الآن...على قناة السوالف...حكايتي مع شهار..

[مجنونة المجانين]

مسا الخير...

اليوم راح أحكي لكم حكايه حلوه...
وهي حكايتي مع شهار..

كنت صبيه مثل كل الصبايا...
مو مثل الصبيه...مثل أي إنسان يملك جسد...بداخله روح وقلب يبنض فيها...
له أماني...وأحلام.....

كانت أُمنيتي إني أروح لشهار....إيه شهار
يوم ورى يوم...تكبر هالأمنيه وتزداد رغبتي في إنها تتحقق..

صرت ماكلم أحد في البيت...وإذا قاموا نمت ...وإذا نامواقمت...
ماكل ولا اشرب..

أمي فاهمه حركاتي...وتضحك علي..
أبوي قلق ووداني للمشفى....

لما رحت هناك ...قلت يابنت فرصتك تثبتين انك مجنونه...
قمت اهبل بالممرضات...امعط شوشه هذي واعظ هاذي..وأكسر الأدوات..

الدكتور برنت على ابوي ..يقول:دي بنتك مجنونه ميه لميه إنتا إزاي
مستحملها..مجنونه

قال أبوي:والحل يادكتور..؟؟

قال الدكتور:مستشفى شهار..دي الؤت حالاً

وأنا ورى الباب مبسوطه من هالحكي..صرت أضحك..

طبعا أهلي عارضوا...وقالوا مستحيل عارفين انك تمثلين..
قمت اكسر اللي بالبيت وأرمي بالمزهريات>>>اقلد المسلسلات المصريه

لما عجزوا يتحملوني أكثر...

بدت الرحله لمشفى شهار...وأنا مبسوطه عالأخر

لما وصلنا للطايف...واو وأنا فاجه كشرتي أضحك...
يبااااااا يباااا..وأخيراُ تحقق حلمي..

أبوي ..يسمي علي :بسم الله عليك..

أناظره وأضحك باستهتار:ماراح تفهم جنوني...

وصلنا للمستشفى..

ودخلت أنا و أبوي عند الباب الرئيسي..مع شنطتي..وعفشي..

أمشي بالسيب الطويل...وأشوف الجدران البيضا ..ملسا...تفتح النفس..

والشبابيك....تطل على مناظر خلابه من جبال الطايف...تحكي حياه ثانيه ..
يعيشها الناس اللي مادخلوا المشفى...

وقع أقدامي أنا وأبوي..سوى مقطوعه موسيقيه مع الصدى الموجود..هناك..طق طوق طق طوق

نغمه ولا أحلى..

بنهايه السيب...فيه باب مكتوب عليه غرفه المدير..

قال أبوي أجلسي بالكرسي لما أدخل وأكلم المدير...

جلست...والسكون مغطي المكان..غير الساعه اللي بالجدار...صرت اقلدها..
تيك ...توك...تيك ...توك..

ياربيه تأخر أبوي...

وفجأه قطع سكوني...صوت جرس..
أثاريها الفسحه...

وطلعوا المجانين من غرفهم.....يا ربي ماكنت متوقعه انهم بها لشكل..
أبوس يابختي الأقشر...وش موديني هنا..
قلعتي...أستاهل أصدق هالأفلام...

وجو عندي تجمعوا ...وأنا أصرخ ::أنقلعوا..

اللي يسحب شنطتي..واللي يطلع ملابسي..

هيه انقلعوا...والله لأ لفعكم ..طسوووووو

أشوى طلع أبوي وأنقذني من الموقف...

قال:مجنونه أنا فهمت المدير كل شي ..أنا الحين ماشي...تامرين على شي..

أناظر ابوي بكل جوارحي..والعبرة تخنقني...يبا أنا عقلت خذني معك..
حبني مع راسي...وأنا تعلقت فيه ..
يبا الله يخليك خذني...يبا الله يخليك....وأنا أشاهق...

طاحت دمعه من أبوي..لأول مرة بحياتي أحس بحرارة دمعته..لما طاحت على يدي..
وكمان أشوف أبوي وهو يبكي..

تركني...قال مجنونه مع السلامه..

طحت عالأرض...وأنا أصيح...

حسيت بشي غريب من حولي...لما رفعت راسي..

لقيتهم مجتمعين علي..قامت وحده منهم وحضنتني..كملت نياحي عليها..وهي تحاول تهديني..

صفرت مرة ثانيه معلنه أنه الفسحه انتهت..

انهبلت لما شفتهم كلهم صافين طابور..
قمت أنا والبنت..وأنا أهمس لها وأقول:وش السالفه..

تقول: المدير جا..

فعلا المدير جا..بكل شموخ ومعه ممرضه..يوكوزونا لما شفتها..

مسكتني مع كتفي ..وقالت :أنتي المقنونه القديده

طلعت سنوني:أيه عاوزة ايه

قالت:أمشي معي أنا راح أوديك لقناحك..

قلت:طيب..بس لو تضفين وجهس

ناظرني المدير..:يابنت اعقلي..!!

أنا:طيب ياحضرة المدير..

ودعت البنت الطيبه..بحركه طفيفه من يدي..وهي تبتسم..

مشيت مع الممرضه لم غرفه تحتوي على أربعه أسره..والخامس سريري..

قالت:يابت اسمعي الكلام كويس وده سريرك...

أنا:طيب متشكره أوي عاوزه حاقه تانيه...

هي:سيبي البنات ماتسمعيش كلامهم ولا ماراح يحصل لك طيب

أنا : أوكيه

رتبت أغراضي..وانسدحت..

وأنا أغني بيني وبين نفسي..

طار الحمام وقع الحمام...حبيبتي مجنونه تبي تنام..لارا لارا

هااهاا..

واسمع ركض...وضحك..ودب والباب مصبوخ بالجدار..

ولا البنات اللي معي بالغرفه دخلوا..اللي ضرب هذي واللي تضحك مع ذي..

فجأه..سكتوا...لما شافوني..وصارت كل وحده تهمس للثانيه

أنا عرفت وحده منهم..اللي هدتني لما ودعني أبوي..قمت من السرير..وصافحتها وقلت:شوكرن

قالت:عفواُ

أنا:معك مجنونه..وأنتي أسمك أيش؟؟

قالت: ام شوشه..واعرفك عالباقي..هذي اللي جالسه جنب الجدار أم الخلاقين...واللي عند الباب
الدجاجه..وهذيك اللي بجنب سريري الفاره..

أن رديت عليهم:بالخير يابنات تشرفت بمعرفتكم..

يما ياويل قلبي..اصبروا اسمع تفحيط بالشارع بشوف وش السالفه وارجع اكمل حكايتي..
باي...

[ALI 9]

السلام عليكم ورحمة الله بركاته

:D :D :D ما قلت لك اسم على مسمى ولا تزعلين

صراحة بغت تخنقني العبرة يوم ابوك يودعك

بس قلعتس وشوله الهبال :p بس تدرين انتي سويتي شيء مهب بسيط :o

حققتي حلمك ودخلتي المستشفى

والله انجاز احلىىىىىىىى

عاد تبين قصت هجتي من شهااااار والا لا تبي وقت بس ان شاء الله اكتبه لانه طويلة مثل السيب الي مريته معه

تحياتي
المطنون

[الكيميائي]

:D :D :D :D :D :D










الجنون فنون:rolleyes: :rolleyes: :rolleyes:





انا بغيت انجن من كثر الحكي :D

[مجنونة المجانين]

هلا بك المطنون......

اسم على مسمى....حفظتها اذبحك اذا كررتها...

اجل تقول انك هربت عرفت مين انت ....انت شكلي بحطك معي..

انتظرني...

[مجنونة المجانين]

:D :D :D

ياهلا محمد...لساتك باول الطريق

كمل حكايتي...لانك موجود فيها ...

لاتقول:o :( ماتذكر...

لما تكمل راح تتذكر...

[مجنونة المجانين]

تكمله القصه..


يما يما...أقولكم يوم سمعت التفحيط وأنا أركض للشباك علشان اشوف وش السالفه
سمعت صبخه قويه..

يوم وقت واشوف شبحين قصيميات>>ددسن:):):)

متصادمات...الحمدالله مافيه خسائر أرواح..بس خساره سياره وحده مهروسه..

