مساء الخير يا أحمد

[رحّــال]

يرن الهاتف فتجيب فتجد أن المتصلة امرأة وتبدأ حديثها بالسلام فهذا أمر طبيعي ,,

تجلس أمام المنزل فتمر بك أم الجيران البالغة من العمر أربعين أو أكثر وتسلم عليك وتسألك عن صحتك وعن أهلك فهذا أمر ليس بمستغرب,,

أو تمر أبنة الجيران البالغة من العمر سبع سنوات فتقول السلام عليكم فلا غرابة في ذلك ,,

تكون بمكتبك في عملك وتدخلك عليك امرأة وتبادر بالسلام عليك فهذا أمر عادي ,,

لكن ..

أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

ماذا تفعل حينها هل سترد عليها ..

أم ستلزم الصمت ..

أم تبادرها بالنصيحة وتقول لها هذا عيب ..؟؟

وماذا لو لم تقل السلام عليكم .. بل قالت ( مساء الخير يا .... )
ماذا ستفعل حينها ؟؟

وماهو انطباعك عن تلك التي تحييك ؟؟

هل تملكون فكر منغلق كفكري لا يقبل تلك الأمور ؟؟ أم ماذا ؟؟

[امرؤ القيس]

لاقالت يا احمد ولأن اسمي احمد بالفعل فلابد من اجابتها حتى اعرف وشي من لحية


اذا فيها حارش ومارش فطبعا سيكون لكل حادث حديث

واذا مافيها حارش ولا مارش فهنا ايضا لكل حادث حديث

يعني

كل اناء بمافيه ينضح

اذا الله هاديني رايح اكون مؤدب معها واجيبها على قدر سؤالها

اما وخل تحت اما عشر خطوط

اما اذا انا منطلق ومقطع فرايح استغلها بمساعدة الشيطان طبعا


والله يقدم اللي فيه الخير

[تلميذة الحياة]

السلام عليكم ورحمة الله وبركاته

رحّال ,, الحين هذا الموضوع عن مايستفاد من قصتك السابقة ؟

أنت سالفتك سالفة مع السلام ! :)

أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

اذا كانت تبي تطلب طلب أو مُساعدة بعد السلام ماأشوف فيها مُشكلة ..
أما اذا قالتها كذا من دون حاجة ,,أعتقد انها تدخل من ظمن باب العيب اللي تربينا عليه..

[عجوز سمنسي]

وينها ذي يارحال ؟

ماعمره مرت بنت بجنبي وسلمت

وش حيثك انت ؟

عاد انا ولاني مؤدب اباخذ الناس بعين طبعي وارد السلام واصفر وارمش بعيوني وارد السلام واقول : هلا وغلا ياريم الفلاء

[بــرمــودا]

مســـــــــــاء الورد ياعيون أحمد:a5:

وش فيها يارحال لماتقولك غندوره (مساء الخير) هاه وش فيها ؟؟
ليش أنت متحجر ومنغلق ؟؟ مافيها شيء ياأخي المفروض إنك لزمت عليها بشرب كوب (موكا) .
والله ونجحوا هالليبراليين عيال الكلب بتكسير القيود وتمييع المجتمع .
والله من شيء تبون تشوفونه فقط (الأيام بيننا).

[امرؤ القيس]

مســـــــــــاء الورد ياعيون أحمد:a5:

وش فيها يارحال لماتقولك غندوره (مساء الخير) هاه وش فيها ؟؟
ليش أنت متحجر ومنغلق ؟؟ مافيها شيء ياأخي المفروض إنك لزمت عليها بشرب كوب (موكا) .
والله ونجحوا هالليبراليين عيال الكلب بتكسير القيود وتمييع المجتمع .
والله من شيء تبون تشوفونه فقط (الأيام بيننا).


الله يهديك

انت رد على قدر السؤال

واذا ماتبي عطني الووو و انا ارد بدالك

لان ادري ماتبي ترد تخاف تقولك اعزمني على شي بارد

[العالميه]

طيب لو العكس الشاب اللي يمر ويسلم

نرد ولا لا؟؟؟

[المتمرده]

رد عليها وقول
راعي المدد يا احمد
حين الطلب لبيني
يا سيد عقلي حارا
ادركنا بالاشارا
واكشف لنا الستارا
فرح قلبا حزينِ
واني لروح لك ساعي
يا ابن بنت الرفاعي
بالله امليلي صاعي

ادري انه ماراح تعجبكم بس انا عجباني وحبيت احطها هنا مشاركة مني

[" TWIX "]

ماذا تفعل حينها هل سترد عليها ..أم تبادرها بالنصيحة وتقول لها هذا عيب ..؟؟
ما أرد عليها لأنها بعد السلام جاني تشنج وبلعت لساني
لأني ما تعودت يسلم علي إلا الدحمي وإبريه وحمود ومحقان وتجي ذي وتقولي مساء الخير ياتويكس!!
وين حنا به يا رحّال بطوكيو ؟!!!
ألحين العجز بدن ما يسلمن علينا لأنهن عرفن اللعانة اللي بنا واللف والدوران !!
تبي البنت تتوهق وتبيعها بـ سلام , عساها تسلم بدون سلام !!!
هل تملكون فكر منغلق كفكري لا يقبل تلك الأمور ؟؟ أم ماذا ؟؟
لا .. لا .. مو منغلق إلا متحجر لا مو متحجر مجيم تجيم تبي لك بخاخ صدأ
ولا تقدر الصوت الناعم , خلك على صوت الطرمبة والمكينة وصوت الكنداسة !!

