الرجال في ( المطبخ ) يلف ورق عنب ..!!

[مشقاص]

السلام عليكم ورحمة الله وبركاته

تقول أمي ياسعدها وياهناها ويا بختها الي تبغى تاخدك ,,

وتتزوجك ياولدي ..

تبغى تريحها في أعمال البيت !!

صحيح كلام امي

اربع وعشرن ساعه أحوس معاهم

في المطبخ ..

هوايتي الطبخ واتفنن بأختراع أكلات جديده ,,, حتى مع اصحابي انا الي أطبخلهم في الأستراحه ,,, ولا في
الرحلات البريه أو البحريه ..

هوايتي الأعمال المنزليه زي غسيل الحوش وأحيانن
اساعد الوالده بغسيل الأبيض زي الثياب والملابس
الرجاليه ..

وأعمال الصيانه المنزليه الخفيفه زي اصلاح مكينة الخياطه أو مطحنة البن والهيل والمكنسه الكهربائيه الأشياء الخفيفه ..

كذلك ذبح الذبيحه وسلخها وتقطيعها وتكيسها ..

واحد من أصحابي قلي من المستحيل أدخل المطبخ

قلت له ليه قال المطبخ للحريم ..


أخواني وأخواتي

هل الأعمال المنزليه ودخول الرجل المطبخ ,,,ومساعدة الوالده أو الزوجه أو أخته تعيبه كا رجل ؟؟؟؟

[أبو الريش]

بالعكس طيحت هم عن أهلك خصوصا

ان اغلب الأسر صابهم العجز والعين عن الجلوس بالمطبخ

الله يكثر من امثالك الله الله بس بتمسيح الجدران وكوي الثياب

طوّر قدراتك علشان تصير خادم مثالي يقتدى به:)


الظاهر أنك تتسبب أزمه بأندونيسيا

[To Be]

هلا بك مشقاص

الاعمال المنزلية

جزء مهنية تختص بالرجل ويجب على المرأه تعلمها ايضا

وجزء في المطبخ وجميل ان يقدم الرجل خدماته متى ما استدعت الحاجة وايضا بدون حاجة حيث ان طبيعة واوقات تلك الاعمال تلازم غالبا ساعات عمل الرجل وكذلك اوقات راحته فان حصلت فرصة لدخول المطبخ فمالمانع ما دام المطبخ جزء من البيت


اذا محاولة الوسطية في كلا الحالتين رائع ويزيد من سعادة البيت

في صحة وعافية مشقاص

["غرك غلاك"]

تزوج موظفة وأقلب الطاولة التيس بالبيت والعنز تسرح !!

[متصفح]

اذا هي بمزاج عادي

واذا هي مفروضه اكيد تعيبه

تخيل يتوازعون شغل البيت
الطبخ عليه والغسيل عليها

[رواسي]

قال صلي الله عليه وسلم ” خيركم خيركم لأهله وأنا خيركم لأهلي ”

مآشآء الله عليك

سئلت عآئشه رضي الله عنهآ ما كان رسول الله صلى الله عليه وسلم يعمل في بيته ؟ قالت (رضي الله عنها) ( كان بشرا من البشر، يخيط ثوبه، ويحلب شاته ويخدم نفسه )

وهذآ نعتبره إقتدآء بالرسول صلى الله عليه وسلم



بعض الرجآل يضنون الرجوله
إنه يجلس مطبطح بالصآله ويتأمر


والنعم فيك

[قطرة الندى]

ماقول إلا الله يكثر من أمثالك ,,

لا يزعلون الشباب حنا ماقلنا أشتغلوا كل شغل البيت

بس حلو المساعدة بين الزوجين ,, وأنا أقول مثل ماقالت أمك :

(( ياسعدها وياهناها ويا بختها الي تبغى تاخدك ,, ))

تحياتي ,,

[ســمـويO]

بس المشكله يا مشقاص لا أحترق غداكم ولا عشاكم
والله ماأذكر اني بزعت وقلت ابي ازين الغدا اوالعشاء الى يحترق وش السالفه مادري... صار يقولون الله يجزاك خير خلنا حنا نسوي الغدا موتنا جوع اليوم الي ازين فيه مايكلون (الى خبز
بس الحمدالله الحين تحسنت مره يزين ومره يحترق

[البـــBADERـــدر B.D.Q]

مشقاص جميل ان يدخل الشاب مع اهله ويساعدهم في بعض امور المطبخ
لكن انه يسنتر اربع وعشرين ساعه هناك وتصير هوايته الحوسه بالمطبخ احس انه ماله داعي

[مشقاص]

بالعكس طيحت هم عن أهلك خصوصا

ان اغلب الأسر صابهم العجز والعين عن الجلوس بالمطبخ

الله يكثر من امثالك الله الله بس بتمسيح الجدران وكوي الثياب

طوّر قدراتك علشان تصير خادم مثالي يقتدى به:)


الظاهر أنك تتسبب أزمه بأندونيسيا





ابو الريش

انت تبغاني انتف ريشك وأحطك بالمطبخ على طول ماتقدر تطير وتساعدهم غصب يابو لسان طويل ...