وبعد عشر دقايق بس...اثاري كل سياره تمر توقف...صدز قصمان:):):)

ماعلينا أكملكم حكايتي...

انبسطت مع البنات أول يوم...ولما جا وقت النوم ناموا كلهم...

وأنا عجزت أنام...لأنه فيه صوت كلب ينابح...برى...خفت منه

وكمان ماجاني نوم...لأنها أول ليله لي بشهار..

لما طليت من الشبك علشان اشوف وش قصه الكلب...صار ينابح بقوة يحسبني حرامي..

قلت يابنت وش سويتي...رحت تسللت من جناحي...وأدور مطبخ المستشفى..

نزلت مع الدرج لانه مابي اركب الاصنصير علشان الصوت....

وكل شوي وانا صادمه بشي...

واخيرا حصلته..لقيت واحد نايم عند كراسي البوفيه...شكله طباخ..

وانا بشويش امشي على اطراف اصابعي...وشبشبي بيدي..>>مع شويه موسيقى النمر الوردي
ترن...ترن...ترن ترن تراااااااااه...تراراراه..

الحمدالله وصلت لم الثلاجه بسلام..فتحت الفريزر..

ادور لحمه...مالقيت الا لحم همبرجر...اخذته..

وانا راجعه برضوة مريت من مرحله الخطر الطباخ موجود...غصب علي طخيت الكرسي قدامي
وطحت..

هو انتبه...

انا تغبيت تحت الطاوله...قام وجاب سكينه من المطبخ...وفتح اللمبات..

قلت يابنت رحتي فيها..

الطباخ:لعمى منو هون..؟؟
اطلع هللأ ...صدئني ماراح تفلت مني..

أنا بشويش ...طلعت من تحت الطاوله...رافعه يديني..كأننا بفيلم امريكي..
قلت:الله يخليك لاتقتلني..

قال:منو انتي..؟؟؟وشو عم بتساوي هللأ..؟؟

قلت: أنا مجنونه وحكيت له حكايتي...وليش انا جايه المطبخ..

قال:تعالي راح اخليك تعطي الكلب اللحمه...

قلت يالله..
صعدنا الدرج...علشان نروح للسطح...وشافنا فوق المستشفى..
يحسبنا حراميه..

رميت له باللحمه...وسكت واشر بذيله...وقررت اسميه (ريكي)

بعدها ودعت الطباخ ورجعت انام...

الساعه الخامسه فجراً..

صحيت من النوم....وغسلت وجهي...ومشطت شعري...
لقيت ام شوشه صاحيه...قلت :تعالي امشط شعرك...وخلينا ننزل علشان تعرفيني
عالأقسام...ونروح بعدها نفطر...

وافقت ام شوشه...وعرفتني عالمستشفى...

ومرينا من مجموعه عيال...مجانين طبعا...

يرمون علينا شباشبهم..

قلت منهم ذولا يام شوشه...

وهم يقولون :أهلين بالمجنونه الجديده..

قالت ام شوشه: هذا اللي شبشب بيده لحاس النعال...واللي بجنبهه اللي ايقاله مرتب أبو البنات..
وهذاك اللي رافع خشمه الوزير>>تراه مو وزيركم توهقوني بعدين هذا وزير بشهار:):)

وهذاك اللي فاج كشرته...الأعرج..

أنا: قعدت اضحك على اشكالهم...

المهم..رحنا للبوفيه علشان نفطر..

اثاري كل عيونهم علي...ركبت ام شوشه على الطاوله...وقالت اعزائي المجانين اعرفكم على المجنونه
الجديده...مجنونه المجانين

وااااااو كلهم صفقوا بحماس...مرحبا فيك..

وانا مبسوطه عالأخر..مادري وشلون اعبر لهم عن فرحتي..

جلسنا على طاوله قريبه من البوفيه...جا الطباخ السوري...قال :اهلين مجنونه

قالت ام شوشه: وشلون عرفك..؟

قلت لها: لما أروح للغرفه احكي لك..

بعدها رحنا لمقاعد الدراسه..

اول حصه جانا مدرس الكيميا...مصري راعي فلسفه..

ايوة يابناتي...والدراسه هي ساس النقاح...ومن هالكلام.
لما صار كل واحد يصبخ راسه بالثاني...جانا النوم...

مر اسبوع على هالحال ...وانا طفشانه..

اقترحت علي ام الخلاقين...اننا نروح للسكرتير...علشان ناقشه بالنسبه
للترفيه لنا...

لما رحنا لمكتب السكرتير...ماحصلنا احد..

كان عنده كمبيوتر...واو انا مشتاقه للنت اسبوع لحاله عنه..
حرام..

قلت يابنت وش رايك تشوفين..إذا السكرتير عنده نت او لا..

قلت لام الخلاقين: ترى بشوف الكمبيوتر حق السكرتير..

جلست عالمكتب....وفتحت النت...

انتظر تسجيل الدخول للشبكه..

اشوى نزل التلفزيونين تحت...

انفتحت صفحه البدايه..

يا ألهي وش اللي اشوفه..

حياكم الله في بريده..

دخلت مكتوب






إجابات الشاعر ابو علي ال دخيل ، المهرجان الصيفي لمنتديات بريدة...((استفادة ..و وناسه ))





البيج ( عدد الاعضاء مستخدمين هذا الشكل 2561)الازرق ( عدد الاعضاء مستخدمين هذا الشكل 663)

منتدى بريدة
اهلاً وسهلاً بعودتك يا لشقردي

عدد الأعضاء » 3224
مجموع المواضيع » 16429 | مجموع المشاركات » 78922
آخر المشاركات المطروحة
شاهد المشاركات الجديدة
مرحبا بالعضو الجديد >>A
الساعة الآن » 04:01 AM.
آخر زيارة لك كانت في » 08-21-2002 08:14 PM
اكثر المشاركين فعالية

المنتدى المشاركات المواضيع آخر مشاركة بإشراف
المنتديات العامة


المنتدى الاسلامي و السياسي
11271 3438 08-22-2002 03:56 AM
بواسطة : فهــد الحــربي
--المراقبين-- --------------------- المحايد , الفاهم
المنـتـــدى العـــام
مناقشة المواضيع العامة الغير مصنفة في المنتديات الاخرى 15045 3131 08-22-2002 04:00 AM
بواسطة : مجنونة المجانين
--المراقبين-- --------------------- الشقردي , عبدالله30
منتدى بريدة الخاص
كل مايهم مدينة بريدة 4703 552 08-22-2002 03:40 AM
بواسطة : النون
--المراقبين-- --------------------- الوزير , ابوتركي
منتدى الاعلام الاسلامي
صوتيات ومرئيات واناشيد واراجيز اسلامية متنوعة 1870 327 08-22-2002 03:21 AM
بواسطة : الذهبي
--المراقبين-- --------------------- المفكر , الـبـرعـي
منتدى الرعاية الأسرية
منتدى خاص باستقبال المشكلات والاستشارات الاجتماعية يشرف عليه أحد المتخصصين ويشاركه مجموعة من طلبة العلم 3322 687 08-22-2002 03:26 AM
بواسطة : الذهبي
--المراقبين-- --------------------- ليون , ام المقداد , المتوكل
منتدى الادب والشعر و القصة
ابدعاتكم الادبية والشعرية ،القصة ..شاركونا 11336 2030 08-22-2002 03:47 AM
بواسطة : ~ ر و ز ~
--المراقبين-- --------------------- معاهدات , راعي العنود , وردة الشرقية
منتدى الرياضة والرياضيين
كل ما يهم الرائد والتعاون والاندية القصيمية والسعودية 5746 1177 08-22-2002 03:05 AM
بواسطة : الكاشف
--المراقبين-- --------------------- الموهوب , ابراهيم الخالدي
منتدىالسوالف والطرائف والالغاز
تفضــل و خذ راحتـــك 10272 1641 08-22-2002 01:43 AM
بواسطة : التعبان
--المراقبين-- --------------------- مسافره بلا زاد , الطيف , قم بس قم
منتدى اللغة الانجليزية
اذا كنت تريد تعلم لغة العصر تفضل هنا 706 160 08-22-2002 03:13 AM
بواسطة : الشقيراني
--المراقبين-- --------------------- 3bdullah , الكيميائي
منتدى التهاني والترحيب والتعارف
منتدى خاص للتهاني بين الاعضاء والترحيب بالاعضاء الجدد وكذلك التعارف فيما بين الاعضـــاء الكرام 194 27 08-22-2002 03:30 AM
بواسطة : الشقيراني
--المراقبين-- --------------------- الذهبي , البكيراوي
المنتديات التقنية


