انتبه 000 لاتترك اثرا 000

[المعروف]

مرة من المراريت

>> يقولون من خصائص اللغة العربية انها قابلةللتمدد .. عشان كذا صارة مراريت بدل مرات

المهم في يوم من الايام .. كنت في الاستراحة مع الشباب وجاء واحد مع احد الشباب

والي ظهر لي من كلام الاخ انه لهلوووب في الانترنت .. يعني في عاير بالنت ومنتدى تلقاه

فاخذته فرصة اسولف له عن المنتدى والمواضيع وهلم جرا

>> عاد لاتواخذوني على هلم جرا ذي.. توني قاري مقال بالجريدة ومعجبتني

المهم مالكم بالطويلة.. ابو الشباب فجأة ومن غير سابق معرفة قال بصوت عالي

اييييييه عرفتتتتك.... انت فلان وذكر اسم من الي بالمنتدى

صراحة فاجئني وقعدت استرجع الشخص الي قال انه انا ..

لكن وبكل سهولة قلت له لا مو انا.. فكر شوي .. قال مو معقولة رااااكب عليك تمام

وما ادري على اي اساس قال انه راكب علي وهو اول مرة يشوفني

مو ذا المهم .. الزبدة بالي جاااااااااي

قعد ابو الشباب يسرد لي قصصه مع اكتشاف الاعضاء الي بالمنتدى

وليته توقف على الرجال .. الا قال انه توصل لبعض البنات وعرف من يكونن

وحسيت من كلامه انه فعلا حررررريص ومهتم على معرفة من يكون الكاتب الي بالمنتدا

وعشان اعرف واستفيد من خبرته .. طبعا الغير حميده .. قلت له شلون تعرف العضو

قال اجمع امارات عنه مثل مواضيعه واهتمام كتاباته بشمال والا بشرق والابجنوب الديره

وبعد وش يشجع اذا كان يكتب بالرياضة وهو منفتح بارئه والا متحفظ

الغريب انه قال ان التوقيع يكشف له كثير الشخص

صراحة كانت جلسة حلوة ومميزة وحسيت فيها اني مع شخص تحفه

وكاني قاعد عند فلم وهو يحكي مغامراته وحكاياته مع الي تعرف عليهم او كشفهم


سالفة صاحبنا هذا ذكرتني بواحد من الشباب سافرت وياه ومجموعة لخارج المملكة

اول الامر كان عنده فضووووول رهيب يعرف اسامي امهاتنا .. وهذا سهل من الجواز

وكان ينادينا ياولد رقية .. ياولد حصيصة .. وهكذا

بعدين تطور الامر معاه وصار يبحث عن اسامي حريمنا..

ومع انه نجح مع اربعة من الشباب .. الا ان واحد من الشباب عقده تعقيد

وخسره ذبيحه عشان يعرف اسم زوجته.. وياااااهو انتصاااار رهيب حس به يوم عرف اسمها


فعلا .. للناس فيما يعشقون مذاهب وطبايعهم في الاهتمام غريبة ويمكن تكون طريفة

عاد انا استغليت الموضوع عشان أحذر الجمممميع بان لايتركوا اثرا وهم يكتبون

لان فيه احد مثل هالشاب مهنته البحث والتنقيب ..

وهذا راجع للي ماودهم يعرفهم احد وهم يكتبون.. مثل حالاتي
طبعا

[رواسي]

وهذا راجع للي ماودهم يعرفهم احد وهم يكتبون.. مثل حالاتي
طبعا
وه أنت زيي:)
ماأحب أحد يعرفني حتى إذا أكتشفوا أني بمنتدى
وقالوا وش أسمك فيه
عآآد فشلة أقول لهم مالكم صلاح
أخرط عليهم بأسم من عقلي

وخلهم يدوّرون عليه عشآآآن اللقافه يسيبونهـــا


:):):)

[موت وميلاد]

المعروف ,,
انت ولد فلان <<< عرفتك ,,

بصرااحه فصلت الواقع اللي الكثير يعيشه او يبحث عنه او يسمع عنه ,

شكرا لك على هذا الطرح يا ولد الرجل ,

اخوك ميلاد

[نيزك]

و اله ياهو شروووووووووف.


عموماً تراهــ طاح بك


هههههههههههههههه ألحين.!!

