المكان اذا كان غامق صار صغير واذا كان فاتح صار كبير

[يــيزي عذاب]

عندك المحلات اللي بسوق الداخلي اللي عند الصانع مزهرية مهنا كبرها بعشره وخمسه عشر تهبل ورخيصه

[علشانك بس]

الله يبارك بنجودي وبموضوعها جولة في بيتك ,, خلتك تتحرك وتدور افكار لبيتك ,,
وحريمكم يزنن فوق روسكم اثثو لنا مادريتو عنهن ,,
ليتني اعرف حرمتك كان شيشتها عليك ,,

[ثامر الناصر]

شكرا للجميع .. اكيد كل شي بفلووس بس لاجاء الاختيار المناسب تجي الفلوس هين

الله يبارك بنجودي وبموضوعها جولة في بيتك ,, خلتك تتحرك وتدور افكار لبيتك ,,
وحريمكم يزنن فوق روسكم اثثو لنا مادريتو عنهن ,,
ليتني اعرف حرمتك كان شيشتها عليك ,,

هههههههههه كرهي لتس بعد وش تبين انتي هع هع

اصلا ماتدرين بيتي فيه اثاث >> كلاك .. بس يوم شفت بيت الاسترليني قلت مااش حسيت ان بيتي مافيه اثاث ابد >>> تعرفين مافضينا له من الاشغال >>> نايم بالمنتدى يقول اشغال

[Miss chanel]

انا وجهة نظري كل غرفه والونها رح لهوم بلاز ورح تلاقي كل شي هناكـ
من تحف من فوحآت ومن مناظر...ألخ
يعني لو لون الغرفه بيج او عنابي خذلكـ بني ولاتنسى ترى البني أثاث الملوكـ
بس لاتكثره لانه يضيق الصدر<<متأثره من غرفتها القديمممه هع"
وراح لهوم بلاز مثل ماقلتكـ ولايف ستايل ويعجبكـ اشياء كثيرهـ وبتدعيلي أنشاءالله
واذ عندك طاولت بغرف النساء او باالمجلس
أشترلك مفرش مزركش وحلو وفخم لونه بني وشموع لونها احمر وتحف لونها احمر
وبيطلــع شي .جرب وشف تراني خبرات

[فتاة المستقبل]

صعبه بنجاوبك على سؤالك بشكل عام0 هذي يبيله مذكره كامله عن كتابات متخصصي الديكور


يعني لو حاطن لنا صورة غرفه او صاله نشوف بوية الجدران والاثاث اللي فيها ممكن نفيدك بهالحاله