منتدى الكمبيوتر والانترنت
كل ما يهم الكمبيوتر من برامج ،مشاكل ،مواقع 4981 1230 08-22-2002 03:29 AM
بواسطة : شرارة
--المراقبين-- --------------------- الخيّــــــال , خالد®
منتدى الجرافيكس
الابداع في برامج الجرافيكس 3523 571 08-21-2002 02:16 AM
بواسطة : نورالشمس
--المراقبين-- --------------------- Dr.Graphics
منتدى الاقتراحات والتجارب
2195 444 08-22-2002 03:49 AM
بواسطة : ابومــاجـــد
--المراقبين-- --------------------- المفكر
منتدى المواضيع المميزة
جميع المواضيع المتميزة السابقة تجدها هنا 617 28 07-20-2002 09:27 PM
بواسطة : باسم الباسم
--المراقبين-- ---------------------
المتواجدون الآن بالمنتدى ( 19) شخص

يتواجد الآن (13) عضو (6) زائر | أكثر عدد تواجد في لحظة واحدة (86) في 06-14-2002 عند الساعة 04:21 PM.
المطنون, راعي العنود ، الكيميائي ، تقهو، الكوماندو،3bdullah،قم بس قم، البكيراوي،
ابو تركي، عصي الدمع،روز، ام المقداد.محمد المويعزي، دمعه اسف، مني حبي، طير الوسيطي
السعودي،مسافره بلا زاد

الرسائل الخاصة

الشقردي » لديك (0) رسالة جديدة منذ آخر زيارة.
(0) رسالة غير مقروءة
(30) مجموع الرسائل في جميع المجلدات



جميع الأوقات بتوقيت » مدينة بريدة | الوقت الآن » 04:01 AM خروج | إجعل جميع المنتديات مقروءة


مشاركات جديدة لا يوجد مشاركات جديدة منتدى مغلق


< إتصل بنا - موقع بريدة >
تطوير وتعريب: ابومنار | تصميم: شبكة بريدة

معقوله...السكرتير يدخل منتديات...

تنبهت ورقه عالطاوله..مكتوب فيها..

مدير شهار>>قم بس قم
مدرس الكيميا>>الكيميائي
الطباخ>>تقهو
العسكري>>الكوماندو
الممرضه>>مسافره بلا زاد
المطنون..

طع الباب مصبوخ...انا تفاجئت..

ماكملت بقيه الأسماء

دخل السكرتير اللي هو الشقردي..

انخبص قلبي...وهو معصب...وش تسوين هنا..

انا ارتبكت وسحبت الفيش برجلي تحت المكتب..

قلت : سلامتك بس بجرب مكتبك..

تعبت راح اكمل عليكم وش رد الشقردي علي بعدين...الله معكم..

[الكوماندو]

واللهي احداث متسارعه لدرجة اني كاتم انفاسي احتري الكماله





أنا:معك مجنونه..وأنتي أسمك أيش؟؟

قالت: ام شوشه..واعرفك عالباقي..هذي اللي جالسه جنب الجدار أم الخلاقين...واللي عند الباب
الدجاجه..وهذيك اللي بجنب سريري الفاره..

أن رديت عليهم:بالخير يابنات تشرفت بمعرفتكم..



:cool: :cool: :cool:

[مجنونة المجانين]

واو الكوماندو توقيعك حلو:D :D

انشا الله راح اكملها...

بالنسبه ..أنا

فهذا ضمير حاضر عائد علي انا...انشا الله تكون فهمت..:)

اذا تعرف النحو وقواعد اللغه العربيه راح تعرف الضمائر..:rolleyes:

اسمي مجنونة...

[3bdullah]

:::





مجنووونة::: انتي كتبتي دا كوله اززززززززززززاي



دنا احوليت



انتي غاويه قنان:::




الله يرجك دخت وانا اقرا :::


بس تحفة الموضوع وبانتظار حلقات قادمه<------شكله مسلسل ببرمضان بيعرض:D :p :7:




:


شكرا للجنون

[ماجد الأول]

http://bestanimations.com/Signs&Shapes/Smileys/Smiley-09.gif

http://www.uniquehardware.co.uk/server-smilies/otn/realhappy/jump.gif

[مجنونة المجانين]

اسمعوني ياجماعه..


اليوم عندنا عزومه كبييييييييره مررررررررة ...الله يعيني لما يروحون المعازيم....راح اكمل القصه..

عبدالله ...طلعت مصري....هههههههههههه


ماجدالاول...دوم هالضحكه...

[المرجوجه]

قصه تهوووووووووس تجنــــــــن تجنـــــــن يامجنونه




والله لو بحلف انتس منطلتسه(مطرطعه):p يقاله ترجمته


يالله بس اخلصي قولي الزبده :D :D

[الداحوس العمى]

السلام عليكم:1:

مجنونه المجانين ابصم بالعشره انك ولا قلقله:D ولا احد يعلم علي روحه:4:

وبعدين انا على احر من الجمر {سيخ محمي}:4: ودي اعرف منهن

ام شوشه:confused:

ام الخلاقين:confused:

الدجاجه:confused:

الفاره:confused:

اكيد ساحبتهم لمنتدانا مادام عندكم نت في شهار :D

بس نبي نستفيد

خذ الحكمة من افواه المجانين:D :

[مسافره بلا زاد]

اهلين وسهلين ...



اووووووووه الدعوه مجتمعه هنا لتصوير فلم مجنونه ...:D


اقول والله فلم ولا احلى يلا كملي شوقتينا ما احب التقطيع :D


اقول وانا اختس خلي المطنون ممرض معي والله لا نوريكم نجوم الليل بعز الظهر ..نيهههههههههاااااااااااااااااي ..



تسلمين على هيك ابداع ...


تحياتي يا حياتي ....:1:

[مجنونة المجانين]

عدناااااااااااااا

في شرورة...

كان الكوماندو جالس مع زملائه يسولف..

جاء العسكري..وقال القائد طالبك..

الكوماندو..ودع اصدقائه..وراح لمكتب القائد..
======================

وفي مكتب القائد..

السلام عليكم ياحضرة القائد..طلبتني خير ان شا الله..
القائد:الكوماندووصل قرار يطالبك باخذ دورة تدريبيه بالطايف....

الكوماندو:مشكورعلى هالخبر المفرح حضرة القائد..

القائد:لكن تدري وين..

الكوماندو:لا..وين؟

القائد:بمستشفى شهار بالطايف..

الكوماندو:حضرة القائد انا ارفض..

القائد:اذن راح نختار واحد غيرك..لكن تذكر ماراح تاخذ علاوات..

الكوماندو:لا خلاص حضرة القائد..موافق

واخذ ورقه القرار ورجع لأصدقائه..

هاه بشر وش صار عليك..

الكوماندو: نقلوني للطايف..

الاصدقاء: مشا الله عليك صرت اقرب للبريده..مالت على حظوظنا.

الكوماندو:تدرون وين...بشهار اقعد هنا ارحم لي..

الاصدقاء هوم يضحكون ...هههههههههههه...بشهار..لاتنسى تسلم على المجانين هناك..

الكوماندو...ادعوا بس ربي يصبرني..
================

عدنا..

لما شافني الشقردي على مكتبه....صفعني..

ام الخلاقين انهبلت وتركتني..

ناظرته بنظرات استغراب...وصدمه..

وطلعت من المكتب وانا اصيح...اركض وصدمت ببنت...قالت : وش فيك..

ودموعي ترد عليها...اربع خمس..

قالت:تعالي معي لغرفتي..

وفي هذه الاثناء...

ترن ترن...رفع الشقردي التلفون..

كانت مكالمه من القائد العسكري بشرورة..

القائد:السلام عليكم..

الشقردي:وعليكم السلام ورحمه الله وبركاته..

القائد:معك القائد العسكري بشرورة اقدر اكلم المدير العام..

الشقردي:والله المدير العام ماخذ اجازة..والمدير النائب لسى ماحضر..
اقدر ابلغهم اي شي..