[عبدالله30]

مرحبا أخي المعروف00

التحذير موجه للفتياة فقط فهن الاحق بالمحافظة على انفسهن ومعلوماتهن0

أثنين من أخوتي معنا بالمنتدى من سنوات احدهم كان مشرف بأحد الاقسام

ولم اكتشفهم الا بعد سنوات عندما كان اجتماع للمنتدى 0

لا أحرص على أن اعرف الاشخاص ولا اهتم بمن يعرفني وأنا لا اعرفه اقصد أن هذه ليست

مشكلة 0

تحياتي لك0

[المعروف]

وه أنت زيي:)
ماأحب أحد يعرفني حتى إذا أكتشفوا أني بمنتدى
وقالوا وش أسمك فيه
عآآد فشلة أقول لهم مالكم صلاح
أخرط عليهم بأسم من عقلي

وخلهم يدوّرون عليه عشآآآن اللقافه يسيبونهـــا


:):):)

صحيح ان الكتابة بالمنتديات ماتفشل

بس الواحد يحب يكون عنده خصوصية

ومن ذلك عدم معرفة الاخرين له

عاد الي يبي يدور ويبحث ويقدر هذا الله باليه بمتابعة الناس

[المعروف]

المعروف ,,
انت ولد فلان <<< عرفتك ,,

بصرااحه فصلت الواقع اللي الكثير يعيشه او يبحث عنه او يسمع عنه ,

شكرا لك على هذا الطرح يا ولد الرجل ,

اخوك ميلاد

اووووف اووووف

لاتصير انت رفيقنا بس...

اتنمى انو مو كثير الي على هالحال

لانهم بيتعبون انفسهم ويتعبون الثانين

[المعروف]

و اله ياهو شروووووووووف.


عموماً تراهــ طاح بك


هههههههههههههههه ألحين.!!


تهقا ...؟؟؟

تحريه عرفني الحين..؟؟؟

المشكلة اخاف يصير نمونته كثير وهمن يصيرون كثار الي واجهوا بعض الاعضاء

ثمن يكون المعروف اعضاء في صورة عضو وااااحد

شكرا لك

[امرؤ القيس]

اهلين

المنتدى مثل الاستراحة عند الشبلب اي واحد يدخل مع الباب لازم نعرف عنه كل التفاصيل وهل سبق ان سيّر علينا او لا ووش كان لابس بالمرة اللي راحت ووش يشجع ووش هواياته ووينهيبه بيته

طبعا هذه رفقة ونحرص ان تكون رفقتنا صالحة

وعلى فكرة انا ماني شروف بس احب اعرف راسي من رجليني لان ابوي محرصني امشي مع الناس الكويسين

يعني لو الحين اقولكني مشبه عليك تقدر تقووول لا وتنكر !!؟

[" TWIX "]

تتبع الآخرين والكشف عن شخصيتهم داء بلي به كثيرا من الناس
ألا تذكرون قبل سنوات ( البرنت )الذي خرج عن أصحاب سيارة جيب الربع في بريدة عموما
وخصص لكل سيارة من هذه السيارات معلومات خاصة عنها بكل شيء
من الذي كشف عن أسماء اصحابها وموديلات السيارات ونظافتها ..؟؟!!
إلا مرضى كشف المستور ويا كثرهم في المنتدى توطيهم تقل ذر ..!!

[المعروف]

مرحبا أخي المعروف00

التحذير موجه للفتياة فقط فهن الاحق بالمحافظة على انفسهن ومعلوماتهن0

أثنين من أخوتي معنا بالمنتدى من سنوات احدهم كان مشرف بأحد الاقسام

ولم اكتشفهم الا بعد سنوات عندما كان اجتماع للمنتدى 0

لا أحرص على أن اعرف الاشخاص ولا اهتم بمن يعرفني وأنا لا اعرفه اقصد أن هذه ليست

مشكلة 0

تحياتي لك0

غريبة..؟؟؟؟

عاد اخوانك..؟؟؟؟

يعني ماقد دخلت عليهم وهم يكتبون ؟ والا دخلت بعدهم..؟ او على الاقل سولفت معهم..؟؟

معك حق بخصوص البنت وان الامر مهم لها

لان الاخرين يمكن يسيؤون لها بمعرفة من تكون

وجميل انها ليست مشكلة عندك.. وهكذا يجب ان تكون

[المعروف]

اهلين

المنتدى مثل الاستراحة عند الشبلب اي واحد يدخل مع الباب لازم نعرف عنه كل التفاصيل وهل سبق ان سيّر علينا او لا ووش كان لابس بالمرة اللي راحت ووش يشجع ووش هواياته ووينهيبه بيته

طبعا هذه رفقة ونحرص ان تكون رفقتنا صالحة

وعلى فكرة انا ماني شروف بس احب اعرف راسي من رجليني لان ابوي محرصني امشي مع الناس الكويسين

يعني لو الحين اقولكني مشبه عليك تقدر تقووول لا وتنكر !!؟


الله يخلي لك الوالد

نصيحة من خبير وفاهم الحياة صح

واخااااف اقولك غلطان.. تحطن ببالك..

بس ما اتصور انك تعرفني لاني شخصيا ما اعرفك رغم اني شفت لك كم صورة

مع تشرفي بالتعرف على مثلك...

>> يبي يبعد الحوم

ممكن واحد او اثنين من الاعضاء يعرفونن .. مع اني ماتوقعها كثير..

