رايك يهمني

[لبيه]

اليوم جالس بالاستراحه ومبسوط مع الشباب الا الوالدة تتصل تقول لازم تجي توصلنا لاسواق النخيل الساعه تسع شايلهم وموصلهم وبالطريق اختلفت مع امي وخواتي هم مصرين اني انزل معهم حتى يخلصون تسوق وتغذية نظر بالسوق وانا اقول انزلكم وارجع الاستراحه اذا خلصتوا دقوا علي واجي اخذكم للبيت وش الفايدة انزل معهم ماراح اشتري والسوق زحمه والمحلات كلها حريم
وش رايكم ياجماعه الافضل اني انزل مع اهلي بالسوق واتابعهم واراقبهم واحرص عليهم من المغازلجيه والشياطين والا اني اتوكل على الله وانزلهم وارجع لهم اذا خلصوا يلزمنا رأيكم بالموضوع الله لايهينكم

[فيمتــو]

رحت للاستراحة خذ راحتك وخل غيرك يأخذ راحته !!

[الاشـهــب]

لا يجوز للمرأة ان تذهب للأسواق بدون محرم

( أعقلها و أتكل )

[صـاحي و رايـق]

ما يحتاح تنزل وياهم
إذا هم متسترين بلبسهم وما فيه شيء فاتن مبين عليهم
ما راح يقدر يتقرب لهم كائن من كان

الشباب المغزلجيه ما يتقربون إلا للي على أشكالهم فقط
أما الشريفة العفيفة التي ساتره نفسها من كل أمر سوء
فهي حامية نفسها ومحفوظة من جميع ممن حولها
حتى الشباب المغزلجيه ينظرون لها بكل إحترام وتقدير !!

[قطرة الندى]

لا يجوز للمرأة ان تذهب للأسواق بدون محرم

[/]


من وين جايب هالفتوى شيخنا أبو عبادي ؟؟ ..

[النهى]

إذا هم متسترين بلبسهم وما فيه شيء فاتن مبين عليهم
ما راح يقدر يتقرب لهم كائن من كان
الله يحفظك

[واثقة الخطوة]

ربما نزولك معهم أفضل

وودت لو اخبروك بنيتهم للخروج قبل ذلك

علك تستطيع التنسيق بين ارتباطاتك

[eivl girl]

اجل حنا هواش حنا وخواني نقول حطونا وروحو
ويقولون لا ننزل معكم حريم ماتصير بالسوق لحالها
واللهي حاله
دمت

[أبو الريش]

حبيبي
مأخليهم بالسوق لحالهم...

مادري ليش الشباب يحسون انه عيب اذا مشو مع اهلهم بالسوق

مهما كانت ثقة بأهلك انزل معهم ولاهب شك فيهم بس احيانا الاهل يتعرضون للغزل ولا يقولون لاخوانهم خوف انهم مايودونهم للسوق مره ثانيه (( أسواق الشياطين))<<<

[أبو الريش]

رحت للاستراحة خذ راحتك وخل غيرك يأخذ راحته !!

رائــع........

[عبود زمان]

رحت للاستراحة خذ راحتك وخل غيرك يأخذ راحته !!
8
8
8
ماخليتلي كلام اقولة

بس عاد انا احب كثر الهرج وبقول هالكلمتين
ياخوي الله يستر عليك وعلى اهلك

فيه شي اسمه الحشمة وهو إن الحريم يلبسن مداسيس رجلين وإيدين ومستحيل بإذن الله إن احد يفكر يناظرهن بس

[انجل]

ياخي اتبع مقوووووووووولة
مد خطاااااااااك واكرب غطاااااااااااااااك
ولا يشوفون الا العافيه

[جبل السكر]

لا يجوز للمرأة ان تذهب للأسواق بدون محرم




معليش اخوي ممكن توضح لنا الفتوى ومصدرها
,,,
بالنسبة للسوق ماقد روحت انا وامي واخواتي الا مع سواقنا
والحمدلله مانضرينا
هنا اتفق مع اخوي صاحي ورايق بكلامه
لكن بما ان الوالده طلبتكـ اخوي ماكان المفروض ترد طلبها ولاحتى تجادلها



تحيتي

[لبيه]

شكرا على مشاركتي في الموضوع بالراي كل باسمه نورتوا المتصفح
واودعكم لانسحابي من المنتدى بسبب حذف موضوع لي بمنتدى بريده الخاص بسبب اني ادعو للغناء وهذا القرار من قبل المنتدى يعكس العقلية المنفتحه التي تتقبل الرأي والرأي الاخر معقوله حتى بالمنتدى حق الديره مخنوقين وين نروح طيب ننتحر نصير ارهابيين نفتح ملف بالنفسيه
وهذي نسخة من موضوعي المحذوف
.
.

خلاص ياجماعة انكتمنا وعيالنا انكتموا
ايلا متى وحنا مخنوقين ببريدة
نبي سياحه نبي ترفيه
نبي تغيير نبي نتنفس
نبي سينما نوسع فيها صدورنا
نبي مهرجانات غنائية نغير فيها جو
نبي مهرجانات عائلية وشبابية ترفيهية
نبي مقاهي عائلية وجلسات للجميع
معقول اقصى مانروح استراحه مغبره
اقصى مهرجان سوق الكليجا
احسن شي نسمعه محاضرات اسلامية
كل شي ممنوع حرام يدخل جهنم الحمراء
جننتونا ياهوووووه

في حفظ الله يا اخوان واخوات

[خربشآت نآعمه]

رحت للاستراحة خذ راحتك وخل غيرك يأخذ راحته !!

رآآآآآآآآآآآئع..!

أتووقع أن الكآتب أرآد إيصآل شيئ ما ..!

المهم / ووحده من صحباتي ردت واحد كان بيخطبها من شانه ينزل أهله بالسوق لحآلهم..!

انتبه.!

[رواسي]

الأفضل إنك تنزل مع الأهل
منهآ وهذآ أهم شيء
عشآن تحآسب
يآزين أمك ولآ أختك تحآسب مع الرجآل
وفوق هذآ من ألي يشيل لهم ألأغرآض
لآ تقول هم ألي يشيلونهآ
لآزم تكون معهم عشآن تشيلهآ

[جبل السكر]

المهم / ووحده من صحباتي ردت واحد كان بيخطبها من شانه ينزل أهله بالسوق لحآلهم..!

انتبه.!

ياحليلها هيا وتفكيرها ههه