القائد:الله يعافيك خبرهم بانه ارسلت لهم واحد من خيرة العساكره عندي
علشان المستشفى...وياريت تفتح الفاكس علشان ارسل قرار النقل..

الشقردي:تامر امر....
=======================

وانا مع البنت ودتني لغرفتها لقيت معها ثلاث بنات..وحده تويق بالشباك ووحده تكتب مادري وش تكتب
والثالثه تقرى...

جلستني على سريرها..وقالت انا اسمي (منى حبي)

واللي عند الشباك المرجوجه...واللي تكتب ريشه...واللي تقرى هناك بالزاويه وردة الشرقيه..

البنات يناظرون مستغربات..

وردة الشرقيه: منى حبي من هذي اللي معك..

منى حبي: وحده لقيتها تصيح..جبتها هنا بعرف السالفه منها..

المرجوجه:مسكينه ياحرام...بس تصدقون شكلها ام دميعه...

أنا:ضحكت ...وبعدين شوي شوي رجعت اصيح..

ريشه:ليش من مزعلس احوسه حوس..خلاص اسكتي احنا صديقاتك الجدد ياريت تقبلي فينا واذا صحتي فهذا
دليل على اننا ماعجبناك..

أنا:اهي اهي..لا وش دعوه بالعكس..

المرجوجه :يالله عاد دموعك هذي امسحيها..وتعالي يابنت الا وش اسمك..

انا:مجنونه

منى حبي:عاشت الاسامي..بس قولي لنا وش السالفه..

خبرتهم بالسالفه من طق طق للسلام..

فتحوا عيونهم...وقالوا..تدرين ان كلنا مشتركين بمنتدى بريده..

ريشه:اثاري تقهو سوري ويهك علينا انا بريداوي..

المرجوجه:ولا الكيميائي بعد طلع مصري...

منى حبي والحل...لازم نلاقي حل..بصراحه يابنات انا اشتقت للنت وابي الاقيه باي وسيله..

وردة الشرقيه: منى حبي عندي الحل..بس عندنا مشكله فيه..

[مجنونة المجانين]

كلنا بشهقه وحده:خبرينا الحل ياوردة..

تقول:نروح للاستاذ الكيميائي..اللي هو طبعا بمنتدى بريده ماراح نقوله شي عن اللي نبغى نسويه..
بس راح نسأله عن طريقه توصلنا للنت بسيطه وسهله..

حنا:يالله توكلنا على الله..تلاقونه الحين مع بيكربونات الصوديم وكبريتات البوتاسيم..بالمعمل..

هههههههههههههههههه..يالله نروح..

نمشي كل وحده تدف الثانيه...طق طق طق السلام عليكم استاذ كيميائي ممكن ندخل..

الكيميائي:تفزلوا يابناتي عاوزين حاقه...

ريشه: ايوة ياستاذ..نبغى نعرف فيه كمبيوترات خفيفه اوشي من هالقبيل..

الكيميائي:ايوة ده في عندك النت بوك يعني باللغه الانجيزيه اللاب توب..
ده خفيف ومريح كمان...

مرجوجه:كم يكلف يا استاذ..

الكيميائي:يابتي ده سعره غالي شويه ..

منى حبي:كم تقريبا..؟؟

الكيميائي:اقل شي بخمسة الاف ريال..

كلنا بشهقه وحده..وااااااااااااااااااااو بخمسة الاف ريال..

نظرنا بعض وهزينا روسنا وطلعنا من المختبر..ورجعنا للغرفه البنات..

وهناك شفت العيال المجانين..عوووو اللي يفحط من بيننا واللي يضحك..فعلا مجانين..

قالوا:بنات بنات هوهو.

احنا ناظر بعض طيب وش فيها..

جاواحد دف صديقه..قال انا ماجد الاول...والباقين ماجو..

احنا:ههههههههههههههههههههههههههههاي..

جا ثاني صديقه...يمشي بشويش معاكم انا عصي الدمع..

وفيه ثنين هجموا ماسكين يدين بعض...وش السالفه وش عندكم مع البنات..

قال ماجد الاول: ابد نعرفهم على اسمائنا..

قالوا الاثنين..واحنا بعد نبي نعرفكم...

واحد قال:انا المطنون...وصديقي القصيمي..

ردينا عليهم:تشرفنا بمعرفتكم..

وبالطريق اقترحوا علي البنات اني انضم لغرفتهم..

انا وافقت ::بس قلت لهم وشلون..

قالت منى حبي :روحي للمدير..

أنا:انشا الله بس خلونا نحل المشكله...اللي احنا فيها..
المرجوجه:تعرفون العيال اللي تو عرفونا على انفسهم..

احنا:لا...منهم..

المرجوجه:تراهم كلهم مشتركين بمنتدى بريده..

احنا:ياللهوووووووول ..وش جابهم..

ريشه:ماعلينا منهم الحين ...مشكلتنا من وين راح نجيب فلوس علشان اللاب توب
ومن اللي راح يجيبه لنا..

وردة الشرقيه:الفلوس لاتاخذون همها معي انا ..ونجمع من المجانين وكمان كل وحده تعطي من اللي عندها..

منى حبي: فكره حلوة..

يالله عالبوفيه..

رحنا هناك..وجانا تقهو..

اهلين صبايا كيفكن شو عاملين...

احنا:كككككككككككك هههههههههههههههه

بخير نحمد الله ...وانتا كيفك..

تقهو:احمد الله..

المرجوجه تتز ريشه:تقهو اللي معنى يطلع سوري ....هههههههههه

تقهو:بدكن شي..

انا:بدنا كابشتينو..اذا عندك..

تقهو:شو كابشتينو..

انا:ايه اللي فوقه صابون..

تقهو:اها انتي بتئصدي الكابشينو..تامري امر على راسي انسه..

اتز وردة الشرقيهه اقول شوفي كلام السوريين..

والبنات كله ضحك..

منى حبي:ليش السعوديين ياخذون سوريات والاغلبيه شيبان اللي ياخذون سوريات..

المرجوجه:لانهن كلاكات رجالهم بس السورين هم اللي عارفينهم يعني تقول الوحده حبيبي تئبرني
واابرك ...رجالهم عارفين ان هذا من قلوبهن من طرف لسانهم بس..

ريشه:وازيدكم من الشعر بيت علشان كذا رجالهم غلاظ معهم..

تقهو سمع حكينا..وقال كلامكن صحيح..

لكن تسدؤا بالله احنا الرجال السوريين تعجبنا المره الخليجيه....ادب وعفه وحيا...
وكمان دين..

وردة الشرقيه:صحيح احنا الخليجيات كذا...بس لاتنسون اننا مانقول الكلام الحلو الا اذا كان صدق نابع من دواخلنا..

انا:اكيد لاننا مستحيل ننطق بكلمه حلوة ماتكون مجرد كلمه عابره وبس ..
هي رده فعل لا اكثر ولا اقل..ولاتنسون ان اعجاب السوريين بنا يحسبوننا برميل نفط متنقل..

تقهو:يحرق حريشكن نسيت الميه السخنه..

احنا::الله معك ولاتطول..
المرجوجه:بنات يالله نطلب من اللي هنا اذا يقدرون يساعدونا بجمع الفلوس..

ريشه: يالله ورقت فوق الطاوله..وقالت ممكن تسمعوني..

كلهم التفوا حواليها..

قالت:الله يخليكم احنا بحاجه فلوس...واعتبروها دين علينا نسددها لكم..

كلهم ماقصروا..

منى حبي..راحت وجابت كيسه علشان نحط فيها الفلوس...

عصي الدمع قال انا اول المتبرعين...

المطنون قال راح اعطيكم اللي عندي بس بشرط..

احنا:وشو..

المطنون:اعرف وش تسوون فيها..
ناظرنا بعض نظرات رضى وقلنا موافقين..

وتوالت الفلوس علينا..بعدها رجعنا للغرفه وحسبناهم..

وردة الشرقيه:اللي معنا الحين 4000وباقي الف...

انا:اذكر ان معي 300 راح نضيفهم ويصير المجموع 4300

المرجوجه:وانا عندي 250..لمانضيفهم للمبلغ يصيروا 4550..

واحنا ساهين بالفلوس طق الباب..

فتحناه..

طلع ماجد الاول والقصيمي:قالوا بالخير يابنات..

احنا: بالخيرات..

قال ماجد :انا مالقيت معي الا 350..