[علشانك بس]

لكن ..

أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!
متى نقلتو لبيروت يارحال .. !!

[اغادير]

لترد السلام

فلربما كانت محتاجه الى خدمه او استفسار

بغض النظر عن نيتها.

هنا اتعجب هل تهتز قوة الرجوله والتحكم بالنفس

لمجرد سلام من امرأه اجنبيه.

[رحّــال]

لاقالت يا احمد ولأن اسمي احمد بالفعل فلابد من اجابتها حتى اعرف وشي من لحية


اذا فيها حارش ومارش فطبعا سيكون لكل حادث حديث

واذا مافيها حارش ولا مارش فهنا ايضا لكل حادث حديث

يعني

كل اناء بمافيه ينضح

اذا الله هاديني رايح اكون مؤدب معها واجيبها على قدر سؤالها

اما وخل تحت اما عشر خطوط

اما اذا انا منطلق ومقطع فرايح استغلها بمساعدة الشيطان طبعا


والله يقدم اللي فيه الخير


هي ما رايح توقف وتسولف معك

مجرد انها مرت من عندك وراحت في طريقها ... بس سلمت

يعني وش تصير في نظرك ؟؟؟

[بنت البدائع]

السلام أحسه مخجل لاجاك من شخص ماتتوقعه
يعني يكون بين إمرأة اربعينيه وشاب عادي زي ماقلت
بين طفله وشاب برضوه عادي
بس بين الشباب :( للأسف أعتبره من العيب إذا جاء بدون غرض .,

<<< مره كنت طالعه مع أخوي الصغنطوطي للتموينات اللي حول بيتنا مريت من جنب بيت جيراننا كان أبوهم واقف عند الباب وألقيت السلام عليه :) فيها عيب هذي
أبوهم شايب حول ال70 وصديق حميم للوالد وأعده أبو لي ., من شان كذا مقتنعه بسلامي له .,

[رحّــال]

السلام عليكم ورحمة الله وبركاته

رحّال ,, الحين هذا الموضوع عن مايستفاد من قصتك السابقة ؟

أنت سالفتك سالفة مع السلام ! :)



اذا كانت تبي تطلب طلب أو مُساعدة بعد السلام ماأشوف فيها مُشكلة ..
أما اذا قالتها كذا من دون حاجة ,,أعتقد انها تدخل من ظمن باب العيب اللي تربينا عليه..
وعليكم السلام


سالفتي مع السلام لأنه أغلب الناس تعرف نفسيته من طريقة سلامه ...

أعتقد انها تدخل من ظمن باب العيب اللي تربينا عليه
هذا عيب خالصين منه

لكن أنا وش اسوي أرد والا ما أرد ؟؟

لأنه إذا رديت مشكلة وإذا ما رديت هم مشكلة ..

[رحّــال]

وينها ذي يارحال ؟

ماعمره مرت بنت بجنبي وسلمت

وش حيثك انت ؟

عاد انا ولاني مؤدب اباخذ الناس بعين طبعي وارد السلام واصفر وارمش بعيوني وارد السلام واقول : هلا وغلا ياريم الفلاء

بصراحة لأني ماني راعي الأمور هذي يصير لي مواقف معهن ,,

وانت عارف الدنيا

الشي إذا صرت ما تبيه جاك برجليه وإذا صرت تبيه ما حصلته ,,,

[رحّــال]

مســـــــــــاء الورد ياعيون أحمد:a5:

وش فيها يارحال لماتقولك غندوره (مساء الخير) هاه وش فيها ؟؟
ليش أنت متحجر ومنغلق ؟؟ مافيها شيء ياأخي المفروض إنك لزمت عليها بشرب كوب (موكا) .
والله ونجحوا هالليبراليين عيال الكلب بتكسير القيود وتمييع المجتمع .
والله من شيء تبون تشوفونه فقط (الأيام بيننا).

أشعر اننا نمر بمرحلة إنتقال

فلا بد أن نهيء أنفسنا للمرحلة المقبلة ,,,

كل الشكر ,

[جبل السكر]

طيب رحال فين المشكله!؟
إنتو تجيبو مشكله من لاشيء !!


هي ما رايح توقف وتسولف معك

مجرد انها مرت من عندك وراحت في طريقها ... بس سلمت

يعني وش تصير في نظرك ؟؟؟




رد السلام واتيسر :)




تحيتي

[سيف وفيصل]

امر طبيعي ولكن المشكلة تكمن في العقلية

[امرؤ القيس]

يعني وش تصير في نظرك ؟؟؟

السلام لله وهو سنة ورده واجب

[رايق]

عااااااااااااااادي أخوي رحال أرد السلام وبقلب قوي بعد وأشوف وش بعد هالسلام :c4:




وانت عارف الدنيا

الشي إذا صرت ما تبيه جاك برجليه وإذا صرت تبيه ما حصلته ,,,


في هاذي صدقت :e5:


شكرا لك

[رحّــال]

