ابي مسااااااااااااااااااعدتكم يا اهل الخييييييييير ضروري

[$ جالكسي $]

السلام عليكم ورحمة الله وبركاته

اخباركم جميعا ان شاء الله بخير


انا طالبكم لا تردونن

انا عضو بأحد المراكز عباره عن ملجأ للايتام والعجزه

وعندنا برنامج تغير جو لهم نسوي بين فتره وفتره

وانا المسؤل عن تجميع الافكار للبرنامج هذي المره

وابي افكار منكم لمسابقات واشياء جديده مو مستهلكه
وابي افكار مسابقات للشيبان لانهم دايم مستمعين وابيهم
هال مره يصيرون مشاركين

فا تكون ابي فزعتكم ابي افكار كثييييير

ومابي أسأله روتينه اللي تتطلب جواب ابي اشياء
حركيه عمليه

وابي بعد للقسم النسائي افكار بعد



وبس

لا تبخلون علي ولا تفتح الموضوع وتقراه ثم تسكره ابي لو فكره
بسيطه

وسلامتكم


مع اطيب تحيه
فارس

[عبود زمان]

مادري بس اعتقد إن الشيبان قليل منهم اللي يحب الحركة يبون سواليف وبس

لا ماأقول إلا إنك تطلب منهم كل واحد يذكر لنا حادثة صارت له في حياته ما نساها
وإذا هم نشيطين شوي فقل لهم يلعبون مطارح إيدين تراهم يحبونه مره

وإبشر بالخير إن حصلت شي جديد برجع

[ميسم الورد]

الألعاب الحركية ))

1- لعبة الجري المزدوج:

نحتاج إلى قطع صغيرة من الفلين أو الخشب ومن الممكن أن تكون دمى صغيرة او اي خام يكون حجمه متوسط..

نأخذ من كل فريق متسابقين فقط بحيث يقف الأول في بداية الملعب والأخر في الجهة المقابلة.. معنى هذا في كل جهة واحد من المتسابقين.. والجهة الأخرى كذلك.. يجري المتسابق الأول من البداية إلى النهاية ويعطي ما في يده لصديقه ليرجع إلى مكانه الأول (نقطة البداية)..

التقييم يكون على حسب الفريق الأول الذي سينتهي من هذه العملية..

* اقتراحات:

من الممكن إشراك كل أفراد الفريق بحيث ينقسمون إلى نصفين بدل من واحد

في البداية وواحد في النهاية...

ومثل هذه الألعاب ممكن تكون للكبار فقط

وذا تذكرت شي ماني باخله عليك ياليت تعجبك اللعبه
تمنياتي لك بالتوفيق

[$ جالكسي $]

لا شيباننا يتحمسون بس ما يعطونهم الشباب وجه
انا هال مره ابيهم يشاركوون معنا

[$ جالكسي $]

ميسم اختي يسلموو على الافكار

مادام كذا اجل عطونا افكار بعد للقسم النسائي
بنات وعجايز بعد

[لِـيم’]

طيب وراه ماتحط لعبة الامثال

تخلي احد يمثل المثل باشارات بدون مايتكلم وكبار السن يطلعون

عاد هم خبره بالامثال

احس تصلح لهم قوه


وبالتوفيق ,,

[$ جالكسي $]

ابي اشياء جديده
الامثال زينه مشكوره اختي

[ميسم الورد]

العاب للبنات

لعبة الكلام بالأسئلة فقط.
متسابقتين تقفان متواجهتان، لا تتكلمان إلا بالأسئلة.. الأسئلة لا يهم أن تترابط ببعضها.
مثلاً: كيف كان يومك؟
لماذا تسألين؟
هل أعجبك عملك الجديد؟
لماذا حضرت باكرة اليوم؟
وهكذا حتى واحدة تخطئ وتجد نفسها تجيب عن السؤال بدلاً من أن تسأل

لي عوده
تحياتي

[$ جالكسي $]

ميسم اختي حلووه الفكره هذي
عجبتني وتصلح للعيال بعد
وجديده مشكوره جزيل الشكر
اختي

[حكاية إحساس]

مرحبـــــــا
هذي مجموعة مسابقات..

*لا تجب بنعم أو لا : يتم سؤال المتسابق أسئلة وعليه ألا يجيب بنعم أو لا ولا يهز رأسه والفائز هو الذي يجعل خصمه يجيب بنعم أو لا أسرع من غيره

*تصرف وتعليق:يقوم المتسابق بعمل تصرف خاطى ويتم تحديد التصرف الخاطى من قبل الخصم
والتعليق عليه..