قالت منى حبي:حلو يصير المبلغ 4900...لكن الميه الباقيه من وين نجيبها..

القصيمي:طبعا ومين ينقذكم غير القصيمي معي ميه وخمسين انتم ماتحتاجون الا ميه خذوها والخمسين يمكن
نحتاجها بوقت ثاني..

كلنا بحماس...مشكورين ويعطيكم العافيه..لولا الله ثم انتم ماندري وش نسوي..

طلعوا العيال...واحنا واو ماندري من الفرحه وش نسوي..

ريشه: طيب يامجنونه وش صار عليس تجين عندنا..

منى حبي: ايه يامجنونه يالله نروح نستأذن من المدير العام..

رحنا ..طبعا لازم نمر من السكرتير..

طقينا البا ب..السلام عليكم...

رد الشقردي:وعليكم السلام..

ويناظر...واحنا ناظرة..

قلت: لو سمحت نبي المدير العام..

الشقردي:ليش تبغين كمبيوترة..

قلت:لا نبيه بشغله..
الشقردي: قم بس قم في اجازة....ومافيه الا المدير النائب ابو تركي..

منى حبي:طيب وين نحصله..

الشقردي: المكتب اللي على اليسار..

احنا :مشكور ..

ورحنا لمكتب ابو تركي خفنا يصير عصبي هو الثاني..

طقينا الباب:السلام عليكم...ممكن ندخل...

ابوتركي:حياكم الله تفضلوا..

منى حبي:لو سمحت يابو تركي ممكن تخلي مجنونه معنا بالغرفه..

ابو تركي:ليش مجنونه تبين تروحين عندهم..

انا:الله يخليك ايه..

ابوتركي:ليش احد ضايقك..

انا:لا بس ارتحت لمنى حبي وصديقاتها اكثر..

ابو تركي:خلاص لك اللي تبينه..

ضغط على الزر ونادى الممرضه...

الممرضه:عاوز حاقه ياحضرة نائب المدير..

ابو تركي:راح انقل مجنونه لجناح 10..ساعديها بنقل اغراضها..

انا:مشكور ابوتركي..ماراح انسى جميلك..

طلعنا انا ومنى حبي ..مع الممرضه ورحنا لجناحي الاول..

شفت ام شوشه وسلمت عليها...قالت: وينك يامجنونه طول اليوم مانشوفك..

انا:لا بس كنت مشغوله اعذرني راح اودعك واخبرك بحكايتي لما يجي وقتها...كلشي بوقته
حلو ياحلوة...

ام شوشه:الله معك ..

شلت نصف اغراضي وساعدتني منى حبي ...

ولما جيت عند البنات بالغرفه...كلهم ياهلا والله وغلا هذي الساعه المباركه..

شكرتهم قلت :من طيب اصلكم والله جيت..

وحنا في هذه الاثناء..طق قوي عالباب.

طخ طخ طخ.....فتحنا الباب..

طلع المطنون:قال اسمعوا اخر الاخبار بيجي عسكري جديد علشان تأديبنا..

المرجوجه:يمه الله يعيننا..

ريشه:الله يستر منه بس..وينه الحين..

المطنون:توني اشوفه داخل مع الباب..

قالت المرجوجه:وش رايكم بنات نسوي فيه مقلب..

انا:فكره حلوة بس عندس حبل نطيحه مثلا..

ريشه:مانتب صاحيات....لو مسكم وعجنكم..

انا والمرجوجه:ايقالنا مجانين ماراح يشره علينا..

طلع المطنون معنا...يوم شفناه بالسيب..

فتحنا عيونا..وش هذا ..

لابس لبس عسكري..والمسدس معه..

المرجوجه:اقول خلينا نرجع لارضنا احسن الحين اقل شي يبي يسويه فينا هو المسدس اللي معه على روسنا..

انا:ايوالله..اسحبي عفشس..

وماتشوفون الا غبارنا..

رجعنا للغرفه...واحنا اوف تعبانين من الركض..

منى حبي:وش السالفه..

المرجوجه:جا العسكري الجديد...

انا:هه امحق ايقالنا بنعكرف له خفنا منه وهجينا..

وردة الشرقيه:ههههههههههههههه

ريشه:ماعلينا منه..بس اليوم يابنات لازم نشتري اللاب توب...

انا:صحيح..

دخل المطنون قال:طلع اسمه الكوماندو...وجاي من شرورة..بس تعالن انتن
وش سالفتكن..

قالت منىحبي:احنا راح نشتري لاب توب بالفلوس اللي جمعناهم ..علشان كذا نبي طريقه نطلع فيها
من الستشفى..

المطنون:خلوا هذي علي...

راح المطنون لغرفه العيال..اهلن شباب...نبي نساعد البنات..

قال القصيمي:ليش وش فيهن..

المطنون خبرهم السالفه....

قال عصي الدمع:مافيه الا خطه التمويه وخصوصا انه في عسكري جايبنه ووشلون يطلعون..

ماجد الاول:لاتشيلون هم التمويه هذي علينا.

القصيمي:قال وانا بروح مع البنات اجسرهن..

المطنون:معصي انا اللي بروح معهم..

ماجد الاول:لا انت ولا هو انا..

ودب خناق تماعطوا الشوش...انواع التكفيخ..

جا عصي الدمع:قال الذكي منكم راح يصرف الكوماندو معي..

ماجد الاول:انا ..

المطنون :وش رايك يالقصيمي نروح كلنا سوى مع البنات >>>>>محرم لهن؛)..

القصيمي موافق..

انتظروا...كيف هربنا من شهار...وردة فعل المستشفى من حركتنا..وكيف شرينا اللاب توب
في الحلقه القادمه..

وعلى فكرة من سبق لبق وماراح انسى البقيه دوركم جاي..

[المرجوجه]

ههههههههههههههههههههههههههههاااااااااي


اجل ابخطرررف للعسكرررري يالمجنونه والله اني منب سهله :p

[فريـــد]

مجنونــــــــة ..

المرجوجه تتز ريشه:تقهو اللي معنى يطلع سوري ....هههههههههه

بس ابشركم : أخذت جنسية سعودية :D :D ( عشان سعودة الوظايف - فقط ) :D

------
القصة إبداع يامجنونة .. وأعتقد انك ستكتبين كامل اعضاء المنتدى على أنهم زملائك في شهار ..


الحمدلله إني طباخ :D :D

طبـــــــــاخ .. ولا مهبــــــــــــــول ..! :D ;)

--------
من جديد : شكرا يامجنونة : القصة ممتعة وشاملة ..

قصة الكشتة لاعضاء المنتدى .. اضغطي هنا (http://forum.buraydh.com/showthread.php?s=&threadid=7198&highlight=%C7%E1%DF%D4%CA%C9)

.. انا قلت اننا كاشتين .. مهب في شهار :D

والسلام عليكم

[مسافره بلا زاد]

الله يرج عدوتس يا مجنونه على ها الفلم ...يلا كملي شوقتينا وحمستينا ...:D


بس ما اوصيتس على دوري مابي كومبارس خخخخخخخخخخخخ



طحياطي يا حياطي :D

[الداحوس العمى]

السلام عليكم :1:

سرد رائع ومترابط;)

تعتقدون لو اروح لشهار مااعرف الاحداث اسرع:D

<<<<<<يلف قبل الشارع:2:

[فريـــد]

إلا قبل أنسى ..




وين حســــاب الكابتشيـــــــــنو ..؟!! :p

[ريشه]

طلعت حقت خطط والله حركات وخليتوني بوجه المدفع وكلمت الكيميائي
سبحان الله كنك تدرين اني دايم بوجه لمدفع

تسلم يدك على هالحلقات تحياتي

[منى حبي]

قولي ااااااااامين الله يرج عدوتس قولي امين وش ها الهبال بس جد حركةاول مرة بحياتي اصير مؤدبة انا خابرة نفسي انطط على الجدران ادوج با الشوارع اتهاوش مع عيال الجيران بس اني اصير مؤادبة اول مرة تصير اكيد اجيبت دعوت اميمتي ان الله هداني وركدت صدززززز ليس على المجنون حرج يا مجنونة :5: لا وانا من الصبح فاقه خشتي:12: اتحرى دوري بس طلعت مسكتة كملى القصة اللة يرجك

[عصي الدمع]

مجنونة .

