ياليتني ماصرت طيّب....

[أبو الريش]

بسم الله الرحمن الرحيم

السلام عليكم ورحمة الله وبركاته

أهلاً بالجميع

بقلم ... أبو الريش


ياليتني ماكنت ( طيب.. حبيب.. دايم أضحك... دايم أبتسم.. متواضع..أسامح.. على نياتي )

خسرت نفسي وشخصيتي خسرت هيبتي .. كل اللي حولي استغلون انهشو طيبتي ونيتي الطيبه

اتنازل عن اشياء كثيره ولا احد تنازل لي أسامح على جروح قديمه ولا احد سامحن على جروح سويته

اتصنع الشر والخُبث مايصلح لي...

اتصنع الغدر وكل صفه سيئه تناسب من حولي ماقدرت اغلبهم..

أقوياء بصفاتهم ...

حاولت أستغل ماسمحت لي تربيتي...

كل اللي حولي أنصحون اتخلى عن صفاتي الحميده والبس الصفات الذميمه علشان اعرف اتوافق مع الجو العام اللي اعيشه...


فعلا سمعت النصيحه وأجبرت نفسي علّيه واعتبره افضل نصيحه سمعته من صغري غيرت طبعي وتصرفاتي

وصرت عكس ماكنت عليه وزياده

والان اتمتع براحه نفسيه خلال توافقي مع مجتمعي بعد ماكنت دجاجه في حظيرة ثعالب

هاذا ليس كلامي هاذا كلام كُل طيب حدّثني عن طيبته

[امرؤ القيس]

مين قالك أصلا صرّ طيّب


الطيبة فيذا الوقت ماتصلح ويوكل حقك وعيونك طايرة

خلك ذيب وكل مع أول الناس ولا تقلط على الفضلة لأنها (للبساس )

[مشقاص]

أبو الريش

تقصد في المنتدى ولا على ارض الواقع ..؟؟
تختلف الأدوار حسب المجتمع الي انت عايش فيه مع الذئاب يجب ان تكون ذئبا
وان لم تكن ذئبا اكلتك الذئاب ..
ومع الأسود اسد ..

ومع الحملان حملآ وديعا ...

[أبو الريش]

أمرؤ القيس حبيب قلبي

و

مشقاص يابعد تسبدي


أقرو آخر سطر

[امرؤ القيس]

أقرو آخر سطر

وأنا أرد عليه أخي ابو الريش

[الأسيــ بنت ـاد]

لاضـرر ولاضــراا اار ,,

حـلو الواحــد مايصيــر طيب لدرجــه تضيــع حقوقــه ..

وحـلو الواــحد مايكــون نحــس بأشيــاء ماتستاهـــل ..

يعني لاتصير طيب بزياده ولا نحس بزيــاده ,,

لانــه واللــه فيــه ناس ماتساهــل إننــا نقســى عليهــا ونعاملهــا معاملــت الناس اللي ماتستاهـل .


والناس الشرانيــه مايستاهلون اننــا نعاملهــم معاملات الناس الطيبــه ..

وعــامل كـل واحد على حسب شخصيــته ..

وخذ كـل شخص على قــد عقــله ..

أتمنــى لــكـ التوفيــق ..

{} الأسيـــــ بنت ـــاد {}

[علشانك بس]

ياليتني ماصرت طيّـب
قصدك ياليتني ماصرت حبيّـب ,,

[قطرة الندى]

للاسف في وقتنا هذا الطيبه والإخلاص والاحترام مالها مكان ,,

وحتى الشخص الي يتميز بالصفات يقولون عنه خبل ..وعلى نياته ,,

يعني الواحد لازم يكون بجيح وشرس حتى يقولون عنه مشــاء الله عليه شجاع ..

