دخولك مسجل بإسم : شخصية مهمة

[ابو ظروس]

2009/12/18

تم إفتتاح الشقة حقتي :a5:

[ابو ظروس]

أرحب بكل الأعضاء والزوار ..

[ابو ظروس]

http://img152.imageshack.us/img152/7013/97697689nx5.jpg

شارع شقتي

[ابو ظروس]

آلــسـ [ عليكم ورحمه الله وبركآته ] ــلآم .. http://www.albrwaz.com/vb/images/smilies/heart.gif

مسآئكم .. http://www.albrwaz.com/vb/images/smilies/heart.gif
....... صبآحكم ..http://www.albrwaz.com/vb/images/smilies/heart.gif
................. روقآن .. http://www.albrwaz.com/vb/images/smilies/heart.gif

:


البارحة جآني مـن الحـب مرسـال

من عقب ما بينـي وبينـه خصيمـة


و أنا ترى في الحـب مانيـب فعّـال

ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

ولا بعد ذقـت الفـراق وجحيمـه



ولا جرى دمعي على الخـد همّـال

ولابعـد جربـت مــرّ الهزيـمـة



حتى وردنـي تالـي الليـل جـوال

و أنا على شاهي وبسكـوت ديمـة



الرقم بايخ لكـن الصـوت قتـال

كأنه مثل صـوت المذيعـة حليمـة



قالت مساء الخير يـا طيّـب الفـال

قلـت أرحبـي ترحيبـةٍ مستديمـة



بالعود والصفـري ودلـة وفنجـال

واجبك يا بنت الأصـول الكريمـة



ردت بضحكة ثم قالت وش الحـال؟

قلت أشهد إن الحال عقبك سقيمـة



قالت وهي تضحك بعد مثل الأطفال

و أنـا بعـد كأنـي بدونـك يتيمـة



من يـوم قالتهـا تزلزلـت زلـزال

من فجعتي كأنـي مسـوي جريمـة



قلت أرفعي صوتك ترى مابه أرسال

كـذاب لكـنّ المصيبـة عظيمـة



قالت أقول أسمع ترى هرجنـا طـال

ممكـن تصاحبنـي ترانـي وسيمـة



و أسمي الحقيقي أول حروفـه الـدال

لكـن يسمّونـي البنـات الزعيمـة



صحيح أحب الفخفخة و أعشق المال

لكـن ترانـي طاهـرة مستقيـمـة



ما عندي مغازل ولا (لعب يهّــال)

ما عندي إلا في الشرف والحشيمـة



بس الصراحة قلبي لشوفتـك مـال

و أصبحت وحدك جالسٍ في صميمه



فكّر بعقلك و أترك القيـل والقـال

و أحذر تطيع أهل العقـول العقيمـة



و أرسل علي الحين خمسميـة ريـال

أشحن بهـا جـوال أختـي غنيمـة



أو طقم غالي فيه خاتـم وسلسـال

أروح به فـي عـرس ولاّ عزيمـة



قلت الحقيقة مانيب رجـل أعمـال

و لانـي بتاجـر و المـوارد عديـمـة



أنا الصراحة شبـه عطّـال بطّـال

وعلاقتـي بالفقـر جـداً حميـمـة



والراتب الله يرحم الحـال مـا زال

محـدود والمصـروف ربـي عليمـه



والدين بـالآلاف والبنـك شغّـال

يأكـل فلوسـي بالربـا والظليمـة



والسوق طايح والغلا ضيّـق البـال

والموت والله صايـر أكبـر غنيمـة



قالت تحمّل بـس والحمـل ينشـال

خلك شديد الباس صلـب العزيمـة



ياخي تصرّف جعلك أتصيـر نشّـال

أهـم شـي إن النوايـا سليـمـة



لابد تفهمني علـى كـل الأحـوال

ما دمت من أهل العقـول الفهيمـة



قلت إيه والله فاهم اللي على البـال

لكن تـرى هـذي علينـا قديمـة



يا بنت هـذا صايـر اليـوم مـوال

للي تبي تلعب علـى أبـن اللئيمـة



يا بنت ما تدرين كـم فيـه محتـال

يلعب على الحبلين و أنتـي غشيمـة



يا بنت كم من جاهلة دمعها سـال

من عقب ما جات العواقب وخيمـة



والبنت لا أقفى عرضها بيد الأنـذال

والله مـا يبقـى لهـا أي قيـمـة



قالت تبي ولاّ فـ خلّك علـى جـال

مهوب ناقصـني نصايـح حكيمـة



عز الله إنك لـ الأسف منـت رجّـال

و أنك قليل الذوق ما فيـك شيمـة



يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة



( تفو ) عليك وصكّت الخط في الحال

مدري ( تفو ) هي مدح ولاّ شتيمـة

:

[ابو ظروس]

الذين يشاهدون محتوى الموضوع الآن : 2 ( الأعضاء 2 والزوار 0)

شخصية مهمة

أووخس يامخفي :)

[ابو ظروس]

الذين يشاهدون محتوى الموضوع الآن : 2 ( الأعضاء 2 والزوار 0)
‏شخصية مهمة , ‏ياسر الحميد


ياهلا وغلا أبو أثير .. أتمنى لك مشاهدة ممتعة ( أوخس ياأم بي سي ) ههه