إبداع وروعة قصتك هذي ، وحلوة أنا أول المتبرعين ، بس تصدقين نسيت كم تبرعت ؟!!:2: .

المهم لازم إذا شريتوا اللاب توب تخلونا ندخل للمنتدى وإلا أباخذ قروشي ( حكي بزارين ) :D .

عاد يا مجنونة أشكرك من أعماق قلبي ، وتصدقين كان المستشفى قبل جيتك هادي ( قولي أحسبه أطلنطي ) ويوم جيتي جاءت الاختراعات والقفشات .

:)

عصي الدمع

[ماجد الأول]

حلو يا مجنونة تسلم يدك .. بس عندي طلب ... إذا فيه تكملة للقصة تخليني أتهاوش مع تقهو بالمطبخ . . وتخليني أكفخه تكفيخ وأخليه مثل المنشفة أنشف به جدران مطبخه ... وأقربع الصحون والقدور فوق راسه .

:D :D :D

:4:

[مجنونة المجانين]

كل الشكر لكــــــــــم اخواتي واخواني..
المرجوجه --------|> تبين تخطرفينه اخخخخخ بس ماكتب الله :)

&&&&

الاخ تئهو :كيفك خيووو اشتئنا للكبشتينو تبعكـ :) ولك يهبل:D
ايـــــه الله لنا ولاتعزمن ...بس اذا عندك الفيلم حق الكشته ارسله:)

تصدق والله اني دلخه لو ترجع للقصه وتشووووف اننا طلبنا الكبشتينو ولا شربناه..:) يعني قاعدن بحلقك...


&&&

مسافره .....انشا الله دورك جاااي :)

&&&&

داحووس يمديك تلف قبل الشارع:)

&&&&

ريوووشه حبيبة البي :
انتي بوجه المدفع اجل ورطناتس..نخليتس وراه:)

&&&&

شفتي يامنى...دعاء الام مستجاب ..والله انتس صادزه ليس على المجانين حرج..:) ولا يهمتس راح نتزلج بمكان يحبه قليبتس ..؟‍؟؟‍‍‍‍

&&&

اجل دافعين ياعصى الدمع عشان سواد عيوننا ...بس عشان تشتركون يالشله معنا بالمنتدى

&&&&

والــــــــله والـلــــه ياماجد اني كنت ناويه احط حرب داحس والغبراء بينكم..لانكم دايم ترددون على بعض اكيد فيه وجه قرابه...الله يديم

اخيتكم : مجننتــــــــهم
مجنونه المجانين :)

[الغشيم]

مشكورين ماقصرتوووووووووووو

اخوكم المخلص
الغشيم

[أمل الحب]

مجنونة المجانين

جميلة مشاركتك ماشاء الله عليك ماخليتي احد

مابقي الا أنا :p

[فريـــد]

مجنونــــــة:

ترى مافيه كابتشينــو .. إذا ماحاسبتوا المرة الثانيــة .. :D ( ليش أنا فاتح سبيل ) :D :D

ماجد الأول
تخليني أتهاوش مع تقهو بالمطبخ . . وتخليني أكفخه تكفيخ وأخليه مثل المنشفة أنشف به جدران مطبخه ... وأقربع الصحون والقدور فوق راسه .

ياذى العــلم .. , أنت ماتدري إني الطبــــاخ .. يعني مافيه أكــــــل :D

ترى أبرسل لك ثلاثة مهبّل من اللي نافشين شوشهم (:2: :2: ) ويجيبون خبرك :D :D



------------------------
وســــلامكتم ..
وأنتم سالمين وغانمين

[ابوتركي]

بالخيرررررررررررررررررررررررررررررر:1:

وش هالهبال تصدقون عاد اني شايف دعاية لمنتدى بريدة على جدار

المستشفى :3: اثر الدعوى تصوير فلم :D ماشاالله عليس يامجنونة تنسيم

على اصوله ضفيتينا كلنا لشهار بس اشوى اني نائب مدير ولا كان علوم:4:

لاوبعد قاعد انقل بهالمجانين من مكان لمكان بس تكفين يامجنونة نبي

معزبنا (الراس الكبيره ) البردعي ;) ماشفنا له دور. تكفين لاتنسينه:D

اقول الله يوسع صدرس بالعافيه وان حصل اصير بطل واهج من المستشفى

باخر القصه مافي مانع:1:

وتشكرااااااااااااااااااااااااات ملياااااااااااااااااااااااااااااااااااار

[ماجد الأول]

مجنونة .. وش لون تقهو قريبي ؟؟ يعني أنا سوري بعد ؟ :confused:

:D :D

[ALI 9]

السلام عليكم ورحمة الله وبركاته

:D :D :D
أثري فزعة وأنا ما دري والا عشانه مع البنات

تسلمين مجنونة المجانين على القصة وياليتك ماتتاخرين بالكتابة لان الحلقة موقفة وأنا ابقمز وتشقق ثوبي وللحين ماطبيت:D كملي خلين أوصل للارض

تحياتي أخوك في الجنون
المطنون

[مجنونة المجانين]

ه
هه
ههه
هههه
ههههه
هههههه
ههههههه
هههههههه
ههههههههه
هههههههههه
ههههههههههه
هههههههههههه
ههههههههههههه
هههههههههههههه
ههههههههههههههه
هههههههههههههههه
ههههههههههههههههه
هههههههههههههههههه
ههههههههههههههههههه
هههههههههههههههههههه
ههههههههههههههههههههه
هههههههههههههههههههههه
ههههههههههههههههههههههه
هههههههههههههههههههههههه
ههههههههههههههههههههههههه
هههههههههههههههههههههههههه
ههههههههههههههههههههههههههه
هههههههههههههههههههههههههههه
ههههههههههههههههههههههههههههه
هههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههه

الغشيم مهبـــــــــــــــول وتوقيعك منسم...

وع الله يقرف عدوك وش متغر من وين جايب هاللغه...

============================

حبيبتي اموله مشكوره على اطرائك...انشا الله اذا حصلت لك مكان راح احطك...

بس ترى ماوعدك....

===========================
تقهو..سبحان الله وكأنك تقرى افكاري...

فعلا انتم كسرتوا روس بعض بالمواعين...

ابشر مره ثانيه نسدد الحساب...شوبنا خيو ماراح ناكل لك شي..

[مجنونة المجانين]

------------------
==========================

ههههههههههههههههههههههههههاي يابو تركي...

طبعا الله يسلم المخرج اللي ساعدنا البردعي حقك مع اني ماعرف منهو بس
ياولد العوض ولاالقطيعه...
الحجز فــــــــــــــــــــــــــــــــل...
====================================

+++++++++++++++++++++++++++++
ماجد الاول....لا هو ولد خالتك بس هو ولد جد عمه امك اللي هو خال ابوك من الرضاعه...


يعني فيك عرق سوري.....احلى يالسوريا شقار وبياض من قدكم....الله عاليون العسليه..هههههههههه:D

======================

المطنون....لوعت تسبدي سعابيلك امتلت عالكيبورد...

ياربيه انشا الله راح استعجل...

انشا الله راح اكملها لما ارجع من مشوار...

[مجنونة المجانين]

ياجماعه تكملة القصه


=======================
وعند المساء...

صر....صررر...صر..صرصور...

اجتمعت انا والبنات بالغرفه....

يالله مستعدين...

منى حبي:ايه اكيد...

ريشه تضحك على منى:وش اللي مسويته بروحس....عمتنا لابسه لبس كاراتيه...

وكككككككك هههههههههههه

ماعلينا يالله وين الفلوس...

وردة:شوفوهم تحت المخده بسرير مرجوجه...

مرجوجه:لا والله تبي توهقوني...

انا:ماحد موهقس يابنت الحلال...يالله جيبيهم..

ورده :على فكره تراى انا خوافه ومابغي اروح معكم...

ريشه:ليش تكفين خلي العدد يكتمل...

ورده:روحوا انتم والله معكم...

+=====================

الظلام سيد الموقف على المستشفى...

تسللنا يالاربعه...وبالدرج هبلنا عصي الدمع....ومعاه الشله الكريمه..

عصي الدمع:تأخرتوا..؟؟

انا:وردة عيت تروح معنى...تقول انها خايفه...

عصي الدمع: اها...يالله اجل نتوكل عالله ...

ماجد الاول::عصي الدمع نفس ماتفقنا عليه...