[ام الزعيم]

كلامك صحيح ولاكن الدنيا تجارب اسمع ماذا تقول العجوز لابنتها اذا كان خرابك لبطنك ما فيك فائده واذا كان خرابك للناس فسوف يطلعون قلبك

[eivl girl]

قوله توك تدري
ابعد قناع الطيبه واظهر كما انت<<بالأصح
لأن اغلب هذا الزمان لا يمتون لطيبه بصله بل (من طالع الله الله ومن داخل يعلم الله)
شف يابطل الواحد مايجرح او يأذي احد ويلزم حدود نفسه
ويحط بباله ان الي قدامه بشر مايتحمل..!!الطيبه واجبه والحبابه واجبه والتعاون واجب
لكن مو على سبيل نفسي لا إبداء بنفسك الأول بعدين شف غيرك
احذر تتنازل عن كرامتك او حقوقك واحذر تسلب الناس كرامتهم وحدودهم
ودمت

[رشّة مطر]

فيه حكمه تقول (عيش نذل تموت مرتاح ) :)


<< بس تراني مااصدقته

[أبو الريش]

لاضـرر ولاضــراا اار ,,

حـلو الواحــد مايصيــر طيب لدرجــه تضيــع حقوقــه ..

وحـلو الواــحد مايكــون نحــس بأشيــاء ماتستاهـــل ..

يعني لاتصير طيب بزياده ولا نحس بزيــاده ,,

لانــه واللــه فيــه ناس ماتساهــل إننــا نقســى عليهــا ونعاملهــا معاملــت الناس اللي ماتستاهـل .


والناس الشرانيــه مايستاهلون اننــا نعاملهــم معاملات الناس الطيبــه ..

وعــامل كـل واحد على حسب شخصيــته ..

وخذ كـل شخص على قــد عقــله ..

أتمنــى لــكـ التوفيــق ..

{} الأسيـــــ بنت ـــاد {}

الوسطيه زينه بس الوسطيه تخدع بعض الاحيان مع تقلبات امزجة الناس اللي مسوي معهم وسطيه

[أبو الريش]

قصدك ياليتني ماصرت حبيّـب ,,

ياحبتس للدحوسه والعناد

[أبو الريش]

للاسف في وقتنا هذا الطيبه والإخلاص والاحترام مالها مكان ,,

وحتى الشخص الي يتميز بالصفات يقولون عنه خبل ..وعلى نياته ,,

يعني الواحد لازم يكون بجيح وشرس حتى يقولون عنه مشــاء الله عليه شجاع ..

صدقتي والله الناس يبون وحوش يتعاملون معهم ملّو وهم ياكلون ضحايا

[أبو الريش]

كلامك صحيح ولاكن الدنيا تجارب اسمع ماذا تقول العجوز لابنتها اذا كان خرابك لبطنك ما فيك فائده واذا كان خرابك للناس فسوف يطلعون قلبك

والله العجز أحيانا ماودك تاخذ بكلامهن

بس احيانا حكم يجيبن دورر

[أبو الريش]

قوله توك تدري
ابعد قناع الطيبه واظهر كما انت<<بالأصح
لأن اغلب هذا الزمان لا يمتون لطيبه بصله بل (من طالع الله الله ومن داخل يعلم الله)
شف يابطل الواحد مايجرح او يأذي احد ويلزم حدود نفسه
ويحط بباله ان الي قدامه بشر مايتحمل..!!الطيبه واجبه والحبابه واجبه والتعاون واجب
لكن مو على سبيل نفسي لا إبداء بنفسك الأول بعدين شف غيرك
احذر تتنازل عن كرامتك او حقوقك واحذر تسلب الناس كرامتهم وحدودهم
ودمت


معلمه جليله مخضرمه

شكرا لنصيحتك

[أبو الريش]

فيه حكمه تقول (عيش نذل تموت مرتاح ) :)


<< بس تراني مااصدقته

يجيك يوم وتصدقين

[أبو الريش]

مين قالك أصلا صرّ طيّب


الطيبة فيذا الوقت ماتصلح ويوكل حقك وعيونك طايرة

خلك ذيب وكل مع أول الناس ولا تقلط على الفضلة لأنها (للبساس )

صدقت بس الذيب يبيله مراحل هاللحين الطيب يبدا مرحلته الابتدايه يعني تقدر تقول ثعيلب (حصني ) صغير

مشكور أمرؤ القيس

[أبو الريش]

أبو الريش

تقصد في المنتدى ولا على ارض الواقع ..؟؟
تختلف الأدوار حسب المجتمع الي انت عايش فيه مع الذئاب يجب ان تكون ذئبا
وان لم تكن ذئبا اكلتك الذئاب ..
ومع الأسود اسد ..

ومع الحملان حملآ وديعا ...

لا برى المنتدى

المنتدى هيّن مايوكل عيش انك تشيل له هم