طيب لو العكس الشاب اللي يمر ويسلم

نرد ولا لا؟؟؟

والله عاد إنتي وأخلاقك

[رحّــال]

رد عليها وقول
راعي المدد يا احمد
حين الطلب لبيني
يا سيد عقلي حارا
ادركنا بالاشارا
واكشف لنا الستارا
فرح قلبا حزينِ
واني لروح لك ساعي
يا ابن بنت الرفاعي
بالله امليلي صاعي

ادري انه ماراح تعجبكم بس انا عجباني وحبيت احطها هنا مشاركة مني

لبينا الندا وانكشف ذا الستارا

والهم جاء لقلب كان بحر من السعادة ,,


اشكرك على مشاركتك

[رحّــال]

ما أرد عليها لأنها بعد السلام جاني تشنج وبلعت لساني
لأني ما تعودت يسلم علي إلا الدحمي وإبريه وحمود ومحقان وتجي ذي وتقولي مساء الخير ياتويكس!!
وين حنا به يا رحّال بطوكيو ؟!!!
ألحين العجز بدن ما يسلمن علينا لأنهن عرفن اللعانة اللي بنا واللف والدوران !!
تبي البنت تتوهق وتبيعها بـ سلام , عساها تسلم بدون سلام !!!

لا .. لا .. مو منغلق إلا متحجر لا مو متحجر مجيم تجيم تبي لك بخاخ صدأ
ولا تقدر الصوت الناعم , خلك على صوت الطرمبة والمكينة وصوت الكنداسة !!

ياخي هؤلاء أناس متعطشه

وبالنسبة لتقدير الأصوات الناعمة

بصراحة احنا ماذبحنا الا الاصوات <<< انا ماتكلم عن نفسي لكن الشباب شف فواتير جوالاتهم ..

[رحّــال]

متى نقلتو لبيروت يارحال .. !!

علشانك

ليش انا قلت انها مطلعه عصاقيلها ونص صدرها وماره من عندي

علشان تقولي متى نقلتوا لبيروت ...


بعدين باين انك على نياتك لكن روحي اشتغلي في الاسواق و محلات الحريم والا المستوصفات والمستشفيات تشوفي كيف الصياعه ,,,

[رحّــال]

لترد السلام

فلربما كانت محتاجه الى خدمه او استفسار

بغض النظر عن نيتها.

هنا اتعجب هل تهتز قوة الرجوله والتحكم بالنفس

لمجرد سلام من امرأه اجنبيه.

لذلك أنا دايم اردد وأقول

يابو فهد ما هقيت ان المراجل تضيع بايدين الحريم ...

[رحّــال]

السلام أحسه مخجل لاجاك من شخص ماتتوقعه

يعني يكون بين إمرأة اربعينيه وشاب عادي زي ماقلت
بين طفله وشاب برضوه عادي
بس بين الشباب :( للأسف أعتبره من العيب إذا جاء بدون غرض .,

<<< مره كنت طالعه مع أخوي الصغنطوطي للتموينات اللي حول بيتنا مريت من جنب بيت جيراننا كان أبوهم واقف عند الباب وألقيت السلام عليه :) فيها عيب هذي

أبوهم شايب حول ال70 وصديق حميم للوالد وأعده أبو لي ., من شان كذا مقتنعه بسلامي له .,


أقول والله يانتي جزومه


واحمدي ربك اني ماني اخوك

[الظـــامي]

هل تملكون فكر منغلق كفكري لا يقبل تلك الأمور ؟؟ أم ماذا ؟؟


هل افهم أنك لم تقبل كل تلك المواقف ؟
أم أنك تعني موقفاً واحداً فقط .. ؟
أفدنا حتى نجيبك ..

[eivl girl]

اخوي رحال انا مادري اذا تقصد فعلاً بالشارع الاخت تمسي
فهي بنظري وقحه وقليلة ادب اذا اصغر او بعمرك
لكن ام الجيران او مرت ولدهم وبنتهم الكبيره فهي اخت لك..
اما اذا تقصد بالمنتديات وجتني رسايل خاصه معنونه بمساء الخير
فهذا على حسب كلامها بالرساله ربما تكون بمنتهى الادب
وتطلب شي من المنتدى وباين انها مو بعيده فهي حاشى وكلا نظلمها
انا منهن واعرف نواياهن
.
.
.
وبس===> دم متميز

[علشانك بس]

علشانك

ليش انا قلت انها مطلعه عصاقيلها ونص صدرها وماره من عندي

علشان تقولي متى نقلتوا لبيروت ...


