المساعد الشخصي الرقمي

مشاهدة النسخة كاملة : يوم من الأيام أنا والوالده والمدام

ابو فارس الحمادا
27-03-09, 08:55 pm
يوم من الأيام (السالفة بالعامية)رحت انا والوالده وأم فارس إن تمشى في الأسواق والله ودخلنا مكتبة كبيره مشهورة في بريده الشاهد رحت انا ابزاويه من المكتبه وكذلك الوالده والمدام كلن بدا يشري على ذوقه من الكتب والقصص عاد الوالده تموت بالشعر المهم وانا ادور كتاب ابحث عنه لقيت كتاب عنوانه ممتاز لكن مكتوب عليه يهدى ولايباع على طول أخذت نسخة منه المهم قعدنا تقريبا حول ساعه في المكتبه يوم جيت ابحاسب عن الجماعه قاللي راعي المكتبه الكتاب هذااللي معك للبيع قلت شلون للبيع ومكتوب عليه يهدى ولايباع قال حنا والله شارينه بفلوس قلت والله غريبه انا شخصيا اعرف اللي يحاسب شاب ملتزم مره وانسان خلوق ومن عائله كبيره عندنا معروفين بالأداب والأخلاق العاليه المهم وانا وياه عاد تدخلت الوالده الله يحفظه وقالت ابكيفه تبي تشريه والا اتركه قلت ابنفسي يارجال اتركه بس وحاسبنا على الباقيات ورحنا وركبنا السياره ومشينا وبعدين (صحيت من النوم )يعني احلم لاتصدقون ويعطيكم العافيه ومشكور على مروركم (الوالده ماأذكربحياتي دخلت مكتبه لكن لعلها خير إن شاءالله
أنثى مختلفة
27-03-09, 11:28 pm
(الوالده ماأذكربحياتي دخلت مكتبه
مير من الأول ماخشت مخي سالفة امك ,,
لكن قلنا نكمل ..
الله يقطع إبليسك خيشت جو ودي أعرف وش سالفه الكتاب الذي يهدى ولايباع,,
تقبل مروري ,,
ابو فارس الحمادا
27-03-09, 11:36 pm
أخت سلطان مشكورة علىمرورك
عبود زمان
27-03-09, 11:38 pm
هههههههه
اللهم اجعله خير

مشكوووووور ابو فارس
ابو فارس الحمادا
28-03-09, 12:36 am
عبودزمان مشكور
ولـ’ـد بـريـ’ـدة
28-03-09, 02:15 am
يــلعن أووم الكــوآبــيس ..


هههههههآآآي ..


دآخــلين انـتم مــكتبه ولآ كــآفي عشآن تقـعدون سـآعه ...!!

ع العـموم مشكور ع القـصه الحلوهـ ..
عجوز سمنسي
28-03-09, 09:37 am
ابو فارس

شكلك متعشي مطازيز مع فقع على الخذاريف ياقلبي

بالاول خابر امك من مصلاها لفراشها مالها بسوالف المكتبات

اجل امك تحب الشعر ؟ لاتصير بس تتابع شاعر المليون على غفلة وحنا مادرينا

وش رايك ترشحها لمسابقة شاعر المليوم يمكن يجيك قرشين تقدر تحاسب فيهم عن الكتاب اللي يهدى ولايباع هههههههههههههه

اسعد الله طلتك علينا بالاستراحة ياسيدي

سلم لنا على الوالدة الله يحفظها
قلب الحجاز
28-03-09, 10:33 am
روحتو جرير ؟ كأني شوفتكم بالحلمـ هع هع

أقول روح كمل نومكـ وكوابيس سعيده قصدي احلام سعيده
ابو فارس الحمادا
28-03-09, 10:51 am
ولدبريده مشكورعلى الطله 00عجوز سمنسي ترا الوالده فنانه بالشعر بصدق تبي قصيده علمنا اعطيك ايميله0000قلب الحجاز شكرا على المرور
المعروف
28-03-09, 12:11 pm
اجل مكتبة...

وبه كتب...

وواحد قاعد يبيع...

وتبيه يعطيك اياه ببلاش...؟؟

وحركة الكتابة تصير من بعض الموزعين..

يكون مخصص له نسخ اهداء.. فيقون يبيعهن...
عجوز سمنسي
28-03-09, 08:08 pm
ولدبريده مشكورعلى الطله 00عجوز سمنسي ترا الوالده فنانه بالشعر بصدق تبي قصيده علمنا اعطيك ايميله0000قلب الحجاز شكرا على المرور
لا ياقلبي ما ابي ايميله

وش دعوه عاد اصالة نصري

الله يخلها لكم ياقلبي

وكرهت الشعر تراي ما احبه
عجوز سمنسي
28-03-09, 08:11 pm
ابو فارس
جاني خبر ان الوالدة صدق شاعرة

الله ياخذ اصالة نصري وشلتها وتكرم الوالدة عنهن

هاه متى القصيدة ؟
ابو فارس الحمادا
28-03-09, 08:53 pm
اجل مكتبة...

وبه كتب...

وواحد قاعد يبيع...

وتبيه يعطيك اياه ببلاش...؟؟

وحركة الكتابة تصير من بعض الموزعين..

يكون مخصص له نسخ اهداء.. فيقون يبيعهن...
شكرا على مرورك يامشرفنا الغالي
ابواذان
29-03-09, 11:16 pm
هههههههههههههههههههههههههههههه
احتريك تقول اسم المكتبه بروح اكفخهم
ابو فارس الحمادا
29-03-09, 11:41 pm
عزيزي ابوأذان مرورك عسل أجزل الله لك المثوبة الأجر
دانتيل
29-03-09, 11:49 pm
هههههههههههه حلم قريته مرتين احسبي غلطه لاكن حلو الحلم هادي <<<متليعه من الحلوم المرعبه
فوفو الحلوه
22-06-09, 06:02 am
ههههههههههههههههههههه نكته قصتك أبو فارس حلم مضحك
جد ضحكت ان شاءالله خيـــــــر>> إسأل ذوي الخبرة ان شاءالله يفيدونك
ربــي يخليك لك الوالده ويطوول بعمرها>>والله يقرعينك بمدامك ويقرعينها بك........
تقبــل مروري مع خالص تحياتي
(*§ حـــــور §*)
22-06-09, 06:42 am
ياااخسااارة
انا فرحت قلت العائلة الكريمة كلها شعراء
ويبي يشرفوني بقسم نوافذ ادبية
وكل يوم قصيدة
بس يافرحة ماااتمت
صااار حلم
لاكن ماعلي منك يابو فارس يلزمنا قصيدة من قصايد الوالدة <<<مصدقة المرة هه
ابو فارس الحمادا
22-06-09, 03:55 pm
دانتيل
فوفو الحلوه
عاشقة القصيم
شكرالمروركم الجميل
ツ • بسْـطـَويِـسـْي
22-06-09, 04:05 pm
هذي حكايات الف ليلة وليله !

شكرا لك ابو فراس ولاتحرمنا من حكايتك اقصد احلامك القادمه :d ...
ابو فارس الحمادا
22-06-09, 07:16 pm
شكراأخوي اداري تراي ابوفارس ماني ابو فراس
نجد أرضي
22-06-09, 10:52 pm
عشت معك الحلم

خير إنشاء الله