اذكر اول منتدى سجلت فيه قبل سنوووات تعرفت على ناس للحين من احسن الناس

يمكن عشان كنا طافين بالمنتديات ومنفتحين على كل شي

بس الحين... انا والكيبورد والشاشة.. وبسسسس

[المعروف]

تتبع الآخرين والكشف عن شخصيتهم داء بلي به كثيرا من الناس
ألا تذكرون قبل سنوات ( البرنت )الذي خرج عن أصحاب سيارة جيب الربع في بريدة عموما
وخصص لكل سيارة من هذه السيارات معلومات خاصة عنها بكل شيء
من الذي كشف عن أسماء اصحابها وموديلات السيارات ونظافتها ..؟؟!!
إلا مرضى كشف المستور ويا كثرهم في المنتدى توطيهم تقل ذر ..!!

فعلا بعض الاهتماماات مزعجة

اذكر ولد عمي كان معه جب ربع وفرحااااااااان يقول صرت مشهور

بعض الاهتمامات وان كانت مضحكة ومزعجة

لكنها تكشف عن مهارة في جانب ما لو تم استغلالها احسن استغلال

شكرا لك

[حياة المستقبل]

بالأحلام يدري ميييييييييين أنا

خخخخخخ

[المعروف]

بالأحلام يدري ميييييييييين أنا

خخخخخخ


وعند شك..؟؟؟؟؟

ثمان مشاركات وتبينه يعرف مين انتي...؟؟

وعساه وغيره على طول مايعرفون مين انتي

[سارة عبدالعزيز]

واذا عرف الامر عادي جدا
تقبل حـــــــروفي
اختك سارة

[علشانك بس]

التنبيش والشرافه صفة من صفات الحريم ,,
الصراحه احس انه عيب رجل يصير بهالشرافه ,,
نظامة نظام عجزززز ,,

[أمــ الحب ــير]

صرآحه فضآوة !!!

[شمعة امل]

مادام هالشيء يريحهم الله يهنيهم فيه ,,
كثير ممن أجالسهم يستفسرون عن معرفي هنا وأقول لهم بصريح العبارة من أنا حتى لايكلفوا أنفسهم عناء البحث عن من أكون ؟؟!!

عالم رؤسهم فاضيه ماوراها شغل ألا تتبع الخلق ,,والله يعينهم على بلواهم ,,

ورسالتي لصديقك قل له
:: من راقب الناس مات هماً ::


تقديري

[المعروف]

واذا عرف الامر عادي جدا
تقبل حـــــــروفي
اختك سارة

هلوين سارة

حياك ربي وبياك

كلامك ممكن عند بعض الناس ومنهم من يكتب باسمه الصريح

يعني مافيه مشكلة عنده

لكن مثلي وشرواي الي موجودين بالنت باسمائهم المستعارة ومرتاحين بهالشي

والمسالة في حرص البعض على التنبيش والتفتفيش على الناس

سواء باسمه بالنت او حتى في اشياء ثانية

[المعروف]

التنبيش والشرافه صفة من صفات الحريم ,,
الصراحه احس انه عيب رجل يصير بهالشرافه ,,
نظامة نظام عجزززز ,,

اهلا بك علشانك بس

معك حق هي كثيرة عند الحريم

بس ممكن تصير في بعض الرجال

وجااايز تكون امه عجوز وارضعته الشرافة مع الحليب ..

[المعروف]

صرآحه فضآوة !!!

هلا امير الحب

انت شفت وانا اخوك..؟؟؟

والي قبلنا قالوا : الفاضي يعمل قاضي

حياك ربي

[المعروف]

مادام هالشيء يريحهم الله يهنيهم فيه ,,
كثير ممن أجالسهم يستفسرون عن معرفي هنا وأقول لهم بصريح العبارة من أنا حتى لايكلفوا أنفسهم عناء البحث عن من أكون ؟؟!!

عالم رؤسهم فاضيه ماوراها شغل ألا تتبع الخلق ,,والله يعينهم على بلواهم ,,

ورسالتي لصديقك قل له
:: من راقب الناس مات هماً ::


تقديري


هلا بشمعة امل

ممكن كلامك صح..

اقول لهم وفتك من شرهم

ومثل ماقلت حسب الشخص وطبيعة ان الامر عادي عنده

وبقول لذاك الشاب الذي قابلته وهو مو رفيقي الكلام الي قلتيه

[عبدالله الحلوه]

هناك من يمارس هواية الربط بين الأحداث ليستنتج منها اشياء كثيرة

لكن المشكلة في من يتعامل مع تلك الأستنتاجات كحقائق مطلقه

تحياتي

[سيف وفيصل]

هلا بالمعروف وانت لدي غير معروف مرة انا كتبت عن واحد ما يعرف النت حتى الجوال مامعه درا عن الموضوع بس جت سليمة شلت الذبيحة فقط..