المطنون:يالله يالبنات قدامي خل وحده منكن ماتسمع كلامي احوسه حوس...

احنا:طيــــــب..

القصيمي:ترى الكوماندو يتمشى بالحديقه....

ماجد :يالله تحركوا...

نزلنا مع الدرج...ووصلنا للباب الرئيسي...

عصي الدمع اشر لماجد...يالله...

الكوماندو...كان مسترخي على كرسي الحديقه....

ماجد الاول:اصبر عصي الدمع انفش شوشتك تقل مجنون..

عصي المع:ههههخخخخخ حسبي الله على بليسك...يالله ننفشها..

الكوماندو فز:فيه احد هنا..

ومن بين الاشجار...يطلع عصي الدمع وماجد الاول...

اهليييييييييييين الكوماندو..:D

الكوماندو...وش مطلعكم الحين مو وقت النوم الحين...

عصي الدمع:اي بس تعرف محبوسين نبي نشم هوى...

ماجد الاول يعطي لنا اشاره...علشان نمشي...حركه واضحه..

الكوماندو:فيه شي يا.....

ماجد:انا اسمي ماجد الاول...بس تصدق مشا الله عليك شكلك شخصيه..
بقولك لغز..

الكوماندو::يالله..

ماجد:منهو اللي رجلينه بالارض وراسه فوق النجوم..؟؟

عصي الدمع:الشرطي...

ماجد:يالملقوف:4:وش دخلك انت....ويتز عصي الدمع وارتمى عالارض وخذ من هالخناق والتعافس..

وفي هذه الاثناء..

انا ماسكه يد مرجوجه..ونقول ريشه يالله تسلقي انتي خفيفه..وتتسلق..

وتبي تطب من الجهه الثانيه ونسمع صبخه عالارض...وصرخت...

الكوماندو...سفه ماجد وعصي الدمع وراح يبي يستقسي من وين الصوت..

وسفه عصي الدمع وماجد...ماجد بشده تمثيل ضرب على عصي..

عصي الدمع:وخر اقول شف راح وسفهنا راح لمهم لازم نتصرف قبل يكشفهم..

احنا ارتبكنا وبسرعه منى حبي مشا الله عليها خبره بتسلق الجدران واللي
ساعدها لبس الكاراتيه...

انا كنت اتسلق الجدران منول...علشان كذا بشويه تذكر تسلقنا انا ومرجوجه سوى...

المطنون بيقمز من الجهه الثانيه ويعلق ثوبه..

الكوماندو شافنا ..ومابقى عنده الا القصيمي...

مسكه...

واحنا سحبنا المطنون وانشق ثوبه...وكل واحد زنوبته بيدينه وقطعنا الشارع والسيارات بيب بيـــــب..



الكوماندو برنت مسك القصيمي وعصي الدمع وتقهو وربطهم...وهم صياح والله مهب حنا

كله من روس البنات...

راح الكوماندو دق على بوتركي...جا ابوتركي...وقال وش السالفه..خبره عن كل شي..

ابو تركي:الله يخليك يالكوماندو..اعرف منهو اللي هرب...

الكوماندو حط عينه بعين القصيمي:من اللي هرب ...بتقول ولا لا..؟؟

القصيمي:لا اقو اقول..

عصي الدمع وماجد الاول..يبقصونهلاتقول ياويلك تفضحهم...

القصيمي:اللي هرب مجنونه ومنى حبي وريشه والمرجوجه والمطنون..

ابوتركي:من يوم مادخلت هالمجنونه وهي مسويه قلق بالمستشفى...

دق ابو تركي على الشقردي...

الشقردي وهو نصه نوم:نعم مين يتكلم...

ابو تركي:معك ابو تركي..

الشقردي:هلا هلا بك...خير انشاالله عسى ماحصل شي...

ابوتكي:فيه مجانين هربوا من المستشفى...

الشقردي:وش تقول هربوا يعني ايش...مسافه الطريق وجاي....

====================

وفي هذه الاثناء واحنا برى المستشفى...

المرجوجه::اوه اوه تعتبت اول مره اركض ركض زي كذا بحياتي...

منى حبي:ههههاي لا انا متعودة...

المطنون:ياذبحكم كشفونا ...الله يستر وش راح يسوون....

انا وريشه:ماعلينا بس وين محل الالكترونيات...

المطنون:اذكر واحد بنهايه الشارع يالله نروح...

ومشينا...دخل المطنون قبلنا...

السلام عليكم...

وكان فيه واحد سعودي...

استحينا ندخل يوم شفناه...

المطنون:لو سمحت وشي احدث الكمبيوترات عندك....

3BDULLAH:والله ياطويل العمر عندك LJجدا رائع وشف وش رايك فيه..

المطنون:لا لا ابي وش اسمه يابنات...

ريشه:تويتي بوك...

مرجوجه:لا بال توك..

منى حبي:لا يالخبلات لاب توب...


3BDULLAH:ههههههههههههههه...تبغون لاب توب...

غريبه والله مافي احد معكم كبير يشتري لكم..

المطنون:ليش مو مالي عينك انا..:4:


3BDULLAH:لا وش دعوى....شف عندك SAMSONGجدا رائع ومواصفات ولا اروع..

المطنون:بكم سعره هذا...


3BDULLAH: =====

10000ريال بس...

فتحان عيوننا وبصرخه وحده واااااااااااااو 10000 ريال وبس لا رخيص مرة
...>>>بنسوي اننا اغنياء..

وصار3BDULLAH يطلع من هالكمبيوترات...وهذا سعره بتسعه وهذ1 بسبعه..

واحنا:لا لا ...

لما وصلنا:قال هذا بخمسه الاف..

قلنا :يالله اشترينا اللاب توب واخذ المطنون رقم3BDULLAHعلشان يشوف اذا صادفتنا مشاكل..

ودعناه..وهو مصدع عالاخر الله معكم بس تعودوا تجون هنا ..

=================

صرررعوووو...

وشو الصوت هذا..

انا:هذي عصافير بطني والله اني جوعانه...

منى حبي:يالله نروح البقاله..

ودخلنا وشفنا الهندي...جت منى حبي فردت قميصه وكشحت حلاو..

قمنا وقلدناه...ووزززززززززز هجينا من البقاله والهندي لازم دفع
فلوس مال انتا انا في كلام شرطه...

معذروين طفرنا من هالاب توب..

[مجنونة المجانين]

=======================

الشقردي وصل للمشفى...

جا ابوتركي وخبره السالفه..

الشقردي:لازم ندق عالشرطه...

وطبعا الشرطه تواصل بحثها بكل مكان...

واحنا اكلنا الحلاو وشبعنا...

========================

اقفلنا راجعين....

وشفنا الربكه عند باب المستشفى...غبينا اللاب توب ورى ظهرنا..

العيون علينا:4::4:

وين كنتم...ياليل ماراح يفوت عليكم...

المرجوجه:اخذت اللاب توب وجدعته عالعشب...

طبعا استلمنا هواش من الكل...

ابوتركي:هذا الوضع ماينسكت عنه تهربون ورجعتوا ايه بس توهقونا مع الشرطه لا...

الشقردي:عقاب للجميع بكره ماراح تتطلعون من الغرفه...وبرضوة قررنا اننا نروح
لمكه مافيه روحه...

احنا:لاحرام نبي تروح...

الشقردي:لكم وجه تتكلمون بعد..

الكوماندو فك رباط الثلاث المرح...وطبعا العقاب مايشملهم..

رجعنا يالبنات...وبطريق الرجعه...

المطنون :تــــــوبه اسمع هرج حريم توبه يارب...

واحنا شهاق وصياح....اهي اهي اهي..

دخلنا...وورده انهبلت :وش فيكم...

وحنا كل وحده رمت نفسه عالسرير وكملت نياح بعد معاناه يوم شاق وتهزيئ...

======================

شقشقه عصافير....

اشعه الشمس المتسلله من النافذه تداعب وجوهنا...

انا:اه معقوله كل هالوقت نايمين...

ريشه:يالله يامجنونه حبمت اني رحت لاهلي ...ولهـــانه عليهم موت..

مرجوجه:صباح الخير بنات...

احنا:صبا....دب طخ...اثاري منى حبي طاحت من السرير..

احنا : ههههههههه بسم الله عليك...