بعدين باين انك على نياتك لكن روحي اشتغلي في الاسواق و محلات الحريم والا المستوصفات والمستشفيات تشوفي كيف الصياعه ,,,
مايلزم تصير مطلعه عصاقيلها ونص صدرها عشان نقول انك في بيروت ,,,
انت لو قايللي ان اللي حصل في المستشفى ولا بأحد الاسواق كان اهون شوي ,, لأن اللي يروح هناك يشوف العجب العجاب من البنات ياربي لك الحمد ,,
حسيت وانت تقولي انها مرت من عند بيتكم انك في بيروت ومتكي على شجرة الزيتون اللي عند بيتكم .. وهي مرت معها وردة حمراء ومست عليك بالخير ,,
يعني شلون بتمر لحالها تمسي عليك .. !! يعني لو طالعه بتروح لشي بيكون معها اخوها ولا ابوها .. ولو هي جايه من شي كذلك بيصيرون معها ,,
او طالعه من بيتها تبي تمسي عليك بس .. !!
عموما كانت عيوني طايره لما قلت لنا الموقف ,, والحين ركدت شوي يوم شفت رد بنت البدايع ..
والله لو يشوفني ابوي طالعه للتموينات ان يقص رقبتي ويعلقها على باب بيتنا ,, مع اني اشوفها عاديه جدا بس الرجال اطبعاهم تختلف ,, بنت البدايع .. الله يخلي لك ابوك قولي امين .. الصراحه جازلي الله يطول بعمره ,,
رحال .. الموقف وحصل .. ودي اعرف وش كان جوابك عليها بالضبط .. !!

[رحّــال]

طيب رحال فين المشكله!؟

إنتو تجيبو مشكله من لاشيء !!


رد السلام واتيسر :)


تحيتي



هنا المشكلة أن البعض يراها أمر طبيعي مثلك إنتي

والآخر مثلي أنها يراها جريمة كبيرة ....

[رحّــال]

امر طبيعي ولكن المشكلة تكمن في العقلية


يعني أفهم أنه لازم أغير تلك العقلية الرافضه ...

[رحّــال]

السلام لله وهو سنة ورده واجب


وقال صلى الله عليه وسلم ( أفشوا السلام بينكم )


لكن أنت ترضى أحد يسلم على أهلك سلام لله ؟؟؟

[رحّــال]

عااااااااااااااادي أخوي رحال أرد السلام وبقلب قوي بعد وأشوف وش بعد هالسلام :c4:


في هاذي صدقت :e5:

شكرا لك



المشكلة من وين لنا هالقلب القوي ...

[رحّــال]

هل افهم أنك لم تقبل كل تلك المواقف ؟
أم أنك تعني موقفاً واحداً فقط .. ؟
أفدنا حتى نجيبك ..


أقصد أن تمر بك فتاة شابة وتسلم عليك وتحييك

[جبل السكر]

رحال حضرتكـ تقول مرت بس يعني الادميه مابنيتها شيء!!
وهادا ردكـ على علشانكـ بس

ليش انا قلت انها مطلعه عصاقيلها ونص صدرها وماره من عندي


كفرت يعني لمن سلمت !!!!

علشـــــــــــــــــــــــــانكـ بس


والله لو يشوفني ابوي طالعه للتموينات ان يقص رقبتي ويعلقها على باب بيتنا


وليه ان شاءالله جريمه بنظرهم لو تروحي !!؟؟
يوم بعد يوم اكتشف اشياء غريبه عجيبه هنا!!

[فور يو]

لكن ..

أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

ماذا تفعل حينها هل سترد عليها ..

_______________

نعم ارد السلام ...

و اظن فيها حسن النيه ...

متى يفهم البعض ان الزمن تغير ...؟

[رحّــال]

اخوي رحال انا مادري اذا تقصد فعلاً بالشارع الاخت تمسي
فهي بنظري وقحه وقليلة ادب اذا اصغر او بعمرك
لكن ام الجيران او مرت ولدهم وبنتهم الكبيره فهي اخت لك..
اما اذا تقصد بالمنتديات وجتني رسايل خاصه معنونه بمساء الخير
فهذا على حسب كلامها بالرساله ربما تكون بمنتهى الادب
وتطلب شي من المنتدى وباين انها مو بعيده فهي حاشى وكلا نظلمها
انا منهن واعرف نواياهن

وبس===> دم متميز

زين حصلت من يشاركني بنفس التفكير والرأي


كل الشكر لك ,,

[رحّــال]

مايلزم تصير مطلعه عصاقيلها ونص صدرها عشان نقول انك في بيروت ,,,
انت لو قايللي ان اللي حصل في المستشفى ولا بأحد الاسواق كان اهون شوي ,, لأن اللي يروح هناك يشوف العجب العجاب من البنات ياربي لك الحمد ,,
حسيت وانت تقولي انها مرت من عند بيتكم انك في بيروت ومتكي على شجرة الزيتون اللي عند بيتكم .. وهي مرت معها وردة حمراء ومست عليك بالخير ,,
يعني شلون بتمر لحالها تمسي عليك .. !! يعني لو طالعه بتروح لشي بيكون معها اخوها ولا ابوها .. ولو هي جايه من شي كذلك بيصيرون معها ,,
او طالعه من بيتها تبي تمسي عليك بس .. !!
عموما كانت عيوني طايره لما قلت لنا الموقف ,, والحين ركدت شوي يوم شفت رد بنت البدايع ..
والله لو يشوفني ابوي طالعه للتموينات ان يقص رقبتي ويعلقها على باب بيتنا ,, مع اني اشوفها عاديه جدا بس الرجال اطبعاهم تختلف ,, بنت البدايع .. الله يخلي لك ابوك قولي امين .. الصراحه جازلي الله يطول بعمره ,,
رحال .. الموقف وحصل .. ودي اعرف وش كان جوابك عليها بالضبط .. !!