[مشقاص]

هلا بك مشقاص

الاعمال المنزلية

جزء مهنية تختص بالرجل ويجب على المرأه تعلمها ايضا

وجزء في المطبخ وجميل ان يقدم الرجل خدماته متى ما استدعت الحاجة وايضا بدون حاجة حيث ان طبيعة واوقات تلك الاعمال تلازم غالبا ساعات عمل الرجل وكذلك اوقات راحته فان حصلت فرصة لدخول المطبخ فمالمانع ما دام المطبخ جزء من البيت


اذا محاولة الوسطية في كلا الحالتين رائع ويزيد من سعادة البيت

في صحة وعافية مشقاص

توبي

الله يعافيك والله صحيح ما فيها شي الواحد يساعد
لو مساعده خفيفه زي قلي البطاطس يحط السفره
يشيل الصحون ويفرد السفره لو كانت مساعده خفيفه لكن لها أثر طيب عند الأهل اوالزوجه ..

شرفني مرورك ....

[مشقاص]

تزوج موظفة وأقلب الطاولة التيس بالبيت والعنز تسرح !!

اما بعد

أحترم رأيك ولو كنت تيس !!

[خربشآت نآعمه]

أتخيل بآبآ وهو بالمطبخ..<<



هو عآآدي وكل شي ورقي وحضآرة وكل اللي أنتم عآيزين..>>بس وجهة نظر <<

مآآآآ ني متقبله ذا الشي ...!

يعني هو رجآل وش له يخش المطبخ بيحووس وبيسووي فيها أبو العريف ...

يمكن يقطع بصل وبندور صح.. أمآآآآ يطبخ مآآدري مآ كد جربنآهآ ...!

>>

[MR Jay]

من باب الإحسان......التعاون بين الشركاء



تقول أمي ياسعدها وياهناها ويا بختها الي تبغى تاخدك ,,

ربي يحفظها ويخليها لك ويقر عينها بـــك

لكن مو ياســـعدها اللي تتورط وتاخذك يا بعدي

... تحذيـــــــــــــــــر....

إذ ابو عقال ميال يحب المطبـــخ





معناها .... أنه ذويــــــــــــــــــــــق ...

... لـــه نفــــــــــــس بالطبخ ...

يعني ح يسود عيشتك .... بالملاحظات الدقيقة ..:a4:

مشـــــــــــــــقاص ... الاصـــح هو ...

ياسعـــدها اللي تاخذ واحد :a1: مـــا ياكل رز او لحم

بس مكرونة او ســــــــــــــــــاندويــــتش جبن

[خالد التويجري]

مشقاص

هل الأعمال المنزليه ودخول الرجل المطبخ ,,,ومساعدة الوالده أو الزوجه أو أخته تعيبه كا رجل ؟؟؟؟
" لا " مأعتقد تعيبه خاصه إذا كانت ( بمقياس )


تحياتي .,’

[علشانك بس]

مايجتمع تغسيل ملابس بيضاء وذبح ذبيحة وسلخها يااااااي ,,
لعلمك البنت ماتحب اللي يتدخل بخصوصياتها وخاصة شغل البيت ,,
يعني شيل يدك من هالشغله قبل تتزوج قبل يحصل شي لاتحمد عقباااه ,,

[الماسة محتاسة]

ليش يعيبه؟؟
مادام انفاق المرأة على البيت مايعيبها..
شغل الرجل بالمطبخ مايعيبه..

[لمسةعطر22]

وش السالفه يامشقاص انت تسوي دعايه لنفسك , الله يعينك على رسايل الخاص اكيد اليوم بتنخطب هههههههههههههههههههه
اكيد تعاون الرجل مع اهله وخاصة الام ماينقص من رجولته بالعكس هذا يدل على انه عنده روح التعاون وحب المشاركه وانا اعرف شباب كثير ماعندهم خوات ويساعدون امهاتهم اللي يكوي واللي يغسل الملابس واذا كانت امهم تعبانه يطبخون ويغسلون المواعين والله انهم احسن الرجال ... الله يوفقهم

[نيزك]

تزوج موظفة وأقلب الطاولة التيس بالبيت والعنز تسرح !!




تـــرفــــعـــوا عــــن الـــمـــصــــطـــلــــحــــات .