منى حبي:ياللــه يابنات حلمت ..اني اتختنق مع عيال الجيران وخوذي انواع الضرب واللسان الطويل...

احنا :ههههههههههههاي..

ورده:مشاالله عليكم الله يديم عليكم هالفرحه بصراحه امس انهبلت منكم يوم شفت حالتكم..
الا على فكره وين اللاب توب...

احنا:يووووووه وشلون نسيناه..
مرجوجه:انا رميته بالعشب من اللي راح يجيبه..

انا:مافيه الا العيال...ورده احنا معاقبين والحمدلله يابنات مشكلتنا مع الهندي
ماوصلت لهم...

ريشه:اي والله..

منى حبي:لاتنسون انهم حرمونا من مكه قهــــــر...
ماراح نقدر نطلع..

ورده:خلاص انا اقدر راح اروح للبوفيه كأنني افطر واطلب من العيال يساعدوننا..

=======================

في البوفيه..

ماجد وعصي الدمع والقصيمي..مجتمعين على طاوله وحده...

راحت ورده عندهم..

ماجد:وش تبين بعد تبون توهقونا مره ثانيه..

ورده:لا بس اذا تبغون النت لازم تساعدوني..

القصيمي:وشلون..

ورده:مرجوجه خلت اللابتوب بالعشب اللي عند البوابه من اللي راح يجيبه لنا..

عصي الدمع:خلاص انا والقصيمي نروح ونجيبه للغرفه..اوكيه..

ومايدرون الا وتقهو طاب على طاولتهم..شو عم بتعملوا مؤامره تانيه..

ماجد:4::4: وانت وش دخلك وش دخل ابو جدك يالله ضف وجهك هذا اللي ناقص بعد
سواريا ويحكون..

تقهو:شــــــو شو حبيب البي ولك يحرق حريشك تسطفل يامجنون..

ماجد ولع عالاخر...انا مجنون مامجنون الا انت وقمز على تقهو...

وخذ انواع الخناق والتكفخ...كسروا المةاعين وقلبوا البوفيه راس على عقب...

كان الشقردي مار...وسمع هالصجه ودخل...هيه انت وياه بس يالله بس..


قدامي يالله عند المدير....

===============

في مكتب ابو تركي...


تقهو واقف ومعه طاقيته بيده يفركها...

وماجد منزل عيونه عالارض..

ابوتركي:وش اللي سويتوه...؟؟

تقهو:ماساوينا شي بس كله كان لعب عيال ليكه ماجد ادامك اساله...

ابوتركي:راح نرجعك لسوريا...

تقهو:لا من شان الله مابدي اروح هناك ولك تئبرني ..شوف ليكني حبيت
على راس ماجد...

ماجد:اقسم بالله ماراح نعوده يابوتركي...

ابوتركي:خلاص بس بشرط ياماجد ترتب البوفيه انتا وتقهو..

ماجدوهو يعض على شفايفه:تامر امر...

وفي طريق العوده للبوفيه ماجد ساكت..

تقهو:شوبنا خيو انا مسامحك ولك مابدك تحكي...

ماجد:انت بالذات لاتهرج وهقتن معك..

تقهو:لا علي عاد ماجد ولك معئوله تزعل مني...د

ماجد:خلاص لايكثر حكيك اللي نصه مافهمه يالله ورانا شغل...

===============

عصي الدمع والقصيمي جابوا اللاب توب بالغرفه....

احنا صرخنا واااااااو..

وبسرعه شبكناه وشحناه...وكل واحد يتذكر الاشتراك اللي عنده ودخلنا..

وانواع الخناق عليه اللي يبي يشيك على ايميله واللي يبي منتداه...

المهم علشان هالخناق قررنا انه يوم مع العيال ويوم مع البنات...

دخلنا منتدى بريده وكلنا شاركنا ولا احد يدري عننا..

مجنونه المجانين...

منى حبي...

ريشه...

المرجوجه...

وردة الشرقيه...

عصي الدمع...

ماجد الاول...

القصيمي...

المطنون..

======================

يوم كنا بالصف خلصت فتره العقوبه..

الكيميائي:اعزائي الطلاب والطالبات..دنا عندي خبر حيفرحكم اوي..

احنا:قووووول واللي يرحم والديك...

الكيميائي:لأ لأ لأ..ماراح اقول الا لما نخلص من الدرس..

ولأول مره في حياتنا نشارك ونتفاعل معه...

الكيميائي:ياربي اشكرك فين هالخبر من زمان ماكنتش متوقع هالانفعال..اسمعوني
ياولادي..

قررت الاداره ان كلنا حنروح لمكه...

احنا:مــــــــــكه يالله ..

الكيميائي:جهزوا عفشكوا بعد بكره..

طلعنا واحنا مبسوطين عالاخر...

=============

كيف ذهبنا الى مكه ....والمواقف المثيره هناك ...

نحن معكم على موعد في الحلقه القادمه...انتظرونا...

[الرجل البسيط]

بصراحة خيال اكثر من رائع وانا من زمان ودي اقدم اعجابي لكن خايف انك تكونين ناسيتني ثم اذا شفتي ردي تذكرتيني وحطيتيني مع هالمهبل .:2:

[بنوته بريداويه]

ابداع مميز وخيال متالق

مجنونة المجانين غير

[الكيميائي]

مجنونة المجانين ..



سالفه مررره حلوووه

لكن يابنات حئلوكو حاجه احنا بطلنا نروح لمكه !!


يمكن نروح لجده ... خخخخ






:D :D :D :D

[ماجد الأول]

:D
:p
:4:

[منى حبي]

يا كافي يا الكيماوووووي منكد علينا دايم ترى يا الله نتحملك با الفصل حتى سعة الصدر بتحرمنا منها:3: اة اة اة اةاااااااااااااااااااااااااااااااااااااااااااااااا ااااااه والله اعلم امي عليكم

[ابو وجدان]

ما اتوقع انك بنت


تدري ليش




لان العقليه مهب عقليه بنت


يامجنون

[مجنونة المجانين]

الرجل البسيط...وش دعوى عاد...شهادتك فيني اعتز فيها..

=======

بنوته..تسلمي والله كلك ذوق...

==========

استاز كيميائي...دحنا برنروح لمكه نعبد الله وبعدها حنروح لجده..

ههههههههههه..صحيح المجانين بنعمه :)

========

اوف ياماجد....كل هذا متحامل علي...وش اللي قلبك..

=========
ايه ياوخيتي منى عليس به..لانه فعلا حرمنا...
============

صحيح انك تعبان...

اذا نطق السفيه فلا تجب...وخير من اجابته السكوت
...

مجننتهم...
مجنونه المجانين..

[البكيراوي]

مجنونة المجانيييييين !!

قصة رائعه .............!

وتسلمين عليه .............!

بس حسبي الله عليك نقلتي كل الاعضاء لمستشفى شهار ........!

يا اخيتي خلي بعضهم بذا حتى نلقى احد نسولف معه <====ضايق صدره

اجل نبي نروح مكه ما شاء الله

اولم الاحرامات والا ما يحتاج

اقول بس انتبهي للذهبي لا يضيع مع الزحمه ههههههه

وتسلميييييييييييين على هالقصة اللي تهـبّـل !!!

[مجنونة المجانين]

اعتذر لجميع ابطال حكايتي مع شهار...عن اكمال القصه ..لانني سأترك جملكم بماحمل..

تحياتي..
مجننتهم...
مجنونه المجانين....

بقايا نـــــــزف

[ماجد الأول]

مرحبا أختي بقايا نزف (( عادي أنا آخذ الأمور ببساطة :D ))

أنا ما قلبت عليك . . الوجه الأول دليل إني مبسوط من الأحداث الأخيرة من القصة، والوجه الثاني هم نفس الشيء . . أما الثالث فهذا دليل إني منفعل بعد تكفيخ تقهو :D


لكن أنا ما فهمت كلامك الأخير . . هل ستتركين المنتدى بكبره .. أو الموضوع هذا فقط ؟ ؟

:confused:

[ماجد الأول]

على فكرة . . أنا ودي أعرف وش الحكمة من الدخول بأكثر من اسم ! يا ليت تجاوبين حتى لو على الخاص، لأني أدرس علم نفس! وترى ما فيني أصبر لين تجين باسم ثالث . . يمكن (مهبولة المهابيل ) :D