*تغطى عيني المشارك ويطلب منه كتابة جملة من سطرين على سبورة بدون نقاط ثم يطلب منه كتابة النقاط .. (ستجد أنه وضع كثير من النقاط في غير أماكنها -يتم التعليق على فضل العينين وشكر الله على هذه النعمة )

وهذه طريقه مشابهه.
*يتم تغطية عيني المشارك ويطلب منه (رسم سيارة ثم بيت ثم طريق للسيارة ويوصل الطريق لباب البيت وشمس فوق السيارة وبين البيت والسيارة وبقرب الطريق شجرة وهكذا) ستلاحظ : أن الراسم سيرسم بعض الرسومات فوق بعض .. الفائز صاحب أحسن رسمة ... والأفضل تكون المنافسة بين اثنين .

هذا اللي عندي وانشالله ابحث لك عن مسابقات افضل..

[ذيبه وراسك اجيبه]

مشاء الله عليكم ذولا السنافين ولا فلا

ابقحش لك افكار من هنا وهناك وابجي

اكبهن مرة اخرى انشاء الله

[$ جالكسي $]

حكايا احساس
اشكرك اختي جد افكار حلوه
خصوصا حقت الرسم ووضع النقاط اعجبتني كثير



ذيبه اختي بنتضار افكارك بكل حماس


مشكورين جميعا
ماتقصرون


اطيب تحيه
فارس

[$ جالكسي $]

يناااس وينكم ما كتفيت ترا باللي قدمتوه ابي
بعد اشياء زياده اذا ما عليكم كلافه

[النهى]

عادي البنات يلعبو باصره او اونو والشباب كيرم او شطرنج او مونو بولي او كوره من هاذي الاشياء الشيبان والله مدري وش يسليهم بس يمكن لعبة الامثال تسليهم احسهم يحبو السوالف اكثرمن الالعاب
الله يجزاك خير

[رزه مرتزه]

عنديلك لعبه للحريييم..
تختار مجموعه من النساء تقريباً 4..3وتخليييهن يقرصن..
وايهم احسن واكبر قرص؟....والله خيااال..

لعبه للشيبان..
خلهم يلعبووون( شبرا امرا) وايهم احسن واحد ؟؟طبعاً تحسب كم نط مثلاً هذا الشايب
واللي اكثر نطات هو الفائز..
وبس هذا اللي عندي..
البنات والعيال اذا لقييت اجييبه...

[$ جالكسي $]

ساره اختي تمنيت انك تفيدين اكثر


رزه اختي مشكوووره كل الشكر ماتقصرين ابد


تسلمووون اخواااني

وانا اطمع للمزيد

[المزيون2005]

الشيبان يحبون سوالف العرس يهبلون عليها

[$ جالكسي $]

مزيون اخووي اخاف يخرون علينا ثم وش يسكتهم لا تعمقوو
هههههههه من حينهم على جريف
هع
مشكور على الفكره اخووي

ومازلت طمعاً بالمزيد

[النهى]

لقيت مجموعه من المسابقات لكبار السن واقتبستها وان شاء الله تفيدك اخوي
1/ إحضار قطعة قماش +إبره منظوم فيها خيط +زرار تكون فتحاته كبيره , ويختار ثنتين من كبار السن اللي نظرهم زين واللي ترتبه الأول هي الفائزة .

2/ إحضار نوع معين من التوابل مثل الكمون أو االقرفه أو الرشاد ويربط كل نوع (قليل منه) في قطعة من القماش ويوزع على المتسابقتين في نفس الوقت ويشمونه ويتعرفون على رائحته التي تتعرف عليه بسرعه هي الفائزة .

3/ إحضارخيوط من الصوف بطول 30 سم تقريبا 20خيط ومعقوده كلها من الأعلى فقط , ومثلها أيضا ,وتعطى لمتسابقتين كبيرتين في نفس الوقت وتقوم كل واحده منهما بتظفيرها ( تجدلها , تسويها عميله ) اللي تنتهي الأول هي الفائزه .
والله يجزاك خير اخوي

[$ جالكسي $]

ساره اكثر من رائعه مداخلتك هذي
جد مسابقات رائعه وجديده نوعا ما

مشكوور اختي والله يعطيك العافيه