علشانك

مادري تتريقين على ابو بنت البدايع أو أنك تسبين أبوك اللي خايف عليك وما يسمح لك تطلعين ,,


على العموم موقفي انا يختلف شوي لأنها ما مرت وعدت وقفت عندي فاضطريت أني ارد عليها ..

[ღوحيدة كالقمرღ]

أخ رحّال

بصراحة المصاريح إذا هي بنت ومرّت كذا وهي ماشية وقالت مساء الخير لك


برأيي احس مالأمّه داعي...!! عاد نيّته مانب داخلتن به بس بقول رأيي

أجل أنا أبمر وأنا ماشية من عند ولد جيراننا وأبقوله مساء الخير سليمان؟


وش راح يقول عنّي؟؟


الحين الشايب وهو شايب وكبير مستحيل أسلّم عليه لاصرت أتغطى...!!

مرّة إحتدّيت (عاد موب لازم أقول القصّة) وجلست عند خال إختي يعني ابو زوجها..مهب الأصلي ابو الأبو لأن الأصلي متوفي الله يرحمه ويغفر له

المهم جلسنا وأنا متغطية قالت إختي سلمي ع خالي..أنا أقبصه إهجدي لو تموتين مانب مسلمة..

تخيّلو أولاه!!

هو سلّم وأنا فشله بس ووش أزيّن مستحيل بسلّم ع رجل غريب


أجل وش تقول خالة إختي

تقول لأمّي وراه البنات مايسلمن ع محمّد؟يعني يقولن السلام عليكم<<محمّد رجل إختي

قلت لأمّي قولي له عيال عمومتهن مايعرفنّهم من عقب هم صغار وش عاد تبينهن يسلمن ع ولدتس

قالت وش دعوى مابه شي


تفكير النّاس يختلف ...


تحيّّة وعذراً ع الهذر مع إنّي مختصرة

[علشانك بس]

علشانك

مادري تتريقين على ابو بنت البدايع أو أنك تسبين أبوك اللي خايف عليك وما يسمح لك تطلعين ,,


على العموم موقفي انا يختلف شوي لأنها ما مرت وعدت وقفت عندي فاضطريت أني ارد عليها ..
جاكم اللي يعقد الشوش بيني وبين بنت البدايع ,,
انت تفهم على كيفك الصراحه ,,
ابوها وابوي لهم الحشمة .. وعسى الله يطول بأعمارهم ويخليهم لنا ,,
انا عجبني لين ابوها واتمنيت ابوي يصير مثله ,, لأن ابوي الله يحفظة شديد بزيادة ,, هذا الحاصل .. مدري وين التريقة اللي انت شفتها بكلامي ,,
بعدين البنت لو هي ماوقفت عندك .. وسلمت وهي ماشية ,, ماراح ترد عليها السلام .. !!!
ايه هين ,, اجل انا مااعرف شبابنا اللي ماعمرهم شافو خير ,, والدليل انك منهبل وطايح قلبك من اللي حصل ,, وجاي تكتب الموضوع وانت للحين عيونك طايره ,,
طيب يافتّـان القلوب يوم رديت عليها وش حصل .. !!
او ماوقفت .. جت لأجل تمسي عليك وتروح .. !!

[امرؤ القيس]

لأن ابوي الله يحفظة شديد بزيادة

أجل لكم السكر حق زيادة احسن خخخ

[فتاة المستقبل]

طيب يافتّـان القلوب يوم رديت عليها وش حصل ..

ههههههههههه والله يانتي نشبه بالحلق إلا تبين تدرين بكل شئ .. إن جاوب عليك وش تتسألينه بعده ..

رحال..

وشي ذي والله يا هي قوووويه ... ودي لو تعطين شوي من جراءته

[علشانك بس]

وليه ان شاءالله جريمه بنظرهم لو تروحي !!؟؟
يوم بعد يوم اكتشف اشياء غريبه عجيبه هنا!!
بالمجتمع البريداوي كووول حاقة قايزة ياورد ,, احمدي ربك مليون مرة انك حجازية ,,
ههههههههههه والله يانتي نشبه بالحلق إلا تبين تدرين بكل شئ .. إن جاوب عليك وش تتسألينه بعده ..
أدري بشبابنا مشافيح ,, بشوف وش حصل بعد السلام خخخ ,,

[جبل السكر]

بالمجتمع البريداوي كووول حاقة قايزة ياورد ,, احمدي ربك مليون مرة انك حجازية ,,


اللهم لكـ الحمد والشكر
اعانكن الله :)

[ضحاوي]

رحال عادى يمكن هى تعدك حسبة اخوانهااااااااا

[رحّــال]

رحال حضرتكـ تقول مرت بس يعني الادميه مابنيتها شيء!!

وهادا ردكـ على علشانكـ بس



كفرت يعني لمن سلمت !!!!




أختي ورد

بصراحه ماقدر اقولك شي

لأنكم تختلفون عنا في كل شي

[رحّــال]

نعم ارد السلام ...

و اظن فيها حسن النيه ...

متى يفهم البعض ان الزمن تغير ...؟

الزمن تغير والا قصدك البنات تغيرت ..