[JUBA]

مرحبا شقوووص
من زمان عنك ياهووووووه علومك اخبارك

اجل تطبخ ههههههههههههههه
بالله اعزمني وذوقنا من طبخك

وأعمال الصيانه المنزليه الخفيفه زي اصلاح مكينة الخياطه

ياحضكم عندكم مكينة , بشر عساه الي به ذاك اللي يخرب الجوال
عاد الله الله لاتنسانا من الدريهمات:a1:


بالنسبة لرأيي بالموضوع , كل واحد ابخص بنفسه ويسوي الي يشوفه مناسب


يالله سلام والوعد العزيمة <<<<<<< ظامن انه يبي يعزمه :)

[" TWIX "]

اللي أختشوا ما توا ..
ما بقى إلا تحط سريرك بجنب المجلى وتوسد الكاتم ..!!!
مشقاصوه ..
وش جاك .. تغسل الحوش وتسبع وتطبخ الحريم الحين طلقن المطابخ وانت طاب فيه شلف ...!!
شكل الشحط معك جايب نتيجة ...!!
أستح على نفسك واسترجل وخل شغل الحريم للحريم .. ترى لما تتزوج الحريم ما يرحمن يخلنك تغير للبزورة ...!!
ما تجي عندنا بالاستراحة مشان نسرح البنقلاديشي المروح ونشغل السعودة ...!!

[بنت الكرم 2008]

أوكي البيت كله تحت تصرفه ألى المطبخ يبعد عنه 0

[oldman]

أدخـل المطبــخ إذا كنت في البيت لحالي أصلح كوب شاهي قهيوةً سميرا، وإذا نغزني الجوع أحبرث داخل الثلاجه اغدين القا شي من بقايا الامس والا تلاقين مسنترن في الرومانسية (رز ماهنا غيره)
وللا الذبح اذكر آخر ماذبحت فرخ حمام الله لايبارتس بذيك الذبحه خابرني ماسكة وحاطن السكين على رقبة الفرخ وأحرك السكين وأثاريني احرحر براسه من ورا :e8: ( قشرت راسه :eek: وطلعت صلعته :a6: ) وجتن رعشه :for4: وجدعت السكين من الخرعه وخليته يموت متعذب :e7: المسيكين حست مريره قبل مايموت :e5: ..... هذا قديم يومني صغير ومن يومها اذا جا طاري الذبح ابدا اتلفت وادور شي يشغلني ....

-
سبحان الله وبحمده
--- عدد خلقه --- ورضا نفسه --- وزنة عرشه --- ومداد كلماته ---
-----------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[علشانك بس]

وللا الذبح اذكر آخر ماذبحت فرخ حمام الله لايبارتس بذيك الذبحه خابرني ماسكة وحاطن السكين على رقبة الفرخ وأحرك السكين وأثاريني احرحر براسه من ورا ( قشرت راسه وطلعت صلعته ) وجتن رعشه وجدعت السكين من الخرعه وخليته يموت متعذب المسيكين حست مريره قبل مايموت ..... هذا قديم يومني صغير ومن يومها اذا جا طاري الذبح ابدا اتلفت وادور شي يشغلني
الله يرحم حالكم مافلحتو بشي ,, حتى الذبح وهو من ضمن اشغالكم ماتعرفون له ,,
عورت قلبي هالحمامة ,, سويت فيها فلم رعب قبل تموت ,,

[شي يقهر]

مشاء الله تبارك الله عليك لا قوة إلا بالله

اهنيك على روحك الطيبة و حب العمل ..

هل المرجلة ان الواحد نافخ الصدر و بس يزأر بالبيت و يتأمر و بس يناتر ... وين غداكم وين عشاكم .. ليه بيتكم كذا ؟!!!!!

أول من بيكره دخلته للبيت ويفرح لفرقاه اهل بيته .

ترى يا اخوي كل الرجال يشتغلون في بيوتهم وعند حريمهم .... بس ينافخون و يتفشخرون على الفاضي .

يسبع المواعين و يطلع يقول ... وريتكم شغلها وادبتها لكم ..وهو ما عندك احد .


اذا كان النبي صلى الله عليه وسلم يعجن العجين و يصلح نعله و يرتق ثوبه .... ايش رجال الزمن هذا امام النبي صلى الله عليه وسلم ...


بصراحه ... ارى ان الرجل ما يعيبه ان غسل الحوش .. او غسل ثوبه ... أو عاون في الطبخ او عمل لنفسه قهوة ...
بالعكس يحبونه اهل بيته لانه يشاركهم هالشي وتحصل فيه تسليه كبيرة بينهم وبينه ...

لو تقول غسلت لطفل و غيرت له .. او كنست البيت و غيره من الامور اللي ما لازم الرجل يسويها قلنا لك ترى عيب .


الله يوفقك ان شاء الله

[شـتـات إنـسـان]

هذا تفكير سقيم وعديم جدوى فما العيب بالمساعده ؟

[حصة العلي]

بارك الله فيك اخوي .. والله انك نعم الرجل ... مايعيب الرجال انه يساعد اهله في البيت بالعكس هذا اقتداء بسنة الرسول عليه الصلاة والسلام ..
لكن اخافبعد الزواج تتغيروماتساعد بنت الحلال لانك طلعت طاقتك كلها .. الله يعطيك العافية