المساعد الشخصي الرقمي

مشاهدة النسخة كاملة : موظفين 905 الله لايبلانا


nora
20-08-02, 02:58 pm
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:




المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالظبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط






المكالمه الثانيه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط





المكالمه الثالثه : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .
الموظف : يخرج من طوره ( اقول اسمع ............. طوط طوط قفل الخط







المكالمه الرابعه : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خوذي الرقم ؟؟؟؟؟؟؟؟؟؟؟؟؟






المكالمه الخامسه : كانت صوت ناعم اوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصقه .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .





المكالمه السادسه : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فقس ..
طوط طوط انقطع الخط .




المكالمه السابعه : كانت فتاه ايضا
الموظف : الو ..استعلامات الدليل محمد الــ......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمه مراقبه).
الفتاه : لا انا ابي محل عيوني للعدسات والنظارات اللي في التحليه .
الموظف : ايش اسمه عيوني.
الفتاه : لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .
الموظف طلع وترك الدوام .وراح يشرب عصير ليمون :D :D :D :D :1: :1: :1:

الكبري
20-08-02, 04:36 pm
أكثر حقين 905 مغزلجيه

لكن ألف شكر للي جعل المكالمات مراقبه

عشان مايكدون على الكشابير


تحياتي

الذهبي
20-08-02, 07:10 pm
هههههههههههههههههههههههههه
هههههههههههههه

كرباج
21-08-02, 02:58 pm
<<<--------- تراه مايشتغل 905

شوي شوي على الناس


هههههههههههههههههههههه


الله يرجكم بس رجاً مبرحاً

تحياتي

أبو حكيم
22-08-02, 12:15 am
مايبون واحد يشتغل ببلاش معهم

905 حركة تصدزون انه رقة لهاتي

nora
25-08-02, 02:29 am
الســـــــــــــــلام للجميع:)

اختي كبرى
تشكرات على التعقيب.
وانتي صادقة اللة يخلي المراقبة.
بس ايش تعنيين بالكشابير؟؟؟؟؟
نورينا حياتي:p
==================
] الذهبي
اشكرك على قراءة الموضوع
ايش هالضحكة الحلوة:D
==================

كرابيجو
ايش اخبارك
اللة يسامحك يرجني لا وبعد مبرح
طيب واللة لأردها للك:3:
==============
تالي ادمي
ماشاللة عليك تشتغل وببلاش
واللة انك تحفة;)
تشكرات على الرد
وبـــــــــــــايات

المتلثم
25-08-02, 03:01 am
الله يصلحس حطي اذا قضيتي من الموضوع اكتبي منقول يعني المره الثانيه لاتسرقين والا قطعت يدس

nora
25-08-02, 03:34 am
السموحة يامتلثم:o
سامحني لو هالمرة :(
واللة اني احب يدي;)
تشكرات اخوي على التذكير:p :p :p

المتلثم
25-08-02, 03:30 pm
خلاص سمحتلس ولا تصيحين المره الثانية تراي اغولس

nora
26-08-02, 02:57 pm
:( :( :(:( حـــــــــــــــــــــــــرام عليك:mad:


اول شي تتقطع يدي
وبعدة تتغولن
واللة انك شراني


ياخي قلتللك ابتوب
وكلمة منقول سقطت سهوا
خلاص اقتنعت:
:confused:




لاعاد بعد تجيبلي عقاب ثاني
ترى واللة لأقول لمامي;)
<<<<<<<<<<<<<<< واحدة حساسة;)