[رحّــال]

وحيدة كالقمر


تحيّّة وعذراً ع الهذر مع إنّي مختصرة


حلوه هذرتك صراحة خاصة ... أقبصه



والمعذرة لأني لطشت توقيعك بدون إذن ,,,

كل الشكر ,,

[ღوحيدة كالقمرღ]

حلوه هذرتك صراحة خاصة ... أقبصه



والمعذرة لأني لطشت توقيعك بدون إذن ,,,

كل الشكر ,,

حلالك بس أي توقيع اللي لطشت ووشلون حفظته؟لأنّه مو راضي أبد ينحفظ عندي؟


<<مستغربة ماعلّقت ع الرد

[رحّــال]

جاكم اللي يعقد الشوش بيني وبين بنت البدايع ,,
انت تفهم على كيفك الصراحه ,,
ابوها وابوي لهم الحشمة .. وعسى الله يطول بأعمارهم ويخليهم لنا ,,
انا عجبني لين ابوها واتمنيت ابوي يصير مثله ,, لأن ابوي الله يحفظة شديد بزيادة ,, هذا الحاصل .. مدري وين التريقة اللي انت شفتها بكلامي ,,
بعدين البنت لو هي ماوقفت عندك .. وسلمت وهي ماشية ,, ماراح ترد عليها السلام .. !!!
ايه هين ,, اجل انا مااعرف شبابنا اللي ماعمرهم شافو خير ,, والدليل انك منهبل وطايح قلبك من اللي حصل ,, وجاي تكتب الموضوع وانت للحين عيونك طايره ,,
طيب يافتّـان القلوب يوم رديت عليها وش حصل .. !!
او ماوقفت .. جت لأجل تمسي عليك وتروح .. !!

شكلك خفتي من بنت البدايع لا تخافي منها تراها ما تدق ,,

كان القصد أني أذكرك بأنه مايصح تتذمرين أو تتضايقين من بعض تصرفات ابوك لأنها ناتجه عن حب وخوف لك ,,


بعدين يا اختي ترى الشباب يختلفون فيهم وفيهم

وبالعكس الشباب أهم اللي شايفين الخير لأنهم يروحون شمال وشرق ويشوفون الخير بعكس البنات اللي مايصدقن خبر ... اكيد فهمتي اللي اقصده ..


وما ابغى اذكر اللي سوت واللي قالت البنت علشان ما تكون قياس

بس الواضح أن العالم كله عادي عندهم بس أنا اللي مستغرب ومستنكر ,,,

[رحّــال]

حلالك بس أي توقيع اللي لطشت ووشلون حفظته؟لأنّه مو راضي أبد ينحفظ عندي؟


<<مستغربة ماعلّقت ع الرد

هذي سر المهنة ... وتراي لطشته علشان البزر اللي عندي بنت اختي ابلشتني ,,


وبالنسبة ماذكرتيه أمر طبيعي خاصة إذا كنتي ما تزوجتي لسه ..

وما تصدقي لو قلت لك أن خالاتي وعماتي من يوم عرفتهم ماقد صافحتهم باليد بس اسلم عليهم من بعيد شلونكم شخباركم شعلومكم ,,,

[ღوحيدة كالقمرღ]

هذي سر المهنة ... وتراي لطشته علشان البزر اللي عندي بنت اختي ابلشتني ,,


وبالنسبة ماذكرتيه أمر طبيعي خاصة إذا كنتي ما تزوجتي لسه ..

وما تصدقي لو قلت لك أن خالاتي وعماتي من يوم عرفتهم ماقد صافحتهم باليد بس اسلم عليهم من بعيد شلونكم شخباركم شعلومكم ,,,

الله يحفظ الصغيرونه لأهلها

لا بجد وشلون لطشته ترى وربي انا بحفظه وعيّا كلّش..صدز وشلون

هو طبيعي بس إستنكار حمولة إختي آثار إستفاهامتي/.بس اعلّمك هم خليطي عادي وهم متغطّين عشان كذا متعودين ولا يشكل عليهم

الله يحفظ الجميع

[ضحاوي]

أجل لكم السكر حق زيادة احسن خخخ


الله يصلحك والله مت ضحك رح ياشيخ ربي يسعدك دنيا وآخره كان خلقي ضايق ووسعته ههههههههههه

[جبل السكر]

أختي ورد

بصراحه ماقدر اقولك شي

لأنكم تختلفون عنا في كل شي

لا اختلاف ولا يحزنون سمعت يلي يدخل عندكم بحمار اعزكم الله
يخرج بحصان :)



تحيتي

[علشانك بس]

أجل لكم السكر حق زيادة احسن خخخ
ايه لنا ,, ودي تسوي لنا دعاية عن سكرنا بمخيمك ,, والمكسب ففتي ففتي ,,
شكلك خفتي من بنت البدايع لا تخافي منها تراها ما تدق ,,

كان القصد أني أذكرك بأنه مايصح تتذمرين أو تتضايقين من بعض تصرفات ابوك لأنها ناتجه عن حب وخوف لك ,,
ايه الصراحه مت من الخوف وعجززت اكتب الرد ,,
مابي اطولها وهي قصيرة .. بس بقولك شي ,,
ترى مو أي تصرف يتصرفونه الآباء ولا يآمرون فيه يكون صحيح ويجب علينا اتباعه مهما كان ناتج عن خوف وحب ,,
بعدين ترى يصلح تذكرني ( مثل ماتقول ) بس بدون ماتجيب طاري بنت البدايع ,, كأنك تقولها تعالي شوفي اللي يغلط على ابوك :) ,, مع اني ماذكرتهم الا بالخير ,,
بعدين يا اختي ترى الشباب يختلفون فيهم وفيهم

