تسجيل الدخول

مشاهدة النسخة كاملة : (( التحطيم انواع واشكال ))


فريق قفاري
11-04-09, 07:44 pm
التحطيم انواع واشكال منها : الدقم والقمع والشكم والحقران


(وشووله بس) و الكثير من الكلمات مثل( اهااا بس , ييزي عاد ,ماودك تسكت, ياشينك , طس فيظاك , انثبر عاد , ,,,,, الخ )و التي كلها تتمركز وتلف وتدور حول مصطلح ( الدقم) ..





الدقــــــــــم وهو الذي مع الزمن يتحول الشخص المدقوم الى عومة او قميع , وعندنا الكثير في مجتمعناا الكريمة ممن هم يشتهرون بهذا المثال .. من الامثله التي يمكن ان تقال فيها كلمة (وشوولة بس) مثلا ( انت عند اخوياك جالسين يوم الربوع والسهره بعدين واحد قال يالله خن نروح نتعشى وفجأه ينط كم واحد من الشباب


ويقولون وشووووله بس خن نطلب من المطعم اصرف) في هذه الحالة الشخص اللي قال نبي نروح يعصب ويتعيوم ويقوم يروح لحالة


و واذا هدأ رجع لهم ..في هذه الحاله يتعود هالولد على الدقم وعدم المبالاة ويصير عومه و عنيد ....( لاتعليق اكثر )

.
ومثال اخر ( اهااا بس ..


والمثال هو ( يعني وحده بنوته صغيرة جاء يوم الخميس وودها تغير جو مع اهلها وراحت وشافت ابوها في الصاله يقرأ جريدة ولا يكلم بالجوال وبعدين تقعد عنده وتتدحوس وتتحوقص وتقول يبة ودنا نروح الثمامه



تودينا فجأه يناظرها الابو بعين ويقول ( اهاااا بس ) في هذه الحالة البنوته تتمنى ان الارض بلعتها ولا قالت شي .... وتروح طبعا وعيونها اربع اربع ويجي اخوها او اختها يعايرونها ويتطنزون عليها لين تفقد اعصابها ( في هذه الحالة تبدأ عندها مع الزمن العوامه بسبب الدقم والتحطيم ) ..


مثال اخر وهو ( ييزي عاد )


مثلا وحده قاعده مع زوجها وهو يقرأ جريدة مثلا تسولف له عن وش سوت امس في السوق وش جابت فلانه بنت ولا ولد وش صار مع علانه ,, وتحتسي عن ذيك وذاك وعن من بيتزوج ومن بيسافر و هالموما جرااا .. في هذه الحالة ومن شدة القرقرة وانشغال الزوج في القراءة والتفكير يهنق مخه ويحمق ويقولها ييـــــــزي عاااااااااد في هذه الحالة الزوجة تنثبر وتسكت وتقعد تسوي نفسها كن شي طاح تحت الكنبة وتغير الموضوع وفي نفسها تقول ااه ياااااااااااشينك بس ,, في هذه الحاله تصبح الزوجه ( معقدة و مدقومه ) ..


ماودي اطول عليكم لاني عارف ابثرتكم بحتسيي الزايد ,, بس في وحده اخيرة بس وحده بس وحده وهي طس فيظااااك..
مثلا ,, انت قاعد متسند في المقلط ولا الملحق وتهوجس ولا تلعب في الجوال واخوك الصغير فرحااااااان ومبسوط ويلعب حولك وينطنط عالمساند..( قمة البراءة) هو ويا اختك الصغيرة <<< يوم الخميس اكيييد .. وبعد فترة وفجأه وهو مايدري بالغلط وانت ساااااااااهي يشوت الكورة في وجهك يطير نظارتك ويطيح جوالك!! الكل يسكت وانت عاد بلااا شعور اكييييييييد بتمسكه مع فنيلتة وتصنه كف وتصااايح علية وتشده مع اذنه ( والبنت تنحاش طبعاً ) وتشووووته مع ورا وتقولة طسس فيظاااااك وانت حمقااان وموووولع .. وهو مسيكين يروح لامه وهو غاشي ومايتنفس من قوة الشوته وهو يصايح , مسيكين ماله ذنب .. في هذه الحالة يصير هالبزر معقد ومدقوم و ومظلوم ومع الزمن يصبح عنيد لايضحك كثيرا متقلب الشخصية خواااف وعووومه ..



الحمدلله انا عشت حياة مليئة بالدلع والمعاملة العسل والرقة والحنان ... ولا اعرف شي اسمه دقم او عوامه ....<<<< اية هين دام اخوي موجود


لاتحرمونا من ردودكم واذا فيه شي ناسية ذكروني وجيبوا مثاااااااال

ل د ع
12-04-09, 01:41 pm
يعطيك ألف عافية وماقصرت على المعلومه الجيدة

فريق قفاري
13-04-09, 12:30 am
العفو اخوووووووووووووي الكريم

الياسمينه
13-04-09, 01:10 am
شـكــ وبارك الله فيك ـــرا لك ... لك مني أجمل تحية .

قطرة الندى
13-04-09, 01:23 am
طس فيظاااك ..

أول مره أسمع به << ابحفظه عشان أقوله لإخواني ..

طس فيظااااك .. قصدي يعطيك العافيه أخوي ,,

فريق قفاري
13-04-09, 03:15 am
حياكم اخواني الكراااااااااااااااام

مخاوي الزعل
13-04-09, 03:40 am
تشكر يامبدع علي هيك مواضع ونحسد المنتدى بي شخص مثل

مخاوي الزعل
13-04-09, 03:43 am
طس فيظاااك ..

أول مره أسمع به << ابحفظه عشان أقوله لإخواني ..

طس فيظااااك .. قصدي يعطيك العافيه أخوي ,,

هههه الصراحه انك منطلقه وش طس فيظاااك
اسمه يا الغلا طس فيذاك لكن خطأ كتابي وقع فيه الكاتب

فريق قفاري
13-04-09, 03:52 am
وش رايك يامخاوي الزعل انا اكتب المواضع

وانت ترد على ردود الاعضاء

صديق الملك
13-04-09, 01:47 pm
شكرا لك ولاتهوش مخاوي (ييزي عاد) شكريات كثيرات مررره
تسلملي هالمواضيع

قطرة الندى
13-04-09, 02:51 pm
هههه الصراحه انك منطلقه وش طس فيظاااك
اسمه يا الغلا طس فيذاك لكن خطأ كتابي وقع فيه الكاتب


مخاوي (( أهااا بس )) عن اللقافه الزايدة ,, :for1:

آسفه فريق قفاري أجل خطأ كتابي .. أنا أقول أول مره أسمع فيها ,,

تحياتي ,,

فريق قفاري
13-04-09, 09:04 pm
العفو اختي الكريمه

مخاوي الزعل
14-04-09, 02:13 am
وش رايك يامخاوي الزعل انا اكتب المواضع

وانت ترد على ردود الاعضاء

تصدق عاد ترها فكرة مهب شينه قدام انا ماعندي مانع

مخاوي الزعل
14-04-09, 02:21 am
شكرا لك ولاتهوش مخاوي (ييزي عاد) شكريات كثيرات مررره
تسلملي هالمواضيع

وه بس يازين الي يفزعون تسلم لي ياسدي

فريق قفاري
14-04-09, 04:08 am
تصدق عاد ترها فكرة مهب شينه قدام انا ماعندي مانع

الله يجزاك الجنه

لاني مسافر بعد اسبوع

والله الله باالردود السنعه وانتبه لديوانيتي والحارس البنقالي

وما اوصيك على الشامخ الله الله فيه