وبالعكس الشباب أهم اللي شايفين الخير لأنهم يروحون شمال وشرق ويشوفون الخير بعكس البنات اللي مايصدقن خبر ... اكيد فهمتي اللي اقصده ..
لو الشباب شايفين خير مثل ماتقول كان ماسافرو شمال وشرق عشان يحصلون اللي يبونه ,,
لكن البنت لو بغت شي مايحتاج تسافر شرق وغرب ,, تجيب اللي تبيه بالساعه اللي تبيها :) ,, يعني الخير لو بغته بتلاقيه تحت رجولها ,,
بعدين الموقف اللي حصل معاك خير شاهد على كلامي ,, لو انت شايف خير كان ماانهبلت واستغربت من اللي جت تسلم عليك ... !!!!! <- تعجبات الين ابليس وابازنة <- الله يذكرتس بالخير ياام خليل هي اللي تعجباتة مايخلصن ابد ,,
فوووتك بعافية يافتـّــان القلوب :) ,,

[خربشآت نآعمه]

والله ياناسٍٍ فيهم من البنت طيرهـ


ووش نوحكم..

البنت المستحيه مابتسلم..

واللي فيها حارش مارش على مآقآل أبو عدي..
رد عليها وتمسهل ووش رادك يعني..؟!

الحين على بالي فيه شي خطير .. عآدي ترى السلام لله..

والأجر على الله..

والخبال عين العقل<<

[رحّــال]

والله ياناسٍٍ فيهم من البنت طيرهـ


ووش نوحكم..

البنت المستحيه مابتسلم..

واللي فيها حارش مارش على مآقآل أبو عدي..
رد عليها وتمسهل ووش رادك يعني..؟!

الحين على بالي فيه شي خطير .. عآدي ترى السلام لله..

والأجر على الله..

والخبال عين العقل<<


ياجماعة أنتم متأكدين أن اللحم اللي تآكلونه لحم غنم ودجاج


اشوف الدعوه عادي عندكم ..؟؟؟

[ملكة الجوارح]

أعمل خيراً تلقى شراً

آلحين عيب أنها تسلم

طيب أجاوبك أنا رد آلسلآم وآجب

.

[رحّــال]

ايه الصراحه مت من الخوف وعجززت اكتب الرد ,,
مابي اطولها وهي قصيرة .. بس بقولك شي ,,
ترى مو أي تصرف يتصرفونه الآباء ولا يآمرون فيه يكون صحيح ويجب علينا اتباعه مهما كان ناتج عن خوف وحب ,,
بعدين ترى يصلح تذكرني ( مثل ماتقول ) بس بدون ماتجيب طاري بنت البدايع ,, كأنك تقولها تعالي شوفي اللي يغلط على ابوك :) ,, مع اني ماذكرتهم الا بالخير ,,

لو الشباب شايفين خير مثل ماتقول كان ماسافرو شمال وشرق عشان يحصلون اللي يبونه ,,
لكن البنت لو بغت شي مايحتاج تسافر شرق وغرب ,, تجيب اللي تبيه بالساعه اللي تبيها :) ,, يعني الخير لو بغته بتلاقيه تحت رجولها ,,
بعدين الموقف اللي حصل معاك خير شاهد على كلامي ,, لو انت شايف خير كان ماانهبلت واستغربت من اللي جت تسلم عليك ... !!!!! <- تعجبات الين ابليس وابازنة <- الله يذكرتس بالخير ياام خليل هي اللي تعجباتة مايخلصن ابد ,,
فوووتك بعافية يافتـّــان القلوب :) ,,

رجعتي من أول وجديد تتذمرين من تصرفات أبوك ..


وثانياً الشباب حتى لو سافروا المهم حصلوا اللي يبونه

بعكس البنات ... لذلك بعض البنات لما تتعرفلها على واحد تجي كلها على الطاير وهذا دليل أنهن ماشافن خير ,,

وبالنسبة لموضوعي
صراحة مو علشان البنت اللي ذكرتها
لكن أنا توني ناقل لوظيفه جديدة فيها بنات وقراشيع والمشكلة إني مادري هو لازم أسلم عليهن كل صبح بحكم أنهن زميلاتي في العمل أو أنه عيب عند الناس .... وكتبت الشي علشان أعرف وجهات النظر ..

لكن من بكره إنشالله مو بس سلام ...

[رحّــال]

.............

مكرر

[علشانك بس]

لكن من بكره إنشالله مو بس سلام ...
هههه الله يقويك ,, كذا تعجبني يافتان القلوب ,,

[رحّــال]

أعمل خيراً تلقى شراً

آلحين عيب أنها تسلم

طيب أجاوبك أنا رد آلسلآم وآجب

.

وين الخير بسلامها ؟؟؟


حتى يكون الرد واجب

[رحّــال]

لا اختلاف ولا يحزنون سمعت يلي يدخل عندكم بحمار اعزكم الله
يخرج بحصان :)



تحيتي



!!!!!!؟؟؟؟

[رحّــال]

الله يحفظ الصغيرونه لأهلها

لا بجد وشلون لطشته ترى وربي انا بحفظه وعيّا كلّش..صدز وشلون

هو طبيعي بس إستنكار حمولة إختي آثار إستفاهامتي/.بس اعلّمك هم خليطي عادي وهم متغطّين عشان كذا متعودين ولا يشكل عليهم

الله يحفظ الجميع

وحيدة

ارسلتلك طريقة حفظ التوقيع

[رحّــال]

رحال عادى يمكن هى تعدك حسبة اخوانهااااااااا

ويصير أسلم على اي وحده

واقول اعدها هي بحسبة أختي

[ملكة الجوارح]

وين الخير بسلامها ؟؟؟


حتى يكون الرد واجب


آلخير أنها سلمت .. لكن أنت حآط برآسك شيء ومآتبي تغيره

أصلاً من عقب مآعرفت أنك مآ تصآفح خآلآتك وعمآتك وأنا غآسله أيدي :)

.

[مخرج تلفزيوني]

مساء النور .

[أمــ الحب ــير]

مرحبآ آخوي ,,

:confused:

تقول وحده مرت من عندك و سلمت ؟؟!! طيب وبعدين شصآر ,؟؟

آنا آقولك آللي حصل لك :)

آللي حصل تفكيرك يآخذ لفه ويرد ,,وحده غريبه سلمت ؟! شتبغى .؟! يمكن تبغى ترقم ؟! لآلآلآ يمكن تبغى تتعرف ؟! طيب ليش مآتكون معجبه ؟!

صرآحه موضوعك تحفه ويستحق آلتميز عن جدآرة لآنك آكتشفت مشكلة في آلمجتمع آلآ وهي ..

تميلح آلبنآت للملوحين آللي موقفين عند آبوآب بيوتهم ,,

وموضوع وردود 5 صفحآت وآخرتهآ كذآ :(

عآلم متخلفه مليآنه عقد ومشآكل دآخليه يآرب تعآفيهم من آلعقد ولا تبلآنآ

آورفوآر يآمملوح

[رحّــال]

مرحبآ آخوي ,,

:confused:

تقول وحده مرت من عندك و سلمت ؟؟!! طيب وبعدين شصآر ,؟؟

آنا آقولك آللي حصل لك :)

آللي حصل تفكيرك يآخذ لفه ويرد ,,وحده غريبه سلمت ؟! شتبغى .؟! يمكن تبغى ترقم ؟! لآلآلآ يمكن تبغى تتعرف ؟! طيب ليش مآتكون معجبه ؟!

صرآحه موضوعك تحفه ويستحق آلتميز عن جدآرة لآنك آكتشفت مشكلة في آلمجتمع آلآ وهي ..

تميلح آلبنآت للملوحين آللي موقفين عند آبوآب بيوتهم ,,

وموضوع وردود 5 صفحآت وآخرتهآ كذآ :(

عآلم متخلفه مليآنه عقد ومشآكل دآخليه يآرب تعآفيهم من آلعقد ولا تبلآنآ

آورفوآر يآمملوح

عسى ما تكلفت ياشاطر


شف الله يصلحك الموضوع مكتوب بالعربي

في حال سلام البنت ايش موقفك ؟؟

عندك إجابة على الشي إفدنا ماعندك لا تتفلسف الله يصلحك


وبصراحة
أنا الحين بأطالب بالتميز لأنك ياروح امك رديت على الموضوع ..




يآمملوح

أعتقد الكلمة هذي تقال للي رازين صور مثلك
يا مملوح

[رحّــال]

مساء النور .

مساء الخير

[رحّــال]

آلخير أنها سلمت .. لكن أنت حآط برآسك شيء ومآتبي تغيره

أصلاً من عقب مآعرفت أنك مآ تصآفح خآلآتك وعمآتك وأنا غآسله أيدي :)

.

عادي تصير باحسن العوائل

بعدين أنا ذكرت الشي سابقاً فكري منغلق مو مثلكم ’’’

[جبل السكر]

!!!!!!؟؟؟؟

رحال مافهمت !!
اقولكـ كل ماقي الأمر بأن القصيم اصبحت حالها متل حال الحجاز
بشهادة اهلها وربما تفوقتو في ذلكـ
يعني لاتتحججو وتقولو فرق واختلاف بيناتنا :)
يعني الحال من بعضو

[رحّــال]

رحال مافهمت !!
اقولكـ كل ماقي الأمر بأن القصيم اصبحت حالها متل حال الحجاز
بشهادة اهلها وربما تفوقتو في ذلكـ
يعني لاتتحججو وتقولو فرق واختلاف بيناتنا :)
يعني الحال من بعضو



أهلا أختي ورد

اللي أعرفة أنه أغلب أهل الحجاز خاصة جده

عندهم عادي كشف الوجه خاصة بين أفراد العائلة يعني بين البنت وعيال عمها وخالها وكذا وشفت بعيني كثير

وعندنا هنا لا

وهذا اساس الفرق بيننا وبينكم ,,

بمعنى أن البنت إذا كشفت وجهها لولد عمها فعادي أنها تسلم عليه